Туризм объектісін салу және оның жұмыс істеуі үшін ерекше қорғалатын табиғи аумақтардың жекелеген жер учаскелерін Алматы қаласының босалқы жерлеріне ауыстыру туралы

Жаңартылған

Қазақстан Республикасы Үкіметінің 2014 жылғы 2 желтоқсандағы № 1267 қаулысы

      2003 жылғы 20 маусымдағы Қазақстан Республикасы Жер кодексінің 13-бабына және «Ерекше қорғалатын табиғи аумақтар туралы» 2006 жылғы 7 шілдедегі Қазақстан Республикасы Заңының 7-бабына сәйкес Қазақстан Республикасының Үкіметі ҚАУЛЫ ЕТЕДІ:
      1. Осы қаулыға қосымшаға сәйкес «Көкжайлау» тау шаңғысы курортын салу және оның жұмыс істеуі үшін «Қазақстан Республикасы Ауыл шаруашылығы министрлігінің «Іле Алатауы мемлекеттік ұлттық табиғи паркі» республикалық мемлекеттік мекемесінің жалпы алаңы 1002,0 гектар жері ерекше қорғалатын табиғи аумақтар жерлері санатынан Алматы қаласы Медеу ауданының босалқы жерлері санатына ауыстырылсын.
      2. Алматы қаласының әкімдігі ерекше қорғалатын табиғи аумақтардың жерлерін босалқы жерлерге ауыстыруға байланысты қолданыстағы заңнамаға сәйкес орман шаруашылығы өндiрiсiнiң шығындарын республикалық бюджеттiң кiрiсiне өтесiн.
      3. Күші жойылды - ҚР Үкіметінің 04.09.2015 № 745 қаулысымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).

      4. Осы қаулы қол қойылған күнiнен бастап қолданысқа енгiзiледi.

      Қазақстан Республикасының
      Премьер-Министрі                                     К. Мәсімов

Қазақстан Республикасы 
Үкіметінің       
2014 жылғы 2 желтоқсандағы
№ 1267 қаулысына  
қосымша        

«Қазақстан Республикасы Ауыл шаруашылығы министрлігінің «Іле
Алатауы мемлекеттік ұлттық табиғи паркі» республикалық
мемлекеттік мекемесінің ерекше қорғалатын табиғи аумақтар
жерлерінің санатынан босалқы жерлер санатына ауыстырылатын
жерлерінің экспликациясы

Жер пайдаланушының атауы

Жалпы алаңы, гектар

оның ішінде:

орманды жерлер

алаңқайлар

селдір ормандар

жайылым

жолдар

құмдар және өзге алқаптар

1

2

3

4

5

6

7

8

«Қазақстан Республикасы Ауыл шаруашылығы министрлігінің «Іле Алатауы мемлекеттік ұлттық табиғи паркі» республикалық мемлекеттік мекемесі

1002,0

310

-

-

-

1,2

690,8

Жиыны

1002,0

310

-

-

-

1,2

690,8

Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады