"Концессиялар туралы" Қазақстан Республикасының 2006 жылғы 7 шілдедегі Заңының 8-бабына сәйкес Қазақстан Республикасының Үкіметі ҚАУЛЫ ЕТЕДІ:
1. Қоса беріліп отырған концессияға берілуі мүмкін объектілердің техникалық-экономикалық негіздемесін әзірлеу үшін іріктелген ұсыныстардың тізілімі бекітілсін.
2. "Орта мерзімді кезеңге арналған (2007 - 2009 жылдарға арналған) концессияға беруге ұсынылатын объектілердің тізбесін бекіту туралы" Қазақстан Республикасы Үкіметінің 2006 жылғы 28 қарашадағы N 1127 қаулысына (Қазақстан Республикасының ПҮАЖ-ы, 2006 ж., N 42, 471-құжат) мынадай өзгеріс енгізілсін:
көрсетілген қаулымен бекітілген орта мерзімді кезеңге арналған (2007-2009 жылдарға арналған) концессияға беруге ұсынылатын объектілердің тізбесінде:
реттік нөмірі 18-жол алып тасталсын.
3. Осы қаулы кол қойылған күнінен бастап қолданысқа енгізіледі және ресми жариялануға тиіс.
Қазақстан Республикасының | |
Премьер-Министрі | К. Мәсімов |
| Қазақстан Республикасы Үкіметінің 2008 жылғы 3 қарашадағы N 1005 қаулысымен бекітілген |
Концессияға берілуі мүмкін объектілердің
техникалық-экономикалық негіздемесін әзірлеу
үшін іріктелген ұсыныстардың тізілімі
Ескерту. Тізілімге өзгерту енгізілді - ҚР Үкіметінің 2009.04.16 N 526, 2010.02.26 № 137 Қаулыларымен.
Р/с N | Атауы | Тиісті саланың уәкілетті мемлекеттік органдары және облыстардың (республикалық маңызы бар қаланың, астананың) жергілікті атқарушы органдары |
1 | "Алматы - Өскемен" автомобиль жолының "Алматы - Қапшағай" учаскесін салу (қайта жаңарту) және пайдалану | Қазақстан Республикасы Көлік және коммуникация министрлігі |
2 | "Ресей Федерациясының шекарасы (Екатеринбургке) - Қостанай, Астана, Қарағанды қалалары арқылы Алматы" автомобиль жолының "Астана - Қарағанды" учаскесін қайта жаңарту және пайдалану | Қазақстан Республикасы Көлік және коммуникация министрлігі |
3 | "Үлкен Алматылық орамды автомобиль жолы" (ҮАОАЖ) автомобиль жолын салу және пайдалану | Қазақстан Республикасы Көлік және коммуникация министрлігі |
4 | "Өзбекстан Республикасының шекарасы (Ташкентке) - Қырғызстан Республикасының шекарасына кіреберістермен Көкпек, Көктал, Благовещенка арқылы Шымкент - Тараз - Қорғас" автомобиль жолының "Алматы - Қорғас" учаскесін қайта жаңарту және пайдалану | Қазақстан Республикасы Көлік және коммуникация министрлігі |
5 | Астана қаласының жаңа көлік жүйесі | Астана қаласының әкімдігі |
6 | "Өзбекстан Республикасының шекарасы (Ташкентке) - Шымкент - Тараз - Алматы - Қырғызстан Республикасының шекарасына кіреберістермен бірге Көкпек, Көктал, Благовещенка арқылы Қорғасқа" автомобиль жолының "Ташкент - Шымкент - Жамбыл облысының шекарасы" учаскесін қайта жаңарту | Қазақстан Республикасы Көлік және коммуникация министрлігі |
7 | "Зияткерлік-көлік жүйесін (ЗКЖ) енгізу және Көкшетау қаласы арқылы Астана - Петропавл автомобиль жолының "Астана - Щучье" учаскесін пайдалану | Қазақстан Республикасы Көлік және коммуникация министрлігі |
8 | Маңғыстау облысының Ақтау қаласында автовокзал салу және пайдалану | Маңғыстау облысының әкімдігі |
9 | Маңғыстау облысының Маңғышлақ (Тамақ) станциясында темір жол вокзалын салу және пайдалану | Маңғыстау облысының әкімдігі |
