Қазақстан Республикасының Үкiметi ҚАУЛЫ ЕТЕДI :
1. Қоса берiлiп отырған Өзбекстан Республикасының Ресей Федерациясы мен Беларусь Республикасының арасындағы Кеден одағы туралы 1995 жылғы 6 қаңтардағы келiсiмге және Кеден одағы туралы 1995 жылғы 20 қаңтардағы келiсiмге қосылуы туралы хаттаманың жобасы мақұлдансын.
2. Өзбекстан Республикасының Ресей Федерациясы мен Беларусь Республикасының арасындағы Кеден одағы туралы 1995 жылғы 6 қаңтардағы келiсiмге және Кеден одағы туралы 1995 жылғы 20 қаңтардағы келiсiмге қосылуы туралы хаттамаға қол қойылсын.
3. Осы қаулы қол қойылған күнiнен бастап қолданысқа енгiзiледi.
Қазақстан Республикасының
Премьер-Министрі
Қазақстан Республикасы
Үкiметiнiң
2006 жылғы 6 желтоқсандағы
N 1177 қаулысымен
мақұлданған
Жоба
Өзбекстан Республикасының Ресей Федерациясы мен Беларусь Республикасының арасындағы Кеден одағы туралы 1995 жылғы 6 қаңтардағы келiсiмге және Кеден одағы туралы 1995 жылғы 20 қаңтардағы келiсiмге қосылуы туралы хаттама
1995 жылғы 6 және 20 қаңтардағы Кеден одағы туралы келiсiмдерге қатысушылар болып табылатын Беларусь Республикасының Үкiметi, Қазақстан Республикасының Үкiметi, Қырғыз Республикасының Үкiметi, Ресей Федерациясының Үкiметi, Тәжiкстан Республикасының Үкiметi бiр тараптан және Өзбекстан Республикасының Yкiметi екiншi тараптан,
теңгерiмдi және өзара тиiмдi экономикалық қарым-қатынастарды одан әрi дамытуға ұмтыла отырып,
Кеден одағының қағидаттарын, мақсаттарын және мiндеттерiн ұстануға дайын екендiгiн растай отырып,
1995 жылғы 6 қаңтардағы Ресей Федерациясы мен Беларусь Республикасының арасындағы Кеден одағы туралы келiсiмнiң 8-бабының 5-тармағын басшылыққа ала отырып,
2006 жылғы 25 қаңтарда қол қойылған Өзбекстан Республикасының Еуразиялық экономикалық қоғамдастық құру туралы 2000 жылғы 10 қазандағы шартқа қосылуы туралы хаттаманы назарға ала отырып,
мына төмендегiлер туралы уағдаласты:
1-бап
Өзбекстан Республикасының Үкiметi Ресей Федерациясы мен Беларусь Республикасының арасындағы Кеден одағы туралы 1995 жылғы 6 қаңтардағы келiсiмге және Кеден одағы туралы 1995 жылғы 20 қаңтардағы келiсiмге қосылады және олардан, сондай-ақ интеграцияны басқару органдарының шешiмдерi мен Кеден одағын құру және оның жұмыс iстеу мақсаттарына, қағидаттарына, шарттарына, кезеңдерiне қатысты басқа да құжаттардан туындайтын құқықтар мен мiндеттемелердi толық көлемде өзiне қабылдайды.
2-бап
Осы Хаттаманы түсiндiруге немесе қолдануға қатысты даулар консультациялар немесе келiссөздер жолымен шешіледi.
3-бап
Осы Хаттама қол қойылған күнiнен бастап уақытша қолданылады және депозитарий - Еуразиялық экономикалық қоғамдастықтың Интеграциялық Комитетi оған қол қойған үкiметтердiң оның күшiне енуi үшiн қажеттi мемлекетiшiлiк рәсiмдердi орындағаны туралы соңғы жазбаша хабарлама алған күнiнен бастап күшiне енедi.
2006 жылғы "______"________ _________ қаласында орыс тiлiнде бiр данада жасалды.
Осы Хаттаманың түпнұсқа данасы оның куәландырылған көшiрмесiн оған қол қойған үкiметтерге жiберетiн депозитарийде сақталады.
Беларусь Республикасының
Үкiметi үшiн
Қазақстан Республикасының
Үкiметi үшiн
Қырғыз Республикасының
Үкiметi үшiн
Ресей Федерациясының
Үкiметi үшiн
Тәжiкстан Республикасының
Үкiметi үшiн
Өзбекстан Республикасының
Үкiметi үшiн
