Қазақстан Республикасының Үкіметі ҚАУЛЫ ЕТЕДІ:
1. Қазақстан Республикасы Қаржы министрлігінің Мемлекеттік мүлік және жекешелендіру комитеті:
1) Қазақстан Республикасы Индустрия және жаңа технологиялар министрлігінің Өнеркәсіп комитетіне «Қазақстандық индустрияны дамыту институты» акционерлік қоғамы акцияларының мемлекеттік пакетінің жиырма бес пайызын иелену және пайдалану құқығын;
2) Қазақстан Республикасы Индустрия және жаңа технологиялар министрлігінің Инвестиция комитетіне «Қазақстандық индустрияны дамыту институты» акционерлік қоғамы акцияларының мемлекеттік пакетінің жиырма бес пайызын иелену және пайдалану құқығын берсін.
2. Қоса беріліп отырған Қазақстан Республикасы Үкіметінің кейбір шешімдеріне енгізілетін өзгерістермен толықтырулар бекітілсін.
3. Осы қаулы қол қойылған күнінен бастап қолданысқа енгізіледі.
Қазақстан Республикасының
Премьер-Министрі К. Мәсімов
Қазақстан Республикасы
Үкіметінің
2011 жылғы 24 мамырдағы
№ 566 қаулысымен
бекітілген
Қазақстан Республикасы Үкіметінің кейбір шешімдеріне енгізілетін өзгерістер мен толықтырулар
1. «Республикалық меншіктегі ұйымдар акцияларының мемлекеттік пакеттері мен мемлекеттік үлестеріне иелік ету және пайдалану жөніндегі құқықтарды беру туралы» Қазақстан Республикасы Үкіметінің 1999 жылғы 27 мамырдағы № 659 қаулысында:
көрсетілген қаулыға қосымшада:
«Қазақстан Республикасы Индустрия және жаңа технологиялар министрлігінің Өнеркәсіп комитетіне» деген бөлім мынадай мазмұндағы реттік нөмірі 291-3-жолмен толықтырылсын:
«291-3. «Қазақстандық индустрияны дамыту институты» акционерлік қоғамы»;
«Қазақстан Республикасы Индустрия және жаңа технологиялар министрлігінің Инвестиция комитетіне» деген бөлім мынадай мазмұндағы реттік нөмірі 292-5-жолмен толықтырылсын:
«292-5. «Қазақстандық индустрияны дамыту институты» акционерлік қоғамы».
2. Күші жойылды - ҚР Үкіметінің 19.09.2014 № 995 қаулысымен.
3. Күші жойылды - ҚР Үкіметінің 28.08.2015 № 683 қаулысымен.
4. Күші жойылды - ҚР Үкіметінің 2012.03.19 № 340 (алғашқы ресми жарияланған күнінен бастап қолданысқа енгізіледі) Қаулысымен.
