"Қазақстан Республикасындағы бағалау қызметi туралы" Қазақстан Республикасының Заңына өзгерiстер мен толықтырулар енгiзу туралы" Қазақстан Республикасы Заңының жобасы туралы

Жаңа

Қазақстан Республикасы Үкіметінің қаулысы 2002 жылғы 6 тамыз N 877

 


     Қазақстан Республикасының Үкіметі қаулы етеді:

     "Қазақстан Республикасындағы бағалау қызметi туралы" Қазақстан

Республикасының Заңына өзгерiстер мен толықтырулар енгiзу туралы"

Қазақстан Республикасы Заңының жобасы Қазақстан Республикасының Парламенті

Мәжілісінің қарауына енгізілсін.


     Қазақстан Республикасының

         Премьер-Министрі



                                                                Жоба


                     Қазақстан Республикасының Заңы

          "Қазақстан Республикасындағы бағалау қызметi туралы"

      Қазақстан Республикасының Заңына өзгерiстер мен толықтырулар

                              енгiзу туралы


 
       1-бап. "Қазақстан Республикасындағы бағалау қызметi туралы" Қазақстан Республикасының 2000 жылғы 30 қарашадағы Z000109_ Заңына (Қазақстан Республикасы Парламентiнiң Жаршысы, 2000 ж., N 20, 381-құжат, 2001 ж., N 24, 338-құжат) мынадай өзгерiстер мен толықтырулар енгiзiлсiн:
      1) 2-бапта:
      2) тармақшада "(баланстық, қалдық және басқа құны)" деген сөздер алынып тасталсын;
      5) тармақша алынып тасталсын;
      8) тармақшада "бiр жағынан бағалаушы мен (немесе) тапсырыс берушi және екiншi жағынан үшiншi бiр тұлғалар" деген сөздер "мүдделi тараптар" деген сөздермен ауыстырылсын;
      9) тармақшада "бағалау қызметi субъектiлерiнiң" деген сөздер алынып тасталсын, "талаптарды қолдану жөнiндегi" деген сөздер "талаптарды белгiлейтiн" деген сөздермен ауыстырылсын;
      12) тармақшада "қызметi саласындағы" деген сөздер "қызметiн" деген сөзбен, "басшылықты" деген сөз "реттеудi" деген сөзбен ауыстырылсын;
      2) мынадай мазмұндағы 4-1, 4-2-баптармен толықтырылсын:
      "4-1-бап. Бағалаушылар палатасы
      Бағалаушылар палатасы дербес ұйымдық-құқықтық нысан болып табылады және оның мүшелерінің құқықтары мен заңды мүдделерiн қорғау үшiн бағалаушылардың (жеке және заңды тұлғалардың) коммерциялық емес кәсiптiк өзiн-өзi қаржыландыратын ұйымы ретiнде құрылады, сондай-ақ бағалаушылардың бағалау қызметiн жүзеге асыру негiздерi мен шарттарын сақтауына ықпал етедi.
      Бағалаушылар палатасының қызметi Қазақстан Республикасының заң актiлерiмен және құрылтай құжаты болып табылатын жарғымен реттеледi. Бағалаушылар палатасы заңды тұлға болып табылады және заңдарда белгiленген тәртiппен мемлекеттiк тiркелуi тиiс.
      Бағалаушылар палатасы қауымдастық (одақ) нысанында Бағалаушылар республикалық палатасына бiрлесуге құқылы.
      Бағалаушының мүлiктi бағалау жөнiндегi қызметiн жүзеге асыру құқығына лицензиясы болған кезде, сондай-ақ ол Палата жарғысын мойындаған және бағалаушылар палатасына мүшелiкке кiру шарттарын орындаған кезде бағалаушылар палатасына мүшелiкке қабылдаудан бас тартыла алмайды. Бағалаушылар палатасына мүшелiкке қабылдаудан бас тартуға сот тәртiбiмен шағымдануға болады.
      4-2-бап. Бағалаушылар палатасының өкiлеттiктерi
      1. Бағалаушылар палатасы:
      1) мемлекеттiк органдарда, мемлекеттiк емес ұйымдарда өз мүшелерiнiң құқықтары мен заңды мүдделерiн бiлдiредi және қорғайды;
      2) бағалаушылар қызметi мен оның даму үрдiсiн жан-жақты және

 

объективтi зерделеудi, қорыту мен талдауды жүзеге асырады;

     3) бағалаушылардың бағалау қызметiн жүзеге асыру негiздерi мен

шарттарын сақтауына ықпал етедi;

     4) ақпараттық-насихаттық iс-шараларды жүзеге асырады;

     5) бағалау қызметiн жүзеге асыру мәселелерi бойынша консультация беру

жұмысын жүргiзедi;

     6) мемлекеттiк органдармен байланыстар орнатады және жасайды;

     7) кәсiби бiлiктiлiгiн көтеру мақсатында өзiнiң мүшелерiн оқытуды

ұйымдастырады.

     2. Бағалаушылар палатасы Қазақстан Республикасының заңдарына сәйкес

өзге де өкiлеттiктердi жүзеге асырады;

     3) 6-баптың 1-тармағындағы "бағалаумен" деген сөздер "және" деген

сөзбен ауыстырылсын;

     4) 7-баптың 2-тармағындағы "мүмкiн" деген сөз "тиiс" деген сөзбен

ауыстырылсын;

     5) 8-баптың 2-тармағы мынадай редакцияда жазылсын:

     "2. Бағалау жүргiзу шарты мынадай мiндеттi талаптарды қамтуы тиiс:

     тапсырыс берушi мен бағалаушының деректемелерi;

     заңды тұлға үшiн - атауы, орналасқан жерi;

     жеке тұлға үшiн - аты-жөнi, тегi, тұрғылықты жерi;

     бағаланатын объектiнiң (объектiлердiң) атауы және (немесе) оның

(олардың) орналасқан жерi, айқындалатын құнның түрi;

     бағалау жүргiзу мерзімдері;

     көрсетiлген қызметтер үшiн ақы төлеу шарттары, тәртiбi және мөлшерi;

     тараптардың құқықтары, мiндеттерi және жауапкершiлiгi;

     тапсырыс берушiнiң бағалау объектiсiне меншiк құқығын растайтын

құжаттың деректемелерi не тапсырыс берушiге бағалау туралы шарт жасасу

құқығын беретiн өзге де негiздемелер;

     бағалау қызметiн жүзеге асыру құқығына лицензияның деректемелерi (оны

берген органды көрсете отырып, лицензияның нөмiрi мен берiлген күнi).

     Бағалау жүргiзу шартында өзге де талаптар көзделуi мүмкiн.";

     6) 9-баптың 4-тармағы мынадай редакцияда жазылсын:

     "4. Бағалау туралы есеп мыналарды қамтуы тиiс:

     бағалаушының атауы (аты-жөнi, тегi);

     бағалау қызметiн жүзеге асыру құқығына лицензияның нөмiрi мен

берілгені күні;

     айқындалатын құнның түрi;

     бағалау жүргізудің түрі мен күні;

     бағалау объектiсiнiң атауы және (немесе) орналасқан жерi мен

сипаттамасы;

     бағалау жүргiзу кезiнде пайдаланылатын әдiстер мен қағидаттар;

     оларды алу көздерiн көрсете отырып, бағалау жүргiзу кезiнде

пайдаланылатын нақты деректер;

     есеп негiздемесi;

     бағалау нәтижесi;

     жүргiзiлген бағалаудың нәтижесiн толық және айқын түсiну үшiн қажет

өзге де мәлiметтер.";

     7) мынадай мазмұндағы 10-1-баппен толықтырылсын:

     "10-1. Бағалаушының азаматтық-құқықтық жауапкершiлiгiн сақтандыру


 
       Бағалаушының азаматтық-құқықтық жауапкершiлiгiн сақтандыру бағалаушы қызметтерiн тұтынушылардың мүдделерiн қорғауды қамтамасыз ететiн шарттардың бiрi болып табылады.
      Бағалау жүргізудiң нәтижесiнде зиян келтiру салдарынан туындайтын

 

бағалаушының азаматтық-құқықтық жауапкершiлiгiн сақтандыру Қазақстан

Республикасының заң актiлерiмен айқындалған тәртiппен жүзеге асырылады.";

     8) 11-баптың 2-тармағы алынып тасталсын;

     9) 12-баптың жетiншi абзацы мынадай редакцияда жазылсын:

     "объектiнi тiкелей зерттеудi жүзеге асыруға және тапсырыс берушiге

бағалау туралы есеп беруге;";

     10) 13-баптың екiншi абзацы мынадай редакцияда жазылсын:

     "бағалау қызметi саласындағы нормативтiк құқықтық актiлердiң

талаптарын бұзғаны;";

     11) 15-баптың үшiншi абзацы ", бағалау объектiсiне бағалаушының қол

жеткiзуiн қамтамасыз етуге;" деген сөздермен толықтырылсын;

     12) 17-бап мынадай редакцияда жазылсын:

     "17-бап. Дауларды қарау

     Бағалау қызметiн жүзеге асыру кезiнде бағалаушы мен тапсырыс берушi

арасында туындайтын даулар сот тәртiбiмен шешiледi.";

     13) 21-бап алынып тасталсын.

     2-бап. Осы Заң жарияланған күнiнен бастап қолданысқа енгiзiледi.

     Қазақстан Республикасының

            Президентi



Мамандар:

     Багарова Ж.А.,

     Қобдалиева Н.М.









Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады