"Жер қойнауы және жер қойнауын пайдалану туралы" Қазақстан Республикасы Президентiнiң 1996 жылғы 27 қаңтардағы
N 2828
Жарлығын
жүзеге асыру мақсатында Қазақстан Республикасының Үкiметi қаулы етедi:
Жер қойнауын пайдалану операциялары бойынша қайтаруға жататын шығындарды енгiзу тәртiбi туралы қоса берiлiп отырған Ереже бекiтiлсiн.
Қазақстан Республикасының
Премьер-Министрi
Қазақстан Республикасы
Үкiметiнiң
1997 жылғы 27 қаңтардағы
N 110 қаулысымен
Бекiтiлген
Жер қойнауын пайдалану операциялары бойынша
қайтаруға жататын шығындарды енгiзу тәртiбi туралы
ЕРЕЖЕ
1. Осы Ереже Жер қойнауын пайдаланушыларға Жер қойнауын пайдалану жөнiндегi операцияларды жүргiзуге жұмсаған шығындарын қайтаруға байланысты процедуралық мәселелердi реттейдi.
2. Осы Ережеде қолданылған айқындаулар мен терминдер "Жер қойнауы және жер қойнауын пайдалану туралы" Қазақстан Республикасы Президентiнiң 1996 жылғы 27 қаңтардағы N 2828 Заң күшi бар Жарлығында (бұдан әрi - "Жер қойнауы туралы" Жарлық) берiлген мазмұнда пайдаланылды.
3. Пайдалы қазбалар кен орындарын барлау және пайдалы қазбаларды өндiрумен байланысты барлық қалған жұмыстар Жер қойнауын пайдаланушылардың қаражаты есебiнен ғана қаржыландырылады.
4. Жер қойнауын мемлекеттiк геологиялық зерделеу Республикалық бюджеттен қаржыландырылады.
Мемлекеттiк геологиялық зерделеу жөнiндегi жұмыстарға мыналар жатқызылады:
геологиялық, геофизикалық, гидрогеологиялық 1:50000 және одан да ұсақ масштабтың түсiрiлiмдерiн, жер сiлкiнiсiн болжау, гидрогеологиялық, геоэкологиялық 1:100000 және одан да ұсақ масштабты түсiрiлiмдердi, жер қойнауын жалпы зерделеуге бағытталған басқа жұмыстарды қоса, аумақтық геологиялық-геофизикалық зерттеулер;
жер қойнауы және жер қойнауын пайдалану мониторингiн жасау және жүргiзу;
жалпымемлекеттiк сипаттағы ғылыми-зерттеу, тәжiрибелiк-конструкторлық, тақырыптық жұмыстар, сондай-ақ жер қойнауын пайдаланудың нормативтiк-құқықтық базасын құруға байланысты жұмыстар.
5. Пайдалы қазбалар кен орындарын барлау жөнiндегi нақты жұмыс түрлерiнiң тiзбесi, қосымша жұмыстар мен шығындар, олардың көлемi мен құны жер қойнауын пайдалану мақсатына және пайдалы қазбалар кен орындарының ерекшелiктерiне, ғылыми-техникалық мүмкiндiктерге, Барлауға қойылатын талаптарға, жер қойнауын және қоршаған ортаны қорғау жөнiндегi талаптарға сүйене отырып Жұмыс бағдарламасында айқындалады.
6. Сондай-ақ арнаулы жұмыстардың жекелеген түрлерi (сызба-рәсiмдеу, сараптама және басқалар) Барлау жөнiндегi жұмыс кешенiнiң құрамдас бөлiгi болып табылады және Жер қойнауын пайдаланушымен мердiгерлiк негiзiнде басқа, арнаулы геологиялық емес кәсiпорындардың күшiмен құрылуы мүмкiн. Осы жұмыстарды орындаудың қажеттiлiгi Контрактiге қоса берiлетiн Жұмыс бағдарламасына енгiзiледi.
7. Контрактiге көзделген және Контракт аумағында жұмыстарды орындаған кезде Жер қойнауын пайдаланушы берген жанама шығындар, әкiмшiлiк шығындар, атап айтқанда, басқару аппаратын ұстауға, құрылыс және офистердi ұстауға, өкiлдiк консультациялық, аудиторлық қызмет көрсетулерге жұмсалатын және Барлауға жұмсалатын жалпы шығын көлемiнде көзделген басқа да шығындар Жұмыс бағдарламасында белгiленген мөлшерден аспауы керек.
8. Жер қойнауын пайдаланушының Барлауға жатқызылған шығыны Коммерциялық табулар болған жағдайда Коммерциялық табуды келесi пайдалану кезiнде Қазақстан Республикасының қолданылып жүрген заңдарына сәйкес амортизациялық аударым түрiнде қайтарылады.
9. Жер қойнауын пайдаланушының Барлауға жатқызылған шығынын Коммерциялық табулар болмаған жағдайда Қазақстан Республикасы қайтармайды.
10. Жер қойнауын пайдаланушының:
Қазақстан Республикасынан тысқары жерлердегi офистердi салуға және ұстауға;
Құзыреттi органдармен келiсiлген Жұмыс бағдарламасына енгiзiлмеген;
Қазақстан Республикасының Геология және жер қойнауын қорғау министрлiгi жанындағы Қорлар жөнiндегi мемлекеттiк комиссия бұрын бекiткен кен орындарының пайдалы қазбалар қорларын қайта бағалау жөнiндегi шығындары қайтаруға жатпайды.
11. Өндiру процесiнде жұмсалған шығындар Қазақстан Республикасының заңдарына сәйкес қайтарылады.
12. Жер қойнауын пайдаланушылар жасаған шығындар Қазақстан Республикасында қабылданған бухгалтерлiк есеп стандарттарына сәйкес есепке алуда және есеп беруде көрсетiледi.
13. Қаржылық есеп берудiң дұрыстығын растау қажет болған жағдайда тәуелсiз аудиторлар тартылады.
14. Жер қойнауын пайдаланушылар тапсырған қаржылық есеп берулердiң мәлiметтерi мен тәуелсiз аудиторлар алған мәлiметтердiң арасында айырмашылық болған жағдайда тәуелсiз аудиторлардың нәтижелерi қабылданады.
