"2008 жылға арналған республикалық бюджет туралы" Қазақстан Республикасының 2007 жылғы 6 желтоқсандағы
Заңына
, "Республикалық және жергілікті бюджеттердің атқарылу ережесін бекіту туралы" Қазақстан Республикасы Үкіметінің 2007 жылғы 20 наурыздағы N 225
қаулысына
сәйкес Қазақстан Республикасының Үкіметі
ҚАУЛЫ ЕТЕДІ:
1. Қазақстан Республикасы Сыртқы істер министрлігіне Еуразиялық экономикалық қоғамдастықтың қосымша сараптамалық талдау, оның ішінде мемлекетаралық бағдарламаларды дайындау және іске асыру, әлемдік қаржы дағдарысының зардаптарын жою жөнінде шаралар әзірлеу, Интеграциялық Комитет мүшелерінің ай сайынғы отырыстарын өткізу және тиісті сараптамалық топтардың жұмыстарын ұйымдастыру жөніндегі жұмыстарды өткізуі үшін 2008 жылға арналған республикалық бюджетте көзделген Қазақстан Республикасы Үкіметінің шұғыл шығындарға арналған резервінен Қазақстан Республикасы Ұлттық Банкі берілетін күнге белгілеген бағам бойынша 10000000 (он миллион) ресей рубліне баламалы сомада ақшалай қаражат бөлінсін.
2. Қазақстан Республикасы Қаржы министрлігі бөлінген қаражаттың мақсатты пайдаланылуын бақылауды жүзеге асырсын.
3. Осы қаулы қол қойылған күнінен бастап қолданысқа енгізіледі.
Қазақстан Республикасының
Премьер-Министрі К. Мәсімов
