Еуразиялық экономикалық қоғамдастық Сыртқы экономикалық қызметiнiң жалпы тауар номенклатурасы туралы келiсiмдi бекiту туралы

Жаңартылған

Қазақстан Республикасы Үкіметінің 2003 жылғы 11 маусымдағы N 567 қаулысы

      РҚАО-ның ескертпесі!
      Келісім қолданысын тоқтатты - ҚР 24.12.2014 N 266-V Заңымен.

      Қазақстан Республикасының Үкiметі қаулы етеді:

      1. 2002 жылғы 20 қыркүйекте Астана қаласында жасалған Еуразиялық экономикалық қоғамдастық Сыртқы экономикалық қызметiнiң жалпы тауар номенклатурасы туралы келісім бекiтiлсiн.

      2. Осы қаулы қол қойылған күнiнен бастап күшiне енедi.

      Қазақстан Республикасының
      Премьер-Министрi

Еуразиялық экономикалық қоғамдастық мемлекетаралық кеңес

Шешім

2002 жылғы 20 қыркүйек     N 69                 Астана қаласы

Еуразиялық экономикалық қоғамдастық Сыртқы экономикалық қызметiнiң жалпы тауар номенклатурасы туралы
келiсiм туралы

      Еуразиялық экономикалық қоғамдастықтың Мемлекетаралық кеңесi шештi:
      1. Еуразиялық экономикалық қоғамдастық Сыртқы экономикалық қызметiнiң жалпы тауар номенклатурасы туралы келiсiм (қоса берiлiп отыр) қабылдансын.
      2. Тараптардың үкiметтерiнен Келiсiмнiң 1-тармағында көрсетiлген мәселелердiң күшiне енуi үшiн мемлекетiшiлiк рәсiмдердi жүргiзу және нәтижелерi туралы ЕурАзЭҚ Интеграциялық комитетiнiң Хатшылығын хабардар ету сұралсын.

           ЕурАзЭҚ Мемлекетаралық Кеңесiнiң мүшелерi:

      Беларусь            Қазақстан            Қырғыз
      Республикасынан     Республикасынан      Республикасынан

                   Ресей               Тәжiкстан
               Федерациясынан       Республикасынан

Еуразиялық экономикалық қоғамдастық Сыртқы экономикалық қызметiнiң жалпы тауар номенклатурасы туралы
Келісім

      Бұдан әрi Уағдаласушы Тараптар деп аталатын Еуразиялық экономикалық қоғамдастыққа мүше мемлекеттердiң Yкiметтерi,
      Еуразиялық экономикалық қоғамдастық құру туралы 2000 жылғы 10 қазандағы шартты негiзге ала отырып,
      кеден баждарының ставкаларын, сыртқы экономикалық қызметтi реттейтiн нормативтiк және құқықтық кесiмдердi бiрiздендiруге, кедендiк рәсiмдердi, алымдарды және статистикалық деректердiң салыстырылуын оңайлатуға ұмтыла отырып,
      мына төмендегiлер туралы келiстi:

1-бап

      Сыртқы экономикалық қызметтi тарифтiк және тарифтiк емес реттеу шараларын жүзеге асыру, статистикалық есеп жүргізудi жетiлдiру және статистикалық ақпаратпен алмасу үшiн Уағдаласушы Тараптар Еуразиялық экономикалық қоғамдастық Сыртқы экономикалық қызметiнiң жалпы тауар номенклатурасы (бұдан әрi - Еуразиялық экономикалық қоғамдастықтың СЭҚ ТН) ретiнде осы Келiсiмнiң ажырамас бөлiгi болып табылатын және халықаралық жiктеушiлерге - Дүниежүзiлiк кеден ұйымының тауарларды сипаттау мен кодтаудың үйлестiрiлген жүйесiне және Тәуелсiз Мемлекеттер Достастығы Сыртқы экономикалық қызметiнiң бiрыңғай тауар номенклатурасына негізделген Кеден одағы сыртқы экономикалық қызметiнiң он мәндi бірыңғай Тауар номенклатурасын (КО СЭҚ ТН) қабылдайды.
      Ескерту. 1-бапқа өзгеріс енгізілді - ҚР Үкіметінің 2012.09.07 № 1166 Қаулысымен.

2-бап

      Еуразиялық экономикалық комиссиясы Кеден одағында белгіленген тәртіпке сәйкес Еуразиялық экономикалық қоғамдастықтың СЭҚ TH жүргiзудi жүзеге асырады
      Ескерту. 2-бап жаңа редакцияда - ҚР Үкіметінің 2012.09.07 № 1166 Қаулысымен.

3-бап

      Әрбiр Уағдаласушы Тарап қажет болған жағдайда, өзiнiң ұлттық заңнамасын осы Келiсiмге сәйкес келтiру жөнiнде шаралар қабылдайды.

4-бап

      Осы Келiсiмге Уағдаласушы Тараптардың өзара келiсiмi бойынша осы Келiсiмнiң ажырамас бөлiгi болып табылатын жеке хаттамамен ресiмделетiн өзгерiстер мен толықтырулар енгiзiлуi мүмкiн.

5-бап

      Әрбiр Уағдаласушы Тарап Еуразиялық экономикалық қоғамдастықтың Интеграциялық комитетi болып табылатын депозитарийге тиiстi жазбаша хабарлама жолдай отырып, өзiнiң осы Келiсiмге қатысуын тоқтата алады. Осындай Уағдаласушы Тарап үшiн Келiсiмнiң қолданысы депозитарий аталған хабарламаны алған күннен бастап 6 ай өткеннен кейiн тоқтатылады.

6-бап

      Осы Келiсiм белгiленбеген мерзiмге жасалады, қол қойылған күнiнен бастап уақытша қолданылады және оған қол қойған Уағдаласушы Тараптардың барлық қажеттi мемлекетiшiлiк рәсiмдердi орындағаны туралы үшiншi хабарлама депозитарийге сақтауға тапсырылған күннен бастап күшiне енедi.
      Мұндай рәсiмдердi кешiрек орындаған Уағдаласушы Тараптар үшін, ол тиiстi хабарламаларды депозитарийге тапсырған күннен бастап күшiне енедi.

      2002 жылғы 20 қыркүйекте Астана қаласында орыс тiлiндегi бiр данада жасалды. Түпнұсқалық дана оның куәландырылған көшiрмесiн әрбiр Уағдаласушы Тарапқа жолдайтын Еуразиялық экономикалық қоғамдастық Интеграциялық комитетiнiң Хатшылығында сақталады.

      Беларусь            Қазақстан            Қырғыз
      Республикасының     Республикасының      Республикасының
      Үкіметі үшін        Үкіметі үшін         Үкіметі үшін

                   Ресей               Тәжiкстан
               Федерациясының       Республикасының
                Үкіметі үшін          Үкіметі үшін

Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады