Байланыс формасы

"Қазақстан Республикасы Қорғаныс министрлігінің Қазәскерижоба" республикалық мемлекеттік кәсіпорнын құру туралы

Жаңартылған

Қазақстан Республикасы Үкіметінің Қаулысы 1999 жылғы 9 қыркүйек N 1344

      Қазақстан Республикасы Президентінің "Мемлекеттік кәсіпорын туралы" 1995 жылғы 19 маусымдағы N 2335 заң күші бар Жарлығына сәйкес Қазақстан Республикасының Үкіметі қаулы етеді:

      1. Қазақстан Республикасы Қорғаныс министрлігінің 29 Әскерижобасы қайта құру жолымен "Қазақстан Республикасы Қорғаныс министрлігінің Қазәскерижоба" шаруашылық жүргізу құқығындағы республикалық мемлекеттік кәсіпорнына (бұдан әрі - Кәсіпорын) қайта ұйымдастырылсын.

      2. Қазақстан Республикасының Қорғаныс министрлігі мемлекеттік басқару органы, сондай-ақ Кәсіпорынға қатысты мемлекеттік меншік құқығы субъектісінің функциясын жүзеге асырушы орган болып айқындалсын.

      3. Шаруашылық жүргізудің арнаулы тәртібі белгіленген салада Кәсіпорын қызметінің негізгі нысанасы: 
      1) Қорғаныс министрлігінің жалпы әскери ғимараттары мен арнаулы құрылыстарының күрделі құрылыс және күрделі жөндеу объектілерін кешенді жобалау-сметалық құжаттамамен қамтамасыз ету; 
      2) жобалау мен құрылыс салуда Қорғаныс министрлігінің салынып жатқан объектілердің жоғары техникалық деңгейі мен сапасына қол жеткізуге бағытталған бірыңғай техникалық саясатын жүргізу деп айқындалсын.

      4. Қазақстан Республикасының Қорғаныс министрлігі заңдарда белгіленген тәртіппен: 
      1) Кәсіпорынның жарғысын әзірлесін және бекітсін, оны мемлекеттік тіркеуді қамтамасыз етсін; 
      2) Осы қаулыдан туындайтын өзге де шараларды қабылдасын.

      5. Күші жойылды - ҚР Үкіметінің 05.08.2013 № 796 қаулысымен.

      6. Осы қаулы қол қойылған күнінен бастап күшіне енеді.

       Қазақстан Республикасының
      Премьер-Министрі

Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады