Қазақстан Республикасының Үкіметі ҚАУЛЫ ЕТЕДІ:
1. Осы қаулыға қосымшаға сәйкес "Батыс Еуропа – Батыс Қытай" халықаралық транзит дәлізінің басым жобасы бойынша шетелдік жұмыс күшін тартуға 2014 – 2015 жылдарға арналған квота белгіленсін.
2. Қоса беріліп отырған "Батыс Еуропа – Батыс Қытай" халықаралық транзит дәлізінің басым жобасын іске асыру үшін шетелдік жұмыс күшін тартуға рұқсат беру шарттары бекітілсін.
3. Осы қаулы алғашқы ресми жарияланған күнінен бастап қолданысқа енгізіледі.
Қазақстан Республикасының | |
Премьер-Министрі | К. Мәсімов |
| Қазақстан Республикасы Үкіметінің 2014 жылғы 23 қыркүйектегі № 1006 қаулысына бекітілген |
"Батыс Еуропа – Батыс Қытай" халықаралық транзит дәлізінің
басым жобасын іске асыру үшін шетелдік жұмыс күшін тартуға
рұқсат беру шарттары (өтініш беруші – "Батыс Еуропа – Батыс
Қытай" халықаралық транзит дәлізін іске асыруға жұмылдырылған
мердігер ұйымдар)
1. Аумағында басым жоба іске асырылып жатқан уәкiлеттi органға жұмыс берушi не ол уәкiлеттiк берген тұлға ұсынатын шетелдiк жұмыс күшiн тартуға өтінішке қоса берілетін құжаттар мыналарды қамтуға тиіс:
1) тегi, аты, әкесiнiң аты (оның iшiнде латын әрiптерiмен), туған күнi мен жылы, азаматтығы, паспортының (жеке басын куәландыратын құжаттың) нөмiрi, берiлген күнi және оны берген орган, тұрақты тұратын елi, шыққан елi, бiлiмi, еңбек жөніндегі уәкілетті мемлекеттік орган бекiтетiн Қазақстан Республикасында қолданылатын басшылар, мамандар және басқа да қызметшiлер лауазымдарының бiлiктiлiк анықтамалығына, ұйымдардың басшылары, мамандары мен басқа да қызметшiлерi лауазымдарының үлгiлiк бiлiктiлiк сипаттамаларына, жұмысшылардың жұмыстары мен кәсiптерiнiң бiрыңғай тарифтiк-бiлiктiлiк анықтамалығына, жұмысшылар кәсiптерiнiң тарифтiк-бiлiктiлiк сипаттамаларына және 01-99 "Кәсiптер сыныптауышы" Қазақстан Республикасының мемлекеттiк сыныптауышына сәйкес мамандығының, бiлiктiлiгiнiң (лауазымының) атаулары көрсетiле отырып, тартылатын шетелдiк қызметкерлер туралы мәлiметтер;
2) Қазақстан Республикасының күшiне енген халықаралық шарттарында көзделген жағдайларды қоспағанда, Қазақстан Республикасының заңнамасында белгiленген тәртiппен заңдастырылған бiлiмi туралы құжаттардың нотариалды расталған аудармалары (егер құжат мемлекеттiк немесе орыс тiлiнде толтырылған болса, көшiрмелерi);
3) оның бұрын iстеген жұмыс берушiсiнiң ресми бланкiсiндегі қызметкердiң еңбек қызметi туралы жазбаша растауы немесе Қазақстан Республикасында танылатын өзге де растаушы құжаттар қоса берiлген, қызметкердiң еңбек қызметi туралы ақпарат (тиiстi кәсiп бойынша жұмыс өтілі жөнiнде бiлiктiлiк талаптары болған кезде);
4) басым жобаны іске асыруға қатысуы туралы куәландыратын шарттан нотариалды расталған үзiндi не салыстырып тексеру үшін түпнұсқасы ұсынылған көшірмесі (мердiгер және қосалқы мердiгер ұйымдар үшін).
2. Шетелдік қызметкерлердің келуі "Халықтың көші-қоны туралы" 2011 жылғы 22 шілдедегі Қазақстан Республикасы Заңының 35-бабында көзделген шарттар сақталған жағдайда жүзеге асырылады.
3. 3 және 4-санаттар бойынша рұқсаттар алынған шетелдік қызметкерлер басқа әкiмшiлiк-аумақтық бiрлiктiң аумағында орналасқан кәсіпорындарға, ұйымдарға іссапарға жіберуге болмайды.
4. Шетелдік жұмыс күшін тартудың осы шарттармен реттелмеген өзге де талаптары "Қазақстан Республикасына шетелдік жұмыс күшін тартуға арналған квотаны белгілеу қағидаларын және Шетелдік қызметкерге жұмысқа орналасуға және жұмыс берушілерге шетелдік жұмыс күшін тартуға рұқсат берудің қағидалары мен шарттарын бекіту және "Халықты жұмыспен қамту туралы" Қазақстан Республикасының 2001 жылғы 23 қаңтардағы Заңын іске асыру жөніндегі шаралар туралы" Қазақстан Республикасы Үкіметінің 2001 жылғы 19 маусымдағы № 836 қаулысына өзгеріс енгізу туралы" Қазақстан Республикасы Үкіметінің 2012 жылғы 13 қаңтардағы № 45 қаулысымен бекітілген Шетелдік қызметкерге жұмысқа орналасуға және жұмыс берушілерге шетелдік жұмыс күшін тартуға рұқсат беру қағидаларымен және шарттарымен регламенттеледі.
| Қазақстан Республикасы Үкіметінің 2014 жылғы 23 қыркүйектегі № 1006 қаулысына қосымша |
"Батыс Еуропа – Батыс Қытай" халықаралық транзит дәлізінің
басым жобасы бойынша шетелдік жұмыс күшін тартуға 2014 – 2015
жылдарына арналған квота
Р/с № | Өтініш беруші (компания) | Іске асыру орны (облыс) | Квота саны (адам) Санаты | Іске асыру мерзімі | ||||
I | II | III | IV | Барлығы | ||||
1 | 2 | 3 | 4 | 5 | 6 | 7 | 8 | 9 |
1. | "Исан" корпорациясының Қызылорда филиалы | Қызылорда | 1 | 2 | 3 | 2014 – 2015 жылдар | ||
2. | "ROUGHTON INTERNATIONAL LIMITED" ("РОУГТОН ИНТЕРНЭЙШНЭЛ ЛИМИТЕД") компаниясының Қазақстан Республикасындағы филиалы | Қызылорда | 1 | 2 | 2 | 5 | 2014 – 2015 жылдар | |
3. | "Swedish National Road Consulting Aktiebolag" (Сюдишь Национал Роад Консалтинг Актиболаг) жауапкершілігі шектеулі жеке компаниясының Астана қаласындағы филиалы | Алматы | 1 | 1 | 4 | 5 | 11 | 2014 – 2015 жылдар |
4. | "Donsung Engineering Co., LTD" (Донгсонг инжиниринг Ко., ЛТД") акционерлік қоғамының Алматы қаласындағы филиалы | Қызылорда, Алматы | 1 | 2 | 6 | 9 | 18 | 2014 – 2015 жылдар |
5. | "Тодини Коструциони Дженарали С.п.А." акционерлік қоғамының Алматы филиалы | Алматы | 3 | 8 | 50 | 45 | 106 | 2014 – 2015 жылдар |
6. | "Сине Мидас Строй" БК" жауапкершілігі шектеулі серіктестігі | Қызылорда, Алматы | 1 | 5 | 45 | 72 | 123 | 2014 – 2015 жылдар |
7. | "Евро-Азиатская строительная корпорация "EVRASCON" ашық акционерлік қоғамының Қызылорда филиалы | Қызылорда, Оңтүстік Қазақстан, Алматы | 1 | 8 | 48 | 57 | 114 | 2014 – 2015 жылдар |
8. | "ОХЛ ЖС" акционерлік қоғамының Қазақстан Республикасындағы филиалы | Алматы | 1 | 5 | 27 | 21 | 54 | 2014 – 2015 жылдар |
9. | "ДОГУШ ИНШААТ ВЕ ТИДЖАРЕТ АНОНИМ ШИРКЕТИ" АКЦИОНЕРЛІК ҚОҒАМЫ ЖӘНЕ "ГЮЛЬСАН ИНШААТ САНАЙИ ТУРИЗМ НАК.ВЕ ТИДЖ." АКЦИОНЕРЛІК ҚОҒАМЫ БІРЛЕСКЕН КӘСІПОРНЫНЫҢ филиалы | Алматы | 2 | 6 | 58 | 73 | 139 | 2014 – 2015 жылдар |
10 | "KCC Engineering & Construction Co., Ltd" (KCC жобалау және құрылыс) акционерлік қоғамының филиалы | Жамбыл | 1 | 2 | 15 | 1 | 19 | 2014 – 2015 жылдар |
11 | "Аккорд Окан" бірлескен кәсіпорны" жауапкершілігі шектеулі қоғамының Қазақстандағы (Қызылорда қ.) филиалы және "Строительно-Промышленная Инвестиционная Корпорация Аккорд" ашық акционерлік қоғамының Шымкент қаласындағы филиалы | Қызылорда, Оңтүстік Қазақстан | 1 | 3 | 18 | 21 | 43 | 2014 – 2015 жылдар |
12 | "Sinohydro Corporation Limited" акционерлік қоғамының қазақстандық филиалы | Оңтүстік Қазақстан | 1 | 5 | 13 | 18 | 37 | 2014 – 2015 жылдар |
13 | "Дена Рахсаз" құрылыс компаниясы" жабық типті акционерлік қоғамының өкілдігі | Оңтүстік Қазақстан | 1 | 2 | 14 | 13 | 30 | 2014 – 2015 жылдар |
14 | "SMEC INTERNATIONAL PTY LIMITED" (СМЭК ИНТЕРНЭШНЛ ПТИ ЛИМИТЕД) Алматы қаласындағы өкілдігі | Оңтүстік Қазақстан | 1 | 1 | 3 | 5 | 2014 – 2015 жылдар | |
15 | "Салини Коструттори С.п.А." акционерлік қоғамының қазақстандық филиалы | Қызылорда | 1 | 5 | 8 | 14 | 2014 – 2015 жылдар | |
Барлығы | 18 | 48 | 305 | 350 | 721 | 2014 – 2015 жылдар | ||
