Қазақстан Республикасының Ұлттық Олимпиадалық комитетi туралы

Күшін жойған

Қазақстан Республикасы Президентiнiң Жарлығы 1993 жылғы 5 наурыз N 1150. Күші жойылды - Қазақстан Республикасы Президентінің 2001.07.04. N 646 жарлығымен. ~U010649

      Қазақстан Республикасында олимпиадалық қозғалысты одан әрi дамыту, спортты басқаруды демократияландыру мақсатында, сондай-ақ Қазақстанның Ұлттық Олимпиадалық комитетiн Халықаралық Олимпиадалық комитеттiң ресми танығандығын ескере отырып қаулы етемiн:
      1. Халықаралық құқық нормаларына сәйкес олимпиадалық спорт түрлерi федерациясының жұмысты үйлестiрудi және халықаралық спорттық аренада олардың мүддесiн бiлдiрудi Қазақстан Республикасының Ұлттық Олимпиадалық комитетiне беру жөнiндегi бастамасын қолдау.
      2. Жыл сайын спорттық шараларды өткiзуге және ұлттық құрама командаларды жасақтауға бағытталған бюджеттiк қаражатты бөлу мәселесiн Туризм, дене шынықтыру және спорт министрлiгi Қазақстан Республикасы Ұлттық Олимпиадалық комитетiмен бiрлесе отырып қарауды белгiлесiн.
      3. Олимпиадалық және Азия ойындарына ұлттық құрама командалары сапалы дайындауды қамтамасыз ету үшiн Туризм, дене шынықтыру және спорт министрлiгiнiң Қазақстан Республикасы Ұлттық Олимпиада комитетiмен бiрлесе бекiткен спорттық шараларының календарьлық жоспарына сәйкес Қазақстан Республикасының Туризм, дене шынықтыру және спорт министрлiгiне және басқа да мүдделi министрлiктер мен ведомстволарға республикалық мәндегi ("Медеу" спорт кешенi, "Шымбұлақ" таулы-спорт базасы, Спорт сарайы, Қазақстан Республикасының орталық стадионы және тағы басқалар) спорт құрылыстарын берудi қамтамасыз ету.
      4. Қазақстан Республикасы Министрлер Кабинетi бiр ай мерзiм iшiнде олимпиадалық қозғалысқа жәрдемдесетiн Қордың олимпиадалық қозғалысты дамытуға бағытталатын табыс бөлiгiне салық салудан босатуға байланысты қазiргi күшiндегi заңдарға өзгерiс енгiзу жөнiнде Қазақстан Республикасының Жоғарғы Кеңесiне ұсыныс дайындасын.
      5. Қазақстан Республикасы Министрлер Кабинетiне екi ай мерзiм iшiнде кезектi Олимпиадалық және Азиялық ойындарға ұлттық құрама командаларды дайындау мәселесiн, сондай-ақ Қазақстанның Ұлттық Олимпиада комитетiнiң жұмысын Мемлекеттiк қолдау шараларын қарау тапсырылсын.
      6. Қазақстан Республикасы Сыртқы iстер министрлiгiне белгiленген тәртiп бойынша Олимпиадалық, Азиялық ойындарға бару, сондай-ақ Қазақстан Республикасы Ұлттық Олимпиада комитетi арқылы халықаралық спорттық шарттар мен контрактiлер (спортшылардың контракт арқылы шетелге шығуын қоса есептегенде) жасау үшiн спорт

делегацияларының жүру құжаттарын дайындау тапсырылсын.
     7. Қазақстан Республикасының Министрлiктерi мен ведомстволары,
облыс, Алматы және Ленинск қалалық әкiмдерi Қазақстан Республикасы
Ұлттық Олимпиада комитетiне барынша қолдау көрсетсiн.
     
     Қазақстан Республикасының 
             Президентi 
     
     
      
      


Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады