Қазақстан Республикасының террористік тұрғыдан осал объектілерінің тізбесін бекіту туралы

Жаңартылған

Қазақстан Республикасы Үкіметінің 2013 жылғы 28 тамыздағы № 876 қаулысы

      «Терроризмге қарсы іс-қимыл туралы» 1999 жылғы 13 шiлдедегi Қазақстан Республикасы Заңының 4-бабы 3-тармағының 4) тармақшасына сәйкес Қазақстан Республикасының Үкіметі ҚАУЛЫ ЕТЕДІ:
      1. Қоса беріліп отырған Қазақстан Республикасының террористік тұрғыдан осал объектілерінің тізбесі бекітілсін.
      2. Осы қаулы алғашқы ресми жарияланғанынан кейін күнтізбелік он күн өткен соң қолданысқа енгізіледі.

      Қазақстан Республикасының
      Премьер-Министрі                      С. Ахметов

Қазақстан Республикасы
Үкіметінің     
2013 жылғы 28 тамыздағы
№ 876 қаулысымен  
бекітілген     

Қазақстан Республикасының террористік тұрғыдан осал объектілерінің тізбесі

      Ескерту. Тізбеге өзгеріс енгізілді - ҚР Үкіметінің 16.10.2014 N 1098 қаулысымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).

Р/с №

Объектілердің атауы

1

2

1. Аса маңызды мемлекеттік объектілер

1

Орталық атқарушы мемлекеттік органдардың, арнаулы, құқық қорғау органдарының, олардың құрылымдық және аумақтық бөлімшелерінің, жергілікті өкілді және атқарушы органдардың әкімшілік ғимараттары мен объектілері

2

Қазақстан Республикасы Ұлттық Банкінің объектілері, оның филиалдары мен қоймалары

2. Стратегиялық объектілер

3

Қазақстан Республикасы Мемлекеттік күзет қызметi iшкi iстер органдарының бөлiмшелерiмен бiрлесiп күзететiн, Қазақстан Республикасының Президентi бекiтетiн тiзбеге енгiзiлген Қазақстан Республикасының объектiлерi, сондай-ақ мемлекеттiк маңызы бар объектiлер

4

Қазақстан Республикасы Қарулы Күштерiнiң, басқа да әскерлері мен әскери құралымдарының әскери бөлiмдерi

5

Мемлекеттiк материалдық резервтерi бар объектiлер (медициналық препараттарды, жанар-жағармай материалдарын сақтау қоймалары, азық-түлiк және киiм-кешек қоймалары)

6

Ауыр қылмыс жасауға күдікті адамдарды стационарлық сот-психиатриялық сараптамадан өткізу және зерттеу жөніндегі мемлекеттік ұйым

7

Ғарыш инфрақұрылымының объектілері

8

Тыныс-тiршiлiктi қамтамасыз ету объектiлерi, оның iшiнде мынадай салада: жылумен жабдықтау – жылу электр орталықтары (50 Гкал жоғары); ауыз сумен жабдықтау – су жинақтау құрылыстары

9

Отын-энергетикалық пайдалы қазбаларды өндiрумен және өңдеумен байланысты объектiлер, химия өнеркәсiбiнiң объектiлерi

10

Су шаруашылығы объектiлерi (гидротехникалық құрылыстар: гидротораптар, шлюздер, бөгеттер; су ресурстарын басқару үшiн пайдаланылатын су қоймалары)

11

Республикалық маңызы бар байланыс, теле- және радиохабарларын тарату объектiлерi

3. Қауіпті өндірістік объектілер

12

Аса қауiптi, бактериологиялық, биологиялық, химиялық, есiрткi құралдарын және прекурсорларды әзiрлеу, өндiру, сынақтан өткiзу, зерттеу және сақтау жөнiндегi мемлекеттiк ұйымдардың және мекемелердiң объектiлерi

13

Заңды тұлғалардың жарылғыш және улы заттарды сақтау жөнiндегi объектiлерi

14

Атом энергиясын пайдалану объектілері

4. Адамдар көп жиналатын объектілер

15

500 және одан да көп шаршы метр сауда алаңы бар сауда объектілері

16

100 және одан да көп отырғызу орындары бар қоғамдық тамақтану объектілері

17

Бір мезгілде 200 және одан да көп адамның болу мүмкіндігі бар іргелес ашық аумағын қоса есептегенде, көп адамдардың келуіне арналған немесе дайындалған концерт залдары

18

Бір мезгілде 200 және одан да көп адамның болу мүмкіндігі бар іргелес ашық аумағын қоса есептегенде, көп адамдардың келуіне арналған немесе дайындалған спорт құрылыстары

19

Бір мезгілде 200 және одан да көп адамның болу мүмкіндігі бар іргелес ашық аумағын қоса есептегенде, көп адамдардың келуіне арналған немесе дайындалған ойын-сауық құрылыстары

20

Бір мезгілде 200 және одан да көп адамның болу мүмкіндігі бар іргелес ашық аумағын қоса есептегенде, көп адамдардың келуіне арналған немесе дайындалған көлік құрылыстары (вокзалдар, бекеттер, порттар, аэродромдар, әуежайлар)

21

Өзге де бұқаралық ғимараттар – ғибадат үйлері (құрылыстары), мемлекеттік органдардың, ведомстволық бағынысты ұйымдардың, мемлекеттік қызмет көрсететін өзге де жеке және заңды тұлғалардың объектілері, пошта желісі мен бір мезгілде 200 және одан да көп адамның болу мүмкіндігі бар байланыс қызметтерін пайдаланушыларға қызмет көрсету объектілері

22

Бір мезгілде 200 және одан да көп адамның болу мүмкіндігі бар іргелес ашық аумағын қоса есептегенде, көп адамдардың келуіне арналған немесе дайындалған білім беру ұйымдары

23

Бір мезгілде 200 және одан да көп адамның болу мүмкіндігі бар іргелес ашық аумағын қоса есептегенде көп адамдардың келуіне арналған немесе дайындалған денсаулық сақтау ұйымдары

24

Бір мезгілде 200 және одан да көп адамның болу мүмкіндігі бар іргелес ашық аумағын қоса есептегенде, көп адамдардың келуіне арналған немесе дайындалған туристердi орналастыру орындары (қонақ үйлер, мотельдер, кемпингтер, туристiк базалар, қонақжайлар, демалыс үйлерi, пансионаттар және туристердің тұруы мен оларға қызмет көрсету үшiн пайдаланылатын басқа да ғимараттар мен құрылыстар

Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады