Қазақстан Республикасы Yкiметiнiң кейбiр шешiмдерiне өзгерiстер мен толықтырулар енгiзу туралы

Күшін жойған

Қазақстан Республикасы Үкіметінің 2007 жылғы 20 наурыздағы N 217 Қаулысы. Күші жойылды - Қазақстан Республикасы Үкіметінің 2016 жылғы 6 қазандағы № 568 қаулысымен

      Ескерту. Күші жойылды – ҚР Үкіметінің 06.10.2016 № 568 қаулысымен.

      Норма шығару қызметiн жетiлдiру мақсатында Қазақстан Республикасының Үкiметi ҚАУЛЫ ЕТЕДI:

      1. Қоса берiлiп отырған Қазақстан Республикасы Үкiметiнiң кейбiр шешiмдерiне енгiзiлетiн өзгерiстер мен толықтырулар бекiтiлсiн.

      2. Осы қаулы қол қойылған күнінен бастап қолданысқа енгiзiледi.

Қазақстан Республикасының
Премьер-Министрi



  Қазақстан Республикасы
Үкiметiнiң
2007 жылғы 20 наурыздағы
N 217 қаулысымен
бекiтiлген

Қазақстан Республикасы Yкiметiнiң кейбiр шешiмдерiне енгiзiлетiн өзгерiстер мен толықтырулар

      1. "Қазақстан Республикасы Үкiметiнiң заң жобалау қызметiн жетiлдiру жөнiндегi шаралар туралы" Қазақстан Республикасы Үкiметiнiң 2000 жылғы 11 қыркүйектегi N 1376 қаулысында (Қазақстан Республикасының ПYАЖ-ы, 2000 ж., N 40, 455-құжат):

      1-тармақта:

      Заң жобалау қызметi мәселелерi жөнiндегi ведомствоаралық комиссияның құрамына мыналар енгiзiлсiн:

      Супрун Виктор Васильевич - Қазақстан Республикасының Экономика және бюджеттiк жоспарлау вице-министрi;

      Әрiпханов Айдар Әбдiразақұлы - Қазақстан Республикасының Еңбек және халықты әлеуметтiк қорғау вице-министрi;

      Сұлтанов Бақыт Тұрлыханұлы - Қазақстан Республикасының Қаржы вице-министрi;

      Құдайбергенов Ескендiр Көпбосынұлы - Қазақстан Республикасы Табиғи монополияларды реттеу агенттiгi төрағасының орынбасары;

      Бекбаев Ерзат Зейноллаұлы - Қазақ гуманитарлық заң университетiнiң Құқықтық қамтамасыз ету және сараптама орталығы директорының орынбасары, заң ғылымдарының кандидаты;

      Бәшiмов Марат Советұлы - Еуропалық құқық сараптау институтының директоры, Қазақстан Республикасы Президентiнiң жанындағы Мемлекеттiк басқару академиясының профессоры, Қазақстан Республикасы Президентiнiң жанындағы Адам құқықтары жөнiндегi комиссияның сарапшысы;

      көрсетiлген құрамнан Орымбаев Ардақ Сиязбекұлы, Палымбетов Болат Әбiлқасымұлы, Смайылов Әлихан Асханұлы, Мәуленов Ғазиз Сырбайұлы, Үмбетәлиев Мәди Тоқтарұлы шығарылсын;

      6-тармақтағы "69" деген сандар "79" деген сандармен ауыстырылсын;

      көрсетiлген қаулымен бекiтiлген Заң жобалау қызметi мәселелерi жөнiндегi ведомствоаралық комиссия туралы ережеде:

      4-тармақтың он екiншi абзацы "жiберу туралы" деген сөздерден кейiн ", сондай-ақ заң жобаларының тұжырымдамаларын ғылыми құқықтық сараптамаға жiберу туралы" деген сөздермен толықтырылсын.

      2. Күші жойылды - ҚР Үкіметінің 31.08.2016 № 497 қаулысымен.

      3. "Қазақстан Республикасы Үкiметiнiң Регламентi туралы" Қазақстан Республикасы Үкiметiнiң 2002 жылғы 10 желтоқсандағы N 1300 қаулысында (Қазақстан Республикасының ПҮАЖ-ы, 2002 ж., N 44, 443-құжат):

      көрсетiлген қаулымен бекiтiлген Қазақстан Республикасы Үкiметiнiң Регламентi 66-тармағының төртiншi абзацындағы "бекiтiлген" деген сөзден кейiн "Заң жобаларына" деген сөздер алынып тасталсын.

      4. "Қазақстан Республикасының уәкiлеттi органдарында заң жобалау жұмыстарын ұйымдастыру ережесiн бекiту туралы" Қазақстан Республикасы Үкiметiнiң 2003 жылғы 21 тамыздағы N 840 қаулысында (Қазақстан Республикасының ПYАЖ-ы, 2003 ж., N 34, 344-құжат):

      көрсетiлген қаулымен бекiтiлген Қазақстан Республикасының уәкiлеттi органдарында заң жобалау жұмыстарын ұйымдастыру ережесiнде:

      2-тармақта:

      екiншi абзац мынадай редакцияда жазылсын:

      "заң жобаларының тұжырымдамаларын әзiрлеу;";

      мынадай мазмұндағы екiншi және төртiншi абзацтармен толықтырылсын:

      "Норма шығармашылығы қызметiн жетiлдiру жөнiндегi шаралар туралы" Қазақстан Республикасы Yкiметiнiң 2002 жылғы 30 мамырдағы N 598 қаулысымен бекiтiлген Ғылыми сараптама жүргiзу ережесiне сәйкес заң жобаларының тұжырымдамаларына ғылыми сараптама жүргiзу;

      заң жобаларының тұжырымдамаларын Қазақстан Республикасы Үкiметiнiң жанындағы Заң жобалау қызметi мәселелерi жөнiндегi ведомствоаралық комиссияда (бұдан әрi - Комиссия) қарау;";

      6-тармақ "тұжырымдамасымен" деген сөзден кейiн "және заң жобасы тұжырымдамасының ғылыми құқықтық сараптамасының қорытындысымен" деген сөздермен толықтырылсын;

      мынадай мазмұндағы 20-1-тармақпен толықтырылсын:

      "20-1. Жеке кәсiпкерлiк субъектiлерiнiң мүдделерiн қозғайтын заң жобалары сараптамалық қорытынды алу үшiн жеке кәсiпкерлiк субъектiлерiнiң аккредиттелген бiрлестiктерiне жiберiледi.

      Жеке кәсiпкерлiк субъектiлерiнiң аккредиттелген бiрлестiктерiнiң сараптамалық қорытындылары ұсынымдық сипатта болады.

      Сараптамалық қорытындыда заң жобасына ескертулер және ұсыныстар болған кезде уәкiлеттi орган оларды құзыретiне сараптамалық қорытындыда қозғалатын мәселелердi қарау кiретiн мемлекеттiк органға пысықтау және тиiстi ұстанымды қалыптастыру үшiн заң жобасымен бiр мезгiлде жiбередi.

      Жеке кәсiпкерлiк субъектiлерiнiң аккредиттелген бiрлестiктерiнiң сараптамалық қорытындылары заң жобасы қабылданғанға дейiн оған мiндеттi қосымша болып табылады.

      21-тармақта:

      "Заң жобаларына" деген сөздер алынып тасталсын;

      "материалдармен бiрге" деген сөздерден кейiн "келiсушi мемлекеттiк органдарға" деген сөздермен толықтырылсын;

      мынадай мазмұндағы 21-1-тармақпен толықтырылсын:

      "21-1. Егер Қазақстан Республикасы заңының қолданысын қамтамасыз ету үшiн заңға тәуелдi нормативтiк құқықтық акт қабылдау қажет болса, заң жобасын әзiрлеушi мемлекеттiк орган заң жобасын жан-жақты пысықтау мақсатында келiсушi мемлекеттiк органдардың қарауына заң жобасын iске асыру үшiн қажеттi заңға тәуелдi нормативтiк құқықтық актiлердiң жобаларын бiр мезгiлде енгiзедi.

      Егер заңға тәуелдi нормативтiк құқықтық актiнiң жобасын әзiрлеу басқа мемлекеттiк органның құзыретiне жатқан жағдайда, онда ол заң жобасын әзiрлеушi мемлекеттiк органның сұратуы бойынша заңға тәуелдi актiнiң тиiстi жобасын ұсынады.".

      5. Күші жойылды - ҚР Үкіметінің 2009.10.29 N 1707 Қаулысымен.

      6. Күші жойылды - ҚР Үкіметінің 2009.10.29 N 1707 Қаулысымен.

      7. "Нормативтiк құқықтық кесiмдердi мемлекеттiк тiркеу ережесiн бекiту туралы" Қазақстан Республикасы Yкiметiнiң 2006 жылғы 17 тамыздағы N 778 қаулысында (Қазақстан Республикасының ПҮАЖ-ы, 2006 ж., N 30, 330-құжат):

      9-тармақ мынадай мазмұндағы абзацпен толықтырылсын:

      "Hopмa шығармашылығы қызметiн жетiлдiру жөнiндегi шаралар туралы" Қазақстан Республикасы Yкiметiнiң 2002 жылғы 30 мамырдағы N 598 қаулысымен бекiтiлген Ғылыми сараптама жүргiзу ережесiне сәйкес сыбайлас жемқорлыққа қарсы ғылыми сараптамаға жататын нормативтiк құқықтық актiге тиiстi сараптамалық қорытындының көшiрмесi қоса берiледi.".

Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады