Облыстық бюджеттерге, Астана және Алматы қалаларының бюджеттеріне асыл тұқымды мал шаруашылығын қолдауға 2012 жылға арналған республикалық бюджеттен берiлетiн ағымдағы нысаналы трансферттердi пайдалану қағидаларын бекiту туралы

Жаңартылған

Қазақстан Республикасы Үкіметінің 2012 жылғы 24 сәуірдегі № 516 Қаулысы.

      РҚАО-ның ескертпесі!
      2012 жылдың 1 қаңтарынан бастап қолданысқа енгізіледі.

      Қазақстан Республикасының "Асыл тұқымды мал шаруашылығы туралы" 1998 жылғы 9 шiлдедегi және "2012 – 2014 жылдарға арналған республикалық бюджет туралы" 2011 жылғы 24 қарашадағы заңдарына сәйкес асыл тұқымды өнiммен (материалмен) қамтамасыз етуде отандық ауыл шаруашылығы тауарын өндiрушiлердi қолдау мақсатында Қазақстан Республикасының Үкiметi ҚАУЛЫ ЕТЕДI:

      1. Қоса берiлiп отырған Облыстық бюджеттерге, Астана және Алматы қалаларының бюджеттеріне асыл тұқымды мал шаруашылығын қолдауға 2012 жылға арналған республикалық бюджеттен берiлетiн ағымдағы нысаналы трансферттердi пайдалану қағидалары бекiтiлсiн.

      2. Осы қаулы 2012 жылғы 1 қаңтардан бастап қолданысқа енгiзiледi және ресми жариялануға тиiс.

Қазақстан Республикасының


Премьер-Министрi

К.Мәсiмов


  Қазақстан Республикасы
Үкiметiнiң
2012 жылғы 24 сәуірдегі
№ 516 қаулысымен
бекiтiлген

Облыстық бюджеттерге, Астана және Алматы қалаларының
бюджеттеріне асыл тұқымды мал шаруашылығын қолдауға
2012 жылға арналған республикалық бюджеттен берiлетiн
ағымдағы нысаналы трансферттердi пайдалану қағидалары
1. Жалпы ережелер

      1. Осы Облыстық бюджеттерге, Астана және Алматы қалаларының бюджеттеріне асыл тұқымды мал шаруашылығын қолдауға 2012 жылға арналған республикалық бюджеттен берiлетiн ағымдағы нысаналы трансферттердi пайдалану қағидалары (бұдан әрi – Қағидалар) мал шаруашылығындағы асылдандыру iсi бойынша республикалық малды асылдандыру орталығының (бұдан әрi – республикалық малды асылдандыру орталығы), қостанай жылқы тұқымы бойынша асыл тұқымды жылқы зауытының, еттi құс шаруашылығы бойынша асылдандыру шаруашылығының, отандық ауыл шаруашылығы тауарын өндiрушiлердiң (бұдан әрi – тауар өндiрушiлер) ағымдағы нысаналы трансферттердi (бұдан әрi – бюджеттiк субсидиялар) асыл тұқымды жануарлардың үлес салмағын, етті ірі қара малдың тектік қорын қалпына келтіру және көбейту, сондай-ақ тауар өндiрушiлердегi ауыл шаруашылығы жануарлары сапасының өнiмдiлiгiн арттыру мақсатында 2012 жылға арналған республикалық бюджетте 083 "Облыстық бюджеттерге, Астана және Алматы қалаларының бюджеттерiне асыл тұқымды мал шаруашылығын қолдауға берiлетiн ағымдағы нысаналы трансферттер" бюджеттiк бағдарламасы бойынша көзделген қаражат есебiнен және шегiнде пайдалану тәртiбiн айқындайды.

      2. Бюджеттiк субсидиялар:

      1) тауар өндiрушiлер отандық асыл тұқымды мал зауыттарынан және (немесе) асыл тұқымды мал шаруашылықтарынан сатып алған отандық тұқымдардың асыл тұқымды төлiнiң құнын iшiнара (50 %-ға дейiн) арзандатуға;

      2) тауар өндiрушiлер сатып алған, оның iшiнде лизинг шарты негiзiнде сатып алған асыл тұқымды ірі қара мал төлiнiң құнын iшiнара (50 %-ға дейiн) арзандатуға;

      3) тауар өндiрушiлер ағымдағы жылы және (немесе) өткен жылдың төртінші тоқсанында шетелден, оның iшiнде лизинг шарты негiзiнде сатып алған асыл тұқымды және селекциялық ірі қара мал төлінің (бұдан әрi – шет елден әкелінген асыл тұқымды және селекциялық төл) құнын iшiнара (50 %-ға дейiн) арзандатуға;

      4) дара кәсіпкерлерге және/немесе заңды тұлғаларға жеке қосалқы шаруашылықтардағы аналық ірі қара мал басын шағылыстыруға пайдаланатын асыл тұқымды етті бағыттағы тұқымдық бұқаларды күтіп-бағуға (бұдан әрі - тұқымдық бұқаларды күтіп-бағу) жұмсалатын шығындардың құнын iшiнара (50 %-ға дейiн) арзандатуға;

      5) етті бағыттағы аналық ірі қара мал басының (сиырлар және құнажындар) сапалық құрамын жақсартумен айналысатын тауар өндiрушiлерге селекциялық және асыл тұқымдық жұмыстарды жүргізумен (ұйымдастырумен) байланысты шығындарының құнын iшiнара (50 %-ға дейiн) арзандатуға;

      6) отандық құс фабрикалары отандық асыл тұқымды құс фабрикаларынан сатып алған асыл тұқымды тәулiктiк балапандар мен асыл тұқымды жұмыртқаның (бұдан әрi – құс шаруашылығы өнімдері) құнын iшiнара (50 %-ға дейiн) арзандатуға;

      7) республикалық малды асылдандыру орталығы сатып алатын арнайы технологиялық, зертханалық жабдықтардың құнын толық өтеуге;

      8) асыл тұқымды бұқаларды, шетелдiк селекцияның ұрығын сатып алу, сондай-ақ асыл тұқымды бұқаларды күтiп-бағу, ұрығын алу, сақтау, ұрпағының сапасы бойынша бағалау (бұдан әрi – бағалау) үшiн олардың ұрығын пайдалану және эмбриондар алу, сақтау, пайдалану бойынша республикалық малды асылдандыру орталығының шығындарын толық өтеуге;

      9) еттi құс шаруашылығы бойынша асылдандыру шаруашылығында асыл тұқымды құс сатып алу жөнiндегi шығындарды толық өтеуге;

      10) асыл тұқымды жылқыларды көбейту, күтiп-бағу және тренингі, қостанай жылқы тұқымы бойынша асыл тұқымды жылқы зауытында асыл тұқымды айғырлардың ұрығын алу және сақтау жөнiндегi шығындарды толық өтеуге арналады.

      Ескерту. 2-тармаққа өзгеріс енгізілді - ҚР Үкіметінің 2012.09.19 № 1222 (2012.01.01 бастап қолданысқа енгiзiледi) Қаулысымен.

      3. Тауар өндiрушiлер субсидиялау бағдарламасына қатысу үшiн осы Қағидаларға 1-қосымшаға сәйкес өлшемдерге сәйкес келуi тиiс.

      4. Сатып алынған асыл тұқымды және селекциялық төлдің, құс шаруашылығы өнімдерінің әрбiр түрiне, 1 бас тұқымдық бұқаны күтіп-бағуға, сондай-ақ селекциялық және асыл тұқымдық жұмыстарды жүргізуге жұмсалатын бюджеттiк субсидиялардың нормативi осы Қағидаларға 2-қосымшаға сәйкес белгiленедi.

      Ескерту. 4-тармақ жаңа редакцияда - ҚР Үкіметінің 2012.09.19 № 1222 (2012.01.01 бастап қолданысқа енгiзiледi) Қаулысымен.

      5. Тауар өндiрушiлерге еттi бағыттағы құс шаруашылығы бойынша асылдандыру шаруашылығының балапандарды, сондай-ақ республикалық малды асылдандыру орталығының асыл тұқымды бұқалар ұрығын өткізу бағасы осы Қағидаларға 3-қосымшаға сәйкес белгiленедi.

      6. Субсидиялауға мыналар жатпайды:

      1) тауар өндiрушiлер сатып алған асыл тұқымды және селекциялық төл, құс шаруашылығы өнімі, сондай-ақ осы Қағидаларға 1-қосымшада белгiленген өлшемдерге сәйкес келмейтiн тауар өндірушілерде селекциялық және асыл тұқымдық жұмыстарды жүргізу, тұқымдық бұқаларды күтіп-бағу жөніндегі шығындар;

      2) тауар өндiрушiлер өзара есеп айырысу есебiне, сондай-ақ аффилиирленген тұлғалардан айырбас бойынша сатып алған асыл тұқымды және селекциялық төл, құс шаруашылығы өнімі;

      3) индекстік жүйе бойынша бағаланбаған және таза тұқымдық өсіруге немесе туыстас топтарды шағылыстыруға арналмаған, шетелден (Ресей Федерациясын, Белорусь Республикасын және Украинаны қоспағанда) сатып алған ірі қара малдың асыл тұқымды төлі (қашар және құнажын); ұрпағының сапасы бойынша бағаланбаған және өнімін молайту мақсатында емес сатып алынған бұқалар;

      4) өнеркәсiптiк шағылыстыруға арналған, шет елден әкелінген және отандық асыл тұқымды малдан алынған асыл тұқымды және селекциялық қашарлар;

      5) бұрын тауар өндiрушiлер және лизингтiк ұйымдар (бұдан әрi – лизинг берушiлер) арзандатқан және сатқан асыл тұқымды және селекциялық төл.

      Ескерту. 6-тармақ жаңа редакцияда - ҚР Үкіметінің 2012.09.19 № 1222 (2012.01.01 бастап қолданысқа енгiзiледi) Қаулысымен.

      7. Осы Қағидалардың 2-тармағында көрсетілген мемлекеттік қолдау бағыттары бойынша өңірлерге бөлінген қаражат шегінде бюджеттік субсидия көлемі ағымдағы қаржы жылына арналған республикалық бюджетті іске асыру туралы Қазақстан Республикасы Үкіметінің қаулысына сәйкес Қазақстан Республикасы Ауыл шаруашылығы министрiнiң бұйрығымен айқындалады.

      8. Қазақстан Республикасы Ауыл шаруашылығы министрлiгiнің (бұдан әрi – Министрлiк) жазбаша келісімі бойынша облыс әкiмiнiң шешiмiмен мынадай нысандар бекiтiледi:

      1) шетелден әкелінген асыл тұқымды және селекциялық төлді, сондай-ақ лизинг шарты негізінде сатып алынған асыл тұқымды және селекциялық ірі қара малдың төлін қоспағанда, асыл тұқымды өнiмдi (материалды) сатып алу-сату шарты;

      2) сатып алынған асыл тұқымды өнiмге (материалға), тұқымдық бұқаларды күтіп-бағуға, сондай-ақ селекциялық және асыл тұқымдық жұмыстарды жүргізуге субсидия алуға өтiнiм;

      3) ауылдық округтегі тұқымдық бұқаға деген қажетілік бойынша өтінім;

      4) асыл тұқымды өнiм сатып алғаны, тұқымдық бұқалар саны, сондай-ақ селекциялық және асыл тұқымдық жұмыстарды жүргізу және аудан бойынша тиесiлi субсидия сомасы туралы жиынтық акт;

      5) асыл тұқымды өнiм сатып алғаны, асыл тұқымды тұқымдық бұқалар саны туралы, сондай-ақ селекциялық және асыл тұқымдық жұмыстарды жүргізу және облыс бойынша тиесiлi субсидия сомасы туралы жиынтық акт;

      6) облыс бойынша бюджет қаражатын игеру жөнiндегi есеп (ақпарат);

      7) облыс бойынша асыл тұқымды өнiмдi (материалды) сатып алу, сондай-ақ селекциялық және асыл тұқымдық жұмыстарды жүргізу көлемi жөнiндегi бір тоқсандағы есеп (ақпарат);

      8) тұқымдық бұқаларды бекіту және пайдалану бойынша елді мекен тұрғындары – мал иелері жиналысының шешімі;

      9) сатып алынған ірі қара малдың асыл тұқымды және селекциялық төлін пайдалану бойынша міндеттеме.

      Ескерту. 8-тармаққа өзгеріс енгізілді - ҚР Үкіметінің 2012.09.19 № 1222 (2012.01.01 бастап қолданысқа енгiзiледi) Қаулысымен.

      9. Министрлiк бюджеттiк бағдарламаның әкiмшiсi ретiнде төлемдер бойынша жеке қаржыландыру жоспарына және облыс әкiмi мен Қазақстан Республикасының Ауыл шаруашылығы министрi арасында қол қойылған ағымдағы нысаналы трансферттер бойынша нәтижелер туралы келiсiмге сәйкес асыл тұқымды мал шаруашылығын қолдауға берiлетiн ағымдағы нысаналы трансферттердi облыстық бюджеттерге аударады.

      Бөлiнген қаражат толығымен игерілмеген жағдайда Министрлiк заңнамада белгiленген тәртiппен бюджеттiк бағдарламаны iске асыруға 2012 жылға арналған республикалық бюджетте көзделген қаражат шегiнде облыстар бойынша бюджеттiк субсидияларды төлеуге арналған қаражатты қайта бөлу туралы Қазақстан Республикасының Үкiметiне ұсыныс енгiзедi.

      10. Облыстың ауыл шаруашылығы басқармасы (бұдан әрi – басқарма) ай сайын, есептi айдан кейiнгi айдың 5-күніне дейiнгi мерзiмде, бiрақ 2012 жылғы 30 желтоқсаннан кешiктiрмей Министрлiкке төленген бюджеттiк субсидиялардың көлемi, құны және тиiмдiлiгi туралы есеп бередi.

      11. Осы Қағидаларда көзделген тауар өндірушілердің міндеттемелері екі данада толтырылады және бір данадан тиісті бөлімде және Министрлік ведомствосының тиісті аумақтық бөлімшесінде тауар өндірушілер оны берген сәттен бастап кемінде бес жыл сақталуға жатады.

      Тауар өндірушілердің ұсынылған міндеттемлерді сақтамауы тиісті ауданның ауыл шаруашылығы бөлiмінің (бұдан әрi – бөлiм) төленген субсидияларды заңнамада белгіленген тәртіппен өндіріп алуына негіз болып табылады.

2. Тауар өндiрушiлердің шығындарын iшiнара арзандатуды (құнын
өтеуді) көздейтін субсидияларға арналған ағымдағы нысаналы
трансферттердi пайдалану тәртiбi
2.1. Тауар өндірушілердің субсидия алуға арналған
өтінімдерін қарау тәртібі

      12. Осы Қағидалар ресми жарияланғаннан кейін жеті жұмыс күні ішінде бөлім аудан әкімдігінің интернет-ресурсына субсидиялауға қатысу үшін өтінімдерді қабылдау басталғаны туралы хабарландыру орналастырады.

      Ескерту. 12-тармаққа өзгеріс енгізілді - ҚР Үкіметінің 2012.09.19 № 1222 (2012.01.01 бастап қолданысқа енгiзiледi) Қаулысымен.

      13. Тауар өндiрушiлер 2012 жылғы 1 қарашадан кешіктірілмейтін мерзімде, бөлiмге отандық асыл тұқымды мал зауыттарынан және (немесе) асыл тұқымды шаруашылықтардан не асыл тұқымды ірі қара мал өсіретін тауар өндірушілерден асыл тұқымды төл, шет елден әкелінген асыл тұқымды және селекциялық төл, отандық асыл тұқымды құс фабрикаларынан құс шаруашылығы өнімдерін, сондай-ақ тұқымдық бұқаларды күтіп-бағу және селекциялық және асыл тұқымдық жұмыстарды жүргізу бойынша шығындардың нақты және (немесе) жоспарланған көлемiне өтiнiмдер ұсынады.

      Ескерту. 13-тармақ жаңа редакцияда - ҚР Үкіметінің 2012.09.19 № 1222 (2012.01.01 бастап қолданысқа енгiзiледi) Қаулысымен.

      14. Бөлiм өтiнiмдердi алған сәттен бастап жетi жұмыс күнi iшiнде тауар өндiрушiлердiң осы Қағидаларда белгiленген өлшемдерге сәйкестiгiн тексередi.

      Ұсынылған өтінімдердің осы Қағидаларда белгіленген өлшемдерге сәйкес келмеуі және (немесе) бюджеттік субсидиялардың бөлінбеген қалдығының болмауы өтінімдерді белгіленген мерзімнен кеш ұсыну субсидиялау бағдарламасына қатыстырудан бас тарту үшін негіздеме болып табылады. Осындай жағдайларда бөлім бас тарту себептерін көрсете отырып, өтінімдерді үш жұмыс күні ішінде тауар өндірушілерге кері қайтарады. Тауар өндірушілер өтінімді қайта енгізуге құқылы, бірақ белгіленген мерзімнен кешіктірмейді.

      Аудан бойынша субсидиялау бағыттары бойынша бюджеттік субсидиялар алушылардың жиынтық тізімін тиісті аудан әкімі бекітеді.

      Ескерту. 14-тармақ жаңа редакцияда - ҚР Үкіметінің 2012.09.19 № 1222 (2012.01.01 бастап қолданысқа енгiзiледi) Қаулысымен.

      15. Бекітілген тізімді бөлiм тауар өндiрушiлердiң өтiнiмдерiмен бiрге облыс әкiмiнiң шешiмiмен құрылған, облыс әкiмiнiң ауыл шаруашылығы мәселелерi бойынша орынбасары төрағалық ететiн облыстық комиссияның (бұдан әрi – комиссия) қарауына жiбереді.

      Комиссияның құрамына басқарманың, Министрліктің Агроөнеркәсіптік кешендегi мемлекеттiк инспекция комитетi аумақтық инспекциясының мамандары, сондай-ақ қоғамдық ұйымдардың өкілдері кiредi.

      16. Комиссия:

      1) үш жұмыс күнi iшiнде бөлiмдер ұсынған өтiнiмдердi осы Қағидаларда белгiленген талаптарға сәйкестiгi тұрғысынан қарайды;

      2) өтiнiмдердi қарау нәтижелерi бойынша бюджеттiк субсидиялар, субсидияланатын асыл тұқымды өнiм сатып алуға, тұқымдық бұқаларды күтіп-бағуға, селекциялық және асыл тұқымдық жұмыстарды жүзеге асыруға жылдық квоталар алуға тауар өндiрушiлердiң жиынтық тiзiмiн, сондай-ақ осы Қағидаларға 2-қосымшада көрсетiлген нормативтер негiзiнде бюджеттiк субсидиялар көлемiн облыс әкiмiне бекiтуге ұсынады.

      17. Тауар өндiрушiлер өтiнiм білдірген бюджеттік субсидиялардың талап етілетін көлемі бюджеттiк субсидиялар көлемiнен асып түскен жағдайда, комиссия тауар өндiрушiлердiң етті бағыттағы iрi қара малдың асыл тұқымды және селекциялық төлiн сатып алуға берген өтiнiмдерiн басым тәртiппен қанағаттандырады, қаражат қалдығы берілген өтінімдерге сәйкес пропорционалды түрде бөлінеді.

      Ескерту. 17-тармақ жаңа редакцияда - ҚР Үкіметінің 2012.09.19 № 1222 (2012.01.01 бастап қолданысқа енгiзiледi) Қаулысымен.

      18. Облыс әкiмi комиссияның ұсынуы бойынша субсидиялау квоталарын көрсете отырып, субсидиялау бағдарламасына қатысушылардың тiзiмiн бекiтедi. Басқарма облыс әкiмiнiң шешiмiн Министрлiкке және тиiстi бөлiмдерге жолдайды.

2.2. Тауар өндірушілердің субсидия алу тәртібі

      19. Тауар өндiрушiлер – субсидиялау бағдарламасына қатысушылар бюджеттiк субсидиялар алу үшiн мәмiлелердiң жасалуына қарай, бiрақ 2012 жылғы 18 желтоқсаннан кешiктiрмей бөлiмге мынадай құжаттарды:

      1) асыл тұқымды төлдi, құс шаруашылығы өнімін сатып алу кезiнде:

      сатып алу-сату шартының көшiрмесiн;

      Қазақстан Республикасының уәкiлеттi мемлекеттiк органы таныған асыл тұқымды мал куәлiгiнiң (сертификаттың) түпнұсқасын және көшiрмесiн (бұл ретте, асыл тұқымды мал куәлiгiнiң (сертификаттың) түпнұсқасы көшiрмесiмен салыстырып тексерiлгеннен кейiн бюджеттiк субсидия алушыға қайтарылады);

      төлем құжаттарының көшiрмелерiн - кiрiс-кассалық ордердi немесе банктiң төлем тапсырмасын (бұдан әрi - төлем құжаттары);

      төлдi, құс шаруашылығы өнімін кiрiске алу актiсiн;

      2) шет елден әкелінген асыл тұқымды төлді сатып алу кезiнде:

      сатып алу-сату шартының көшiрмесiн;

      төлем құжаттарының көшiрмелерiн;

      Қазақстан Республикасының уәкiлеттi мемлекеттiк органы таныған асыл тұқымды мал куәлiгiнiң (сертификаттың) түпнұсқасын және көшiрмесiн (бұл ретте, асыл тұқымды мал куәлiгiнiң (сертификаттың) түпнұсқасы көшiрмесiмен салыстырып тексерiлгеннен кейiн бюджеттiк субсидия алушыға қайтарылады);

      ветеринариялық сертификаттың көшiрмесiн;

      шет елден әкелінген асыл тұқымды төлдi кiрiске алу актiсiн;

      2-1) шет елден әкелінген селекциялық төлді сатып алу кезiнде:

      сатып алу-сату шартының көшiрмесiн;

      төлем құжаттарының көшiрмелерiн;

      әкесінің желісі бойынша малдың таза тұқымдылығын және шығу тегін растайтын асыл тұқымдық куәлiгiнiң немесе оған балама құжаттың түпнұсқасын және көшiрмесiн (бұл ретте, құжаттың түпнұсқасы көшiрмесiмен салыстырып тексерiлгеннен кейiн бюджеттiк субсидия алушыға қайтарылады);

      ветеринариялық сертификаттың көшiрмесiн;

      шет елден әкелінген селекциялық төлдi кiрiске алу актiсiн;

      3) асыл тұқымды ірі қара мал төлiн лизинг шарты негiзiнде сатып алу кезiнде:

      лизинг шартының көшiрмесiн;

      лизинг шарты бойынша негiзгi борышты өтеу үшiн лизинг берушiнiң деректемелерiн көрсете отырып, субсидия төлеуге өтiнiмдi;

      4) шет елден әкелінген асыл тұқымды төлдi лизинг шарты негiзiнде сатып алу кезiнде:

      лизинг шартының көшiрмесiн;

      лизинг шарты бойынша негiзгi борышты өтеу үшiн лизинг берушiнiң деректемелерiн көрсете отырып, субсидия төлеуге өтiнiмдi;

      Қазақстан Республикасының уәкiлеттi мемлекеттiк органы таныған асыл тұқымды мал куәлiгiнiң (сертификаттың) түпнұсқасын және көшiрмесiн (бұл ретте асыл тұқымды мал куәлiгiнiң (сертификаттың) түпнұсқасы көшiрмесiмен салыстырып тексерiлгеннен кейiн бюджеттiк субсидия алушыға қайтарылады);

      ветеринариялық сертификаттың көшiрмесiн;

      4-1) шет елден әкелінген асыл тұқымды төлдi лизинг шарты негiзiнде сатып алу кезiнде:

      лизинг шартының көшiрмесiн;

      лизинг шарты бойынша негiзгi борышты өтеу үшiн лизинг берушiнiң деректемелерiн көрсете отырып, субсидия төлеуге өтiнiмдi;

      әкесінің желісі бойынша малдың таза тұқымдылығын және шығу тегін растайтын, экспорттаушы елдің құзыретті органдары берген асыл тұқымдық куәлiктiң немесе оған балама құжаттың түпнұсқасын және көшiрмесiн (бұл ретте құжаттың түпнұсқасы көшiрмесiмен салыстырып тексерiлгеннен кейiн бюджеттiк субсидия алушыға қайтарылады);

      ветеринариялық сертификаттың көшiрмесiн;

      5) жеке қосалқы шаруашылықтардағы аналық ірі қара мал басын шағылыстыруға пайдаланатын асыл тұқымды етті бағыттағы тұқымдық бұқаларды күтіп-бағу құнын арзандату кезінде:

      шағылысу маусымы аяқталғаннан кейін шаруашылық жүргізуші субъектіде селекциялық және асыл тұқымдық жұмыстардың жүргізілгендігі туралы бірыңғай ақпараттық талдау жүйесінің деректер базасынан үзіндіні;

      тұқымдық бұқаларды бекіту және пайдалану бойынша елді мекеннің тұрғындары – мал иелері жиналысының көшірмесін;

      тұқымдық бұқалардың асыл тұқымды куәлігінің және ветеринариялық сертификатының көшірмесін;

      6) селекциялық және асыл тұқымдық жұмыстарды жүргізу шығындарын өтеуге:

      шағылысу маусымы аяқталғаннан кейін шаруашылық жүргізуші субъектіде селекциялық және асыл тұқымдық жұмыстардың жүргізілгендігі туралы бірыңғай ақпараттық талдау жүйесінің деректер базасынан үзіндіні;

      24-аш статистикалық есептілік нысанынан (заңды тұлғалар нысанындағы ауыл шаруашылығы тауарларын өндірушілер үшін), шаруашылық кітабынан (дара кәсіпкерлер үшін) үзіндімен расталған ірі қара мал басының бар екендігі туралы анықтаманы береді.

      Ескерту. 19-тармаққа өзгеріс енгізілді - ҚР Үкіметінің 2012.09.19 № 1222 (2012.01.01 бастап қолданысқа енгiзiледi) Қаулысымен.

      20. Асыл тұқымды өнiм (шет елден әкелінген ірі қара малдың асыл тұқымды және селекциялық төлін қоспағанда) құнының кемiнде 50%-ын төлеген тауар өндiрушiлердi бюджеттiк субсидиялар алушылардың тiзiмiне енгiзуге жол берiледi. Бұл ретте, тауар өндiрушiлер бөлiмге:

      сатып алу-сату шартының көшiрмесiн;

      кемiнде 50 % төленгенiн растайтын төлем құжаттарының көшiрмелерiн;

      сатып алынған малдардың асыл тұқымды малдардың мемлекеттiк тiзiлiмде тiркелгенiн растайын құжатты ұсынады (селекциялық малдан басқа).

      Қалған сомаға төлем құжаттарының көшiрмелерiн, сондай-ақ оларды жеткiзiп беру немесе пайдалану актiлерiн тауар өндiрушiлер құнын толық төлегеннен кейiн, бiрақ бюджеттiк субсидиялар алған күннен бастап жетi жұмыс күнiнен кешiктiрмей бөлiмге ұсынады.

      Ескерту. 20-тармаққа өзгеріс енгізілді - ҚР Үкіметінің 2012.09.19 № 1222 (2012.01.01 бастап қолданысқа енгiзiледi) Қаулысымен.

      21. Бөлiм құжаттардың түсуiне қарай бес жұмыс күнi iшiнде ұсынылған құжаттарды тексередi. Ұсынылған құжаттар осы Қағидалардың 19 және 20-тармақтарында белгiленген талаптарға сәйкес болған және осы Қағидалардың 6-тармағында көзделген өтінімнен бас тартуға негіз болмаған жағдайда бөлім асыл тұқымды және селекциялық төлдiң, құс шаруашылығы өнімдерінің сатып алынғаны туралы, селекциялық және асыл тұқымдық жұмыстарды жүзеге асыру, сондай-ақ тұқымдық бұқаларды күтіп-бағу туралы жиынтық акт жасайды, бекiтедi және төлем құжаттарының көшiрмелерiн қоса бере отырып, басқармаға ұсынады. Бұл ретте, бөлім басқармаға ұсынылатын растау құжаттарының дұрыстығын және сапасын қамтамасыз етеді.

      Ұсынылған құжаттар осы Қағидалардың 19 және 20-тармақтарына сәйкес келмеген және осы Қағидалардың 6-тармағымен бюджеттік субсидиялар ұсыну мүмкін болмаған жағдайда, бөлім ұсынылған құжаттарды оларды тіркеген күнінен бастап жеті жұмыс күнiнен кешiктiрмей керi қайтару себептерiн көрсете отырып, тауар өндірушілерге қайтарады.

      Ірі қара малдың сатып алынған асыл тұқымды және селекциялық төлiнің арзандатылғаны туралы мәлiметтi бөлiм бюджеттiк субсидиялардың тауар өндiрушiнiң (не лизинг берушінің) банктiк шотына аударылғаны туралы ақпаратты басқармадан алған күннен бастап жеті жұмыс күнi iшiнде бiрыңғай ақпараттық-талдау жүйесiне енгiзуi тиiс.

      Ескерту. 21-тармақ жаңа редакцияда - ҚР Үкіметінің 2012.09.19 № 1222 (2012.01.01 бастап қолданысқа енгiзiледi) Қаулысымен.

      22. Басқарма ұсынылған құжаттарды бес жұмыс күнi iшiнде, бiрақ 2012 жылғы 20 желтоқсаннан кешiктiрмей қарайды.

      Оларда көрсетiлген бюджеттiк субсидиялардың көлемi мен нормативтерi негiзiнде басқарма белгiленген квоталар шегiнде тиесiлi бюджет ақшасының көлемiн айқындайды, осы Қағидаларға 4-қосымшаға сәйкес нысан бойынша жиынтық ведомост және ақы төлеу шоттарын қалыптастырады.

      Тауар өндiрушiлердiң, лизинг берушiлердiң банктiк шоттарына тиесiлi бюджеттiк субсидияларды аударуды басқарма төлемдер бойынша жеке қаржыландыру жоспарына сәйкес аумақтық қазынашылық бөлiмшесiне екі данада ақы төлеу шоттарын қоса бере отырып, ақы төлеу шоттарының тiзiлiмiн ұсыну жолымен жүзеге асырады.

      Басқарма екі жұмыс күні ішінде бөлімге аудан бойынша тауар өндірушілерге төленген бюджет ақшасының көлемі туралы ақпарат жібереді.

      Ұсынылған құжаттар осы Қағидалардың 16 және 17-тармақтарында белгiленген талаптарға сәйкес болмаған және/немесе осы Қағидалардың 6-тармағы негізінде субсидиялау мүмкіндігі болмаған жағдайда, басқарма ұсынылған құжаттарды оларды тіркеген күнінен бастап бес жұмыс күнiнен кешiктiрмей керi қайтару себептерiн көрсете отырып бөлімге пысықтауға қайтарады.

Республикалық малды асылдандыру орталығының, еттi құс
шаруашылығы бойынша асылдандыру шаруашылығының, қостанай жылқы
тұқымы бойынша асыл тұқымды жылқы зауытының шығындарын толық
өтеуді көздейтін субсидияларға арналған ағымдағы нысаналы
трансферттердi пайдалану тәртiбi

      23. Шығындарды толық өтеу үшін 2012 жылғы 20 желтоқсаннан кешіктірмей басқармаға:

      1) республикалық малды асылдандыру орталығы:

      Министрлiкпен келiсiлген тiзбе бойынша тұқымдық бұқаларды, шетелдiк селекцияның ұрығын, жабдықты, техниканы сатып алуға арналған шарттарды бiр-бiр данадан;

      асыл тұқымды тұқымдық бұқаларды күтiп-бағуға, олардың ұрықтарын алуға, сақтауға және бағалауға, сондай-ақ эмбриондарды алуға, сақтауға және пайдалануға жұмсалған шығындарды (жүзеге асырылуына қарай) растайтын құжаттардың бiр данасын ұсынады;

      2) еттi құс шаруашылығы бойынша асылдандыру шаруашылығы балапандарды сатып алуға арналған шарттардың бір данасын ұсынады;

      3) қостанай жылқы тұқымы бойынша асыл тұқымды жылқы зауыты асыл тұқымды жылқыларды өсiруге, ұстауға, тренингке және айғырлардың ұрығын сақтауға арналған шығындарды (жүзеге асырылуына қарай) растайтын құжаттардың бiр данасын ұсынады.

      Басқарма ұсынылған шарттарды үш жұмыс күнi iшiнде тексередi, осы Қағидаларға 5-қосымшаға сәйкес нысан бойынша жиынтық ведомост, сондай-ақ ақы төлеу шоттарын қалыптастырады және төлемдер бойынша жеке қаржыландыру жоспарына сәйкес бюджеттiк субсидияларды республикалық малды асылдандыру орталығының, еттi құс шаруашылығы бойынша асылдандыру шаруашылығының, қостанай жылқы тұқымы бойынша асыл тұқымды жылқы зауытының банктiк шотына аударады.

      Республикалық малды асылдандыру орталығы асыл тұқымды тұқымдық бұқаларды, ұрықты және жабдықты сатып алғаннан кейін, сондай-ақ еттi құс шаруашылығы бойынша асылдандыру шаруашылығы балапандарды сатып алғаннан кейін жеті жұмыс күнi ішінде Басқармаға төлем құжаттары мен кiрiске алу актiсiнiң көшiрмелерiн ұсынады.

      24. Басқарма осы Қағидалардың 20-тармағына сәйкес бюджеттiк субсидияларды төлеу үшiн аумақтық қазынашылық бөлiмшесiне екi данада ақы төлеу шотын қоса бере отырып, ақы төлеу тiзiлiмiн ұсынады.

  Облыстық бюджеттерге, Астана және Алматы
қалаларының бюджеттеріне асыл тұқымды
мал шаруашылығын қолдауға 2012 жылға
арналған республикалық бюджеттен
берiлетiн ағымдағы нысаналы трансферттердi
пайдалану қағидаларына
1-қосымша

Мал шаруашылығы және құс шаруашылығы саласындағы тауар
өндiрушiлерге қойылатын өлшемдер

      Ескерту. 1-қосымшаға өзгеріс енгізілді - ҚР Үкіметінің 2012.09.19 № 1222 (2012.01.01 бастап қолданысқа енгiзiледi) Қаулысымен.

р/с

Субсидиялау бағыттары

Өлшемдер

1

2

3

1.

Тауар өндiрушiлер отандық асыл тұқымды мал зауыттарынан және (немесе) асыл тұқымды мал шаруашылықтарынан сатып алған отандық тұқымдардың асыл тұқымды төлiнiң құнын iшiнара арзандату

Мыналар туралы міндеттемелер ұсыну:

1) сатып алынған асыл тұқымды аналық мал басын өз төлінен өсіру мақсатында кемiнде екі жыл (тұқымдықтарды кемінде екі рет шағылыстыру маусымынан кем емес) пайдалану туралы;

2) зоотехникалық нормаларға сәйкес күтіп-бағу және ветеринариялық iс-шараларды жүзеге асыру туралы.

2.

Тауар өндiрушiлер сатып алған асыл тұқымды ірі қара мал төлiнiң құнын iшiнара арзандату

1. Бірыңғай ақпараттық талдау жүйесінің базасынан алынған үзіндімен расталған селекциялық және асылдандыру жұмысының бiрыңғай ақпараттық базасында тiркеуде болуы.

2. Малдардың бiрдейлендiру нөмiрiнiң және ауыл шаруашылығы жануарларын бiрдейлендiру жөніндегі бiрыңғай деректер базасында тiркеуде болуы.

3. Сатып алынатын асыл тұқымды төлдің жасы шарт жасасу кезінде мыналардан аспауы тиіс:

қашарлар – 18 айға дейін;

құнажындар және тұқымдық бұқалар – 26 айға дейін.

4. Отандық селекцияның асыл тұқымды қашарларын (құнажындарын) сатып алу кезінде мынадай міндеттемелер ұсыну

Қосымша мыналар талап етіледі:

1) таза тұқымды көбейту жолымен қашарларды (құнажындарды) өз төлінен өсіру мақсатында кемінде екі жыл пайдалану туралы;

2) сүтті ірі қара мал шаруашылығында ірі қара малдың шағылыстыру контингентін бағаланған тұқымдық бұқалардың ұрығымен 100 % жасанды ұрықтандыруды қолдану бойынша;

3) етті ірі қара мал шаруашылығында ірі қара малдың шағылыстыру контингентін бағаланған тұқымдық бұқалардың ұрығымен жасанды ұрықтандыруды пайдалану және/немесе өз өнімділігі бойынша бағаланған асыл тұқымды тұқымдық бұқаларды пайдалану қолдан ұрықтандыру бойынша;

4) тиісті тұқымдар бойынша республикалық палаталар ұсынған заңды және жеке тұлғалардың ғылыми және/немесе консалтингтік сүйемелдеуі туралы;

5) зоотехникалық нормаларға сәйкес күтіп-бағу және ветеринариялық iс-шараларды жүзеге асыру туралы.

Шет елдік селекцияның асыл тұқымды қашарларын (құнажындарын) сатып алу кезінде*:

1) таза тұқымды көбейту жолымен қашарларды (құнажынды) өз төлінен өсіру мақсатында кемінде екі жыл пайдалану туралы;

2) сүтті ірі қара мал шаруашылығында шағылыстыру контингентін бағаланған тұқымдық бұқалардың ұрығымен 100 % жасанды ұрықтандыруды қолдану бойынша;

3) етті ірі қара мал шаруашылығында ірі қара малдың шағылыстыру контингентін бағаланған тұқымдық бұқалардың ұрығымен жасанды ұрықтандыруды пайдалану және/немесе қолдан ұрықтандыруда өз өнімділігі бойынша бағаланған асыл тұқымды тұқымдық бұқаларды пайдалану бойынша;

4) тиісті тұқымдар бойынша республикалық палаталар ұсынған заңды және жеке тұлғалардың ғылыми және/немесе консалтингтік сүйемелдеуі туралы;

5) зоотехникалық нормаларға сәйкес күтіп-бағу және ветеринариялық iс-шараларды жүзеге асыру туралы.

Жеке қосалқы шаруашылықтардағы мал басынан құралған, жалпы табынға пайдалану үшін және/немесе тауарлы табынның тұқымдық құрамын өзгерту үшін асыл тұқымды тұқымдық бұқаларды сатып алу кезінде:

1. Мынадай міндеттемелер ұсыну:

1) жеке қосалқы шаруашылықтардағы мал басынан құралған тауарлы және/немесе жалпы табында асыл тұқымды тұқымдық бұқаларды өз төлінен өсіру мақсатында кемінде екі жыл шағылыстыру маусымында пайдалану туралы;

2) зоотехникалық нормаларға сәйкес күтіп-бағу және ветеринариялық iс-шараларды жүзеге асыру туралы;

2. Жеке қосалқы шаруашылықтардағы мал басынан құралған жалпы табында – осы бекітілген асыл тұқымдық бұқаларды бекіту және пайдалану бойынша елді мекен тұрғындарының тиісті ауылдық округ әкімі растаған жиналыс шешімінің болуы.

3.

Тауар өндiрушiлер сатып алған шет елден әкелінген асыл тұқымды ірі қара мал төлінің құнын iшiнара арзандату

1. Бірыңғай ақпараттық талдау жүйесінің базасынан алынған үзіндімен расталған селекциялық және асылдандыру жұмысының бiрыңғай ақпараттық базасында тiркеуде болуы.**

2. Малдардың бiрдейлендiру нөмiрiнiң және ауыл шаруашылығы жануарларын бiрдейлендiру жөніндегі бiрыңғай деректер базасында тiркеуде болуы.**

3. Өзінің өнімділігі бойынша бағаланған асыл тұқымды тұқымдық бұқалардың ДНК – паспортының болуы.

4. Сатып алатын асыл тұқымды төлдің жасы шарт жасасу кезінде мыналардан аспауы тиіс:

қашарлар – 18 айға дейін;

құнажындар және тұқымдық бұқалар – 26 айға дейін.

5. Мынадай міндеттемелер ұсыну:

1) таза тұқымды көбейту жолымен қашарларды (құнажынды) және өзінің өнімділігі бойынша бағаланған асыл тұқымды тұқымдық бұқаларды өз төлінен өсіру мақсатында кемінде екі жыл таза тұқымды өсіру жолымен пайдалану туралы;

2) асыл тұқымды ірі қара малды және одан алынған төлді табынды өз төлінен өсіру үшін тек Қазақстан Республикасы аумағында үш жыл ішінде пайдалану туралы;

3) етті ірі қара мал шаруашылығында ірі қара малдың шағылыстыру контингентін бағаланған тұқымдық бұқалардың ұрығымен жасанды ұрықтандыруды пайдалану және/немесе қолдан ұрықтандыруда өз өнімділігі бойынша бағаланған асыл тұқымды тұқымдық бұқаларды пайдалану бойынша;

4) тиісті тұқымдар бойынша республикалық палаталар ұсынған заңды және жеке тұлғалардың ғылыми және/немесе консалтингтік сүйемелдеуі туралы;

5) зоотехникалық нормаларға сәйкес күтіп-бағу және ветеринариялық iс-шараларды жүзеге асыру туралы.

4.

Дара кәсіпкерлерге және/немесе заңды тұлғаларға жеке қосалқы шаруашылықтардағы аналық ірі қара мал басын шағылыстыруға пайдаланатын асыл тұқымды етті бағыттағы тұқымдық бұқаларды күтіп-бағуға жұмсалатын шығындардың құнын iшiнара арзандату

1. Тұқымдық бұқаның бірыңғай ақпараттық талдау жүйесінің базасынан алынған үзіндімен расталған селекциялық және асылдандыру жұмысының бiрыңғай ақпараттық базасында тiркеуде болуы.

2. Малдардың бiрдейлендiру нөмiрiнiң және ауыл шаруашылығы жануарларын бiрдейлендiру жөніндегі бiрыңғай деректер базасында тiркеуде болуы.

3. Асыл тұқымды тұқымдық бұқалардың асыл тұқымды куәлігінің және ветеринариялық сертификатының болуы.

4. Жеке қосалқы шаруашылықтардағы мал басынан құралған және зоотехникалық нормативтерге сәйкес қолмен және/немесе еркін шағылыстыруға пайдаланылатын жалпы табындағы асыл тұқымды тұқымдық бұқалардың болуы, оларды пайдалану, бекіту және алмастыру.

5. Жеке қосалқы шаруашылықтардағы мал басынан құралған жалпы табында – осы бекітілген асыл тұқымдық бұқаларды бекіту және пайдалану бойынша елді мекен тұрғындарының тиісті ауылдық округ әкімі растаған жиналыс шешімінің болуы.

5.

Етті бағыттағы аналық ірі қара мал басының сапалық құрамын жақсартумен айналысатын тауар өндiрушiлерге селекциялық және асыл тұқымдық жұмыстарды жүргізумен байланысты шығындарының құнын iшiнара арзандату

1. Бірыңғай ақпараттық талдау жүйесінің базасынан алынған үзіндімен расталған селекциялық және асылдандыру жұмысының бiрыңғай ақпараттық базасында тiркеуде болуы.***

2. Малдардың бiрдейлендiру нөмiрiнiң және ауыл шаруашылығы жануарларын бiрдейлендiру жөніндегі бiрыңғай деректер базасында тiркеуде болуы.

3. Зоотехникалық нормаларға сәйкес күтіп-бағу және ветеринариялық iс-шараларды жүзеге асыру.

Қосымша

Тұқымдық құрамын өзгертуге қатысатын тауарлы табын үшін:

1) Асыл тұқымдық куәлігі бар және зоотехникалық нормативтерге сәйкес қолдан және/немесе еркін шағылыстыруға пайдаланатын асыл тұқымды тұқымдық бұқалардың болуы, оларды пайдалану, бекіту және алмастыру.

Отандық селекциялық асыл тұқымды мал басы үшін:

1) тиісті тұқымдар бойынша республикалық палаталар ұсынған заңды және жеке тұлғалардың ғылыми және/немесе консалтингтік сүйемелдеуі туралы;

2) асыл тұқымды аналық табындарда ұрпағының сапасы бойынша бағаланған тұқымдық бұқалардың ұрығымен жасанды ұрықтандыруды және/немесе қолдан шағылыстыруда асыл тұқымдық куәлігі бар асыл тұқымды тұқымдық бұқаларды пайдалану. Еркін шағылыстыруға жол берілмейді.

Шетелдік селекцияның асыл тұқымды мал басы үшін*:

1) тиісті тұқымдар бойынша республикалық палаталар ұсынған заңды және жеке тұлғалардың ғылыми және/немесе консалтингтік сүйемелдеуі туралы;

2) шет елдік селекцияның асыл тұқымды аналық табындарында бағаланған тұқымдық бұқалар ұрығымен жасанды ұрықтандыруды және/немесе қолдан шағылыстыруда өз өнімділігі бойынша бағаланған асыл тұқымды тұқымдық бұқаларды пайдалану.

6.

Отандық құс фабрикалары отандық асыл тұқымды құс фабрикаларынан сатып алған асыл тұқымды тәулiктiк балапандар мен асыл тұқымды жұмыртқаның құнын iшiнара арзандату

1) Торда және еденде ұстау үшiн технологиялық жабдықтардың болуы;

2) Ветеринариялық iс-шараларды ұйымдастыру және жүзеге асыру.

7.

Тауар өндiрушiлер сатып алған шетелден сатып алған селекциялық ірі қара мал төлінің құнын iшiнара арзандату

1. Бірыңғай ақпараттық талдау жүйесінің базасынан алынған үзіндімен расталған селекциялық және асылдандыру жұмысының бiрыңғай ақпараттық базасында тiркеуде болуы.**

2. Малдардың бiрдейлендiру нөмiрiнiң және ауыл шаруашылығы жануарларын бiрдейлендiру жөніндегі бiрыңғай деректер базасында тiркеуде болуы.**

3. Сатып алынатын селекциялық төлдің жасы шарт жасасу кезінде мыналардан аспауы тиіс:

қашарлар – 18 айға дейін;

құнажындар – 26 айға дейін.

4. Мынадай міндеттемелер ұсыну:

1) селекциялық қашарларды (құнажынды) өз төлінен өсіру мақсатында кемінде екі жыл таза тұқымды өсіру жолымен пайдалану туралы;

2) селекциялық ірі қара малды және одан алынған төлді табынды өз төлінен өсіру үшін тек Қазақстан Республикасы аумағында үш жыл ішінде пайдалану туралы;

3) етті ірі қара мал шаруашылығында өз өнімділігі бойынша бағаланған асыл тұқымды тұқымдық бұқаларды пайдалану бойынша;

4) ірі қара малдың тиісті тұқымдары бойынша республикалық палаталар ұсынған заңды және жеке тұлғалардың ғылыми және/немесе консалтингтік сүйемелдеуі туралы;

5) зоотехникалық нормаларға сәйкес күтіп-бағу және ветеринариялық iс-шараларды жүзеге асыру туралы.

     

      Ескертпе:

      * Шетелдік селекцияның асыл тұқымды мал басы деп шет елден әкелінген асыл тұқымды және одан алынған асыл тұқымды төлдің үшінші ұрпағына дейін түсініледі.

      ** Асыл тұқымды және селекциялық төлді жоспарланған сатып алу (әкелу) бойынша тиісті тіркеу мерзімі тиісті тауар өндірушінің міндеттемесінде көрсетіледі.

      *** Аталған субсидиялау бағыттары бойынша ұсынылған талаптар барлық санаттар үшін бірыңғай.

  Облыстық бюджеттерге, Астана және Алматы
қалаларының бюджеттеріне асыл тұқымды
мал шаруашылығын қолдауға 2012 жылға
арналған республикалық бюджеттен
берiлетiн ағымдағы нысаналы трансферттердi
пайдалану қағидаларына
2-қосымша

Бюджеттік субсидиялар нормативтері

      Ескерту. 2-қосымшаға өзгеріс енгізілді - ҚР Үкіметінің 2012.09.19 № 1222 (2012.01.01 бастап қолданысқа енгiзiледi) Қаулысымен.

1. Тауар өндiрушiлер отандық асыл тұқымды мал зауыттарынан және
(немесе) асыл тұқымды мал шаруашылықтарынан сатып алған отандық
тұқымдардың асыл тұқымды төлiнiң құнын iшiнара арзандату
бойынша бюджеттік субсидиялар нормативтері

Р/с

Малдың түрлері мен тұқымдары

1 килограмм тірі салмағына арналған бюджеттік субсидиялар нормативтері, теңге

1

2

3

Қой

1.

Қазақтың биязы жүнді қойы

Сатып алу құнының 50% артық емес, бірақ 1 килограммнан тірі салмағына 161 теңгеден аспайды

2.

Қазақтың арқар мериносы

3.

Оңтүстік қазақ мериносы

4.

Солтүстік қазақ мериносы

5.

Австралия мериносы

6.

Цигай қойы

7.

Қазақтың биязылау кроссбредті жүнді қойы

8.

Дегерес етті-жүнді қойы

9.

Еділбай қойы

10.

Қазақтың ұяң жүнді және қылшық жүнді құйрықты қойы

11.

Сарыарқа құйрықты қойы

12.

Гиссар қойы

13.

Қаракөл қойы


Жылқы

1.

Қазақтың жабы жылқысы

Сатып алу құнының 50% артық емес, бірақ 1 килограммнан тірі салмағына 118 теңгеден аспайды

2.

Көшім жылқысы

3.

Мұғалжар жылқысы

4.

Қазақтың адай жылқысы


Шошқа

1.

Ірі ақ шошқа

Сатып алу құнының 50% артық емес, бірақ 1 килограммнан тірі салмағына 139 теңгеден аспайды

2.

Немістің асыл текті шошқасы

3.

Дюрок


Түйе

1.

Қазақтың айыр өркешті түйесі

Сатып алу құнының 50% артық емес, бірақ 1 килограммнан тірі салмағына 86 теңгеден аспайды

2.

Аруана

2. Тауар өндiрушiлер сатып алған асыл тұқымды ірі қара
мал төлiнiң құнын iшiнара арзандату бойынша бюджеттік
субсидиялар нормативтері

р/с

Малдың типтері мен тұқымдары

1 басқа арналған бюджеттік субсидиялар нормативтері, теңге


Ірі қара мал

1.

Қара-ала (голштин) сиыр

Сатып алу құнының 50% артық емес, бірақ 1 басқа 107 000 теңгеден аспайды

2.

Қызыл (қырдың қызыл) сиыр

3.

Қоңыр (алатау) сиыр

4.

Қызғылт сары шұбар (симментал) сиыр

5.

Әулиеата сиыры

6.

Айршир сиыры

7.

Қазақтың ақбас сиыры

8.

Әулиекөл сиыры

9.

Санта-гертруда сиыры

10.

Шароле сиыры

11.

Герефорд сиыры

12.

Ангус сиыры

13.

Галловей сиыры

14.

Швиц сиыры

15.

Қалмақ сиыры

3. Тауар өндiрушiлер сатып алған шетелден әкелінген асыл
тұқымды төлдiң құнын iшiнара арзандату бойынша
бюджеттік субсидиялар нормативтері

р/с

Тұқымы

Экспорттаушы елдер

1 басқа арналған бюджеттік субсидиялар нормативтері, теңге

1.

Етті, сүтті және аралас тұқымдар

Еуропа елдері

Сатып алу құнының 50% артық емес, бірақ 1 басқа 140 000 теңгеден аспайды

2.

Етті, сүтті және аралас тұқымдар

Австралия, Солтүстік және Оңтүстік Америка елдері

Сатып алу құнының 50% артық емес, бірақ 1 басқа 214 000 теңгеден аспайды

3.

Сүтті тұқымдар

Ресей Федерациясы, Беларусь Республикасы және Украина

Сатып алу құнының 50% артық емес, бірақ 1 басқа 107 000 теңгеден аспайды

3-1. Тауар өндiрушiлер сатып алған шет елден әкелінген ірі
қара малдың селекциялық төлiнің құнын iшiнара арзандату
бойынша бюджеттік субсидиялар нормативтері

р/с

Тұқымы

Экспорттаушы елдер

1 басқа арналған бюджеттік субсидиялар нормативтері, теңге

1.

Етті тұқымдар

Австралия

Сатып алу құнының 50% артық емес, бірақ 1 басқа 170 000 теңгеден аспайды

4. Дара кәсіпкерлерге және/немесе заңды тұлғаларға жеке қосалқы
шаруашылықтардағы аналық ірі қара мал басын шағылыстыруға
пайдаланатын асыл тұқымды етті бағыттағы тұқымдық бұқаларды
күтіп-бағуға жұмсалатын шығындардың құнын iшiнара арзандату
бойынша бюджеттік субсидиялар нормативтері

р/с

Өнімнің атауы

1 басқа арналған бюджеттік субсидия нормативтері, теңге

1.

Етті бағыттағы тұқымдық бұқалар

47 000

5. Етті бағыттағы аналық ірі қара мал басының сапалық құрамын
жақсартумен айналысатын тауар өндiрушiлерге селекциялық және
асыл тұқымдық жұмыстарды жүргізумен байланысты шығындарының
құнын арзандату бойынша бюджеттік субсидиялар нормативтері

р/с

Өнімнің атауы

1 басқа арналған бюджеттік субсидия нормативтері, теңге

1.

Сиырлар және құнажындар

12 000

6. Отандық құс фабрикалары отандық асыл тұқымды құс
фабрикаларынан сатып алған асыл тұқымды тәулiктiк балапандар
мен асыл тұқымды жұмыртқаның құнын iшiнара арзандату бойынша
бюджеттік субсидиялар нормативтері

Р/с

Асыл тұқымды өнімнің түрі

Тәуліктік балапан және асыл тұқымды жұмыртқа сатып алуға арналған бюджеттік субсидиялар нормативі, теңге

ата-тектік табыннан*

ата-енелік табыннан **

1.

Тәуліктік балапан (етті)

Сатып алу құнының 50% артық емес, бірақ 1 басқа 275 теңгеден аспайды


2.

Тәуліктік балапан (жұмыртқа)


Сатып алынған құнының 50% артық емес, бірақ 1 басқа 45 теңгеден аспайды

3.

Тауық жұмыртқасы (жұмыртқа)

-

Сатып алу құнының 50% артық емес, бірақ 1 жұмыртқаға 19 теңгеден аспайды


      * Етті құс шаруашылығында ата-енелік табынды қалыптастыру үшін.

      ** Жұмыртқа бағытындағы құс шаруашылығында өнеркәсіптік табынды қалыптастыру үшін.

      - Асылдандыру шаруашылығы мәртебесін алған асыл тұқымды құс фабрикалары өткізген асыл тұқымды өнім (тәуліктік балапандар, асыл тұқымды жұмыртқа) субсидиялауға жатады.

  Облыстық бюджеттерге, Астана және Алматы
қалаларының бюджеттеріне асыл тұқымды
мал шаруашылығын қолдауға 2012 жылға
арналған республикалық бюджеттен
берiлетiн ағымдағы нысаналы трансферттердi
пайдалану қағидаларына
3-қосымша

Асыл тұқымды өнімді (материалды) өткізудің шекті
ең жоғары бағасы, теңге

Асыл тұқымды өнімнің (материалдың) атауы

Бірлігі үшін

Шектелген бағалар, теңге

Республикалық малды асылдандыру орталығының тұқымдық бұқалар (ұрпағының сапасы бойынша бағаланған) ұрығын өткізуі:



1) екі жынысты ұрық

1 доза

1000-ге дейін

2) бір жынысты ұрық

2000-ге дейін

Етті құс шаруашылығы бойынша асылдандыру шаруашылығының етті кроссты асыл тұқымды тәуліктік балапандарды өткізуі

1 бас

550-ге дейін

  Облыстық бюджеттерге, Астана және Алматы
қалаларының бюджеттеріне асыл тұқымды
мал шаруашылығын қолдауға 2012 жылға
арналған республикалық бюджеттен
берiлетiн ағымдағы нысаналы трансферттердi
пайдалану қағидаларына
4-қосымша

      Ескерту. 4-қосымша жаңа редакцияда - ҚР Үкіметінің 2012.09.19 № 1222 (2012.01.01 бастап қолданысқа енгiзiледi) Қаулысымен.

      "Бекітемін"

      _______________ облысы

      Ауыл шаруашылығы басқармасының

      бастығы _________ (аты-жөні, қолы, мөрі)

      2012 жылғы "__" ____________

      _______________________ облысы бойынша 2012 жылдың ___ ____ үшін асыл тұқымды өнімді (асыл тұқымды материалды)

      _____________________________________________________________________

      (асыл тұқымды және селекциялық төл, асыл тұқымды жұмыртқа, балапандар - қажеттісі қалдырылсын) сатып алу және субсидиялар төлеу туралы

      біріктірілген жиынтық ведомост *

Атауы

Жылдық квота

Бір бірлік (бас, кг т/с, дана) үшін бюджеттік субсидиялар нормативі, теңге

Асыл тұқымды өнімнің асылдандыру мақсатына нақты сатып алынғаны (бас, кг т/с, дана)

Жылдың басынан бастап бюджеттік субсидиялардың тиесілі сомасы, теңге

Жылдың басынан бастап төленген, теңге

Бюджеттік субидиялардың тиесілі сомасының қалдығы, теңге

Төлеуге жатады, теңге

аудан

асыл тұқымды өнімді немесе асыл тұқымды материалды сатып алушы

(бас, кг, дана)

теңге

жыл басынанбастап

есепті ай ішінде



































      * сатып алынған асыл тұқымды өнімнің (асыл тұқымды материалдың) әрбір түріне жеке жасалады.

      Мал шаруашылығы бөлімінің бастығы (жауапты тұлға) __________________

      (аты-жөні, қолы)

      Бухгалтер (жауапты тұлға) _____________________

      (аты-жөні, қолы)

  Облыстық бюджеттерге, Астана және Алматы
қалаларының бюджеттеріне асыл тұқымды
мал шаруашылығын қолдауға 2012 жылға
арналған республикалық бюджеттен
берiлетiн ағымдағы нысаналы трансферттердi
пайдалану қағидаларына
5-қосымша

      "Бекітемін"

      _______________ облысы

      Ауыл шаруашылығы басқармасының

      бастығы ___________ (аты-жөні, қолы, мөрі)

      2012 жылғы "__" ____________

      Малды асылдандырушы орталыққа, асылдандырушы шаруашылыққа, қостанай

      тұқымы бойынша асыл тұқымды жылқы зауытына 2011 жылғы ___________

      үшін тиесілі бюджеттік субсидиялар туралы (ай)

      жиынтық ведомость

Шығындардың баптары

Бюджет қаражатын бөлу сметасында көзделген сома, мың теңге

Сатып алынған тауарлардың (жануарлардың), орындалған қызметтер мен жұмыстардың нақты көлемі

Жыл басынан бастап тиесілі сома, мың теңге

Жылдың басынан бастап төленген, мың теңге

Тиесілі соманың қалдығы, мың теңге

Төлеуге жатады, мың теңге








ЖИЫНЫ








      Мал шаруашылығы бөлімінің бастығы (жауапты тұлға) _____________

      (аты-жөні, қолы)

      Бухгалтер (жауапты тұлға) _____________

      (аты-жөні, қолы)

Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады