"Қазақстан Республикасының әкімшілік-аумақтық құрылысы туралы" 1993 жылғы 8 желтоқсандағы Қазақстан Республикасының Заңы 10-бабының 4-1) тармақшасына, "Қазақстан Республикасының аумағындағы әуежайларға, порттарға, темiржол вокзалдарына, темiржол стансаларына, метрополитен стансаларына, автовокзалдарға, автостансаларға, физикалық-географиялық және мемлекет меншiгiндегi басқа да объектiлерге атау беру, сондай-ақ оларды қайта атау, олардың атауларының транскрипциясын нақтылау мен өзгерту және мемлекеттiк заңды тұлғаларға, мемлекет қатысатын заңды тұлғаларға жеке адамдардың есiмiн беру қағидаларын бекiту туралы" Қазақстан Республикасы Үкіметінің 1996 жылғы 5 наурыздағы № 281 қаулысына (Қазақстан Республикасының ПҮАЖ-ы, 1996 ж., № 11, 81-құжат) сәйкес Қазақстан Республикасының Үкіметі ҚАУЛЫ ЕТЕДІ:
1. Батыс Қазақстан облысының мына мәдениет және білім беру ұйымдарына:
1) "Батыс Қазақстан облысының әкімдігі мәдениет, архивтер және құжаттама басқармасының Батыс Қазақстан облыстық мәдениет және өнер орталығы" мемлекеттік коммуналдық қазыналық кәсіпорнына Қадыр Мырзалиевтің есімі;
2) "Батыс Қазақстан облысының әкімдігі мәдениет, архивтер және құжаттама басқармасының облыстық қазақ драма театры" мемлекеттік коммуналдық қазыналық кәсіпорнына Хадиша Бөкееваның есімі;
3) "Сырым аудандық орталықтандырылған кітапхана жүйесі" мемлекеттік мекемесіне Мұқадес Есламғалиұлының есімі;
4) Орал қаласының білім беру бөлімінің "№ 30 жалпы орта білім беретін мектеп" коммуналдық мемлекеттік мекемесіне Хиуаз Доспанованың есімі берілсін.
2. Осы қаулы алғашқы ресми жарияланған күнінен бастап қолданысқа енгізіледі.
|
Қазақстан Республикасының Премьер-Министрі |
Б. Сағынтаев |
