Қазақстан Республикасы Конституциялық Кеңесiнiң Төрағасы мен мүшелерiнiң қызметiн қамтамасыз ету туралы

Күшін жойған

Қазақстан Республикасы Президентiнiң жарлығы 1996 жылғы 28 наурыздағы N 2920. Күші жойылды - Қазақстан Республикасы Президентінің 2023 жылғы 2 қаңтардағы № 78 Жарлығымен

      Ескерту. Күші жойылды - ҚР Президентінің 02.01.2023 № 78 (01.01.2023 бастап қолданысқа енгізіледі) Жарлығымен.

      "Қазақстан Республикасының Конституциялық Кеңесi туралы" Қазақстан Республикасы Президентiнiң Конституциялық заң күшi бар Жарлығының 16-бабына сәйкес қаулы етемiн:

      1.

      ЕСКЕРТУ. 1-тармақтың күшi жойылды - ҚР Президентiнiң 1997.04.01.N 3436 жарлығымен.

      2. Қазақстан Республикасы Конституциялық Кеңесiнiң Төрағасын тұрғын үймен, көлiкпен және өзге де қамтамасыз ету, оған медициналық қызмет көрсету және санаторлық-курорттық емдеу Қазақстан Республикасы Премьер-Министрiнiң бiрiншi орынбасары деңгейiнде, Қазақстан Республикасы Конституциялық Кеңесiнiң мүшелерiне - Қазақстан Республикасының министрi деңгейiнде жүзеге асырылады.

      3. Қазақстан Республикасының Үкiметi:

      1) 1996 жылға арналған республикалық бюджетте көзделген қаражаттың шегiнде Қазақстан Республикасы Конституциялық Кеңесi мен оның Аппаратын қаржыландыру және материалдық-техникалық қамтамасыз етудi жүзеге асырсын;

      2) Қазақстан Республикасының Конституциялық Кеңесi мен оның Аппаратын қызмет үй-жайымен, тиiстi жабдықпен, техникамен және байланыс құралдарымен қамтамасыз етсiн.

      4. Осы Жарлық қол қойылған күнiнен бастап күшiне енедi.

      Қазақстан Республикасының

      Президентi

Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады