Қазақстан Республикасы Президентiнiң 2003 жылғы 29 желтоқcандағы N 435 өкiмiне өзгерiстер мен толықтыру енгiзу туралы

Күшін жойған

Қазақстан Республикасы Президентінің 2005 жылғы 8 сәуірдегі N 544 Өкімі. Күші жойылды - Қазақстан Республикасы Президентінің 2013 жылғы 24 маусымдағы № 588 Жарлығымен

      Ескерту. Күші жойылды - ҚР Президентінің 24.06.2013 № 588 Жарлығымен.

"Актілер жинағында"  
жариялануға тиіс   

      1. "Қазақстан Республикасы Ұлттық қауiпсiздiк комитетiнiң Терроризмге қарсы орталығы туралы Қазақстан Республикасы Президентiнiң 2003 жылғы 29 желтоқсандағы N 435  өкiмiне (Қазақстан Республикасының ПҮАЖ-ы, 2003 ж., N 50, 572-құжат) мынадай өзгерiстер мен толықтыру енгiзілсiн:

      1-тармақтағы "және Қазақстан Республикасының Төтенше жағдайлар жөнiндегі агенттiгiмен" деген сөздер ", Қазақстан Республикасы Төтенше жағдайлар министрлігімен, Қазақстан Республикасы Әділет министрлiгiмен, Қазақстан Республикасы Көлiк және коммуникация министрлiгiмен, Қазақстан Республикасы Мәдениет, ақпарат және спорт министрлiгiмен және Қазақстан Республикасы Қаржы министрлiгiнiң Кедендiк бақылау комитетімен" деген сөздермен ауыстырылсын;

      мынадай мазмұндағы 1-1-тармақпен толықтырылсын:
      "1-1. Орталыққа Қазақстан Республикасы мемлекеттiк органдарының қауiпсiздiк жүйелерiн және террористiк қатердi бейтараптандыруға дайындықты күшейту жөнiндегі шаралар кешенiн iске асыруға, оның iшiнде Терроризмге, экстремизмге және сепаратизмге қарсы күрес жөнiндегі мемлекеттiк бағдарламада көзделген бақылауды жүргiзу жөнiндегi өкiлеттiктер берiлсiн.";

      3-тармақтағы "Қазақстан Республикасының Төтенше жағдайлар жөнiндегi агенттiгiне" деген сөздер "Қазақстан Республикасы Төтенше жағдайлар министрлiгiне, Қазақстан Республикасы Әдiлет министрлiгiне, Қазақстан Республикасы Көлiк және коммуникация министрлiгiне, Қазақстан Республикасы Мәдениет, ақпарат және спорт министрлiгiне және Қазақстан Республикасы Қаржы министрлiгiнiң Кедендiк бақылау комитетiнe" деген сөздермен ауыстырылсын.

      2. Қазақстан Республикасы Ұлттық қауiпсiздiк комитетi, Қазақстан Республикасы Президентiнiң Күзет қызметi, Қазақстан Республикасы Iшкi iстер министрлiгi, Қазақстан Республикасы Қорғаныс министрлiгi, Қазақстан Республикасы Төтенше жағдайлар министрлiгi, Қазақстан Республикасы Әдiлет министрлiгi, Қазақстан Республикасы Көлiк және коммуникация министрлiгi, Қазақстан Республикасы Мәдениет, ақпарат және спорт министрлігi, Қазақстан Республикасы Қаржы министрлiгiнiң Кедендiк бақылау комитетi өздерiнiң актiлерiн осы өкiмге сәйкес келтiрсiн.

       Қазақстан Республикасының
      Президентi

Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады