Ескерту. Күші жойылды - ҚР Үкіметінің 03.02.2014 № 43 қаулысымен.
Қазақстан Республикасы Президентiнiң "Күләш Байсейiтова атындағы Ұлттық опера және балет театры туралы" 2000 жылғы 5 шiлдедегi N 416 U000416_ Жарлығын iске асыру мақсатында және "Қазақстан Республикасындағы кәсiпорындарды, ұйымдарды, мекемелердi, темiр жол станцияларын, әуежайларды, сондай-ақ физикалық-географиялық объектiлердi атау мен қайта атаудың және олардың атауларының транскрипциясын өзгертудiң Тәртiбiн бекiту туралы" Қазақстан Республикасы Yкiметiнiң 1996 жылғы 5 наурыздағы N 281 P960281_ қаулысына сәйкес Қазақстан Республикасының Үкiметi қаулы етеді:
1. "Ақ орда" опера және балет театры" қазыналық мемлекеттiк кәсiпорны "Күләш Байсейiтова атындағы Ұлттық опера және балет театры" қазыналық мемлекеттiк кәсiпорны (бұдан әрi - Театр) деп қайта аталсын.
2. Қазақстан Республикасының Мәдениет, ақпарат және қоғамдық келiсiм министрлiгi Қазақстан Республикасының Қаржы министрлiгiмен және Астана қаласының әкiмiмен бiрлесiп екi апталық мерзiмде Театрды материалдық-техникалық, қаржылық қамтамасыз ету және оның қызметкерлерiне басымдықпен тұрғын үй беру жөнiндегi ұсыныстарын Қазақстан Республикасының Үкiметiне енгiзсiн.
3. Қазақстан Республикасының Мәдениет, ақпарат және қоғамдық келiсiм министрлiгi белгiленген тәртiппен:
Қазақстан Республикасы Үкiметiнiң бұрын қабылданған кесiмдерiн осы қаулыға сәйкес келтiру жөнiнде ұсыныстар енгiзсiн;
осы қаулыдан туындайтын өзге де шараларды қолдансын.
4. Осы қаулы қол қойылған күнінен бастап күшіне енеді.
Қазақстан Республикасының
Премьер-Министрі
