"Мемлекеттiк және мемлекет кепiлдiк берген қарыз алу мен борыш туралы" Қазақстан Республикасының Заңына өзгерiстер мен толықтырулар енгiзу туралы" Қазақстан Республикасы Заңының жобасы туралы

Жаңа

Қазақстан Республикасы Үкіметінің қаулысы. 2003 жылғы 12 ақпан N 152

      Қазақстан Республикасының Үкiметi ҚАУЛЫ ЕТЕДI:
      "Мемлекеттiк және мемлекет кепілдiк берген қарыз алу мен борыш туралы" Қазақстан Республикасының Заңына өзгерiстер мен толықтырулар енгiзу туралы" Қазақстан Республикасы Заңының жобасы Қазақстан Республикасының Парламентi Мәжiлiсiнiң қарауына енгiзiлсiн.

      Қазақстан Республикасының
      Премьер-Министрі

Жоба

"Мемлекеттiк және мемлекет кепiлдiк берген қарыз алу мен борыш туралы" Қазақстан Республикасының Заңына өзгерістер мен толықтырулар енгізу туралы

      "Мемлекеттiк және мемлекет кепiлдік берген қарыз алу мен борыш туралы" Қазақстан Республикасының 1999 жылғы 2 тамыздағы Заңына (Қазақстан Республикасы Парламентiнiң Жаршысы, 1999 ж., N 21, 784-құжат; 2001 ж., N 21-22, 282-құжат) мынадай өзгерiстер мен толықтырулар енгізiлсiн:
      Заңның мәтiнiндегi "Қазақстан Республикасының Қаржы министрлiгi", "Қазақстан Республикасының Қаржы министрлігі мен", "Қазақстан Республикасының Қаржы министрлігінде", "Қазақстан Республикасының Қаржы министрлiгiне", "Қазақстан Республикасы Қаржы министрлігінiң" деген сөздер "бюджеттi атқару жөнiндегi уәкілетті орган", "бюджеттi атқару жөнiндегi уәкiлеттi органмен", "бюджеттi атқару жөнiндегі уәкiлеттi органда", "бюджеттi атқару жөнiндегi уәкiлеттi органға", "бюджеттi атқару жөнiндегi уәкiлеттi органның" деген сөздермен ауыстырылсын;
      1-бапта:
      4) тармақшадағы ", жергiлiктi атқарушы органдарының" деген сөздер алынып тасталсын;
      18) тармақша мынадай редакцияда жазылсын:
      "18) банктің кепiлдiгi - заем алушы заем туралы шарт (келiсiм) бойынша одан тиесiлi соманы белгіленген мерзiмде төлемеген жағдайда банктiң бюджеттi атқару жөнiндегi уәкiлеттi органның алдындағы мемлекеттiк емес заем бойынша берешектi өтеу жөнiндегi мiндеттемесi;";
      21) тармақша алынып тасталсын;
      4-бапта:
      2-тармақтың 3) тармақшасындағы "оларға қызмет көрсету және өтеу," деген сөздерден дейiн "мемлекеттiк кепiлдіктер беру үшiн инвестициялық жобаларды iрiктеу," деген сөздермен толықтырылсын;
      4-тармақтың 1) және 8) тармақшалары алынып тасталсын;
      мынадай мазмұндағы 4-1-тармақпен толықтырылсын:
      "4-1. Бюджеттiк жоспарлау жөнiндегi уәкiлеттi орган:
      1) мемлекеттiк және мемлекет кепiлдiк берген қарыз алу саясатын әзiрлейдi;
      2) мемлекеттiк және мемлекет кепiлдiк берген борыш пен қарыз алуды жоспарлау мен талдауды жүзеге асырады";
      6-тармақта:
      1) тармақша мынадай редакцияда жазылсын:
      "1) өкiлдi органға жергiлiктi инвестициялық жобаларды қаржыландыру үшiн, сондай-ақ бюджет заңдарында көзделген басқа да мақсаттарға заемдар тарту қажеттігі туралы ұсыныстар енгiзедi;";
      3) тармақшадағы "сыртқы" деген сөз алынып тасталсын;
      6-баптың төртінші бөлiгi мынадай редакцияда жазылсын:
      "Жергiлiктi атқарушы органдардың мемлекеттiк қарыз алуы жергiлiктi инвестициялық жобаларды қаржыландыру мақсатында, сондай-ақ бюджет заңдарында көзделген басқа да мақсаттарда жүзеге асырылады.";
      9-баптың 3-тармағында:
      бiрiншi бөлiктегi "белгiленген қарыз алу және борыш лимиттерiмен" деген сөздер "белгiленген борыш лимитiмен" деген сөздермен ауыстырылсын;
      екiншi бөлiктегi бiрiншi сөйлем алынып тасталсын;
      мынадай мазмұндағы үшiншi бөлiкпен толықтырылсын:
      "Жергілiктi атқарушы органдардың сыртқы заемдарды тартуына жол берiлмейді.";
      10-баптың 3-тармағындағы "инвестициялық бағдарламаларды" деген сөздер "жергiлiктi инвестициялық жобаларды" деген сөздермен ауыстырылсын;
      14-баптың 1) тармақшасында:
      бiрiнші бөлiктегi "бағалау және алдағы он жылдық кезеңге" деген сөздер "жыл сайын нақтылай отырып, бағалау және алдағы үш жылдық кезеңге" деген сөздермен ауыстырылсын;
      екiншi бөлiк мынадай редакцияда жазылсын:
      "Бұл құжатты дайындауды бюджеттiк жоспарлау жөнiндегi уәкiлетті орган бюджеттi атқару жөнiндегi уәкiлеттi органмен және Қазақстан Республикасының Ұлттық Банкiмен бiрлесе отырып экономикалық дамудың орта мерзiмдi болжамы, жинақталған мемлекеттiк және мемлекет кепiлдiк берген борыштың көлемi мен құрылымы, несие капиталы рыногындағы өзгерістердің болжамдары негiзiнде жүзеге асырады;";
      16-баптың бесiншi бөлiгi алынып тасталсын;
      18-бап мынадай мазмұндағы үшiншi бөлiкпен толықтырылсын:
      "Мемлекеттiк кепілдіктерді беру лимитiнiң көлемi осы лимит белгiленген тиiстi жылдың шегiнде ғана пайдаланылуы мүмкiн.";
      20-баптың 1-тармағында:
      2) тармақшадағы "Қазақстан Республикасының тиiсті кезеңге арналған Мемлекеттік инвестициялар бағдарламасына" деген сөздер "Қазақстан Республикасы Үкiметiнiң шешiмiмен бекiтiлетiн, тиiстi кезеңге арналған Қазақстан Республикасының мемлекеттiк кепiлдiктерi бар мемлекеттiк емес заемдар қаражатының есебiнен қаржыландыруға ұсынылатын инвестициялық жобалардың тiзбесiне" деген сөздермен ауыстырылсын;
      3) тармақша мынадай редакцияда жазылсын:
      "3) банктік қадағалау саласындағы уәкiлеттi органның келiсiмi бойынша бюджеттi атқару жөнiндегі уәкiлеттi орган белгiлейтiн заемдардың қайтарылуын қамтамасыз ету талаптарын қанағаттандыратын банк кепiлдiгiнiң болуы;";
      мынадай мазмұндағы 3-1), 3-2), 3-3) және 3-4) тармақшалармен толықтырылсын:
      "3-1) салалық уәкiлеттi органның оң қорытындысы болуы;
      3-2) бюджеттi атқару жөнiндегi уәкiлеттi органның оң қорытындысы болуы;
      3-3) экономикалық жоспарлау жөнiндегi уәкiлеттi органның оң қорытындысы болуы;
      3-4) бюджеттiк жоспарлау жөніндегі уәкiлеттi органның оң қорытындысы болуы;";
      21-бап мынадай редакцияда жазылсын:
      "21-бап. Мемлекеттiк кепiлдiктердi беру үшiн жобаларды iрiктеу Мемлекеттiк кепiлдiктер беру үшiн жобаларды iрiктеудi экономикалық жоспарлау жөнiндегi уәкiлеттi орган Қазақстан Республикасының Үкiметi белгiлеген тәртiппен Қазақстан Республикасының мемлекеттiк кепiлдiктерi бар мемлекеттiк емес заемдар қаражатының есебiнен қаржыландыруға ұсынылатын инвестициялық жобалардың тiзбесiн жыл сайын қалыптастыру жолымен жүргiзеді.";
      24-баптың бiрiншi бөлiгiндегi "ол белгiлеген тәртiппен" деген сөздер алынып тасталсын;
      25-бап мынадай мазмұндағы бөлiкпен толықтырылсын:
      "Қазақстан Республикасының Yкiметі заем туралы шарттардың (келiсiмдердiң) талаптарына сәйкес республикалық бюджетте көзделген қаражат есебiнен мемлекеттiк кепiлдіктерді орындау жолымен мемлекет кепілдік берген борышты мерзiмiнен бұрын өтеуді жүзеге асыруға құқылы";
      мынадай мазмұндағы 25-2-баппен толықтырылсын:
      "25-2-бап. Мемлекет кепілдік берген заем бойынша Заем алушыны ауыстыру".
      Қазақстан Республикасы Үкiметiнiң шешiмi қабылданған жағдайда заем туралы шарт (келiсiм) тараптарының келiсiмi бойынша мемлекет кепiлдiк берген заем бойынша Заем алушы ауыстырылуы мүмкiн.
      Мемлекет кепiлдiк берген заем бойынша Заем алушы ауыстырылған жағдайда кредитордың талабы бойынша Қазақстан Республикасы Yкiметінiң шешiмi негiзiнде бюджеттi атқару жөнiндегi уәкiлеттi орган мемлекеттiк кепiлдіктi ауыстыруы немесе растауы мүмкiн.
      Бұл ретте кепiлдік берiлетiн заем сомасы бұрын берiлген мемлекеттiк кепiлдік бойынша заемның сомасынан аспауы керек.
      Жаңадан берiлген мемлекеттiк кепiлдiкке осы Заңның 18-бабының бiрiншi бөлiгiнде белгiленген шектеулер қолданылмайды.";
      26-бапта:
      4) тармақша мынадай редакцияда жазылсын:
      "4) ол мемлекет кепiлдiк берген заем құрылымын өзгерту және ол бойынша Заем алушыны ауыстыру кезiнде жаңасымен ауыстырылса, қолданылуын тоқтатады.";
      мынадай мазмұндағы бөлiкпен толықтырылсын:
      "Мемлекеттік кепiлдiк кредитордың келiсiмi бойынша Қазақстан Республикасының Yкiметi белгілеген тәртiппен өз iс-әрекетiн мерзiмiнен бұрын тоқтатады және қайтарып алынады";
      28-баптың екiншi бөлiгiндегi қарсы кепiлдiк берген екiншi деңгейдегі" деген сөздер "кепiлдiк берген" деген сөздермен ауыстырылсын.

      Қазақстан Республикасының
      Президентi

Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады