"Қазақстан Республикасындағы кәсiпорындарды, ұйымдарды, мекемелердi, темiр жол станцияларын, әуежайларды, сондай-ақ физикалық-географиялық объектiлердi атау мен қайта атаудың және олардың атауларының транскрипциясын өзгертудiң тәртiбiн бекiту туралы" Қазақстан Республикасы Yкiметiнiң 1996 жылғы 5 наурыздағы N 281 P960281_ қаулысына сәйкес және Ақтөбе, Алматы, Атырау, Қарағанды, Қостанай, Оңтүстiк Қазақстан, Павлодар,
Шығыс Қазақстан облыстары және Алматы, Астана қалалары әкiмдерiнiң
ұсыныстарын ескере отырып Қазақстан Республикасының Yкiметi қаулы етеді:
1. 1-қосымшаға сәйкес бiлiм беру және мәдениет ұйымдарына есiмдер
берiлсiн.
2. 2-қосымшаға сәйкес бiлiм ұйымдары қайта аталсын.
3. Осы қаулы қол қойылған күнінен бастап күшiне енедi.
Қазақстан Республикасының
Премьер-Министрі
Қазақстан Республикасы
Үкіметінің
2001 жылғы 24 шілдедегі
N 1000 қаулысына
1-қосымша
Көрнектi тарихи тұлғалардың, белгiлi мемлекет және
қоғам қайраткерлерiнiң, жазушылардың, ұстаздардың
есiмдерi берiлген бiлiм беру және мәдениет
ұйымдарының тiзбесi
Ақтөбе облысы бойынша
Мәртөк ауданындағы Мәртөк өнер мектебiне - белгiлi күйшi Қамбар
Медетовтiң есiмi;
Алматы облысы бойынша
Панфилов ауданы Сарыбел ауылдық округiндегi Тұрпан орта мектебiне -
Сатай батырдың есiмi;
Панфилов ауданы Талды ауылдық округiндегi Лесновка орта мектебiне -
халық әртiсi Дәнеш Рақышұлының есiмi;
Панфилов ауданы Қоңырөлең ауылдық округiндегi N 35 Ынталы орта
мектебiне - халық мұғалiмi Стамшал Аманбайұлының есiмi;
Жамбыл ауданы Ұзынағаш ауылдық округiндегi Жаңақұрылыс орта мектебiне
- Қазақстанның еңбек сiңiрген өнер қайраткерi, кинорежиссер Абдолла
Қарсақбаевтың есiмі;
Жамбыл ауданы Дегерес ауылдық округiндегi Дегерес орта мектебiне -
ақын Оспанхан Әубәкіровтың есiмi;
Еңбекшiқазақ ауданындағы Қаракемер орта мектебiне Құдайберген
Орымбетовтың есiмi;
Атырау облысы бойынша
облыстық әмбебап ғылыми кiтапханаға - жазушы Ғабдол Слановтың есiмi;
Қарағанды облысы бойынша
Қазақстан Республикасы Ішкi iстер министрлiгiнiң Қарағанды заң
институтына - әдiлет генерал-майоры, профессор Бәрiмбек Бейсеновтың есiмi;
Қостанай облысы бойынша
Қостанай қаласындағы N 20 орта мектепке - халық жазушысы Мариям
Хәкiмжанованың есiмi;
Меңдiқара ауданындағы N 3 Боровской орта мектебiне ақын Ғаббас
Жұмабаевтың есiмi;
Амангелдi ауданы Амангелдi ауылындағы N 4 орта мектепке - халық
әртiсi Әнуәр Боранбаевтың есiмi;
Әулиекөл ауданындағы Сұлукөл орта мектебiне - Шайсұлтан Шаяхметовтың
есiмі;
Павлодар облысы бойынша
Баянауыл ауданы Ұзынбұлақ ауылдық округiндегi Ақши орталау мектебiне
- академик Жақан Ержановтың есiмi;
Ақсу қаласы Алғабас ауылдық округiндегi Алғабас орта мектебiне -
Социалистiк Еңбек Ерi Мәжен Қабылбековтың есiмi;
Ақсу кентiндегi N 3 орта мектепке - ғалым-философ, профессор Қатыршат
Шүлембаевтiң есiмi;
Шығыс Қазақстан облысы бойынша
Тарбағатай ауданындағы N 1 Ақсуат орта мектебiне қоғам қайраткерi
Кәрiм Нұрбаевтың есімi;
Ұлан ауданындағы Саратовка орта мектебiне - жауынгер-интернационалист
Базылбек Ахметовтың есiмі;
Алматы қаласы бойынша
мемлекеттiк концерттiк-гастрольдiк "Қазақконцерт" бiрлестiгiнiң
концерттiк залына - халық әртiсi, композитор Мұқан Төлебаевтың есiмi;
Түрксiб ауданындағы N 115 орта мектепке - Қазақстанның еңбек сiңiрген
қызметкерi Дүйсен Бабаевтiң есiмi;
Астана қаласы бойынша
Сарыарқа ауданындағы N 2 орта мектепке - ақын Ғафу Қайырбековтың
есiмі;
Алматы ауданындағы N 16 орта мектепке - ақын Төлеген Айбергеновтың
есiмі;
Алматы ауданындағы N 33 орта мектепке - Кеңес Одағының Батыры Нүркен
Әбдiровтың есімі;
Мемлекеттік филармонияның шекті квартетіне - Қазақстанның еңбек
сіңірген өнер қайраткері, композитор Ғазиза Жұбанованың есімі.
Қазақстан Республикасы
Үкіметінің
2001 жылғы 24 шілдедегі
N 1000 қаулысына
2-қосымша
Қайта атуға жататын білiм беру ұйымдарының тiзбесi
Ақтөбе облысы бойынша
Ойыл ауданы Ойыл ауылындағы Н.К.Крупская атындағы орта мектеп -
Қазақстан Республикасының еңбек сiңiрген мұғалiм Жахия Жүсiбалиев атындағы
орта мектеп;
Алматы облысы бойынша
Панфилов ауданы Жаркент қаласындағы "Қазақстан ЛКЖО-ның 60-жылдығы"
атындағы орта мектеп - Еңбекшi орта мектебi;
Еңбекшiқазақ ауданы Есiк қаласындағы Ленин атындағы N 1 орта мектеп -
Сартай батыр атындағы орта мектеп;
Оңтүстiк Қазақстан облысы бойынша
Бәйдiбек ауданы Боралдай ауылдық округiндегi Октябрь орта мектебi -
Домалақ ана атындағы орта мектеп;
Ордабасы ауданы Қарааспан ауылдық округiндегi К. Маркс атындағы орталау мектеп - жазушы Ілияс Есенберлин атындағы орталау мектеп;
Түркiстан қаласы Шорнақ ауылдық округiндегi Фрунзе атындағы орта
мектеп - ғалым-лингвист, профессор Тұрсынхан Айтжанов атындағы орта мектеп;
Сайрам ауданы Қызылқыстау ауылдық округiндегi Коммунизм орталау
мектебi - Қарасай батыр атындағы орталау мектеп;
Сайрам ауданы Қарасу ауылдық округіндегi Чапаев атындағы орта мектеп
- Ақбай орта мектебi;
Сайрам ауданы Қарасу ауылдық округiндегi "Молодая гвардия" атындағы
орта мектеп - Сырым Датұлы атындағы орта мектеп;
Сайрам ауданы Манкент ауылдық округiндегi Фаткуллаев атындағы орталау
мектеп - мемлекет қайраткерi Шараф Рашидов атындағы орталау мектеп;
Сайрам ауданы Қызылқыстақ ауылдық округiндегi "Ленинизм" атындағы
N 63 өзбек орта мектебi - Қаныш Сәтбаев атындағы орта мектеп;
Павлодар облысы бойынша
Павлодар ауданы Романовка ауылындағы Романовка орта мектебi - Маралды
орта мектебi;
Ақсу қаласындағы Путь Ильича орта мектебi - Еңбек орта мектебi;
Ақсу қаласындағы Дружба орта мектебi - Достық орта мектебi;
Ақсу қаласындағы В. Куйбышев атындағы орта мектеп - Ақжол орта
мектебi;
Шығыс Қазақстан облысы бойынша
Тарбағатай ауданы Құмкөл ауылдық округiндегi М.И.Калинин атындағы
орта мектеп - Сасан би атындағы орта мектеп.
Мамандар:
Қасымбеков Б.А.
Икебаева Ә.Ж.
