Байланыс формасы

Қазақстан Республикасының Энергетика, индустрия және сауда министрлiгi Стандарттау, метрология және сертификаттау жөнiндегi комитетiнiң мәселелерi

Күшін жойған

Қазақстан Республикасы Үкіметінің қаулысы 2000 жылғы 11 қаңтар N 45. Күші жойылды - Қазақстан Республикасы Үкіметінің 2000.10.18. N 1552 қаулысымен. ~P001552

      Қазақстан Республикасының Yкiметi қаулы етеді:
      1. Қоса берiлiп отырған:
      1) Қазақстан Республикасы Энергетика, индустрия және сауда министрлiгiнiң Стандарттау, метрология және сертификаттау жөнiндегi комитетi туралы ереже;
      2) Қазақстан Республикасының Энергетика, индустрия және сауда министрлiгi Стандарттау, метрология және сертификаттау жөнiндегi комитетiнiң қарауындағы ұйымдардың тiзбесi бекiтiлсiн.
      2. Бекiтiлген штат саны лимитiнiң шегiнде стандарттарды, техникалық шарттарды, метрологиялық ережелердi сақтауды, өлшем құралдарының жай-күйiн және қолданылуын мемлекеттiк қадағалау жөнiндегi:
      1) Ақмола, Ақтөбе, Атырау, Арқалық, Шығыс Қазақстан, Жезқазған, Батыс Қазақстан, Қарағанды, Көкшетау, Қостанай, Маңғыстау, Павлодар, Солтүстiк Қазақстан, Семей аумақтық бөлiмшелерi бiрiктiрiлсiн және олардың мүлкiнiң базасында Қазақстан Республикасының Энергетика, индустрия және сауда министрлiгi Стандарттау, метрология және сертификаттау жөнiндегi комитетiнiң жедел басқару құқығындағы және Астана қаласында орналасқан "Мемлекеттiк қадағалау жөнiндегi Орталық Қазақстан аймақтық қызметi" республикалық мемлекеттiк мекемесi ("Мемлекеттiк қадағалау жөнiндегi Орталық Қазақстан қызметi" республикалық мемлекеттiк мекемесi) құрылсын;
      2) Алматы, Жамбыл, Қызылорда, Талдықорған, Оңтүстiк Қазақстан аумақтық бөлiмшелерi бiрiктiрiлсiн және олардың мүлкінiң базасында жедел басқару құқығындағы және Алматы қаласында орналасқан Қазақстан Республикасының Энергетика, индустрия және сауда министрлiгi Стандарттау, метрология және сертификаттау жөнiндегi комитетінің "Мемлекеттiк қадағалау жөнiндегi Оңтүстiк Қазақстан аймақтық қызметi" республикалық мемлекеттiк мекемесi ("Мемлекеттiк қадағалау жөнiндегi Оңтүстiк Қазақстан қызметi" республикалық мемлекеттiк мекемесi) құрылсын.
      3. Қазақстан Республикасы Энергетика, индустрия және сауда министрлiгiнiң Стандарттау, метрология және сертификаттау жөнiндегi комитетi заңдарда белгіленген тәртiппен жарғыларды бекiтсiн және тiркесiн, осы қаулыдан туындайтын барлық қажеттi шараларды қабылдасын.
      4. "Республикалық мемлекеттiк кәсiпорындардың тiзбесi туралы" Қазақстан Республикасы Үкiметiнiң 1996 жылғы 25 маусымдағы N 790 P960790_ қаулысына (Қазақстан Республикасының ПҮАЖ-ы, 1996 ж, N 29, 256-құжат) мынадай өзгерiстер енгiзiлсiн:
      аталған қаулымен бекiтiлген республикалық мемлекеттiк кәсiпорындардың тiзбесiнде:
      реттiк нөмiрлерi 367, 387, 389-жолдарда:
      "Алматы қаласы" деген сөздер "Астана қаласы" деген сөздермен ауыстырылсын.
      5. Мыналардың күшi жойылды деп танылсын;
      1) "Қазақстан Республикасының Энергетика, индустрия және сауда министрлiгi Стандарттау, метрология және сертификаттау жөнiндегi комитетiнiң мәселелерi" туралы Қазақстан Республикасы Үкiметiнiң 1998 жылғы 3 шiлдедегi N 634 P980634_ қаулысы (Қазақстан Республикасының ПYАЖ-ы, 1998 ж, N 21, 132-құжат);
      2) "Стандарттау, метрология және сертификаттау саласында мамандардың бiлiктiлiгiн арттыру институты" республикалық мемлекеттiк қазыналық кәсiпорнын құру туралы" Қазақстан Республикасы Үкiметiнiң 1999 жылғы 15 мамырдағы N 582 P990582_ қаулысының 5-тармағының 2-тармақшасы (Қазақстан Республикасының ПYАЖ-ы, 1999 ж., N 19. 205-құжат):
      3) "Қазақстан стандарттау, метрология және сертификаттау орталығы"

республикалық мемлекеттiк кәсiпорнын құру туралы" Қазақстан Республикасы 
Үкiметiнiң 1999 жылғы 4 маусымдағы N 743  

P990743_

  қаулысының 5-тармағының 
2-тармақшасы (Қазақстан Республикасының ПҮАЖ-ы, 1999 ж., N 27, 255-құжат).
     6. Осы қаулы қол қойылған күнiнен бастап күшiне енедi.

     
     Қазақстан Республикасының
       Премьер-Министрі
     

                                              Қазақстан Республикасы
                                                   Үкiметiнiң
                                             2000 жылғы 11 қаңтардағы
                                                 N 45 қаулысымен
                                                    бекітілген
 
             Қазақстан Республикасы Энергетика, индустрия және сауда
            министрлігінің Стандарттау, метрология және сертификаттау
                  жөнiндегi комитетi (Мемстандарт) туралы
                                 Ереже
     
                           1. Жалпы ережелер
     


      1. Қазақстан Республикасы Энергетика, индустрия және сауда министрлiгiнiң Стандарттау, метрология және сертификаттау жөнiндегi комитетi (бұдан әрi - Комитет) Қазақстан Республикасының заңдарына сәйкес стандарттау, метрология және сертификаттау саласында арнайы атқарушылық, бақылау және қадағалау функцияларын, сондай-ақ үйлестiруді жүзеге асыратын Қазақстан Республикасының Энергетика, индустрия және сауда министрлiгi құзыретiнiң шегiндегi ведомство болып табылады.
      Комитеттiң стандарттау жөнiндегi нормативтiк құжаттардың мiндетті талаптарын, сертификаттау ережелерiн, сертификатталатын өнiм сапасын, метрологиялық ережелердi сақтауды және өлшем құралдарының жай-күйi мен қолданылуын мемлекеттiк қадағалау, сондай-ақ сертификаттау және сынақ лабораторияларының, орталықтарының қызметiн мемлекеттiк бақылау жөнiндегi аймақтық қызметтерi (бұдан әрi - аумақтық бөлiмшелер) бар.
      2. Комитет өз қызметiн Қазақстан Республикасының Конституциясына, заңдарына, Қазақстан Республикасының Президентi мен Үкiметiнiң актiлерiне, Қазақстан Республикасының Энергетика, индустрия және сауда министрлiгi туралы ережеге, осы Ережеге, сондай-ақ өзге де нормативтiк құқықтық актiлерге сәйкес жүзеге асырады.
      3. Комитет заңды тұлға болып табылады, оның Қазақстан Республикасының Мемлекеттiк елтаңбасы бейнеленген және мемлекеттiк тiлде атауы жазылған мөрi, мемлекеттiк және орыс тiлдерiнде атауы жазылған мөртаңбалары, белгiленген үлгiдегi бланкiлерi, сондай-ақ заңдарға сәйкес банктерде шоттары болады.
      Комитет азаматтық-құқықтық қатынастарға өз атынан кiредi.
      Егер Комитетке заңдарға сәйкес өкiлеттiк берiлген болса, онда ол мемлекет атынан азаматтық-құқықтық қатынастардың тарабы болуға құқығы.
      4. Комитет өз құзыретiндегi мәселелер бойынша заңдарда белгiленген тәртiппен бұйрық түрiнде актiлер шығарады, олардың Қазақстан Республикасының бүкіл аумағында күшi бар.
      5. Комитеттiң ережесi мен штат санының лимитiн Қазақстан Республикасының Yкiметi бекiтедi.
      6. Комитеттiң заңды мекен-жайы: 473000, Астана қаласы, Пушкин көшесi, 166/5.
      7. Комитеттiң толық атауы - "Қазақстан Республикасы Энергетика, индустрия және сауда министрлiгiнiң Стандарттау, метрология және сертификаттау жөнiндегi комитетi" республикалық мемлекеттiк мекемесi.
      8. Комитеттiң құрылтайшысы Қазақстан Республикасының Үкiметi, Комитеттiң құрылтай құжаты - Комитеттi құру туралы Үкiметтiң қаулысы және осы Ереже болып табылады.
      9. Комитеттiң және оның мемлекеттiк қадағалау жөнiндегi аймақтық бөлiмшелерiнiң қызметiн қаржыландыру тек республикалық бюджеттен жүзеге асырылады.
      Комитетке өзiнiң функциясы болып табылатын мiндеттердi орындау тұрғысында кәсiпкерлiк субъектiлерiмен шарттық қатынастар жасауға тыйым салынады.
      Егер Комитетке, заң актiлерiмен кiрiстер әкелетiн қызметтi жүзеге асыру құқығы берiлсе, онда мұндай қызметтен алынған кiрiстер республикалық бюджеттiң кiрiсiне жiберiледi.

           2. Комитеттің негiзгi мiндеттерi, функциялары және құқықтары

      10. Комитеттiң негiзгi мiндеттерi:
      1) стандарттау, метрология және сертификаттау саласында мемлекеттiк саясатты қалыптастыру және iске асыру
      2) стандарттау, метрология және сертификаттау саласында бiрыңғай ғылыми-техникалық саясат жүргізу;
      3) орталық және жергіліктi атқарушы органдардың, шаруашылық жүргiзушi субъектiлердің стандарттау, метрология және сертификаттау саласындағы қызметiн үйлестiру;
      4) ғылым мен техника жетiстіктерiнiң негiзiнде мемлекеттiк стандарттарды халықаралық талаптармен үйлестiру;
      5) өлшем құралдары паркiн жаңарту және эталондық базаны кеңейту;
      6) Қазақстан Республикасының негiзгi мемлекеттiк стандарттарын әзірлеу;
      7) стандарттау, метрология және сертификаттау саласында біліктi кадрлар даярлау болып табылады.
      11. Комитет өзiне жүктелген мiндеттерге сәйкес және заңдарда белгiленген тәртiппен мынадай функцияларды жүзеге асырады:
      1) орталық және жергiлiктi атқарушы органдармен, басқа да заңды, сондай-ақ жеке тұлғалармен халықаралық, мемлекетаралық және мемлекеттік стандарттау және сертификаттау жүйелерінің жұмысын, өлшемдер бiрлiгiн, техникалық-экономикалық және әлеуметтiк ақпаратты жiктеу мен кодтауды, өнiмдi штрихтық кодтау мен каталогтандыруды қамтамасыз ету жөнiндегi жұмысты үйлестiредi;
      2) халықаралық талаптарға сәйкес стандарттау, метрология және сертификаттау саласында бiрыңғай ғылыми-техникалық саясатты жүзеге асырады;
      3) халықаралық тәжiрибенi ескере отырып, стандарттаудың мемлекеттiк жүйесiн, өлшемдер бiрлiгiн және өнімдердi, қызмет көрсетулердi және сапа жүйесiн сертификаттауды жетілдіреді және дамытады;
      4) физикалық шамалар бірліктерінің эталондық базасын жетiлдiредi және қолдайды;
      5) өз құзыретiнiң шегiнде стандарттау, метрология және сертификаттау мәселелерi жөнiндегi құқықтық актілердi әзiрлеудi ұйымдастырады және әзiрлеуге қатысады;
      6) Қазақстан Республикасының негiзгi алынатын мемлекеттiк стандарттарын әзiрлеудi ұйымдастырады, Қазақстан Республикасының мемлекеттiк стандарттарын тиiстi халықаралық, аймақтық және мемлекетаралық стандарттармен үйлестiредi:
      7) өз құзыретiнiң шегiнде Қазақстан Республикасының заңдарына сәйкес заңды және жеке тұлғалардың қызметiн лицензиялайды және берiлген лицензиялардың мемлекеттiк тiзiлімiн жүргiзедi;
      8) стандарттау, метрология, сертификаттау, сапа жүйесi, мемлекеттiк қадағалау және инспекциялық бақылау саласында мамандарды даярлауды және олардың бiлiктiлiгiн арттыруды үйлестiредi және жүзеге асырады; аталған бағыттар бойынша жоғары және арнаулы орта оқу орындарының оқу бағдарламаларын келiседi;
      9) саудадағы техникалық кедергiлердi жою мақсатыңда стандарттау, метрология және сертификаттау саласында халықаралық ғылыми-техникалық ынтымақтастықты жүзеге асырады;
      10) белгіленген тәртiппен өз құзыретiнiң шегiнде стандарттау, метрология және сертификаттау жөнiндегi халықаралық және аймақтық ұйымдарда Қазақстан Республикасының атынан өкiлдiк етедi;
      11) Қазақстан Республикасының мемлекеттiк стандарттарын және стандарттау, метрология және сертификаттау жөнiндегi басқа да нормативтiк актiлерiн жоспарлауды, әзiрлеудi, қайта қарауды ұйымдастырады, сондай-ақ сараптауды, бекiтудi және тiркеудi жүзеге асырады;
      12) Қазақстан Республикасы стандарттарының, мемлекетаралық, аймақтық, халықаралық және басқа елдердiң ұлттық стандарттарының мемлекеттiк қорын қалыптастырады және жүргiзедi.
      13) Қазақстан Республикасының мемлекеттiк стандарттарын, мемлекетаралық стандарттарды, сондай-ақ стандарттау, метрология және сертификаттау жөнiндегi халықаралық ұйымдардың ережелерi мен ұсынымдарын басып шығаруды, қайта басып шығаруды және таратуды жүзеге асырады;
      14) орталық, жергiлiктi атқарушы органдарға, басқа да ұйымдарға өнiмдерге және шығарылатын өлшем құралдарына арналған, тiркелген нормативтiк құжаттар туралы, сондай-ақ стандарттау, метрология және сертификаттау саласындағы нормативтiк актiлер талаптарының өзгерiстерi туралар хабарлайды;
      15) халықаралық және аймақтық ұйымдарға мүше елдерге Қазақстанның пiкiрi бойынша сауда қатынастарында техникалық кедергілер келтiруi мүмкiн әзiрленiп жатқан жобалар мен қолданылып жүрген халықаралық және аймақтық нормативтiк құжаттарға түсiндiрмелер (пiкiрлер) жолдайды;
      16) стандарттау жөнiндегi нормативтiк құжаттардың мiндеттi талаптарының, сертификаттау ережелерiнiң сақталуын, сертификатталған өнiмдердiң сапасын, метрологиялық ережелердi, өлшем құралдарының жай-күйi мен қолданылуын мемлекеттiк қадағалауды, сондай-ақ сертификаттау жөнiндегi органдар мен сынақ лабораторияларының (орталықтарының) қызметiн мемлекеттiк бақылауды жүзеге асырады;
      17) тауарларды (жұмыстарды, қызмет көрсетулердi) және сапа жүйесiн сертификаттау, шыққан елiн анықтау бойынша сертификаттау сертификаттау жөнiндегi органдарды, сынақ лабораторияларын (орталықтарын) аккредиттеу мен тiркеу жөнiндегi жұмыстарды жүргiзедi;
      18) ұйымдарға, оның iшiнде халықаралық, аймақтық және ұлттық ұйымдарға сертификаттау жөнiндегi аккредиттелген органдар, сынақ, тексеру лабораториялары (орталықтары) сертификатталатын өнiмдер, сертификатталған сапа жүйелерi және Комитеттiң құзыретiне кiретiн басқа да мәселелер туралы хабарлайды;
      19) өлшем құралдарының, стандарттық үлгiлердiң, мемлекеттiк тiзiлiмдерiн, қымбат бағалы металдардан жасалатын бұйымдарды дайындаушы - кәсiпорындардың, тiркелген тексеру лабораториялары мен метрологиялық қызметтердiң, тiркелген сынақ лабораториялары (орталықтары) мен сертификаттау жөнiндегi органдардың, сарапшы-аудиторлардың атаулықтарын жүргiзудi жүзеге асырады
      20) Қазақстан Республикасының метрологиялық қызметтерiнiң, заттар мен материалдардың стандарттық үлгiлерi қызметтерiнiң жұмысына басшылықты және үйлестiрудi жүзеге асырады;
      21) Қазақстан Республикасында шығарылатын және импортталатын өлшем құралдарына мемлекеттiк сынақтар, өлшем құралдары мен өлшем жүйелерiне тексеру және метрологиялық аттестаттау жүргiзудi ұйымдастырады;
      22) Қазақстан Республикасында шығарылатын қымбат бағалы металдардан жасалған бұйымдарды байқап көрудi және мемлекеттiк таңбамен таңбалау жөнiндегi жұмыстарды жүргiзудi, қымбат бағалы металдар, асыл тастар және олардан жасалынатын бұйымдар бойынша техникалық сараптаманы ұйымдастырады.
      23) азаматтық және қызметтiк қару-жарақ пен олардың оқтарының мемлекеттiк кадастрын әзiрлеуге қатысады, сондай-ақ оны шығаруды және жүргiзудi ұйымдастырады.
      24) стандарттау, метрология және сертификаттау саласындағы проблемалар жөнiндегi кеңестердi, семинарларды, конференцияларды ұйымдастырады және олардың жұмысына қатысады;
      25) Қазақстан Республикасының заңдарымен өзiне жүктелген басқа да функцияларды жүзеге асырады.
      12. Комитеттiң негiзгi мiндеттердi іске асыру және өзiне жүктелген функцияларды жүзеге асыру үшін заңдарда белгіленген тәртiппен:
      1) өз құзыретiнiң шегiнде тиiстi мемлекеттiк басқару органдары әзiрлейтiн заң және нормативтiк құқықтық актiлердiң жобаларын әзiрлеуге қатысуға;
      2) стандарттаудың, сертификаттаудың және өлшем бiрлiгiнiң халықаралық, мемлекетаралық және мемлекеттiк жүйелерiнiң жұмыс iстеуiн қамтамасыз ету үшiн орталық, жергiлiкті атқарушы органдарға және басқа да ұйымдарға ұйымдастыру-әдiстемелiк басшылықты және олардың қызметiн үйлестiрудi жүзеге асыруға қатысуға;
      3) өз құзыретiнiң шегiнде шет елдердiң тиiстi ведомстволарымен, халықаралық ұйымдармен және шет елдердiң заңды тұлғаларымен стандарттау метрология және сертификаттау мәселелерi жөнiнде халықаралық шарттар жасасуға, келiссөздер жүргiзуге және келiсiмдерге қол қоюға;
      4) өз құзыретiнiң шегiнде орындау үшiн мiндеттi нұсқаулар беруге және шешiмдер қабылдауға, заңдарда белгiленген тәртiппен стандарттау, метрология, сертификаттау және тiркеу жөнiнде нормативтiк құқықтық актiлер шығаруға;
      5) Комитетке жүктелген мiндеттердi орындау үшiн белгiленген тәртіппен меншік нысандарына қарамастан ұйымдарда болуға, сондай-ақ кәсiпкерлiк қызметпен айналысатын тұлғаларды тексерудi жүзеге асыруға;
      6) стандарттардың талаптары мен техникалық шарттардың, метрологиялық ережелер мен сертификаттау жөнiндегi ережелердiң бұзылуы фактiлерi анықталған кезде заңдарда белгiленген шаралар қолдануға;
      7) Қазақстан Республикасының Үкiметi белгiлеген тәртiппен өнiмдер мен тауарларды (жұмыстарды, қызмет көрсетулердi) сатуға және пайдалануға жарамсыз деп танылған жағдайларда жою немесе одан әрi қайта өңдеу жөнiндегi комиссияның жұмысына қатысуға;
      8) белгiленген тәртiппен басқа мемлекеттiк органдардың мамандарын, сондай-ақ шетелдiк және жергiлiктi сарапшылар мен мамандарды стандарттау, метрология және сертификаттау саласындағы бірлескен жұмыстарға тартуға;
      9) өнiмге, сапа, өндiрiс жүйелерiне сертификаттар беруге және өлшем құралдарының түрiн бекiтуге;
      10) тауардың шыққан елiн айқындау жөнiнде сертификаттар беруге;
      11) шетелдiк сертификаттарды, сәйкестiк белгiлерiн танудың ережелерiн белгiлеуге, шетелдiк сынақ орталықтарын, тексеру лабораторияларын және сертификаттау жөнiндегi органдарды Қазақстан Республикасының мемлекеттiк сертификаттау жүйесiнде тiркеуге;
      12) мемлекеттiк органдармен және басқа да заңды тұлғалармен бiрлесiп стандарттарды әзiрлеу жөнiндегi техникалық комитеттер құруға;
      13) өз құзыретiнiң шегiнде жүргiзiлген тексерулердiң нәтижелерi бойынша заңды және жеке тұлғаларға заңдарда белгіленген ықпал ету шараларын қолдану жөнiнде шешiмдер қабылдауға;
      14) республикалық мемлекеттiк кәсiпорындарды мемлекеттiк басқару органы болуға, оларға қатысты мемлекеттiк меншiк құқығы субъектiсiнiң функцияларын жүзеге асыруға және белгiленген тәртiппен олардың жарғыларын бекітуге;
      5) заңдарда көзделген өзге де құқықтарды жүзеге асыруға құқығы бар.

                            3. Комитеттің мүлкi

      13. Комитеттiң жедел басқару құқығында оқшауланған мүлкі болады.
      Комитеттiң мүлкi өзiне мемлекет берген мүлiктiң есебiнен қалыптасады және құны Комитеттiң балансында көрсетiлетiн өзге де мүлiктiң негiзгi қорларынан тұрады.
      14. Комитетке бекiтiп берілген мүлiк республикалық меншiкке жатады.
      15. Комитеттiң өзiне бекiтiлiп берiлген мүлiктi өз бетiнше иелiктен шығаруға немесе өзге де тәсiлмен билiк етуге құқығы жоқ.
      Комитетке заңдарда белгiленген жағдайларда және шектерде мүлiкке билiк ету құқығы берiлуi мүмкiн.

                  4. Комитеттiң қызметiн ұйымдастыру

      16. Комитеттi Қазақстан Республикасы Энергетика, индустрия және сауда министрлiгiнiң ұсынуы бойынша Қазақстан Республикасының Үкiметi қызметке тағайындайтын және қызметтен босататын Төраға басқарады.
      Төраға бiр мезгiлде Қазақстан Республикасының Стандарттарды және өлшем құралдарын қадағалау жөнiндегi бас инспекторы болып табылады.
      Төрағаның орынбасарын Төрағаның ұсынуы бойынша Қазақстан Республикасының Энергетика, индустрия және сауда министрi қызметке тағайындайды және қызметтен босатады. Төрағаның орынбасары лауазымы бойынша Қазақстан Республикасының Стандарттарды және өлшем құралдарын қадағалау жөнiндегi бас инспекторының орынбасары болып табылады.
      17. Төраға Комитеттiң жұмысын ұйымдастырады және оған басшылық жасайды және Комитетке жүктеген мiндеттердiң орындалуы мен оның өз функцияларын жүзеге асыруы үшiн жеке жауаптылықта болады.
      18. Төраға осы мақсатта:
      1) Төрағаның орынбасарының, құрылымдық бөлiмшелердiң, стандарттарды және өлшем құралдарын мемлекеттiк қадағалау жөнiндегi аймақтық қызметтердiң және өзiне ведомстволық бағыныстағы ұйымдардың басшыларының мiндеттерi мен өкiлеттiгiн айқындайды;
      2) заңдарға сәйкес Комитет аппаратының қызметкерлерiн, стандарттарды және өлшем құралдарын мемлекеттiк қадағалау жөнiндегi аймақтық қызметтердiң және өзiне ведомстволық бағыныстағы ұйымдардың басшыларын қызметке тағайындайды және қызметтен босатады;
      3) заңдарда белгiленген тәртiппен Комитеттiң қызметкерлерiн, стандарттарды және өлшем құралдарын мемлекеттiк қадағалау жөнiндегi аймақтық қызметтердiң және ведомстволық бағыныстағы ұйымдардың басшыларын көтермелейдi, сондай-ақ тәртiптiк жаза қолданады;
      4) Комитеттiң бұйрықтарына қол қояды,
      5) Комитеттiң құрылымдық бөлiмшелерi, стандарттарды және өлшем құралдарын мемлекеттiк қадағалау жөнiндегi аймақтық қызметтер туралы ережелердi, өзiне ведомстволық бағыныстағы ұйымдардың Жарғыларын бекiтедi;
      6) мемлекеттiк органдарда және өзге де ұйымдарда Комитеттiң атынан өкiлдiк етедi;
      7) Комитеттiң құрылымдық бөлiмшелерiнiң, стандарттарды және өлшем құралдарын мемлекеттiк қадағалау жөнiндегi аймақтық қызметтерiнiң және өзiне ведомстволық бағыныстағы ұйымдардың қызметiн үйлестiредi және бақылайды;
      8) заңдарға сәйкес өзге де өкiлеттiктердi жүзеге асырады.
      19. Стандарттау, метрология және сертификаттау саласында бiрыңғай ғылыми-техникалық саясат жүргiзу - мемлекеттiк стандарттар мен нормативтiк құжаттарды бекiту және тiркеу үшiн, сондай-ақ стандарттаудың, сертификаттаудың және өлшемдер бiрлiгi мемлекеттiк жүйелерiнiң жұмыс iстеуiн қамтамасыз ету және жетiлдiру үшiн Комитетте жеке құрамын

Комитеттiң төрағасы бекiтетiн, 9 адам санында алқа құрылады. Алқаның 
құрамына Комитет аппаратының қызметкерлерi мен ведомстволық бағыныстағы 
мемлекеттiк кәсiпорындардың басшылары кiре алады.
     Алқаның шешiмi Комитеттiң қаулыларымен бекiтiледi.
     
             5. Комитеттi қайта ұйымдастыру мен тарату
     
     20. Комитеттi қайта ұйымдастыру және тарату Қазақстан Республикасының 
заңдарында белгiленген тәртiппен жүзеге асырылады.

            
                                                Қазақстан Республикасы
                                                     Yкiметiнiң
                                              2000 жылғы 13 қаңтардағы
                                                   N 45 қаулысымен
                                                     бекiтiлген
     
        Қазақстан Республикасының Энергетика, индустрия және сауда
       министрлiгi Стандарттау, метрология және сертификаттау жөнiндегi
                      комитетінің қарауындағы ұйымдардың
                                 Тізбесі
__________________________________________________________________________
р/с            Кәсіпорындардың атауы                   Орналасқан жері
 N
__________________________________________________________________________
 1. "Қазақстан метрология
     институты (ҚазМетрИн)" республикалық
     мемлекеттiк кәсiпорны
     шаруашылық жүргiзу құқығындағы                  Астана қаласы
 2. "Қазақстан стандарттау және
     сертификаттау институты (ҚазСтИн)"
     республикалық мемлекеттiк кәсiпорны
     шаруашылық жүргiзу құқығындағы                  Астана қаласы
 3-6. 
<*>
 
     ЕСКЕРТУ. 1-2-жолдар жаңа редакцияда, 3-6-жолдар алынып тасталды - ҚР  
               Үкіметінің 2000.08.09. N 1227 қаулысымен.    
     
     
     Оқығандар:
     Қобдалиева Н.М.
     Орынбекова Д.К.         
      
      


Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады