Қазақстан Республикасының Үкіметі ҚАУЛЫ ЕТЕДІ:
Ақмола, Ақтөбе, Алматы, Жамбыл, Оңтүстік Қазақстан, Шығыс Қазақстан, облыстары мен Алматы қаласы әкімдерінің Қазақстан Республикасының мемлекеттік органдарымен және Қазақстан Республикасы Үкіметінің жанындағы Мемлекеттік ономастика комиссиясымен келісілген:
1) Мына білім және мәдениет мекемелеріне:
Ақмола облысы бойынша
Атбасар аудандық орталық кітапханасына - көрнекті жазушы Ілияс
Есенберлиннің;
Астрахан ауданындағы Қоскөл орталау мектебіне - Социалистік Еңбек Ері
Жапархан Асайыновтың;
Ерейментау қаласындағы N 3 орта мектепке - белгілі ақын Төлеу
Шахановтың;
Қорғалжын аудандық Мәдениет үйіне - белгілі композитор, халық әртісі
Кенжебек Күмісбековтың;
Қорғалжын аудандық халық театрына - осы театрдың алғашқы режиссері
Қалимұса Құсайыновтың;
Сандықтау ауданындағы Қызыл Қазақстан орта мектебіне - Социалистік
Еңбек Ері, Мемлекеттік сыйлықтың иегері Нұрғабыл Мәлғаждаровтың;
Сандықтау ауданындағы Сандықтау орта мектебіне - Кеңес Одағының
Батыры Иван Терехиннің;
Ақтөбе облысы бойынша
Ақтөбе облыстық филармониясына - белгілі композитор, халық әртісі
Ғазиза Жұбанованың;
Әйтеке би ауданындағы Аралтоғай орта мектебіне - алғашқы қазақ
зиялыларының бірі, 1930 жылдардағы куғын-сүргіндердің құрбаны Сейдолла
Оразалиннің;
Алматы облысы бойынша
Жамбыл ауданындағы Самсы орта мектебіне - мемлекет қайраткері Телтай
Сәрсембековтің;
Панфилов ауданындағы Аққұдық бастауыш мектебіне - қоғам қайраткері
Шабдан Байбатшаевтың;
Талғар қаласындағы N 5 орта мектепке - аса көрнекті жазушы Мұхтар
Әуезовтың;
Оңтүстік Қазақстан облысы бойынша
Бәйдібек ауданындағы Сарқырама орта мектебіне - халық ағарту ісінің
үздігі, белгілі педагог Оңғар Ормановтың;
Отырар ауданындағы Ынталы орталау мектебіне - белгілі әдебиет
зерттеушісі, профессор Әбіш Байтанаевтың;
Шымкент қаласындағы N 62 орталау мектепке - көрнекті мемлекет және
қоғам қайраткері Нәзір Төреқұловтың;
Шығыс Қазақстан облысы бойынша
Жарма ауданындағы Георгиевка орта мектебіне - Қазақстан
Республикасының еңбек сіңірген мұғалімі Қажыгелды Орынбаевтың;
Алматы қаласы бойынша
Қазақстанның денсаулық сақтау және тарихы мұражайына - Қазақстан
Республикасының еңбек сіңірген фармацевті, жазушы-драмашы Сәлкен
Сұбханбердиннің есімдерін беру туралы;
2) Мына білім және мәдениет мекемелерінің атауларын:
Алматы облысы бойынша
Көксу ауданындағы Луначарский атындағы орта мектепті - екі мәрте
Социалистік Еңбек Ері, ауыл шаруашылығының көрнекті ұйымдастырушы Нұрмолда
Алдабергенов атындағы орта мектеп;
Жамбыл облысы бойынша
Қаратау қаласындағы Ленин атындағы орта мектепті - аса көрнекті
жазушы Мұхтар Әуезов атындағы орта мектеп;
Оңтүстік Қазақстан облысы бойынша
Бәйдібек ауданындағы Ленин атындағы орта мектепті - Шаян орта мектебі;
Мақтаарал ауданындағы "Социализм" орталау мектебін - Ынтымақ орталау
мектебі;
Мақтаарал ауданындағы Энгельс атындағы орта мектепті - Еңбек орта
мектебі;
Мақтаарал ауданындағы "Октябрь" орта мектебін - Жаңадала орта мектебі;
Мақтаарал ауданындағы Сакко и Ванцетти атындағы орта мектепті -
Сырдария орта мектебі;
Сайрам ауданындағы Қаратөбе ауылдық округіне қарасты Тельман атындағы
орта мектепті - осы мектепті ұйымдастырушылардың бірі Есекей Юсупов
атындағы орта мектеп;
Шығыс Қазақстан облысы бойынша
Шар қаласындағы Калинин атындағы орта мектепті - халық ақыны Төлеу
Көбдіков атындағы орта мектеп деп қайта атау туралы ұсыныстары қабылдансын.
Қазақстан Республикасының
Премьер-Министрі
