Фильтрлі, фильтрсіз сигареттерге және папиростарға ең төмен бөлшек сауда бағаларын белгілеу туралы

Жаңартылған

Қазақстан Республикасы Үкіметінің 2007 жылғы 4 сәуірдегі N 260 Қаулысы.

      Ескерту. Тақырыбы жаңа редакцияда – ҚР Үкіметінің 24.03.2017 № 128 (алғашқы ресми жарияланған күнінен кейін күнтізбелік он күн өткен соң қолданысқа енгізіледi) қаулысымен.

      "Темекі өнімдерінің өндірілуі мен айналымын мемлекеттік реттеу туралы" Қазақстан Республикасының 2003 жылғы 12 маусымдағы Заңына сәйкес Қазақстан Республикасының Үкіметі ҚАУЛЫ ЕТЕДІ:

      1. Фильтрлі, фильтрсіз 20 (жиырма) сигаретке және папиростарға:

      1) 2018 жылғы 31 желтоқсанды қоса алғанға дейін үш жүз алпыс теңге;

      2) 2019 жылғы 1 қаңтардан бастап 2019 жылғы 30 маусымды қоса алғанға дейін үш жүз сексен теңге;

      3) 2019 жылғы 1 шілдеден бастап 2019 жылғы 31 желтоқсанды қоса алғанға дейін төрт жүз теңге;

      4) 2020 жылғы 1 қаңтардан бастап 2020 жылғы 30 маусымды қоса алғанға дейін төрт жүз жиырма теңге;

      5) 2020 жылғы 1 шілдеден бастап 2020 жылғы 31 желтоқсанды қоса алғанға дейін төрт жүз қырық теңге;

      6) 2021 жылғы 1 қаңтардан бастап 2021 жылғы 30 маусымды қоса алғанға дейін төрт жүз алпыс теңге;

      7) 2021 жылғы 1 шілдеден бастап 2021 жылғы 31 желтоқсанды қоса алғанға дейін төрт жүз сексен теңге;

      8) 2022 жылғы 1 қаңтардан бастап 2022 жылғы 30 маусымды қоса алғанға дейін бес жүз теңге;

      9) 2022 жылғы 1 шілдеден бастап бес жүз жиырма теңге мөлшерінде ең төменгі бөлшек сауда бағалары белгіленсін.

      Ескерту. 1-тармақ жаңа редакцияда – ҚР Үкіметінің 16.11.2018 № 751 (алғашқы ресми жарияланған күнінен кейін күнтізбелік он күн өткен соң қолданысқа енгізіледi) қаулысымен.

      2. Осы қаулы алғаш рет ресми жарияланған күнінен бастап жиырма күнтізбелік күн өткен соң қолданысқа енгізіледі.

      Қазақстан Республикасының
      Премьер-Министрі

Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады