"Міндетті теле-, радиоарналардың тізбесін бекіту туралы"
Қазақстан Республикасы Үкіметінің 2012 жылғы 29 желтоқсандағы
№ 1713 Қаулысына
Баспасөз-релизі
Міндетті теле-, радиоарналар тізбесі жеке тұлғалардың ақпарат алу құқықтарын қамтамасыз ету, сондай-ақ Қазақстан Республикасының бірыңғай ақпараттық кеңістігінің сақталуына және қамтамасыз ету мақсатында Қазақстан Республикасы Үкіметінің 2012 жылғы 22 қазандағы № 1713 қаулысымен бекітілген.
Міндетті теле-, радиоарналардың тізбесі Қазақстан Республикасының бүкіл аумағына міндетті түрде таратылатын мәдениетті, ғылыми білім беретін, танырлық-ағартушылық және басқа да әлеуметтік маңызды ақпараттың жиынтығын біріктіреді.
Кабельдік, спутниктік және цифрлық эфирлық телерадио хабарларын тарататын операторлар өз пакеттеріне көрсетілген тізбеге кірген теле-, радиоарналарды енгізуге міндетті.
Тізбеге мына арналар енгізілді:
1) «Қазақстан»;
2) «Мәдениет»;
3) «Балапан»;
4) «Хабар»;
5) «Ел арна»;
6) «Kazakh TV»;
7) «Білім»;
8) «24 KZ»;
9) «Астана»;
10) «КТК»;
11) «НТК»;
12) «7 канал»;
13) «31 канал»;
14) «СТВ».
Тізбеге енген арналар, телерадио хабарларын таратуды дамыту мәселелері жөніндегі комиссиямен ұсынылды.
Міндетті теле-, радиоарналардың тізбесі Қазақстан Республикасының Мәдениет және ақпарат министрлігінің интернет-ресурсында орналасқан: www.mki.gov.kz («Нормашығармашылық қызметі» бөлімінің «Нормативтік-құқықтық актілер (Ақпарат басқармасы)» бөлімшесінде).
Қазақстан Республикасының
Мәдениет және ақпарат министрлігі
