Қазақстан Республикасы Президентiнiң "Республикалық ұлан туралы" 1995 жылғы 5 желтоқсандағы N 2671 заң күшi бар Жарлығына өзгерiстер мен толықтырулар енгiзу туралы" Қазақстан Республикасы Заңының жобасы туралы

Жаңа

Қазақстан Республикасы Үкіметінің 2003 жылғы 27 тамыздағы N 873 қаулысы

      Қазақстан Республикасының Yкiметi қаулы етеді:
      Қазақстан Республикасы Президентiнiң "Республикалық ұлан туралы" 1995 жылғы 5 желтоқсандағы N 2671 заң күшi бар Жарлығына өзгерiстер мен толықтырулар енгізу туралы" Қазақстан Республикасы Заңының жобасы Қазақстан Республикасының Парламентi Мәжiлiсiнiң қарауына енгiзiлсiн.

      Қазақстан Республикасының
      Премьер-Министрі

Жоба

Қазақстан Республикасының Заңы Қазақстан Республикасы Президентiнiң
"Республикалық ұлан туралы" заң күшi бар Жарлығына
өзгерiстер мен толықтырулар енгiзу туралы

      1-бап. Қазақстан Республикасы Президентiнің "Республикалық ұлан туралы" 1995 жылғы 5 желтоқсандағы N 2671 заң күшi бар Жарлығына (Қазақстан Республикасы Жоғарғы Кеңесінің Жаршысы, 1995 ж., N 22, 139-бап; Қазақстан Республикасы Парламентiнiң Жаршысы, 1997 ж., N 12, 184, 190-бап; 1998 ж., N 11-12, 174-бап; N 24, 436-бап; 2001 ж., N 20, 257-бап) мынадай өзгерiстер мен толықтырулар енгізiлсiн:
      1. Тақырыбы мынадай редакцияда жазылсын:
      "Қазақстан Республикасының Республикалық ұланы туралы" Қазақстан Республикасының Заңы".
      2. Кiрiспесi мынадай редакцияда жазылсын:
      "Осы Заң Қазақстан Республикасы Республикалық ұланының мәртебесiн, қызметiн ұйымдастыру принциптерін, құрылымын, құқығы мен мiндеттерiн, сондай-ақ оның қызметiне бақылау мен қадағалауды белгiлейдi.".
      3. Мәтiндегі "Жарлық", "Жарлықпен", "Жарлықтың" деген сөздер "Заң", "Заңмен" "Заңның" деген сөздерiмен ауыстырылсын.
      4. Тараудың "I, II, III, IV, V, VІ, VІІ, VІІІ IХ" нөмiрлерi "1, 2, 3, 4, 5, 6, 7, 8, 9" сандарымен ауыстырылсын.
      5. 1 және 2-баптар мынадай редакцияда жазылсын:
      "1-бап. Республикалық ұлан
      Республикалық ұлан Қазақстан Республикасының Президентiне тiкелей бағынатын және есеп беретiн, дәстүрлік рәсімдерді атқаруға қатысуға, күзетiлетiн адамдар мен аса маңызды мемлекеттiк объектiлердiң, сондай-ақ күзетiлетiн адамдар болатын ғимараттардың, қызметтiк жайлар мен оған іргелес аумақтардың және акваторияның, сондай-ақ тiзбесiн Қазақстан Республикасының Президентi белгiлейтiн күзетiлетiн адамдарды тасымалдауға арналған әуе кемелерiнің, құрлық пен су көлiгінiң және олардың тұрақ орындарының қауiпсiздiгiн қамтамасыз етуге арналған арнаулы мемлекеттік орган.
      Республикалық ұлан мемлекеттiк мекеменiң ұйымдастыру құқықтық нысанындағы заңды тұлға болып табылады, оның нақтылы және шартты атауы, мөрi, мөртабандары, мемлекеттiк және орыс тiлдерiнде жазылған бланкiлерi, сондай-ақ Қазақстан Республикасының заңнамаларына сәйкес банктерде шоттары болады.
      Республикалық ұланды қаржыландыру республикалық бюджет қаражатынан жүзеге асырылады.
      Республикалық ұлан арнаулы әскери құрама болып табылады".
      2-бап. Республикалық ұлан қызметiнiң құқықтық негізi
      Республикалық ұлан қызметінің құқықтық негiзiн Қазақстан Республикасының Конституциясы, осы Заң, өзге де нормативтiк құқықтық актiлер, сондай-ақ Қазақстан Республикасының халықаралық шарттары құрайды".
      6. 3-баптың 2-тармағы алынып тасталсын.
      7. 4-бап 1-тармақта:
      3) тармақша мынадай редакцияда жазылсын:
      "3) аса маңызды мемлекеттiк объектiлердi, сондай-ақ күзетiлетiн адамдар болатын ғимараттарды, қызметтік жайлар мен оған iргелес аумақтарды және акваторияны, сондай-ақ тiзбесiн Қазақстан Республикасының Президентi белгiлейтiн күзетiлетiн адамдарды тасымалдауға арналған әуе кемелерiн, құрлық пен су көлiгiн және олардың тұрақ орындарын күзету;";
      мынадай мазмұндағы 3-1) тармақшамен толықтырылсын:
      "3-1) өзiнiң құзiретiнiң шегiнде терроризмге қарсы операцияларға қатысу;".
      8. 7-бап 1-тармақ 2) тармақша мынадай редакцияда жазылсын::
      "2) ерiктi негiзде келiсiм-шарт бойынша Қазақстан Республикасының Ішкі iстер министрлiгi қызметкерлерiнiң, Ұлттық қауіпсiздiк комитетi, Қарулы Күштердің, басқа әскерлер мен әскери құрамалардың әскери қызметшiлерiнің;".
      9. 8-бап 2-тармағындағы "жүзеге асырылады" деген сөздерiнiң алды "және Республикалық ұланның бөлiмшелерiнде" деген сөздермен толықтырылсын".
      10. 9-бап 2-тармақ мынадай редакцияда жазылсын:
      "2. Республикалық ұланның Қазақстан Республикасының Президентi бекiтетiн туы, нышаны, айырым белгiлерi және киiм нысаны болады.".
      11. 10-бапта:
      2) тармақша мынадай редакцияда жазылсын:
      "2) аса маңызды мемлекеттiк объектілердi, сондай-ақ күзетiлетiн адамдар болатын ғимараттарды, қызметтiк жайлар мен оған iргелес аумақтарды және акваторияны, сондай-ақ тiзбесiн Қазақстан Республикасының Президентi белгiлейтiн күзетiлетiн адамдарды тасымалдауға арналған әуе кемелерiн, құрлық пен су көлiгiн және олардың тұрақ орындарын (бұдан әрi - күзетiлетiн объектiлер) күзету;";
      мынадай мазмұндағы 2-1) тармақшамен толықтырылсын:
      "2-1) "өзiнiң құзiретiнің шегiнде терроризмге қарсы операцияларға қатысу;".
      4) тармақшадағы "дипломатиялық және" деген сөздер алынып тасталсын;
      12. 11-бап мынадай редакциядағы 3-тармақпен толықтырылсын;
      "3. Республикалық ұлан әскери қызметшiлерінің iс-әрекетiне жоғары тұрған командирiне және (немесе) сотқа белгiленген тәртiппен шағымдануға болады.".
      13. V тарауда "Республикалық ұланның мәжбүр ету шараларын, арнайы құралдарды, дене күшін және қаруды қолдануы. Жауынгерлік техниканы қолдану";
      тақырыбында және 14 баптың тақырыбында "Республикалық ұланның" деген сөздерi "Республикалық ұлан әскери қызметшiлерiнің" деген сөздермен ауыстырылсын";
      "ұланның" деген сөзi "ұлан" деген сөзбен ауыстырылсын".
      14. 14-бапта:
      2-тармақтағы "қару және арнайы құралдар" деген сөздер "жауынгерлік техника, қару және арнайы құралдар" деген сөздерімен ауыстырылсын";
      "дереу" деген сөзi "24 сағат iшiнде" деген сөзбен ауыстырылсын".
      15. 15-бап 1 тармақшаның 2) және 4) тармақшаларында, 16-бап 1 тармақтың 2) тармақшасында, 19-бап 4 тармақтың, 20-бап 3 тармақтарындағы "Ұлан" деген сөз "Республикалық ұлан" деген сөздермен ауыстырылсын.
      16. 16-баптағы 4-тармақ алынып тасталсын.
      17. YI тараудың Республикалық ұлан әскери қызметшiлерiнің құқықтық жағдайы және оларды әлеуметтiк қорғау атауындағы "және оларды әлеуметтiк қорғау" деген сөздер ", әлеуметтiк қорғалуы және олардың жауапкершілігі" деген сөздермен ауыстырылсын.
      18. 17-бап мынадай мазмұндағы 5-тармақпен толықтырылсын:
      "5. Республикалық ұлан әскери қызметшiсiнiң саяси партияларда, кәсiптiк одақтардың және басқа да қоғамдық бiрлестіктердің мүшелерi болуға және оларға жақтасуға, сондай-ақ ереуiлдерге қатысуға және кәсiпкерлiк қызметпен айналысуға құқығы жоқ.".
      19. Мынадай мазмұндағы 18-2-баппен толықтырылсын:
      "18-2-бап. Республикалық ұлан әскери қызметшiлерінің жауапкершілігі
      Республикалық ұланның әскери қызметшiлерi өздерiнiң қызметтiк міндеттерiн орындамағаны және тиiстi орындамағаны және құқыққа қарсы iс-әрекет жасағаны үшiн Қазақстан Республикасының заңдарына сәйкес жауапкершілікке тартылады".
      20. 22-бапта "Қаржы министрлігі" деген сөздері "заңнамаларға сәйкес" деген сөздермен ауыстырылсын.
      2-бап. Осы Заң жарияланған күнінен бастап қолданысқа енеді.

      Қазақстан Республикасының
      Премьер-Министрі

Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады