Ауа атмосферасындағы зиянды заттардың рұқсат етілген шекті шоғырланудан асып түсуіне және Теңіз мұнай кен орнының санитарлық-қорғаныс аймағында орналасқан Сарықамыс кенті тұрғындарының шамадан тыс науқастылығына байланысты Қазақстан Республикасының Үкіметі қаулы етеді:
1. Атырау облысының әкімі заңнамада белгіленген тәртіппен:
1) 2006 жылға дейінгі мерзімде Сарықамыс кентінің тұрғындарын Атырау қаласына және Атырау облысының Жаңа-Қаратон кентіне көшіруді қамтамасыз етсін;
2) Сарықамыс кентінің көшірілетін тұрғындары үшін жаңа тұрғын үйлер,
әлеуметтік объектілер және инженерлік коммуникациялар салу жөнінде
тапсырыс берушіні анықтасын;
3) көшірілетін халықтың тұрмыс-тіршілігі үшін қажетті тұрғын үйлер,
әлеуметтік объектілер және инженерлік коммуникациялар салуға арналған
жерлерді уақтылы бөлуді қамтамасыз етсін.
2. Осы қаулы қол қойылған күнінен бастап күшіне енеді.
Қазақстан Республикасының
Премьер-Министрі
Мамандар:
Багарова Ж.А.,
Қасымбеков Б.А.
