Қазақстан Республикасының Үкіметі ҚАУЛЫ ЕТЕДІ:
1. "Қазақстан Республикасы Үкіметінің және жергілікті атқарушы органдардың резервтерін пайдалану қағидаларын бекіту туралы және Қазақстан Республикасы Үкіметінің кейбір шешімдерінің күші жойылды деп тану туралы" Қазақстан Республикасы Үкіметінің 2015 жылғы 25 сәуірдегі № 325 қаулысына (Қазақстан Республикасының ПҮАЖ-ы, 2015 ж., № 27-28, 168-құжат) мынадай өзгеріс енгізілсін:
көрсетілген қаулымен бекітілген Қазақстан Республикасы Үкіметінің және жергілікті атқарушы органдардың резервтерін пайдалану қағидаларында:
4-тармақтың бірінші бөлігінің 1) тармақшасы мынадай редакцияда жазылсын:
"1) Қазақстан Республикасы Президентінің қатысуымен өткізілетін іс-шараларға қаражат ағымдағы қаржы жылында тиісті бюджеттік бағдарлама бойынша республикалық бюджеттен бөлінген және оны осы мақсаттарға форс-мажорлық жағдайларға байланысты пайдалану мүмкін болмаған жағдайды қоспағанда, ағымдағы қаржы жылына арналған республикалық және жергілікті бюджеттерде осы мақсаттарға ақша болмаған;".
2. Осы қаулы қол қойылған күнінен бастап қолданысқа енгізіледі, 2018 жылғы 31 желтоқсанды қоса алғанға дейін қолданыста болады және ресми жариялануға тиіс.
|
Қазақстан Республикасының Премьер-Министрі |
Б. Сағынтаев |
