Байланыс формасы

Қазақстан Республикасының темiр жол кәсiпорындарын қайта ұйымдастыру туралы

Жаңартылған

Қазақстан Республикасы Үкiметiнiң Қаулысы 1997 жылғы 31 қаңтардағы N 129

      Темiржол көлiгi басқармаларын қаржылық-экономикалық сауықтыру және құрылымдық оңтайландыру мақсатында Қазақстан Республикасының Үкiметi қаулы етедi:
      1. "Алматы темiржол басқармасы", "Тың темiржол басқармасы", "Батыс Қазақстан темiржол басқармасы" республикалық мемлекеттiк кәсiпорындары қосылу жолымен шаруашылық жүргiзу құқығында "Қазақстан темiр жолы" (бұдан әрi - Кәсiпорын) республикалық мемлекеттiк кәсiпорын болып қайта ұйымдастырылсын.
      2. Қазақстан Республикасының Көлiк және коммуникациялар министрлiгi Кәсiпорынның мемлекеттiк басқару органы, сондай-ақ оған қатысы бойынша мемлекеттiк меншiк құқығы субъектісiнiң функциясын жүзеге асыратын орган болып табылады.
      3. Қазақстан Республикасының Көлiк және коммуникациялар министрлiгi:
      бiр ай мерзiмде Кәсiпорынның Жарғысын бекiтсiн;
      Кәсiпорынның басшысы болып Е.Ж.Қалиев тағайындалсын;
      Қазақстан Республикасының Мемлекеттiк мүлiктi басқару жөнiндегi мемлекеттiк комитетiмен бiрлесiп Кәсiпорынды Алматы қаласында орналастыру мәселесiн шешсiн;
      Қазақстан Республикасының Баға және монополияға қарсы саясат жөнiндегi мемлекеттiк комитетiнiң келiсiмi бойынша қайта ұйымдастырылатын еншiлес мемлекеттiк кәсiпорындарды сақтап қалу жөнiндегi мәселенi шешсiн.
      4. Қазақстан Республикасы Мемлекеттiк мүлiктi басқару жөнiндегi мемлекеттiк комитетiнiң жанындағы кәсiпорындарды қайта ұйымдастыру жөнiндегi агенттiк қайта ұйымдастырылған кәсiпорындардың қаржылық жай-күйiне бағалау жүргiзсiн және Қазақстан Республикасының Үкiметiне кредиторлық және дебиторлық берешектерiн қайта құрылымдау жөнiнде ұсыныстар енгiзсiн.
      5. Қазақстан Республикасының Қаржы министрлiгiмен, Экономика министрлiгiмен, Баға және монополияға қарсы саясат жөнiндегi мемлекеттiк комитетiмен бiрлесiп Көлiк және коммуникациялар министрлiгi, "Қазақстан темiр жолы" республикалық мемлекеттiк кәсiпорнының басшысы 1997 жылдың 1 шiлдесiне дейiн Қазақстан Республикасының темiр жол көлiгiнiң перспективалық даму бағдарламасын әзiрлесiн және Үкiметке тапсырсын.
      6. Қазақстан Республикасының Көлiк және коммуникациялар министрлiгi 1997 жылдың 1 сәуiрiне дейiн мерзiмге "Қазақстан темiр жолы" республикалық мемлекеттiк кәсiпорнының және оның еншiлес кәсiпорындарының барлық есеп айырысу және басқа да шоттарын "ТұранӘлем Банкi" жабық үлгiдегi акционерлiк қоғамына ауыстыруды қамтамасыз етсiн.
      7. Қазақстан Республикасының темiр жол көлiгiн қаржылық-экономикалық сауықтыру және реформалау мақсатында қосымшаға сәйкес құрамда комиссия құрылсын.
      8. Күші жойылды - ҚР Үкіметінің 05.08.2013 № 796 қаулысымен.

      9. "Қазақстан Республикасының темiр жолын қайта ұйымдастыру және оны қаржылық-экономикалық сауықтыру жөнiндегi шаралар туралы" Қазақстан Республикасы Үкiметiнiң 1996 жылғы 21 қарашадағы N 1417 қаулысы 2-тармағының күшi жойылған деп танылсын.
      10. Осы қаулының орындалуына бақылау жасау Қазақстан Республикасы Премьер-Министрiнiң орынбасары Д.Т.Дүйсеновке жүктелсiн.

      Қазақстан Республикасының
      Премьер-Министрi

                                     Қазақстан Республикасы
                                           Үкiметiнiң
                                     1997 жылғы 31 қаңтардағы
                                         N 129 қаулысына
                                            қосымша

        Темiр жол көлiгiн қаржылық-экономикалық сауықтыру
             және реформалау жөнiндегi комиссияның
                               ҚҰРАМЫ

      Лавриненко Ю.И.        - Қазақстан Республикасы Көлiк және
                              коммуникациялар министрi, комиссия
                              төрағасы

                       Комиссия мүшелерi:

      Қалиев Е.Ж.            - "Қазақстан темiр жолы" республикалық
                              мемлекеттiк кәсiпорнының басшысы

     Андрющенко А.И.        - Қазақстан Республикасы Экономика
                              министрiнiң орынбасары

     Менжулин Б.И.          - Қазақстан Республикасы Қаржы
                              министрiнiң орынбасары

     Мұхаметжанов С.Н.      - Қазақстан Республикасы Көлiк және
                              коммуникациялар министрiнiң орынбасары

     Молоканов А.А.         - Қазақстан Республикасының Мемлекеттiк
                              мүлiктi басқару жөнiндегi мемлекеттiк
                              комитетi төрағасының орынбасары -
                              Қазақстан Республикасының Мемлекеттiк
                              мүлiктi басқару жөнiндегi мемлекеттiк
                              комитетi жанындағы Кәсiпорындарды
                              қайта ұйымдастыру жөнiндегi
                              агенттiктiң директоры

     Ушуров И.А.            - Қазақстан Республикасы Үкiметiнiң
                              Аппараты Заң бөлiмi меңгерушiсiнiң
                              бiрiншi орынбасары


Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады