Байланыс формасы

Қазақстан Республикасының орталық атқарушы органдарының құрылымын жетiлдiру туралы

Жаңа

Қазақстан Республикасы Президентiнiң Жарлығы 1995 жылғы 19 қазан N 2541

      Қазақстан Республикасының орталық атқарушы органдарының жүйесiн Қазақстан Республикасының Конституциясына сәйкес келтiру, оның құрылымын жетiлдiрiп, қызметiнiң тиiмдiлiгiн арттыру мақсатында ҚАУЛЫ ЕТЕМIН:
      1. Мыналар таратылсын:
      1) Қазақстан Республикасының Мемлекеттiк қаржы бақылау

комитетi;
     2) Қазақстан Республикасының Төтенше жағдайлар жөнiндегi
мемлекеттiк комиссиясы;
     3) Қазақстан Республикасының Министрлер Кабинетi жанындағы
Қорғаныс өнеркәсiбi жөнiндегi комитет;
<*>

     4) Қазақстан Республикасының бiлiм министрлiгi жанындағы
Кәсiптiк-техникалық бiлiм беру жөнiндегi комитет;
     5) Қазақстан Республикасының Мемлекеттiк мүлiктi басқару
жөнiндегi мемлекеттiк комитетi жанындағы Лизинг жөнiндегi
департамент;
     6) Қазақстан Республикасының Азаматтық қорғаныс штабы.
     Ескерту. 1-тармақтың 3)-тармақшасынан сөздер алынып тасталды -
              Қазақстан Республикасы Президентiнiң 1996.01.16. 
              N 2774 жарлығымен.  

U962774_

  
     2. Мыналар құрылсын:


      1) Қазақстан Республикасының Төтенше жағдайлар жөнiндегi мемлекеттiк комитетi, оған таратылып отырған Қазақстан Республикасының Төтенше жағдайлар жөнiндегi мемлекеттiк комиссиясының және Қазақстан Республикасының Азаматтық қорғаныс штабының мүлкi мен iстерiн басқару өкiлеттiгi берiлсiн;
      2) Қазақстан Республикасының Қаржы министрлiгi жанындағы Қаржы-валюталық бақылау комитетi, оған таратылып отырған Қазақстан Республикасының Мемлекеттiк қаржы бақылау комитетiнiң мүлкi мен iстерiн басқару өкiлеттiгi берiлсiн;
      3) Қазақстан Республикасының Қаржы министрлiгi жанындағы Қазынашылық, оның қарауына Қазақстан Республикасының Ұлттық банкiнiң есеп айырысу-кассалық орталықтары берiлсiн.
      3. Мыналар:
      1) Қазақстан Республикасының Министрлер Кабинетi жанындағы Кеден комитетi Қазақстан Республикасының Кеден комитетi;
      2) Қазақстан Республикасының Министрлер Кабинетi жанындағы Ұлттық патент ведомствосы Қазақстан Республикасының Ұлттық патент ведомствосы;
      3) Қазақстан Республикасының Министрлер Кабинетi жанындағы Шетел капиталын пайдалану жөнiндегi комитет Қазақстан Республикасының Қаржы министрлiгi жанындағы Шетел капиталын пайдалану жөнiндегi комитет;
      4) Қазақстан Республикасының Министрлер Кабинетi жанындағы Мемлекеттiк материалдық резервтер жөнiндегi комитет Қазақстан Республикасының Мемлекеттiк материалдық резервтер жөнiндегi комитетi;
      5) Қазақстан Республикасының Министрлер Кабинетi жанындағы Стандарттау, метрология және сертификаттау жөнiндегi комитет Қазақстан Республикасының Стандарттау, метрология және сертификаттау жөнiндегi комитетi;
      6) Қазақстан Республикасының Министрлер Кабинетi жанындағы Өнеркәсiпте жұмысын қауiпсiз жүргiзудi қадағалау және тау-кен қадағалау жөнiндегi комитет Қазақстан Республикасының Өнеркәсiпте жұмысты қауiпсiз жүргiзудi қадағалау және тау-кен қадағалау жөнiндегi комитетi;
      7) Қазақстан Республикасының Министрлер Кабинетi жанындағы су ресурстары жөнiндегi комитет Қазақстан Республикасының су ресурстары жөнiндегi комитетi;
      8) Қазақстан Республикасының Министрлер Кабинетi жанындағы Гидрометеорология жөнiндегi бас басқарма Қазақстан Республикасының Гидрометеорология жөнiндегi бас басқармасы;
      9) Қазақстан Республикасының Министрлер Кабинетi жанындағы Архивтер және құжаттамалар бас басқармасы Қазақстан Республикасының Архивтер және құжаттамалар бас басқармасы;
      10) Қазақстан Республикасының Министрлер Кабинетi жанындағы Геодезия және картография бас басқармасы Қазақстан Республикасының Геодезия және картография бас басқармасы;
      11) Қазақстан Республикасының Атом энергия жөнiндегi агенттiгi Қазақстан Республикасының Ғылым және жаңа технологиялар министрлiгi жанындағы Атом энергиясы жөнiндегi агенттiк;
      12) Қазақстан Республикасының Министрлер Кабинетi жанындағы Ұлттық аэроғарыш агенттiгi Қазақстан Республикасының Ғылым және жаңа технологиялар министрлiгi жанындағы Ұлттық аэроғарыш агенттiгi;
      13) Қазақстан Республикасының Экономика министрлiгi жанындағы Кәсiпорындарды қайта құру жөнiндегi агенттiк Қазақстан Республикасының Мемлекеттiк мүлiктi басқару жөнiндегi мемлекеттiк комитетi жанындағы Кәсiпорындарды қайта құру жөнiндегi агенттiк;
      14) Қазақстан Республикасы Қаржы министрлiгiнiң Сақтандыру департаментi Қазақстан Республикасының Мемлекеттiк сақтандыру қадағалауы;
      15) Қазақстан Республикасының Орман шаруашылығы комитетiн бөлiп шығару арқылы Қазақстан Республикасының Экология және биоресурстар министрлiгi;
      16) Қазақстан Республикасының Министрлер Кабинетi жанындағы Мемлекеттiк "Қазақкино" компаниясы Қазақстан Республикасының Мәдениет министрлiгi жанындағы Мемлекеттiк "Қазақкино" компаниясы болып қайта құрылсын.
      4. Қазақстан Республикасы министрлiктерiнiң, мемлекеттiк комитеттерiнiң және өзге орталық атқарушы органдарының босатылатын қызметкерлерiне қолданылып жүрген заңдарға сәйкес әлеуметтiк кепiлдiктер мен өтемдер берiледi деп белгiленсiн.
      5. Қазақстан Республикасының Үкiметi 1996 жылғы 1 қаңтарға дейiн:
      1) орталық және жергiлiктi атқарушы органдар қызметкерлерiнiң лауазымдық жалақыларының схемасын әзiрлеп, бекiтуге ұсынсын;
      2) облыстардың және Алматы қаласының әкiмдерi аппаратының үлгiлiк құрылымын және аймақтардың экономикасын ескере отырып, олардың дербес атқарушы органдарының тiзбесiн бекiтсiн;
      3) орталық атқарушы органдар қызметкерлерiнiң санын кемiнде жиырма процент, жергiлiктi органдар қызметкерлерiнiң санын - он процент қысқартуды қамтамасыз етсiн;
      4) министрлiктердiң, мемлекеттiк комитеттердiң және өзге орталық атқарушы органдардың орталық аппаратының құрылымы мен шектi санын, сондай-ақ орталық және жергiлiктi атқарушы органдарға арналған басқа да нормативтердi бекiтсiн;
      5) осы Жарлыққа сәйкес жаңадан құрылған, қайта құрылған орталық атқарушы органдар туралы ережелердi бекiтсiн;
      6) Қазақстан Республикасының Ұлттық банкiмен бiрлесiп, орталық және жергiлiктi атқарушы органдарды ұстауға бөлiнетiн мемлекет қаражатының жұмсалуына бақылауды қамтамасыз етсiн;
      7) Қазақстан Республикасы Президентiнiң қарауына

Президенттiң бұрын жарияланған актiлерiн осы Жарлыққа сәйкес
келтiру жөнiнде ұсыныстар енгiзсiн;
     8) Үкiметтiң бұрын жарияланған актiлерiн осы Жарлыққа сәйкес
келтiрсiн.
     6. Осы Жарлық жарияланған күнiнен бастап күшiне енедi.

     Қазақстан Республикасының
             Президентi 
     
      
      


Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады