"Қазақстан Республикасының Ауыл шаруашылығы министрлігінің Оңтүстік Қазақстан гидрогеологиялық-мелиоративтік экспедициясы" және "Қазақстан Республикасының Ауыл шаруашылығы министрлігінің Қызылорда гидрогеологиялық-мелиоративтік экспедициясы" республикалық мемлекеттік кәсіпорындарын құру туралы

Жаңартылған

Қазақстан Республикасы Үкіметінің Қаулысы. 1999 жылғы 11 маусым N 722

      Қазақстан Республикасының Үкіметі қаулы етеді:
      1. "Қазақстан Республикасы Ауыл шаруашылығы министрлігінің Оңтүстік Қазақстан гидрогеологиялық-мелиоративтік экспедициясы" және "Қазақстан Республикасы Ауыл шаруашылығы министрлігінің Қызылорда гидрогеологиялық-мелиоративтік экспедициясы" мемлекеттік мекемелері шаруашылық жүргізу құқығындағы "Қазақстан Республикасы Ауыл шаруашылығы министрлігінің Оңтүстік Қазақстан гидрогеологиялық-мелиоративтік экспедициясы" және "Қазақстан Республикасы Ауыл шаруашылығы министрлігінің Қызылорда гидрогеологиялық-мелиоративтік экспедициясы" республикалық мемлекеттік кәсіпорындары (бұдан әрі - Кәсіпорындар) етіп қайта құру жолымен қайта ұйымдастырылсын.

      2. Кәсіпорындар қызметінің негізгі нысанасы мыналар болып белгіленсін:
      суармалы жерлерде мониторинг инженерлік және топырақ-мелиоративтік іздестірулер мен зерттеулер жүргізу;
      суармалы жерлердің мелиоративтік жай-күйін бағалау және оларды жақсарту мен тиімді пайдалану жөнінде ұсынымдар дайындау;
      ирригациялық-дренаждық жүйелердің жұмысын және суармалы жерлердің мелиоративтік жағдайын жақсарту аясында шаруашылық қызметін жүргізу.

      3. Қазақстан Республикасының Ауыл шаруашылығы министрлігі Кәсіпорындарға қатысты мемлекеттік меншік құқығы субъектісінің міндеттерін жүзеге асыратын мемлекеттік басқару органы болып белгіленсін.

      4. Қазақстан Республикасының Ауыл шаруашылығы министрлігі заңдарда белгіленген тәртіппен:
      1) Кәсіпорындардың жарғыларын бекітсін;
      2) жарғы капиталдарын қалыптастырсын;
      3) олардың мемлекеттік тіркелуін қамтамасыз етсін.

     5. <*>
     Ескерту. 5-тармақ күшін жойды - ҚР Үкіметінің 2003.02.24. N 189 қаулысымен.

            6. Осы қаулы қол қойылған күнінен бастап күшіне енеді.

    Қазақстан Республикасының
     Премьер-Министрі

Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады