РҚАО-ның ескертпесі!
2016 жылғы 1 тамыздан бастап қолданысқа енгізіледі.
Қазақстан Республикасының Үкіметі ҚАУЛЫ ЕТЕДІ:
1. "Қырғыз Республикасымен электр энергиясының тауар айналымы жөніндегі мәміленің бағасын белгілеу туралы" Қазақстан Республикасының 2015 жылғы 23 қазандағы № 839 қаулысына мынадай өзгеріс енгізілсін:
1-тармақ мынадай редакцияда жазылсын:
"1. Бір күнтізбелік жыл шеңберінде баламалы көлемде электр энергиясымен өзара алмасу шарттарын сақтаған кезде Қырғыз Республикасы тарапынан "Электр станциялары" ашық акционерлік қоғамы мен Қазақстан Республикасы тарапынан "Қазфосфат", "Жамбыл Жарық Сауда-2030", "Теміржолэнерго" жауапкершілігі шектеулі серіктестіктері арасында жасалатын Қырғыз Республикасымен электр энергиясының тауар айналымы мәмілесінің бағасы 1 (бір) киловатт сағат үшін 0,0000001 АҚШ доллары мөлшерінде белгіленсін.".
2. Осы қаулы 2016 жылғы 1 тамыздан бастап қолданысқа енгізіледі.
|
Қазақстан Республикасының Премьер-Министрі |
Б. Сағынтаев |
