Ескерту. Тақырыптағы және мәтіндегі "ішкі істер" деген сөздерден кейін ", Әділет министрлігінің қылмыстық-атқару жүйесі" деген сөздермен толықтырылды - ҚР Үкіметінің 2001.12.28. N 1755 қаулысымен. P011755_
Қазақстан Республикасының Министрлер Кабинетi қаулы етедi:
Қазақстан Республикасы iшкi iстер, Әділет министрлігінің қылмыстық-атқару жүйесі органдарының қатардағы және басшы құрамындағы адамдарға ақшалай төлем жасау туралы қоса берiлiп отырған Ереже бекiтiлсiн.
Қазақстан Республикасының
Премьер-министрi
Қазақстан Республикасы
Министрлер Кабинетiнiң
1995 жылғы 10 наурыздағы
N 239 қаулысымен
БЕКIТIЛГЕН
Қазақстан Республикасы iшкi iстер, Әділет министрлігінің
қылмыстық-атқару жүйесі органдарының қатардағы және басшы
құрамындағы адамдарға ақшалай төлем жасау туралы
ЕРЕЖЕ
Ескерту. Тақырып өзгерді - ҚР Үкіметінің 2001.12.28. N 1755
қаулысымен. P011755_
Жалпы қағидалар
1. Осы Ереже бойынша ақшалай төлем iшкi iстер органдарының, Әділет министрлігінің қылмыстық-атқару жүйесінің қатардағы және басшы құрамындағы мына адамдарға:
а) Қазақстан Республикасы Iшкi iстер министрлiгiнiң орталық аппаратында, бас басқармаларының, облыстар мен Алматы және Ленинск қалалары iшкi iстер басқармаларының, көлiктерi iшкi iстер басқармалары мен бөлiмдерiнiң аппараттарында, қалалық және аудандық басқармаларында, iшкi iстер бөлiмдерi мен бөлiмшелерiнде, станциялардағы, әуе-жайлардағы және айлақтардағы iшкi iстер бөлiмдерi мен бөлiмшелерiнде, милиция бөлiмшелерiнде, тергеу оқшаулағыштарында, Бас күзет басқармасы мен басқармаларында (бөлiмдерiнде, бөлiмшелерiнде), қалалар мен оқу орындарындағы, ғылыми-зерттеу мекемелерiндегi объектiлердiң әскерилендiрiлген өрт сөндiру күзеттерiнде, әскери және арнаулы жабдықтау органдарында және Қазақстан Республикасы Iшкiiсминiнiң басқа да мекемелерiнде қатардағы және басшы құрамында штатта қызмет атқаратындарға;
Қазақстан Республикасының Әдiлет министрлiгi Қылмыстық-атқару жүйесi комитетiнiң орталық аппаратындағы, облыстар басқармаларының (бөлiмдерiнiң) аппараттарындағы, түзеу мекемелерiндегi, күзет және қадағалау бөлiмдерiндегі (бөлiмшелерiндегі), оқу орындарындары мен басқа да мекемелердегi және Қазақстан Республикасының Әдiлет министрлiгi Қылмыстық-атқару жүйесi комитетiнiң органдарындағы қатардағы және басшы құрамындағы адамдардың штаттық лауазымын атқаратындарға**
ә) Қазақстан Республикасы Iшкiiсминiнiң, Әдiлет министрлiгiнiң Қылмыстық-атқару жүйесi комитетiнiң оқу орындарында оқып жүргендерге;
б) iшкi iстер органдарының не қылмыстық-атқару жүйесi органдарының
қарамағындағы (резервiндегi) адамдарға төленедi.
* Ескерту: Қысқартып алу үшiн одан әрi бұл органдар мен
мекемелер iшкi iстер органдары деп аталады.
** Бұдан әрi қысқартып алу үшiн бұл органдар мен мекемелер
қылмыстық-атқару жүйесiнiң органдары деп аталады.
Ескерту. 1-тармақ өзгерді - ҚР Үкіметінің 2001.12.28. N 1755
қаулысымен.
2. Қатардағы және басшы құрамындағы адамдарға ақшалай төлем
(табысы) мыналардан:
ақшалай төлемнiң айлық еңбекақысынан;
еңбек сiңiрген жылдары үшiн проценттiк үстемеден;
айлық азық-түлiк сыбағасы құнының сомасынан;
тұрақты сипаттағы өсiрулерден, қосымша төлемдерден,
үстемелерден тұрады.
Ақшалай төлемiнiң айлық ақысы:
штаттық лауазым бойынша еңбекақыдан, соның iшiнде сақталған
еңбекақыдан;
арнаулы әскери атағы бойынша еңбекақысынан тұрады.
Лауазымдық еңбекақылардың артуы жаңа лауазымдық еңбекақыны
құрайды.
Қазақстан Республикасы Iшкiiсминiнiң, Әдiлет министрлiгiнiң Қылмыстық-атқару жүйесi комитетiнiң оқу орындары тыңдаушылары мен курсанттарының кейбiр санаттарына ақшалай төлемдердiң бiр түрi шәкiртақы болып табылады.
3. Iшкi iстер, қылмыстық-атқару жүйесi органы бастығының оның номенклатурасына енетiн штаттық лауазымға тағайындау туралы, қарамағына (резервiне) қосу туралы бұйрығы, оқу орны бастығының оқуға алу туралы бұйрығы ақшалай төлем жасау үшiн негiз болып табылады.
4. Қатардағы және басшы құрамындағы адамдарға ақшалай төлем Қазақстан Республикасының Ұлттық Банкiмен келiсiлген мерзiмдерде төленедi.
Кезектi арнаулы әскери атақты беруге, басқа лауазымға тағайындауға, еңбек сiңiрген жылдары үшiн проценттiк үстеменiң өзгеруiне, басқа да негiздерге байланысты қайта есептеу бойынша ақшалай төлемдер де сол мерзiмде төленедi.
Қатардағы және басқарушы құрамындағы мына адамдарға:
демалысқа кетiп бара жатқандарға және қызметi бойынша ауыстырылғандарға - сол ай мен келесi ай үшiн, бiрақ демалыс пен мереке күндерiн есептемегенде, демалысқа немесе жаңа қызмет орнына кетуiне дейiн үш күннен бұрын емес;
қызметi бойынша iссапарға кетiп бара жатқандарға - сол айға, егер олар сол айдың ақшалай төлемi берiлетiн күнгi қызмет орнына жете алмайтын болса, демалыс пен мереке күндерiн есептемегенде, iссапарға кетерiнен бiр күн бұрын ақшалай төлемiн белгiленген мерзiмнен бұрын төлеуге жол берiледi.
Басқа елдi мекенге көшуiне байланысты қызметi бойынша ауыстырылғанда, соның iшiнде лауазымнан босатыла отырып, оқу орнына кеткенде, бұрынғы қызмет орны бойынша ақшалай төлем кадр аппаратының ұйғарымнамасында көрсетiлген жаңа қызмет (оқу) орнына келген күнiне дейiн төленедi.
Ақшалай төлем есебiне аванс беруге рұқсат етiлмейдi.
5. Толық емес айға ақшалай төлем жасалғанда, күнтiзбелiк күнге төлем мөлшерi толық айға тиесiлi ақшалай төлем сомасын осы айдағы күнтiзбелiк күндердiң санына бөлу жолымен белгiленедi.
Егер осы тармақта баяндалған ережелер бойынша ақшалай төлем жасалатын кезеңде қатардағы немесе басқарушы құрамындағы адамдардың еңбек сiңiрген жылдары үшiн бастапқы немесе кезектi үстеме, сондай-ақ ақшалай төлемдердiң басқа да қосымша түрлерiн алуға құқығы пайда болса, онда ақшалай төлем бұл құқық пайда болған күннен бергi уақыт үшiн аталған өзгерiстер есепке алына отырып төленедi.
6. Iшкi iстер қылмыстық-атқару жүйесi органдары кадрлары қатарында қалдырыла отырып, Қазақстан Республикасының өкiлдi және атқарушы органдарына iссапармен жiберiлген қатардағы және басқарушы құрамындағы адамдарға осы органдар белгiлеген мөлшерде жалақы төленедi. Егер бұл органдар төлейтiн жалақы iссапарға дейiн алып келген ақшалай төлемнен кем болса (кезектi арнаулы атақ берiлгенде - арнаулы әскери атағы бойынша еңбек ақысы мен қатардағы және басқарушы құрамдағы адамдарға лауазымдық еңбек ақыларының iссапарға жiберiлгеннен кейiн өсуiн есепке ала отырып), онда тиiстi айырмашылықты Қазақстан Республикасының Iшкi iстер министрлiгi Әдiлет министрлiгiнiң Қылмыстық-атқару жүйесiнiң комитетi төлейдi.
Қазақстан Республикасының Президентi Аппараты мен Министрлер Кабинетiне iссапармен жiберiлген басқарушы құрамындағы адамдарға Қазақстан Республикасының Президентi Аппараты мен Министрлер Кабинетiнiң тиiстi санатындағы қызметкерлерi үшiн белгiленген лауазымдық еңбекақылары, сондай-ақ арнаулы әскери атағы бойынша еңбекақылары, еңбек сiңiрген жылдары проценттiк үстеме және азық-түлiк сыбағасының орнына ақшалай төлем төленедi. Бұл ретте оларға лауазымдық еңбекақылар мен сыйлықтар Қазақстан Республикасының Президентi Аппараты мен Министрлер Кабинетiн ұстауға жұмсалатын қаражат есебiнен төленедi, ал оларға тиесiлi ақшалай табыстың барлық қалған түрлерiн Қазақстан Республикасының Iшкi iстер министрлiгi өтейдi.
Қазақстан Республикасы Iшкi iстер министрлiгiнiң Әдiлет министрлiгi Қылмыстық-атқару жүйесi комитетiнiң кадрлары қатарында қалдырыла отырып, басқа министрлiктер мен ведомстволарға немесе оларға қарасты мекемелер мен кәсiпорындарға iссапармен жiберiлген қатардағы және басқарушы құрамындағы адамдарға iссапарға кеткен күнiнен және жаңа жұмыс орнына дейiнгi жолға кеткен уақыты үшiн ақшалай төлемдi iшкi iстер қылмыстық-атқару жүйесi органдары төлейдi.
Ескерту. 6-тармақ өзгерді - ҚР Үкіметінің 2001.12.28. N 1755
қаулысымен. P011755_
7. Төлем жасау сәтiнде қолданылған ережелер мен нормалар негiзiнде осы Ережемен белгiленген мерзiмде берiлген ақшалай төлем, егер оған құқығы төленгеннен кейiн жойылса, қайтарылуға жатпайды.
Берiлген ақшалай төлем оны алған адамдардан iшкi iстер , қылмыстық-атқару жүйесi органы бастығының өкiмi бойынша мынадай жағдайда:
қызметi бойынша ауыстырылуға ақшалай төлем жасалып, егер ауыстыру болмай қалғанда;
дәлелдi себепсiз қызметте болмаған уақыты үшiн;
рапорт деректерi ақшалай аттестатының көшiрмесiне сәйкес келмеген жағдайда өндiрiлiп алынуы мүмкiн.
8. Iшкi iстер органдары туралы Заңға сәйкес қызметтi қоса атқаратын қатардағы және басқарушы құрамындағы адамдарға қоса атқаратын қызметi бойынша төлем нақтылы iстеген уақыты үшiн төленедi, бiрақ ол осы қызметтегi еңбек ақысының жартысынан аспауы тиiс (осы лауазым үшiн көзделiнген еңбекақы мен коэффициенттердiң арттырылуын есепке алғанда).
9. Жұмыс уақытында сағаттық төлем шартымен педагогикалық жұмыс жүргiзуiне рұқсат етiлген қатардағы және басқарушы құрамындағы адамдарға жұмыс уақытында педагогикалық жұмыс жүргiзудiң рұқсат етiлген нормасы шегiнде қолданылатын ставкалар бойынша белгiленген тәртiппен төлем жасалады.
10. Шаруашылық қызметiнiң нәтижелерi үшiн сыйлықтар беру туралы Ереже iшкi iстер, қылмыстық-атқару жүйесi органдарының қатардағы және басшы құрамына қолданылатын Қазақстан Республикасының Iшкiісминi, Әдiлет министрлiгiнiң Қылмыстық-атқару жүйесi комитетiнiң жүйесiнiң мекемелерiнде, ұйымдар мен кәсiпорындарда берiлетiн сыйлықтар сол туралы Ережелерде көзделген лауазымдық еңбекақы (соның iшiнде көтерiңкi) мөлшерiнде есептелiнедi.
