Қазақстан Республикасы Үкіметінің кейбір шешімдеріне өзгерістер мен толықтырулар енгізу туралы

Күшін жойған

Қазақстан Республикасы Үкіметінің 2014 жылғы 20 ақпандағы № 121 қаулысы. Күші жойылды - Қазақстан Республикасы Үкіметінің 2015 жылғы 27 шілдедегі № 592 қаулысымен

      Ескерту. Күші жойылды - ҚР Үкіметінің 27.07.2015 № 592 (алғашқы ресми жарияланған күнінен бастап қолданысқа енгізіледі) қаулысымен.

      Қазақстан Республикасының Үкіметі ҚАУЛЫ ЕТЕДІ:
      1. Қоса беріліп отырған Қазақстан Республикасы Үкіметінің кейбір шешімдеріне енгізілетін өзгерістер мен толықтырулар бекітілсін.
      2. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

      Қазақстан Республикасының
      Премьер-Министрі                                     С. Ахметов

Қазақстан Республикасы
Үкіметінің     
2014 жылғы 20 ақпандағы
№ 121 қаулысымен  
бекітілген     

Қазақстан Республикасы Үкіметінің кейбір шешімдеріне енгізілетін өзгерістер мен толықтырулар

      1. «Жұмыспен қамтуға жәрдемдесудің белсенді шараларына қатысатын адамдарды оқытуды, олардың жұмысқа орналасуына жәрдемдесуді және оларға мемлекеттік қолдау шараларын көрсетуді ұйымдастыру және қаржыландыру қағидасын бекіту туралы» Қазақстан Республикасы Үкіметінің 2011 жылғы 18 шілдедегі № 815 қаулысында (Қазақстан Республикасының ПҮАЖ-ы, 2011 ж., № 47, 639-құжат):
      көрсетілген қаулымен бекітілген Жұмыспен қамтуға жәрдемдесудің белсенді шараларына қатысатын адамдарды оқытуды, олардың жұмысқа орналасуына жәрдемдесуді және оларға мемлекеттік қолдау шараларын көрсетуді ұйымдастыру және қаржыландыру қағидасы осы қаулыға 1-қосымшаға сәйкес жаңа редакцияда жазылсын.
      2. «Жұмыспен қамтуға жәрдемдесудiң белсендi шараларына қатысатын адамдарға кәсiпкерлiктi дамытуды мемлекеттiк қолдауды ұйымдастыру және қаржыландыру қағидасын бекіту туралы» Қазақстан Республикасы Үкіметінің 2011 жылғы 18 шілдедегі № 816 қаулысында (Қазақстан Республикасының ПҮАЖ-ы, 2011 ж., № 47, 640-құжат):
      көрсетілген қаулымен бекітілген Жұмыспен қамтуға жәрдемдесудiң белсендi шараларына қатысатын адамдарға кәсiпкерлiктi дамытуға мемлекеттiк қолдауды ұйымдастыру және қаржыландыру қағидасы осы қаулыға 2-қосымшаға сәйкес жаңа редакцияда жазылсын.
      3. «Жұмыспен қамтуға жәрдемдесудің белсенді шараларына қатысатын адамдардың ұтқырлығын арттыруға жәрдемдесу және оларға мемлекеттік қолдау шараларын көрсету қағидасын бекіту туралы» Қазақстан Республикасы Үкіметінің 2011 жылғы 18 шілдедегі № 817 қаулысында (Қазақстан Республикасының ПҮАЖ-ы, 2011 ж., № 47, 641-құжат):
      көрсетілген қаулымен бекітілген Жұмыспен қамтуға жәрдемдесудің белсенді шараларына қатысатын адамдардың ұтқырлығын арттыруға жәрдемдесу және оларға мемлекеттік қолдау шараларын көрсету қағидаларында:
      12-тармақтар мынадай редакцияда жазылсын:
      «1. Осы Жұмыспен қамтуға жәрдемдесудің белсенді шараларына қатысатын адамдардың ұтқырлығын арттыруға жәрдемдесу және оларға мемлекеттік қолдау шараларын көрсету қағидалары (бұдан әрі – Қағидалар) Қазақстан Республикасының «Тұрғын үй қатынастары туралы» 1997 жылғы 16 сәуірдегі, «Халықтың көші-қоны туралы» 2011 жылғы 22 шілдедегі, «Халықты жұмыспен қамту туралы» 2001 жылғы 23 қаңтардағы» заңдарына және «Жұмыспен қамту 2020 жол картасын бекіту туралы» Қазақстан Республикасы Үкіметінің 2013 жылғы 19 маусымдағы № 636 қаулысына (бұдан әрі – Бағдарлама) сәйкес әзірленді.
      Қағидалар жұмыспен қамтуға жәрдемдесудің белсенді шараларына қатысатын адамдардың ұтқырлығын арттыруға жәрдемдесудің, оларға мемлекеттік қолдау шараларын көрсетудің, өз еркімен қоныс аударудың, көшуді ұйымдастырудың, жұмыспен қамтуға жәрдемдесудің белсенді шараларын көрсетуге арналған нысаналы трансферттерді пайдаланудың және жұмыс берушілердің қатысу тәртібін айқындайды.
      2. Жұмыспен қамтуға жәрдемдесудің белсенді шараларына қатысатын адамдардың ұтқырлығын арттыруға бағытталған шаралар:
      1) көшуге субсидиялар беру;
      2) қызметтік тұрғын үй беру;
      3) еңбекші жастарға жатақханалардан бөлмелер беру;
      4) кәсіптік даярлау, қайта даярлау және біліктілігін арттыру курстарында оқыту (қажет болған кезде);
      5) жаңа тұрғылықты жерінде жұмысқа орналасуға жәрдемдесу жолымен іске асырылады.»;
      3-тармақта:
      2) тармақша алынып тасталсын;
      3) тармақша мынадай редакцияда жазылсын:
      «3) Бағдарламаға қатысушылар – Қазақстан Республикасының азаматтары мен оралмандар – жұмыссыздар, жұмыспен ішінара қамтылғандар, табысы аз адамдар, өзін-өзі жұмыспен қамтығандар мен Бағдарламада қатысу басымдығы белгіленген азаматтардың өзге де санаттары;»;
      5) тармақша алынып тасталсын;
      9), 10) тармақшалар мынадай редакцияда жазылсын:
      «9) қызметтік тұрғын үй – мемлекеттік мекеменің тұрғын үй қорынан берілетін және өздерінің еңбек қатынастарының сипатына байланысты міндеттерін орындау кезеңіне Қазақстан Республикасының азаматтарын, сондай-ақ Қазақстан Республикасының халықты жұмыспен қамту туралы заңнамасына сәйкес жұмыспен қамтуға жәрдемдесудің белсенді шараларына қатысатын Қазақстан Республикасының азаматтары мен оралмандарды қоныстандыруға арналған айрықша құқықтық режимдегі тұрғын үй;
      10) өңірлік комиссия – жергілікті өкілді органдар, жұмыс берушілер, кәсіптік одақтар өкілдерінің қатысуымен облыстың (республикалық маңызы бар қаланың, астананың) жергілікті атқарушы органы жанындағы Бағдарламаны іске асыру мәселелері жөніндегі ведомствоаралық комиссия;»;
      мынадай мазмұндағы 14) тармақшамен толықтырылсын:
      «14) жұмыспен қамтуға жәрдемдесудің белсенді шаралары – өзін-өзі жұмыспен қамтыған, жұмыссыз және табысы аз халықтың қатарындағы Қазақстан Республикасының азаматтары мен оралмандарды, мемлекет Қазақстан Республикасы заңнамасында белгіленген тәртіппен жүзеге асыратын мемлекеттік қолдау шаралары;»;
      6-тармақ мынадай редакцияда жазылсын:
      «6. Қазақстан Республикасы азаматтарының басқа облысқа көшуі республикалық маңызы бар қаланы және астананы қоспағанда, уәкілетті органдар ұсынған жұмыс берушілердің өтінімдері негізінде Бағдарлама операторының шешімі бойынша жүзеге асырылады.»;
      7-тармақтың бірінші бөлігі мынадай редакцияда жазылсын:
      «7. Өңірлік комиссия шешімінің негізінде республикалық маңызы бар қаланың, астананың, облыс орталықтарының шегінде тұратын адамдар қатарындағы Бағдарламаға қатысушыларды Қазақстан Республикасы Үкіметінің 2011 жылғы 31 наурыздағы № 316 қаулысымен бекітілген Жұмыспен қамту 2020 бағдарламасы шеңберінде 2013 жылғы 1 шілдеде құрылысы аяқталған қызметтік тұрғын үйлерге көшіруге жол беріледі.»;
      15-тармақтың үшінші бөлігі мынадай редакцияда жазылсын:
      «Жатақханадан бөлмелер жиырма тоғыз жасқа толмаған еңбекші жастарға (соның ішінде балалар үйінің тәрбиеленушілеріне, жетім балаларға және ата-анасының қамқорлығынсыз қалған, кәмелеттік жасқа толғанға дейін ата-анасынан айрылған балаларға) олардың бұрынғы тұрған жеріне, оның ішінде облыс орталықтарында, республикалық маңызы бар қалада және астанада тұрғанына қарамастан жүзеге асырылады.
      Мұндай адамдар әскери қызметке шақырылған кезде, жасы мерзімді әскери қызметті өткеру мерзіміне ұзартылады.
      Қызметтік тұрғын үйлер, көшіруді және жұмысқа орналастыруды жұмыс берушінің өзі жүзеге асырған Бағдарламаға қатысушыларға, сондай-ақ басқа облыстарға қоныс аударушыларға, олардың бұрынғы тұрған жеріне, оның ішінде облыс орталықтарында, республикалық маңызы бар қалада және астанада тұрғанына қарамастан беріледі.»;
      16-тармақтың екінші бөлігі мынадай редакцияда жазылсын:
      «Жастарға арналған жатақханадағы бөлмелер 5 жылға дейінгі мерзімге беріледі және жекешелендіруге жатпайды.»;
      18-тармақ мынадай редакцияда жазылсын:
      «18. Бағдарламаға қатысушының не оның отбасы мүшесінің екі айдан астам қолданыстағы еңбек шарты болмаған жағдайда, жастарға арналған жатақханадағы бөлмені жалға алу шарты мен онымен жасалған әлеуметтік келісімшарт бұзылады. Бұл шарттар Бағдарламаға қатысушы кәсіптік оқудан өту кезеңінде қолданылмайды.»;
      23-тармақ мынадай редакцияда жазылсын:
      «23. Жалға алу шарты күнтізбелік бір жыл мерзімге жасалады және тараптардың біреуі шарт аяқталғанға дейін күнтізбелік бір ай қалғанда, жалға алу шартының талаптарына сәйкес хабарлама жіберген жағдайларды қоспағанда, жыл сайын автоматты түрде ұзартылады (жатақханадағы бөлмені жалға алудың бесжылдық мерзімі аяқталғанға дейін).
      Қоныс аударған Бағдарламаға қатысушы қайтыс болған жағдайда, бұрын жасалған жалға алу шарты өңірлік комиссияның келісуімен тұрғын үй комиссиясының шешімі бойынша жалға алушы отбасының кәмелетке толған мүшесімен ұзартылуы мүмкін.
      Жалға алушының ауысуы тұрғын үйді жалға алу шартын қайта ресімдеуге алып келеді.»;
      29-тармақ мынадай редакцияда жазылсын:
      «29. Жергілікті атқарушы органдар Бағдарламаға қатысушыларды отбасылық үлгідегі жатақханалардан орын беру, осы Қағидалардың 15-тармағында көрсетілген шарттарға сәйкес тұрғын үй сатып алу есебінен қамтамасыз ете алады.»;
      35-тармақ мынадай редакцияда жазылсын:
      «35. Әлеуметтік-экономикалық даму әлеуеті төмен, орта және жоғары елді мекендерді айқындау үшін критерийлерді өңірлік даму мәселелері жөніндегі уәкілетті орган әзірлейді және бекітеді.
      Әзірленген критерийлерге сәйкес облыстардың жергілікті атқарушы органдары өңірлік даму мәселелері жөніндегі уәкілетті органмен келісім бойынша әлеуметтік-экономикалық даму әлеуеті төмен, орта және жоғары елді мекендердің тізбесін айқындайды және оны Бағдарлама операторына жібереді.»;
      36-тармақтың 4) тармақшасы мынадай редакцияда жазылсын:
      «4) еңбек ресурстарына қажеттілікті және аудандық/қалалық комиссиялармен келіскеннен кейін ақпаратты уәкілетті органға жібереді.»;
      37-тармақта:
      2) тармақшадағы «санын қалыптастырады;» деген сөздер «санын;» деген сөзбен ауыстырылып, мынадай мазмұндағы 2-1)тармақшамен толықтырылсын:
      «2-1) әлеуметтік-экономикалық даму әлеуеті жоғары елді мекендер мен экономикалық өсу орталықтарындағы жұмыс берушілердің еңбек ресурстарына жалпы қажеттілігін, олардың жұмыс күшіне деген сұранысын қанағаттандыру үшін қосымша еңбек ресурстарын тарту қажеттілігін қалыптастырады;»;
      3) тармақша мынадай редакцияда жазылсын:
      «3) және әлеуетті Бағдарламаға қатысушылардың жалпы саны, еңбек ресурстарына қажеттілік пен азаматтардың қоныс аудару мүмкіндігі туралы ақпаратты өңірлік комиссияға жібереді.»;
      3839-тармақтар мынадай редакцияда жазылсын:
      «38. Өңірлік комиссия берілетін үйлердің жалпы санын негізге ала отырып:
      1) мыналарды:
      шығу және қабылдау орындарын айқындай отырып, облыстың (ауданның, қаланың) шегінде қоныс аударатын азаматтардың ықтимал санын келіседі және қоныс аударуды ұйымдастыру үшін ұсынымды уәкілетті органға және (немесе) халықты жұмыспен қамту орталықтарына жібереді;
      республика шегінде қоныс аударатын азаматтардың санын келіседі және өтінімді немесе ұсынысты Бағдарлама операторына жібереді;
      2) Бағдарламаға қатысушылардың қоныс аударуын, қоныстануын ұйымдастыру мәселелерін қарайды.
      39. Өңірлік және аудандық/қалалық комиссияның құрамына жергілікті өкілді және атқарушы органдардың,уәкілетті органның (халықты жұмыспен қамту орталықтарының) өкілдері, жұмыс берушілердің, кәсіптік одақтардың өкілдері енгізіледі.»;
      44-тармақтың 2-тармақшасының үшінші абзацы мынадай редакцияда жазылсын:
      «республикалық маңызы бар қаланың, астананың, облыс орталықтарының шегінде Қазақстан Республикасы Үкіметінің 2011 жылғы 31 наурыздағы № 316 қаулысымен бекітілген Жұмыспен қамту 2020 бағдарламасы шеңберінде 2013 жылғы 1 шілдеде құрылысы аяқталған қызметтік тұрғын үйлерге қоныс аударатын адамдарға қатысты, Бағдарламаға қатысушылар құрамына енгізу не енгізуден бас тарту туралы ұйғарымдарды шығарады және оны уәкілетті органға және (немесе) халықты жұмыспен қамту орталығына жібереді;»;
      46-тармақтың бірінші бөлігі мынадай редакцияда жазылсын:
      «46. Осы Қағидалардың 7 және 45-тармақтарында көрсетілген критерийлер балалар үйінің тәрбиеленушілері, жетім балалар мен ата-анасының қамқорлығынсыз қалған, кәмелеттік жасқа толғанға дейін ата-анасынан айрылған балалар (мұндай адамдар әскери қызметке шақырылған кезде, жасы мерзімді әскери қызметті өткеру мерзіміне ұзартылады), жиырма тоғыз жасқа толмаған жастар мен оралмандар болып табылатын Бағдарламаның осы бағытына қатысушыларға қолданылмайды.»;
      48-тармақтың екінші бөлігі мынадай редакцияда жазылсын:
      «Бағдарламаға қатысуға үміткер осы Қағидалардың 745 және 46-тармақтарында көрсетілген критерийлерге сәйкес келмеген жағдайларда, Бағдарламаға қатысушылардың құрамына енгізуден бас тартылады.»;
      53-тармақтың бірінші бөлігі мынадай редакцияда жазылсын:
      «Шыққан жерінің халықты жұмыспен қамту орталығы берген жолдаманың негізінде келген жерінің халықты жұмыспен қамту орталығы Бағдарламаға қатысушымен Бағдарлама операторы бекіткен нысан бойынша әлеуметтік келісімшарт жасасады, жұмыс беруші оның тарапы болады. Жұмыс беруші осы Қағидаларға 6-қосымшаға сәйкес лауазымды адамның қолымен және мөрмен куәландырылған әлеуметтік келісімшартқа қосылу туралы жазбаша өтініш (хабарлама) беру арқылы әлеуметтік келісімшарт жасасқанын растайды.»;
      57-тармақтың бірінші бөлігі мынадай редакцияда жазылсын:
      «57. Бағдарламаны іске асырудың барлық кезеңдерінде оған қатысушылар туралы ақпарат «Жұмыспен қамту 2020 жол картасы» автоматтандырылған ақпараттық жүйесіне орналастырылады.»;
      58-тармақтың бірінші бөлігі мынадай редакцияда жазылсын:
      «58. Бағдарламаға қатысушылардың құрамына енгізу қызметтік тұрғын үйлер салуға, сатып алуға және қоныстандыруға қатысатын жұмыс берушілердің өтініші бойынша жүзеге асырылады.»;
      66-тармақтың 2) тармақшасы мынадай редакцияда жазылсын:
      «2) жартыжылдық қорытындысы бойынша жылына екі рет өңірлік даму мәселелері жөніндегі уәкілетті органға – сатып алынған және (немесе) пайдалануға енгізілген қызметтік тұрғын үйлердің, жатақханалардың саны туралы есеп береді.»;
      көрсетілген Қағидаларға 2-қосымшада:
      «Жұмыспен қамтуға жәрдемдесудің белсенді шараларына қатысатын адамдардың ұтқырлығын арттыруға жәрдемдесу және оларға мемлекеттік қолдау шараларын көрсету қағидасының 28-тармағына сәйкес Жұмыспен қамту 2020 Жол картасы әлеуетті қатысушылары ұсынған құжаттарды қарап БҰЙЫРАМЫН:» деген жол мынадай редакцияда жазылсын:
      «Жұмыспен қамтуға жәрдемдесудің белсенді шараларына қатысатын адамдардың ұтқырлығын арттыруға жәрдемдесу және оларға мемлекеттік қолдау шараларын көрсету қағидаларының 11-тармағына сәйкес Жұмыспен қамту 2020 жол картасына қатысушылар ұсынған құжаттарды қарап БҰЙЫРАМЫН:»;
      көрсетілген Қағидаға 3-қосымшада:
      «2) отбасы құрамы туралы мәліметтері» деген тармақша алынып тасталсын;
      «5) білімі туралы құжаттың (диплом, аттестат, куәлік), сондай-ақ білімі мен біліктілігін растайтын басқа да құжаттардың көшірмесі.» деген тармақша мынадай редакцияда жазылсын:
      «5) білімі туралы құжаттың (диплом, аттестат, куәлік), сондай-ақ білімі мен біліктілігін растайтын басқа да құжаттардың (бар болса) көшірмесі.»;
      мынадай мазмұндағы жолмен толықтырылсын: «Жұмыспен қамтуға жәрдемдесудің көзделген белсенді шараларын алу үшін қажетті менің дербес деректерімді жинақтауға және өңдеуге келісім беремін»;
      көрсетілген Қағидаларға 5-қосымша алынып тасталсын.

Қазақстан Республикасы
Үкіметінің     
2014 жылғы 20 ақпандағы
№ 121 қаулысына   
1-қосымша      

Қазақстан Республикасы
Үкіметінің     
2011 жылғы 18 шілдедегі
№ 815 қаулысымен   
бекітілген     

Жұмыспен қамтуға жәрдемдесудің белсенді шараларына қатысатын
адамдарды оқытуды, олардың жұмысқа орналасуына жәрдемдесуді
және оларға мемлекеттік қолдау шараларын көрсетуді ұйымдастыру
және қаржыландыру қағидасы

1. Жалпы ережелер

      1. Осы Жұмыспен қамтуға жәрдемдесудің белсенді шараларына қатысатын адамдарды оқытуды, олардың жұмысқа орналасуына жәрдемдесуді және оларға мемлекеттік қолдау шараларын көрсетуді ұйымдастыру және қаржыландыру қағидасы (бұдан әрі – Қағида) Қазақстан Республикасының «Халықты жұмыспен қамту туралы» 2001 жылғы 23 қаңтардағы, «Халықтың көші-қоны туралы» 2011 жылғы 22 шілдедегі Заңдарына сәйкес әзірленді және Қазақстан Республикасы Үкіметінің 2013 жылғы 19 маусымдағы № 636 қаулысымен бекітілген Жұмыспен қамту 2020 жол картасы бағдарламасының (бұдан әрі – Бағдарлама) жұмыспен қамтуға жәрдемдесудің белсенді шараларына қатысатын адамдардың жұмысқа орналасуына жәрдемдесуді ұйымдастыру және қаржыландыру тәртібін айқындайды.
      2. Жұмыспен қамтуға жәрдемдесудің белсенді шараларына қатысатын адамдарды оқытуға және олардың жұмысқа орналасуына жәрдемдесуге бағытталған шаралар тиісті жылға арналған республикалық бюджетте көзделген қаражат есебінен және қаражат шегінде:
      1) кәсіптік бағдарлау, кәсіп таңдауда көмек, оқыту және жұмысқа орналасу мәселелері жөніндегі консультациялар, психологиялық бейімдеу бойынша көрсетілетін қызметтер;
      2) стипендия төлей отырып, біліктілікті арттырудың, кәсіптік даярлаудың және қайта даярлаудың (бұдан әрі – кәсіптік оқыту) тегін курстарына жіберу;
      3) кәсіптік оқуға материалдық көмек беру;
      4) лайықты бос жұмыс орындарын іздеуге және жұмысқа, оның ішінде әлеуметтік жұмыс орындарына және жастар практикасына орналастыруға жәрдемдесу;
      5) әлеуметтік жұмыс орындарына жұмысқа орналастырылған жеке тұлғалардың жалақысын ішінара субсидиялау;
      6) жастар практикасына жіберілген жеке тұлғалардың еңбегіне ақы төлеу жолымен іске асырылады.
      3. Осы Қағидада мынадай негізгі ұғымдар пайдаланылады:
      1) Бағдарламаға қатысушылар – Қазақстан Республикасының азаматтары және оралмандар – жұмыссыздар, ішінара жұмыспен қамтылғандар, табысы аз адамдар, өзін-өзі жұмыспен қамтығандар және Бағдарламада қатысу басымдығы белгіленген азаматтардың өзге де санаттары;
      2) Бағдарлама операторы – халықты жұмыспен қамту саласындағы басшылықты, сондай-ақ Қазақстан Республикасының заңнамасында көзделген шекте салааралық үйлестіруді жүзеге асыратын орталық атқарушы орган;
      3) білім беру саласындағы уәкілетті орган – білім беру саласындағы басшылықты және салааралық үйлестіруді жүзеге асыратын Қазақстан Республикасының орталық атқарушы органы;
      4) білім беру саласындағы жергілікті атқарушы органдар – техникалық және кәсіптік, орта білімнен кейінгі білім беру саласында білім беру қызметтерін көрсетуді басқару функцияларын іске асыратын жергілікті атқарушы органдардың құрылымдық бөлімшелері;
      5) жұмыспен қамтуға жәрдемдесудің белсенді шаралары – мемлекет Қазақстан Республикасының заңнамасында белгіленген тәртіппен жүзеге асыратын өзін-өзі жұмыспен қамтыған, жұмыссыз және табысы аз адамдар қатарындағы Қазақстан Республикасының азаматтарын және оралмандарды мемлекеттік қолдау шаралары;
      6) уәкілетті орган – өңірлік деңгейде халықтың жұмыспен қамтылуына жәрдемдесуді және жұмыссыздықтан әлеуметтік қорғауды қамтамасыз ететін жергілікті атқарушы органдардың құрылымдық бөлімшесі;
      7) халықты жұмыспен қамту орталығы – жұмыспен қамтуға жәрдемдесудің белсенді шараларын іске асыру мақсатында ауданның, облыстық және республикалық маңызы бар қалалардың, астананың жергілікті атқарушы органы құратын мемлекеттік мекеме;
      8) оқуға материалдық көмек – кәсіптік оқудан өтіп жатқан Бағдарламаға қатысушыға жол жүруге және тұруға арналған шығындарды ішінара өтеуге төленетін ақшалай қаражат;
      9) жұмыспен ішінара қамтылған жалдамалы қызметкерлер – толық емес жұмыс уақыты немесе жұмыс уақытының қысқартылған ұзақтығы жағдайында немесе қызметкерлер әлеуметтік демалыста немесе өндірістің тоқтатылуына байланысты еріксіз бос жүрген жағдайларда еңбек қызметін жүзеге асыратын қызметкерлер;
      10) әлеуметтік демалыс – ана болу, балалардың күтімі үшін, өндірістен қол үзбей білім алу және өзге де әлеуметтік мақсаттар үшін қолайлы жағдай жасау мақсатында қызметкерді белгілі бір кезеңге жұмыстан босату;
      11) кәсіптік оқыту – Бағдарламаға қатысушыларды білім беру ұйымдарында не жұмыс берушілердің өндірістік кәсіпорындары мен ұйымдарының жанындағы оқу орталықтарында (бұдан әрі – оқытатын ұйымдар) оқыту, кәсіптік оқыту:
      мамандығы (кәсібі) жоқ, мамандық (кәсіп) игеруді және сол мамандығы (кәсібі) бойынша жұмыс істеуді қалайтын адамдарды; еңбек нарығында сұранысқа ие емес мамандығы (кәсібі) бар, жаңа мамандық (кәсіп) игеруді және сол мамандығы (кәсібі) бойынша жұмыс істеуді қалайтын адамдарды кәсіптік даярлауды;
      егер Бағдарламаға қатысушыларға мамандығы (кәсібі) бойынша лайықты жұмыс ұсына алмаған немесе олардың белгілі бір мамандықтар (кәсіптер) бойынша жұмысты орындауға қабілеттілігі жойылған жағдайда, жаңа мамандықтар (кәсіптер) меңгеру мақсатында қайта даярлауды;
      біліктілігін арттыруды – анағұрлым жоғары разряд (сынып, санат) алу, озық техника мен технологияны зерттеу және игеру мақсатында өндірістік қажеттілікке қарай, кәсіби шеберлігін жетілдіруді қамтиды;
      12) өңірлік комиссия – облыстың (республикалық маңызы бар қаланың, астананың) жергілікті атқарушы органының жанындағы жергілікті өкілді органдар, жұмыс берушілер, кәсіптік одақтар өкілдерінің қатысуымен Бағдарламаны іске асыру мәселелері жөніндегі ведомствоаралық комиссия;
      13) «Жұмыспен қамту 2020 жол картасы» автоматтандырылған ақпараттық жүйесі (бұдан әрі – «ЖЖК 2020» ААЖ) – автоматтандырылған режимде Бағдарламаға қатысушылардың деректер қорын қалыптастыруды, жүргізуді және пайдалануды қамтамасыз ететін жүйе.

2. Кәсіптік бағдарлау, кәсіп таңдауда көмек, оқыту және жұмысқа
орналасу жөніндегі консультациялар, психологиялық бейімдеу
бойынша көрсетілетін қызметтер

      4. Кәсіптік бағдарлау кәсіптерді саналы түрде таңдау үшін 50 жастан асқан адамдарды қоса алғанда, үміткерлердің бейімділіктерін, қабілеттерін айқындауға бағытталған. Кәсіптерді таңдау Жалпыұлттық деректер қорындағы мәліметтерді ескере отырып жүзеге асырылады.
      5. Кәсіптік бағдарлау халықтың өзін-өзі жұмыспен қамтыған, жұмыссыз және табысы аз топтары арасында жұмыспен қамту мәселелері жөніндегі орталық уәкілетті орган әзірлеген әдістемелік ұсынымдарға сәйкес жүзеге асырылады.
      6. Кәсіптік бағдарлау жүргізуді жұмыспен қамту мәселелері жөніндегі уәкілетті органдар немесе олар тартатын жеке жұмыспен қамту агенттіктері және/немесе үкіметтік емес ұйымдар мемлекеттік сатып алу және/немесе мемлекеттік әлеуметтік тапсырыс туралы қолданыстағы заңнамаға сәйкес жүзеге асырады.
      7. Кәсіптік бағдарлаудан өткен адамдар туралы мәліметтер «ЖЖК 2020» ААЖ-де орналастырылады.

3. Оқыту және жұмысқа орналасу мәселелері жөніндегі
консультациялар

      8. Оқытуға қажеттілікті, еңбекке қабілетті халықтың саны мен құрылымын, жұмысқа орналасуға мұқтаж адамдардың санын, іске асырылатын жобалар шеңберінде құрылып жатқан жұмыс орындарының санын айқындау мақсатында жергілікті атқарушы органдар Бағдарлама операторы бекіткен әдістемеге сәйкес Өңірлердің жұмыспен қамту картасын қалыптастырады.
      Жергілікті атқарушы органдар жылына екі рет (есепті жылғы 1 қаңтардағы және 1 шілдедегі жағдай бойынша), 5 қаңтарда және 5 шілдеде Өңірлердің жұмыспен қамту картасының мәліметтерін жаңартады.
      9. Халықты жұмыспен қамту орталықтары:
      1) Өңірлердің жұмыспен қамту картасы негізінде жұмысқа орналасуға мұқтаж еңбекке қабілетті жастағы адамдардың санын айқындайды;
      2) жұмыс берушілерді – аудан (қала) аумағында жұмыс істейтін кәсіпкерлік субъектілері болып табылатын барлық заңды және жеке тұлғаларды есепке алуды жүзеге асырады;
      3) жұмыс берушілерге Бағдарламаға қатысу, оның ішінде жұмыс берушілерге Бағдарламаға қатысуға үміткерлерді таңдау, кәсіптік оқудан өту, жұмысқа орналасуға жәрдемдесу тәртібі және шарттары туралы консультация береді;
      4) жылына бір рет кем емес кезеңділікпен кадрларға ағымдағы және болжамды қажеттілікті айқындау мақсатында жұмыс берушілерге сауалнама жүргізуді жүзеге асырады (оның ішінде коммуникация құралдары (интернет, электрондық почта, телефония құралдары және басқалары) арқылы);
      5) Өңірлердің жұмыспен қамту карталарының, жеке жұмыспен қамту агенттіктерінің және жұмыс берушілердің мәліметтері негізінде кәсіптер (мамандықтар) бөлінісінде кадрларға ағымдағы және болжамды қажеттілікті қалыптастырады.
      10. Халықты жұмыспен қамту орталықтары Бағдарламаға қатысуға үміткерлерге:
      1) мамандық (кәсіп) таңдауға, кәсіптік оқу және оны аяқтағаннан кейін деректер қорына енгізілген жұмыс орындарын, ағымдағы бос жұмыс орындарын және болжамды қажеттілікті ескере отырып, ықтимал жұмысқа орналасуға көмек;
      2) үміткерлердің мамандығы (кәсібі) бар бос жұмыс орындарының біліктілік талаптарына сәйкес келмеген жағдайда бос жұмыс орындары жәрмеңкесіне қатысу мәселелері бойынша консультация береді.
      11. Халыққа қызмет көрсету орталықтары консультация беру нәтижелері бойынша Бағдарламаға қатысуға үміткерлердің тізімдерін қалыптастырады және оларды жұмыс берушілерге жібереді.

4. Стипендия төлей отырып, біліктілікті арттырудың, кәсіптік
даярлаудың және қайта даярлаудың тегін курстарына жіберу

      12. Бағдарламаға қатысуға үміткерлерді іріктеуді жұмыс берушілер:
      1) халықты жұмыспен қамту орталықтары ұсынатын үміткерлер қатарынан таңдау;
      2) бос жұмыс орындары жәрмеңкелеріне қатысу;
      3) дербес, оның ішінде жеке жұмыспен қамту агенттіктері арқылы іздестіру жолымен жүргізеді.
      13. Жұмыс берушілер үміткерлерді әңгімелесу өткізу жолымен немесе жұмыспен қамту орталықтары Бағдарламаға қатысушылар туралы ұсынған ақпарат негізінде іріктейді.
      14. Халықты жұмыспен қамту орталықтары жұмыс берушілерден ақпарат алғаннан кейін үш жұмыс күні ішінде үміткерлерге Бағдарламаға қатысу үшін құжаттар ұсыну қажеттігі туралы хабарлайды.
      15. Жұмыс берушілер Бағдарламаға қатысуға таңдаған үміткерлер хабарландырылған күннен бастап үш жұмыс күні ішінде тұрақты тұратын жеріндегі ауданның, қаланың халықты жұмыспен қамту орталықтарына осы Қағидаға 1-қосымшаға сәйкес нысан бойынша өтініш береді.
      Жұмыс беруші мәлімдеген кәсіптер (мамандықтар) бойынша кәсіптік оқуға жіберілетін Бағдарламаға қатысуға үміткерлер осы Қағиданың 31-тармағында көзделген тәртіппен бекітілген Қазақстан Республикасының аумағында кәсіптік даярлауды, қайта даярлауды және біліктілікті арттыруды жүзеге асыратын білім беру ұйымдарының тізбесінен білім беру ұйымын жұмыс берушімен келісім бойынша өздері таңдайды.
      16. Өтініш беру кезінде мынадай құжаттар ұсынылады және қоса беріледі:
      1) жеке басты куәландыратын құжаттың көшірмесі;
      2) еңбек кітапшасының (бар болса) немесе еңбек қызметін растайтын өзге құжаттың (табысы аз азаматтар және жұмыспен ішінара қамтылған жалдамалы қызметкерлер қатарындағы жұмыс істейтін адамдар үшін) көшірмесі;
      3) білімі туралы құжаттың (аттестат, куәлік, диплом), сондай-ақ бар болса, оқудан өткенін растайтын басқа да құжаттардың (куәлік, сертификат) көшірмелері;
      4) денсаулық сақтау саласындағы уәкілетті орган бекіткен нысан бойынша денсаулық жағдайы туралы анықтаманың (Бағдарламаға қатысушылар құрамына енгізу туралы шешім қабылданғаннан кейін ұсынылады) көшірмесі.
      Жұмыспен ішінара қамтылған жалдамалы қызметкерлер бұдан басқа жұмыс берушінің толық емес жұмыс уақыты немесе ұзақтығы қысқартылған жұмыс уақыты режиміне ауыстыру немесе әлеуметтік демалыс беру немесе мәжбүрлі тоқтату туралы актісін ұсынады.
      17. Құжаттар топтамасын қабылдаған кезде халықты жұмыспен қамту орталығының қызметкері көшірмелердің түпнұсқалығын түпнұсқамен салыстырып тексереді және өтініш берушіге қайтарады.
      18. Халықты жұмыспен қамту орталықтары өтініш тіркелген күннен бастап бес жұмыс күні ішінде ұсынылған құжаттардың Бағдарламаға қатысушыларға қойылатын талаптарға сәйкестігін тексеру нәтижелері негізінде Бағдарламаға қатысушылар құрамына енгізу (не одан бас тарту) туралы шешім қабылдайды.
      19. Шешім қабылдаған кезде білім деңгейі, мамандығының (кәсібінің) және біліктілігінің болуы, ал жалдамалы қызметкерлер үшін жұмыс берушілерден қайта даярлауға және біліктілікті арттыруға өтінімнің де болуы ескеріледі.
      20. Халықты жұмыспен қамту орталығы шешім қабылданған күннен бастап бес жұмыс күні ішінде өтініш берушіні қабылданған шешім туралы жазбаша хабардар етеді.
      21. Халықты жұмыспен қамту орталығының шешіміне Қазақстан Республикасының заңнамасында белгіленген тәртіппен уәкілетті органға және (немесе) сотқа шағым жасауға болады.
      22. Жұмыспен қамту орталықтары Бағдарламаға қатысушыларды кәсіптік оқытуды ұйымдастыру бойынша жұмысты өздері не мемлекеттік сатып алу және/немесе мемлекеттік әлеуметтік тапсырыс туралы қолданыстағы заңнамаға сәйкес жеке жұмыспен қамту агенттіктерін және/немесе үкіметтік емес ұйымдарды тарта отырып жүргізеді.
      23. Білім беру ұйымына кәсіптік даярлыққа жіберілген кезде Бағдарламаға қатысушылар түсу емтиханын тапсырмай қабылданады.
      Ішінара жұмыспен қамтылған жалдамалы қызметкерлерді өндірістен қол үзіп немесе қол үзбей қайта даярлау немесе біліктілігін арттыру жұмыс берушілердің өтінімі бойынша Бағдарламаға қатысушының жұмыс орнын сақтау шартымен жүзеге асырылады.
      24. Халықты жұмыспен қамту орталықтары кәсіптік оқыту үшін жұмыс берушілер іріктеген Бағдарламаға қатысушылармен Бағдарлама операторы бекіткен нысан бойынша оқытатын ұйым мен жұмыс беруші де тараптары болып қатысатын әлеуметтік келісімшарт жасасады.
      Жұмыс беруші мен оқытатын ұйым әлеуметтік келісімшартқа қосылу туралы осы Қағидаға 23-қосымшаларға сәйкес жетекшінің не қол қоюға құқығы бар жауапты лауазымды адамның қолымен және мөрмен расталған жазбаша өтініш (хабарлама) беру арқылы әлеуметтік келісімшарт жасасуды растайды.
      Әлеуметтік келісімшарт халықты жұмыспен қамту орталықтары мен Бағдарламаға қатысушылар қол қойған және жұмыс берушілер мен оқытатын ұйымдардан әлеуметтік келісімшартқа қосылу туралы жазбаша өтінішті (хабарламаны) алған сәттен бастап күшіне енеді.
      Бағдарламаға қатысушыларды жұмысқа орналастыру үшін тұрақты жұмыс орындарын ұсынатын жұмыс берушілер өтініште (хабарламада) Бағдарламаға қатысушылардың деректерін, оларды оқытуды ұйымдастыру жоспарланып отырған мамандықты (кәсіпті), оқытатын ұйымды, өндірістік практикадан өту орнын және оқу аяқталғаннан кейін жұмыс істеу кезеңін көрсетеді.
      Бағдарламаға қатысушыларды кәсіптік оқытуды жүзеге асыратын оқытатын ұйымдар өтініште (хабарламада) мамандығы (кәсібі), оқытудың ұзақтығы мен құны, өндірістік практикадан өтудің ықтимал орны мен шарттары туралы ақпаратты көрсетеді.
      25. Осы Қағида қолданысқа енгізілгенге дейін жасалған әлеуметтік келісімшарттар күшін сақтайды және өзгеріссіз күйінде қолданылады.
      26. Жұмыс берушінің әлеуметтік келісімшартта айқындалған міндеттерді орындауына мониторингті халықты жұмыспен қамту орталығы және оқытатын ұйым жүзеге асырады.
      Оқытатын ұйымдардың әлеуметтік келісімшартта айқындалған міндеттерді орындауына мониторингті халықты жұмыспен қамту орталығы және жұмыс берушілер жүзеге асырады.
      Бағдарламаға қатысушының әлеуметтік келісімшартта айқындалған міндеттерді орындауына мониторингті халықты жұмыспен қамту орталығы, оқытатын ұйым және жұмыс беруші жүзеге асырады.
      27. Кәсіптік оқыту бойынша көрсетілетін қызметтер мемлекеттік білім беру тапсырысына кіреді және «Мемлекеттік сатып алу туралы» Қазақстан Республикасы Заңының 4-бабы 1-тармағының 20) тармақшасына сәйкес мемлекеттік сатып алу туралы заңнаманың өнім берушіні таңдауды және онымен мемлекеттік сатып алу туралы шарт жасасуды регламенттейтін нормаларын қолданбай сатып алынады.
      28. Бағдарламаға қатысушыларды кәсіптік оқыту ұзақтығы оқу бағдарламасының мазмұнына қарай белгіленеді және:
      1) кәсіптік даярлау жүргізу кезінде – он екі айдан;
      2) қайта даярлау кезінде – алты айдан;
      3) біліктілікті арттыру кезінде – үш айдан аспауға тиіс.
      29. Кәсіптік оқытудан өтетін Бағдарламаға қатысушыларға орта білімнен кейінгі техникалық және кәсіптік білім беру ұйымдарында мемлекеттік білім беру тапсырысы бойынша оқитын студенттер үшін заңнамада белгіленген мөлшерде стипендия, сондай-ақ:
      1) оқытудың барлық кезеңіне оқу орнына дейін және кері бағытта жол жүруге:
      облыс шегінде, бірақ Бағдарламаға қатысушылардың тұрақты тұратын елді мекендерінен тыс жерде орналасқан оқытатын ұйымдарда оқыған кезде кәсіптік даярлаудан өту үшін 4 айлық есептік көрсеткіш (бұдан әрі – АЕК) мөлшерінде, қайта даярлаудан және біліктілігін арттырудан өту үшін 2 АЕК мөлшерінде;
      Бағдарламаға қатысушылар тұрақты тұратын орындар облысының шегінен тыс елді мекендерде орналасқан оқытатын ұйымдарда оқыған кезде 1000 км дейінгі ара қашықтыққа 8 АЕК мөлшерінде, 1000 км асатын ара қашықтыққа 12 АЕК мөлшерінде;
      2) Астана және Алматы қалаларынан, Атырау және Маңғыстау облыстарынан басқа барлық облыстарда тұруына ай сайын 10 АЕК мөлшерінде, Астана, Алматы қалаларында, Атырау және Маңғыстау облыстарында тұруына 15 АЕК мөлшерінде материалдық көмек беріледі.
      Материалдық көмек шығыстарды растайтын құжаттарды ұсынусыз төленеді.
      Өндірістен қол үзіп қайта даярлаудан немесе біліктілігін арттырудан өту кезінде ішінара жұмыспен қамтылған жалдамалы қызметкерлер қатарындағы Бағдарламаға қатысушыға жоғарыда аталған мөлшерде материалдық көмек ай сайын төленеді.

Кәсіптік оқыту бойынша қызмет көрсететін білім беру ұйымдарының
тізбесін айқындау

      30. Кәсіптік оқыту кадрларды даярлаудың дуальді моделі қағидаттарында жүргізілуге тиіс.
      31. Барлық облыстардағы, Астана және Алматы қалаларындағы өңірлік комиссиялар білім беру саласындағы жергілікті атқарушы органдар ұсыныстарының негізінде осы Қағиданың 5253-тармақтарына сәйкес айқындалған мамандықтар (кәсіптер) бөлінісінде оқу құнын көрсете отырып, сол өңірдің аумағындағы және қолданыстағы заңнамаға сәйкес кәсіптік оқытуды жүзеге асыруға құқығы бар кәсіптік оқуды жүзеге асыратын білім беру ұйымдарының тізбесін (бұдан әрі – тізбе) жыл сайын бекітеді.
      32. Оқытатын ұйымдарды кәсіптік оқытуды жүзеге асыру үшін тізбеге енгізу:
      1) Бағдарламаға қатысушылардың өндірістік практикасын кадрларды даярлаудың дуальді моделінің қағидаттарына сәйкес міндетті ұйымдастырған;
      2) өткен жылғы бітірушілердің кемінде 60 %-ын жұмысқа орналастырылған жағдайда. Жұмысқа орналастырылғандардың саны әскери қызметке шақырылған, жоғары оқу орындарында оқуды жалғастырушы, қайтыс болған, бала күтімі бойынша демалыстағы, республикадан тыс жерлерге тұрақты тұруға кеткен адамдарды ескермей есептеледі;
      3) кәсіптік даярлау бағдарламалары бойынша білім беру қызметіне лицензиясы болған жағдайда жүзеге асырылады.
      33. Білім беру қызметіне лицензиясы жоқ оқытатын ұйымдар тізбеге кәсіптік даярлығына біліктілік емтиханынан өткен адамдарға заңнамалық белгіленген үлгідегі куәлік (сертификат) беру не «Республикалық техникалық және кәсіптік білім беруді дамыту және біліктілік беру ғылыми-әдістемелік орталығы» акционерлік қоғамында куәлік (сертификат) алуға жәрдем көрсету шартымен қосылады.
      34. Бағдарламаға қатысушыларды кәсіптік оқыту жұмыс берушілермен келісім бойынша Бағдарламаға қатысушылар тізбеден таңдаған оқытатын ұйымдарда жүзеге асырылады.
      Өңірде (облыста, Астана және Алматы қалаларында) Бағдарламаға қатысушы жұмыс берушімен келісім бойынша таңдаған мамандық (кәсіп) бойынша кәсіптік оқытуды жүзеге асыратын оқытатын ұйым болмаған жағдайда, кәсіптік оқыту басқа өңірлерде орналасқан оқытатын ұйымдарда жүзеге асырылуы мүмкін.
      Мұндай жағдайда кәсіптік оқытуды жүзеге асыратын оқытатын ұйым өңірлік комиссия шешімінің негізінде тізбеге қосымша енгізіледі және осы Қағиданың 32-тармағында көзделген оқытатын ұйымдарды таңдау өлшемдеріне сәйкес келуге тиіс.
      35. Бағдарламаға қатысушыларды аралық және қорытынды аттестаттауды білім беру саласындағы жергілікті атқарушы орган, халықты жұмыспен қамту орталығы және жұмыс берушілер өкілдерінің қатысуымен оқытатын ұйым жүзеге асырады.
      Бағдарламаға қатысушыларды қорытынды аттестаттау кәсіптік даярлық деңгейін бағалауды (бұдан әрі – КДДБ) қамтиды.
      Игеретін кәсібіне қарай КДДБ арнайы пәндер бойынша біліктілік емтихандарын тапсыруды (жазбаша тестілер) және біліктілік (сынақ) жұмысын орындауды (практикалық тест) көздейді.
      КДДБ өткізу үшін білім беру саласындағы уәкілетті орган бекіткен тәртіппен тәуелсіз біліктілік комиссиясы құрылады.
      КДДБ-ні бағалау бойынша біліктілік емтиханынан өткен адамдарға белгіленген үлгідегі біліктілік беру туралы куәлік (сертификат) беріледі.
      36. Оқытатын ұйымдардың халықты жұмыспен қамту орталығымен келісім бойынша Бағдарламаға қатысушыларды:
      1) сабақты дәлелсіз себептермен қатарынан үш оқу күнінен көп босатқан;
      2) үлгерімі нашар немесе аралық аттестаттау қанағаттанғысыз болған;
      3) оқытатын ұйымның ішкі тәртібін бұзған жағдайларда оқудан шығаруға құқығы бар.
      37. Қайта даярлау немесе біліктілігін арттырудан өту уақытына Бағдарламаға қатысушыға қажет болған жағдайда әлеуметтік демалыс беріледі.
      38. Бағдарламаға қатысушыны оқудан шығарған кезде:
      1) оқытатын ұйымдарға кәсіптік даярлау бойынша нақты ұсынылған қызметтердің көлемі төленеді;
      2) Бағдарламаға қатысушы тұрақты жұмысқа орналасқан, әскери қызметке шақырылған, қайтыс болған, оқу бағдарламасын толық көлемде игеруге мүмкіндік бермейтін жүкті болу, аурулар салдарынан сабақтарды босатқан жағдайларды қоспағанда, сондай-ақ жиырма тоғыз жасқа толмаған балалар үйлерінің тәрбиеленушілері, жетім балалар мен ата-анасының қамқорлығынсыз қалған және кәмелетке толғанға дейін ата-анасынан айырылған балалар қатарындағы Бағдарламаға қатысушылар кез келген себептер бойынша, төленген материалдық көмек пен стипендия сомасын қоса алғанда оқуға арналған шығыстарды бюджетке өтейді.
      39. Бағдарламаға қатысушы тұрақты жұмысқа орналасу, Қазақстан Республикасы Қарулы Күштерінің мерзімді әскери қызметіне шақырылу, қайтыс болу, толық көлемде игеруге мүмкіндік бермейтін жүкті болу, аурулар салдарынан сабақтарды босату себебі бойынша, сондай-ақ жиырма тоғыз жасқа толмаған балалар үйлерінің тәрбиеленушілері, жетім балалар мен ата-анасының қамқорлығынсыз қалған және кәмелетке толғанға дейін ата-анасынан айырылған балалар қатарындағы Бағдарламаға қатысушылар кез келген себептер бойынша кәсіптік оқуын мерзімінен бұрын тоқтатқан жағдайда Бағдарламаға қатысушымен жасалған әлеуметтік келісімшарт көрсетілген білім беру қызметтері көлемінің құнын, сондай-ақ оқуға төленген материалдық көмек пен стипендия сомасын бюджетке қайтару бойынша талап қойылмай бұзылады.
      40. Техникалық және кәсіптік білім беру ұйымдарында кәсіптік оқу құнын өңірлік комиссиямен келісім бойынша жергілікті атқарушы органдар оқу жоспарлары мен бағдарламаларының талаптарына сәйкес мамандық пен біліктілік деңгейіне қарай білім беру процесіне арналған шығыстарды негізге ала отырып, жыл сайын белгілейді.
      41. Оқу орталықтарында кәсіптік оқытудың құнын халықты жұмыспен қамту орталығымен, білім беру саласындағы жергілікті атқарушы органдармен және өңірлік комиссиямен келісім бойынша оқу орталығы айқындайды.
      Оқу орталықтары кәсіптік оқыту қызметтері құнының есептеулерін жасайды және халықты жұмыспен қамту орталықтарына жібереді. Халықты жұмыспен қамту орталықтары оқу орталықтары ұсынған кәсіптік оқыту қызметтері құнының есептеулерін үш жұмыс күні ішінде білім беру саласындағы жергілікті атқарушы органға жібереді.
      Кәсіптік оқыту қызметтерінің құнын қарау кезінде білім беру саласындағы жергілікті атқарушы органдар мынадай негізгі өлшемдерді:
      1) оқу жоспарлары мен бағдарламаларының талаптарына сәйкес мамандығы мен біліктілік деңгейіне қарай білім беру процестеріне арналған шығыстарды;
      2) бір Бағдарламаға қатысушыны оқытуға арналған шығыстардың орташа құнын басшылыққа алады.
      Оқу құнының есептеулері негізді деп танылған жағдайда, білім беру саласындағы жергілікті атқарушы орган осы Қағиданың 31-тармағына сәйкес өңірлік комиссияларға оқу орталығын тізбеге енгізу туралы тиісті қорытындыны жібереді.
      Оқу құнының есептеулері негізсіз деп танылған жағдайда, білім беру саласындағы жергілікті атқарушы органдар оқу құны есептеулерінің негізделмегендігі туралы қорытындыны үш жұмыс күні ішінде халықты жұмыспен қамту орталықтарына жібереді.
      Халықты жұмыспен қамту орталықтары білім беру саласындағы жергілікті атқарушы органдардың оқу құны есептеулерінің негізделмегендігі туралы қорытындыны үш жұмыс күні ішінде оқу орталықтарына жібереді.
      Оқу құнының есептеулерін білім беру саласындағы жергілікті атқарушы органның қорытындысында баяндалған талаптарға сәйкес келтірген жағдайда кейінгілері өңірлік комиссияларға қорытындыда баяндалған талаптарға сәйкес келтірілген оқу құнының есептеулерін қоса отырып, оқу орталығын тізбеге енгізу туралы ұсыныс енгізеді.
      42. Бағдарламаға қатысушылар, жұмыс берушілер, оқытатын ұйымдар, білім беру курстарын ұйымдастыру үшін іріктелген заңды және/немесе жеке тұлғалар туралы мәліметтер «ЖЖК 2020» ААЖ-де орналастырылады.

5. Лайықты бос жұмыс орындарын іздеуге және жұмысқа (оның
ішінде әлеуметтік жұмыс орындарына және жастар практикасына)
орналастыруға жәрдемдесу, сондай-ақ әлеуметтік жұмыс орындарына
жұмысқа орналастырылған жеке тұлғалардың жалақысын ішінара
субсидиялау және жастар практикасына жіберілген жеке
тұлғалардың еңбегіне ақы төлеу

      43. Жұмыс беруші оқуды аяқтаған Бағдарламаға қатысушымен оның өтінімі бойынша кәсіптік еңбек шартын жасасады.
      44. Халықты жұмыспен қамту орталықтары Бағдарламаға енгізу сәтінде кәсіптік білімі болған не кәсіптік оқуды аяқтаған Бағдарламаға қатысушыларды жұмысқа орналастыру үшін деректер қорында бар бос жұмыс орындарына жұмысқа орналасуға осы Қағидаға 6-қосымшаға сәйкес жолдама беру арқылы жәрдемдеседі.
      Бағдарламаға қатысуға үміткерлер іске асырылып жатқан инфрақұрылымдық жобаларға жұмысқа орналасу үшін тұрақты тұратын ауданның, қаланың халықты жұмыспен қамту орталықтарына осы Қағидаға 4-қосымшаға сәйкес нысан бойынша өтініш береді.
      Халықты жұмыспен қамту орталықтары іске асырылып жатқан инфрақұрылымдық жобаларға жұмысқа орналастырылған Бағдарламаға қатысушылармен Бағдарлама операторы бекіткен нысан бойынша жұмыс беруші тарап болып қатысатын әлеуметтік келісімшарт жасады.
      Инфрақұрылымдық жобаны іске асыратын жұмыс берушілер әлеуметтік келісімшартқа қосылу туралы осы Қағидаға 5-қосымшаға сәйкес басшының не қол қоюға құқығы бар жауапты лауазымды адамның қолымен және мөрмен расталған жазбаша өтініш (хабарлама) беру арқылы әлеуметтік келісімшарт жасасуды растайды.
      Халықты жұмыспен қамту орталықтары халықтың нысаналы топтарын жұмыспен қамтуға жәрдемдесу үшін жұмыс берушілермен шарттар негізінде:
      жұмыс берушілер құрған әлеуметтік жұмыс орындарына еңбек шартына сәйкес белгіленген бір жыл мерзімге дейін әлеуметтік жұмыс орындарына орналастырылған жеке тұлғалардың жалақысын ішінара субсидиялау шартымен жібереді;
      жұмыс берушілер құрған жұмыс орындарына жастар практикасынан өту үшін жіберілген жеке тұлғалардың еңбекақысын алты айдан асырмай толық төлеу шартымен жібереді.
      45. Халықты жұмыспен қамту орталықтары Бағдарламаға қатысушыларды жұмысқа орналастыру бойынша жұмысты өздері не жеке жұмыспен қамту агенттіктерін және/немесе үкіметтік емес ұйымдарды тарта отырып, мемлекеттік сатып алу және/немесе мемлекеттік әлеуметтік тапсырыс туралы қолданыстағы заңнамаларға сәйкес жүргізеді.
      Халықтың нысаналы топтары қатарынан жұмысқа орналастырылуға тиіс адамдардың, оның ішінде 50 жастан асқан адамдардың тізімін жұмыспен қамту орталықтары Бағдарламаға қатысушыны жұмысқа орналастыру үшін үкіметтік емес ұйымдарға, сондай-ақ жеке жұмыспен қамту агенттіктеріне ұсынады.
      Көрсетілген қызметтерге ақы төлеуді жұмыс беруші мен нысаналы топ қатарындағы адамдар, оның ішіне халықтың 50 жастан асқан адамдары арасында жасалған жұмысқа орналастыру туралы еңбек шартының көшірмесін ұсынған жағдайда халықты жұмыспен қамту органдары жүргізеді.
      Үкіметтік емес ұйымдар, сондай-ақ жеке жұмыспен қамту агенттіктері есепті айдан кейінгі айдың 3-күніне қарай жұмысқа орналастыру үшін адамдардың тізімін жіберген халықты жұмыспен қамту орталықтарына жұмысқа орналастырылғандар, кәсіпорындар (ұйымдар), мамандықтар (кәсіптер), жұмысқа орналастырылғанның орташа жалақысы туралы ақпаратты ай сайын ұсынады.
      Үкіметтік емес ұйымдар, сондай-ақ жеке жұмыспен қамту агенттіктері жұмысқа орналастырған адамдар туралы мәліметтерді «ЖЖК 2020» ААЖ орналастырады.
      46. Әлеуметтік жұмыс орындарына жұмысқа орналастырылған жеке тұлғалардың жалақысын ішінара субсидиялау 12 ай ішінде жүзеге асырылады.
      Әлеуметтік жұмыс орындарына жұмысқа орналастырылған жеке тұлғалардың жалақысын субсидиялау мөлшері салықтарды, міндетті әлеуметтік аударымдарды және экологиялық үстемеақылар бойынша төлемдер есепке алынбаған пайдаланылмаған еңбек демалысына өтемақыны ескере отырып, жалақы мөлшерінің 35 %-ын құрайды, бірақ тиісті қаржы жылына арналған республикалық бюджет туралы заңда айқындалған ең төменгі жалақы мөлшерінен аспауға тиіс және 2014 жылғы 1 қаңтарда жасалған шарт қатынастарына қолданылады.
      47. Жұмыстан босатылған сәтке дейін бір жыл ішінде жұмыс берушімен еңбек қатынастарында тұрған адамдарға әлеуметтік жұмыс орнына орналасуға жол берілмейді.
      48. Жастар практикасына жіберілген жеке тұлғалардың еңбекақысының мөлшері экологиялық үстемеақы төлемдерін ескермегенде айына (салықтарды, міндетті әлеуметтік аударымдарды, пайдаланылмаған еңбек демалысына өтемақыны және банк қызметтерін ескере отырып) 17,2 АЕК құрайды.
      49. Азаматтардың әлеуметтік жұмыс орындарына және жастар практикасына қатысу шарттары «Халықты жұмыспен қамту туралы» 2001 жылғы 23 қаңтардағы Қазақстан Республикасының Заңын іске асыру жөніндегі шаралар туралы» Қазақстан Республикасы Үкіметінің 2001 жылғы 19 маусымдағы № 836 қаулысымен айқындалады.

6. Оқытуға және жұмысқа орналасуға жәрдемдесуге бағытталған
шараларды қаржыландыру

      50. Мемлекеттік қолдау шараларын қаржыландыру Бағдарлама операторы арқылы жүзеге асырылады.
      Кәсіптік оқуға 2013 жылға дейін қабылданған адамдардың оқуын қаржыландыруды білім беру саласындағы уәкілетті орган көрсетілген адамдар оқуын толық аяқтағанға дейін жүзеге асырады.
      51. Кәсіптік оқыту ақысын, стипендияны, жол жүруге және тұруға материалдық көмекті төлеу, әлеуметтік жұмыс орындарына жұмысқа орналастырылған жеке тұлғалардың жалақысын және жастар практикасына жіберілген жеке тұлғалардың еңбекақысын субсидиялау мақсатында Бағдарламаға қатысушыларға ұсынылатын мемлекеттік қолдауды қаржылай қамтамасыз ету үшін республикалық бюджеттен облыстық бюджеттерге, Астана және Алматы қалаларының бюджеттеріне нысаналы трансферттер бөлінеді.
      52. Облыстардың, Астана және Алматы қалаларының әкімдері Бағдарлама операторына оқытатын ұйымды (оқытатын ұйым, оқу орталықтары және т.б.), мамандықтар түрлері мен оқу орындары, оқыту құны мен мерзімдері бойынша оқытылатын контингентті көрсете отырып, бюджеттік өтінім жібереді.
      53. Қаржылық тәртіпті және бюджет қаражатының мақсатты пайдаланылуын мониторингілеуді қамтамасыз ету үшін:
      1) білім беру саласындағы уәкілетті орган мен облыстардың, Астана және Алматы қалаларының әкімдері арасында Жұмыспен қамту 2020 бағдарламасы шеңберінде бұрын кәсіптік даярлауға қабылданған адамдарды оқыту бойынша;
      2) Бағдарлама операторы мен облыстардың, Астана және Алматы қалаларының әкімдері арасында Бағдарлама шеңберінде кәсіптік оқыту және әлеуметтік жұмыс орындарына орналастырылған жеке тұлғалардың жалақысын субсидиялау және жастар практикасына жіберілген жеке тұлғалардың еңбекақысын төлеу бойынша нәтижелер туралы келісімдер жасалады.
      54. Білім беру саласындағы уәкілетті орган, Бағдарлама операторы бюджет заңнамасына сәйкес тиісті республикалық бюджеттік бағдарламалар бойынша ағымдағы нысаналы трансферттерді облыстық бюджеттерге, Астана және Алматы қалаларының бюджеттеріне аударуды жүргізеді.
      55. Облыстық бюджеттерге, Астана және Алматы қалаларының бюджеттеріне кәсіптік даярлауға, қайта даярлауға және кадрлардың біліктілігін арттыруға, оның ішінде бұрын кәсіптік оқуға қабылданған адамдардың оқуын аяқтауға бөлінген ағымдағы нысаналы трансферттерді пайдалану оқытатын ұйымдармен жасалған шарттар негізінде, жастар практикасына жіберілген жеке тұлғаларға еңбекақы төлеу – жұмыс берушілермен жасалған шарттар негізінде, ал әлеуметтік жұмыс орындарына жұмысқа орналастырылған жеке тұлғалардың жалақысын субсидиялау жұмыс берушілермен жасалған шарттар негізінде және олар жасаған шығындарды растайтын құжаттар негізінде жүзеге асырылады.
      56. Бағдарламаға қатысушыларды, сондай-ақ бұрын мемлекеттік білім беру тапсырысы бойынша оқытатын ұйымдарға кәсіптік оқуға қабылданған адамдарды кәсіптік даярлауды қаржыландыру техникалық және кәсіптік білім беру мамандықтары бойынша мемлекеттік жалпыға міндетті стандарттарға сәйкес оқуды толық аяқтау мерзіміне дейін жыл сайын жүзеге асырылады.
      57. Облыстардың, Астана және Алматы қалаларының әкімдері, білім беру саласындағы уәкілетті орган және Бағдарлама операторы трансферттерді пайдалану кезінде нәтижелерге қол жеткізбегені үшін Қазақстан Республикасының заңнамасында белгіленген тәртіппен жауапты болады.
      58. Облыстардың, Астана және Алматы қалаларының әкімдері жылына екі рет Бағдарлама операторына, білім беру саласындағы уәкілетті органға келісімдерде көзделген нысан бойынша есептер ұсынады.

Жұмыспен қамтуға жәрдемдесудің    
белсенді шараларына қатысатын     
адамдарды оқытуды, олардың жұмысқа  
орналасуына жәрдемдесуді және оларға 
мемлекеттік қолдау шараларын көрсетуді
ұйымдастыру және қаржыландыру қағидасына
1-қосымша             

___________________ ауданының
(қаласының) Халықты жұмыспен
қамту орталығының директорына
_____________________________
мекенжайы бойынша тұратын   
_____________________________

Өтініш

      Мені «Оқыту және жұмысқа орналасуға жәрдемдесу» бағыты бойынша
Жұмыспен қамту 2020 жол картасы бағдарламасына қатысушылар қатарына
енгізуді сұраймын.
      Қосымша ___ парақта:
      жеке басты куәландыратын құжаттың көшірмесі;
      еңбек кітапшасының (бар болса) немесе еңбек қызметін растайтын
өзге құжаттың (табысы аз және жұмыспен ішінара қамтылған жалдамалы
қызметкерлер қатарындағы жұмыс істейтін адамдар үшін) көшірмесі;
      білімі туралы құжаттың (аттестат, куәлік, диплом), сондай-ақ
бар болса, оқудан өткенін растайтын басқа да құжаттардың (куәлік,
сертификат) көшірмелері;
      денсаулық жағдайы туралы анықтаманың (денсаулық сақтау
саласындағы уәкілетті орган бекіткен нысанға сәйкес Бағдарламаға
қатысушылар құрамына енгізу туралы шешім қабылданғаннан кейін)
көшірмесі;
      жұмыс берушінің толық емес жұмыс уақыты немесе ұзақтығы
қысқартылған жұмыс уақыты режиміне ауыстыруы немесе әлеуметтік
демалыс беру туралы немесе мәжбүрлі тоқтату туралы актісі (жұмыспен
ішінара қамтылған жалдамалы қызметкерлер үшін).
      Жұмыспен қамтуға жәрдемдесудің көзделген белсенді шараларын алу
үшін қажетті менің дербес деректерімді жинақтау мен өңдеуге келісім
беремін.

      *ұсынылған құжаттардың дұрыстығына өтініш білдіруші жауапты
болады.

      Күні                                                       қолы

---------------------------------------------------------------------
                            (кесу сызығы)

_____________________________________________________________________
азаматтың өтініші 20__ ж. «___» ________ қабылданды, № ________ болып
тіркелді.
      Құжаттарды қабылдаған адамның Т.А.Ә., лауазымы және қолы:
      _______________________________________________________________
      _______________________________________________________________

      Күні                                                       қолы

      *ұсынылған құжаттың дұрыстығына өтініш беруші жауапты болады.

Жұмыспен қамтуға жәрдемдесудің    
белсенді шараларына қатысатын     
адамдарды оқытуды, олардың жұмысқа  
орналасуына жәрдемдесуді және оларға 
мемлекеттік қолдау шараларын көрсетуді
ұйымдастыру және қаржыландыру қағидасына
2-қосымша             

__________________________________________
(Халықты жұмыспен қамту орталығының атауы)

Әлеуметтік келісімшартқа қосылу
туралы жұмыс берушінің
өтініші (хабарламасы)

      Осы арқылы _____________________ атынан _______________________
                (жұмыс берушінің атауы)      (ереже, жарғы және т.б.)
негізінде әрекет ететін _____________________________________________
                         (уәкілетті өкілдің тегі, аты, әкесінің аты)
___________________________ және ____________________________________
  (халықты жұмыспен қамту          (Бағдарламаға қатысушының тегі,
         орталығы)                        аты, әкесінің аты)
арасында жасалған 20__ жылғы «___» ______ № ______________ әлеуметтік
келісімшартқа қосылуға ниет білдіреді және төмендегілер туралы:
__________________________________________ мамандығы (кәсібі) бойынша
__________________________________________________ нысанында кәсіптік
оқуды(даярлау, қайта даярлау немесе біліктілікті арттыру)
табысты аяқтағаннан кейін Бағдарламаға қатысушыны алған мамандығы
(кәсібі) бойынша _____________________ мерзімге жұмысқа орналастыруға
міндеттеме алады.
      Өндірістік практикадан өту орны ______________________________.
      Осы өтінімге мыналарды қоса беремін (құрылтай құжаттарының
көшірмелері, банк деректемелері қоса берілсін):

      _____________   _______________   _____________________________
        (лауазымы)         (қолы)        (уәкілетті өкілдің Т.А.Ә.)
                                                                 М.О.
      _____________   _______________   _____________________________
        (лауазымы)         (қолы)        (уәкілетті өкілдің Т.А.Ә.)
                                                                 М.О.

Жұмыспен қамтуға жәрдемдесудің    
белсенді шараларына қатысатын     
адамдарды оқытуды, олардың жұмысқа  
орналасуына жәрдемдесуді және оларға 
мемлекеттік қолдау шараларын көрсетуді
ұйымдастыру және қаржыландыру қағидасына
3-қосымша             

__________________________________________
(Халықты жұмыспен қамту орталығының атауы)

Әлеуметтік келісімшартқа қосылу
туралы білім беру ұйымының
өтініші (хабарламасы)

      Осы арқылы _______________________ атынан _____________________
               (білім беру ұйымының атауы)   (ереже, жарғы және т.б.)
негізінде әрекет ететін _____________________________________________
                         (уәкілетті өкілдің тегі, аты, әкесінің аты)
______________________________ және _________________________________
    (халықты жұмыспен қамту          (Бағдарламаға қатысушының тегі,
       орталығының атауы)                   аты, әкесінің аты)
арасында жасалған 20__ жылғы «___» ______ № ______________ әлеуметтік
келісімшартқа қосылуға ниет білдіреді және төмендегілер туралы дайын
екенін мәлімдейді:
      1. Бағдарламаға қатысушыны _________ мамандығы (кәсібі) бойынша
____________________________________________________ түрінде кәсіптік
оқуға қабылдау;
      2. Кәсіптік оқу мерзімі: 20__ жылғы «___» ___ бастап 20__ жылғы
«___» _____ дейін.
      3. Оқу құны _______ құрайды.
      4. Өндірістік практикадан өту орны мен шарттары ______________.
      Осы өтінімге мыналарды қоса беремін (құрылтай құжаттарының
көшірмелері, банк деректемелері қоса берілсін):

      _________________  ________________  __________________________
         (лауазымы)           (қолы)       (уәкілетті өкілдің Т.А.Ә.)
                                                                 М.О.

Жұмыспен қамтуға жәрдемдесудің    
белсенді шараларына қатысатын     
адамдарды оқытуды, олардың жұмысқа  
орналасуына жәрдемдесуді және оларға 
мемлекеттік қолдау шараларын көрсетуді
ұйымдастыру және қаржыландыру қағидасына
4-қосымша             

________________________ ауданының (қаласының)
халықты жұмыспен қамту орталығының директорына
______________________________________________
мекенжайы бойынша тұратын                    
______________________________________________

Өтініш

      Мені «Инфрақұрылымды және тұрғын үй-коммуналдық шаруашылықты
дамыту есебінен жұмыспен қамтуды қамтамасыз ету» бағыты бойынша
Жұмыспен қамту 2020 жол картасы бағдарламасына қатысушылар қатарына
енгізуді сұраймын.
      Қосымша ___ парақта:
      жеке басты куәландыратын құжаттың көшірмесі;
      тұрғылықты мекенжайы бойынша тіркелуді, уақытша тіркеу
растайтын құжаттың (мекенжай анықтамасы, ауыл әкімдерінің
анықтамасы)көшірмесі;
      білімі туралы құжаттың (аттестат, куәлік, диплом) және/немесе
оқудан өткенін растайтын басқа да құжаттардың (куәлік, сертификат)
көшірмелері (бар болса);
      Жұмыспен қамтуға жәрдемдесудің көзделген белсенді шараларын алу
үшін қажетті менің дербес деректерімді жинақтау мен өңдеуге келісім
беремін.
      *ұсынылған құжаттардың дәйектілігіне өтініш білдіруші жауапты
болады.

      Күні                                                       қолы

---------------------------------------------------------------------
                            (кесу сызығы)

___________________________________________________________ азаматтың
өтініші 20__ ж. «___» ________ қабылданды, № ________ болып тіркелді.

      Құжаттарды қабылдаған адамның Т.А.Ә., лауазымы және қолы:
_____________________________________________________________________
_____________________________________________________________________

      Күні                                                       қолы

      *ұсынылған құжаттардың дұрыстығына өтініш беруші жауапты
болады.

Жұмыспен қамтуға жәрдемдесудің    
белсенді шараларына қатысатын     
адамдарды оқытуды, олардың жұмысқа  
орналасуына жәрдемдесуді және оларға 
мемлекеттік қолдау шараларын көрсетуді
ұйымдастыру және қаржыландыру қағидасына
5-қосымша              

__________________________________________
(Халықты жұмыспен қамту орталығының атауы)

Әлеуметтік келісімшартқа қосылу туралы
жұмыс берушінің
өтініші (хабарламасы)

      Осы арқылы _______________________ атынан _____________________
                 (жұмыс берушінің атауы)     (ереже, жарғы және т.б.)
негізінде әрекет ететін _____________________________________________
                (уәкілетті өкілдің лауазымы, тегі, аты, әкесінің аты)
______________________________ және _________________________________
   (халықты жұмыспен қамту           (Бағдарламаға қатысушының тегі,
          орталығы)                         аты, әкесінің аты)
арасында жасалған 20__ жылғы «___» ______ № ______________ әлеуметтік
келісімшартқа қосылуға ниет білдіреді және төмендегілер туралы:
      Бағдарламаға қатысушыны ____________ мамандығы (кәсібі) бойынша
_______________________________________________ (жұмыс атқару кезеңі)
жұмысқа орналастыруға дайын екенін мәлімдейді;
      Жұмыс орны ауыл, кент (қала) _____________________, жұмыс атауы
____________________________________________________________________.

      Осы өтінімге мыналарды қоса беремін (құрылтай құжаттарының
көшірмелері, банк деректемелері қоса берілсін):

____________________   ________________   ___________________________
     (лауазымы)              (қолы)       (уәкілетті өкілдің Т.А.Ә.)

                                М.О.

____________________   ________________   ___________________________
     (лауазымы)              (қолы)       (уәкілетті өкілдің Т.А.Ә.)

Жұмыспен қамтуға жәрдемдесудің    
белсенді шараларына қатысатын     
адамдарды оқытуды, олардың жұмысқа  
орналасуына жәрдемдесуді және оларға 
мемлекеттік қолдау шараларын көрсетуді
ұйымдастыру және қаржыландыру қағидасына
6-қосымша              

Бағдарламаға қатысушыны жұмысқа орналастыруға
№ ______ жолдама

___________________________________________
(қатысушының Т.А.Ә.)

      Жұмыспен қамту 2020 жол картасы Бағдарламасына қатысушы
__________________ облысының ________________________________________
(облыстық маңызы бар қаланың, астананың, республикалық маңызы бар
қаланың)
Халықты жұмыспен қамту орталығымен жасалған 20__ жылғы ____________ №
__ әлеуметтік келісімшарттың шарттарына сәйкес және келісім негізінде
________________________________________________________________ айға
(бірінші бағыт шеңберіндегі инфрақұрылымдық жобаларға жұмысқа
орналасу, үшінші бағыт шеңберіндегі әлеуметтік жұмыс орны мен жастар
практикасы кезінде толтырылады)
_____________________________________________________________________
                          (ұйым/мекеме атауы)
ұйымға ______________________________________________________________
                        (кәсіп/мамандық атауы)
мамандығы (кәсібі) бойынша тұрақты жұмысқа/инфрақұрылымдық жобаларды
іске асыру шеңберінде бос жұмыс орындарына/әлеуметтік жұмыс
орнына/жастар практикасына орналасу үшін ____________________________
                                           (жұмыс берушінің атауы,
                                        мекенжайы, байланыс телефоны)
жіберіледі.

Жұмыспен қамту
орталығының директоры                                            қолы

Ұсыну мерзімі

М.О.

---------------------------------------------------------------------
                             (кесу сызығы)

Жұмыспен қамту орталығына қайтарылады

Жолдамаға № ______ хабарлама

_____________________________________________ (жұмыс берушінің атауы)
201_ жылғы ___________ Жұмыспен қамту 2020 жол картасы бағдарламасына
қатысушы ____________________________________________________________
                           (қатысушының Т.А.Ә.)
201_ жылғы ________________ жасалған келісімшартқа сәйкес (201_ жылғы
_________ № ___ бұйрық) 201_ жылғы _________________ дейінгі мерзімге
(тұрақты жұмысқа қабылдаған кезде толтырылмайды)
_____________________________________________________________________
                        (кәсібі/мамандығы бойынша)
ретінде тұрақты жұмысқа/инфрақұрылымдық жобаларды іске асыру
шеңберінде бос жұмыс орындарына/әлеуметтік жұмыс орнына/жастар
практикасына қабылданды.

Жұмыс берушінің жауапты өкілі
                             ________________________________________
                                        (қолды таратып жазу)
М.О.

Қазақстан Республикасы
Үкіметінің     
2014 жылғы 20 ақпандағы
№ 121 қаулысына   
2-қосымша      

Қазақстан Республикасы
Үкіметінің     
2011 жылғы 18 шілдедегі
№ 816 қаулысымен  
бекітілген     

Жұмыспен қамтуға жәрдемдесудiң белсендi шараларына қатысатын
адамдарға кәсiпкерлiктi дамытуға мемлекеттiк қолдауды
ұйымдастыру және қаржыландыру қағидасы

1. Жалпы ережелер

      1. Осы Жұмыспен қамтуға жәрдемдесудiң белсендi шараларына қатысатын адамдарға кәсiпкерлiктi дамытуды мемлекеттiк қолдауды ұйымдастыру және қаржыландыру қағидасы (бұдан әрi – Қағида) Қазақстан Республикасының «Халықты жұмыспен қамту туралы» 2001 жылғы 23 қаңтардағы, «Жеке кәсіпкерлік туралы» 2006 жылғы 31 қаңтардағы заңдарына сәйкес әзірленді және Қазақстан Республикасы Үкiметiнiң 2013 жылғы 19 маусымдағы № 636 қаулысымен бекiтiлген Жұмыспен қамту 2020 жол картасының (бұдан әрi – Бағдарлама) екiншi бағытына қатысатын адамдарға кәсіпкерлікті дамытуға мемлекеттік қолдау көрсету тәртібін айқындайды.
      2. Кәсіпкерлікті дамытуға жәрдемдесуге бағытталған шаралар тиісті жылға республикалық бюджетте көзделген қаражат есебінен және шегінде:
      1) материалдық көмек ұсына отырып, кәсіпкерлік негіздеріне тегін оқытуға жіберу, бизнес-жоспар дайындауға жәрдемдесу;
      2) микрокредит беру;
      3) бір жылға дейінгі мерзімге жобаны сүйемелдеу жөніндегі сервистік қызметтерді (маркетингтік, заң, бухгалтерлік және басқа да көрсетілетін қызмет түрлері) ұсыну;
      4) жетіспейтін инженерлік-коммуникациялық инфрақұрылым объектілерін дамыту және/немесе салу және/немесе Бағдарламаға қатысушылар іске асыратын жобалар үшін, оның ішінде шалғайдағы мал шаруашылығын дамыту үшін жабдықтар сатып алу жолымен іске асырылады.
      Кәсіпкерлік бастаманы мемлекеттік қолдау шаралары, олардың әкімшілік бағыныстылығына қарамастан, даму әлеуеті орташа және жоғары ауылдық елді мекендерде, шағын қалаларда, қалалық әкімшілік бағынысты аумақтардағы кенттерде іске асырылады.
      Тірек ауылдық елді мекендер кәсіпкерлік бастаманы мемлекеттік қолдауды іске асыру үшін басым елді мекендер болып табылады.
      3. Осы Қағидада мынадай негiзгi ұғымдар пайдаланылады:
      1) халықты жұмыспен қамту орталығы – жұмыспен қамтуға жәрдемдесудiң белсендi шараларын iске асыру мақсатында ауданның, облыстық және республикалық маңызы бар қалалардың, астананың жергiлiктi атқарушы органы құратын мемлекеттiк мекеме;
      2) өтiнiш берушi – Бағдарламаға қатысу үшiн халықты жұмыспен қамту орталығына өтiнiш берген жеке тұлға;
      3) Бағдарламаға қатысушылар – Қазақстан Республикасының азаматтары мен оралмандар – жұмыссыздар, ішінара жұмыспен қамтылғандар, табысы аз адамдар, өзін-өзі жұмыспен қамтығандар және Бағдарламада басымдық белгіленген азаматтардың өзге де санаттары;
      4) аудандық/қалалық комиссия (бұдан әрi – комиссия) – ауданның (қаланың) жергiлiктi атқарушы органының жанындағы Бағдарламаны iске асыру мәселелерi жөнiндегi ведомствоаралық комиссия;
      5) өңiрлiк комиссия – жергілікті өкілді органдардың, жұмыс берушілер, кәсіптік одақтар өкілдерінің қатысуымен облыстың (республикалық маңызы бар қаланың, астананың) жергiлiктi атқарушы органының жанындағы Бағдарламаны iске асыру мәселелерi жөнiндегi ведомствоаралық комиссия;
      6) уәкiлеттi өңiрлiк ұйым – Қазақстан Республикасының заңнамасына сәйкес экономиканың белгiлi бiр салаларында мемлекеттiк инвестициялық саясатты iске асыруға уәкiлеттi ұлттық басқарушы холдинг және акцияларының жүз пайызы ұлттық басқарушы холдингке тиесiлi заңды тұлға, сондай-ақ банк немесе банк операцияларының жекелеген түрлерiн жүзеге асыратын, мемлекет жүз пайыз қатысатын ұйым және әлеуметтiк-кәсiпкерлiк корпорациялар;
      7) Бағдарлама операторы – халықты жұмыспен қамту саласындағы басшылықты, сондай-ақ Қазақстан Республикасының заңнамасында көзделген шекте салааралық үйлестіруді жүзеге асыратын орталық атқарушы орган;
      8) өңірлік даму мәселелері жөніндегі уәкілетті орган – өңірлік даму саласындағы мемлекеттік саясатты қалыптастыру және іске асыру жөніндегі басшылықты жүзеге асыратын орталық атқарушы орган;
      9) кәсiпкерлiктi дамыту жөнiндегi уәкiлеттi орган – облыстың (республикалық маңызы бар қаланың, астананың) жергiлiктi атқарушы органының кәсiпкерлiктi дамытуға жәрдемдесудi қамтамасыз ететiн құрылымдық бөлiмшесi;
      10) инфрақұрылымды дамыту жөнiндегi уәкiлеттi орган – аудандық/қалалық, облыстық маңызы бар жергiлiктi атқарушы органның инженерлік-коммуникациялық инфрақұрылымды дамыту және жайластыру мәселелерiне жауапты құрылымдық бөлiмшесi;
      11) блок-модуль – бизнес-жобаларды қамтамасыз ету, оның ішінде шалғайдағы жерлерді энергиямен, сумен жабдықтаудың балама көздерін дайындау үшін арнайы жабдықтармен жарақтандырылған модульді ұтқыр кешен;
      12) микрокредиттiк ұйым – микрокредит беру жөнiндегi қызметтi жүзеге асыратын заңды тұлға;
      13) микроқаржы ұйымы – коммерциялық ұйым болып табылатын, ресми мәртебесі әділет органдарында мемлекеттік тіркелумен және есептік тіркеуден өтумен айқындалатын, микрокредиттер беру жөніндегі қызметті, сондай-ақ Қазақстан Республикасының заңдарында рұқсат етілген қызметтің қосымша түрлерін жүзеге асыратын заңды тұлға;
      14) кредиттiк серiктестiк – жеке және (немесе) заңды тұлғалар оған қатысушылардың кредитке және басқа қаржыға, оның iшiнде банк қызметтерiне қажеттiлiктерiн олардың ақшаларын шоғырландыру арқылы және Қазақстан Республикасының заңнамасында тыйым салынбаған басқа көздердiң есебiнен қанағаттандыру үшiн құрған заңды тұлға;
      15) бюджеттi атқару жөнiндегi орталық уәкiлеттi орган – бюджеттi атқару, бухгалтерлік есепті жүргізу, бюджеттiк есепке алуды және республикалық бюджет пен өз құзыретi шегiнде жергiлiктi бюджеттердiң, Қазақстан Республикасы Ұлттық Банкiнiң есебi негiзiнде Қазақстан Республикасы Ұлттық қорының атқарылуы бойынша бюджеттiк есептiлiктi жүргiзу саласында басшылықты және салааралық үйлестiрудi жүзеге асыратын орталық атқарушы орган;
      16) мемлекеттік жоспарлау жөнiндегi орталық уәкiлеттi орган – стратегиялық, экономикалық және бюджеттік жоспарлау, бюджет саясатын әзірлеу және қалыптастыру саласында басшылықты және салааралық үйлестiрудi жүзеге асыратын орталық уәкiлеттi орган;
      17) материалдық көмек – кәсiпкерлiк негiздерiне оқудан өтiп жатқан Бағдарламаға қатысушыға жол жүруге және тұруына жұмсалатын шығындарды iшiнара өтеуге төленетiн ақшалай қаражат;
      18) сервистік қызмет көрсететін ұйым – кәсіпкерлікті қолдау жөніндегі қызметтер кешенін (консультациялық, маркетингтік, заң, бухгалтерлік, жобаны сүйемелдеу жөніндегі қызметтер және басқа да көрсетілетін қызмет түрлері) көрсететін ұйым;
      19) кәсіпкерлік негіздеріне оқыту – бір айға дейін Қазақстан Республикасында бизнесті жүргізудің заңды негіздеріне, қаржы және салық салуға, бизнес құруға және дамытуға, бизнес-жоспарларды әзірлеу жөніндегі практикалық дағдыларды игеруге бағдарланған кәсіпкерлік қызметінің негізгі ұғымдары мен ережелеріне қысқа мерзімді оқыту;
      20) сервистік қызметтер – жобаны сүйемелдеу жөнінде консультациялық, маркетингілік, заң, бухгалтерлік қызметтер көрсету жөніндегі қызметтер кешені және кәсіпкерлікті қолдау жөніндегі басқа да көрсетілетін қызмет түрлері;
      21) кәсіпкерлікті дамыту картасы – аудандардың (қалалардың) жергілікті атқарушы органдары әзірлейтін және бекітетін әрі олардың қаржылық-экономикалық көрсеткіштерін, басқа мемлекеттік, салалық бағдарламалармен және аумақтарды дамыту бағдарламаларымен байланысын қоса алғанда, іске асыру жоспарланған бизнес-жоспарлардың тізбесін қамтитын кәсіпкерлікті дамыту жөніндегі шаралар кешені;
      22) мастер-жоспар – кәсіпкерлікті дамытуды мемлекеттік қолдау арқылы оның экономикалық және табиғи ресурстарын тиімді пайдалану есебінен азаматтарды нәтижелі жұмыспен қамтуды кеңейтуге бағытталған Тірек ауылдық елді мекенді дамытудың кешенді жоспарының құрама компоненті;
      23) банк – тірек ауылдық елді мекендерде өз қызметін жүзеге асыратын Бағдарламаға қатысушыларға кредит беру бойынша қызметтер ұсынатын екінші деңгейдегі банк;
      24) субсидиялау шарты – субсидиялау жөніндегі қаржы агенті, Бағдарламаға қатысушы, банк арасында жасалатын жазбаша келісім, оның шарттары бойынша субсидиялау жөніндегі қаржы агенті банк берген Бағдарламаға қатысушының кредиті бойынша сыйақы мөлшерлемесін ішінара субсидиялайды;
      25) ВАК – Қазақстан Республикасы Үкіметінің жанындағы Бағдарламаны іске асыру мәселелері жөніндегі ведомствоаралық комиссия;
      26) субсидиялау жөніндегі қаржылық агент – «Даму» кәсіпкерлікті дамыту қоры» АҚ.
      Осы Қағидада пайдаланылатын өзге де ұғымдар мен терминдер Қазақстан Республикасының қолданыстағы заңнамасына сәйкес қолданылады.

2. Микрокредиттер беру

Бағдарламаның екінші бағытына қатысу тәртібі

      4. Бағдарламаға қатысуға және мемлекеттік қолдау алуға үміткерлер халықты жұмыспен қамту орталықтарына жүгінеді, онда оларға микрокредит алудың ықтимал нұсқалары, материалдық көмек, сервистік қызмет ұсыну мен кәсіпкерлік негіздеріне оқыту туралы консультация беріледі.
      5. Бағдарламаға қатысуға үміткерлер жұмыспен қамту орталықтарына осы Қағидаға 1-қосымшаға сәйкес нысан бойынша өтінішке мынадай құжаттарды қоса береді:
      1) жеке басты куәландыратын құжаттың көшiрмелері;
      2) тұрақты тұрғылықты жері бойынша тiркелгенiн растайтын құжаттың көшiрмелерi (мекенжай анықтамасы, ауыл әкiмінiң анықтамасы);
      3) осы Қағидаға 2-қосымшаға сәйкес нысан бойынша жеке iсiн ұйымдастыру немесе кеңейту бойынша бизнес-ұсыныс;
      4) жоба үшін жетiспейтiн инженерлiк-коммуникациялық инфрақұрылым объектілерін дамытуға және/немесе салуға және/немесе Бағдарламаға қатысушылар іске асыратын жобалар үшін, оның ішінде шалғайдағы мал шаруашылығын дамытуға жабдықты сатып алуға осы Қағидаға 3-қосымшаға сәйкес нысан бойынша өтінім (қажет болған жағдайда).
      Жеке iсiн кеңейтудi жоспарлайтын адамдар төлем қабiлеттiлiгiн (адамға қызмет көрсетiлетiн екiншi деңгейдегi банктiң немесе оның филиалының қол қойылған және мөр басылған адамның банктiң немесе оның филиалының алдындағы (адам бiрнеше екiншi деңгейдегі банктiң немесе олардың филиалдарының, сондай-ақ шетелдiк банктiң клиентi болған жағдайда, мұндай анықтама осы банктердiң әрқайсысынан берiледi) мiндеттемелерiнiң барлық түрлерi бойынша анықтама берген күннiң алдында үш айдан астам созылған мерзiмi өткен берешегi жоқ екенi туралы анықтамасының түпнұсқасы) растайтын құжаттарды қосымша ұсынады.
      6. Екінші бағытқа қатысудың басым құқығы әйелдерге, еңбек қызметімен айналысу үшін денсаулық жағдайы бойынша қарсы көрсетілімдері жоқ мүгедектерге, зейнеткерлік жасына жеткенге дейін елу жастан асқан адамдарға, ауыл тұрғындары қатарынан жиырма тоғыз жасқа дейінгі жастағы жастарға беріледі.
      Өзін-өзі жұмыспен қамтыған халықтың қатарынан қатысуға басым құқық мемлекеттік статистика саласындағы уәкілетті орган бекіткен тәртіпте Қазақстан Республикасындағы өзін-өзі жұмыспен қамтығандардың санын, олардың орташа айлық табысының деңгейін және жұмыссыз халықтың санын айқындау әдістемесіне сәйкес бекітілген нәтижесіз жұмыспен қамтылғандар мәртебесіне ие адамдарға беріледі.

Микрокредиттер беру шарттары

      7. Бағдарламаға қатысушыларға микрокредит беру шарттары мыналарды қамтиды:
      1) микрокредит қайтарымдылық негізінде микроқаржы (микрокредиттік) ұйымдар, қаржы агенттігі мәртебесіне ие уәкілетті өңірлік ұйым үшін кепіл немесе кредиттік серіктестіктердің барлық қатысушыларына немесе қаржылық жай-күйі уәкілетті өңірлік ұйымның талаптарын қанағаттандыратын үшінші тұлғаларға кепілдіктер берген кезде беріледі. Бюджеттік кредиттің қайтарылуын қамтамасыз ету құны сыйақы сомасын ескергенде бюджеттік кредиттің мөлшерінен кем болмауға тиіс;
      2) нысаналы сипатта болады – жеке ісін ұйымдастыру немесе кеңейту;
      3) микрокредит тұтынушылық мақсаттарға, бұрынғы қарыздарын өтеуге және жылжымайтын тұрғын үй сатып алуға, сондай-ақ сауда саласындағы қызметтi жүзеге асыруға берiлмейдi;
      4) микрокредит беру мерзiмi – бес жылдан аспайды;
      5) микрокредиттiң ең жоғары сомасы – үш миллион теңгеден аспайды (осы Қағиданың 8-тармағының 1) тармақшасында және 58-тармағында көзделген шарттарды қоспағанда);
      6) соңғы қарыз алушыға, микроқаржы (микрокредиттік) ұйымына және/немесе қаржы агенттігі мәртебесіне ие уәкілетті өңірлік ұйымға кредит бойынша негiзгi берешекті өтеу бойынша жеңiлдiктi кезең ұсынылуы мүмкiн, ол микрокредит беру мерзiмi ұзақтығының үштен бiрiнен аспауға тиiс.
      8. Кешенді дамыту үшін іріктелген тірек ауылдарда тұратын және жобаларды іске асыратын Бағдарламаға қатысушылар үшін мемлекеттік қолдау мынадай қосымша шарттарды қамтиды:
      1) микрокредиттiң ең жоғары сомасы бес миллион теңгеден аспайды;
      2) микрокредит беру мерзiмi – бес жылға дейін;
      3) қолданыстағыларға қатысты жаңа тұрақты жұмыс орындарының кемінде 10 пайызын құруды қамтамасыз еткен жағдайда Бағдарлама қаражатынан тыс берілген екінші деңгейдегі банктердің кредиттері бойынша сыйақы мөлшерлемесін субсидиялау;
      4) олар таңдаған Бағдарламаның бағыттарына сәйкес мемлекеттік қолдаудың барлық шараларын ұсыну.
      9. Кәсіпкерлік бастаманы мемлекеттік қолдау шараларын ұсыну кәсіпкерлікті дамыту картасын, сондай-ақ тірек ауылдардың мастер-жоспарын ескере отырып жүзеге асырылады.

Кәсіпкерлікті дамыту картасын қалыптастыру

      10. Аумақтарды дамыту бағдарламаларына сәйкес аудандардың (қалалардың) жергілікті атқарушы органдары 3 жылға арналған Кәсіпкерлікті дамыту карталарын әзірлейді және оны облыстың кәсіпкерлікті дамыту жөніндегі уәкілетті органымен келісім бойынша бекітеді.
      Кәсіпкерлікті дамыту картасы бекітілгенге дейін Бағдарламаға қатысушыларға микрокредит беру өңірде айқындалған, өңірлік комиссиялар айқындаған кәсіпкерлікті дамытудың басым бағыттарына сәйкес жүзеге асырылады.
      11. Кәсіпкерлікті дамыту карталарын әзірлеуге жауапты ұйымдарды іріктеуді Қазақстан Республикасының мемлекеттік сатып алу туралы заңнамасына сәйкес аудандардың (қалалардың) жергілікті атқарушы органдары жүзеге асырады.
      12. Кәсіпкерлікті дамыту карталарын әзірлеуге ауылдық (кент) округтердің әкімдері, тұрғындар, кәсіпкерлер мен кредиттік серіктестіктердің өкілдері қатысады, олар қаржылық-экономикалық көрсеткіштерді, технологиялық циклдардың дамуын, басқа мемлекеттік, салалық бағдарламалармен және аумақтарды дамыту бағдарламаларымен байланысын қоса алғанда, іске асыру болжанатын бизнес жобалардың тізбесіне енгізу үшін ұсыныс енгізеді.
      13. Кәсіпкерлікті дамыту картасында мыналар көзделеді:
      1) нақты аумақ үшін Бағдарламаны іске асырудың нақты тиімділік көрсеткіштерінің (индикаторлардың) тізбесі, Бағдарламаға қатысушыларды заңдастыруды қоса алғанда күтілетін нәтижелер;
      2) Бағдарламаға әлеуетті қатысушылардың кәсіпкерлік белсенділігімен байланыстыра отырып, нақты аумақ үшін қызметтің басым түрлері;
      3) басқа мемлекеттік, салалық бағдарламалармен және аумақтарды дамыту бағдарламаларымен байланысы;
      4) картаны іске асыруға болжанатын бюджет;
      5) қызметтің басым түрлерінің технологиялық тізбегін дамыту (кластерлік тәсіл);
      6) түпкілікті өнім және нарық сыйымдылығына бағаларды талдай отырып, қызметтің әрбір басым түрі бөлінісіндегі жалпы қаржылық-экономикалық көрсеткіштер.
      14. Кәсіпкерлікті дамыту жөніндегі ауданның (қаланың) уәкілетті органы ұсынылған Кәсіпкерлікті дамыту картасының жобасын ауданның кәсіпкерлікті дамытудың бекітілген бағыттарына сәйкестігін тексереді және оны облыстың кәсіпкерлікті дамыту жөніндегі уәкілетті органымен келіседі.
      15. Облыстың кәсіпкерлікті дамыту жөніндегі уәкілетті органымен келіскеннен кейін Кәсіпкерлікті дамыту карталарын аудандардың (қалалардың) жергілікті атқарушы органдары бекітеді.
      Аудандардың (қалалардың) жергілікті атқарушы органдары өзгерістерді ескере отырып, Кәсіпкерлікті дамыту картасын түзетуі мүмкін, бірақ жылына бір реттен жиі емес.
      16. Кәсіпкерлікті дамыту картасында көзделген көрсеткіштердің және лимиттің жеткізілген жалпы сомасы негізінде жергілікті атқарушы орган тиісті қаржы жылына арналған бюджеттік өтінімді қалыптастырады.
      17. Өңірлердің жергілікті атқарушы органдары Бағдарлама операторына микрокредит беру жөніндегі жиынтық бюджеттік өтінімді жібереді.
      Бұл ретте жергілікті атқарушы органдар Бағдарламаға қатысушыларға микрокредит беруге лимиттің жеткізілген жалпы сомасынан кемінде 10 % қаржы бөлуді қамтамасыз етеді.
      18. Қалыптастырылған Кәсіпкерлікті дамыту картасы халықты жұмыспен қамту орталығына, микроқаржы (микрокредит) ұйымдарына, кредиттік серіктестіктер және/немесе уәкілетті өңірлік, оның ішінде қаржы агенттігі мәртебесіне ие ұйымға, сервистік қызметтер көрсету жөніндегі ұйымдарға ұсынылады және аудандардың (қалалардың) жергілікті атқарушы органдарының және жұмыспен қамту мәселелері жөніндегі уәкілетті органдардың және халықты жұмыспен қамту орталықтарының интернет-ресурстарына орналастырылады.

Тірек ауылдарды кешенді дамытудың мастер-жоспарын қалыптастыру

      19. Тірек ауылдық елді мекендерді айқындау әдістемесін өңірлік даму мәселелері жөніндегі орталық уәкілетті орган әзірлейді және бекітеді.
      Әзірленген әдістемеге сәйкес жергілікті атқарушы органдар тірек ауылдар тізбесінің жобасын тиісті негіздемелермен қоса, тірек ауылдарды айқындау әдістемесінде айқындалған критерийлерге сәйкестігін бағалау, келісу және тиісті қорытынды алу үшін өңірлік даму мәселелері жөніндегі уәкілетті органға жібереді.
      20. Жергілікті атқарушы органдар Бағдарламаға қосу және пилоттық тірек ауылдық елді мекендерді кешенді дамыту мастер-жоспарын әзірлеу үшін өңірлік даму мәселелері жөніндегі уәкілетті органмен келісілген тірек ауылдық елді мекендер тізбесінен ауылдарды іріктейді.
      21. Ауылдық округтер әкімдері ауданның (қаланың) жергілікті атқарушы органдарының құрылымдық бөлімшелерінің қатысуымен тірек ауылдардың мастер-жоспарын әзірлейді.
      22. Тірек ауылдың мастер-жоспары жергілікті қоғамдастық жиынының талқылауына шығарылады және оны ынтымақты жауапкершілік қағидаттарында жеке және заңды тұлғалар іске асырады.
      23. Жергілікті қоғамдастық жиынында мақұлданған тірек ауылдың мастер-жоспары аудандық комиссияның қарауына шығарылады және оң қорытынды алғаннан кейін өңірлік комиссияның қарауына жіберіледі.
      24. Өңірлік комиссиядан оң қорытынды алған тірек ауылдың мастер-жоспары бағалау, тиісті орталық уәкілетті органмен бірлесе отырып қаржыландыру бойынша қорытындыны ұсыну және ВАК қарауына шығару үшін Бағдарлама операторына жіберіледі.
      ВАК мақұлдаған мастер-жоспарды ауданның (қаланың) мәслихаты бекітеді және жергілікті атқарушы органдар іске асырады.
      25. Тірек ауылдың мастер-жоспары кәсіпкерлікті дамытуды мемлекеттік қолдау арқылы оның экономикалық және табиғи ресурстарын тиімді пайдалану есебінен азаматтарды нәтижелі жұмыспен қамтуды кеңейтуге бағытталған Тірек ауылдық елді мекенді дамытудың кешенді жоспарының құрама компоненті болып табылады.
      26. Тірек ауылдың мастер-жоспары мыналарды:
      экономикалық дамудың ағымдағы жағдайын және тірек ауылдың халқын нәтижелі жұмыспен қамтуды талдауды;
      тірек ауылдың даму мүмкіндіктері мен жағдайларын оның экономикалық қызметтің нақты түріне мамандануын ескере отырып айқындауды;
      қолданыстағы мемлекеттік және салалық бағдарламалар, сол сияқты жеке инвестициялар шеңберінде көрсетілетін мемлекеттік қолдау шараларын қамтитын мастер-жоспарды іске асыру тетіктері мен құралдарын;
      инвестициялар тартуды, шикізат қорын дамытуды, қайта өңдеуді, ілеспе және көмекші өндірістерді, инфрақұрылымды дамытуды, ауылды дамыту жөніндегі жұмысқа өзін-өзі жұмыспен қамтыған, жұмыссыз және табысы аз азаматтарды тартуды көздейтін тірек ауылды дамыту жөніндегі шараларды іске асырудың қадамдық жоспарларын;
      қолданыстағы мемлекеттік және салалық бағдарламалар мен басқа да қаржыландыру көздері шеңберінде мемлекеттік қолдау шараларының көлемін, іске асыру мерзімдерін және жауапты орындаушыларды айқындауды қамтиды.
      27. Жергілікті өкілді атқарушы орган бекіткен тірек ауылды дамытудың мастер-жоспары негізінде ауданның (қаланың) жергілікті атқарушы органы, ауылдық округтің (кенттің) әкімі бірлесіп:
      1) мемлекеттік және салалық бағдарламалардың, сол сияқты өзге де қаржы ұйымдарының есебінен қаржыландырылатын кәсіпкерлікті дамытуға бағытталған жобалардың тізбесін;
      2) осы елді мекенге көшуге ниет білдірген үміткерлерді қамтамасыз етуге қажетті үйлердің (пәтерлердің, жатақханалардың) санын;
      3) құрылатын жұмыс орындарының санын;
      4) микрокредиттер алуға үміткер адамдардың санын;
      5) оқуға үміткер және жұмысқа орналасуға мұқтаж адамдардың санын;
      6) жобаларды банктерден алған кредиттердің есебінен іске асыратын адамдардың және сыйақы мөлшерлемелерін субсидиялауға үміткерлердің санын;
      7) қаржыландырудың қажетті көлемі мен көздерін айқындайды.
      28. Тірек ауылдың мастер-жоспарында көзделген іс-шараларды қаржыландыру Бағдарламаны, сондай-ақ басқа да қолданыстағы мемлекеттік және салалық бағдарламаларды іске асыруға бөлінген қаражат есебінен және шегінде жүзеге асырылады.
      29. Облыстың жергілікті атқарушы органдары тірек ауылдық елді мекендердің мастер-жоспарларында көзделген іс-шаралардың орындалуын қамтамасыз етеді.
      30. Бағдарлама операторы өңірлік даму мәселелері жөніндегі уәкілетті органмен бірлесіп, тірек ауылдардың мастер-жоспарларының іске асырылуына мониторинг жүргізеді және бақылауды жүзеге асырады және ВАК-қа олардың орындалу барысы туралы ақпарат ұсынады.

Кредиттік ұйымдарды іріктеу тәртібі

      31. Республикалық бюджеттен бюджеттік кредит жергілікті атқарушы органға 0,01 % жылдық сыйақы ставкасымен қайтарымдылық, жеделділік және ақылылық қағидаттарында 5 жылға беріледі.
      32. Облыстардың жергілікті атқарушы органдары микрокредитті ұйымдастыру үшін уәкілетті өңірлік ұйымдарды айқындайды.
      33. Уәкiлеттi өңiрлiк ұйымдар Қазақстан Республикасы Үкіметінің 2011 жылғы 18 шілдедегі № 819 қаулысымен бекітілген Микроқаржы (микрокредиттік) ұйымдарына және кредиттік серіктестіктерге кредит берудің белгiленген қағидаларына (бұдан әрі – Кредит беру қағидалары) сәйкес Бағдарламаға қатысу үшiн микроқаржы (микрокредиттік) ұйымдарды және кредиттік серіктестіктерді iрiктеу бойынша ашық конкурс өткiзедi.
      34. Микроқаржы (микрокредиттiк) ұйымдары мен кредиттiк серiктестiктер арасында конкурс өткізбей, соңғы қарыз алушыларға кредит беруді қаржы агенттігі мәртебесіне ие уәкілетті өңірлік ұйымның өзі жүзеге асыруы мүмкін.
      35. Бағдарламаға қатысу құқығын алған микроқаржы (микрокредиттік) ұйымдары және кредиттік серіктестіктер мен уәкiлеттi өңiрлiк ұйымның арасында кредит беру туралы шарт жасалады.
      36. Микроқаржы (микрокредиттік) ұйымдары және/немесе кредиттік серіктестіктер үшiн уәкiлеттi өңiрлiк ұйым беретін кредиттер бойынша жылдық сыйақы мөлшерлемесін уәкілетті ұйым өңiрлiк комиссиямен келiсiм бойынша уәкiлеттi өңiрлiк ұйым үшiн белгiленген кредиттер бойынша сыйақы мөлшерлемесін және оның кредит берудi ұйымдастыруға байланысты жоспарланған шығыстарын негізге ала отырып белгілейді.
      37. Уәкілетті өңірлік ұйымның қаржы агенттігі мәртебесі болған жағдайда, кредиттік шарт тікелей уәкілетті өңірлік ұйым мен соңғы қарыз алушы арасында жасалады.
      38. Соңғы қарыз алушы үшін қаржы агенттігі мәртебесіне ие уәкілетті өңірлік ұйым ұсынатын кредиттік ресурстар бойынша жылдық сыйақының ең жоғары тиімді мөлшерлемесі өңірлік комиссиямен келісім бойынша белгіленеді.
      39. Микроқаржы (микрокредиттік) ұйымдар ұсынатын соңғы қарыз алушы үшін кредиттік ресурстар бойынша жылдық сыйақының ең жоғары тиімді мөлшерлемесін уәкілетті өңірлік ұйым өңірлік комиссиямен келісім бойынша белгілейді.
      40. Кредиттік ресурстар бойынша жылдық ең жоғары тиiмдi сыйақы мөлшерлемесінің мәнi кәсiпкерлiк қызметтiң түрiне байланысты саралануы мүмкiн.

Микроқаржы (микрокредиттік) ұйымдары немесе қаржы агенттігі
мәртебесіне ие уәкілетті өңірлік ұйым, сондай-ақ кредиттік
серіктестіктер арқылы микрокредит алу шарттары

      41. Үміткер қаржы агенттігі мәртебесіне ие уәкілетті өңірлік ұйым немесе конкурстық негізде іріктелген микроқаржы (микрокредиттік) ұйымдары арқылы микрокредит алуға ниет білдірген жағдайда,халықты жұмыспен қамту орталықтары ұсынылған өтініштер мен құжаттарды қарайды, мемлекеттiк қолдау алу түрлерi бойынша үмiткерлердiң тiзiмi мен:
      1) Кәсіпкерлікті дамыту картасына (немесе өңірдегі кәсіпкерлікті дамытудың басым бағыттарына);
      2) Тірек ауылдың мастер-жоспарына сәйкес инженерлік-коммуникациялық инфрақұрылымды дамытуды және/немесе Бағдарлама қатысушысы іске асыратын жобалар үшін жабдықтар сатып алуды талап ететін жобалардың тізбесін қалыптастырады және оларды:
      ауданның (қаланың) кәсіпкерлікті дамыту жөніндегі уәкілетті органына;
      болжамды жобаны іске асыру орны бойынша ауылдық округтің, кенттің әкіміне;
      конкурстық негізде іріктелген микроқаржы (микрокредиттік) ұйымдарына немесе қаржы агенттігі мәртебесіне ие уәкілетті өңірлік ұйымға;
      үміткер мәлімдеген инженерлік-коммуникациялық инфрақұрылымды дамыту және/немесе Бағдарламаға қатысушы іске асыратын жобалар үшін ілеспе жабдықты сатып алу қажет болған жағдайда ауданның (қаланың) инженерлік-коммуникациялық инфрақұрылымды дамыту және/немесе салу жөніндегі уәкілетті органға жібереді.
      42. Уәкілетті органдар, ауылдық округтің, кенттің әкімі мен ұйымдар сұрау салуды алған күннен бастап он жұмыс күні ішінде халықты жұмыспен қамту орталығына:
      1) болжамды жобаның Тірек ауылдың мастер-жоспарына, Кәсіпкерлікті дамыту картасына (немесе өңірде кәсіпкерлікті дамытудың басым бағыттарына) сәйкестігі туралы қорытындыны (ауданның (қаланың) кәсіпкерлікті дамыту жөніндегі уәкілетті органы);
      2) жобаны іске асырудың орындылығын келісуді не дәлелді түрде бас тартуды (ауылдық округтің, кенттің әкімі);
      3) үміткерлерге Бағдарламаның осы бағытына қатысуға кредит беру мүмкіндігі туралы қорытындыны (конкурстық негізде іріктелген микроқаржы (микрокредиттік) ұйымдары, қаржы агенттігі мәртебесіне ие уәкілетті өңірлік ұйым);
      4) инженерлік-коммуникациялық инфрақұрылымды дамыту және/немесе салу және/немесе Бағдарламаға қатысушы іске асыратын жобалар үшін жабдықтар сатып алу мүмкіндігі (немесе мүмкін еместігі) туралы қорытындыны (инженерлік-коммуникациялық инфрақұрылымды дамыту және жайластыру жөніндегі уәкілетті орган (аудан) жібереді.
      43. Халықты жұмыспен қамту орталығы жоғарыда көрсетілген құжаттарды алғаннан кейін Бағдарламаның аталған бағытына әлеуетті қатысушылар құрамына қосу не одан бас тарту туралы шешiм қабылдайды және шешiм қабылдаған күннен бастап үш жұмыс күнi iшiнде өтініш берушіге бұл туралы жазбаша хабарлайды.
      44. Халықты жұмыспен қамту орталықтары Бағдарламаның аталған бағытына қатысушылардың құрамына енгізілген адамдармен Бағдарлама операторы бекіткен нысан бойынша әлеуметтік келісімшарттар жасасады.
      45. Халықты жұмыспен қамту орталықтары Бағдарламаға қатысушыларды сервистік қызметтер көрсету жөніндегі ұйымдарға жібереді, онда бір айға дейінгі мерзімде бизнес-жоспар дайындауға жәрдемдеседі және жол жүруге және тұруға материалдық көмек ұсына отырып, кәсіпкерлік негіздеріне оқуын қамтамасыз етеді.
      Оқуды өткізу кестесі халықты жұмыспен қамту орталығымен келісіледі.
      Сервистік қызметтер көрсету жөніндегі ұйым Бағдарламаға қатысушы жобасының бизнес-жоспарының іске асырылуын экономикалық және қаржылық тұрғыдан негіздейтін қорытынды береді.
      Сервистік қызметтер көрсету жөніндегі ұйым тұрғылықты жерінен тыс жерде орналасқан жағдайда Бағдарламаға қатысушыға материалдық көмек көрсетіледі.
      46. Жол жүруге және тұруға материалдық көмек төлеу кәсіпкерлік негіздеріне оқыту курстарынан өткені туралы растайтын құжаттар негізінде жүзеге асырылады.
      47. Кәсіпкерлік негіздеріне оқымай, микрокредит алуға жұмыс істеп тұрған бизнесін кеңейтетін немесе бұдан бұрын кәсіпкерлік негіздеріне оқытудан өткен адамдар не кәсіпкерлік негіздеріне оқыту курстарынан микрокредит алған жылдың алдындағы үш жылдан аспайтын мерзім ішінде өткенін растайтын тиісті құжаттары бар адамдар үміткер бола алады.
      48. Бағдарламаға қатысушы бұрын конкурстық негізде іріктелген микроқаржы (микрокредиттік) ұйымдарына не қаржы агенттігі мәртебесіне ие уәкілетті өңірлік ұйымға микрокредит алу үшін өтініммен жүгінеді.
      49. Микроқаржы (микрокредиттік) ұйымы не қаржы агенттігі мәртебесіне ие уәкілетті өңірлік ұйым бес жұмыс күні ішінде жобаға бағалау жүргізеді және Бағдарламаға қатысушыға микрокредит беру мүмкіндігі туралы (немесе мүмкін еместігі) туралы шешім қабылдайды және қорытындыны халықты жұмыспен қамту орталықтарына жібереді.
      50. Бағдарламаға қатысушылардың жобаларын қарау кезінде микроқаржы (микрокредиттік) ұйым не қаржы агенттігі мәртебесіне ие уәкілетті өңірлік ұйым:
      1) өтініш берушілердің жеке ісін ұйымдастыруға немесе кеңейтуге арналған бизнес-жоспарын бағалауды жүзеге асырады;
      2) Бағдарламаға қатысушылармен дербес әңгімелесу жүргізеді және қажет болған кезде төлем қабілеттілігін және/немесе кепілдікпен қамсыздандырудың болуын айқындау үшін өтініш берушінің табысына және ресурстарына қосымша тексеру жүргізеді.
      51. Оң шешім қабылданған жағдайда микроқаржы (микрокредиттік) ұйымының не қаржы агенттігі мәртебесіне ие уәкілетті өңірлік ұйымның қорытындысы бес жұмыс күні ішінде халықты жұмыспен қамту орталықтарына жіберіледі.
      52. Теріс шешім жағдайында микроқаржы (микрокредиттік) ұйымы не қаржы агенттігі мәртебесіне ие уәкілетті өңірлік ұйым бас тарту себептерін көрсете отырып, бұл туралы өтініш берушіге хабарлайды, өтініш берушіге құжаттар топтамасын қайтарады және халықты жұмыспен қамту орталықтарын хабардар етеді.
      53. Шарт жасау және микрокредитті бөлу не бөлуден бас тарту туралы ақпаратты микроқаржы (микрокредиттік) ұйымы не қаржы агенттігі мәртебесіне ие уәкілетті өңірлік ұйым шарт жасалған күннен бастап бес жұмыс күні ішінде халықты жұмыспен қамту орталықтарына жібереді.
      54. Халықты жұмыспен қамту орталықтары микроқаржы (микрокредиттік) ұйымы не қаржы агенттігі мәртебесіне ие уәкілетті өңірлік ұйым шешім қабылдағаннан кейін бес жұмыс күні ішінде бұдан бұрын жасалған әлеуметтік келісімшарттарға қажет болған жағдайда тиісті өзгерістер енгізеді.
      55. Микрокредит алғаннан кейін экономика салалары бөлінісінде ауылда кәсіпкерлікті дамытудың белгілі бір басым бағыттары немесе Кәсіпкерлікті дамыту карталары шеңберінде уәкілетті өңірлік комиссиямен келісім бойынша микрокредиттің нысаналы мақсатын өзгертуге жол беріледі.
      56. Бағдарламаға қатысушы кредит алуға оң қорытынды алғаннан немесе кредиттік серіктестік арқылы микрокредит алғаннан кейін бес жұмыс күні ішінде сервистік қызметтер көрсету жөніндегі ұйыммен бір жылға дейінгі мерзімге жобаны сүйемелдеу жөніндегі қосымша қызметтер (бухгалтерлік, маркетингтік, заң және басқа да қызмет түрлерін) ұсынуға шарт жасасуға құқылы.
      57. Кәсіпкерлікті дамыту үшін микрокредит алған Бағдарламаға қатысушылар салық заңнамасына сәйкес салық органдарында тіркеуден өтуге тиіс.
      58. Микрокредиттерді мерзімінен бұрын өтеген Бағдарламаға қатысушылардың жеке ісін кеңейтуге микрокредит алу үшін қайтадан өтініш білдіруге және бес миллион теңгеге дейін микрокредит алуға құқығы бар.
      Бағдарлама шеңберінде бұрын микрокредит алған, салық заңнамасына сәйкес салық органдарында тіркелген, қолданыстағыларға қатысты қосымша жаңа тұрақты жұмыс орындарының кемінде он пайызын құрған жағдайда берілген микрокредиттерді мақсатты пайдаланғанын растаған адамдар микрокредит алуға құқылы.
      Микрокредит алуға қатысу шарттары осы Қағидаға сәйкес айқындалады.

Кредиттік серіктестіктер арқылы микрокредит алу шарттары

      59. Егер үміткер микрокредитті кредиттік серіктестік арқылы алуға ниетті болған жағдайда, оның жұмыс істеп тұрған кредиттік серіктестікке қосылуына немесе Кредит беру қағидаларына сәйкес уәкілетті өңірлік ұйым жүргізетін кредиттік серіктестіктерді іріктеу жөніндегі конкурсқа қатысатын жаңа кредиттік серіктестік құруына болады.
      60. Халықты жұмыспен қамту орталығы өтінішті және құжаттарды кредиттік серіктестік мүшесінен алғаннан кейін Бағдарламаның екінші бағытына қатысушылардың құрамына енгізу не одан бас тарту туралы шешім қабылдайды және шешім қабылдаған күннен бастап үш жұмыс күні ішінде оларды бұл туралы жазбаша хабардар етеді.
      61. Жұмыспен қамту орталықтары Бағдарламаға қатысушыны осы Қағиданың 70-тармағында көзделген қызметтерді алу үшін сервистік қызметтер көрсету жөніндегі ұйымға жібереді.

Екінші деңгейдегі банктердің кредиттері бойынша сыйақы
мөлшерлемесін субсидиялау шарттары

      62. Тірек ауылдық елді мекендерде тұратын адамдарды екінші деңгейдегі банктердің кредиттері бойынша сыйақы мөлшерлемесін субсидиялау Қазақстан Республикасы Үкіметінің 2010 жылғы 13 сәуірдегі № 301 қаулысымен бекітілген Бизнестің жол картасы 2020 қаржыландыру тетігі, тәртібі мен көздері бойынша жүзеге асырылады.
      63. Іріктелген тірек ауылдарда сыйақы мөлшерлемесін субсидиялауға үміткерлер:
      1) тиісті жыл басынан кредит алған не екінші деңгейдегі банктерден оң шешім алған;
      2) ұсынылған жобалары тірек ауылды дамытудың мастер-жоспарына енгізілген және «Бизнестің жол картасы 2020» бағдарламасының басым бағыттарына сәйкес келетін;
      3) кредит сомалары бес миллион теңгеден аспайтын;
      4) қолданыстағы санға қатысты жаңа тұрақты жұмыс орындарының кемінде оң пайыз көлемін қамтамасыз ететін немесе жаңа бағыттарда жұмыс орындарын құратын жеке және заңды тұлғалар бола алады.
      64. Тұтынушылық мақсатқа, бұрынғы қарызды өтеуге және жылжымайтын мүлік сатып алуға ұсынылатын овердрафт түріндегі кредиттер сыйақы мөлшерлемесін субсидиялауға жатпайды.
      65. Халықты жұмыспен қамту орталығы үміткерден осы Қағидаға 4-қосымшаға сәйкес нысан бойынша сыйақы мөлшерлемесін субсидиялауға қолдаухат туралы өтінішті алғаннан кейін бес жұмыс күші ішінде:
      осы Қағиданың 64-тармағына сәйкес шарттарға ұсынылған құжаттардың толықтығын және сәйкестігін тексеруді;
      ұсынылған құжаттар сәйкес келген жағдайда Бизнестің жол картасы 2020 іске асыру жөніндегі өңірлік үйлестіру кеңесінің (бұдан әрі – ӨҮК) қарауына үміткерлердің тізімін дайындауды;
      құжаттар топтамасы толық ұсынылмаған не жобалар сәйкес келмеген жағдайларда үш жұмыс күні ішінде ұсынылған құжаттарды дәлелді бас тартумен үміткерге қайтаруды жүзеге асырады.
      66. Халықты жұмыспен қамту орталығы он жұмыс күні ішінде үміткерлер тізімін және жобаларды қажетті құжаттар топтамасымен қоса кәсiпкерлiктi дамыту жөнiндегi уәкiлеттi органға қарау үшін жібереді, ол осы жобаны ӨҮК қарауына шығарады.
      67. ӨҮК жобаларды қарайды және осы Қағиданың 62-тармағына сәйкес сыйақы мөлшерлемесін субсидиялау мүмкіндігі (немесе мүмкін еместігі) туралы шешім қабылдайды.
      68. ӨҮК шешімі хаттамамен ресімделеді және кәсіпкерлікті дамыту жөніндегі уәкілетті органға жіберіледі, ол оны тиісті халықты жұмыспен қамту орталықтарына жібереді.
      69. Халықты жұмыспен қамту орталығы үш жұмыс күні ішінде сыйақы мөлшерлемесін субсидиялау туралы оң шешім алған үміткерлерді Бағдарламаға қатысушылар құрамына қосу туралы шешім қабылдайды және қолданыстағыларға қатысты жаңа тұрақты жұмыс орындарының кемінде он пайызын құру бойынша міндеттемелерді көздейтін әлеуметтік келісімшарт жасайды.

3. Кәсіпкерлік негіздеріне оқыту және консультациялық қызметтер
көрсету

      70. Кәсіпкерлік негіздеріне бір айға дейінгі мерзімде тегін оқыту мыналарды көздейді:
      1) бизнес-жоспар дайындауға жәрдемдесу;
      2) жол жүруге және тұруға материалдық көмек ұсыну.
      Кәсіпкерлік негіздеріне оқитындарға материалдық көмек:
      1) жол жүруге – 2 айлық есептік көрсеткішті;
      2) тұруға – 10 айлық есептік көрсеткішті құрайды.
      71. Облыстың халықты жұмыспен қамту мәселелері жөніндегі уәкілетті органы мемлекеттік сатып алу туралы заңнамаға сәйкес сервистік қызметтер көрсету жөніндегі ұйымдарды іріктеуді жүзеге асырады.
      Сервистік қызметтер көрсету жөніндегі ұйымдарды іріктеу кезінде мынадай критерийлер ескеріледі:
      кәсіпкерлік негіздеріне оқыту және сервистік қызмет көрсету жөніндегі мемлекеттік сатып алу туралы шарттардың шеңберінде штатында тиісті бағыттар бойынша жұмыс тәжірибесі бар білікті мамандарының болуы;
      кәсіпкерлік негіздеріне оқыту жөнінде қызмет көрсететін әлеуетті өнім берушіде қызмет көрсету кестелерінің, оқу бағдарламаларының, оқуды жүргізу әдістерінің, әдістемелік құралдарының болуы;
      сервистік қызметтер көрсету әлеуетті өнім берушіде қызмет көрсету әдісін (орнында немесе барып) ескере отырып, олардың осыған ұқсас қызметтердің орташа нарықтық бағасына сәйкес келуге тиіс құны көрсетілген қызметтердің егжей-тегжейлі тізбесі болуы керек.
      Өңірлік комиссия индикаторларды, сондай-ақ тиісті шарттарда көрсетілуге тиіс қызмет көрсету мониторингі құралдарын келіседі.
      72. Кәсіпкерлік негіздеріне оқыту құны Бағдарлама шеңберінде білім беру ұйымдарында біліктілігін арттыруға оқыту құнына теңеседі, оның мөлшерін жергілікті атқарушы органдар айқындайды.
      73. Сервистік қызметтер көрсету жөніндегі ұйымдар Бағдарламаға қатысушылардың қалауы бойынша бір жылға дейінгі мерзімге жобаларды, оның ішінде консультациялық (бухгалтерлік, заң, маркетингілік) жобаларды сүйемелдеу жөніндегі сервистік қызметтерді көрсетеді.
      Жобаларды сүйемелдеу жөніндегі сервистік қызметтер көрсетуге арналған шығыстарды олардың қажеттілігі бойынша жергілікті атқарушы органдар айқындайды.
      Жобаны сүйемелдеу жөніндегі сервистік қызметтер:
      1) жұмыс уақытында телекоммуникациялық байланыс пен интернет бойынша;
      2) жұмыс уақытында сервистік ұйымның орналасқан жері бойынша;
      3) екі айда кемінде бір рет Бағдарламаға қатысушының тұрғылықты жері бойынша консультациялар өткізу арқылы көрсетіледі.
      Бағдарламаға қатысушының тұрғылықты жері бойынша сервистік қызметтер көрсету кестесі халықты жұмыспен қамту орталығымен келісіледі.
      74. Сервистік қызметтер көрсету жөніндегі ұйым шартқа сәйкес Бағдарламаға қатысушыға қызмет көрсетеді.
      Сервистік қызметтер көрсету жөніндегі ұйымдарға жобаны сүйемелдеу бойынша қызметтеріне ақы төлеу Бағдарламаға қатысушының қызметтерді толық көлемде алғанын растайтын құжаттарға сәйкес жүзеге асырылады.
      75. Жобаны сүйемелдеу жөніндегі сервистік қызметтер 2014 жылғы 1 қаңтардан бастап көрсетілетін болады.

4. Инженерлiк-коммуникациялық инфрақұрылымды дамыту және
Бағдарламаға қатысушы іске асыратын жобалар үшін жабдықтар
сатып алу

      76. Инфрақұрылымды дамыту жөнiндегi уәкiлеттi орган он жұмыс күні ішінде халықты жұмыспен қамту орталықтары ұсынған инженерлік-коммуникациялық инфрақұрылымның жетіспейтін объектілерін дамытуға және/немесе салуға және/немесе Бағдарламаға қатысушы іске асыратын жобалар үшін жабдықтар сатып алуға арналған өтiнiмдер тізбесін қарайды, мәлімделген жобаларды iске асыру мүмкiндiгi (немесе мүмкiн еместігі), оларды қаржыландырудың қажеттi көлемi туралы қорытынды дайындайды және оны халықты жұмыспен қамту орталығына жібереді.
      77. Микрокредит алғаннан кейін Бағдарламаға қатысушы мен инфрақұрылымды дамыту жөніндегі уәкілетті орган арасында инженерлік-коммуникациялық инфрақұрылымның жетіспейтін объектілерін дамытуға және/немесе салуға және/немесе Бағдарламаға қатысушы іске асыратын жобалар үшін жабдықтар сатып алуға шарт жасалады.
      78. Инфрақұрылымды дамыту жөніндегі уәкілетті орган инженерлік-коммуникациялық инфрақұрылымның жетіспейтін объектілерін дамыту және/немесе салу жобалары бойынша техникалық-экономикалық негіздемені немесе жобалау-сметалық құжаттаманы әзірлеуді қамтамасыз етеді.
      Техникалық-экономикалық құжаттамаға мемлекеттік сараптама жүргізу республикалық бюджеттен инженерлік-коммуникациялық инфрақұрылымның жетіспейтін объектілерін дамытуға және/немесе салуға көзделген нысаналы трансферттер есебінен жүргізіледі.
      Техникалық-экономикалық негіздемені және/немесе жобалау-сметалық құжаттаманы әзірлеу, мемлекеттік сараптамадан өткізу, авторлық және техникалық қадағалауды жүргізу шығыстары инженерлік-коммуникациялық инфрақұрылымның жетіспейтін объектілерін дамытуды және/немесе салуды талап өтеуге көзделген шығындардан бөлек ескеріледі.
      Инженерлік-коммуникациялық инфрақұрылымның жетіспейтін объектілерін дамытуға және/немесе салуға және/немесе Бағдарламаға қатысушы іске асыратын жобалар үшін, оның ішінде шалғайдағы мал шаруашылығын дамыту үшін жабдықтар сатып алуға, жобалау-сметалық құжаттаманы әзірлеуге және мемлекеттік сараптама жүргізуге, жергілікті смета жасауға арналған шығыстарды олардың қажеттілігі бойынша жергілікті атқарушы органдар айқындайды.
      Инженерлік-коммуникациялық инфрақұрылымның жетіспейтін объектілерін дамыту және/немесе салу республикалық бюджеттен нысаналы даму трансферттері есебінен жүзеге асырылады.
      Бағдарлама қатысушылары іске асыратын жобаларға, оның ішінде шалғайдағы мал шаруашылығын дамытуға арналған жобаларға жабдық сатып алу республикалық бюджеттен берілетін ағымдағы трансферттердің есебінен жүзеге асырылады.
      Жергілікті атқарушы органдар нысаналы трансферттерді белгіленген техникалық шарттарға немесе заңнамада белгіленген тәртіппен бекітілген жобалау-сметалық құжаттамаға және бизнес-ұсыныстарға сәйкес пайдаланады.
      79. Инфрақұрылымның жетіспейтін объектілерін дамытудың және/немесе салудың және\немесе Бағдарламаға қатысушылар іске асыратын жобаларға, оның ішінде шалғайдағы мал шаруашылығын дамытуға сатып алынатын жабдықтың құны, жобалау-сметалық құжаттаманы әзірлеу құны мен мемлекеттік сараптама жүргізу құнын есептемегенде, берілетін кредит сомасына қарамастан, Бағдарламаға бір қатысушыға шаққанда 3 млн. теңгеден аспауға тиіс.
      80. Инженерлік-коммуникациялық инфрақұрылымның жетіспейтін объектілерін дамыту және/немесе салу қолданыстағы жүйелерге жетіспейтін инфрақұрылымды: Бағдарламаға қатысушылар іске асыратын жобалар үшін жолдарды, кәріз, жылумен және сумен жабдықтау, газбен жабдықтау, телефон және электр желілерін жеткізуді болжайды.
      Жетіспейтін инфрақұрылымды жеткізу елді мекенді дамытудың бас жоспарына (ауылда – инженерлік-коммуникациялық желілердің жергілікті схемаларына) сәйкес болуға тиіс және бір немесе бірнеше жобаны қамтамасыз етуге бағытталуы мүмкін.
      Инженерлік-коммуникациялық инфрақұрылымның жетіспейтін объектілерін дамыту және/немесе салу Қазақстан Республикасында сәулет, қала салу және құрылыс қызметі туралы заңнамаға сәйкес жүзеге асырылады.
      81. Бағдарлама қатысушылары іске асыратын жобаларға арналған жабдық сатып алу, кәріз, жылумен және сумен жабдықтау, газбен жабдықтау, телефон және электр желілерінің болмауын алмастыратын жабдықпен, сондай-ақ Бағдарламаға қатысушылар іске асыратын жобалар шеңберінде шалғайдағы мал шаруашылығын дамыту үшін блок-модульдермен жарақтандыруды қарастырады.
      Шалғайдағы мал шаруашылығы үшін инженерлік-коммуникациялық инфрақұрылымның жетіспейтін объектілерін дамытуды және/немесе салуды және/немесе инженерлік-коммуникациялық инфрақұрылым үшін жабдықты сатып алуды таңдау экономикалық орындылығына қарай айқындалады.
      82. Жүргізілген инженерлік инфрақұрылым жергілікті атқарушы органдардың коммуналдық меншігінің теңгеріміне беріледі.
      Бағдарламаға қатысушылар іске асыратын жобалар үшін, оның ішінде шалғайдағы мал шаруашылығын дамыту үшін сатып алынатын жабдық қабылдау-беру актілері арқылы Бағдарламаға қатысушының меншігіне беріледі. Бұл ретте микрокредитті қайтару мерзімі ішінде Бағдарламаға қатысушы жабдықтың мақсатты пайдаланылуын қамтамасыз етеді және растайды.
      83. Шартта көзделген инфрақұрылымдық жобаны іске асыру мониторингі инфрақұрылымды дамыту жөніндегі уәкілетті органға жүктеледі.

5. Ауылда кәсіпкерлікті дамытуға жәрдемдесуге бағытталған
шараларды қаржыландыру

      84. Қаржылық тәртiптi қамтамасыз ету және бюджет қаражатының мақсатты пайдаланылуына мониторинг жүргiзуүшiн нысаналы трансферттер бойынша нәтижелер туралы:
      1) Бағдарлама операторы мен облыс әкiмдерiнің арасында микрокредит беру, кәсiпкерлiк негiздерiн оқыту және жобаларды бір жылға дейін сүйемелдеу бөлігінде;
      2) өңірлік даму жөнiндегi уәкiлеттi орган мен облыс әкiмдерiнің арасында Бағдарлама шеңберiнде iске асырылатын жобалар бойынша инженерлiк-коммуникациялық жүйелерді тарту және қолданыстағыларына қосу мақсатында инженерлік-коммуникациялық инфрақұрылымның жетіспейтін объектілерін дамыту және/немесе салу және/немесе инженерлiк-коммуникациялық инфрақұрылым үшін, оның ішінде шалғайдағы мал шаруашылығын дамыту үшін жабдықты сатып алу бөлігінде нысаналы трансферттер бойынша нәтижелер туралы келiсiмдер жасалады.
      85. Бағдарлама операторы мен өңірлік даму жөнiндегi уәкiлеттi орган бюджет заңнамасына сәйкес тиiстi республикалық бюджеттiк бағдарламалар бойынша облыстық бюджеттерге нысаналы трансферттердi аударуды жүргiзедi.
      86. Нысаналы трансферттер жергiлiктi атқарушы органдарға әрбір объектi бойынша бөлiнбей аударылады.
      Облыстардың жергiлiктi атқарушы органдары инженерлік-коммуникациялық инфрақұрылымның жетіспейтін объектілерін дамытуға және/немесе салуға және/немесе Бағдарламаға қатысушылар іске асыратын жобалар үшін жабдықтарды сатып алуға өтінімдерді алуына қарай iске асырылуына қаражат бөлiнген объектiлер бөлiнiсiндегi жиынтық ақпаратты өңірлік даму мәселелері жөнiндегi уәкiлеттi органға жiбередi.
      87. Қаражат бөлу және бюджеттiк кредиттiң мақсатты пайдаланылуына бақылауды жүзеге асыру үшiн бюджеттi атқару жөнiндегi орталық уәкiлеттi орган, Бағдарлама операторы мен облыстардың әкiмдерi арасында осы Қағидада ескертiлген шарттармен кредиттiк шартқа қол қойылады.
      88. Бағдарлама операторы бюджет заңнамасына сәйкес бюджеттiк кредиттердi тиiстi республикалық бюджеттiк бағдарлама бойынша аударады.
      89. Облыстардың әкiмдерi ай сайын, есептi айдан кейiнгi айдың 5-күнiне қарай:
      1) Бағдарлама операторына – сервистік қызмет көрсетілген, микрокредит алған, жеке iсiн ұйымдастырған немесе кеңейткен, кәсiпкерлiк негiздерiн оқудан өткен Бағдарламаға қатысушылар саны, соңғы қарыз алушылардың микрокредиттерді мақсатты пайдалануы туралы;
      2) өңірлік даму мәселелері жөнiндегiуәкiлеттi органға – салынған және реконструкцияланған және/немесе сатып алынған және инженерлiк-коммуникациялық инфрақұрылымға қосылған объектiлердің, сатып алынатын жабдықтардың, оның ішінде шалғайдағы мал шаруашылығын дамыту үшін сатып алынатын жабдықтардың саны туралы есептердi ұсынады.
      90. Қаржы агенттігі мәртебесіне ие уәкілетті өңірлік ұйым не микроқаржы (микрокредиттік) ұйымдары немесе кредиттік серіктестіктер берілген микрокредиттің мақсатты пайдаланылуын және Бағдарламаға қатысушылардың шартқа сәйкес өздеріне алған міндеттемелерін орындауын сүйемелдеуді және бақылауды жүзеге асырады.
      Бағдарламаға қатысушының қаражатты мақсатты пайдалануы туралы есебі жұмыспен қамту орталықтарына жіберіледі.
      Микрокредит алған Бағдарламаға қатысушылар кредит беруші ұйымдарға оларға берілген микрокредиттің мақсатты пайдаланылуы туралы растайтын құжаттарды ұсынады.
      Халықты жұмыспен қамту орталықтары микрокредит алған Бағдарламаға қатысушылардың тізімдерін аудандардың (қалалардың) салық органдарына ұсынады.
      Микроқаржы (микрокредиттік) ұйымы, кредиттік серіктестік не қаржы агенттігі мәртебесіне ие уәкілетті өңірлік ұйым Бағдарламаға қатысушыларға берілген микрокредитті қайтаруға мониторинг жүргізеді және есептерді, сондай-ақ микрокредитті уақытынан бұрын өтеген адамдардың тізімдерін Бағдарламаға қатысушыны жіберген жұмыспен қамту орталығына ай сайын, есептi айдан кейiнгi айдың 5-күнiне қарай ұсынады.

Жұмыспен қамтуға жәрдемдесудiң
белсендi шараларына қатысатын 
адамдарға кәсiпкерлiктi дамытуға
мемлекеттiк қолдауды ұйымдастыру
және қаржыландыру қағидасына 
1-қосымша           

___________ ауданының (қаласының)
халықты жұмыспен қамту          
орталығының директорына         
_______________________ мекенжайы
бойынша тұратын _________________

Өтiнiш

      Менi жеке кәсіпкерлік бастаманы қолдау шеңберінде Жұмыспен
қамту 2020 жол картасының екінші бағыты бойынша қатысушылардың
қатарына енгiзудi сұраймын.
      Қосымша ___ парақта:
      жеке басты куәландыратын құжаттың көшiрмесi;
      тұрақты тұрғылықты жері бойынша тiркелгенiн растайтын құжаттың
көшiрмелерi (мекенжай анықтамасы, ауыл әкiмінiң анықтамасы);
      нысан бойынша жеке iсiн ұйымдастыру немесе кеңейту бойынша
бизнес-ұсыныс;
      жоба үшін жетiспейтiн инженерлiк-коммуникациялық инфрақұрылым
объектілерін дамытуға және/немесе салуға және/немесе Бағдарламаға
қатысушылар іске асыратын жобалар үшін, оның ішінде шалғайдағы мал
шаруашылығын дамытуға жабдықты сатып алуға осы Қағидаға 3-қосымшаға
сәйкес нысан бойынша өтінім.
      Жеке iсiн кеңейтудi жоспарлайтын адамдар:
      төлем қабiлеттiлiгiн (адамға қызмет көрсетiлетiн екiншi
деңгейдегi банктiң немесе оның филиалының қол қойылған және мөр
басылған адамның банктiң немесе оның филиалының алдындағы (адам
бiрнеше екiншi деңгейдегі банктiң немесе олардың филиалдарының,
сондай-ақ шетелдiк банктiң клиентi болған жағдайда, мұндай анықтама
осы банктердiң әрқайсысынан берiледi) мiндеттемелерiнiң барлық
түрлерi бойынша анықтама берген күннiң алдында үш айдан астам
созылған мерзiмi өткен берешегi жоқ екенi туралы анықтамасының
түпнұсқасы) растайтын құжаттарды қосымша ұсынады.
      Оң шешiм қабылданған жағдайда жеке әлеуметтiк келісімшартқа қол
қоюға мiндеттенемiн.
      Жұмыспен қамтуға жәрдемдесудің көзделген белсенді шараларын алу
үшін қажетті менің дербес деректерімді жинақтауға және өңдеуге
келісім беремін.

      *ұсынылған құжаттардың дұрыстығына өтiнiш берушi жауапты
болады.

      Күнi                                                       қолы

---------------------------------------------------------------------
                             (кесу сызығы)

      Азамат ________________________________________________ өтiнiшi
20__ ж. «___» ___________________ қабылданды, № _____ болып тiркелдi.
Құжаттарды қабылдаған адамның Т.А.Ә., лауазымы және қолы:
_____________________________________________________________________
_____________________________________________________________________

      Күнi                                                       қолы

      *ұсынылған құжаттардың дұрыстығына өтiнiш берушi жауапты
болады.

Жұмыспен қамтуға жәрдемдесудiң
белсендi шараларына қатысатын 
адамдарға кәсiпкерлiктi дамытуға
мемлекеттiк қолдауды ұйымдастыру
және қаржыландыру қағидасына 
2-қосымша           

Бизнес-ұсыныс

      1. Жобаның атауы ______________________________________________
      2. Тегi, аты, әкесiнiң аты ____________________________________
      3. Бiлiктiлiгi (кәсiбi, мамандығы) ____________________________
_____________________________________________________________________
      4. Кәсiпкерлiк негiздерiн оқу туралы мәлiметтер (аяқтау күнi,
ұйымның атауы, оқу бейiнi) __________________________________________
_____________________________________________________________________
      5. Жобаның сипаттамасы (мақсаты, ерекше белгiлерi, iске асыру
кезеңдерi – тактикалық жоспар, мақсаттарға қол жеткiзу жолдары,
қызметтердi немесе өндiрiлген өнiмдi тұтынатын болжамды тұтынушылар)
      _______________________________________________________________
      _______________________________________________________________
      _______________________________________________________________
      6. Жобаның болжамды құны ___________________________ мың теңге
      7. Қажеттi кредит сомасы ___________________________ мың теңге
      8. Кредиттiң жоспарлы мерзiмi _________________________________
      9. Жоба іске асырылған жағдайда кемінде _________ тұрақты жұмыс
орны құрылатын болады.
      10. Кредиттi өтеу үшiн төлемдi шегеру қажеттiлiгi (бар, жоқ).
      11. Қолда бар мүлiктiң, техниканың және жобаны iске асыру үшiн
қажеттi жабдықтың сипаты ____________________________________________
_____________________________________________________________________
      12. Жетiспейтiн инженерлiк-коммуникациялық инфрақұрылымды тарту
қажеттiлiгi (жол, электр, сумен жабдықтау, кәрiз не септик, байланыс
және оның болжамды құны _________________________________ мың теңге).
      13. Бағдарлама қатысушылары іске асырып жатқан жобалар үшін
жабдықты, оның ішінде жайылымдық мал шаруашылығын дамытуға арналған
жабдықты сатып алу қажеттігі __________________________ болжамды құны
_________ мың теңге.
      Жұмыспен қамтуға жәрдемдесудің көзделген белсенді шараларын алу
үшін қажетті менің дербес деректерімді жинақтауға және өңдеуге
келісім беремін.

      Күнi                                                       қолы

Жұмыспен қамтуға жәрдемдесудiң
белсендi шараларына қатысатын 
адамдарға кәсiпкерлiктi дамытуға
мемлекеттiк қолдауды ұйымдастыру
және қаржыландыру қағидасына 
3-қосымша           

Жетiспейтiн инженерлiк-коммуникациялық инфрақұрылымды
дамытуға және/немесе салуға және/немесе
Бағдарламаға қатысушы іске асыратын жобалар үшін жабдықты,
оның ішінде жайылымдық мал шаруашылығын дамыту
үшін жабдықты сатып алуға
өтiнiм

      1. Жобаның атауы ______________________________________________
      Жобаның болжамды құны _______________________________ мың теңге
      2. Тегi, аты, әкесiнiң аты ____________________________________
_____________________________________________________________________
      3. Жетiспейтiн инженерлiк-коммуникациялық инфрақұрылымның
сипаты:
      а) жолдар (ұзындығы (км), жол төсемiнiң енi м, бетiнiң
сипаттамасы (түрi), су өткiзгiш қондырғыларды орнату қажеттiлiгi)
_____________________________________________________________________
_____________________________________________________________________
_____________________________________________________________________
болжамды құны __________ мың теңге;
      б) электрмен жабдықтау (желiнiң ұзындығы (км), тiреулердiң,
оның iшiнде қос тiреулердiң қажеттi саны, желiдегi қажеттi кернеу
(вольт), төмендеткiш трансформатор сатып алу және орнату қажеттiлiгi)
_______________ болжамды құны __________ мың теңге;
      в) сумен жабдықтау (желiнiң ұзындығы (км), өткiзу қабiлетi
тәулiгiне текше м., байланыстырушы құбырдың диаметрi мм, өрт сөндiру
жүйесiн, оның iшiнде өрт гидрантын жайластыру қажеттiлiгi)
___________ болжамды құны __________ мың теңге;
      г) кәрiз (су бұру) – қолданыстағы жүйеге қосу – ұзындығы км,
өткiзу қабiлетi тәулiгiне текше м., байланыстырушы құбырдың диаметрi
мм, қайта жiберу құдықтары құрылыстарының қажеттi саны, сорғы
жабдықтарын сатып алу және орнату қажеттiлiгi)
___________ болжамды құны __________ мың теңге;
      д) септик жайластыру – қажеттi көлемi текше м. ________________
      4. Байланыс (желiнiң ұзындығы км, тiреулердiң қажеттi саны,
абоненттiк нөмiрлердiң қажеттi саны) ________________________________
      5. Бағдарламаға қатысушылар іске асырып жатқан жобалар үшін
жетіспейтін ілеспе, оның ішінде жайылымдық мал шаруашылығын дамытуға
арналған жабдықтың сипаттамасы ________________________ болжамды құны
__________ мың теңге
      6. Бағдарламаға қатысушылар іске асырып жатқан жобалар үшін,
оның ішінде жайылымдық мал шаруашылығын дамыту үшін жетiспейтiн
инженерлiк-коммуникациялық инфрақұрылымды дамыту, жайластыру және
жабдықты сатып алудың жалпы құны _______ мың теңгенi құрайды.

      Күнi                                                       қолы

Жұмыспен қамтуға жәрдемдесудiң
белсендi шараларына қатысатын 
адамдарға кәсiпкерлiктi дамытуға
мемлекеттiк қолдауды ұйымдастыру
және қаржыландыру қағидасына 
4-қосымша           

___________ ауданының (қаласының)
халықты жұмыспен қамту          
орталығының директорына         
_______________________ мекенжайы
бойынша тұратын _________________

Өтiнiш

      Жеке кәсіпкерлік бастаманы қолдау шеңберінде Жұмыспен
қамту 2020 жол картасының екінші бағытына сәйкес екінші деңгейдегі
банктің кредиті бойынша сыйақы мөлшерлемесін субсидиялау туралы
қолдаухат беруді сұраймын.
      Қосымша ___ парақта:
      жеке басты куәландыратын құжаттың көшiрмесi;
      тұрақты тұрғылықты жерi бойынша тiркелгенiн растайтын құжаттың
көшiрмесi (мекенжай анықтамасы, ауылдық әкiмнiң анықтамасы);
      ұйымның құрылтай құжатының көшірмесі;
      кредит беру туралы екінші деңгейдегі банк шешімінің көшірмесі;
      кредит беру бойынша оң шешім туралы екінші деңгейдегі банк
шешімінің көшірмесі.
      _______________________________________________________________
      _______________________________________________________________
      _______________________________________________________________

      Оң шешiм қабылданған жағдайда жеке әлеуметтiк келісімшартқа қол
қоюға және қолданыстағы санға қатыстылығы бойынша жаңа тұрақты жұмыс
орындарының кемінде он пайызын құруға немесе жаңа жобаны іске асыру
кезінде кемінде __________ жаңа жұмыс орындарын құруға мiндеттенемiн.
      Жұмыспен қамтудың көзделген белсенді шараларын алу үшін қажетті
менің дербес деректерімді жинақтауға және өңдеуге келісім беремін.
      *ұсынылған құжаттардың дұрыстығы үшін өтініш беруші жауап
береді.

      Күнi                                                       қолы

---------------------------------------------------------------------

      Азамат ________________________________________________ өтiнiшi
20__ ж. «___» ___________________ қабылданды, № _____ болып тiркелдi.
Құжаттарды қабылдаған адамның Т.А.Ә., лауазымы және қолы:
_____________________________________________________________________
_____________________________________________________________________

      Күнi                                                       қолы

      *ұсынылған құжаттардың дұрыстығына өтiнiш берушi жауапты
болады.

Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады