Байланыс формасы

Қазақстан Республикасы Жер ресурстарын басқару жөнiндегi агенттiгiнiң қарауындағы республикалық мемлекеттiк қазыналық кәсiпорындардың кейбiр мәселелерi

Жаңартылған

Қазақстан Республикасы Үкіметінің қаулысы 2000 жылғы 25 мамыр N 794

      Қазақстан Республикасының Үкiметi ҚАУЛЫ ЕТЕДI:
      1. "Инжгеодезия" Алматы инженерлiк-геодезиялық iздестiру қазыналық кәсiпорыны, "Ғылыми-өндiрiстiк картографиялық және геоақпараттық жүйелер кәсiпорыны" қазыналық кәсiпорыны (Картақпарат ҒӨҚ)", "Талғаргеодезия" Талғар картографиялық-геодезиялық қазыналық кәсiпорыны, "Талдықорғангеодезия" Талдықорған топографиялық-геодезиялық қазыналық кәсiпорыны, оларды Қазақстан Республикасы Жер ресурстарын басқару жөнiндегi агенттiгiнiң "Қазгеокарт" республикалық мемлекеттiк қазыналық кәсiпорнына қосу жолымен қайта ұйымдастырылсын.
      "Қазгеокарт" республикалық мемлекеттiк қазыналық кәсiпорынының негiзгi мiндеттерi - Қазақстан Республикасының мемлекеттiк шекарасын делимитациялау және демаркациялау мақсатында кешендi далалық зерттеу Қазақстан Республикасының аумағында топографиялық-геодезиялық және картографиялық жұмыстарды орындау, сондай-ақ Каспий теңiзiнiң құқықтық мәртебесiн айқындау үшiн картографиялық-геодезиялық жұмыстардың өндiрiсi болып белгiленсiн.
      2. "Жамбылгеодезия" Жамбыл картографиялық-геодезиялық қазыналық кәсiпорыны және "Шымкентгеодезия" Оңтүстiк Қазақстан топографиялық-геодезиялық қазыналық кәсiпорыны, оларды Қазақстан Республикасы Жер ресурстарын басқару жөнiндегi агенттiгiнiң "Оңтүстiкгеодезия" республикалық мемлекеттiк қазыналық кәсiпорынына қосу жолымен қайта ұйымдастырылсын.
      3. Мына республикалық мемлелеттiк қазыналық кәсiпорындар:
      "Көкшетаугеодезия" Көкшетау картографиялық-геодезиялық қазыналық кәсiпорыны - Қазақстан Республикасы Жер ресурстарын басқару жөнiндегi агенттiгiнiң "Солтүстiкгеодезия" қазыналық кәсiпорыны;
      "Ақтөбегеодезия" Ақтөбе картографиялық-геодезиялық қазыналық кәсiпорыны - Қазақстан Республикасы Жер ресурстарын басқару жөнiндегi агенттiгiнiң "Батысгеодезия" қазыналық кәсiпорыны;
      "Ақмолатопогеодезия" Ақмола топографиялық-геодезиялық қазыналық кәсiпорыны - Қазақстан Республикасы Жер ресурстарын басқару жөнiндегi агенттiгiнiң "Астанатопография" қазыналық кәсіпорыны;
      "Семейгеодезия" Семей картографиялық-геодезиялық қазыналық кәсiпорыны - Қазақстан Республикасы Жер ресурстарын басқару жөнiндегi агенттiгiнiң "Шығысгеодезия" қазыналық кәсiпорыны;
      "Қазгеодезияның орталық картографиялық-геодезиялық қоры" (ОКГҚ) қазыналық кәсiпорыны - Қазақстан Республикасы Жер ресурстарын басқару жөнiндегi агенттiгiнiң "Ұлттық картографиялық-геодезиялық қоры" қазыналық кәсiпорыны;
      "Қарағандымаркшейдер" Қарағанды топографиялық-маркшейдерлiк қазыналық кәсiпорыны - Қазақстан Республикасы Жер ресурстарын басқару жөнiндегi агенттiгiнiң "Орталықмаркшейдер" қазыналық кәсiпорыны болып қайта аталсын.
      4. 2 және 3-баптарда көрсетiлген қайта ұйымдастырылған және атаулары өзгертiлген республикалық мемлекеттiк қазыналық кәсiпорындардың негiзгi мiндеттерi - топографиялық-геодезиялық жұмыстарды орындау болып белгiленсiн.
      5. 1, 2 және 3-тармақтарда көрсетiлген республикалық мемлекеттiк қазыналық кәсiпорындардың мемлекеттiк басқару органы, сондай-ақ оларға қатысты мемлекеттiк меншiк субъектiсiнiң құқығы функцияларын жүзеге асыратын органы болып - Қазақстан Республикасының Жер ресурстарын басқару жөнiндегi агенттiгi белгiленсiн.
      6. Қазақстан Республикасының Жер ресурстарын басқару жөнiндегi агенттiгi заңнамада белгiленген тәртiппен:
      1) қайта ұйымдастырылған және атауы өзгертiлген республикалық мемлекеттiк қазыналық кэсiпорындардың жарғыларын бекiтсiн;
      2) қайта ұйымдастырылған және атауы өзгертiлген республикалық мемлекеттiк қазыналық кәсiпорындардың әдiлет органдарында мемлекеттiк тiркелуiн және қайта тiркелуiн қамтамасыз етсiн;
      3) осы қаулыдан туындайтын өзге де шараларды қабылдасын.
      7. Күші жойылды - ҚР Үкіметінің 05.08.2013 № 796 қаулысымен.
      8. Осы қаулы қол қойылған күнінен бастап күшіне енеді.

      Қазақстан Республикасының
      Премьер-Министрі

Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады