Қазақстан Республикасының Қаржы министрлiгi бюджетке төлемдерi бойынша төменде аталған шаруашылық жүргiзушi субъектiлер мен республикалық бюджет арасындағы жалпы сомасы 516,0 (бес жүз он алты) млн. теңге берешекке бiржолғы есептеме жасайтын болсын, оның iшiнде:
директивалық кредиттер бойынша "Екiбастұзкөмiр" мемлекеттiк акционерлiк қоғамына 137 (жүз отыз жетi) млн. теңге, Экономиканы жаңғырту қорына - 95 (тоқсан бес) млн. теңге және Жер қойнауын қорғау мен минералдық-шикiзат базасын ұлғайту қорына - 70 (жетпiс) млн. теңге есептеме жасасын;
Экономиканы жаңғырту қоры бойынша Тың темiр жолы басқармасына - 160 (жүз алпыс) млн. теңге есептеме жасасын;
директивалық кредиттер бойынша "Алтайэнерго" электр энергиясы жөнiндегi өндiрiстiк бiрлестiгiне - 37 (отыз жетi) млн. теңге есептеме жасасын;
Экономиканы жаңғырту қоры бойынша Алматы темiр жол басқармасына - 17 (он жетi) млн. теңге есептеме жасасын;
қаржыландыру кезiнде "Қазақстанэнерго" мемлекеттiк электр энергиясы компаниясы жүйесiнiң кәсiпорындары 1995 жылдың 1 қазанына дейiн оларға берген жылуы мен электр энергиясы үшiн мыналарға қарасты бюджеттiк мекемелердiң берешегiне: Қазақстан Республикасының Iшкi iстер министрлiгiне - 120 (жүз жиырма) млн. теңге сомасында, Қазақстан Республикасының Қорғаныс министрлiгiне - 238 (екi жүз отыз сегiз) млн. теңге, Қазақстан Республикасының Ұлттық қауiпсiздiк комитетiне - 12 (он екi) млн. теңге, Қазақстан Республикасының Мемлекеттiк шекара күзетi жөнiндегi мемлекеттiк комитетiне - 120 (жүз жиырма) млн. теңге, Қазақстан Республикасының Азаматтық қорғаныс штабына - 12 (он екi) млн. теңге, Қазақстан Республикасының Министрлер Кабинетi жанындағы Мемлекеттiк материалдық резервтер жөнiндегi комитетiне - 5 (бес) млн. теңге және Қазақстан Республикасының Бiлiм министрлiгiне - 9 (тоғыз) млн. теңге, аталған сомаларды бюджеттiң кiрiсi мен шығысы бөлiктерiнде көрсете отырып, есептеме жасасын.
Қазақстан Республикасының
Премьер-министрi
