"Қазақстан Эксимбанкi" жабық акционерлiк қоғамының (бұдан әрі - Эксимбанк) несие портфелiнiң сапасын жақсарту, сондай-ақ несиелерге қызмет көрсету тиiмдiлiгiн арттыру мақсатында Қазақстан Республикасының Үкiметi қаулы етеді:
1. Қазақстан Республикасының Ұлттық Банкiне заңнамада белгiленген тәртiппен сенiмгердiң мүддесi үшiн және тапсырмасы бойынша ақша мен бағалы қағаздарды басқару жөнiндегi сенiмгерлiк (трастылық) операцияларды жүргiзуге арналған лицензияны "Қазақстанның Даму Банкi" жабық акционерлiк қоғамына (бұдан әрi - Даму Банкi) беру ұсынылсын.
2. Қазақстан Республикасының Қаржы министрлiгi:
1) заңнамада белгiленген тәртiппен 2002 жылғы 1 шiлдеге дейiнгi мерзiмде Даму Банкiне (келiсiм бойынша) кейiннен сатып алу құқығынсыз жарғылық капиталының 100 пайызы мөлшерiнде Эксимбанк акцияларының мемлекеттiк пакетiн сенiмгерлiк басқаруға берудi жүзеге асырсын; K990409_ U952721_ V980676_
2) сенiмгерлiк басқаруға арналған шарттың ережелерiнде сенiмгерлiк басқарушының:
2002 жылғы 31 мамырға дейiн Қазақстан Республикасының инвестициялық бағдарламалары шеңберiнде берiлген несиелер бойынша, Экономиканы қайта құру қорының қаражаты есебiнен берiлген несиелер бойынша, сондай-ақ тиiстi келiсiмдер жасай отырып, 1-қосымшаға сәйкес заемшыларға қатысты мемлекеттiк кепiлдiктер бойынша мiндеттемелердi орындауға байланысты республикалық бюджеттен оқшауландырылған қаражат бойынша берешектi республикалық бюджетке өндiрiп алу жөнiндегi Эксимбанктiң құқықтары мен мiндеттерiн "Медетшi қоры" жабық акционерлiк қоғамына (келiсiм бойынша) беру;
тиiсті келiсiмдер жасай отырып, 2-қосымшаға сәйкес Эксимбанктiң мемлекеттiк кепілдiкпен тартылған мемлекеттiк емес сыртқы заемдарына қызмет көрсету және заемшылардан оқшауландырылған қаражатты өндiрiп алу жөнiндегi құқықтары мен мiндеттерiн қабылдап алу;
2001 жылғы 1 қазандағы жағдай бойынша аудиторлық ұйымның Эксимбанктiң аудитiн жүргiзуi;
2001 жылғы 1 қазандағы жағдай бойынша Эксимбанктің активтерін және шартты міндеттемелерін қайта құрылымдау жөніндегі міндеттемелерін көздесін;
3) Даму Банкімен (келісім бойынша) бірлесіп, эксимбанк акцияларының мемлекеттік пакетін сенімгерлік басқару мерзімі өткенге дейін Эксимбанктің одан әрі қызметі жөніндегі есепті және ұсыныстарды Қазақстан Республикасының Үкіметіне тапсырсын.
ЕСКЕРТУ. 2-тармақ өзгерді - ҚР Үкіметінің 2002.04.23. N 460 қаулысымен .
3. Даму Банкі (келісім бойынша) сенімгерлік басқаруға арналған 2002 жылғы 31 мамырға дейiн Азия Даму Банкінің ауыл шаруашылығы секторына арналған Бағдарламалық заемының бірінші траншын игеру шеңберінде берілген несиеге Эксимбанктің одан әрі қызмет көрсетуі туралы Қазақстан Республикасының Үкіметіне ұсыныс жасасын.
ЕСКЕРТУ. 3-тармақ өзгерді - ҚР Үкіметінің 2002.04.23. N 460 қаулысымен .
4. <*>
ЕСКЕРТУ. 4-тармақ алып тасталды - ҚР Үкіметінің 2002.04.23. N 460 қаулысымен.
5. Осы қаулы қол қойылған күнінен бастап күшіне енеді.
Қазақстан Республикасының
Премьер-Министрі
Қазақстан Республикасы Үкiметінің
2001 жылғы 8 қазандағы
N 1294 қаулысына
1-қосымша
ЕСКЕРТУ. 1-қосымшамен толықтырылды - ҚР Үкіметінің 2002.04.23. N 460 қаулысымен.
Мемлекет кепiлдiк берген мемлекеттiк емес сыртқы заемдар тартқан Эксимбанктің олардың берешегiн өндiріп алу жөнiндегi құқықтары мен міндеттерi "Медетші қор" жабық акционерлiк қоғамына беруге жататын заемшылардың тiзбесi
1. "Игілік" акционерлiк қоғамы.
2. "Байланыс-Құрылысшы" мемлекеттiк акционерлiк компаниясы.
3. "Тағам" акционерлiк қоғамы (Франция, АҚШ, Германия несие желiлерi).
4. "Әлемконтракт" сыртқы сауда фирмасы.
5. "Агросауда" мемлекеттік сыртқы экономикалық акционерлiк компаниясы.
6. "Құнарлылық" мемлекеттiк акционерлiк компаниясы.
7. "Жылуприбор" акционерлiк қоғамы.
8. "Фосфор" акционерлiк қоғамы ("Құрылыспластдеталь" ашық акционерлiк қоғамы).
9. "Елiм-ай" халықаралық экологиялық қоры ("Елiм-ай-фармация" жауапкершілiгi шектеулi серiктестiгi).
Қазақстан Республикасы Үкiметінің
2001 жылғы 8 қазандағы
N 1294 қаулысына
2-қосымша
ЕСКЕРТУ. 2-қосымшамен толықтырылды - ҚР Үкіметінің 2002.04.23. N 460 қаулысымен.
Мемлекеттiк кепiлдiк берген мемлекеттiк емес сыртқы заемдар тартқан Эксимбанктiң оларға қызмет көрсету жөнiндегi құқықтары мен мiндеттерi Даму Банкiне беруге жататын заемшылардың тiзбесi
1. "Айт Отель" Қазақстан-түрiк бiрлескен кәсiпорны" ашық акционерлік қоғамы.
2. "Окан Қазинтер" бiрлескен кәсіпорны" жабық акционерлiк қоғамы.
3. "Отель Астана" Қазақстан-түрік бiрлескен кәсiпорны" ашық акционерлiк қоғамы (АҚШ, Түркия несие желiлерi).
4. "Медеу-Эмсаш-Алатау" бiрлескен кәсіпорны.
5. "Рахат" Қазақстан-австрия бiрлескен кәсiпорны" жабық акционерлік қоғамы.
6. "Қазақ Аджанта Фарма Лимитед" бiрлескен кәсіпорны.
7. Қазақстан Республикасы Iшкi iстер министрлiгінiң Қылмыстық-атқару жүйесi департаментi.
8. "Қазақстан Минерал Ресорсиз Корпорейшн-Инвестмент" жауапкершілiгi шектеулi серiктестігi бөлiгiнде "Екiбастұзкөмiр" мемлекеттiк акционерлiк қоғамы.
9. "Қазаэронавигация" республикалық мемлекеттiк кәсіпорны (Франция несие желiсi).
10. "Қазақстан темiр жолы" республикалық мемлекеттiк кәсіпорны (Германия несие желiсi).
11. "Қазақтелеком" ашық акционерлiк қоғамы.
12. "Батыс" ашық акционерлiк қоғамы.
13. Республикалық балалар сауықтыру оңалту орталығы.
14. Қазақстан Республикасы Қаржы министрлігінің Бас есептеу орталығы.