11. Қатардағы және басшы құрамындағы адамдарға демалыс күндерi мереке күндерiндегi жұмысы үшiн ақы Қазақстан Республикасының еңбек заңдарында көзделген жағдайларда және Қазақстан Республикасы Iшкiiсминiнiң, Әдiлет министрлiгiнiң Қылмыстық-атқару жүйесi комитетiнiң бұйрықтары негiзiнде төленедi.
Апта сайынғы демалыс күндерiндегi және мереке күндерiндегi атқарылған жұмыс қызметкердiң келiсуiмен басқа демалыс күндерiн берумен немесе ақшалай төлемнiң айлық сомасына қарай екi еселенген мөлшерде ақшалай түрiнде өтелiне алады.
12. Дәлелсiз себеппен қызметте болмаған (кешiккен) уақыты үшiн қатардағы және басшы құрамындағы адамдарға ақшалай төлем жасалмайды.
13. Қатардағы және басшы құрамындағы екiқабат әйелдер мен аналар заңдарда белгiленген барлық құқықтар мен жеңiлдiктердi пайдаланады.
14. Қатардағы және басшы құрамындағы адамдарға тиесiлi және оларға уақытылы төленбеген немесе толық төленбеген ақшалай төлем қатардағы және басшы құрамындағы адамдардың оған құқығы болған бүкiл кезеңге, бiрақ толық төленбеген күндi анықтағанда немесе талап қойылғанға дейiнгi үш жылдан аспайтын уақытқа төленедi.
Бұрын белгiсiз болған және жеке iс қағаздарында есепке алынбаған қызмет кезеңдерi (еңбек сiңiрген жылдары үшiн, кейбiр шалғай жерлердегi қызметi үшiн үстеме, шифрлау жұмысы және басқалары) үшiн үстеме жөнiнде расталған жағдайларда, ақшалай төлем жаңадан белгiленген мөлшерiнде, өткен уақыт үшiн қайта есептелiнбейдi, есепке алынбаған еңбек сiңiрген жылдарын растайтын құжаттар iшкi iстер, қылмыстық-атқару жүйесi органдарына түскен күннен немесе оларды қатардағы және басқарушы құрамындағы адамдар тапсырған күннен бастап төленедi.
Егер қатардағы және басшы құрамындағы адамдарға ақшалай төлем iшкi iстер, қылмыстық-атқару жүйесi органдары лауазымды адамдарының кiнәсi бойынша тиiстi мөлшерден кем төленiп келсе, толық төленбеген күнi белгiленген немесе талап қойылған күнге дейiнгi, бiрақ үш жылдан аспайтын мерзiмге ақшалай төлем бойынша қайта есептеулер жүргiзiледi.
15. Төлемдердiң нормалары мен тәртiбiн дұрыс қолданбауы салдарынан, ақшалай төлем артық немесе заңсыз төлеген жағдайда, мемлекетке келтiрген зияны үшiн материалдық жауапкершiлiк туралы қолданылып жүрген ережелерге сәйкес артық төлеуге (заңсыз төлеуге) кiнәлi лауазымды адамдардан өндiрiлiп алынады.
Есептеудегi қателiктердiң салдарынан артық берiлген ақшалай төлем сомасын қайтару үшiн қате есептелген сома төленген күннен кемiнде бiр ай мерзiм iшiнде осы сома алған адамнан тiкелей ұсталынады.
Лауазымдық еңбекақылар, арнаулы әскери атақтары
бойынша еңбекақылар
16. Қатардағы және басшы құрамындағы адамдардың лауазымдық еңбекақылар қызметiн орындауға кiрiскен күннен бастап төленедi, бiрақ бұйрықта көрсетiлген күннен бұрын емес немесе егер лауазымда тағайындалған күн көрсетiлмесе, тағайындау туралы бұйрыққа қол қойылған күннен бастап төленедi.
17. Қатардағы және басшы құрамындағы адамдардың лауазымдық еңбекақылары iшкi iстер, қылмыстық-атқару жүйесi органдарының штаттарында көрсетiлген және Қазақстан Республикасы Министрлер Кабинетiнiң қаулысымен бекiтiлген мөлшерде төленедi.
18. Лауазымы бойынша ең аз және ең көп еңбекақы көзделiнген жағдайда осы лауазымға тағайындалған қатардағы және басшы құрамындағы нақты адамның еңбекақысын берiлген кластылығына немесе бұл адамның iскерлiк қабылетiне, жұмыс тәжiрибесiне, атқаратын қызметi бойынша орындайтын мiндетiнiң күрделiлiгi мен көлемiне байланысты белгiленген ең аз және ең көп шегiнде iшкi iстер, қылмыстық-атқару жүйесi органының бастығы белгiлейдi.
Мұндай жағдайда еңбекақылардың мөлшерi iшкi iстер органы бойынша бұйрықпен жария етiледi.
19. Орта басшы құрамындағы лауазымға тағайындалған қатардағы және кiшi басшы құрамындағы адамдарға орта басшы құрамының арнаулы әскери атағы берiлгенге дейiн атқаратын штаттық қызметтi бойынша белгiленген еңбекақы, арнаулы әскери атағы бойынша еңбекақы және еңбек сiңiрген жылдары үшiн проценттiк үстеме төленедi.
Орта басшы құрамындағы қызметке тағайындалған iшкi iстер, қылмыстық-атқару жүйесi органдарының қатардағы және кiшi басшы құрамындағы адамдардың орта басшы құрамындағылардан лауазымы бойынша ақшалай төлемi бұрын алып жүрген ақшалай төлемнен төмен болған жағдайда, онда бұл адамдарға орта басшы құрамының лауазымы бойынша тең немесе неғұрлым жоғары ақшалай төлем құқығына жеткенше тиiстi айырмашылығы төленедi. Аталған айырмашылық қатардағы немесе кiшi басшы құрамындағы адамның орта басшы құрамындағы лауазымға тағайындалған сәтiндегi ақшалай төлемiне қарай есептелiнедi.
20. Қатардағы және кiшi басшы құрамындағы адам басқа iшкi iстер, қылмыстық-атқару жүйесi органына ауыстырыла отырып орта басшы құрамындағы лауазымға тағайындалған жағдайда, айырмашылық, осы Ереженiң 19-тармағына сәйкес, қызметкер ауысқан және ауыстырылған iшкi iстер, қылмыстық-атқару жүйесi органдарының тарифтенуiне қарамастан, осы адам орта басшы құрамының тағайындалу сәтiнде нақтылы алатын ақшалай төлемiне қарай есептелiнедi.
Қатардағы немесе орта басшы құрамындағы адам белгiлi бiр коэффициенттер, жоғары еңбекақылар төленетiн жерде мұнда қатардағы және кiшi басшы құрамының бұл санатына осындай жеңiлдiктер көзделiнбеген жерге ауыстырыла отырып орта басшы құрамындағы қызметке тағайындалған жағдайда, осы Ереженiң 19-тармағына сәйкес айырмашылық аталған жеңiлдiктер ескерiлместен есептелiнедi.
Егер қатардағы немесе кiшi басшы құрамындағы адам орта басшы құрамының лауазымына ауыстыру тәртiбiмен тағайындалған жерде қатардағы және орта басшы құрамының осы санаты үшiн өзгеше жеңiлдiктер белгiленiлсе, онда айырмашылықты есептеу жеңiлдiктерiн ескере отырып, бұрын алған ақшалай төлемiне қарай, бiрақ ауыстырылу күнiне дейiн нақтылы алған айлық еңбекақысынан есептелген ақшалай төлемiнен және жаңа қызметiнiң орны бойынша қатардағы және кiшi басшы құрамының сол санатындағылар үшiн белгiленген жеңiлдiктерiнен аспайтын мөлшерде жүргiзiледi.
21. Iшкi iстер, қылмыстық-атқару жүйесi органдарында штаттық лауазымда қызмет атқаратын қатардағы және басшы құрамындағы адамдарға Қазақстан Республикасының Министрлер Кабинетi белгiлеген мөлшерде оларға дербес берiлген басшы құрамның арнаулы әскери атақтары бойынша еңбекақылар төленедi.
Қатардағы және басшы құрамдағыларға арнаулы әскери атақтары бойынша еңбекақылар төлеу арнаулы әскери атақ беру туралы бұйрыққа қол қойылған күннен бастап жүргiзiледi.
Ақшалай төлемдi сақтау
Ақшалай төлемдегi айырмашылықты өтеу
22. Iшкi iстер, қылмыстық-атқару жүйесi органдарының орта, аға және жоғары басшы құрамындағы адамдарды Қазақстан Республикасы Iшкiiсминiнiң, Әдiлет министрлiгi Қылмыстық-атқару жүйесi комитетiнiң жоғары және арнаулы орта оқу орындарына арнаулы пәндер бойынша басшы және педагогикалық жұмысқа тағайындағанда, оларға әрбiр нақтылы жағдайда Қазақстан Республикасының Iшкi iстер министрлiгi және Әдiлет министрлiгi белгiлеген тәртiппен, егер еңбекақылары бұрынғы қызмет орны бойынша алғаннан төмен болса, оқу орнына тағайындалғанға дейiнгi соңғы негiзгi (уақытша атқарғаны емес) лауазымдары бойынша лауазымдық еңбекақылары (соның iшiнде көтерiңкiлерi), содан кейiнгi өсуi ескерiле отырып, сақталына алады. Қызметi төмендегенде, сондай-ақ лауазымдық еңбекақысын сақтау көзделмеген қызметке ауыстырылғанда, сақталынған лауазымдық еңбекақыны төлеу тоқтатылады.
Ескерту. 22-тармақ өзгерді - ҚР Үкіметінің 2001.12.28. N 1755
қаулысымен. P011755_
23. Штаттың қысқартылуына байланысты төменгi лауазымдарға ауыстырылған орта, аға және басшы құрамындағы адамдарға штатты қысқартуға дейiнгi лауазымы бойынша тең немесе одан жоғары еңбекақысы бар қызметке тағайындалғанға дейiнгi мерзiмге бұрынғы лауазымы бойынша еңбекақысы сақталады. Жасы штаттың қысқартылуы немесе денсаулығының нашарлауы бойынша зейнеттiк құқығынсыз iшкi iстер, қылмыстық-атқару жүйесi органдарынан босатылған басшы құрамындағы адамдарға дербес берiлген арнаулы әскери атағы бойынша, бiр жыл бойына еңбекақы төленедi.
Қызмет атқарып жүрген кезеңде жаралану, дене жарақатын алу, ауруға шалдығу салдарынан iшкi iстер, қылмыстық-атқару жүйесi органының қызметкерi лауазымынан төмендеген жағдайда, оған соңғы төмендеу алдындағы лауазымы бойынша ақшалай төлемi тең немесе жоғары лауазымға тағайындалғанға дейiнгi мерзiмге соңғы төмендеу алдыңғы лауазымы бойынша ақшалай төлем жасалады.
Қазақстан Республикасының Iшкiiсминi оқу орындарының
тыңдаушылары мен курсанттарына ақшалай төлем
24. Оқу орындарының таңдаушылары мен курсанттарына сабақтар басталысымен:
а) iшкi iстер, қылмыстық-атқару жүйесi органдарының қатардағы және кiшi басқарушы құрамындағы адамдары болып табылмайтын жұмысшылар, қызметшiлер және басқа азаматтар қатарынан, сондай-ақ iшкi iстер, қылмыстық-атқару жүйесi органдарында алты айдан кем қызмет стажы бар қатардағы және кiшi басшы құрамының адамдары қатарынан оқуға қабылданғандарға - шәкiртақы (стипендия);
ә) iшкi iстер, қылмыстық-атқару жүйесi органдарында алты ай және одан да көп қызмет стажы бар қатардағы және басшы құрам адамдары қатарынан қабылданғандарға - оқуға жiберiлгенге дейiнгi соңғы негiзгi (уақытша атқарғаны емес) штаттық лауазымы бойынша ақшалай төлем берiледi.
25. Қазақстан Республикасы Iшкiiсминiнiң, Әдiлет министрлiгiнiң Қылмыстық-атқару жүйесi комитетiнiң жоғары оқу орындары мен ғылыми-зерттеу мекемелерi жанындағы күндiзгi адъюнктураға қабылданған басшы құрамдағы адамдарға оқыған уақытында оқуға жiберiлгенге дейiнгi атқарған соңғы негiзгi (уақытша атқарғаны емес) штаттық лауазымы бойынша ақшалай төлем жасалады. Күндiзгi адъюнктурада оқитын басшы құрам адамдарының лауазымдық еңбекақылары:
Қазақстан Республикасы Iшкiiсминiнiң, Әдiлет министрлiгiнiң Қылмыстық-атқару жүйесi комитетiнiң жоғары оқу орындары жанындағы кемiнде - бес жыл ғылыми-педагогикалық жұмыс стажы бар тиiстi кафедра оқытушысының еңбекақысынан;
Қазақстан Республикасы Iшкiiсминi, Әдiлет министрлiгiнiң Қылмыстық-атқару жүйесi комитетiнiң ғылыми-зерттеу институттары жанындағы - тиiстi бөлiмiнiң аға ғылыми қызметкерi еңбекақысынан аспауы тиiс.
26. Қызмет орны бойынша лауазымы сақталмайтын, бiрақ оқитын уақыты үшiн соңғы негiзгi штаттық лауазымы бойынша ақшалай төлем жасалатын жоғары және орта арнаулы оқу орындарына қабылданған қатардағы және басшы құрамындағы адамдарға оқу кезеңi мен оқитын жерiне барарда;
а) шөлдi, биiк таулы және сусыз жерлердегi жұмысы үшiн аудандық коэффициенттерi, экологиялық зiлзала аймақтарында тұрғаны үшiн коэффициенттерi;
ә) барлық басқа көтерiңкi еңбекақылары, үстемелерi (еңбек сiңiрген жылдары үшiн үстемелердi қоспағанда) және қосымша төлемдерi сақталмайды.
27. Оқу кезеңiнде арнаулы әскери атақ берiлген оқу орындарының тыңдаушылары мен курсанттарына сол атақтары үшiн төлем жасалады, бұл ретте оқу кезеңiнде сақталған ақшалай төлемiн алатын қатардағы және кiшi басшы құрамы адамдарына - бұрынғы атқарған қызметi бойынша лауазымдық еңбекақысы, дербес берiлген арнаулы әскери атағы бойынша еңбекақысы мен еңбек сiңiрген жылдары үшiн проценттiк үстемесi есебiмен, шәкiртақы алушыларға - Қазақстан Республикасының Министрлер Кабинетi белгiлеген және арнаулы әскери атақ берiлгендегi шәкiртақы мөлшерi есебiмен төленедi.
Қазақстан Республикасы Iшкiiсминнiң, Әдiлет министрлiгiнiң Қылмыстық-атқару жүйесi комитетiнiң жоғары оқу орындарын бiтiргеннен кейiн тiкелей күндiзгi адъюнктураға қабылданған басшы құрамы адамдарына:
сақталған ақшалай төлемiн алатындарға - бұрынғы атқарған қызметi бойынша лауазымдық еңбекақысы, дербес берiлген әскери атағы бойынша еңбекақысы мен еңбек сiңiрген жылдары үшiн проценттiк үстемесi есебiмен:
шәкiртақы алушыларға - алатын шәкiртақы, дербес берiлген арнаулы әскери атағы бойынша еңбекақысы және еңбек сiңiрген жылдары үшiн үстемесi есебiмен төленедi.
28. Оқуға жiберiлгенге дейiн атқарған соңғы штаттық қызметi бойынша ақшалай төлемi оқу кезеңiнде сақталатын оқу орындарының тыңдаушылары мен курсанттарының сақталынатын ақшалай төлемiнiң мөлшерi тек соңғы штаттық қызметi бойынша лауазымдық еңбекақысы өскен, еңбек сiңiрген жылдары үшiн проценттiк үстеме өзгерген немесе кезектi арнаулы әскери атағы берiлген жағдайда ғана өзгертiледi.
Iшкi iстер, қылмыстық-атқару жүйесi органдарына тағылымдамаға (стажировка) жiберiлген тыңдаушылар мен курсанттарға тағылымдама уақыты үшiн ақшалай төлемдi оқу орны төлейдi. Тағылымдама орны бойынша тағлымгерлер (стажерлар) iшкi iстер, қылмыстық-атқару жүйесi органдарының штаттық лауазымдарына тағайындалған жағдайда оларға штаттық қызметте болған кезеңiнде оқуын одан әрi жалғастыру үшiн оқу орнына кеткенше (жолдан болған уақытын қосқанда) ақшалай төлемнiң айырмашылығы төленедi, бұл туралы ақша аттестатында тиiстi жазулар жазылады.
29. Жоғары оқу орындарын бiтiргеннен кейiн тiкелей адъюнктураға емтихан тапсыруға ұсынылған басшы құрамы адамдарына Қазақстан Республикасы Iшкiiстерминiнiң, Әдiлет министрлiгiнiң Қылмыстық-атқару жүйесi комитетiнiң оқу орнын бiтiргенде төленген мөлшерде ақшалай төлемi (жоғары оқу орнын бiтiргеннен кейiн екi айдан артық емес) сақталынады.
Ескерту: Бұл мерзiмге оқу орнын бiтiргеннен кейiн берiлген демалыс қосылған.
Емтихан сессиясының қорытындылары бойынша тек үздiк бағалары бар Қазақстан Республикасы Iшкiiстерминi, Әдiлет министрлiгiнiң Қылмыстық-атқару жүйесi комитетiнiң оқу орындарының 24-тармақтың (а) тармақшасында аталған тыңдаушылары мен курсанттарының емтихан сессиясынан кейiнгi семестрдiң бiрiншi күнiнен бастап алатын шәкiртақылары 50 процентке, ал тек жақсы және өте жақсы бағалар алғандардың шәкiртақылары 25 процентке арттырылады.
Сынақтар (зачеттар) бойынша сараланып қойылған бағалар, сондай-ақ оқу және өндiрiстiк практика (тағылымдама), курс жұмыстары - (жобалар, сынықтар) бойынша бағалар, ал арнаулы оқу орындарында, бұған қоса, емтихан сессиясына енгiзiлмейтiн пәндер бойынша семестрдегi жиынтықты бағалар тыңдаушылар мен курсанттардың көтерiңкi шәкiртақыға құқығын айқындаған кезде осы тармаққа сәйкес емтихандарда алған бағаларымен теңдестiре есептелiнедi.
Кезектi емтихан сессиясында сынықтары мен емтихандары дәлелдi себептермен толық немесе iшiнара тапсырмаған тыңдаушылар мен курсанттарға төленетiн көтерiңкi шәкiртақылар оларға сынықтар мен емтихандардың жеке мерзiмi белгiленген келесi айдан кейiнгi айдың 1-шi күнiне дейiн сақталады.
Дәлелдi себеппен осы курста қайта оқуға қалдырылған тыңдаушылар мен курсанттарға қайталанған оқу жылындағы шәкiртақылар олар тапсырған соңғы емтихан сессиясының бағаларын есепке ала отырып, кезектi емтихан сессиясының нәтижелерi бойынша төленедi.
30. Оқу орындарын бiтiрген және қызметке бөлу бойынша тиiстi iшкi iстер, қылмыстық-атқару жүйесi органына жiберiлген адамдарға оқуды бiтiрiп, оларға демалыс берiлгеннен бастап штаттық қызметiн атқаруға кiрiскенге дейiн:
а) оқу кезеңiнде сақталған ақшалай төлемiн алып жүргендерге - оқу кезеңiнде алған ақшалай төлемi мөлшерiнде;
ә) шәкiртақы алып жүргендерге - шәкiртақысының, сондай-ақ дербес берiлген арнаулы әскери атағы бойынша еңбекақысының мөлшерiнде ақшалай төлем жасалады.
31. Қазақстан Республикасының Iшкiiсминi жоғары оқу орындары мен ғылыми-зерттеу мекемелерiнiң адъюнктурасында оқыған уақыт ғылыми-педагогикалық (педагогикалық) жұмыс стажына есептелiнедi.
32. Қазақстан Республикасы Iшкiiсминi оқу орындарының тыңдаушылары мен курсанттарына (оқудың сырттай және кешкi түрлерi бойынша оқығандардан басқа) оқу орындарын үздiк бiтiргенi үшiн Қазақстан Республикасы Iшкiiсминiнiң, Әдiлет министрлiгiнiң Қылмыстық-атқару жүйесi комитетiнiң оқу орындарын бiтiргеннен кейiн тiкелей алған арнаулы әскери атағы мен лауазымы бойынша ақшалай төлемiнiң еңбекақысына қарай бiржолғы ақшалай сыйақы төленедi.
Бастапқы даярлық, қайта даярлау, бiлiктiлiктi жетiлдiру
мен арттыру уақыты үшiн ақшалай төлем жасау
33. Штаттық қызметiн жасай отырып, қысқа мерзiмдi курстар мен бастапқы даярлық жиындарына, оқу орындарына қайта даярлау мен бiлiмдерiн жетiлдiруге, бiлiктiлiктi арттыру курстарына, факультеттерi мен институттарына уақытша кеткен қатардағы және басшы құрамы адамдарына оқитын уақыты үшiн, сондай-ақ оқу орнына бару мен қайтар жолға кететiн уақыты үшiн негiзгi штаттық лауазымы бойынша алатын ақшалай төлемi берiледi.
34. Оқу орнына бару мен қайта жолына кететiн уақытты есептемегенде, бiрақ екi айдан артық болмайтын, оқыған уақыты үшiн қатардағы және басшы құрамындағы адамдар нақтылы алатын мыналар да:
а) аудандық коэффициенттерi, экологиялық зiлзала аймақтарында тұрғаны үшiн, биiк таулы, шөлдi, сусыз жерлерде жұмыс iстегенi үшiн коэффициенттерi сақталады.
Аталған коэффициенттер сондағы қызметi үшiн төленетiн аудандар мен жерлерден тысқары оқудың екi айы өткеннен кейiн бұл коэффициенттердi төлеу тоқтатылады.
Егер оқу қатардағы және басшы құрамы адамдары үшiн осы тармақтың (а) тармақшасында көрсетiлген, оқуға келгенге дейiнгi нақтылы алғанмен бiрдей жеңiлдiктер белгiленген аудандар мен жерлерде өткiзiлсе, онда коэффициенттер оқудың бүкiл уақытына сақталады.
Нақтылы алатындарынан өзгеше жеңiлдiктер белгiленген аудандар мен жерлерде қатардағы және басшы құрамы адамдарына екi айдан астам оқу уақыты үшiн осы тармақтың (а) тармақшасында аталған оқу орнында қолданылатын коэффициенттер төленедi;
ә) ғылыми атағы мен ғылыми дәрежесi үшiн үстемелер;
а) қызметтiң ерекше жағдайлары үшiн үстемелер сақталады.
Шифрлаушы қызметкерлер мен жұмылдырушы қызметкерлердi қысқа мерзiмдi жиындар мен кадрларды даярлау, қайта даярлау, олардың бiлiктiлiгiн жетiлдiру мен арттыру курстарына жiберген кезде шифрлық және жұмылдырушылық жұмыс үшiн үстеме оқудың барлық уақытында сақталады.
35. Оқыған уақытында өздерiне сақталатын лауазымдары бойынша ақшалай төлем алатын қатардағы және басшы құрамы адамдарын оқу кезеңiнде басқа штаттық қызметке тағайындаған жағдайда (басқа жаңа штатқа ауысу және басқа себептер), сондай-ақ тарифтiк топтары өзгерген жағдайда оқу кезеңiнде лауазымдық еңбекақы мөлшерi өзгертiлмейдi.
Егер тұтас жүйе бойынша еңбекақылардың жалпы өзгеруiне орай сақталған лауазым жөнiндегi ақшалай төлем (лауазымдық еңбекақы) оқу кезеңiнде өзгертiлсе, онда ақшалай төлем тағайындалған сәтiнен еңбекақы ескерiле отырып төленедi.
Қызметтi уақытша атқарған кезде ақшалай төлем жасау
36. Сол органда неғұрлым жоғары еңбек ақысы бар басқа да лауазымдарды уақытша атқару белгiленген тәртiппен жүктелген штаттық қызметтегi қатардағы және басшы құрамындағы адамдарға уақытша атқаратын қызметтерi бойынша лауазымдық еңбекақылар (осы Ереженiң 38 және 45-тармақтарын ескере отырып) төленедi.
Қызметтi уақытша атқарудың үздiксiз мерзiмi қызметке кiрiскен күннен бастап саналады, бiрақ бұйрықта көрсетiлген датадан бұрын емес, ал датасы көрсетiлмеген жағдайда - бұйрыққа қол қойылып, қызметтi атқарудан босатылғанға дейiн саналады.
37. Босаған лауазымды уақытша атқаруға қатардағы және басшы құрамындағы адамдарды жiберу осы лауазым номенклатурасына енетiн iшкi iстер, қылмыстық-атқару жүйесi органы бастығының бұйрығымен (санкциясымен, жiберуге рұқсатымен) ресiмделедi.
Бос емес лауазымды уақытша атқаруға қатардағы және басшы құрамындағы адамдарды жiберу адам қызметте тұратын iшкi iстер, қылмыстық-атқару жүйесi органы бастығының бұйрығымен ресiмделiне алынады, бiрақ осы лауазым номенклатурасына енетiн iшкi iстер органының бастығы тағайындау туралы мiндеттi түрде хабардар етiледi.
Егер сол лауазымды тұрақты атқарып жүрген адам, сондай-ақ оның штаттағы орынбасарлары (көмекшiлерi), олардың қызметтiк мiндеттерiне қарамастан, емделуге, демалысқа, қызметтiк iс-сапарға, оқуға және басқаларына iшкi iстер, қылмыстық-атқару жүйесi органынан кеткен жағдайда ғана бос емес лауазымдарды уақытша атқаруға жiберiле алады.
Мiндеттердi уақытша атқарудың үздiксiз мерзiмi бос лауазым бойынша - бiр айдан, ал бос емес лауазым бойынша - төрт айдан аспауы тиiс.
38. Лауазымдарды уақытша атқаруға тағайындалған қатардағы және басшы құрамындағы адамдардың демалыста, қызметтiк iс-сапарда (уақытша атқаратын лауазымдарды жөнiндегi мiндеттерге байланысты емес), оқуда, емдеу мекемелерiнде емделуде болған уақыты үшiн, сондай-ақ қатардағы және басшы құрамындағы адамдар науқастануы бойынша қызметтiк мiндеттерiнен босатылған уақыты үшiн (3 күннен аса) еңбекақылары негiзгi лауазымдары бойынша төленедi.
39. Штаттағы орынбасарлар (көмекшiлер), олардың қызметтiк мiндеттерiне қарамастан, өздерiнiң тiкелей бастықтарының бос емес лауазымдарын уақытша атқарғанда, ақшалай төлемi олардың уақытша атқарған лауазымы емес, негiзгi лауазымы бойынша төленедi.
40. Орынбасарлардың және барлық дәрежедегi бастықтар мен командирлер көмекшiлерiнiң бос емес лауазымдарын уақытша атқаруға тағайындалған басшы құрамы адамдарының еңбекақылары уақытша емес, негiзгi атқарып жүрген лауазымы бойынша төленедi.
41. Бос лауазымды уақытша атқаруының 30 күндiк мерзiмi өткенге дейiн осы лауазымға тағайындалған қатардағы және басшы құрамындағы адамдардың атқарған лауазымы бойынша еңбекақылары бос лауазымды уақытша атқаруға кiрiскен күнiнен бастап төленедi.
42. Уақытша атқарған лауазымы бойынша еңбекақы ең азынан ең көбiне дейiнгi шегiнде белгiленген жағдайда лауазымды уақытша атқарушыға ең аз жалақы төленедi, ал уақытша атқарған қызметi бойынша еңбекақысы мамандығы бойынша жұмыс стажына қарай көзделген жағдайда лауазымды уақытша атқарушы адамның осы мамандығы бойынша жұмыс стажы ескерiле отырып төленедi.
43. Уақытша атқаратын лауазымы бойынша еңбек сiңiрген жылдары үшiн проценттiк үстемесi мен лауазымдық еңбекақыдан есептелетiн ақшалай төлемнiң басқа түрлерiн төлегенде, нақтылы алатын еңбекақысы еске алынады.
44. Лауазымды үздiксiз уақытша атқарғанда уақытша атқаратын лауазымы бойынша ақшалай төлемнiң бiрiншi төлемi 30 күн (бос лауазым үшiн) және 60 күн (бос емес лауазым үшiн) өткеннен кейiн берiледi, бiрақ осы Ереженiң 4-тармағында көзделiнген мерзiмдерден бұрын емес.
45. Iшкi iстер, қылмыстық-атқару жүйесi органдарының қарамағындағы (резервiндегi) басшы құрамындағы адамдардың уақытша атқаратын бос лауазымдары бойынша еңбекақысы ұзақтығына қарамастан, бұл лауазымды нақтылы атқарған уақыты үшiн төленедi. Уақытша атқарған бос емес лауазымдар бойынша еңбекақылар оларға төленбейдi.
Науқастанған уақыты үшiн ақшалай төлем жасау
46. Емдеулуде немесе науқастануы бойынша демалыста жүрген қатардағы және басшы құрамындағы адамдардың ақшалай төлемi науқастанған күнiне дейiнгi мөлшерде (осы Ереженiң 38-тармағын еске ала отырып) сақталынады, бiрақ үздiксiз емделуде немесе науқастануы бойынша демалыста жүргенде төрт айдан аспауы керек, ал туберкулезбен ауырғандарға 12 айдан аспауы керек.
Ескерту: Госпитальдарда, ауруханаларда, емханаларда
және басқа емдеу мекемелерiнде емделiп жүрген,
уақытша еңбекке жарамсыздығы жөнiндегi босату
парақтары негiзiнде, сондай-ақ отбасының
науқастанған мүшелерiн күту жөнiндегi уақытша
еңбекке жарамсыздығы бойынша қызметтiк
мiндеттерiнен босату парақтары негiзiнде
науқастануы бойынша қызметтен босатылған қатардағы
және басшы құрамының адамдары емделуде жүргендер
деп саналады.
Қызметтiк мiндеттерiн орындау кезiнде жаралануына, контузияға ұшырауына немесе мертiгуiне байланысты емделуде жүрген қатардағы және басшы құрамы адамдарына ақшалай төлем емделуде болған уақыты үшiн, олардың лауазымды атқаруға кiрiскенiне немесе Iшкi iстер, қылмыстық-атқару жүйесi органынан босатылғанына дейiн төленедi.
47. Осы Ереженiң 46-тармағында көрсетiлген мерзiмнен артық уақыты үшiн ақшалай төлем жасауға қатардағы және басшы құрамы адамдарының iшкi iстер, қылмыстық-атқару жүйесi органдарындағы одан әрi қызметке жарамдылығы туралы әскери-дәрiгерлiк комиссия қорытындысына байланысты Iшкi iстер министрiнiң, Әдiлет министрiнiң iшкi iстер басқармалары бастықтарының, оларға тең бастықтардың рұқсатымен жол берiледi.
Ескерту. 47-тармақ өзгерді - ҚР Үкіметінің 2001.12.28. N 1755
қаулысымен. P011755_
48. Iшкi iстер, қылмыстық-атқару жүйесi органдарының қарамағында (резервiнде) болған кезiнде ауырып қалған қатардағы және басшы құрамы адамдарына ақшалай төлем қарамағына алынған (қарауында болатын мерзiмiне қарамастан) күнiне дейiн алып келген мөлшерде осы Ереженiң 46-тармағында белгiленген тәртiппен емделуде немесе науқастануы бойынша демалыста жүрген уақыты үшiн төленедi.
49. Бала күту жөнiндегi демалыстарда және ақшалай төлем сақталмайтын бала күту жөнiндегi қосымша демалыстарда болған кезеңде қатардағы және басшы құрамындағы әйелдер ауырып қалған кезде ақшалай төлем олардың ауырған күндерiне төленбейдi.
Егер аталған демалыстардан кейiн де науқастану жалғаса берсе, ақшалай төлем баланы күту жөнiндегi тиiстi демалыс бiткен келесi күннен төленедi.
50. Емханада немесе тегiн жолдама бойынша санаторийлiк-курорттық емделуде болған барлық жағдайларда азық-түлiк сыбағасының орнына ақшалай төлем жасалмайды.
Iшкi iстер, қылмыстық-атқару жүйесi органының штаттары
өзгерген кезде ақшалай төлем жасау
51. Штат өзгергенде (толық немесе iшiнара) өзгертiлген шарт бойынша лауазымға тағайындалған қатардағы және басшы құрамындағы адамдарға осы лауазымдар бойынша еңбекақылар лауазымдарын атқаруға кiрiскен күннен бастап төленедi, бiрақ бұйрықта көрсетiлген күннен бұрын емес, немесе, егер лауазымға тағайындау күнi көрсетiлмесе, тағайындау туралы бұйрыққа қол қойылған күннен бұрын емес.
Егер қатардағы немесе басшы құрамындағы адамдар атқарған лауазымдар атаулары өзгертiлген штатта бұрынғысынша қалса, бiрақ олар бойынша еңбекақылары өзгертiлсе, жаңадан белгiленген еңбекақыларды бере бастаудың басқа мерзiмi көрсетiлмесе, жаңадан белгiленген еңбекақылар бұйрық берiлген күннен бастап төленедi.
Егер штатты бекiту (өзгерту) туралы бұйрықта басқа мерзiм көрсетiлмесе, штат өзгергенде қызметке тағайындау бiр ай мерзiмнен кешiктiрiлмей жүргiзiледi.
52. Iшкi iстер, қылмыстық-атқару жүйесi органының штаты өзгеруiне байланысты жаңа лауазымдарға тағайындалған қатардағы және басшы құрамындағы адамдардың демалыста, емделуде, қызметтiк iссапарда немесе оқуда (қызмет орны бойынша лауазымдарының барлық жағдайда сақталуымен) болған кезеңде алдағы уақытта осы лауазымдарды атқаруға кiрiскенге дейiн науқастануы бойынша емделуде және демалыста болғандарға осы Ереженiң 46 және 47-тармақтары қолданыла отырып бұрынғы атқарған негiзгi лауазымдары бойынша еңбекақылары төленедi.
Iшкi iстер, қылмыстық-атқару жүйесi органдарының қарамағында
(резервiнде) болған уақытында ақшалай төлем жасау
53. Атқаратын лауазымдарынан босатылған (соның iшiнде штат өзгерген жағдайда) тиiстi iшкi iстер, қылмыстық-атқару жүйесi органдарының қарамағында (резервiнде) болған уақыты үшiн ақшалай төлем штаттық лауазымнан босатылған күнiнен бастап соңғы негiзгi лауазымы бойынша лауазымдық еңбекақысы (соның iшiнде сақталынған), арнаулы әскери атағы бойынша еңбекақысы және еңбек сiңiрген жылдары үшiн проценттiк үстемесi сондай-ақ азық-түлiк сыбағасының орнына ақшалай өтемi мөлшерiнде орта, аға және жоғары басшы құрамы адамдарына - екi ай бойы, ал қатардағы және кiшi басшы құрамы адамдарына - бiр ай бойы төленедi.
54. Қарамақта (резервте) болған уақытында қатардағы және басшы құрамындағы адамдардың сондай-ақ: егер бұл адамдар коэффициенттерi белгiленген аудандар мен жерлердегi iшкi iстер, қылмыстық-атқару жүйесi органдарының қарамағында болса, онда аудандық коэффициенттi, биiк таулы, шөлдi және сусыз аудандардағы жұмысы үшiн, экологиялық зiлзала аймақтарында тұратыны үшiн коэффициенттi сақталады және де тек лауазымдық еңбекақыларды алуға құқы бар уақытқа сақталады.
55. Қарамағына алу туралы бұйрыққа қол қойылған күн немесе бұйрықта көрсетiлген күн қарамағына (резервiне) алу күнi болып саналады.
56. Қарамақта болған мерзiмде ақшалай төлем жасағанда мыналар:
кезектi демалыста болған уақыты;
емдеу мекемелерiнде емделуге (тексерiлуде) болған уақыты;
бұрынғы жұмыс орнын тиiстi iшкi iстер, қылмыстық-атқару жүйесi органына дейiнгi жылда болған уақыты;
жоғары және орта арнаулы оқу орындарының сырттан, кешкi оқу бөлiмдерiндегi оқу-емтихан сессияларында болған уақыты;
қылмысты iс тоқтатылған немесе ақтау үкiмi шығарылған жағдайда тұтқындалған күнiнен босатылған күнiне дейiн қосып есептегенде қылмысты жауапкершiлiкке тартылуына байланысты тұтқында болған уақыты есептелiнбейдi.
57. Кезектi демалысын пайдаланбай, лауазымынан босатылған және қарамақта (резервте) тұрған iшкi iстер, қылмыстық-атқару жүйесi органдарының қатардағы және басшы құрамындағы адамдарын қызметте оларды одан әрi пайдалану туралы мәселенi шешу кешеуiлдетiлген жағдайда, әдетте, пайдаланылмаған кезектi демалысы берiледi.
Кезектi демалыс уақытына оларға қарамағына (қарамағында болған мерзiмiне қарамастан) алу күнiне дейiнгi негiзгi лауазымы бойынша алатын мөлшерде ақшалай төлем жасалады.
Қызметтiк мiндеттерiн (лауазымдарын) атқарудан
босатылғандардың және тұтқында болған уақыты үшiн, сондай-ақ
қызметке қайтадан алынғандарға ақшалай төлем жасау
58. Тәртiп бұзуына байланысты қызметтiк (лауазымдық) мiндеттерiн орындаудан аластатылған қатардағы және басшы құрамындағы адамдарға қызметтiк (лауазымдық) мiндеттерiн орындаудан босатылған келесi күннен бастап ақшалай төлем осы Ереженiң 53-тармағында көзделген тәртiппен төленедi.
59. Талан таражға түсiргенi, ұрланғаны немесе мемлекетке материалдық зиян келтiрiлген басқа да қылмыстары үшiн қылмысты жауапкершiлiкке тартылуына байланысты қызметтiк мiндеттерiн орындаудан аласталған қатардағы және басшы құрамындағы адамдарға ақшалай төлем тоқтатылады. Оларға ақшалай төлем тек тергеу немесе сот органдарының рұқсатымен ғана төленедi.
60. Тергеу немесе сот органдары тұтқындаған қатардағы және басшы құрамындағы адамдарға ақшалай төлем жасау тұтқынға алынған күнiнен бастап тоқтатылады. Тұтқындалған күнiне дейiн алынбаған ақшалай төлем тергеу немесе сот органдарының рұқсатымен ғана төленуi мүмкiн.
61. Заңды күшiне енген сот үкiмiмен қылмыс жасағанына кiнәлi деп танылған қатардағы және басшы құрамындағы адамдарға сот қолданған жазаның түрiне қарамастан, соның iшiнде шартты түрде сотталғаны туралы үкiм шығарылған жағдайда да тұтқында болған уақыты үшiн ақшалай төлем жасалмайды.
62. Ақтау үкiмi шығарылған, қылмыс оқиғасының болмағаны үшiн, iс әрекетiнде қылмыс құрамының да жоқтығы үшiн немесе қылмыс жасауға қатысқаны дәлелденбегенi үшiн қылмыс iсi тоқтатылған жағдайда-қатардағы және басшы құрамындағы адамдарға қызметте ерiксiз болмағаны уақыты үшiн Қазақстан Республикасының актiлерiнде белгiленген зиянды өтеу тәртiбiне сәйкес ақшалай төлем өтелiнедi.
63. Гаупвахтада ұстап, тәртiп бұзу ретiнде тұтқындалған қатардағы және басшы құрамындағы адамдарға тұтқында болған уақыттары үшiн лауазымдық еңбекақылары, сондай-ақ арнаулы әскери атақтары бойынша еңбекақылары және еңбек сiңiрген жылдары үшiн үстемелерi төленедi.
Ақшалай төлемдердiң басқа түрлерiнен аталған адамдарға коэффициенттер (аудандық, экологиялық зiлзала аймағында тұрғаны, шөлдi, сусыз және биiк таулы жерлерде жұмыс iстегенi үшiн) төлем сақталады.
64. Iшкi iстер, қылмыстық-атқару жүйесi органдарынан босатылған, ал содан кейiн жұмыстан шығарылуы негiзсiз деп табылуына байланысты қызметiне қайта алынған қатардағы және басшы құрамындағы адамдарға босатылған лауазымы бойынша, бiрақ үш айдан аспайтын ерiксiз жұмыстан қол үзген уақыты үшiн ақшалай төлем жасалады.
Бұл адамдарға кетерде төленген бiржолғы жәрдемақы ерiксiз жұмыстан қол үзгенi үшiн есептелетiн соманың есебiне, ал бұл сомадан асатын бөлiгi содан кейiн шығарылғанда төлеуге жататын жәрдемақы сомасына есептелiнедi.
Демалыс уақыты үшiн ақшалай төлем жасау
65. Кезектi және қысқа мерзiмдi демалыс уақыты үшiн қатардағы және басшы құрамындағы адамдарға ақшалай төлем демалысқа кеткенге дейiнгi негiзгi (уақытша атқаратыны емес) штаттық лауазымы бойынша алатын мөлшерде төленедi, бұған егер демалысқа кеткенге дейiн олар алмаған болса, ай сайынғы еңбекақы өсiмi, үстемелерi мен коэффициенттерi қосылады.
Рұқсат етiлген жағдайда қоса қызмет атқаратын қатардағы және басшы құрамындағы адамдарға демалыс кезiнде негiзгi лауазымы бойынша ғана төлем жасалады.
Егер демалыста жүрген кезiнде қатардағы және басшы құрамы адамдарының атқаратын лауазымы бойынша еңбекақысы өзгерiп, үстемелердi, соның iшiнде еңбек сiңiрген жылдары үшiн үстемелердi өсiру құқығы пайда болса немесе оған басшы құрамының кезектi арнаулы әскери атағы берiлсе, демалыстан қайтып оралысымен оған тиiсiнше қайта есептеу жүргiзiледi. Егер демалыста жүрген кезiнде қатардағы және басшы құрамындағы адамдардың лауазымдық еңбекақысы оны басқа лауазымға тағайындауға байланысты өзгерсе, қайта есептеу жүргiзiлмейдi.
Қатардағы және басшы құрамы адамдары қатарындағы әйелдерге екiқабаттылығы мен босануы бойынша демалыс уақытына ақшалай төлемi осы тармақта көзделiнген тәртiппен төленедi.
66. Қатардағы және басшы құрамындағы адамдар қатарындағы оқу орындарының тыңдаушылары мен курсанттарына каникулдық демалыстарында оқу уақытында алатын ақшалай төлемi төленедi.
Оқу орнын бiтiргеннен кейiн берiлетiн демалыс уақыты үшiн ақшалай төлемi осы Ереженiң 30-тармағына сәйкес төленедi.
67. Iшкiiсминiнiң, Әдiлет министрлiгiнiң Қылмыстық-атқару жүйесi комитетiнiң оқу орындарында қабылдау емтихандарын тапсыруға арналған, сондай-ақ осы оқу орындарының сырттай және кешкi факультеттерi мен бөлiмшелерiнде оқу және лагерьлiк жиындарын өткiзуге арналған жөн сiлтеушi және сынақ-емтихан сессияларына, қорытынды-бiтiру жиындарына арналған және аталған оқу орындарында мемлекеттiк емтихан тапсыруға арналған қатардағы және басшы құрамындағы адамдарға берiлетiн қосымша демалыс уақыты үшiн, сондай-ақ оқу орнына бару мен қайтуға берiлген уақыт үшiн ақшалай төлемi демалысқа кеткен күннен бастап негiзгi штаттық лауазым бойынша алатын толық мөлшерiнде төленедi.
Қазақстан Республикасының Iшкiiсминiнiң, Әдiлет министрлiгiнiң Қылмыстық-атқару жүйесi комитетiнiң оқу орындарының сырттай және кешкi факультеттерi мен бөлiмшелерiнiң тыңдаушыларына белгiленген тәртiппен берiлген сабақтардан бос күндердегi уақыты үшiн ақшалай төлемi де осындай мөлшерде төленедi.
68. Iшкiiсминiнiң, Әдiлет министрлiгiнiң Қылмыстық-атқару жүйесi комитетiнiң Бiлiм министрлiгiнiң және басқа министрлiктер мен ведомстволардың жоғары оқу орындары мен ғылыми-зерттеу мекемелерi жанындағы адъюнктураға (аспирантураға) қабылдау емтихандарын тапсыруға берiлген қосымша демалыстар уақыты үшiн ақшалай төлемi осы Ереженiң 67-тармағында көзделген тәртiп пен мөлшерде төленедi.
Iшкiiсминiнiң, Әдiлет министрлiгiнiң Қылмыстық-атқару жүйесi комитетiнiң жоғары оқу орны мен ғылыми-зерттеу мекемелерi орналасқан жерге бару мен қайту уақыты үшiн басшы құрамының адамдарына ақшалай төлем жасау сондай-ақ осы Ереженiң 67-тармағында көзделiнген тәртiп пен мөлшерге қарай жүзеге асырылады.
Бiлiм министрлiгiнiң, басқа да министрлiктер мен ведомстволардың жоғары оқу орындары мен ғылыми-зерттеу мекемелерi орналасқан жерге бару мен уақытында басшы құрамы адамдарына қосымша демалыс ақшалай төлемi сақталмастан берiледi.
69. Iшкiiсминiнiң, Әдiлет министрлiгiнiң Қылмыстық-атқару жүйесi комитетiнiң жоғары оқу орындары мен ғылыми-зерттеу мекемелерi жанында сырттай адъюнктурада (аспирантурада) оқып жүрген басшы құрамының адамдарына қосымша демалыстар мен сабақтарға арналған бос күндер уақыты үшiн, сондай-ақ осы тармақта аталған жоғары оқу орыны немесе ғылыми-зерттеу мекемесi орналасқан жерге барып-қайту уақыты үшiн ақшалай төлемi осы Ереженiң 67-тармағында көзделiнген тәртiп пен мөлшерде төленедi.
70. Бiлiм министрлiгiнiң және басқа да министрлiктер мен ведомстволардың жоғары оқу орындары мен ғылыми-зерттеу мекемелерiнде сырттай аспирантурада оқитын басшы құрамының адамдарына берiлген қосымша демалыс уақыты үшiн ақшалай төлем сондай-ақ осы Ереженiң 67-тармағында көзделiнген тәртiп пен мөлшерде төленедi.
Осы тармақта аталған жоғары оқу орны немесе ғылыми-зерттеу мекемелерi орналасқан жерге барып-қайту уақытына қосымша демалыс ақшалай төлем сақталмастан берiледi. Басшы құрамындағы бұл адамдардың сабақтарға арналған аптадағы бiр бос күнi үшiн негiзгi штаттық лауазым бойынша ақшалай төлемнiң күндiк мөлшерiнiң 50 процентi төленедi.
71. Iшкiiсминi, Әдiлет министрлiгiнiң Қылмыстық-атқару жүйесi комитетiнiң жоғары оқу орындары мен ғылыми-зерттеу мекемелерiне немесе белгiленген тәртiппен рұқсат етiлген жағдайда басқа министрлiктер мен ведомстволардың жоғары оқу орындары мен ғылыми-зерттеу мекемелерiне бекiтiлген ғылым кандидаттары мен докторлары ғылыми-дәрежелерiн алуға талпынушы басшы құрам адамдарына берiлген шығармашылық демалыстар уақыты үшiн ақшалай төлемi демалысқа кеткен күнiнен бастап негiзгi штаттық лауазымы бойынша алатын толық мөлшерiнде төленедi.
72. Бiлiм министрлiгiнiң, басқа да министрлiктер мен ведомстволардың кешкi және сырттай жоғары және орта арнаулы оқу орындарына қабылдау емтихандарын тапсыруға арналған, сондай-ақ аталған оқу орындарында жөн сiлтеушi сессияларынан өтуге арналып берiлген қосымша демалыстар уақыты үшiн қатардағы және басшы құрамындағы адамдарға төлем жасалмайды.
Осы тармақта аталған жоғары оқу орындары тұрған жерге барып қайту жолына берiлген уақыт үшiн де ақшалай төлем жасалмайды.
73. Бiлiм министрлiгi және басқа министрлiктер мен ведомстволары оқу орындарында кешкi және сырттай оқу түрлерi бойынша оқитын қатардағы және басшы құрамы адамдарына (Жұмысын оқу орындарында оқумен ұштастыратын жұмысшылар мен қызметшiлерге жеңiлдiктер туралы Ережеге сәйкес (1991 жыл, IIМ N 250 бұйрығы) берiлген қосымша демалыстар уақыты үшiн ақшалай төлемi демалысқа кеткен күнiнен бастап негiзгi штаттық лауазымы бойынша төленедi.
74. Оқудың кешкi және сырттай түрлерi бойынша осы Ереженiң 73-тармағында аталған оқу орындарында оқып жүрген қатардағы және басшы құрамы адамдарына:
а) таңдап алған мамандығы бойынша жұмыспен тiкелей өндiрiсте танысу және диплом жобасына материалдар дайындау үшiн;
ә) қызмет орнынан оқу орны тұрған жерге дейiн барып-қайту үшiн;
б) осы Ереженiң 70-тармағында көрсетiлген күннен басқа қызметтен босату мен сабақтарға дайындық үшiн берiлетiн қосымша демалыстарға ақшалай төлем жасалмайды.
75. Жалпы бiлiм беретiн кешкi (ауыспалы) және сырттай оқытатын мектептерде оқитын қатардағы және басшы құрамы адамдарына кластан класқа көшу және бiтiру емтихандарын тапсыруға арналған қосымша демалыстар, сабақтарына бос күндер беру және оларға төлем жасау демалысқа кеткен күнiнен бастап негiзгi лауазымы бойынша ақшалай төлемi мөлшерiнде төленедi.
Iшкi iстер, қылмыстық-атқару жүйесi органдарынан босатылған
кезде ақшалай төлем жасау
76. Iшкi iстер, қылмыстық-атқару жүйесi органдарынан босатылған қатардағы және басшы құрамы адамдарына ақшалай төлем:
а) босатылған күнiне дейiн лауазымын атқарғандарға - iстi тапсыру күнiн қосқанға дейiн, бұл ретте босату туралы бұйрықты iшкi iстер, қылмыстық-атқару жүйесi органы алысымен iстi тапсыруға 20 күннен аспайтын уақыт берiледi;
ә) оқу орындарының тыңдаушылары мен курсанттарына - оқу орындарының ауыспалы құрамының тiзiмiнен шығарылған күндi қоса есептегенде;
б) босатылған күнге дейiн iшкi iстер, қылмыстық-атқару жүйесi органының қарамағында болғандарға - iстi тапсырған күндi қоса есептеп (осы Ереженiң 53-тармағын ескерiп) төленедi. Бұл ретте босату туралы бұйрықты iшкi iстер органы алысымен iстi тапсыруға 5 күннен аспайтын уақыт берiледi.
77. Босату туралы бұйрықты iшкi iстер, қылмыстық-атқару жүйесi органы алған күнi емделуде жүрген қатардағы және басшы құрамы адамдарына - ақшалай төлем қызмет орнына қайта оралған күнiне дейiн, ал кезектi демалыста жүргендерге - демалысы бiткен күнi қосылып төленедi. Бұл ретте емделуге немесе демалысқа кетерге дейiн iсiн өткiзбеген қатардағы және басшы құрамындағы адамдарға ақшалай төлем iстi өткiзген уақыты үшiн де (20 күннен аспайтын) төленедi.
78. Зейнеткерлiк құқығымен iшкi iстер, қылмыстық-атқару жүйесi органдарының қатардағы және басшы құрамдағы адамдарын қызметтен босатқан кезде оларға бiр жолғы жәрдемақы, зейнетақы құқығынсыз болса - қызметтен кетердегi жәрдемақысы төленедi.
Бiржолғы және қызметтен кетердегi жәрдемақы төлеуде еңбек сiңiрген жылдарын, сондай-ақ бұл жәрдемақылардың мөлшерiн есептеп шығаруды Қазақстан Республикасының Министрлер Кабинетi белгiлейдi.
Бұл ретте зейнеткерлiк құқығынсыз запасқа жiберiлген (ауруы, денсаулығының шектелген жағдайы, штат қысқару, өз тiлегi бойынша, басқа министрлiктер мен ведомстволарға ауысуына байланысты, контрактiде көзделiнген қызмет мерзiмiнiң өтелуi бойынша) және арнаулы әскери атағы берiле отырып қызметке жаңа тағайындалған қатардағы және басшы құрамындағы адамдарға одан кейiнгi шығарылуда қызметтен кетердегi (бiр жолғы) жәрдемақысының мөлшерiн айқындау үшiн келесi шығаруда тек соңғы үзiлiстен кейiнгi күнтізбелiк есептеудегi қызметi ғана еске алынады.
Қатардағы және басшы құрамындағы адамдарға зейнетақы тағайындауға байланысты запасқа кетуiне орай қызметке үзiлiстерi болған жағдайда бiржолғы жәрдемақының мөлшерiн айқындау үшiн тек соңғы үзiлiстен кейiнгi күнтiзбелiк есептеудегi қызметi ғана еске алынады.
Бұрын берiлген жәрдемақылар қайтаруға жатпайды, бiрақ олар бiржолғы немесе жұмыстан кетердегi жәрдемақының сомасына есептелiнедi.
Еңбек сiңiрген жылдары үшiн бiржолғы немесе жұмыстан шығардағы жәрдемақысының берiлген сомасы туралы қаржы органы берiлген жәрдемақының сомасы туралы қызметтiк тiзiмге белгi соғу үшiн жеке iсi жатқан орын бойынша кадрлар аппаратына хабарлайды.
Қатардағы және басшы құрамындағы адамдардың абыройын төгетiн қылықтар жасағаны үшiн жұмыстан шығарылған немесе жасаған қылмысы үшiн сотталуына байланысты (соның iшiнде шартты түрде сотталуына байланысты да) қатардағы және басшы құрамындағы адамдарға бiржолғы немесе жұмыстан шығарылардағы жәрдемақысы төленбейдi.
79. Жасы, науқастылығы, денсаулығының шектелген жағдайы немесе штаттарды қысқарту бойынша iшкi iстер, қылмыстық-атқару жүйесi органдарынан босатылған қатардағы және басшы құрамындағы адамдарға босатылған жылы олардың тiлегi бойынша сол жылы нақтылы жұмыс iстеген уақыты үшiн пайдаланылмаған кезектi демалысы берiледi немесе босатылатын жылындағы пайдаланылмаған кезектi демалысы үшiн сол жылы қызмет атқарған уақытына пара-пар, бiрақ 45 тәулiктен аспайтын ақшалай өтемi төленедi.
Бұл ретте қызметiнен әрбiр толық айына ақшалай өтемге жататын 2,5 күн демалыс берiледi, қызметтiң 15 және одан да көп күндерi толық айға жинақталады, ал 15 күннен кемi есептелiнбейдi.
80. Пайдаланылмаған демалыс үшiн ақшалай өтемдi төлегенде:
еңбек сiңiрген жылдары үшiн проценттiк үстемесi;
аудандық, экологиялық зiлзала аймақтарында тұрғаны, биiк таулы, шөлдi және сусыз жерлердегi жұмысы үшiн коэффициенттерi;
азық-түлiк сыбағасының орнына ақшалай өтемi;
басқа да үстемелерi есепке алынбайды.
Қатардағы немесе басшы құрамының адамдары
өлген жағдайда ақшалай төлем жасау
81. Егер ақшалай төлем қатардағы және басшы құрамы адамының өзiне, сондай-ақ өлген күнiне құқығы пайда болған басқа да төлемдер және пайдаланылмаған кезектi демалысы үшiн ақшалай өтем төленбесе, қатардағы немесе басшы құрамының адамдары өлген жағдайда өлiм келген сол ай үшiн ақшалай төлем заңдарда белгiленген тәртiппен мұрагерлерiне толық берiледi.
82. Егер қатардағы немесе басшы құрамы адамының өлген күнiнен үш жыл өткенге дейiн оны алуға өтiнiш жасалса, ақшалай төлем мұрагерлерiне төленедi.
Еңбек сiңiрген жылдары үшiн проценттiк үстеме
83. Қатардағы және басшы құрамы адамдарының лауазымдық еңбекақыларына (соның iшiнде сақталынған және көтерiңкi) және дербес берiлген арнаулы әскери атақтары бойынша еңбекақыларына еңбек сiңiрген жылдары үшiн проценттiк үстеме Қазақстан Республикасының Министрлер Кабинетi белгiлеген мөлшерде төленедi.
84. Iшкi iстер қылмыстық-атқару жүйесi органдарының қатардағы және басшы құрамына еңбек сiңiрген жылдары үшiн проценттiк үстеменi айқындауға арналған стажды есептеу тәртiбiн Қазақстан Республикасының Iшкi iстер министрi, Әдiлет министрi белгiлейдi.
Ескерту. 84-тармақ өзгерді - ҚР Үкіметінің 2001.12.28. N 1755
қаулысымен. P011755_
85. Қоса атқарылатын лауазымдар бойынша еңбекақыларға еңбек сiңiрген жылдары үшiн проценттiк үстеме есептелiнбейдi.
Аудандық коэффициенттер, экологиялық зiлзала
аймақтарында тұрғаны үшiн, биiк таулы, шөлдi және
сусыз жерлерде жұмысы үшiн коэффициенттер
86. Қатардағы және басшы құрамының адамдарына аудандық коэффициенттер, экологиялық зiлзала аймақтарында тұрғаны үшiн, сондай-ақ биiк таулы, шөлдi және сусыз жерлерде жұмыс iстегенi үшiн коэффициенттер Қазақстан Республикасының Министрлер Кабинетi белгiлеген мөлшерде төленедi.
Аталған коэффициенттер (экологиялық зiлзала аймақтарында тұрғаны үшiн коэффициентiнен басқасы) лауазымдық еңбекақылар мен қатардағы және басшы құрамының арнаулы әскери атақтары бойынша еңбекақыларға қолданылады. Бұл ретте нақтылы алып жүрген лауазымдық еңбекақы, соның iшiнде сақталынған және көтерiңкi еңбекақы еске алынады. Экологиялық зiлзала аймақтарында тұрғаны үшiн коэффициенттер лауазымдық еңбекақыға (соның iшiнде сақталынған және көтерiңкi) ғана қолданылады.
87. Аудандық коэффициенттiң, экологиялық зiлзала аймағында тұрғаны үшiн, биiк таулы, шөлдi және сусыз жерлерде жұмыс iстегенi үшiн коэффициенттiң қолданылуымен жаңа лауазымдық еңбекақылар белгiлене алмайды.
Штатында және басшы құрамының адамы тұрған iшкi iстер, қылмыстық-атқару жүйесi органының орналасқан жерiне қарамастан, коэффициенттер нақтылы тұрақты жұмыс орны бойынша қолданылады.
88. Осы Ереженiң 86-тармағында көрсетiлген коэффициенттер мемлекет тарапынан берiлетiн азық-түлiктiң немесе оның орнына ақшалай өтем жасаудың құнына қолданылмайды.
(89-108-тармақтары)
ЕСКЕРТУ. 89-108-тармақтардың күшi жойылды - ҚР Үкіметінiң 1996.12.25.
N 1620 қаулысымен.
Қызметтiң ерекше жағдайлары үшiн үстемелер
қосымшалар басқа да төлемдер
109. ЗАС аппаратурасына тiкелей қызмет көрсетумен және оған кiлттелiмдi құжаттар жұмысымен айналысатын басшы құрамының адамдарына шифрлық жұмыс ретiнде еңбекақыға (соның iшiнде көтерiңкiге) үстеме төленедi.
110. Басшы құрам адамдарының үздiксiз жұмыс стаждарына осы Ереженiң 108 және 109-тармақтарына сәйкес үстеме төлеу үшiн мыналар:
а) тiкелей шифрлау жұмысында iстейтiн адамдардың Iшкiiсминi, Әдiлет министрлiгiнiң Қылмыстық-атқару жүйесi комитетiнiң шифрлау қызметiнiң штаттық лауазымдарындағы, ЗАС аппаратураларын қамту қызметiн тiкелей атқаратын адамдардың ЗАС қызметiндегi лауазымдарындағы және оған кiлттелiмдi құжаттармен жұмыстағы үздiксiз жұмысы - шифрлау қызметiндегi және мерзiмдi қызметтi атқару кезеңiндегi ЗАС қызметiндегi жұмыстан басқасы лауазымға тағайындалған күннен бастап;
ә) шифрлау қызметi мен ЗАС қызметi қызметкерлерiн даярлау мен қайта даярлау, олардың бiлiктiлiгiн жетiлдiру мен арттыру курстарының басшы және оқытушылар құрамының штаттық лауазымдарындағы шифрларға, ЗАС аппаратурасына қызмет көрсетуге және оған кiлттелiмдi құжаттамамен жұмысқа байланысты үздiксiз жұмысы - лауазымға алынған күннен бастап;
б) шифрлау қызметi мен ЗАС қызметкерлерiн даярлау, қайта даярлап, олардың бiлiктiлiгiн жетiлдiру мен арттыру курстарында және оқ жиындарындағы оқыған кезеңi;
б) егер қызметкер ауыстыру тәртiбiн iшкi iстер, қылмыстық-атқару жүйесi органына (шифрлау қызметi мен ЗАС қызметiне) қызметке тұрса, шифрлау жұмысында, ЗАС аппаратураларын қамту және оған кiлттелiмдi құжаттамамен жұмыста тiкелей iстейтiн басқа министрлiктер мен ведомстволар адамдарының шифрлау аппараттардағы және ЗАС қызметiндегi үздiксiз жұмысы;
в) егер мұның алдында шифрлау жұмысы, ЗАС аппаратураларын қамту жөнiндегi жұмыс және оған кiлттелiмдi құжаттамамен жұмысы атқарылса, емделуде, демалыста (кезектi, қысқа мерзiмдi, қосымша, соның iшiнде әйелдерге берiлетiн баланы күту жөнiндегi iшiнара төленетiн демалыстар және үш жасқа толғанға дейiн баланы күту жөнiндегi iшiнара төленетiн демалыстар және үш жасқа толғанға дейiн баланы күту жөнiндегi ақшалай төлемi сақталмайтын қосымша демалыстар) және iссапарға болған кезеңi есептелiнедi.
Қазақстан Республикасының Iшкiiсминi жүйесiнiң қарамағында болған уақыты, сондай-ақ бұрынғы партия және комсомол ұйымдарының сайланбалы лауазымдарында жұмыс iстеген уақыты шифрлау жұмысындағы, ЗАС аппаратураларын қамту жұмысындағы және оған кiлттелiмдi құжаттамамен жұмысындағы стажын үзбейдi, бiрақ шифрлау жұмысы үшiн үстеме төлеу стажына есептелiнбейдi.
111. Шифрлау жұмысы үшiн үстеме төлеу мынадай уақытта:
кезектi демалыста болғанда және демалысы өтетiн жерге барып-қайтқанда;
ақшалай төлем жасалатын мерзiм шегiнде емделуде болғанда және емдеу мекемесiне бару-қайту жолына;
екi айдан аспайтын қызметтiк iссапарларда болғанда;
мамандығы бойынша шифрлау қызметi мен ЗАС қызметi қызметкерлерiн даярлау, қайта даярлау, олардың бiлiктiлiгiн жетiлдiру мен арттыру жиындарында және курстарында болған уақыты үшiн сақталады.
Үстеме қызмет орны бойынша штаттық лауазымы сақталған жағдайда төленедi.
112. Штатында бiр шифрлаушы қызметкерi бар iшкi iстер қылмыстық-атқару жүйесi органдарында шифрлау жұмысы үшiн үстеме сондай-ақ жұмысты қоса атқаратын шифрлаушы қызметкерлерге (резервтегi шифрлаушы қызметкерлерге) де төленедi. Штаттағы шифрлаушы қызметкер ауырған, демалыста жүрген, iссапарда болған уақытында, соның iшiнде штаттағы шифрлаушы қызметкерлерiн даярлау, қайта даярлау олардың бiлiктiлiгiн жетiлдiру мен арттыру жиындарында және курстарында болған уақыты үшiн, сондай-ақ штаттағы шифрлаушы қызметкер жұмыс күнi бойы өңдей алмайтындай шифрлық ақпарат көп түскен кезде жұмысты қоса атқаратын шифрлау қызметкерлерге (резервтегi шифрлаушы қызметкерлерге) үстеме олардың шифрлау жұмысын тiкелей орындаудың бүкiл кезеңiне төленедi.
Жұмысты қоса атқаратын шифрлаушы қызметкерлердiң (резервтегi шифрлаушы қызметкерлердiң) шифрлау жұмысына үстеме төлеу стажына жұмысты қоса атқаратын шифрлаушы қызметкер (резервтегi шифрлаушы қызметкер) ретiнде осы iшкi iстер қылмыстық-атқару жүйесi органындағы жұмысының барлық уақыты, соның iшiнде олар шифрлау жұмысымен тiкелей айналыспаған уақыты да есептелiнедi, ал шифрлау жұмысы үшiн үстеме олар тiкелей шифрлау жұмысын атқарған уақыты үшiн ғана төленедi.
Жұмысты қоса атқаратын шифрлаушы қызметкердi (резервтегi шифрлаушы қызметкердi) тағайындау Қазақстан Республикасы Iшкi iстер министрiнiң, Әдiлет министрiнiң облыстық, Алматы қалалық iшкi iстер Бас басқармалары мен басқармалары, көлiктегi iшкi iстер басқармасы, Ленинск қалалық iшкi iстер басқармасы бастықтарының, Әдiлет министрлiгi Қылмыстық-атқару жүйесi комитетi төрағасының, Комитеттiң аумақтық бөлiмшелер бастықтарының бұйрықтарымен ресiмделедi.
Жұмысты қоса атқаратын шифрлаушы қызметкерге (резервтегi шифрлаушы
қызметкерге) үстеме сол шифрлаушы орган тiкелей бағынатын iшкi iстер
қылмыстық-атқару жүйесi органы бастығының жазбаша рұқсаты бойынша осы
тармаққа сәйкес төленедi.
Ескерту. 112-тармақ өзгерді - ҚР Үкіметінің 2001.12.28. N 1755
қаулысымен.
(113-116-тармақтар)
.
ЕСКЕРТУ. 113-116-тармақтардың күшi жойылды - ҚР Үкіметінiң
1996.12.25. N 1620 қаулысымен.
Алименттердi ұстау тәртiбi
117. Қатардағы және басшы құрамы адамдарының ақшалай төлемiнен алимент сот органдарының орындау парақтары негiзiнде немесе, алименттердi ерiктi түрде төлеуге ниет бiлдiрген адамның iшкi iстер, қылмыстық-атқару жүйесi органының басшысына берiлген жазбаша өтiнiшi бойынша ұсталады.
Алименттер орындау парақтарында көрсетiлген мөлшерде, ал өтiнiшi бойынша ұсталған - заңда белгiленген мөлшерге сәйкес ұсталады.
118. Орындау парағын немесе жазбаша өтiнiштi алысымен iшкi iстер, қылмыстық-атқару жүйесi органы қаржы аппаратының (бухгалтериясының) қызметкерi алимент төлейтiн адамның жеке кәртiшкесiне тиiстi жазбалар түсiредi. Орындау парағы алимент ұстауға арналған орындау парақтарының кiтабына тiркеледi.
Алименттердi ұстау туралы, сондай-ақ олардың мөлшерiн өзгерту немесе алименттердi ұстауды тоқтату туралы өтiнiштер орындау парақтарын сақтау үшiн белгiленген тәртiппен сақталады.
119. Төлеушiден ай сайын ұстауға жататын алимент сомасын айқындағанда мыналар:
барлық белгiленген өсiмдер, үстемелер мен коэффициенттер ескерiлген лауазымдық еңбекақы, еңбек сiңiрген жылдары үшiн проценттiк үстеме, арнаулы әскери атағы бойынша еңбекақысы және басқа да төлемдерi;
газеттер мен журналдардың штаттағы әдеби қызметкерлерi болып табылатын адамдарға авторлық қаламақы ретiнде төленетiн сыйақы;
тұрақты түрде берiлетiн сыйлықтарды қосқанда басқа да төлемдер есепке алынады.
120. Қатардағы және басшы құрамы адамдарынан алименттердi ұстағанда мыналар:
iшкi iстер, қылмыстық-атқару жүйесi органынан босатылған кездегi бiржолғы және қызметтен шығарылғандағы жәрдемақысы;
жолға берiлген үлесi, соның iшiнде лагерьде және далада ұстайтын ақшалар;
ақшалай төлемге үстемелер және тәулiкақы мен пәтерақы орнына (соның iшiнде милицияның учаскелiк инспекторының үстемелерi) төленетiн басқа да сомалар;
тегiн берiлетiн киiм-кешектер мен заттық сыбағаның құны немесе олардың ақшалай өтемi, соның iшiнде азық-түлiк сыбағасы мен темекiлiк үлесiнiң орнына ақшалай өтем;
iшкi iстер, қылмыстық-атқару жүйесi органдарының Тәртiптiк жарғысына сәйкес берiлетiн ақшалай сыйақының, бiржолғы көмектiң сомасы;
iшкi iстер, қылмыстық-атқару жүйесi органдары туралы теориялық, тарихи еңбектер мен көркем әдебиет шығармаларын жасағаны үшiн берiлетiн сыйлықтар;
өнертабысы мен тапқырлық ұсыныстары үшiн бiржолғы сыйақының сомасы;
тегiн берiлетiн пәтердiң құны, сондай-ақ тұрғын үйдi жалдау мен ұстау және коммуналдық қызметi үшiн ақшалай өтемнiң белгiленген мөлшерi есептелiнбейдi.
121. Алименттер ай сайын ұсталынады, бұл туралы төлеушiнiң жеке кәртiшкесiне жазылады.
Егер орындау парағы бойынша жауапкер берешек болса, онда оны ұстап қалу кезектi ұстаумен бiрге жүргiзiледi. Бұл ретте ай сайынғы ұсталымдардың жалпы сомасы жауапкерге ақшалай төлемнiң 50 процентiнен аспауы тиiс.
122. Алимент алушыға ұсталған ақшаларды салып жiберудi (берудi) алимент төлеушiнiң өзi сол ай үшiн ақшалай төлемiн алғаны немесе алмағанына қарамастан, сол айға ақшалай төлем жасалған күннен бастап үш күннiң iшiнде қаржы аппараты (бухгалтериясы) жүзеге асырады.
Алимент алушыға ақша салудағы пошта шығындары алушының есебiнен төленедi.
Пошталық ақша аудару бланкiсiнiң сырт жағына алименттер қай айға жiберiлгенi және ақша аудару үшiн пошталық төлемнiң сомасы көрсетiледi.
123. Алимент төлейтiн қатардағы немесе басшы құрамының адамы жаңа қызмет орнына ауысқан кезде, қаржы аппараты (бухгалтерия):
соңғы қай айға және қай мөлшерде алименттiң ұсталғаны және алушыға олардың қашан жiберiлгенiн жолдама хатта көрсете отырып, төлеушiнiң жаңа қызмет орнына үш күн мерзiм iшiнде орындау парағын жiбередi;
алимент төлеушi кеткен орган немесе мекеменiң шартты атауы мен мекен-жайы көрсетiле отырып шешiмдi орындау орны бойынша сот орындаушысына және алимент алушыға қатардағы және басшы құрамындағы адамның ауыстырылғаны туралы үш күн мерзiм iшiнде хабарлайды;
орындау парағының нөмiрi мен берiлген күнi, орындау парағын кiм бергенi, сондай-ақ алушының аты-жөнi мен мекенжайы көрсетiле отырып орындау парағы бойынша ұсталымдар туралы жазу ауыстырылатын адамға берiлетiн ақша аттестатына түсiрiледi.
Қатардағы немесе басшы құрамындағы адам жаңа қызмет орнына келген күннен бастап бiр ай бойы орындау парағын алмаған жағдайда қаржы аппаратының (бухгалтерияның) жетекшiсi алимент төлеушiнiң бұрынғы қызмет орнынан орындау парағын сұратады, орындау қағазы келгенге дейiн ақша аттестатындағы жазулар негiзiнде алименттер ұстала бередi және алушыға жiберiледi.
Өтiнiштерi бойынша алименттер ұсталынатын қатардағы немесе басшы құрамындағы адамдар жаңа қызмет орнына ауыстырылғанда алименттер олардың қайтадан жазған өтiнiштерi негiзiнде ұсталынады. Алиментi төлемеген уақытындағы берешегi мұндай жағдайда борышқордан оның өтiнiшi бойынша ұсталады немесе сот тәртiбiмен өндiрiлiп алынады.
124. Iшкi iстер, қылмыстық-атқару жүйесi органы таратылған жағдайда жаңа қызмет орны белгiсiз алимент төлеушiлердiң тиiсiнше жiберiлмеген парақтары таратылған органның құқығын иеленушiге хаттау бойынша берiледi. Таратылған органның орындау парақтарын алған құқық иеленушiнiң қаржы аппаратының (бухгалтериясының) жетекшiсi алимент төлеушiнiң жаңа қызмет орнына орындау парақтарын жiберу шараларын қолданады.
125. Алимент төлейтiн қатардағы немесе басшы құрамындағы адам iшкi iстер, қылмыстық-атқару жүйесi органына босатылар кезде есеп айырысу жүргiзiлген күнi орындау парағының сыртқы бетiндегi тиiстi баған толтырылады және есеп айырысу жүргiзiлгеннен кейiнгi келесi күннен қалдырылмай орындау парағы босатқан iшкi iстер органы орналасқан жердегi халық сотына жiберiледi.
126. Алимент төлеушi iшкi iстер, қылмыстық-атқару жүйесi органынан зейнетақы тағайындалып босатылғанда орындау парағы зейнетақы төлейтiн жердегi банк мекемесiне зейнетақы парағымен бiрге жiберiледi.
127. Орындау парағы қозғалысының барлық жағдайы туралы алимент алушы хабардар етiледi.
128. Алимент төлеушiге ақшалай төлем жасалуы туралы халық соттарының сұрау салуларына айына төленетiн ақшалай төлемнiң жалпы сомасы көрсетiлiп, бұл соманың неден тұратыны ажыратылмастан үш күн iшiнде мәлiметтер хабарланады.
129. Ведомствоға қарасты iшкi iстер, қылмыстық-атқару жүйесi органдарын құжаттамалық тексерулерде алименттердi ұстау дұрыстығы, сондай-ақ оларды алушыға аударудың немесе берудiң уақтылы тексерiледi.
Ақша аттестаттары
130. Қатардағы басшы құрамы адамдарын басқа жерге жiбергенде, ауыстырғанда, сондай-ақ босатқанда қаржы аппараты (бухгалтерия) оларды барлық тиесiлi ақшалай төлем түрлерiмен және жолдық сыбағаларымен қанағаттандыруға мiндеттi және ақша аттестатында (осы Ереженiң қосымшасы) берiлген ақша сомасы туралы жазуға тиiс.
Қатардағы және басшы құрамының адамдарына ақша аттестаты:
а) iшкi iстер, қылмыстық-атқару жүйесi органының бiрiнен екiншiсiне ауыстырылған барлық жағдайда, соның iшiнде оқыту үшiн үш айдан астам мерзiмге оқу орындарына , сондай-ақ тағлымдамаға жiберiлгенде қандай да бiр себептермен кетерде ақша аттестаты берiлмеген жағдайда қаржы аппараты (бухгалтерия) кеткен адамның жаңа қызмет орнына бұл аттестатты салып жiберуге мiндеттi;
Ескерту: Үш айға дейiн оқитын мерзiмге ақша аттестаты берiлмейдi, өйткенi қатардағы және басқару құрамындағы адам ақшалай төлеммен қызмет орны бойынша қамтамасыз етiледi.
ә) орта, аға және жоғары басшы құрамы адамдарын iшкi iстер, қылмыстық-атқару жүйесi органдарынан Қарулы Күштерге және Ұлттық қауiпсiздiк комитетiне ауыстырғанда;
б) iшкi iстер, қылмыстық-атқару жүйесi органдарында қызметiн атқарушы басшы құрамының адамдарды қолданылып жүрген заңдарға сәйкес пайдаланатын құқықтар, жеңiлдiктер және артықшылықтар iссапардағыларға сақталатын жағдайда Iшкi iстер министрлiгiнiң Әдiлет министрлiгi Қылмыстық-атқару жүйесi комитетiнiң кадрлары қатарында қалдырыла отырып iшкi iстер органдары басшы құрамының адамдары басқа министрлiктер мен ведомстволарға немесе оларға қарасты мекемелерге, кәсiпорындар мен ұйымдарға iссапармен жiберiлгенде;
в) iшкi iстер, қылмыстық-атқару жүйесi органдарынан запасқа немесе зейнетақы тағайындай отырып орнынан босатылғанда берiледi. Зейнетақы тағайындалып босатылатындардың қолына ақша аттестаты берiлмейдi, басқа құжаттармен бiрге зейнетақы тағайындау үшiн тиiстi iшкi iстер органына жiберiледi.
Ескерту. 130-тармақ өзгерді - ҚР Үкіметінің 2001.12.28. N 1755
қаулысымен. P011755_
131. Ақша аттестаты ақшалай төлемнiң жеке кәртiшкесiне қолхатпен берiледi және тiркеу журналына жазылады, онда:
ақша аттестатының нөмiрi мен берiлген күнi;
қатардағы және басшы құрамы адамның аты-жөнi, атқаратын қызметi және арнаулы әскери атағы;
қатардағы немесе басшы құрамындағы адамның қайда кеткенi;
ақшалай төлемнiң қай уақытқа дейiн төленгенi, қандай еңбекақыдан және қандай үстемелер төленгенi көрсетiледi.
132. Аттестатта есеп айырысу туралы деректер келтiрiлгенде мынадай көрсеткiштердiң толтырылуына ерекше назар аударылады;
лауазымдық еңбекақы - штаттық лауазым бойынша еңбекақы, соның iшiнде көтерiңкiсi;
азық-түлiк сыбағасының орнына ақшалай өтем осы адамға төленген жағдайда көрсетiледi. Егер сыбағаны заттай беру (немесе тегiн тамақтану түрiнде) белгiленсе, "заттай" деп көрсетiледi. Егер бұл адамның заттай сыбаға (немесе тегiн тамақтануға) алуға немесе азық-түлiк сыбағасының орнына ақшалай өтем алуға құқығы болмаса, аттестатқа мiндеттi түрде "берiлмейдi" деп көрсетiледi.
133. Ақша аттестаты айқын толтырылады, оған iшкi iстер, қылмыстық-атқару жүйесi органы басшысының және қаржы аппараты (бухгалтерия) бастығының қолы қойылады және мөр басылады.
Ақша аттестаттарын қарындашпен толтыруға жол берiлмейдi.
Мөрi жоқ немесе қол қойылмаған, өшiрулерi немесе ескертiлмеген түзетулерi бар, сондай-ақ дұрыс толтырылмаған ақша аттестаттарының күшi жоқ деп саналады.
Ақша аттестатында есеп айырысу жөнiндегi жазбалардың дұрыстығын растайтын аттестат иесiнiң қолы болуға тиiс.
134. Жаңа қызмет орнына келiп, ақша аттестатын ұсынбағандарға (оны жоғалтып алуы немесе басқа себептермен) жаңа қызмет орны бойынша ақшалай төлем тағайындау туралы бұйрық пен рапорт негiзiнде төленедi, онда келген адам ақша аттестатын ұсынбау себебiн, бұрынғы қызмет орны бойынша алып жүрген ақшалай төлемнiң мөлшерiн, ақшалай төлеммен қанағаттандырылған мерзiмiн, одан ұсталғаннан кейiнгi тиесiлi соманы, сондай-ақ iшкi iстер, қылмыстық-атқару жүйесi органы қарауындағы (резервiнде) болған пункттерiнде оның алған ақшалай төлемiнiң сомасын көрсетедi.
Бiр мезгiлде қаржы аппаратының (бухгалтерияның) бастығы бұл адамдардың бұрынғы қызмет орны бойынша ақша аттестатының көшiрмесiн сұратады және рапорт пен көшiрме деректерi сәйкес келмеген жағдайда бұрын берiлген ақшалай төлемге қажеттi қайта
есептеулер жүргiзiледi.
135. Ақша аттестаттарының бланкiлерiн жер-жерде облыстық
iшкi iстер басқармаларының, көлiктегi iшкi iстер басқармасының,
Алматы қаласындағы iшкi iстер Бас басқармасының, Ленинск
қаласындағы iшкi iстер басқармасының, оқу орындарының қаржы
қызметi орындары әзiрлейдi.
Қосымша
N __________ АҚША АТТЕСТАТЫ
-------------------------------------------------------------
(аттестат берген органның атауы)
-------------------------------------------------------------
(арнайы атағы, лауазымы)
-------------------------------------------------------------
(аты-жөнi және жеке нөмiрi)
мыналарға ие болғанын куәлендiредi:
1. Айына _______________ теңге лауазымдық еңбекақысы
2. Айына _______________ теңге азық-түлiк сыбағасы орнына
үстеме
3. Айына _______________ теңге арнайы атаққа берiлетiн
еңбекақы
4. ___________ % мөлшерiнде қызмет өткерген жылдарына
төленетiн проценттiк үстеме
199___ жылғы 1 қаңтардағы жағдай бойынша қызмет өткерген
жылдарына 199___ жылғы N _____ бұйрығымен ______ жыл
_______ ай ____________ күн белгiленген
5. Айына ______________________ теңге кластылығы үшiн
6. Айына ______________________ теңге кәсiби шеберлiгi үшiн
7. __________________________________________________________
Ақшалай төлемнiң төмендегi түрлерiне қанағаттанамын
1. Лауазымдық еңбекақы ___________________ бойынша 199___ жыл
2. Арнайы атаққа берiлетiн еңбекақы _________________________
бойынша 199___ жыл
3. Қызмет өткерген жылдарына төленетiн проценттiк үстеме
________________________ бойынша 199____ жыл
4. Азық-түлiк сыбағасы орнына үстемеақы ______________________
бойынша 199____ жыл
5. Кластылығы үшiн ______________________ бойынша 199____ жыл
6. Кәсiби шеберлiгi үшiн ________________ бойынша 199____ жыл
7. __________________________________________________________
8. ________________________________________ ай
9. Барлық есептеп шығарылғаны ____________ бойынша __________
_____________________________________________________________
_____________________________________________________________
_____________________________________________________________
10. __________ қаласынан ___________ қаласына дейiнгi баратын
жолға тәулiктiк ақша _____________ тәулiкке тәулiгiне _______
барлығы _____________________________________________________
11. Көтерме жәрдемақы есебiнде аванс ________ теңге сомасында
_____________________________________________________________
12. Жұмыстан босатылған кезде _______________________________
сомасы мөлшерiнде бiржолғы жәрдемақы төленген
13. 199___ жылғы демалысын _________ барлау арқылы пайдаланды
14. __________________ станциясына дейiн жол жүруге _________
адамға
N тасымал құжаты берiлдi. Жүк тасымалдау бөлiмшесi арқылы
үй жүгiн тасымалдауға ______________ килограмға құжаты берiлдi
шапшаң/ақырын жылдамдықпен __________________________________
_____________________________________________________________
_____________________________________________________________
15. ________________________ теңге сомасы мөлшерiнде берешегi
(берешектiң түрi көрсетiлсiн)
бар. 19_____ жылы ___________________________________________
өндiрiлiп алынып, мына мекен-жайға жiберiлуi тиiс ___________
_____________________________________________________________
(кредиттi қалпына келтiруге ме немесе мемлекет пайдасына
_____________________________________________________________
берiле ме, қайда аударылатыны немесе тапсырылатыны
_____________________________________________________________
көрсетiлсiн)
16. _________________________________________________________
мыналардың резервiнде - қарамағында тұр (штаттан тыс)
19_____ жылдан бастап _______________________________________
_____________________________________________________________
_____________________________________________________________
_____________________________________________________________
_____________________________________________________________
17. _________________________________________________________
_____________________________________________________________
_____________________________________________________________
_____________________________________________________________
_____________________________________________________________
_____________________________________________________________
-------------
17-бағанда аттестаттың тиiстi бағандарында аталмаған ұсталымдар көрсетiледi (алимент бойынша ұстап қалу, отбасына және т.б.)
