Байланыс формасы

"Бөбек" республикалық оқу-сауықтыру орталығы" республикалық қазыналық кәсіпорнын құру туралы

Жаңартылған

Қазақстан Республикасы Үкіметінің Қаулысы 1999 жылғы 15 сәуір N 413. Атауы өзгерді - ҚР Үкіметінің 1999.12.02 N 1824 қаулысымен. ~P991824

      Қазақстан Республикасы Президентінің "Мемлекеттік кәсіпорындар туралы" 1995 жылғы 19 маусымдағы N 2335 заң күші бар  Жарлығына сәйкес Қазақстан Республикасының Үкіметі қаулы етеді:

      1. "Республикалық оқу-тәрбие орталығы" республикалық қазыналық кәсіпорны (бұдан әрі - Кәсіпорын) құрылсын.

      2. Қазақстан Республикасының Білім және ғылым министрлігі Кәсіпорынды мемлекеттік басқаруға уәкілеттік берілген орган, сондай-ақ Кәсіпорынға қатысты мемлекеттік меншік құқығы субъектісінің функцияларын жүзеге асырушы орган болып белгіленсін.<*>
       ЕСКЕРТУ. 2-тармақ өзгерді - ҚР Үкіметінің 1999.12.02 N 1824  қаулысымен .

      3. Кәсіпорын қызметінің негізгі нысанасы әлсіз, ауру балаларды, сондай-ақ экологиялық қолайсыз аймақтардың, әл-ауқаты төмен және көп балалы отбасыларының балаларын, балалар үйлеріндегі жетім балаларды тәрбиелеу, оқыту және сауықтыру болып айқындалсын.<*> 
       ЕСКЕРТУ. 3-тармақ жаңа редакцияда - ҚР Үкіметінің 1999.12.02 N 1824 қаулысымен.

      4. "Республикалық балаларды сауықтыру-оңалту орталығы" республикалық қазыналық кәсіпорны таратылсын.

      5. Қазақстан Республикасының Денсаулық сақтау, білім және спорт министрлігі заңдарда белгіленген тәртіппен: 
      бір айлық мерзім ішінде Кәсіпорынның жарғысын бекітсін және оны мемлекеттік тіркеуді қамтамасыз етсін; 
      "Республикалық балаларды сауықтыру-оңалту орталығы" республикалық қазыналық кәсіпорнын таратуды жүргізсін және таратылған кәсіпорынның мүлкін құрылған кәсіпорынға берсін.

      6. "Бөбек" республикалық оқу-сауықтыру орталығы" республикалық қазыналық кәсіпорны таратылатын "Республикалық балаларды сауықтыру-оңалту орталығы" республикалық қазыналық кәсіпорынның құқықтық мұрагері болып табылады;<*> 
      Кәсіпорынды 1999 жылы қаржыландыру "Балаларды оңалту" бюджеттік бағдарламасы бойынша көзделген қаражаттың шегінде жүргізіледі деп белгіленсін. 
      Кәсiпорынды қаржыландыру республикалық бюджеттен және заңдармен тиым салынбаған басқа да көздерден жүзеге асырылады.<*> 
       ЕСКЕРТУ. 6-тармақ өзгерді және толықтырылды - ҚР Үкіметінің 1999.12.02 N 1824 қаулысымен.

      7. Күші жойылды - ҚР Үкіметінің 05.08.2013 № 796 қаулысымен.

      8. Қазақстан Республикасының Денсаулық сақтау, білім және спорт министрлігі заңдарда белгіленген тәртіппен Үкіметтің бұрын қабылдаған шешімдерін осы қаулымен сәйкес келтіру жөнінде ұсыныс енгізсін, сондай-ақ Министрліктің бұрын қабылданған шешімдерін осы қаулыға сәйкес келтірсін.

      9. Осы қаулы қол қойылған күнінен бастап күшіне енеді.

      Қазақстан Республикасының
      Премьер-Министрі

Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады