Байланыс формасы

Қазақстан Республикасы Ауыл шаруашылығы министрлiгiнiң кейбiр республикалық мемлекеттiк қазыналық кәсiпорындарын коммуналдық меншiкке беру туралы

Жаңартылған

Қазақстан Республикасы Үкіметінің 2003 жылғы 23 сәуірдегі N 394 қаулысы

      Қазақстан Республикасының Yкiметi қаулы етеді:

      1. Заңнамада белгiленген тәртiппен мыналар:
      Қазақстан Республикасы Ауыл шаруашылығы министрлiгiнiң "Қазақ қой шаруашылығы ғылыми-зерттеу институтының "Ақсеңгiр" тәжiрибе шаруашылығы" республикалық мемлекеттiк қазыналық кәсiпорны, Талдықорған ауыл шаруашылығы ғылыми-зерттеу институтының "Қапал" кеңшары республикалық мемлекеттiк қазыналық кәсiпорны - Алматы облысының коммуналдық меншiгiне;
      Қазақстан Республикасы Ауыл шаруашылығы министрлiгiнiң "Қазақ қаракөл шаруашылығы ғылыми-зерттеу институтының "Задария" мемлекеттiк мал тұқымын асылдандыру зауыты" республикалық мемлекеттiк қазыналық кәсiпорны, Қазақстан Республикасы Ауыл шаруашылығы министрлiгiнiң "Оңтүстiк Қазақстан ауыл шаруашылығы ғылыми-зерттеу институтының "Комсомол" тәжiрибе шаруашылығы" республикалық мемлекеттiк қазыналық кәсiпорны, Қазақстан Республикасы Ауыл шаруашылығы министрлiгiнiң "Оңтүстiк Қазақстан ауыл шаруашылығы ғылыми-зерттеу институтының Қызылқұм тәжiрибе шаруашылығы" республикалық мемлекеттiк қазыналық кәсiпорны - Оңтүстiк Қазақстан облысының коммуналдық меншiгiне берiлсiн.
       Ескерту. 1-тармаққа өзгерту енгізілді - ҚР Үкіметінің 2006.01.06.  N 26 қаулысымен.

      2. Қазақстан Республикасының Ауыл шаруашылығы министрлiгi, Қазақстан Республикасы Қаржы министрлiгiнiң Мемлекеттiк мүлiк және жекешелендiру комитетi Алматы және Оңтүстiк Қазақстан облыстарының әкiмдерiмен бiрлесiп, заңнамада белгiленген тәртiппен осы қаулының 1-тармағында көрсетiлген республикалық мемлекеттiк қазыналық кәсiпорындарды коммуналдық меншiкке берудi қамтамасыз етсiн.

      3. Алматы және Оңтүстiк Қазақстан облыстарының әкiмдерi заңнамада белгiленген тәртiппен осы қаулыдан туындайтын өзге де iс-шараларды жүзеге асырсын.

      4. Күші жойылды - ҚР Үкіметінің 05.08.2013 № 796 қаулысымен.

      5. Осы қаулы қол қойылған күнiнен бастап күшiне енедi.

      Қазақстан Республикасының
      Премьер-Министрі

Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады