1994 жылғы 27 желтоқсандағы Қазақстан Республикасы Азаматтық кодексінің (Жалпы бөлім) 193-1-бабына сәйкес Қазақстан Республикасының Үкіметі ҚАУЛЫ ЕТЕДІ:
1. "Sky Service" жауапкершілігі шектеулі серіктестігіндегі қатысу үлесінің 40 %-ын ұстаушы "Верный Капитал" акционерлік қоғамына "Sky Service" жауапкершілігі шектеулі серіктестігіндегі қатысу үлесінің 40 %-ын Leria S.a r.l. жауапкершілігі шектеулі қоғамының пайдасына иеліктен шығару жөнінде мәміле жасасуға рұқсат берілсін.
2. "Sky Service" жауапкершілігі шектеулі серіктестігіндегі қатысу үлесінің 60 %-ын ұстаушы Рүстем Сәбитұлы Бектұровқа "Sky Service" жауапкершілігі шектеулі серіктестігіндегі қатысу үлесінің 30 %-ын Әлжан Берікұлы Имашевтың пайдасына иеліктен шығару жөнінде мәміле жасасуға рұқсат берілсін.
3. Осы қаулы қол қойылған күнінен бастап қолданысқа енгізіледі.
|
Қазақстан Республикасының Премьер-Министрі |
А. Мамин |
