Қазақстан Республикасы Қаржы министрлігінің кейбір мәселелері туралы

Жаңа

Қазақстан Республикасы Үкіметінің 2018 жылғы 29 желтоқсандағы № 931 қаулысы

      Қазақстан Республикасының Үкіметі ҚАУЛЫ ЕТЕДІ:

      1. Осы қаулыға 1-қосымшаға сәйкес Қазақстан Республикасы Қаржы министрлігі Қазынашылық комитетінің аумақтық органдары – республикалық мемлекеттік мекемелері құрылсын.

      2. Осы қаулыға 2-қосымшаға сәйкес Қазақстан Республикасы Қаржы министрлігі Қазынашылық комитетінің аумақтық органдары – республикалық мемлекеттік мекемелері қайта ұйымдастырылсын.

      3. Осы қаулыға 3-қосымшаға сәйкес Қазақстан Республикасы Қаржы министрлігі Қазынашылық комитетінің және Қазақстан Республикасы Қаржы министрлігі Мемлекеттік кірістер комитетінің аумақтық органдары – республикалық мемлекеттік мекемелері қайта аталсын.

      4. "Қазақстан Республикасы Қаржы министрлiгiнiң кейбiр мәселелерi туралы" Қазақстан Республикасы Үкiметiнiң 2008 жылғы 24 сәуiрдегi № 387 қаулысына (Қазақстан Республикасының ПҮАЖ-ы, 2008 ж., № 22, 205-құжат) мынадай өзгерістер мен толықтырулар енгiзiлсiн:

      көрсетілген қаулымен бекітілген Қазақстан Республикасы Қаржы министрлігі туралы ережеде:

      16-тармақта:

      орталық аппараттың функцияларында:

      21) тармақша алып тасталсын;

      40) тармақша мынадай редакцияда жазылсын:

      "40) республикалық бюджеттің, облыс бюджетінің, республикалық маңызы бар қалалар, астана бюджеттерінің атқарылуы туралы жылдық шоғырландырылған қаржылық есептілікте түсімдерді көрсету тәртiбін әзірлеу және бекіту;";

      мынадай мазмұндағы 357) тармақшамен толықтырылсын:

      "357) есепті қаржы жылындағы республикалық бюджеттің атқарылуы туралы жылдық есепті дайындау және Қазақстан Республикасының Үкіметіне, мемлекеттік жоспарлау жөніндегі орталық уәкілетті органға және мемлекеттік аудит және қаржылық бақылау органдарына ұсыну; Қазақстан Республикасының Парламентінде қарау кезінде есепті қаржы жылындағы республикалық бюджеттің атқарылуы туралы жылдық есептің қорғалуын қамтамасыз етуді ұйымдастыру;";

      ведомстволардың функцияларында:

      29) тармақша мынадай редакцияда жазылсын:

      "29) республикалық және облыстық бюджеттердің, республикалық маңызы бар қалалар, астана бюджеттерінің уақытша бос бюджет ақшасын Қазақстан Республикасы Ұлттық Банкiнiң салымдарына (депозиттерiне) орналастыру және Қазақстан Республикасы Үкiметiнiң депозиттері бойынша республикалық бюджетке сыйақылар (мүдде) көлемiн болжамдау;";

      Қазақстан Республикасы Қаржы министрлiгi Қазынашылық комитетінің аумақтық органдары – мемлекеттік мекемелердің тізбесінде:

      тақырыбы мынадай редакцияда жазылсын:

      "Қазақстан Республикасы Қаржы министрлігі Қазынашылық комитетінің аумақтық органдары – республикалық мемлекеттік мекемелерінің тізбесі";

      мынадай мазмұндағы 51-1-тармақпен толықтырылсын:

      "51-1. Қазақстан Республикасы Қаржы министрлiгi Қазынашылық комитетiнің Алматы облысы бойынша қазынашылық департаментi Райымбек ауданының қазынашылық басқармасы.";

      114-тармақ алып тасталсын;

      164 және 165-тармақтар мынадай редакцияда жазылсын:

      "164. Қазақстан Республикасы Қаржы министрлiгi Қазынашылық комитетiнің Павлодар облысы бойынша қазынашылық департаментi Тереңкөл ауданының қазынашылық басқармасы.

      165. Қазақстан Республикасы Қаржы министрлiгi Қазынашылық комитетiнің Павлодар облысы бойынша қазынашылық департаментi Аққулы ауданының қазынашылық басқармасы.";

      мынадай мазмұндағы 200-1 және 200-2-тармақтармен толықтырылсын:

      "200-1. Қазақстан Республикасы Қаржы министрлiгi Қазынашылық комитетiнің Түркістан облысы бойынша қазынашылық департаментi Мақтаарал ауданының қазынашылық басқармасы.

      200-2. Қазақстан Республикасы Қаржы министрлiгi Қазынашылық комитетiнің Түркістан облысы бойынша қазынашылық департаментi Келес ауданының қазынашылық басқармасы.";

      202 және 203-тармақтар алып тасталсын;

      Қазақстан Республикасы Қаржы министрлігі Мемлекеттік кірістер комитетінің республикалық мемлекеттік мекемелерінің тізбесінде:

      184 және 185-тармақтар мынадай редакцияда жазылсын:

      "184. Қазақстан Республикасы Қаржы министрлігі Мемлекеттік кірістер комитетінің Павлодар облысы бойынша мемлекеттік кірістер департаменті Тереңкөл ауданының мемлекеттік кірістер басқармасы.

      185. Қазақстан Республикасы Қаржы министрлігі Мемлекеттік кірістер комитетінің Павлодар облысы бойынша мемлекеттік кірістер департаменті Аққулы ауданының мемлекеттік кірістер басқармасы.".

      5. Қазақстан Республикасының Қаржы министрлігі заңнамада белгіленген тәртіппен осы қаулыдан туындайтын шараларды қабылдасын.

      6. Осы қаулы қол қойылған күнінен бастап қолданысқа енгiзiледі.

      Қазақстан Республикасының
Премьер-Министрі
Б. Сағынтаев

  Қазақстан Республикасы
Үкiметiнiң
2018 жылғы 29 желтоқсандағы
№ 931 қаулысына
1-қосымша

Қазақстан Республикасы Қаржы министрлiгi Қазынашылық комитетiнiң құрылатын аумақтық органдары – республикалық мемлекеттiк мекемелерiнiң тiзбесi

      1. "Қазақстан Республикасы Қаржы министрлiгi Қазынашылық комитетiнің Алматы облысы бойынша қазынашылық департаментi Райымбек ауданының қазынашылық басқармасы" республикалық мемлекеттiк мекемесі.

      2. "Қазақстан Республикасы Қаржы министрлiгi Қазынашылық комитетiнің Түркістан облысы бойынша қазынашылық департаментi Мақтаарал ауданының қазынашылық басқармасы" республикалық мемлекеттiк мекемесі.

      3. "Қазақстан Республикасы Қаржы министрлiгi Қазынашылық комитетiнің Түркістан облысы бойынша қазынашылық департаментi Келес ауданының қазынашылық басқармасы" республикалық мемлекеттiк мекемесі.

  Қазақстан Республикасы
Үкiметiнiң
2018 жылғы 29 желтоқсандағы
№ 931 қаулысына
2-қосымша

Қазақстан Республикасы Қаржы министрлiгi Қазынашылық комитетiнiң қайта ұйымдастырылатын аумақтық органдары – мемлекеттiк мекемелерiнiң тiзбесi

      1. "Қазақстан Республикасы Қаржы министрлiгi Қазынашылық комитетiнің Қарағанды облысы бойынша Қазынашылық департаментiнің Октябрь аудандық қазынашылық басқармасы" республикалық мемлекеттік мекемесін қосу жолымен "Қазақстан Республикасы Қаржы министрлiгi Қазынашылық комитетiнің Қарағанды облысы бойынша Қазынашылық департаментi" республикалық мемлекеттік мекемесі.

      2. "Қазақстан Республикасы Қаржы министрлiгiнiң Қазынашылық комитетi Алматы қаласы бойынша Қазынашылық департаментiнің Алмалы аудандық қазынашылық басқармасы" республикалық мемлекеттік мекемесі мен "Қазақстан Республикасы Қаржы министрлiгi Қазынашылық комитетiнің Алматы қаласы бойынша Қазынашылық департаментiнің Бостандық аудандық қазынашылық басқармасы" республикалық мемлекеттік мекемесін қосу жолымен "Қазақстан Республикасы Қаржы министрлiгi Қазынашылық комитетiнің Алматы қаласы бойынша Қазынашылық департаментi" республикалық мемлекеттік мекемесі.

  Қазақстан Республикасы
Үкіметінің
2018 жылғы 29 желтоқсандағы
№ 931 қаулысына
  3-қосымша

Қазақстан Республикасы Қаржы министрлігі Қазынашылық комитетінің және Қазақстан Республикасы Қаржы министрлігі Мемлекеттік кірістер комитетінің қайта аталатын аумақтық органдары – республикалық мемлекеттік мекемелерінің тiзбесi

      1. Қазақстан Республикасы Қаржы министрлігінің Қазынашылық комитеті бойынша:

      1) "Қазақстан Республикасы Қаржы министрлiгi Қазынашылық комитетiнің Павлодар облысы бойынша Қазынашылық департаментiнiң Қашыр аудандық қазынашылық басқармасы" республикалық мемлекеттік мекемесі – "Қазақстан Республикасы Қаржы министрлiгi Қазынашылық комитетiнің Павлодар облысы бойынша қазынашылық департаментi Тереңкөл ауданының қазынашылық басқармасы" республикалық мемлекеттік мекемесі;

      2) "Қазақстан Республикасы Қаржы министрлiгi Қазынашылық комитетiнің Павлодар облысы бойынша Қазынашылық департаментiнiң Лебяжі аудандық қазынашылық басқармасы" республикалық мемлекеттік мекемесі – "Қазақстан Республикасы Қаржы министрлiгi Қазынашылық комитетiнің Павлодар облысы бойынша қазынашылық департаментi Аққулы ауданының қазынашылық басқармасы" республикалық мемлекеттік мекемесі.

      2. Қазақстан Республикасы Қаржы министрлігінің Мемлекеттік кірістер комитеті бойынша:

      1) "Қазақстан Республикасы Қаржы министрлiгiнің Мемлекеттік кірістер комитеті Павлодар облысы бойынша Мемлекеттік кірістер департаментінің Қашыр ауданы бойынша Мемлекеттік кірістер басқармасы" республикалық мемлекеттік мекемесі – "Қазақстан Республикасы Қаржы министрлігі Мемлекеттік кірістер комитетінің Павлодар облысы бойынша мемлекеттік кірістер департаменті Тереңкөл ауданының мемлекеттік кірістер басқармасы" республикалық мемлекеттік мекемесі;

      2) "Қазақстан Республикасы Қаржы министрлiгiнің Мемлекеттік кірістер комитеті Павлодар облысы бойынша Мемлекеттік кірістер департаментінің Лебяжі ауданы бойынша Мемлекеттік кірістер басқармасы" республикалық мемлекеттік мекемесі – "Қазақстан Республикасы Қаржы министрлігі Мемлекеттік кірістер комитетінің Павлодар облысы бойынша мемлекеттік кірістер департаменті Аққулы ауданының мемлекеттік кірістер басқармасы" республикалық мемлекеттік мекемесі.

Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады