Суды өрт сөндiру қажетiне пайдалану тәртiбi туралы

Күшін жойған

Қазақстан Республикасы Министрлер Кабинетiнiң қаулысы 19 тамыз 1994 ж N 930. Күші жойылды - ҚР Үкіметінің 2005 жылғы 9 ақпандағы N 124 қаулысымен

      "Қазақстан Республикасының Су кодексiн күшiне енгiзу туралы" Қазақстан Республикасы Жоғарғы Кеңесiнiң 1993 жылғы 31 наурыздағы N 2062 қаулысына сәйкес Қазақстан Республикасының Министрлер Кабинетi қаулы етедi: 
      былай деп белгiленсiн: 
      судың ласталмауы қамтамасыз етiлетiн болса өрт сөндiруге қажеттi суды кез келген су тоғандарынан ерекше рұқсатсыз алуға болады; 
      осы мақсат үшiн су алу орнын таңдауды су ресурстарын басқару, табиғатты қорғау және денсаулық сақтау мемлекеттiк органдары қоятын шарттарды орындай отырып, Қазақстан Республикасы Iшкi iстер министрлiгiнiң жергiлiктi өрттен қорғау органдары, ал оларды жабдықтауды /бекеттер, кiрме жолдар, жарық белгiлерi және т.б./ - жергiлiктi әкiмдер жүзеге асырады; 
      қай ведомствоға жататынына және меншiк нысанына қарамастан, су құбырлары ғимараттары мен жүйелерiнен өрт сөндiруге қажеттi су алу қолданылып жүрген нормативтiк актiлерге сәйкес жүзеге асырылады; 
      өз балансында су құбырлары ғимараттары мен жүйелерi бар заңды ұйымдар өрт сөндiру ғимараттары мен қондырғыларының жарамды күйде болуын қамтамасыз етуге мiндеттi. 

      Қазақстан Республикасының
     Премьер-министрi

Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады