"Инвестициялар туралы" Қазақстан Республикасының 2003 жылғы 8 қаңтардағы Заңы 14-бабының 3-тармағына сәйкес Қазақстан Республикасының Үкіметі ҚАУЛЫ ЕТЕДІ:
1. Мынадай заңды тұлғалар үшін берілетін инвестициялық салықтық преференциялардың қолданылу мерзімдері белгіленсін:
1) "Жамбыл облысы Мойынқұм ауданының Мыңарал кентінде цемент зауытын салу" инвестициялық жобасы бойынша "Жамбыл цемент өндірістік компаниясы" жауапкершілігі шектеулі серіктестігіне:
корпоративтік табыс салығы бойынша - тіркелген активтерді іске қосқан сәттен бастап 10 (он) күнтізбелік жыл;
мүлік салығы бойынша - тіркелген активтерді іске қосқан сәттен бастап 5 (бес) жыл;
жер салығы бойынша - тіркелген активтерді іске қосқан сәттен бастап 5 (бес) жыл;
2) "Қарағанды облысының Бұхар жырау ауданында цемент зауытын салу" инвестициялық жобасы бойынша "Сарыарқа Цемент" жауапкершілігі шектеулі серіктестігіне:
корпоративтік табыс салығы бойынша - тіркелген активтерді іске қосқан сәттен бастап 7 (жеті) күнтізбелік жыл;
мүлік салығы бойынша - тіркелген активтерді іске қосқан сәттен бастап 5 (бес) жыл;
3) "Қызылорда облысында табақты шыны өндірісін ұйымдастыру" инвестициялық жобасы бойынша "EURASIA FLOAT GLASS" акционерлік қоғамына:
корпоративтік табыс салығы бойынша - тіркелген активтерді іске қосқан сәттен бастап 10 (он) күнтізбелік жыл;
мүлік салығы бойынша - тіркелген активтерді іске қосқан сәттен бастап 5 (бес) жыл.
2. Осы қаулы қол қойылған күнінен бастап қолданысқа енгізіледі.
Қазақстан Республикасының
Премьер-Министрі К. Мәсімов
