Күші жойылды - ҚР Еңбек және халықты әлеуметтік қорғау министрінің 2010.12.06 № 394-ө (қолданысқа енгізілу тәртібін 5-тармақтан қараңыз) Бұйрығымен.
«Қазақстан Республикасында мүгедектерді әлеуметтік қорғау туралы» Қазақстан Республикасының 2005 жылғы 13 сәуірдегі Заңының 23, 24-баптарына сәйкес БҰЙЫРАМЫН:
1. «Әлеуметтік қызмет көрсетудің Үлгілік Ережелерін бекіту туралы» Қазақстан Республикасы Еңбек және халықты әлеуметтік қорғау министрі міндетін атқарушының 2005 жылғы 1 желтоқсандағы № 306-ө бұйрығына (Нормативтік құқықтық актілерді мемлекеттік тіркеу тізілімінде № 3985 тіркелген, Қазақстан Республикасының орталық атқарушы және өзге де мемлекеттік органдардың нормативтік құқықтық актілерінің бюллетенінде жарияланған, 2006 жыл, № 1, 199-құжат) мынадай толықтырулар мен өзгеріс енгізілсін:
1-тармақта:
4) тармақшадағы «Психоневрологиялық медициналық-әлеуметтік мекемелерде» деген сөздер «Стационарлық үлгідегі психоневрологиялық медициналық-әлеуметтік мекемелерде (ұйымдарда)» деген сөздермен ауыстырылсын;
мынадай мазмұндағы 4-1) және 4-2) тармақшалармен толықтырылсын:
«4-1) Жартылай стационарлық үлгідегі психоневрологиялық медициналық-әлеуметтік мекемелерде (ұйымдарда) әлеуметтік қызмет көрсету үлгі ережесі;
4-2) Үйде әлеуметтік көмек көрсету қызметтерінің әлеуметтік қызмет көрсету үлгі ережесі;»;
аталған бұйрықпен бекітілген Психоневрологиялық медициналық-әлеуметтік мекемелерінде әлеуметтік қызмет көрсету үлгі ережесі осы бұйрыққа 1-қосымшаға сәйкес редакцияда жазылсын;
осы бұйрыққа 2 және 3-қосымшаларға сәйкес редакцияда жазылған Жартылай стационар үлгісіндегі психоневрологиялық медициналық-әлеуметтік мекемелерде (ұйымдарда) әлеуметтік қызмет көрсету үлгі ережесі және Үйде әлеуметтік көмек көрсету қызметтерінің әлеуметтік қызмет көрсету үлгі ережесімен толықтырылсын.
2. Әлеуметтік көмек және әлеуметтік қызметтер департаменті (Қ.А. Манабаева) осы бұйрықтың Қазақстан Республикасы Әділет министрлігінде заңнамада белгіленген тәртіппен мемлекеттік тіркелуін және кейін бұқаралық ақпарат құралдарында ресми жариялануын қамтамасыз етсін.
3. Осы бұйрықтың орындалуын бақылау Қазақстан Республикасының Еңбек және халықты әлеуметтік қорғау вице-министрі Ә.Б. Нүсіповаға жүктелсін.
4. Осы бұйрық алғаш рет ресми жарияланған күнінен бастап күнтізбелік он күн өткен соң қолданысқа енгізіледі.
Министр Г. Әбдіқалықова
«КЕЛІСІЛДІ»:
Қазақстан Республикасының
Денсаулық сақтау министрінің
міндетін атқарушы
____________ Б. Садықов
4 ақпан 2010 жыл
Қазақстан Республикасының
Білім және ғылым министрі
____________Ж. Түймебаев
4 ақпан 2010 жыл
Қазақстан Республикасы
Еңбек және халықты әлеуметтік
қорғау министрінің
2010 жылғы 1 ақпандағы
№ 24-ө бұйрығына 1-қосымша
Қазақстан Республикасы Еңбек
және халықты әлеуметтік қорғау
министрі міндетін атқарушының
2005 жылғы 1 желтоқсандағы
№ 306-ө бұйрығымен бекітілген
Стационарлық үлгідегі психоневрологиялық
медициналық-әлеуметтік мекемелерде (ұйымдарда)
әлеуметтік қызмет көрсету үлгі ережесі
1. Жалпы ережелер
1. Осы Стационарлық үлгідегі психоневрологиялық медициналық-әлеуметтік мекемелерде (ұйымдарда) әлеуметтік қызмет көрсету үлгі ережесі (бұдан әрі – Үлгі ереже) стационарлық үлгідегі психоневрологиялық медициналық-әлеуметтік мекемелердің (ұйымдардың) (бұдан әрі – МӘҰ) қызмет тәртібін, психоневрологиялық патологиясы бар мүгедектерді МӘҰ-ға қабылдаудың, ұстаудың, шығарудың (шығарып жіберудің), олардың уақытша кетуінің және ауыстырылуының шарттарын және мемлекеттік және жеке меншік нысанындағы субъектілердің стационар жағдайында оларға арнаулы әлеуметтік қызмет көрсетуінің тәртібін айқындайды.
2. МӘҰ барлық дәрежедегі ақыл-ой кемістігі, оның ішінде жүріп-тұру функцияларының өрескел бұзылуы болғанда (қозғалу қиындығына орай бөгде адамның көмегінсіз қозғалып жүре алмайтын, өзіне өзі қызмет көрсете алмайтын, жеке күтімді қажет ететін);
барлық дәрежедегі ақыл-ой кемістігімен зағиптығы (нашар көру) немесе кереңдігі (нашар есту), оның ішінде жүріп-тұру функцияларының өрескел бұзылуы болғанда;
жіті психотиялық симптоматикасының болмауымен, жарыместігі немесе психикалық кемістігінің өрескел көрінуімен сипатталатын психикалық аурулардың созылмалы түрлері;
психотиялық симптоматикасы күшеюден тыс, жеке адам дефектісі айқын білінетін шизофрения;
жарыместік белгілері мен сирек тырыспа және эквиваленттері (айына бес реттен артық емес) бар эпилепсияның түрлі нысандары;
жарыместік белгілері бар бас-ми жарақаттары;
жарыместік белгілері бар бас, мидың жұқпалы және басқа да органикалық аурулары (энцефалиттер, туберкулезді менингиттер, менингоэнцефалиттер, ми сифилисі және т.б.);
айқын білінетін жарыместік белгілері бар тұрақты алкоголизм;
айқын білінетін психомоторлық мазасыздығы жоқ және есінің өзгеру жай-күйінің ұзақ немесе қайталанатын жарыместік белгілері жоқ қан-тамыр және сенильдік аурулар салдарынан стационар жағдайында арнайы әлеуметтік қызмет көрсетуге мұқтаж бірінші, екінші топтағы мүгедектер қатарындағы психоневрологиялық аурулары бар он сегіз жастан асқан адамдардың уақытша немесе тұрақты тұруына арналған.
Мамандандырылған медициналық ұйымдарда стационарлық емдеуді талап ететін ауру процесінің белсенді стадиясындағы туберкулездің, карантинді инфекциялардың, жұқпалы тері мен шаш ауруларының, венереологиялық аурулардың, ЖҚТБ болуы, сондай-ақ жіті және қатты стадиядағы психикалық аурулар, созылмалы психикалық аурудың асқыну жағдайы, айқын білінетін психотиялық симптоматикамен, қызығушылығы мен мінез-құлқының өрескел бұзылушылықтарымен сипатталатын, қамқорлық көрсетілетін адамның өзіне және айналасындағыларға қауіпті психикалық аурулардың, атап айтқанда:
мамандандырылған медициналық ұйымдарда стационарлық емдеуді талап ететін ұстамалы түрдегі немесе жиі өршімелі немесе аурудың жиі декомпенсациялы қайталамасы бар прогредиендті өтетін кез келген психикалық аурулар;
эпилепсия және басқа этиологиядағы жиі ұстамалы (айына бес реттен артық), жиі ұстамаға, эпилептикалық статусқа, ақыл-есі қарауытқан, дисфорияға бейім тырыспалы синдром;
тұрақты алкоголизм, нашақорлық, тұрақты алкоголизмнен немесе нашақорлықтың кез келген түрлерінен асқынған басқа да психикалық аурулар;
түрлі генездегі депрессиялық және қияли жай-күйлер, созылмалы реактивті жай-күйлер;
айқын білінетін психопатқа ұқсас синдромдар, эксплозивті, параноидті, паранояльдік, қояншық ауруларының болуы МӘҰ-да әлеуметтік қызмет көрсетуге медициналық қарсы айғақтамалар болып табылады.
3. МӘҰ заңды тұлға болып табылады, оны құрылтайшы құрады және өз қызметін құрылтай құжаттарына сәйкес арнаулы әлеуметтік қызметтерді ұсыну жөніндегі қызметті жүзеге асыруға берілген лицензияның, медициналық, дәрігерлік қызметке берілген лицензияның негізінде жүзеге асырады.
2. МӘҰ міндеттері мен функциялары
4. МӘҰ-ның негізгі міндеттері:
1) қамқорлықтағы адамдарға үй жағдайына жақындатылған қолайлы өмір сүру жағдайын жасау;
2) Қазақстан Республикасы Еңбек және халықты әлеуметтік қорғау министрінің 2009 жылғы 3 қарашадағы (Нормативтік құқықтық актілерді мемлекеттік тіркеу тізілімінде № 5766 тіркелген) № 323-ө бұйрығымен бекітілген халықты әлеуметтік қорғау саласындағы арнаулы әлеуметтік қызметтер көрсету стандартына (бұдан әрі - Халықты әлеуметтік қорғау саласындағы арнаулы әлеуметтік қызметтер көрсету стандарты) сәйкес арнаулы әлеуметтік қызмет көрсету;
3) арнаулы әлеуметтік қызмет кешенін көрсету кезінде қамқорлықтағы адамдардың жеке қажеттіліктерін ескеру болып табылады.
5. МӘҰ-ның негізгі функциялары:
1) қамқорлықтағы адамдардың жеке басының дербес құқықтылығы мен қауіпсіздігін қамтамасыз ету;
2) әлеуметтік-тұрмыстық, әлеуметтік-еңбек дағдыларын және қарым-қатынас функцияларын дамыту және сақтауға;
жеке даму деңгейін жоғарылатуға, әлеуметтендіру және кіріктіруге бағытталған арнаулы әлеуметтік қызметтер ұсыну;
3) қолайлы моральдік-психологиялық жағдай жасау;
4) қамқорлықтағы адамдардың құқықтары, әлеуметтік қызмет көрсетудің көлемі мен түрлері, ішкі тәртіп ережесі туралы олардың отбасы мүшелерін хабардар ету;
5) келушілерді қабылдау жағдайларын қамтамасыз ету;
6) қамқорлықтағы адамдардың сақтауға берілген жеке және бағалы заттарының сақталуын қамтамасыз ету;
7) психикалық аурудың немесе ақыл-есінің кемдігі салдарынан сот әрекетке қабілетсіз деп таныған адамдарға қатысты МӘҰ-ның әкімшілігіне жүктелген қамқоршы функцияларын «Неке және отбасы туралы» Қазақстан Республикасының 1998 жылғы 17 желтоқсандағы Заңы белгіленген тәртіппен орындау;
8) еңбекті ұйымдастыруды жетілдіру және қызметкерлердің біліктілігін арттыру;
9) әлеуметтік қызмет көрсетудің сапасы мен тиімділігін арттыру және қамқорлықтағы адамдарды ұстау жағдайларын жақсарту;
10) МӘҰ-ның қаржы-шаруашылық қызметін жүзеге асыру;
11) МӘҰ-ның құрылтай құжаттарына сәйкес өзге де функциялар.
3. МӘҰ-ға қабылдаудың және онда ұстаудың шарттары
6. Бюджет қаражаты есебінен арнаулы әлеуметтік қызмет көрсету үшін МӘҰ-ға жіберуді облыстық, Астана және Алматы қалаларының халықты әлеуметтік қорғау саласындағы уәкілетті органдары (бұдан әрі - уәкілетті орган) жүзеге асырады.
7. Меншік нысаны жеке МӘҰ қамқорлықтағы адамдарды қабылдауды шарт негізінде жүзеге асырады.
8. Қамқорлықтағы адамдарды МӘҰ-ға қабылдау және бюджет қаражаты есебінен арнаулы әлеуметтік қызмет көрсету мынадай құжаттардың:
1) халықты әлеуметтік қорғау саласындағы уәкілетті органның жолдамасы (бюджет қаражаты есебінен арнаулы әлеуметтік қызметтер ұсынған жағдайда);
2) қамқорлықтағы адамның заңды өкілінің өтініші (осы Үлгі ережеге 1-қосымша) немесе медициналық ұйымның қолдаухаты;
3) қамқорлықтағы адамның жеке куәлігінің көшірмесі немесе жеке сәйкестендіру нөмірі (көшірмесі);
4) салық төлеушінің тіркеу нөмірін беру туралы куәлігінің көшірмесі немесе жеке сәйкестендіру нөмірі (көшірмесі);
5) жеке әлеуметтік код беру туралы куәлігінің көшірмесі немесе жеке сәйкестендіру нөмірі (көшірмесі);
6) мүгедектігі туралы анықтамадан үзінді көшірме;
7) медициналық картасы (осы Үлгі ережеге 2-қосымша);
8) амбулаторлық картадан үзінді көшірме;
9) мүгедекті оңалтудың жеке бағдарламасынан үзінді көшірме;
10) соттың тұлғаны әрекет етуге қабілетсіз деп тану туралы шешімінің (болған жағдайда) негізінде жүзеге асырылады.
9. Қамқорлықтағы адамдарды меншік нысаны жеке МӘҰ-ға қабылдау және ақылы негізде арнаулы әлеуметтік қызмет көрсету мынадай құжаттардың:
1) қамқорлықтағы адамның заңды өкілінің өтініші (осы Үлгі ережеге 1-қосымша);
2) қамқорлықтағы адамның жеке куәлігінің көшірмесі;
3) мүгедектігі туралы анықтамадан үзінді көшірме;
4) медициналық картасы (осы Үлгі ережеге 2-қосымша);
5) амбулаторлық картадан үзінді көшірме;
6) оңалтудың жеке бағдарламасынан үзінді көшірменің көшірмесі негізінде жүзеге асырылады.
10. Қамқорлықтағы адамдарды ұстау жағдайы:
санитарлық-эпидемиологиялық нормаларға, ғимараттардың қауіпсіздігі, оның ішінде өрт қауіпсіздігі талаптарына сәйкес болуға;
қамқорлықтағы адамдардың жоғары белсенділігі мен әлеуметтенуіне мүмкіндік тудыратын тұрмыстық ұқсас жағдай жасауда қамқорлықтағы адамдардың жеке қажеттіліктері, қамқорлықтағы адамдарды бірге тұру үшін іріктегенде психологиялық үйлесімділігі ескерілуге тиіс.
11. МӘҰ-ның ғимараты тұру жағдайын, оңалту іс-шараларын өткізу, демалысы мен бос уақытын ұйымдастыру, оған кедергісіз бару, орынжай ішінде және ғимаратқа іргелес орналасқан аумақта жүріп-тұруды қамтамасыз ету мақсатында арнайы құрылғылармен жабдықталады.
12. Құрылтайшы МӘҰ-ның заманауи техникалық жарақтандырылуын қамтамасыз етеді.
13. Әлеуметтік-тұрмыстық күтімді ұйымдастыруды және қызмет көрсетуді жақсарту, оларды оңалту жөніндегі іс-шараларды жүзеге асыру мақсатында қамқорлықтағы адамдар бөлімшелер мен бөлмелерге денсаулық жағдайы, жасы (18 бастап 23 дейін, 23 бастап 35 дейін, 35 бастап 50 дейін, 50 және одан үлкен), жынысы, психологиялық үйлесімділігі, жеке даму және әлеуметтену деңгейі ескеріле отырып орналастырылады.
14. Арнаулы әлеуметтік қызметтер Әлеуметтік қызмет көрсетудің мемлекеттік стандарттарында көзделгеннен кем емес көлемде және түрлерде көрсетіледі.
15. Арнаулы әлеуметтік қызмет көрсету кезінде қамқорлықтағы адамдардың мүгедекті оңалтудың жеке бағдарламасының мазмұны ескеріледі.
16. МӘҰ-да тұрақты және уақытша тұрудың тәртібі МӘҰ басшылығы бекітетін ішкі тұру тәртібі ережесінде айқындалады.
17. Жүріс-тұрысы бірқалыпты, еңбек дағдылары қалыптасқан және оларды еңбек қызметінде іске асыруға оң нұсқамасы бар, мінезі бірқалыпты және эмоционалды-жігерлі өрісі орнықты қамқорлықтағы адамдар еңбек заңнамасына сәйкес еңбек қызметі жағдайымен және еңбекақымен қамтамасыз ете отырып, МӘҰ-ға кіші қызмет көрсету қызметшілерінің және жұмысшылардың штаттық лауазымдарына жұмысқа қабылдануы мүмкін. Бұл ретте, МӘҰ басшысы бекітетін МӘҰ дәрігері мен тәртіпаралық комиссияның еңбек етуге жіберу туралы қорытындысы болуға тиіс.
4. Қамқорлықтағы адамдардың арнаулы әлеуметтік
қызметтерге қажеттілігін айқындау және оңалтудың жеке
бағдарламасын әзірлеу
18. МӘҰ-да тұрақты немесе уақытша тұратын қамқорлықтағы адамдарға арналған арнаулы әлеуметтік қызметтердің түрлері мен көлемін: терапевт, психиатр, психотерапевт, психолог, невропатолог, еңбек жөніндегі инструктор, дене шынықтыру жөніндегі инструктор, ән-күй қызметкері және де басқа мамандар (бұдан әрі – МӘҰ мамандары) мүгедекті оңалтудың жеке бағдарламасын (бұдан әрі – ОЖБ) ескере отырып айқындайды.
Меншік нысаны жеке МӘҰ-да қамқорлықтағы адамдарға арналған бюджет қаражатынан тыс көрсетілетін арнаулы әлеуметтік қызметтердің түрлері мен көлемі МӘҰ-ның ауданы, материалдық–техникалық базасы, кадрлық ресурстары және шарт талаптары негізінде МӘҰ мен қамқорлықтағы адамның заңды өкілдері арасында жасалған келісім бойынша айқындалады.
19. Осы Ереженің 18-тармағына сәйкес айқындалған арнаулы әлеуметтік қызметтерге қажеттілік негізінде МӘҰ мамандары бір жылға арналған мерзімге қамқорлықтағы әр қамқорлықтағы адамға жұмыс жоспарын (бұдан әрі - жеке жоспар) әзірлейді (осы Үлгі ережеге 3-қосымша).
20. Жеке жоспарды МӘҰ мамандары қамқорлықтағы адамды қарап тексергеннен кейін ол МӘҰ-ға келіп түскен күннен бастап немесе алдыңғы жеке жоспарының қолданыс мерзімі аяқталғаннан кейін 14 күнтізбелік күн ішінде әзірленеді, келесі 5 жұмыс күні ішінде толтырылады және оны МӘҰ-ның басшысы бекітеді.
21. Жеке жоспарда көрсетілген оңалту іс-шаралар кешені жеке жоспарда белгіленген мерзімде іске асырылады.
Қамқорлықтағы адамдардың қажеттілігі мен олардың өмір сүру сапасын МӘҰ-ның мамандары ұдайы (тоқсанына бір реттен кем емес) қарауға және жеке жоспарда көрсетуге тиіс.
Жеке жоспардың орындалуының тоқсан сайынғы мониторингі мен қамқорлықтағы адамның жай-күйіндегі өзгерістердің қорытындыларын әлеуметтік жұмыс жөніндегі маман журналға/электронды картотекаға тіркейді (осы Үлгі ережеге 4-қосымша).
22. МӘҰ-да қажетті мамандар болмаған жағдайда, МӘҰ әкімшілігі жеке жоспарды әзірлеу, оңалту, психотерапиялық іс-шараларының нәтижелілігін бағалау немесе консультация беру үшін басқа ұйымдар мен ведомстволардан мамандар тартуына болады.
23. МӘҰ-ның әрбір маманы лауазымдық нұсқаулығына және жеке жоспарға сәйкес арнаулы әлеуметтік қызмет көрсетуге қатысады.
24. МӘҰ-ның барлық мамандарына қатысты қызметтік міндеттерінің сапалы орындалуына МӘҰ әкімшілігі тұрақты бақылауды жүзеге асырады.
Жеке жоспар әзірлеу және іске асырылуын бақылау, оның сапалы орындалуын және қамқорлықтағы адамдарды дұрыс дамыту мақсатында ұдайы мониторинг әлеуметтік жұмыс жөніндегі маманға жүктеледі. Жеке жоспардың орындалуының тоқсан сайынғы мониторингі мен қамқорлықтағы адамның жай-күйіндегі өзгерістердің қорытындыларын әлеуметтік жұмыс жөніндегі маман журналға/электронды картотекаға тіркейді.
25. МӘҰ мамандары тоқсанына кемінде бір рет қамқорлықтағы адамдардың жеке жоспарына түзетулер енгізеді және өткізілген іс-шаралар мен тоқсан сайынғы мониторинг нәтижелерін журналда/электронды картотекада көрсетеді.
26. Әлеуметтік жұмыс жөніндегі мамандардың жұмыс сапасы:
1) тұрмыстық және еңбек қызметіне тартылған қамқорлықтағы адамдардың саны бойынша;
2) өткен жылмен салыстырғанда әлеуметтендірілген адамдардың саны бойынша бақыланады.
5. Арнаулы әлеуметтік қызметтерді көрсету шарттары
27. Меншік нысаны мемлекеттік МӘҰ арнаулы әлеуметтік қызметтердің мынадай түрлерін:
бюджет қаражаты есебінен арнаулы әлеуметтік қызметтердің кепілді көлемін;
арнаулы әлеуметтік қызметтердің кепілді көлемінен тыс ақылы негізде ұсынылатын ақылы арнаулы әлеуметтік қызметтерді көрсетеді.
Меншік нысаны жеке МӘҰ арнаулы әлеуметтік қызметтердің мынадай түрлерін:
бюджет қаражаты есебінен арнаулы әлеуметтік қызметтердің кепілді көлемін;
арнаулы әлеуметтік қызметтердің кепілді көлемінен тыс ақылы негізде ұсынылатын ақылы арнаулы әлеуметтік қызметтерді;
МӘҰ мен қамқорлықтағы адамның заңды өкілінің арасында жасалатын шарт бойынша ақылы негізде ұсынылатын, тараптардың келісімімен белгіленген көлемдегі арнаулы әлеуметтік қызметтерді көрсетеді.
28. Арнаулы әлеуметтік қызметтер жеке жоспарда көрсетілген қамқорлықтағы адамдардың жеке қажеттіліктері ескеріле отырып, Халықты әлеуметтік қорғау саласында арнаулы әлеуметтік қызметтерді көрсету стандартында көрсетілгеннен кем емес көлемде ұсынылады.
29. МӘҰ-ның әлеуметтік жұмыс жөніндегі маманы қамқорлықтағы адамдардың созылмалы дамушы аурулар немесе терминалды дамуы кезінде паллиативті көмекке мұқтаждығын анықтаудың ай сайынғы мониторингін жүргізеді.
30. Паллиативті көмекке мұқтаж қамқорлықтағы әрбір қамқорлықтағы адам үшін дәрі-дәрмектерге, құралмен, техникалық қамтамасыз ету және адам ресурстарына (жетекші дәрігер, тәулік бойғы медициналық пост, күтім жөніндегі әлеуметтік қызметкер) мұқтаждығы айқындалады, МӘҰ басшысы бекітетін паллиативті көмектің жеке алгоритмі әзірленеді.
6. Арнаулы әлеуметтік қызметтердің әртүрлі түрлерін
ұсынуға талаптар
31. Әлеуметтік-тұрмыстық қызметтер:
1) берілетін тұрғын орынжай санитарлық-гигиеналық нормалар мен талаптарға сәйкес болуға және қамқорлықтағы адамдар тұрмысының қолайлылығын қамтамасыз етуге тиіс. Қамқорлықтағы адамдарды тұрғын орынжайларға (бөлмелерге) орналастырған кезде олардың физикалық және психикалық жай-күйі, өзара психикалық үйлесімділігі, жеке даму және әлеуметтену деңгейі ескерілуге тиіс;
2) қамқорлықтағы адамдардың пайдалануына берілетін жиһаздар, жабдықтар, жұмсақ инвентарь Қазақстан Республикасының аумағында қолданылатын техникалық реттеу саласындағы стандарттау жөніндегі нормативтік құжаттарға сәйкес келуге тиіс;
3) қамқорлықтағы адамдарға берілетін жиһаздар мен төсек-орын жабдықтары пайдалануға ыңғайлы, қамқорлықтағы адамдардың физикалық жай-күйін ескере отырып таңдалған, заманауи дизайн талаптарына жауап беруге тиіс;
4) қамқорлықтағы адамдардың пайдалануына берілетін киім, аяқ киім, іш киім киюге ыңғайлы, қамқорлықтағы адамдардың бойы мен өлшемдеріне сәйкес келуге, мүмкіндігінше олардың сұраған фасоны мен түсіне, сондай-ақ санитарлық-гигиеналық нормалар мен талаптарға жауап беруге тиіс;
5) ыстық, оның ішінде диеталық тағамдар сапалы тағамдардан әзірленуге, теңгерімділігі мен калориялылық талаптарына жауап беруге және Қазақстан Республикасы Үкіметінің 2008 жылғы 31 желтоқсандағы № 1354 қаулысымен бекітілген интернат үйлерінде, оңалту орталықтарында, мүгедек балаларға арналған оқу орындарында, аумақтық әлеуметтік қызметтер көрсету орталықтарында, әлеуметтік бейімдеу орталықтарында қызмет көрсетілетін адамдар үшін заттай тамақтану нормаларына (бұдан әрі – заттай тамақтану нормалары) сәйкес болуға тиіс.
МӘҰ басшысы ағымдағы апталық ас мәзірін және маусымға байланысты (көктем-жаз, күз-қыс) екінші аптаға перспективалық ас мәзірін бекітеді;
6) бақылау және төсек режиміндегі және денсаулық жағдайына байланысты өзіне-өзі қызмет көрсетудің қарапайым рәсімдерін орындай алмайтын қамқорлықтағы адамдарға жеке қызмет көрсету және гигиеналық сипаттағы әлеуметтік-тұрмыстық қызмет көрсету оларға қажетті рәсімдерді олардың денсаулығына қандай да бір зиян, физикалық немесе моральдық азап және қолайсыздық тудырмай орындауды қамтамасыз етуге тиіс (бұл қызметтерді көрсету кезінде қызмет көрсетуші қызметкерлердің қамқорлықтағы адамдарға қатысты ерекше сыпайылығы қажет);
7) созылмалы дамушы аурулар немесе терминалды даму жағдайындағы қамқорлықтағы адамдарға бағытталған паллиативті көмектің тиімділігін, сапасы мен қолжетімділігін арттыру мақсатында паллиативті көмек палаталары (бөлімшелері) құрылады.
8) қамқорлықтағы адамдарды емдеуге, оқытуға, мәдени шараларға қатысуға тасымалдау автокөлік құралдарын пайдаланудың нормативтері мен ережесін, жол қозғалысы қауіпсіздігі талаптарын сақтай отырып жүзеге асырылады;
9) тұрмыстық қызмет көрсетумен қамтамасыз ету (іш киімді, киімді, төсек-орын жабдықтарын жуу, кептіру, үтіктеу, дезинфекциялау) оның сапасы мен уақтылылығын қамтамасыз етуге тиіс;
10) діни ғұрыптарды орындау үшін жағдай жасау кезінде қамқорлықтағы адамдардың діни наным-сенімі, жасы, жынысы, физикалық хал-жайы, әртүрлі концессияларда қабылданған діни салттардың ерекшелігі қатаң түрде ескерілуге тиіс;
11) қалааралық телефон байланысы қызметтерін көрсету;
12) хат жазу және оларды оқуда көмек көрсету;
13) жерлеу қызметін ұйымдастыру қайтыс болған қамқорлықтағы адамның заңды өкілі, туыстары болмағанда немесе олар қайтыс болған адамның мүрдесін алудан бас тартқан жағдайда жүзеге асырылады.
Әлеуметтік жұмыс жөніндегі маман МӘҰ-да әлеуметтік-тұрмыстық қызметтердің көрсетілуіне ішкі бақылауды жүзеге асырады, оның қорытындыларын журналға/электронды картотекаға белгілейді.
32. Әлеуметтік-медициналық қызметтер:
1) тексеру;
2) дәрі-дәрмек құралдары мен медициналық мақсаттағы бұйымдарды беру емдеуші дәрігерлердің тағайындауына сәйкес жүзеге асырылады;
3) қажет болған кезде жүріп-тұруына көмек көрсетіледі;
4) медициналық рәсімдерді жүргізу (дене температурасын, қан қысымын өлшеу, компресс қою, таңып байлау, ойылуларды, жарақат беттерін тазарту, тазалау клизмалары) және денсаулыққа байланысты басқа да рәсімдерді орындауға (дәрі қабылдау, тамшы тамшылату, түтік сүңгіні пайдалану және басқа да рәсімдер) көмек көрсету, қамқорлықтағы адамдарға қандай да зиян келтіріп алмай өте зор мұқияттылықпен және сақтықпен жүзеге асырылады;
5) емдеу-сауықтыру іс-шараларын ұйымдастыру қамқорлықтағы адамның соматикалық жай-күйін, оның жеке қажеттіліктерін ескере отырып, жүргізіледі;
6) қамқорлықтағы адамдарды ауруханаға жатқызуға жәрдемдесуді және денсаулық сақтау ұйымына бірге баруды әлеуметтік жұмыс жөніндегі маман және (немесе) жетекші дәрігер жүзеге асырады;
7) МӘҰ-да паллиативті көмек қызметтерін көрсету психологиялық шиеленісуді азайту мақсатында, қамқорлықтағы адамдарды қажет болған сәттен бастап өмірінің соңғы күніне дейін бақылаудың айқын сабақтастығы мен үздіксіздігін ұйымдастыру үшін жүзеге асырылады.
Паллиативті көмек палаталарында (бөлімшелерінде) дәрігердің ұйғарымы бойынша медициналық қызметкерлердің (медициналық бике) тәулік бойы бақылауы белгіленеді, күтім жөніндегі әлеуметтік қызметкер тағайындалады, дәрі-дәрмекпен, құралдармен және техникалық қамтамасыз ету, сондай-ақ медициналық бұйымдар мен оңалту құралдарына және қамқорлықтағы ауыр науқас адамдарды күтіміне қажеттілік айқындалады;
8) паллиативті көмек көрсету мәселелері жөніндегі денсаулық сақтау ұйымдарымен өзара іс-әрекетті әлеуметтік жұмыс жөніндегі маман мен жетекші дәрігер жүзеге асырады;
9) медициналық-әлеуметтік сараптама жүргізуге жәрдемдесу куәландырылатын адамдардың оңалтудың жеке бағдарламасын әзірлеуді қоса алғанда, әлеуметтік қорғау шараларына қажеттіліктерін ағза функциясының тұрақты бұзылуы тудырған тұрмыс-тіршілігінің шектелуін бағалау негізінде, дұрыс айқындауда медициналық-әлеуметтік сараптамалық комиссияның білікті көмек көрсетуін қамтамасыз етуге тиіс;
10) дене жаттығуларын орындауға көмек көрсету қамқорлықтағы адамдардың денсаулығын нығайту үшін жүйелі орындау мақсатында олардың қолжетімді және денсаулыққа қауіпсіз дене жаттығулары кешенін меңгеруін қамтамасыз етуге тиіс;
11) оңалтудың жеке бағдарламаларына сәйкес әлеуметтік-медициналық сипаттағы оңалту іс-шараларын жүргізу қамқорлықтағы әрбір адам үшін әлеуметтік-орта бағдары мен әлеуметтік-тұрмыстық бейімделуден, қалпына келтіруші терапия, қайта қалпына келтіру хирургиясы, протездеу және ортездеуден құралған медициналық оңалтудан тұратын әлеуметтік оңалту бойынша іс-шаралар жиынтығын орындауды қамтамасыз етуге тиіс;
12) протездік-ортопедиялық және есту-протездеу көмегін алуға жәрдемдесу қамқорлықтағы адамның іс жүзіндегі қажеттіліктеріне сәйкес жүзеге асырылады;
13) қамқорлықтағы адамның денсаулығының жай-күйін ескере отырып, қажет болған жағдайда күтімді, оның ішінде санитарлық гигиеналық қызметтер көрсетуді (ысқылау, жуындыру, гигиеналық бұлаулар, тырнақ алу, шаш тарау) қамтамасыз ету;
14) медициналық-әлеуметтік мәселелер бойынша консультация беру қамқорлықтағы адамдарға олардың алдында тұрған нақты әлеуметтік-медициналық проблемаларды (тамақтану және тұрғын жай гигиенасы, артық салмақтан, зиянды әдеттерден арылу, әртүрлі аурулардың алдын алу, қамқорлықтағы адамның отбасы мүшелерін (туыстарын) оларды күтудің практикалық дағдыларын үйрету және де басқа) дұрыс түсіну және шешуде білікті көмек көрсетуді қамтамасыз етуге тиіс;
15) медициналық-әлеуметтік тексеруді МӘҰ дәрігерлері мынадай мақсатта:
жеке сипаттағы медициналық-әлеуметтік қызметтерді әзірлеу;
алғашқы медициналық тексеруді және алғашқы санитарлық тазалауды жүргізу;
алғашқы медициналық-санитарлық көмек көрсету;
медициналық-психологиялық көмекті ұйымдастыру;
тегін медициналық көмектің кепілді көлемін алуға жәрдемдесу;
білікті медициналық, оның ішінде медициналық ұйымдар мамандарының консультациясын ұйымдастыру;
қамқорлықтағы адамдардың медициналық айғақтамалар мен балалардың жас ерекшеліктеріне қарай «денсаулық топтарын» қалыптастыру және оның жұмысын ұйымдастыру;
жас өзгерістері мәселелерін шешу үшін санитарлық-ағартушылық жұмыс жүргізуді жүзеге асырады.
Әлеуметтік-медициналық іс-шараларды жүргізу қажет болған кезде түзетіледі және жеке жоспарда, журналда/электронды картотекада белгіленеді.
33. Әлеуметтік-психологиялық қызметтер:
1) психологиялық диагностика және қамқорлықтағы адамды зерттеп тексеру МӘҰ басшылығы бекітетін психодиагностикалық жиынтық негізінде жүзеге асырылады;
2) жеке жоспарды әзірлеу диагностиканы, түзеуді, әлеуметтік-психологиялық консультация беруді жүзеге асырушы, әлеуметтік-медициналық және медициналық-психологиялық көмек көрсетуші мамандардың жазбаша түрде ресімделетін ұсынымдары негізінде жүзеге асырылады;
3) психологиялық консультация беру отбасылық жанжалдың алдын алу және жеңу үшін қамқорлықтағы адамдарға маңызды қатынастар мәселелері бойынша тұлғааралық қарым-қатынастарды жақсарту бойынша білікті көмек көрсетуді қамтамасыз етуге тиіс;
4) әлеуметтік-психологиялық консультация беру қамқорлықтағы адамнан алған ақпараттың және туындаған әлеуметтік-психологиялық проблемаларды талқылау негізінде оны анықтап, ішкі ресурстарын жұмылдыруға және бұл проблемаларды шешуге көмек көрсетуге тиіс;
5) психодиагностика және тексеру қамқорлықтағы адамның жүріс-тұрысында және айналасындағы адамдармен қарым-қатынаста ауытқушылықтарға әсер ететін оның психикалық жай-күйін және жеке тұлғалық ерекшелігін анықтау мен талдаудың нәтижесі бойынша түзету іс-шараларын жүргізу бойынша болжам жасау және ұсынымдарды әзірлеу үшін қажетті ақпарат беруге тиіс;
6) белсенді психологиялық ықпал ретінде психологиялық түзету қамқорлықтағы адамдардың жүріс-тұрысындағы, эмоционалдық жай-күйіндегі ауытқушылықтарды (жекелеген адамдардың эмоционалдық жауап қайтару және мінез стереотипінің жайсыз формалары, жайсыз қарым-қатынастар және мінез-құлқындағы басқа да ауытқулар) жеңу немесе бәсеңдетуді қамтамасыз етуге тиіс, бұл аталған көрсеткіштерді жас нормалары мен әлеуметтік орта талаптарына сәйкес келтіруге мүмкіндік береді;
7) психотерапевтік көмек қамқорлықтағы адамдардың өмірлік қиындықтар мен жеке бас шиеленістерінің негізінде жатқан ауыр психологиялық жара салу немесе стресс жағдайларын жеңу, өмірі мен тұрмысының өзгермелі әлеуметтік-экономикалық жағдайына әлеуметтік бейімделу сияқты және басқа да проблемаларды тиімді шешуіне жәрдемдесуге тиіс;
8) белсенді психологиялық ықпал ретінде психологиялық тренингтердің психологиялық жара салу жағдайларының, нервтік-психологиялық шиеленістердің салдарын жоюда, тұрмыс-тіршіліктің асоциалды нысанын жеңуші адамдарға әлеуметтік бағалы нормаларына дағдыландыруда, өзгермелі жағдайларға бейімделу үшін тұлғалық алғышарттарды қалыптастырудағы тиімділігімен бағалануға тиіс;
9) қамқорлықтағы адамдарды өзара қолдау топтарына, қарым-қатынас клубтарына қатысуға тарту олардың дискомфорт жағдайынан (егер ол болса) шығуына, психикалық денсаулығын сақтау және нығайтуға, стреске төзімділігін, ең алдымен тұлғааралық байланыс және қарым-қатынас саласында психологиялық мәдениет деңгейін арттыруға көмек көрсетуді қамтамасыз етуге тиіс;
10) шұғыл (телефон арқылы) психологиялық және медициналық-психологиялық көмек: қамқорлықтағы адамдарға дереу психологиялық консультация беруді, дағдарыс жағдайынан шығу үшін олардың физикалық, рухани, тұлғалық, зияткерлік ресурстарын жұмылдыруға, туындаған проблемаларды өздігінен шешу және қиындықтарды жеңу, өзіне деген сенімін нығайту үшін қолдануға болатын құралдардың диапазонын кеңейтуге жәрдемдесуді, сондай-ақ медициналық-психологиялық консультация беру және алдын ала диагнозын айқындауда, медициналық көмек келгенше дәрі-дәрмекті дұрыс таңдау және оны қабылдау тәртібін айқындауда көмек көрсетуді қамтамасыз етуге тиіс;
11) әңгімелесу, қарым-қатынас жасау, тыңдау, дем беру, белсенділікке ынталандыру, өмірлік тонусын психологиялық қолдау қамқорлықтағы адамдардың психикалық денсаулығын нығайтуға, олардың стреске төзімділігін арттыруға және психикалық қорғауды қамтамасыз етуге тиіс.
Әлеуметтік-психологиялық іс-шаралардың нәтижелері және көмектің уақтылы көрсетілуін бақылау қорытындысы журналда/электронды картотекада көрсетіледі.
34. Әлеуметтік-педагогикалық қызметтер:
1) әлеуметтік-педагогикалық диагностика жүргізу және 18 жастан 23 жасқа дейінгі қамқорлықтағы адамдарды білім, білік және дағды деңгейлерін тексеруді дефектолог мұғалім жүргізеді;
2) әлеуметтік-тұрмыстық дағдыларды (өзіне өзі қызмет көрсету, жеке гигиена, тамақ дайындау, киімді ұсақ жөндеу, тұрғын жайды күту және тағы да басқалай), әлеуметтік-еңбек дағдылары және әлеуметтік бейімделу дағдыларын (тұрмыста және қоғамдық орындарда өзін өзі ұстау, қарым-қатынас жасау дағдылары және тұрмыс-тіршіліктің басқа да нысандары) қалыптастыру жөніндегі жұмыс фронтальді және жеке жұмыс жоспары бойынша жүргізіледі;
3) әлеуметтік-тұрмыстық қызметті іске асыру үшін тұрмыстық бағдар негіздері мен қол шеберлігіне үйретуге жәрдемдесетін арнайы кабинеттер құрылады.
Қамқорлықтағы адамдардың қажетті дағдыларын қалыптастырудың нәтижелеріне аралық бағалауды тоқсан сайын жүргізу, сондай-ақ жеке жоспарларға өзгерістер енгізу, аралық бағалау нәтижелері жеке жоспарларда, журналда/электронды картотекада көрсетіледі.
35. Әлеуметтік-еңбек қызметтері:
1) қамқорлықтағы адамдардың еңбек дағдыларының деңгейі бойынша тексеру жүргізіледі, тексеру нәтижелері жеке жоспарда көрсетіледі;
2) қамқорлықтағы адамдардың жеке қажеттіліктерінің негізінде:
арнайы ұйымдастырылған кабинеттерде (шеберханаларда) еңбекпен оңалту;
шамасы келетін еңбек дағдыларын қалыптастыру үшін фронтальді және жеке сабақтар;
қамқорлықтағы адамдардың еңбек қызметіне оның әртүрлі бағыттарын (түрлерін) реттеу мақсатында тарту бойынша іс-шаралар;
МӘҰ ұжымының қоғамдық өміріне қатысу үшін қамқорлықтағы адамдарды олардың қалдық еңбек мүмкіндіктерін пайдалана отырып және әлеуметтік және коммуникативтік байланыстарын жөнге сала отырып, әлеуметтік-еңбек қызметіне тарту бойынша іс-шаралар еңбек тағайындалады.
тиісті дағды, білім мен білік қалыптастыру мақсатында еңбек қызметінің түрлері.
3) қолжетімді кәсіптік дағдыларды оқыту, тұлғалық және әлеуметтік мәртебені қалпына келтіру бойынша іс-шараларды жүргізу үшін жағдай жасалады;
4) қамқорлықтағы адамдар үшін жұмыс орындарын құру.
36. Әлеуметтік-мәдени қызметтер:
1) мынадай әлеуметтік–мәдени қызметтерді көрсету жоспарын әзірлеу бойынша қызмет жүзеге асырылады:
экскурсия, театрға, көрмелерге, кинотеатрларға бару;
көркемөнерпаздар концерттерін өткізу;
мерекелер, мерейтойлар және басқа да мәдени іс-шаралар өткізу;
2) көркемөнерпаздар үйірмелерін ұйымдастыру үшін жағдай жасалады;
3) қамқорлықтағы адамдармен бірлесе отырып, концерттердің бағдарламалары мен өткізілетін іс-шаралардың сценарийлері әзірленеді, талқыланады.
37. Әлеуметтік-экономикалық қызметтер:
1) «Мемлекеттік атаулы әлеуметтік көмек туралы» 2001 жылғы 17 шілдедегі, «Қазақстан Республикасындағы арнаулы мемлекеттік жәрдемақы туралы» 1999 жылғы 5 сәуірдегі, «Қазақстан Республикасында мүгедектiгi бойынша, асыраушысынан айрылу жағдайы бойынша және жасына байланысты берiлетiн мемлекеттiк әлеуметтiк жәрдемақылар туралы» 1997 жылғы 16 маусымдағы Қазақстан Республикасының Заңдарына және Қазақстан Республикасының өзге де заңнамалық актілеріне сәйкес тиісті жәрдемақыларды, өтемақыларды, алименттерді және басқа да төлемдерді алуға жәрдемдесу;
2) банктік шотта сақталатын ақшаны МӘҰ басшысы Қазақстан Республикасы Еңбек және халықты әлеуметтік қорғау министрінің 2008 жылғы 19 наурыздағы (Нормативтік құқықтық актілерді мемлекеттік тіркеу тізілімінде № 5193 тіркелген) № 72-ө бұйрығымен бекітілген Мемлекеттік медициналық-әлеуметтік мекемелерде тұратын мүгедектердің зейнетақы төлемдерін және мемлекеттік әлеуметтік жәрдемақыларын пайдалану ережесіне сәйкес қамқорлықтағы адамдардың жеке мұқтаждығына, қосымша тамақ, бірінші қажеттілік заттарын, жұмсақ және қатты инвентарь сатып алуға пайдаланады;
3) Қазақстан Республикасының Еңбек және халықты әлеуметтік қорғау министрінің 2009 жылғы 3 қарашадағы (Нормативтік құқықтық актілерді мемлекеттік тіркеу тізілімінде № 5766 тіркелген) № 323-ө бұйрығымен бекітілген ең төменгі киім нормаларына сәйкес қамқорлықтағы адамдардың тиісті өлшемі мен қажеттіліктерін қанағаттандыратын киіммен және аяқ киіммен қамтамасыз ету.
38. Әлеуметтік-құқықтық қызметтер:
1) әлеуметтік қызмет алу және өздерінің мүдделерін қорғау құқығына қатысты мәселелер бойынша консультация беру;
2) арнаулы әлеуметтік қызмет көрсететін және қамқорлықтағы адамдардың заңды құқықтарын бұзатын немесе шектейтін ұйымдардың әрекетіне немесе әрекетсіздігіне шағым дайындау және беруде көмек көрсету;
3) құжаттарды рәсімдеуге көмек көрсету;
4) заңнамада белгіленген жеңілдіктер мен басымдықтарды, әлеуметтік төлемдерді алуға заңгерлік көмек көрсету және жәрдемдесу;
5) сенімхат бойынша жәрдемақыларды, басқа да әлеуметтік төлемдерді алу;
6) жеке куәлікті, төлқұжатты, әлеуметтік төлемдер мен заңды мәні бар басқа да құжаттарды алу үшін құжаттарды ресімдеу;
7) қамқорлықтағы адамдардың заңды құқықтары мен мүдделерін қорғау үшін сотта өкілдік етуді қамтамасыз ету.
7. МӘҰ-дан шығару (шығарып жіберу), уақытша кету
және ауыстыру шарттары
39. Қамқорлықтағы адамдарды МӘҰ-дан шығару:
1) заңды өкілдерінің өтініші бойынша;
2) қамқорлықтағы адамға үшінші топтағы мүгедектік белгіленген, оның өзінің тұратын жері және өмір сүруіне қажетті қаражаты болған жағдайларда жүзеге асырылады.
40. Қамқорлықтағы адамның жеке уәждемесі бойынша уақытша (үш айға дейінгі мерзімге) шығуына МӘҰ әкімшілігіне жазбаша хабарланып, МӘҰ дәрігерінің қорытындысы ескеріле отырып және заңды өкілдерінің өтініші болғанда рұқсат етіледі.
Заңды өкілдеріне (туыстарына) барып-келу сапарына байланысты шығыстар өтелмейді.
41. Қамқорлықтағы адамды, МӘҰ-дан одан әрі оңалту үшін бір жылға дейінгі мерзімге медициналық қызметке лицензиясы бар өзге ұйымға шығару туралы шешімді, МӘҰ тәртіпаралық комиссиясының қорытындысын ескере отырып және қабылдаушы тараптың оны ұстауға әрі қажетті күтіммен қамтамасыз етуге келісім берген жазбаша міндеттемесі болған кезде МӘҰ әкімшілігі қабылдайды.
Қамқорлықтағы адам болмаған уақытта МӘҰ басшысы тиісті бұйрықпен оны үлестен шығарады.
42. Стационарлық үлгідегі МӘҰ-дан жартылай стационарлық үлгідегі МӘҰ-ға ауыстыру мүмкіндігі туралы шешімді МӘҰ тәртіпаралық комиссиясының қорытындысын ескере отырып, заңды өкілдерінің жазбаша өтініші және қабылдаушы тараптың орын беру туралы міндеттемесі болған кезде МӘҰ әкімшілігі қабылдай алады.
43. Бір өңірде орналасқан МӘҰ-дан басқа өңірде орналасқан МӘҰ-ға ауыстыру тиісті өңірлердің уәкілетті органдарымен келісім бойынша жүзеге асырылады.
44. Әлеуметтік қызмет көрсетуге қарсы айғақтамалары болған кезде, қамқорлықтағы адамдар мамандандырылған медициналық ұйымға стационарлық емдеуге ауыстырылады.
45. Қамқорлықтағы адамды шығарған немесе ауыстырған кезде МӘҰ әкімшілігі қамқорлықтағы адамға шығару немесе ауыстыру эпикризін ресімдейді.
46. Қамқорлықтағы адамдарды шығару (шығарып жіберу), уақытша шығару, ауыстыру МӘҰ басшысының бұйрығы бойынша жүзеге асырылады.
47. Шығару, уақытша шығару немесе ауыстыру кезінде қамқорлықтағы адамға жеке және маусым бойынша өзіне бекітілген киімі мен аяқ киімі, МӘҰ-да сақталған құнды заттары, құжаттары беріледі.
48. Психоневрологиялық аурулары бар адамға арнаулы әлеуметтік қызметтерді уақытша болу жағдайында белгілеген жағдайда арнаулы әлеуметтік қызметтерді көрсетуші мен психоневрологиялық аурулары бар 18 жастан асқан адамның заңды өкілдері арасында шарт жасалады, онда уақытша болу мерзімі, қызмет көрсетудің көлемі, түрлері және шарттары айқындалады.
8. МӘҰ-ны басқару
49. МӘҰ-ны уәкілетті орган (құрылтайшысы) тағайындайтын және жұмыстан босататын басшы басқарады.
50. МӘҰ-ның әкімшілік-шаруашылық қызметкерлері штатының санын бюджеттің қажеттілігі мен мүмкіндіктерін ескере отырып, құрылтайшы өзі белгілейді.
Қызметкерлердің штаттық нормативтерін құрылтайшы Халықты әлеуметтік қорғау саласында арнаулы әлеуметтік қызмет көрсету стандартында көзделгеннен кем емес көлемде белгілейді.
51. Басшы:
МӘҰ-ның жұмысын ұйымдастырады және МӘҰ-ның санитарлық-гигиеналық және техникалық жай-күйіне, қамқорлықтағы адамдардың ұсталуы мен әлеуметтік қызметтің көрсетілу сапасына жауап береді;
МӘҰ-ның атынан әрекет етеді, оның атынан мекемелер мен ұйымдарда өкілдік етеді, азаматтық заңнамада белгіленген тәртіппен МӘҰ-ның мүлкі мен заттарына иелік етеді, шарттар жасасады, банктерде МӘҰ шоттарын ашады;
кадрларды іріктеуді және тағайындауды қамтамасыз етеді, қызметкерлердің жұмысына, олардың біліктілігін арттыруға басшылықты жүзеге асырады, сондай-ақ МӘҰ-ны қамқорлықтағы адамдармен жасақтауға қатысады;
жабдықталған кабинеттердің болуын ескере отырып, арнаулы әлеуметтік қызмет көрсету жөніндегі мамандардың жаңа штаттық бірліктерін қалыптастырады;
МӘҰ қызметіне қатысты бұйрықтар шығарады, сондай-ақ Қазақстан Республикасының еңбек заңнамасына сәйкес қызметкермен еңбек шартын жасасады/бұзады, қызметкерлерді көтермелейді, тәртіптік жаза қолданады.
52. МӘҰ-да шағымдар мен ұсыныстар кітабы ресімделеді, ол МӘҰ-ның басшысында сақталады және келушілердің бірінші талап етуі бойынша беріледі.
53. Шағымдар мен ұсыныстар кітабын МӘҰ басшысы апта сайын, ал уәкілетті орган (құрылтайшы) ай сайын қарап отырады.
54. МӘҰ басшысы, құрылтайшы мен уәкілетті орган «Жеке және заңды тұлғалардың өтiнiштерiн қарау тәртiбi туралы» Қазақстан Республикасының 2007 жылғы 12 қаңтардағы Заңында белгіленген мерзімде шағымдар мен ұсыныстарды қарастырады және өз құзыретіне кіретін мәселелер бойынша тиісті шаралар қабылдайды.
9. Қорытынды ережелер
55. МӘҰ-ның бюджеттік заңнамада белгіленген тәртіппен ақылы қызметтердің қолма-қол ақша бақылау шоты, демеушілік, қайырымдылық және өзге де шоттары болуы мүмкін.
56. МӘҰ-да қызметтерді коммерциялық емес және коммерциялық ұйымдар бюджет қаражаты есебінен мемлекеттік әлеуметтік тапсырыс және мемлекеттік сатып алу туралы заңнамаға сәйкес жүзеге асыра алады.
57. Қамқорлықтағы адамдарға және олардың отбасыларына арнаулы әлеуметтік қызмет көрсетудің сапасын, толық көлемін, түрлерін және тиісті жағдай жасауды қамтамасыз етуді бақылауды құрылтайшы және уәкілетті орган жүзеге асырады.
Стационарлық үлгідегі
психоневрологиялық
медициналық-әлеуметтік
мекемелерде (ұйымдарында)
әлеуметтік қызмет көрсету
үлгі ережесіне
1-қосымша
Нысан
____________________________________________________________
(ұйымның атауы)
Жеке куәлігінің № ________ «___»_________ ж. _______________ берілген
СТН нөмірі немесе ЖСН _______________________________________________
ӘЖК нөмірі немесе ЖСН _______________________________________________
Тіркелген және тұратын жері _________________________________________
Туған жері __________________________________________________________
Туған күні «____» _____________________ жыл
Жәрдемақы түрі және мөлшері _________________________________________
Мүгедектік санаты ___________________________________________________
Қайта куәландыру мерзімі ____________________________________________
Туыстары (заңды өкілдері) ___________________________________________
_____________________________________________________________________
(туыстық қатынастары, жасы, әлеуметтік мәртебесі, тұрғылықты
мекенжайы)
Ө Т І Н І Ш
Стационар жағдайында арнаулы әлеуметтік қызмет көрсетуге мұқтаж
болуына байланысты ______________________________ психоневрологиялық
(керегін сызыңыз)
медициналық-әлеуметтік мекемеге (ұйымға) тұрақты/уақытша тұруға
қабылдауды сұраймын. Мынадай құжаттарды қоса беріп отырмын:
1) _______________________ 2) _______________________
3) _______________________ 4) _______________________
5) _______________________ 6) _______________________
7) _______________________ 8) _______________________
9) _______________________ 10) ______________________
Психоневрологиялық медициналық-әлеуметтік мекемеге (ұйымға) қабылдаудың, онда ұстап бағудың, одан шығарудың шарттарымен және ішкі тәртіп ережелерімен таныстым.
20 ___ ж. «____»_________ __________________________________
(Өтініш иесінің Т.А.Ә. және қолы)
Құжаттарды қабылдаған __________________ 20__ ж. «___»______
(Т.А.Ә., лауазымы, қолы)
Стационарлық үлгідегі
психоневрологиялық
медициналық-әлеуметтік
мекемелерде (ұйымдарында)
әлеуметтік қызмет көрсету
үлгі ережесіне
2-қосымша Нысан
МЕДИЦИНАЛЫҚ КАРТА
_____________________________
(медициналық ұйымның атауы)
Т.А.Ә. _____________________________________________________________
Туған күні «____»_________ _____ жыл
Үйінің мекенжайы ___________________________________________________
Медициналық тексеру (негізгі және ілеспелі диагнозды, асқынудың орын
алғандығын, бұрын болған аурулар туралы мәліметтерді көрсету қажет)
терапевт ___________________________________________________________
____________________________________________________________________
хирург _____________________________________________________________
____________________________________________________________________
невропатолог _______________________________________________________
____________________________________________________________________
психиатр ___________________________________________________________
окулист ____________________________________________________________
отоларинголог ______________________________________________________
дерматовенеролог ___________________________________________________
фтизиатр ___________________________________________________________
Айғақтамалар бойынша:
стоматолог _________________________________________________________
эндокринолог _______________________________________________________
кардиолог __________________________________________________________
ортопед ____________________________________________________________
нарколог ___________________________________________________________
онколог ____________________________________________________________
гинеколог __________________________________________________________
зәр мен қанның жалпы анализі (RW және АИТВ) ________________________
ішек аурулар тобының анализі _______________________________________
Қорытынды __________________________________________________________
____________________________________________________________________
(стационар жағдайында әлеуметтік қызмет көрсетуге мұқтаждығы туралы
негіздеу)
Психоневрологиялық медициналық-әлеуметтік мекемеге (ұйымға) жолдау
туралы ұсыным ______________________________________________________
Психоневрологиялық медициналық-әлеуметтік мекемеге (ұйымға)
жіберілмейді _______________________________________________________
(себебін көрсетіңіз)
М.О.
Медициналық ұйымның басшысы: _______________________________________
(Т.А.Ә., қолы)
20___ ж. «____»_________
Стационарлық үлгідегі
психоневрологиялық
медициналық-әлеуметтік
мекемелерде (ұйымдарында)
әлеуметтік қызмет көрсету
үлгі ережесіне
3-қосымша
Нысан
Бекітемін:
___________________________
(стационарлық үлгідегі МӘҰ
басшысының Т.А.Ә. және қолы)
«___» __________ ______ жыл
_______________________________________________________________
стационарлық үлгідегі МӘҰ атауы
Жеке жұмыс жоспары
Қамқорлықтағы адамның Т.А.Ә. _______________________________________
Туған күні және жылы________________________________________________
Диагнозы ___________________________________________________________
Келген күні ________________________________________________________
____________________ бастап _______________ дейінгі кезеңге арналған
жеке жұмыс жоспарын әзірлеу күні____________________________________
Қамқорлықтағы адамның жеке қажеттілігіне сәйкес іс-шаралар
тағайындау (көрсетілетін қызметтердің түрлері мен көлемін көрсету):
1) әлеуметтік-тұрмыстық қызметтер:
____________________________________________________________________
____________________________________________________________________
____________________________________________________________________
2) әлеуметтік-медициналық қызметтер:
____________________________________________________________________
____________________________________________________________________
____________________________________________________________________
3) әлеуметтік-психологиялық қызметтер:
____________________________________________________________________
____________________________________________________________________
____________________________________________________________________
4) әлеуметтік-педагогикалық қызметтер:
____________________________________________________________________
____________________________________________________________________
____________________________________________________________________
5) әлеуметтік-еңбек қызметтері:
____________________________________________________________________
____________________________________________________________________
____________________________________________________________________
6) әлеуметтік-мәдени қызметтер:
____________________________________________________________________
____________________________________________________________________
____________________________________________________________________
7) әлеуметтік-экономикалық қызметтер:
____________________________________________________________________
____________________________________________________________________
____________________________________________________________________
8) әлеуметтік-құқықтық қызметтер:
____________________________________________________________________
____________________________________________________________________
____________________________________________________________________
Жеке жұмыс жоспарын қайта қарау күні _________________________
Әлеуметтік жұмыс жөніндегі маман _____________________________
(Т.А.Ә. және қолы)
Стационарлық үлгідегі психоневрологиялық
медициналық-әлеуметтік мекемелерде
(ұйымдарда) әлеуметтік қызмет көрсету
Үлгі ережесіне 4-қосымша
Арнаулы әлеуметтік қызмет алушының жеке жұмыс жоспарын
орындау жөніндегі журналдың/электронды картотеканың нысаны
Арнаулы әлеуметтік қызмет алушының Т.А.Ә. |
Арнаулы әлеуметтік қызметтің атауы |
Арнаулы әлеуметтік қызмет көрсету тағайындалған мерзім (қызмет көрсету басталған және аяқталатын күн көрсетіледі) |
Арнаулы әлеуметтік қызмет көрсететін маманның Т.А.Ә. және лауазымы |
Арнаулы әлеуметтік қызмет алушының хал-жағдайы туралы белгілер |
Жеке жұмыс жоспарына түзетулер енгізу туралы шешім |
Мониторинг өткізілген күн, әлеуметтік жұмыс жөніндегі маманның Т.А.Ә., қолы |
|
оң өзгерістер бар* |
өзгеріс жоқ немесе хал-жағдайы нашарлаған (себебі көрсетіледі) |
||||||
1 |
2 |
3 |
4 |
5 |
6 |
7 |
8 |
әлеуметтік-тұрмыстық: |
|||||||
1) |
|||||||
2) |
|||||||
әлеуметтік-медициналық: |
|||||||
1) |
|||||||
2) |
|||||||
әлеуметтік-психологиялық: |
|||||||
1) |
|||||||
2) |
|||||||
әлеуметтік-педагогикалық: |
|||||||
1) |
|||||||
2) |
|||||||
әлеуметтік-еңбек: |
|||||||
1) |
|||||||
2) |
|||||||
әлеуметтік-мәдени: |
|||||||
1) |
|||||||
2) |
|||||||
әлеуметтік-экономикалық: |
|||||||
1) |
|||||||
2) |
|||||||
әлеуметтік-құқықтық: |
|||||||
1) |
|||||||
2) |
|||||||
Ескертпе: * Қызмет алушының:
- соматикалық, психикалық, эмоционалдық хал-жағдайдағы;
- қозғалыс, сенсорлық, танымдық, тіл дамыту, коммуникативтік салалардағы;
- өз-өзіне қызмет көрсету дағдыларындағы, әлеуметтік-тұрмыстық және еңбекпен бейімдеу және әлеуметтендіруді қалыптастырудағы оң өзгерістері белгіленеді.
Журнал нөмірленген, жiппен қайымдалған және мөрмен бекітілген болуға тиіс.
Қазақстан Республикасы
Еңбек және халықты әлеуметтік
қорғау министрінің
2010 жылғы 1 ақпандағы
№ 24-ө бұйрығына 2-қосымша
Қазақстан Республикасы
Еңбек және халықты әлеуметтік
қорғау министрі міндетін
атқарушысының
2005 жылғы 1 желтоқсандағы
№ 306-ө бұйрығымен бекітілген
Жартылай стационарлық үлгідегі психоневрологиялық
медициналық-әлеуметтік мекемелерде (ұйымдарда) әлеуметтік
қызмет көрсету үлгі ережесі
1. Жалпы ережелер
1. Осы Жартылай стационарлық үлгідегі психоневрологиялық медициналық-әлеуметтік ұйымдарда әлеуметтік қызмет көрсету үлгі ережесі (бұдан әрі – Үлгі ереже) психоневрологиялық патологиясы бар мүгедектердің (4 сағаттан 10-сағатқа дейін) күндізгі болуына арналған медициналық-әлеуметтік ұйымдардың (бөлімшелердің) (бұдан әрі – жартылай стационарлық үлгідегі МӘҰ) қызметінің тәртібін, қабылдау шарттарын және мемлекеттік, және жеке меншік нысанындағы субъектілердің оларға арнаулы әлеуметтік қызметті көрсету тәртібін айқындайды.
2. Жартылай стационарлық үлгідегі МӘҰ:
1) қимылдау функцияларының өрескел бұзылуы орын алған (бөгде адамның көмегінсіз жүре алмайтын, қимылдарының бұзылу ауырлығына қарай өзіне өзі қызмет көрсете алмайтын, жеке күтімді талап ететін) жеңіл және орташа дәрежедегі ақыл-ой кемістігі;
2) ауыр немесе күрделі дәрежедегі ақыл-ес кемістігі;
жіті психотиялық симптоматика болмағанымен, жарыместігі немесе психикалық кемістігінің өрескел көрінуімен сипатталатын психикалық аурулардың созылмалы түрлері;
3) жарыместік белгілері бар бас-ми жарақаттары;
4) жарыместік белгілері бар бас мидың жұқпалы және басқа да органикалық аурулары (энцефалиттер, туберкулезді менингиттер, менингоэнцефалиттер, ми сифилисі және бас мидың басқа да органикалық аурулары);
5) анық білінетін жарыместік белгілері бар тұрақты алкоголизм;
6) айқын білінетін психомоторлық мазасыздығы жоқ және есінің өзгеру жай-күйінің ұзақ немесе қайталанатын жарыместік белгілері бар қан-тамыр және сенильдік;
7) жарыместік белгілері мен сирек тырыспа және эквиваленттері (айына 5 реттен артық емес) бар эпилепсияның түрлі нысандары аурулары салдарынан арнаулы әлеуметтік қызмет көрсетуге мұқтаж 18 жастан асқан психоневрологиялық патологиясы бар мүгедектердің (бұдан әрі – қызмет алушылар) күндіз болуына арналған.
Мамандандырылған медициналық ұйымдарда стационарлық емдеуді талап ететін ауру процесінің белсенді стадиясындағы туберкулездің, карантинді инфекциялардың, жұқпалы тері мен шаш ауруларының, венерологиялы аурулардың, ЖИТС-тің болуы, сондай-ақ жіті және қатты стадиядағы психикалық аурулар, созылмалы психикалық аурудың асқыну жағдайы, айқын білінетін психотиялық симптоматикамен, қызығушылығы мен мінез-құлқының өрескел бұзылушылықтарымен сипатталатын, қамқорлық көрсетілетін адамның өзіне және айналасындағыларға қауіпті психикалық аурулардың, атап айтқанда:
1) мамандандырылған медициналық ұйымдарда стационарлық емдеуді талап ететін ұстамалы түрдегі немесе жиі өршімелі немесе аурудың жиі декомпенсациялы қайталамасы бар прогредиендті өтетін кез келген психикалық аурулар;
2) эпилепсия және басқа этиологиядағы жиі ұстамалы (айына 5 реттен артық), жиі ұстамаға, эпилептикалық статусқа, ақыл-есі қарауытқан, дисфорияға бейім тырыспалы синдром;
3) тұрақты алкоголизм, нашақорлық, тұрақты алкоголизмнен немесе нашақорлықтың кез келген түрлерінен асқынған басқа да психикалық аурулар;
4) түрлі генездегі депрессиялық және қияли жай-күйлер, созылмалы реактивті жай-күйлер;
5) айқын білінетін психопатқа ұқсас синдромдар, эксплозивті, параноидті, паранояльдік, қояншық ауруларының болуы МӘҰ-да әлеуметтік қызмет көрсетуге медициналық қарсы айғақтамалар болып табылады.
3. Жартылай стационарлық үлгідегі МӘҰ заңды тұлға не оның құрылымдық бөлімшесі болып табылады және құрылтайшысы Қазақстан Республикасының Азаматтық кодексіне сәйкес құрады.
4. Жартылай стационарлық МӘҰ-ға күндізгі болу режимінде жұмыс істейтін (оңалту орталықтары, күндіз болу бөлімшелері және өзге де) күн сайын (демалыс күндері мен мереке күндерін қоспағанда) қызмет көрсетуді алушыларға арнаулы әлеуметтік қызмет көрсететін ұйымдар жатады.
5. Жартылай стационарлық үлгідегі МӘҰ өз қызметінде «Қазақстан Республикасында мүгедектерді әлеуметтік қорғау туралы», «Арнаулы әлеуметтік қызметтер туралы» Қазақстан Республикасының Заңдарын және өзге де нормативтік құқықтық актілерін, осы Үлгі ережені басшылыққа алады.
2. Жартылай стационарлық үлгідегі МӘҰ міндеттері
мен функциялары
6. Жартылай стационарлық үлгідегі МӘҰ қызмет алушыларға күндізгі болу жағдайында жоғары білікті мамандырылған көмекті көрсету мақсатында құрылады.
7. Жартылай стационарлық үлгідегі МӘҰ-ның негізгі міндеттері:
1) қызмет алушыларға үй жағдайына жақындатылған қолайлы өмір сүру жағдайын жасау;
2) Қазақстан Республикасы Еңбек және халықты әлеуметтік қорғау министрінің 2009 жылғы 3 қарашадағы (Нормативтік құқықтық актілерді мемлекеттік тіркеу тізілімінде № 5766 тіркелген) № 323-ө бұйрығымен бекітілген Халықты әлеуметтік қорғау саласындағы арнаулы әлеуметтік қызмет көрсету стандартына (бұдан әрі – Халықты әлеуметтік қорғау саласында арнаулы әлеуметтік қызмет көрсету стандарты) сәйкес арнаулы әлеуметтік қызмет көрсету;
3) арнаулы әлеуметтік қызмет кешенін көрсету кезінде қызмет алушылардың жеке қажеттіліктерін ескеру болып табылады.
8. Жартылай стационарлық үлгідегі МӘҰ негізгі функциялары:
1) қызмет алушылардың жеке басының дербес құқықтылығы мен қауіпсіздігін қамтамасыз ету;
2) әлеуметтік-тұрмыстық, әлеуметтік-еңбек және коммуникациялық функцияларды дамытуға;
жеке даму, әлеуметтену және жақындары мен қоғам ортасына кіріктіру деңгейін арттыруға бағытталған арнаулы әлеуметтік қызмет көрсету;
3) қолайлы моральдік-психологиялық жағдай жасау;
4) қызмет алушылардың құқықтары, әлеуметтік қызмет көрсетудің көлемі мен түрлері, Ішкі тәртіп ережесі туралы қызмет көрсетуді алушылардың жақын туыстарын хабардар ету;
5) еңбекті ұйымдастыруды жетілдіру және персоналдың біліктілігін арттыру;
6) қызмет алушыларға көрсетілетін әлеуметтік қызметтің сапасы мен тиімділігін арттыру;
7) жартылай стационарлық үлгідегі МӘҰ-ның қаржы-шаруашылық қызметін жүзеге асыру;
8) жартылай стационарлық үлгідегі МӘҰ-ның құрылтай құжаттарына сәйкес өзге де функциялар.
3. Жартылай стационарлық үлгідегі МӘҰ-ға
қабылдау және ұстау шарттары
9. Егер арнаулы әлеуметтік қызметті көрсету мемлекеттік бюджет есебінен жүзеге асырылса, МӘҰ-ға арнаулы әлеуметтік қызмет көрсетуге жіберуді облыстық (республикалық маңызы бар қаланың, астананың) халықты әлеуметтік қорғау жөніндегі уәкілетті орган (бұдан әрі - уәкілетті орган) жүзеге асырады.
Егер арнаулы әлеуметтік қызметті көрсету шарт талаптары негізінде жүзеге асырылса, қызмет алушының заңды өкілімен (ата-анасымен және қорғаншымен) және жартылай стационарлық үлгідегі МӘҰ арасында жасалған шарт әлеуметтік қызмет көрсетуге қабылдаудың негізі болып табылады.
10. Жартылай стационарлық үлгідегі МӘҰ-ға арнаулы әлеуметтік қызмет көрсету үшін адамдарды қабылдау мынадай құжаттардың:
1) заңды өкілінің (ата-анасының немесе қорғаншының) өтініші (осы Үлгі ережеге 1-қосымша);
2) халықты әлеуметтік қорғау саласындағы уәкілетті органның жолдамасы (бюджет қаражаты есебінен арнаулы әлеуметтік қызметтер ұсынған жағдайда);
3) жеке куәлігінің көшірмесі;
4) салық төлеушінің тіркеу нөмірін беру туралы куәлігінің көшірмесі;
5) жеке әлеуметтік код беру туралы куәлігінің көшірмесі;
6) медициналық карта (осы Үлгі ережеге 2-қосымша);
7) амбулаторлық картадан үзінді көшірме;
8) ауыстыру эпикризі (стационарлық үлгідегі МӘҰ-дан ауыстырылған жағдайда);
9) мүгедектігі туралы анықтамадан үзінді көшірме;
10) мүгедектің жеке оңалту бағдарламасынан үзінді көшірме (болған жағдайда);
11) психиатриялық емдеу мекемесінің ДКК қорытындысының негізінде жүзеге асырылады.
11. Арнаулы әлеуметтік қызметті бюджеттен тыс қаражат есебінен көрсетуге жартылай стационарлық үлгідегі МӘҰ-ға қызмет алушыларды қабылдауға арналған құжаттардың тізбесін құрылтайшы айқындайды.
12. Жартылай стационарлық үлгідегі МӘҰ-да ұстау жағдайлары санитарлық-эпидемиологиялық нормаларына, қауіпсіздік талаптарына, оның ішінде өртке қарсы талаптарға сәйкес болуға тиіс.
13. Жартылай стационарлық үлгідегі МӘҰ ғимараты оған кедергісіз кіруді, тұру қолайлылығын, оңалту іс-шараларын алу, демалыс пен ойын-сауықтар ұйымдастыру үшін орынжайлардың ішінде кедергісіз жүріп-тұруды қамтамасыз ету мақсатында арнайы құрылғылармен жабдықталады.
14. Оңалту іс-шараларын жүргізу, демалыс пен бос уақытты ұйымдастыру, тірек-қозғалысы аппараттары бұзылған қызмет алушылардың ғимаратқа кедергісіз кіруін, олардың орынжай ішінде және ғимаратқа жанасып жатқан аумақта жүріп-тұруын қамтамасыз ету мақсатында жартылай стационарлық үлгідегі МӘҰ ғимаратына (орынжайға) кіру арнайы құрылғылармен жабдықталады.
15. Жартылай стационарлық үлгідегі МӘҰ ғимаратының ішіндегі орынжайлар (кабинеттер) арнаулы әлеуметтік қызметтің әртүрлі түрін қамтамасыз ету мақсатында тиісті түрде жабдықталған болуға тиіс.
16. Құрылтайшы жартылай стационарлық үлгідегі МӘҰ-ның қазіргі заманғы техникалық жабдықталуын қамтамасыз етеді.
17. Егер жартылай стационарлық үлгідегі МӘҰ стационарлық үлгідегі МӘҰ-ның құрылымдық бөлімшесі болып табылса, жартылай стационарлық үлгідегі МӘҰ-ның қызметін алушылар және стационарлық үлгідегі МӘҰ қорғаншылары бөлек ұсталуға тиіс.
18. Қызмет алушыларға күтім мен әлеуметтік қызмет көрсету, оңалту жөніндегі іс-шаралар олардың денсаулығының жағдайын, жасын, жеке даму деңгейін, әлеуметтендіру, оңалтудың жеке бағдарламасының (болған жағдайда) мазмұнын ескере отырып жүзеге асырылады.
19. Әлеуметтік қызмет Мемлекеттік әлеуметтік қызмет көрсету стандарттарында көзделгеннен кем емес көлемде және түрлерде көрсетіледі.
20. Жартылай стационарлық үлгідегі МӘҰ-да күндіз болу тәртібі жартылай стационарлық үлгідегі МӘҰ басшысы бекіткен Ішкі тәртіп ережелерінде белгіленеді.
21. Қызмет алушылардың жартылай стационарлық үлгідегі МӘҰ-да болу режимін күніне 10 сағаттан асырмай белгілейді.
Ақылы негізде арнаулы әлеуметтік қызметті көрсету кезінде қызмет алушылардың жеке меншік нысандағы жартылай стационарлық үлгідегі МӘҰ-да болуын, бірақ күніне 4 сағаттан кем емес, құрылтайшы белгілейді.
22. Жүріс-тұрысы бірқалыпты, еңбек дағдылары қалыптасқан және оларды еңбек қызметінде іске асыруға оң нұсқамасы бар, мінезі барабар және эмоционалды-жігерлі сферасы орнықты қызмет алушылар еңбек заңнамасына сәйкес еңбек қызметін және еңбекақымен қамтамасыз ете отырып, МӘҰ-ға қызмет көрсету кіші қызметшілерінің және жұмысшылардың штаттық лауазымдарына жұмысқа қабылданады.
4. Қызмет алушылардың арнаулы әлеуметтік қызметке
қажеттігін айқындау және жеке жұмыс жоспарын әзірлеу
23. Жартылай стационарлық үлгідегі МӘҰ қызмет алушыларына арналған арнаулы әлеуметтік қызметтің түрлері мен көлемін: психиатр, психотерапевт, психолог, невропатолог, еңбек жөніндегі инструктор, дене тәрбиесі жөніндегі инструктор, ән-күй қызметкері және басқа да мамандар (бұдан әрі – МӘҰ мамандары) айқындайды.
24. Осы Ереженің 23-тармағына сәйкес айқындалған арнаулы әлеуметтік қызметтерге қажеттілік негізінде жартылай стационарлық үлгідегі МӘҰ мамандары қызмет алушылардың оңалтудың жеке бағдарламасына (бұдан әрі – ОЖБ) сәйкес белгіленген арнаулы әлеуметтік қызметке қажеттіліктерінің негізінде, әрбір қызмет алушыға бір жылдан аспайтын мерзімге жеке жоспарлар (бұдан әрі – жеке жоспар) әзірлейді (осы Үлгі ережеге 3-қосымша), оның қызметін (әзірлеу, мониторинг, соңғы нәтиже) әлеуметтік жұмыс жөніндегі маман үйлестіреді.
25. Жеке жоспар қызмет алушы жартылай стационарлық үлгідегі МӘҰ-ға түскен күннен кейін 14 күнтізбелік күн ішінде жартылай стационарлық үлгідегі мамандар оны тексергеннен кейін немесе алдыңғы жеке жоспардың қолданыс мерзімі аяқталғаннан кейін әзірленеді, 5 жұмыс күні ішінде толтырылады және жартылай стационарлық үлгідегі МӘҰ-ның басшысы бекітеді.
26. Жеке жоспарында белгіленген оңалту іс-шаралар кешені жеке жоспарда белгіленген мерзімде іске асырылады.
Қызмет алушылардың қажеттілігі мен оларды тұрмыстық және еңбек қызметіне тарту деңгейі жартылай стационарлық үлгідегі мамандардың ұдайы (тоқсанына бір реттен кем емес) қарауға және құжаттамалық түрде көрсетілуге тиіс.
27. Жеке жоспардың орындалуының тоқсан сайынғы мониторингі мен қызмет алушының жай-күйіндегі өзгерістердің қорытындыларын әлеуметтік жұмыс жөніндегі маман журналға/электронды картотекаға тіркейді (осы Үлгі ережеге 4-қосымша).
28. Жартылай стационарлық үлгідегі МӘҰ-да қажетті мамандар болмаған жағдайда, жартылай стационарлық үлгідегі МӘҰ әкімшілігі жеке жоспарды әзірлеу, оңалту, психотерапевттік іс-шаралардың нәтижелілігін бағалау немесе консультация беру үшін басқа ұйымдар мен ведомстволардан мамандарды тартуына болады.
29. Жартылай стационарлық үлгідегі МӘҰ әрбір маманы лауазымдық нұсқаулығына және жеке жоспарға сәйкес арнаулы әлеуметтік қызметті көрсетуге қатысады.
30. Жартылай стационарлық үлгідегі МӘҰ барлық мамандарына қатысты қызмет міндеттерінің сапалы орындалуына жартылай стационарлық үлгідегі МӘҰ әкімшілігі тұрақты бақылауды жүзеге асырады. Жеке жоспардың орындалуын бақылау, олардың сапалы орындалуын және қызмет алушылардың оң дамуы мақсатында ұдайы мониторинг әлеуметтік жұмыс жөніндегі маманға жүктеледі. Жеке жоспардың орындалуының тоқсан сайынғы мониторингінің, қызмет алушының өмір сүру сапасы мен жай-күйіндегі өзгерістердің қорытындыларын әлеуметтік жұмыс жөніндегі маман журналға/электронды картотекаға тіркейді.
31. Жартылай стационарлық үлгідегі МӘҰ мамандары тоқсанына кемінде бір рет қызмет алушының жеке жоспарын түзетеді және өткізілген іс-шараларды электронды картотека/журналда көрсетеді.
32. Әлеуметтік жұмыс жөніндегі мамандардың жұмыс сапасы:
1) тұрмыстық және еңбек қызметіне тартылған қызмет алушылардың саны;
2) аталған жартылай стационарлық үлгідегі МӘҰ-нан шығып кеткен немесе қызметті алуға қалайтын адамдардың саны бойынша байқалады.
5. Арнаулы әлеуметтік қызметті көрсету шарттары
33. Арнаулы әлеуметтік қызмет:
меншік нысаны мемлекеттік жартылай стационарлық үлгідегі МӘҰ арнаулы әлеуметтік қызметтің мынадай түрлерін:
бюджет қаражаты есебінен арнаулы әлеуметтік қызметтің кепілді көлемін;
арнаулы әлеуметтік қызметтің кепілді көлемінен тыс ақылы негізде ұсынылатын ақылы арнаулы әлеуметтік қызмет көрсетеді;
меншік нысаны жеке жартылай стационарлық үлгідегі МӘҰ арнаулы әлеуметтік қызметтің мынадай түрлерін:
бюджет қаражаты есебінен арнаулы әлеуметтік қызметтің кепілді көлемін;
арнаулы әлеуметтік қызметтің кепілді көлемінен тыс ақылы негізде ұсынылатын ақылы арнаулы әлеуметтік қызметті;
жартылай стационарлық үлгідегі МӘҰ мен қамқорлықтағы адамның заңды өкілінің арасында жасалатын шарт бойынша ақылы негізде ұсынылатын, тараптардың келісімімен белгіленген көлемдегі арнаулы әлеуметтік қызметті көрсетеді.
34. Арнаулы әлеуметтік қызмет жеке жоспарларда көрсетілген қызмет алушылардың жеке қажеттіліктері ескеріле отырып, Халықты әлеуметтік қорғау саласында арнаулы әлеуметтік қызмет көрсету стандартына сәйкес көрсетіледі.
35. Арнаулы әлеуметтік қызметтің түрлері, мерзімділігі, қызмет көрсетудің ерекше шарттары белгіленген жеке жоспарларды жартылай стационарлық үлгідегі МӘҰ-ның басшысы бекітеді.
6. Әртүрлі арнаулы әлеуметтік қызметті көрсетуге
қойылатын талаптар
36. Әлеуметтік-тұрмыстық қызмет:
1) пайдалануға берілген орынжайлар санитарлық-гигиеналық нормалар мен талаптарға сәйкес болуға және қызмет алушылардың болуына қолайлы жағдайларды қамтамасыз етуге тиіс. Түзеу, оңалту, тұрмыстық, еңбек және өзге де қызметті ұйымдастыру жағдайларын жасаған кезде қызмет алушының физикалық және психикалық жай-күйін, психологиялық сәйкестілігі, жеке даму мен әлеуметтену деңгейі ескерілуге тиіс;
2) қызмет алушылардың пайдалануына берілетін жиһаз, жабдық, жұмсақ инвентарь пайдалануға ыңғайлы, қызмет алушылардың (мүгедектердің, аз қозғалатын және адамдардың басқа да санаттарының) физикалық жай-күйін ескере отырып таңдалып, заманауи дизайн талаптарына жауап беруге тиіс;
3) 4 сағаттан асатын режимде жартылай стационарда арнаулы әлеуметтік қызмет көрсету жағдайында санитарлық-гигиеналық талаптарға және Қазақстан Республикасы Үкіметі 2008 жылғы 31 желтоқсанда бекіткен № 1354 қаулысына сәйкес интернат үйлерінде, оңалту орталықтарында, мүгедек балаларға арналған оқу орындарында, аумақтық әлеуметтік қызмет көрсету орталықтарында, әлеуметтік бейімдеу орталықтарында қызмет көрсетілетін адамдар үшін заттай тамақтану нормаларына сәйкес ыстық тамақ беріледі, оған жартылай стационарлық үлгідегі МӘҰ басшысы маусымға қарай (көктем-жаз, күз-қыс) ағымдағы апталық мәзірді және екінші аптаға перспективалық мәзірді бекітеді;
4) бақылау және төсек режиміндегі және денсаулығының жағдайы бойынша өзін-өзі күтудің қарапайым рәсімдерін орындай алмайтын қызмет алушыларға жеке қызмет көрсету және гигиеналық сипаттағы әлеуметтік-тұрмыстық қызметті көрсету, олардың денсаулығына қандай да бір зиян, физикалық немесе моральдық азап және қолайсыздық тудырмай орындалуға тиіс.
Мұндай қызметті көрсету кезінде қызмет көрсетуші персонал қызмет алушыларға ерекше сыпайылылық танытуы қажет.
5) қызмет алушыларды емделу, оқуға бару, мәдени іс-шараларға қатысуы үшін автомобиль көлігімен тасымалдау автокөлік құралдарын пайдалану нормативтері мен ережелерін, жол жүру қауіпсіздігінің талаптарын сақтай отырып жүзеге асырылады;
6) діни жораларды атқару үшін жағдай жасау кезінде қызмет алушылардың діни наным-сенімі, жасы, жынысы, физикалық жай-күйі, әртүрлі концессияларда қабылданған діни жоралардың ерекшелігі қатаң түрде ескерілуге тиіс. Дінге сенушілердің діни жораларды еркін атқару құқығына шек қойылмайды.
7) қалалық телефон желісі қызметін көрсету;
8) жартылай стационарлық үлгідегі МӘҰ-да әлеуметтік жұмыс жөніндегі маман әлеуметтік-тұрмыстық қызметті ұсынуды ішкі бақылауды жүзеге асырады, оның нәтижелері электронды картотека/журналда тіркеледі.
37. Әлеуметтік-медициналық қызмет:
1) Қазақстан Республикасының заңнама актілерінде көзделген әлеуметтік-медициналық қызметті алуға көмек көрсету;
2) дәрігерге дейінгі көмекті көрсету;
3) әлеуметтік-медициналық қызмет денсаулық жағдайын ескере отырып, бақылау, медициналық рәсімдерді өткізу, емдеу дәрігерінің тағайындауына сәйкес дәрілерді беру, қызмет алушылардың жүріп-тұруына (қажетіне қарай) және басқа да қызметіне көмек көрсету, дәрігерлердің қорытындысы бойынша дәрілік заттар мен медициналық мақсаттағы бұйымдарды қамтамасыз етуге жәрдемдесу сияқты қызметті қамтуға тиіс.
Медициналық рәсімдерді (дене температурасын, қан қысымын өлшеу, компресс қою, қайта орау, ойылған жерлерді, жарақат бетін өңдеу, тазалау клизмалары) жүргізу және денсаулыққа байланысты басқа да рәсімдерді (дәрі қабылдау, дәрі тамызу катетерді және басқа да рәсімдер) орындауға көмек көрсету қызмет алушыларға ешбір зиян келтірмей аса ұқыптылықпен және сақтықпен жүзеге асырылады;
4) емдеу-сауықтыру іс-шараларын ұйымдастыру;
5) мұқтаж қызмет алушыларды денсаулық сақтау ұйымдарына шұғыл жатқызуға жәрдемдесу және ілесіп жүру;
6) медициналық-психологиялық көмек ұйымдастыру;
7) медициналық-әлеуметтік сараптама жүргізуге жәрдемдесу.
Медициналық-әлеуметтік сараптама жүргізуге жәрдемдесу куәландырылатын адамдардың оңалтудың жеке бағдарламаларын қоса алғанда, арнаулы әлеуметтік қызметтің түрлері мен көлеміне қажеттіліктерін ағза функциясының тұрақты бұзылуы тудырған тұрмыс-тіршілігінің шектелуін бағалау негізінде, дұрыс айқындауда медициналық-әлеуметтік сараптамалық комиссияның білікті көмек көрсетуін қамтамасыз етуге тиіс;
8) дене жаттығуларын орындауда көмек көрсету қызмет алушылардың денсаулығын нығайту үшін жүйелі орындау мақсатында оған қол жетімді және денсаулығына қауіпсіз дене жаттығуларының кешенін меңгеруін қамтамасыз етуге тиіс;
9) оңалтудың жеке бағдарламаларына сәйкес әлеуметтік-медициналық сипаттағы оңалту іс-шараларын жүргізу қамқорлықтағы әрбір адам үшін әлеуметтік-орта бағдары мен әлеуметтік-тұрмыстық бейімделуден, қалпына келтіруші терапия, қайта қалпына келтіру хирургиясы, протездеу және ортездеуден құралған медициналық оңалтудан тұратын әлеуметтік оңалту бойынша іс-шаралар жиынтығын орындауды қамтамасыз етуге тиіс;
10) протездік-ортопедиялық және есту-протездері көмегін алуға жәрдемдесу қызмет алушының практикалық қажеттіліктеріне сәйкес жүзеге асырылады;
11) қызмет алушының денсаулығының жағдайын ескере отырып, күтімді, оның ішінде санитарлық-гигиеналық (ысқылау, жуындыру, гигиеналық бұлаулар, тырнақ алу, шаш тарау) қызмет көрсетуді қамтамасыз ету;
12) әлеуметтік-медициналық мәселелер жөнінде консультация беру қызмет алушыларға, олардың алдында тұрған нақты әлеуметтік медициналық проблемаларды (отбасын жоспарлау, қазіргі заманғы контрацепсия құралдары, тамақтану және тұрғын үй гигиенасы, артық салмақтан, зиянды әдеттерден арылу, әртүрлі аурулардың алдын алу, науқастардың туысқандарын оларға жалпы күтім көрсетудің практикалық дағдыларына үйрету және басқа да мәселелер) дұрыс түсінуге және шешуге білікті көмек көрсетуді қамтамасыз етуге тиіс;
13) қызмет алушыларды кезеңдік медициналық-әлеуметтік зерттеп тексеру (қажет кезінде, денсаулық сақтау ұйымдарының мамандарын тарта отырып) және оңалтудың медициналық бөлігінің жеке жоспарын әзірлеу;
14) дәрігерге дейін көмекті уақытылы көрсету;
15) қызмет алушылардың туысқандарын оларға жалпы күтім көрсетудің практикалық дағдыларына үйрету.
Емдеу-сауықтыру іс-шараларын жүргізу қажетіне қарай түзетіледі және жеке жоспарда, электронды картотека/журналда тіркеледі.
38. Әлеуметтік-психологиялық қызмет:
1) қызмет алушының психологиялық диагностикасы мен тексеру жартылай стационарлық үлгідегі МӘҰ басшысы бекітетін психодиагностикалық пакет негізінде жүзеге асырылады;
2) жеке жоспарды әзірлеу диагностиканы, түзеуді, әлеуметтік-психологиялық консультация беруді жүзеге асырушы, әлеуметтік-медициналық және медициналық-психологиялық көмек көрсетуші мамандардың жазбаша түрде ресімделетін ұсынымдары негізінде жүзеге асырылады;
3) психологиялық консультация беру қызмет алушыларға отбасылық жанжалдың алдын алу және жою үшін тұлғааралық қарым-қатынастарды жақсарту, бала мен ата-ана, ерлі-зайыптылар арасындағы мәселелер және басқа да маңызды қарым-қатынастар жөнінде білікті көмек көрсетуді қамтамасыз етуге тиіс.
Әлеуметтік-психологиялық консультация беру қызмет алушыдан алынған ақпарат және туындаған әлеуметтік-психологиялық проблемаларды онымен талқылау, оған ішкі ресурстарды ашуға, жұмылдыруға және осы проблемаларды шешуге көмектесу негізінде болуға тиіс.
4) белсенді психологиялық ықпал ретінде психологиялық түзеу қызмет алушының жүріс-тұрысындағы, эмоционалдық жай-күйіндегі ауытқушылықтарды (жекелеген адамдардың эмоционалдық жауап қайтару және мінез стереотипінің қолайсыз формалары, жайсыз қарым-қатынастар мен мінез-құлқындағы басқа да ауытқулар) жеңу немесе бәсеңдетуді қамтамасыз етуге тиіс, бұл аталған көрсеткіштерді жас нормалары мен әлеуметтік орта талаптарына сәйкес келтіруге мүмкіндік береді;
5) психотерапевтік көмек қызмет алушылардың өмірлік қиындықтар мен тұлғалық шиеленістердің негізінде жатқан ауыр психологиялық жара салу немесе стресс жағдайларын жеңу, өмірі мен тұрмысының өзгермелі әлеуметтік-экономикалық жағдайына әлеуметтік бейімделу сияқты және т.б. проблемаларды тиімді шешуіне жәрдемдесуге тиіс;
6) белсенді психологиялық ықпал ретінде психологиялық тренингтердің психологиялық жара салу жағдайларының, нервтік-психологиялық шиеленістердің салдарын жоюда, тұрмыс-тіршіліктің асоциалды нысанын жеңуші адамдарға әлеуметтік бағалы нормаларына дағдыландыруда, өзгермелі жағдайларға бейімделу үшін тұлғалық алғышарттарды қалыптастырудағы тиімділігімен бағалануға тиіс;
7) шұғыл (телефон арқылы) психологиялық және медициналық-психологиялық көмек: қызмет алушыларға дереу психологиялық консультация беруді, дағдарыс жағдайынан шығу үшін олардың физикалық, рухани, тұлғалық, зияткерлік ресурстарын жұмылдыруға, туындаған проблемаларды өздігінен шешу және қиындықтарды жеңу, өзіне деген сенімін нығайту үшін қолдануға болатын құралдардың диапазонын кеңейтуге жәрдемдесуді, сондай-ақ медициналық-психологиялық консультация беру және алдын ала диагнозын айқындауда, медициналық көмек келгенше дәрі-дәрмекті дұрыс таңдау және оны шақыртылған дәрігер келгенге дейін қабылдау тәртібін айқындауда көмек көрсетуді қамтамасыз етуге тиіс;
8) әңгімелесу, қарым-қатынас жасау, тыңдау, дем беру, белсенділікке ынталандыру, өмірлік тонусын психологиялық қолдау қызмет алушылардың психикалық денсаулығын нығайтуға, олардың стреске төзімділігін арттыруға және психикалық қорғауды қамтамасыз етуге тиіс.
Әлеуметтік-психологиялық іс-шаралардың нәтижелері және көмектің уақтылы көрсетілуін бақылау қорытындысы журналда/электронды картотекада көрсетіледі.
39. Әлеуметтік-педагогикалық қызмет:
1) әлеуметтік-педагогикалық диагностика жүргізу және 18 жастан 23 жасқа дейінгі қызмет алушыларға білім, білік және дағды деңгейлерін тексеруді дефектолог мұғалім жүргізеді;
2) әлеуметтік-тұрмыстық дағдыларды (өзіне өзі қызмет көрсету, жеке гигиена, тамақ дайындау, киімді ұсақ жөндеу, тұрғын жайды күту және т.б.), әлеуметтік-еңбек дағдылары және әлеуметтік бейімделу дағдыларын (тұрмыста және қоғамдық орындарда өзін өзі ұстау, қарым-қатынас жасау дағдылары және тұрмыс-тіршіліктің басқа да нысандары) қалыптастыру жөніндегі жұмыс фронтальді және жеке жұмыс жоспары бойынша жүргізіледі;
3) әлеуметтік-тұрмыстық қызметті іске асыру үшін тұрмыстық бағдар негіздері мен қол шеберлігіне үйретуге жәрдемдесетін мамандандырылған кабинеттер құрылады;
Қызмет алушылардың қажетті дағдыларын қалыптастырудың нәтижелеріне аралық бағалауды тоқсан сайын жүргізу, сондай-ақ жеке жоспарларға өзгерістер енгізу, аралық бағалау нәтижелері жеке жоспарларда, журналда/электронды картотекада көрсетіледі.
40. Әлеуметтік-еңбек қызметі:
1) қызмет алушылардың еңбек дағдыларының деңгейі бойынша тексеру жүргізіледі, тексеру нәтижелері жеке жоспарда көрсетіледі;
2) қызмет алушылардың жеке қажеттіліктерінің негізінде:
арнайы ұйымдастырылған кабинеттерде (шеберханаларда) еңбекпен оңалту;
шамасы келетін еңбек дағдыларын қалыптастыру үшін фронтальді және жеке сабақтар;
қызмет алушылардың еңбек қызметіне, оның әртүрлі бағыттарына (түрлеріне) қызығушылығын зерттеу мақсатында оларды тарту бойынша іс-шаралар;
МӘҰ ұжымының қоғамдық өміріне қатысу үшін қызмет алушыларды олардың қалған еңбек мүмкіндіктерін пайдалана отырып және әлеуметтік және коммуникативтік байланыстарын жөнге сала отырып, әлеуметтік-еңбек қызметіне тарту бойынша іс-шаралар;
тиісті дағды, білім мен білікті қалыптастыру мақсатында еңбек қызметінің түрлері;
3) қолжетімді кәсіптік дағдыларды оқыту, қызмет алушының тұлғалық және әлеуметтік мәртебесін қалпына келтіру бойынша іс-шараларды жүргізу үшін жағдай жасалады;
4) қызмет алушылар үшін жұмыс орындарын құру.
41. Әлеуметтік-мәдени қызмет:
1) мынадай әлеуметтік-мәдени қызмет көрсету жоспарын әзірлеу бойынша қызмет жүзеге асырылады:
экскурсиялар, театрға, көрмелерге, кинотеатрларға бару;
көркем өнерпаздар концерттерін өткізу;
мерекелер, мерейтойлар және басқа да мәдени іс-шаралар өткізу;
2) көркемөнерпаздар үйірмелерін ұйымдастыру үшін жағдай жасалады;
3) қызмет алушылармен бірлесе отырып, концерттердің бағдарламалары мен өткізілетін іс-шаралардың сценарийлері әзірленеді, талқыланады.
42. Әлеуметтік-құқықтық қызмет:
1) әлеуметтік қызмет алу және өздерінің мүдделерін қорғау құқығына қатысты мәселелер бойынша консультация беру;
2) арнаулы әлеуметтік қызмет көрсететін және қызмет алушылардың заңды құқықтарын бұзатын немесе шектейтін ұйымдардың әрекетіне немесе әрекетсіздігіне шағым дайындау және беруде көмек көрсету;
3) құжаттарды рәсімдеуге көмек көрсету;
4) заңнамада белгіленген жеңілдіктер мен басымдықтарды, әлеуметтік төлемдерді алуға заңгерлік көмек көрсету және жәрдемдесу.
43. Әлеуметтік-экономикалық қызмет:
1) Қазақстан Республикасының заңнамалық актілеріне сәйкес тиісті жәрдемақыларды, өтемақыларды, алименттерді және басқа да төлемдерді алуға жәрдемдесу;
2) өзін-өзі қамтамасыз ету, отбасылық кәсіпкерлікті дамыту, үй кәсіпшілігі мәселелері бойынша, мүмкіндіктері шектеулі адамдары бар отбасылардың материалдық жағдайын жақсартудың басқа да мәселелері бойынша консультация беру.
7. Арнаулы әлеуметтік қызмет көрсетуді тоқтату
44. Жартылай стационарлық үлгідегі МӘҰ-да арнаулы әлеуметтік қызмет көрсетуді тоқтату:
1) қызмет алушының заңды өкілінің өтініші бойынша;
2) медициналық қарсы айғақтамалар болған жағдайда;
3) қызмет алушыдан бірінші және екінші топ мүгедектігі алынған жағдайда жүзеге асырылады.
45. Арнаулы әлеуметтік қызмет көрсетуді тоқтату жартылай стационарлық үлгідегі МӘҰ басшысының бұйрығы бойынша жүзеге асырылады.
8. Жартылай стационарлық үлгідегі МӘҰ-ны басқару
46. Жартылай стационарлық үлгідегі МӘҰ-ның басшысын уәкілетті орган немесе құрылтайшы қызметке тағайындайды және босатады.
47. Заңды тұлғаның құрылымдық бөлімшесі болып табылатын жартылай стационарлық үлгідегі бөлімшені соған уәкілетті лауазымды тұлға немесе заңды тұлғаның органы лауазымға тағайындайтын және босататын меңгеруші басқарады.
48. Жартылай стационарлық үлгідегі МӘҰ-ның штат санын уәкілетті орган, не құрылтайшы бюджет қажеттіліктерін және мүмкіндіктерін ескере отырып дербес бекітеді.
Штаттық бірліктерді қалыптастыру кезінде Қазақстан Республикасы Еңбек және халықты әлеуметтік қорғау министрінің 2009 жылғы 3 қарашадағы (Нормативтік құқықтық актілерді мемлекеттік тіркеу тізілімінде № 5766 тіркелген) № 323-ө бұйрығымен бекітілген стационарлық үлгідегі ұйымдардағы ең төменгі штаттық персонал нормативтерін негізге алу қажет. Бұл ретте жартылай стационарлық үлгідегі МӘҰ-да түнде және демалыс және мереке күндері қызметтің көрсетілмеуіне байланысты аталған кезеңде көрсетілетін қызметтерді көрсету жөніндегі лауазымдар алынып тасталады.
49. Құрылымында жартылай стационарлық үлгідегі бөлімше бар заңды тұлғаның штат кестесі жартылай стационарлық үлгідегі бөлімшедегі қызмет алушылардың саны ескеріле отырып, айқындалады.
50. Жартылай стационарлық үлгідегі МӘҰ-ның басшысы:
1) жартылай стационарлық үлгідегі МӘҰ-ның жұмысын ұйымдастырады және жартылай стационарлық үлгідегі МӘҰ-ның санитарлық-гигиеналық және техникалық жай-күйі, көрсетілетін әлеуметтік қызметтің мазмұнының сапасы үшін дербес жауаптылықта болады;
2) жартылай стационарлық үлгідегі МӘҰ-ның атынан әрекет етеді, мекемелер мен ұйымдарда оның атынан өкілдік етеді, азаматтық заңнамада белгіленген тәртіппен жартылай стационарлық үлгідегі МӘҰ-ның мүлкіне және қаражатына иелік етеді, шарттар жасайды, сенімхаттар, оның ішінде қайта сенімгерлік құқығымен сенімхаттар береді, банктерде жартылай стационарлық үлгідегі МӘҰ шоттарын ашады;
3) кадрларды іріктеуді және тағайындауды қамтамасыз етеді, персоналдың жұмысына, олардың біліктілігін арттыруға басшылықты жүзеге асырады, сондай-ақ жартылай стационарлық үлгідегі МӘҰ-ге қызмет алушыларды жинақтауға қатысады;
4) жабдықталған кабинеттердің болуын ескере отырып, арнаулы әлеуметтік қызмет көрсету жөніндегі мамандардың жаңа штаттық бірліктерін қалыптастырады;
5) жартылай стационарлық үлгідегі МӘҰ-ның қызметіне қатысты бұйрықтар шығарады, Қазақстан Республикасының еңбек заңнамасына сәйкес қызметкермен еңбек шартын жасайды/бұзады, қызметкерлерді ынталандырады, тәртіптік жаза қолданады.
51. Жартылай стационарлық үлгідегі МӘҰ-да шағымдар мен ұсыныстар кітабы ресімделеді, ол басшыда сақталады және келушілердің бірінші талабы бойынша беріледі.
52. Шағымдар мен ұсыныстар кітабын жартылай стационарлық үлгідегі МӘҰ-ның басшысы апта сайын, ал уәкілетті орган - ай сайын қарайды.
53. Жартылай стационарлық үлгідегі МӘҰ-ның басшысы, құрылтайшысы мен уәкілетті орган «Жеке және заңды тұлғалардың өтiнiштерiн қарау тәртiбi туралы» Қазақстан Республикасының 2007 жылғы 12 қаңтардағы Заңында бекітілген мерзімде шағымдар мен ұсыныстарды қарастырады және өздерінің құзыретіне кіретін мәселелер бойынша тиісті шаралар қабылдауға тиісті.
9. Қорытынды ережелер
54. Жартылай стационарлық үлгідегі МӘҰ-ның бюджеттік заңнамада белгіленген тәртіпте ақылы қызметтердің қолма-қол ақшасын бақылау шоты, демеушілік, қайырымдылық және өзге де шоттары болуы мүмкін.
55. Үкіметтік емес және коммерциялық ұйымдар жартылай стационар жағдайында қызметті бюджет қаражаты есебінен мемлекеттік әлеуметтік тапсырыс және мемлекеттік сатып алу туралы заңнамаға сәйкес жүзеге асырады.
56. Жергілікті бюджеттік бағдарлама әкімшісінің (бұдан әрі - тапсырыс беруші), үкіметтік емес және мемлекеттік әлеуметтік тапсырысты шарт бойынша орындаушы ретінде әрекет ететін үкіметтік емес немесе коммерциялық ұйымдардың (бұдан әрі - қызметтерді жеткізуші) арасындағы қатынастар жартылай стационар жағдайында балаларға қызмет көрсету жөніндегі мемлекеттік әлеуметтік тапсырысты жүзеге асыруға арналған шартпен немесе жартылай стационар жағдайында балаларға көрсетілетін қызметі мемлекеттік сатып алу туралы шартпен ресімделеді.
57. Қызметтерді жеткізуші мен қызмет алушының заңды өкілінің (ата-анасының немесе қорғаншысының) арасындағы қатынастар Арнаулы әлеуметтік қызмет көрсету туралы шартпен (бұдан әрі – Шарт) ресімделеді.
Шартта жартылай стационар жағдайында көрсетілетін қызметтің кезеңділігін және түрлерін көздейтін талаптардың, күндізгі болу режимі туралы ақпараттың, Шарттың бұзылу жағдайлары, тараптардың жауапкершіліктері, Шарт мерзімінің және іске асырылуының болуы міндетті.
58. Қызмет алушыларға және олардың отбасыларына арнаулы әлеуметтік қызмет көрсетудің сапасын, толық көлемін, түрлерін және тиісті жағдай жасауды қамтамасыз етуді бақылауды құрылтайшы және уәкілетті орган жүзеге асырады.
Жартылай стационарлық
үлгідегі психоневрологиялық
медициналық-әлеуметтік
мекемелерде (ұйымдарда)
әлеуметтік қызмет көрсету
үлгі ережесіне
1-қосымша
Нысан
_____________________________________________________________
(ұйымның атауы)
Жеке куәлігінің №________ «___»_________ ж. _______________ берілген
СТН нөмірі немесе ЖСН _______________________________________________
ӘЖК нөмірі немесе ЖСН _______________________________________________
Тіркелген және тұратын жері _________________________________________
Туған жері __________________________________________________________
Туған күні «____» _____________________ жыл
Жәрдемақы түрі және мөлшері _________________________________________
Мүгедектік санаты ___________________________________________________
Қайта куәландыру мерзім _____________________________________________
Туыстары (заңды өкілдері)____________________________________________
_____________________________________________________________________
(туыстық қатынастары, жасы, әлеуметтік мәртебесі, тұрғылықты
мекенжайы)
Ө Т І Н І Ш
Жартылай стационар жағдайында арнаулы әлеуметтік қызмет
көрсетуге және бөгде адамның күтіміне мұқтаж болуына байланысты
______________________________ психоневрологиялық
медициналық-әлеуметтік қабылдауды сұраймын.
Мынадай құжаттарды қоса беріп отырмын:
1) _______________________ 2) _______________________
3) _______________________ 4) _______________________
5) _______________________ 6) _______________________
7) _______________________ 8) _______________________
9) _______________________ 10) ______________________
Жартылай стационарлық үлгідегі психоневрологиялық
медициналық-әлеуметтік мекемеге қабылдаудың, онда ұстап бағудың, одан
шығарудың шарттарымен және ішкі тәртіп ережелерімен таныстым.
20 ___ ж. «____»_________ __________________________________
(Өтініш иесінің Т.А.Ә. және қолы)
Құжаттарды қабылдаған __________________ 20__ ж. «___»______
(Т.А.Ә., лауазымы, қолы)
Жартылай стационарлық
үлгідегі психоневрологиялық
медициналық-әлеуметтік
мекемелерде (ұйымдарда)
әлеуметтік қызмет көрсету
үлгі ережесіне
2-қосымша
МЕДИЦИНАЛЫҚ КАРТА
_____________________________
(медициналық ұйымның атауы)
Т.А.Ә. _____________________________________________________________
Туған күні «____»_________ _____ жыл
Үйінің мекенжайы ___________________________________________________
Медициналық тексеру (негізгі және ілеспелі диагнозды, асқынудың орын
алғандығын, бұрын болған аурулар туралы мәліметтерді көрсету қажет)
терапевт ___________________________________________________________
____________________________________________________________________
хирург _____________________________________________________________
____________________________________________________________________
невропатолог _______________________________________________________
____________________________________________________________________
психиатр ___________________________________________________________
окулист ____________________________________________________________
отоларинголог ______________________________________________________
дерматовенеролог ___________________________________________________
фтизиатр ___________________________________________________________
Айғақтамалар бойынша:
стоматолог _________________________________________________________
эндокринолог _______________________________________________________
кардиолог __________________________________________________________
ортопед ____________________________________________________________
нарколог ___________________________________________________________
онколог ____________________________________________________________
гинеколог __________________________________________________________
зәр мен қанның жалпы анализі (RW және АИТВ)_________________________
ішек аурулар тобының анализі _______________________________________
Қорытынды __________________________________________________________
____________________________________________________________________
(бөгде адамның күтіміне және әлеуметтік қызмет көрсетуге мұқтаждығы
туралы негіздеу)
Күндіз болу жағдайындағы психоневрологиялық
медициналық-әлеуметтік мекемеге (ұйымға) жолдау туралы ұсыным
____________________________________________________________________
Күндіз болу жағдайындағы психоневрологиялық
медициналық-әлеуметтік мекемеге (ұйымға) жіберілмейді
____________________________________________________________________
(себебін көрсетіңіз)
М.О.
Медициналық ұйымның басшысы: _______________________________________
(Т.А.Ә., қолы)
20___ ж. «____»_________
Жартылай стационарлық
үлгідегі психоневрологиялық
медициналық-әлеуметтік
мекемелерде (ұйымдарда)
әлеуметтік қызмет көрсету
үлгі ережесіне
3-қосымша
Бекітемін:
__________________________
(стационарлық үлгідегі МӘҰ
басшысының Т.А.Ә. және қолы)
«___» __________ ______ жыл
_______________________________________________________________
Жартылай стационарлық үлгідегі МӘҰ-ның атауы
Жеке жұмыс жоспары
Қызмет алушының Т.А.Ә. _____________________________________________
Туған күні және жылы _______________________________________________
Диагнозы ___________________________________________________________
Келген күні ________________________________________________________
_____________________бастап _______________ дейінгі кезеңге арналған
Жеке жұмыс жоспарын әзірлеу күні ___________________________________
Қызмет алушының жеке қажеттілігіне сәйкес іс-шаралар тағайындау
(көрсетілетін қызметтің түрлері мен көлемін көрсету):
1) әлеуметтік-тұрмыстық қызметтер:
____________________________________________________________________
____________________________________________________________________
____________________________________________________________________
2) әлеуметтік-медициналық қызметтер:
____________________________________________________________________
____________________________________________________________________
____________________________________________________________________
3) әлеуметтік-психологиялық қызметтер:
____________________________________________________________________
____________________________________________________________________
____________________________________________________________________
4) әлеуметтік-педагогикалық қызметтер:
____________________________________________________________________
____________________________________________________________________
____________________________________________________________________
5) әлеуметтік-еңбек қызметтері:
____________________________________________________________________
____________________________________________________________________
____________________________________________________________________
6) әлеуметтік-мәдени қызметтер:
____________________________________________________________________
____________________________________________________________________
____________________________________________________________________
7) әлеуметтік-экономикалық қызметтер:
____________________________________________________________________
____________________________________________________________________
____________________________________________________________________
8) әлеуметтік-құқықтық қызметтер:
____________________________________________________________________
____________________________________________________________________
____________________________________________________________________
Жеке жұмыс жоспарын қайта қарау күні _________________________
Әлеуметтік жұмыс жөніндегі маман _____________________________
(Т.А.Ә. және қолы)
Таныстырылғандар: ____________________________________________
Жартылай стационарлық психоневрологиялық
медициналық-әлеуметтік мекемелерде
(ұйымдарда) әлеуметтік қызмет көрсету
Үлгі ережесіне 4-қосымша
Арнаулы әлеуметтік қызмет алушының жеке жұмыс жоспарын
орындау жөніндегі журналдың/электронды картотеканың нысаны
Арнаулы әлеуметтік қызмет алушының Т.А.Ә. |
Арнаулы әлеуметтік қызметтің атауы |
Арнаулы әлеуметтік қызмет көрсету тағайындалған мерзім (қызмет көрсету басталған және аяқталатын күн көрсетіледі) |
Арнаулы әлеуметтік қызмет көрсететін маманның Т.А.Ә. және лауазымы |
Арнаулы әлеуметтік қызмет алушының хал-жағдайы туралы белгілер |
Жеке жұмыс жоспарына түзетулер енгізу туралы шешім |
Мониторинг өткізілген күн, әлеуметтік жұмыс жөніндегі маманның Т.А.Ә., қолы |
|
оң өзгерістер бар* |
өзгеріс жоқ немесе хал-жағдайы нашарлаған (себебі көрсетіледі) |
||||||
1 |
2 |
3 |
4 |
5 |
6 |
7 |
8 |
әлеуметтік-тұрмыстық: |
|||||||
1) |
|||||||
2) |
|||||||
әлеуметтік-медициналық: |
|||||||
1) |
|||||||
2) |
|||||||
әлеуметтік-психологиялық: |
|||||||
1) |
|||||||
2) |
|||||||
әлеуметтік-педагогикалық: |
|||||||
1) |
|||||||
2) |
|||||||
әлеуметтік-еңбек: |
|||||||
1) |
|||||||
2) |
|||||||
әлеуметтік-мәдени: |
|||||||
1) |
|||||||
2) |
|||||||
әлеуметтік-экономикалық: |
|||||||
1) |
|||||||
2) |
|||||||
әлеуметтік-құқықтық: |
|||||||
1) |
|||||||
2) |
|||||||
Ескертпе: * Қызмет алушының:
- соматикалық, психикалық, эмоционалдық хал-жағдайдағы;
- қозғалыс, сенсорлық, танымдық, тіл дамыту, коммуникативтік салалардағы;
- өз-өзіне қызмет көрсету дағдыларындағы, әлеуметтік-тұрмыстық және еңбекпен бейімдеу және әлеуметтендіруді қалыптастырудағы оң өзгерістері белгіленеді.
Журнал нөмірленген, жiппен қайымдалған және мөрмен бекітілген болуға тиіс.
Қазақстан Республикасы
Еңбек және халықты әлеуметтік
қорғау министрінің
2010 жылғы 1 ақпандағы № 24-ө
бұйрығына 3-қосымша
Қазақстан Республикасы
Еңбек және халықты әлеуметтік
қорғау министрі
міндетін атқарушысының
2005 жылғы 1 желтоқсандағы
№ 306-ө бұйрығымен бекітілген
Үйде әлеуметтік көмек көрсету қызметтерінің әлеуметтік
қызмет көрсету үлгі ережесі
1. Жалпы ережелер
1. Осы Үйде әлеуметтік көмек көрсету қызметтерінің әлеуметтік қызмет көрсету үлгі ережесі (бұдан әрі – Үлгі ереже) отбасыларында тұратын психоневрологиялық ауруы бар 18 жастан асқан адамдарға (бұдан әрі – қызмет алушылар) арнаулы әлеуметтік қызмет көрсетудің (бұдан әрі – үйде қызмет көрсету) шарттарын және тәртібін айқындайды.
2. Үйде қызмет көрсетуді мемлекеттік және жеке меншік нысандағы субъектілер (үйде әлеуметтік көмек көрсету қызметтері/бөлімшелері; медициналық-әлеуметтік мекемелердің және өзге де әлеуметтік қызмет көрсету объектілерінің құрылымдық бөлімшелері) (бұдан әрі – үйде қызмет көрсететін субъектілер) жүзеге асырылады.
3. Психоневрологиялық ауруы бар адамдарға үйде қызмет көрсету үшін жіберу психиатриялық емдеу мекемесінің дәрігерлік-консультациялық комиссиясының (бұдан әрі – ДКК) қорытындысымен жүзеге асырылады.
4. МӘҰ:
барлық дәрежедегі ақыл-ой кемістігі, оның ішінде жүріп-тұру функцияларының өрескел бұзылуы болғанда (қозғалу қиындығына орай бөгде адамның көмегінсіз қозғалып жүре алмайтын, өзіне өзі қызмет көрсете алмайтын, жеке күтімді қажет ететін);
барлық дәрежедегі ақыл-ой кемістігімен зағиптығы (нашар көру) немесе кереңдігі (нашар есту), оның ішінде жүріп-тұру функцияларының өрескел бұзылуы болғанда;
жарыместік белгілері мен сирек тырыспа және эквиваленттері (айына 5 реттен артық емес) бар эпилепсияның түрлі нысандары;
жарыместік белгілері бар бас, мидың жұқпалы және басқа да органикалық аурулары (энцефалиттер, туберкулезді менингиттер, менингоэнцефалиттер, ми сифилисі және басқалар);
айқын білінетін психомоторлық мазасыздығы жоқ және есінің өзгеру жай-күйінің ұзақ немесе қайталанатын жарыместік белгілері бар қан-тамыр және сенильдік аурулар салдарынан денсаулық жағдайы бойынша бөгде адамның күтіміне және арнаулы әлеуметтік қызмет көрсетуге мұқтаж он сегіз жастан асқан мүгедектердің уақытша немесе тұрақты тұруына арналған.
Жіті және қатты стадиядағы айқын білінетін психотиялық симптоматикамен психикалық аурулар, қызығушылығы мен мінез-құлқының өрескел бұзылушылықтарымен сипатталатын, қамқорлық көрсетілетін адамның өзіне және айналасындағыларға қауіпті психикалық аурулар;
мамандандырылған медициналық ұйымдарда стационарлық емдеуді талап ететін ұстамалы түрдегі немесе жиі өршімелі немесе аурудың жиі декомпенсациялы қайталамасы бар прогредиентті өтетін кез келген психикалық аурулар;
эпилепсия және басқа этиологиядағы жиі ұстамалы (айына 5 реттен артық), жиі ұстамаға, эпилептикалық статусқа, ақыл-есі қарауытқан, дисфорияға бейім тырыспалы синдром;
тұрақты алкоголизм, нашақорлық, тұрақты алкоголизмнен немесе нашақорлықтың кез келген түрлерінен асқынған басқа да психикалық аурулар;
түрлі генездегі депрессиялық және қияли жай-күйлер, созылмалы реактивті жай-күйлер;
айқын білінетін психопатқа ұқсас синдромдар, эксплозивті, параноидті, паранояльдік, қояншық аурулар;
мамандандырылған медициналық ұйымдарда стационарлық емдеуді талап ететін ауру процесінің белсенді стадиясындағы туберкулездің, карантинді инфекциялардың, жұқпалы тері мен шаш ауруларының, венерологиялы аурулардың, ЖИТС-тің болуы үйде әлеуметтік қызмет көрсетудің болуы қарсы айғақтамалар болып табылады.
5. Үйде қызмет көрсету Қазақстан Республикасының Конституциясына, «Қазақстан Республикасында мүгедектерді әлеуметтік қорғау туралы», «Арнаулы әлеуметтік қызметтер туралы» Қазақстан Республикасының Заңдарына, Қазақстан Республикасының өзге де нормативтік құқықтық актілеріне, сондай-ақ осы Үлгі ережеге сәйкес жүзеге асырылады.
6. Үйде қызмет көрсетуді үйде қызмет көрсету субъектісінің штат санында тұратын әлеуметтік қызметкерлер (әлеуметтік жұмыс жөніндегі консультант, күтім көрсету жөніндегі әлеуметтік қызметкер) жүзеге асырады.
Үйде қызмет көрсету жағдайында арнаулы әлеуметтік қызметті көрсету кезінде қажеттігіне қарай денсаулық сақтау, білім беру саласынан мамандарды тартуға болады.
2. Үйде қызмет көрсету субъектілерінің міндеттері
мен функциялары
7. Үйде қызмет көрсету субъектілерінің негізгі мақсаты қызмет көрсетілетін адамдарға және олардың отбасы мүшелеріне жоғары білікті мамандырылған көмек көрсету болып табылады.
8. Үйде қызмет көрсететін субъектілердің функциялары:
1) қызмет көрсетілетін адамдарға дағдыланған әлеуметтік ортада қолайлы өмір сүру жағдайын жасау;
2) гигиеналық талаптарға сәйкес өмір сүру жағдайларына қолдау жасауда консультативтік және практикалық көмек көрсету;
3) Қазақстан Республикасы Еңбек және халықты әлеуметтік қорғау министрінің 2009 жылғы 3 қарашадағы (Нормативтік құқықтық актілерді мемлекеттік тіркеу тізілімінде № 5766 тіркелген) № 323-ө бұйрығымен бекітілген Халықты әлеуметтік қорғау саласындағы арнаулы әлеуметтік қызмет көрсету стандартына сәйкес арнаулы әлеуметтік қызмет көрсету;
4) арнаулы әлеуметтік қызмет кешенін көрсету кезінде қызмет көрсетілетін адамдардың жеке қажеттіліктерін ескеру болып табылады.
9. Үйде қызмет көрсететін субъектілердің функциялары:
1) қызмет көрсетілетін адамдардың жеке басының дербес құқықтылығы мен қауіпсіздігін қамтамасыз ету;
2) әлеуметтік-тұрмыстық, әлеуметтік-еңбек және коммуникациялық функцияларды дамытуға;
жеке даму, әлеуметтену және жақындары мен қоғам ортасына кіріктіру деңгейін арттыруға бағытталған арнаулы әлеуметтік қызмет көрсету;
3) қолайлы моральдік-психологиялық жағдай жасау;
4) қызмет көрсетілетін адамдардың құқықтары, әлеуметтік қызмет көрсетудің көлемі мен түрлері туралы қызмет көрсетілетін адамдардың жақын туыстарын хабардар ету;
5) әлеуметтік қызметкерлердің еңбегін ұйымдастыруды жетілдіру және олардың біліктілік деңгейін арттыру;
6) қызмет көрсетілетін адамдарға көрсетілетін әлеуметтік қызметтің сапасы мен тиімділігін арттыру;
7) заңды тұлғалардың құрылтай құжаттарына сәйкес өзге де функциялар.
3. Үйде қызмет көрсететін субъектілердің үйде арнаулы
әлеуметтік қызмет көрсетуін ұйымдастыру
10. Жергілікті атқарушы органдар құратын үйде қызмет көрсететін субъектілер арнаулы әлеуметтік қызметтің кепілді көлемінің шеңберінде үйде қызмет көрсетуді жүзеге асырады.
11. Үйде қызмет көрсететін субъекті мен арнаулы әлеуметтік қызметке мұқтаж психоневрологиялық ауру адамы бар отбасылардың арасындағы қатынастар үйде арнаулы әлеуметтік қызмет көрсету шартымен (бұдан әрі – Шарт) ресімделеді.
Шартта көрсетілетін қызметтің кезеңділігін және түрлерін көздейтін талаптардың, отбасына бекітілген әлеуметтік қызметкердің (немесе маманның) тегі мен аты, Шарттың бұзылу жағдайлары, тараптардың жауапкершіліктері, Шартты іске асыру мерзімінің болуы міндетті (осы Үлгі ережеге 1-қосымша).
12. Үйде қызмет көрсететін субъектілер:
1) қызмет көрсетілетін адамдардың жеке ісін жүргізеді;
2) әлеуметтік қызметкерлерге (консультанттарға) оңалту іс-шараларын жүргізу үшін қажетті техникамен және байланыспен жабдықталған орынжай, диагностикалық, дидактикалық, дамыту және өзге де материалдарды береді;
3) арнаулы әлеуметтік қызмет көрсету үшін жағдай жасайды, оның ішінде:
әлеуметтік қызметкерлерді (консультанттарды) қызмет көрсетілетін адамдарға әлеуметтік қызмет көрсету жөніндегі білімді, іскерлікті және дағдыларды бойына сіңірту үшін әдістемелік әдебиетпен қамтамасыз ету;
қызмет көрсетілетін адамның үй жағдайында даму, әлеуметтену деңгейін арттыру үшін жағдай жасау жөнінде қызмет көрсетілетін адамның отбасы мүшелеріне арналған үйрету тренингтерін жүргізу;
әлеуметтік қызметкерлерді (консультанттарды) қажет болған кезде көлік құралымен немесе жол жүру билеттерімен немесе жол жүру билетінің құны мөлшерінде ақшалай өтемақымен қамтамасыз ету;
4) үйде қызмет көрсету ұйымдарында консультациялық көмек көрсетеді, әлеуметтік қызметкерлердің (консультанттардың) қызметіне басшылықты және бақылауды жүзеге асырады;
5) өзінің құзыретіне енетін мәселелер бойынша шағымдар мен ұсыныстарға тиісті шаралар қабылдай отырып, уақытында назар аударады.
4. Үйде қызмет көрсетуді ұсыну, тоқтату және
тоқтата тұру шарттары
13. Арнаулы әлеуметтік қызметке мұқтаж және бір отбасында тұратын қызмет алушылар жеке тұлға ретінде есептелінеді.
14. Үйде қызмет көрсету мынадай құжаттардың негізінде жүзеге асырылады:
1) заңды өкілінің (ата-анасының біреуінің немесе қорғаншысының) өтініші (осы Үлгі ережеге 2-қосымша);
2) жеке куәлігінің көшірмесі немесе жеке сәйкестендіру нөмірі (көшірмесі);
3) тұратын жерінен анықтама;
4) салық төлеушінің тіркеу нөмірін беру туралы куәлігінің көшірмесі немесе жеке сәйкестендіру нөмірі (көшірмесі);
5) жеке әлеуметтік код беру туралы куәлігінің көшірмесі немесе жеке сәйкестендіру нөмірі (көшірмесі);
6) заңды өкілінің (ата-анасының біреуінің немесе қорғаншысының) жеке куәлігінің көшірмесі;
7) мүгедектігі туралы анықтамадан үзінді көшірме;
8) психиатриялық емдеу мекемесі ДКК-ның қорытындысы;
9) мүгедектің жеке оңалту бағдарламасынан үзінді көшірме (боkған жағдайда);
10) тұрғын үй және басқа да материалдық-тұрмыстық жағдайларын зерттеп-тексеру актісі (осы Үлгі ережеге 3-қосымша);
11) амбулаторлық картадан үзінді көшірме;
12) жергілікті атқарушы органның арнаулы әлеуметтік қызметті ұсынуы туралы (арнаулы әлеуметтік қызметті бюджет қаражаты есебінен көрсеткенде) шешімінің негізінде жүзеге асырылады.
15. Қызмет көрсетілетін адамдарды бюджеттен тыс қаражат есебінен қызмет көрсетуге қабылдауға арналған құжаттардың тізбесін құрылтайшы дербес айқындайды.
16. Үйде қызмет көрсетуді тоқтатуға:
1) қызмет көрсетілетін адамның заңды өкілінің (ата-анасының біреуінің немесе қорғаншысының) өтініші;
2) қызмет көрсетілетін адамда үйде арнаулы әлеуметтік қызметті қабылдауға медициналық қарсы айғақтамалардың болуы;
3) қызмет көрсетілетін адамның заңды өкілінің (ата-анасының біреуінің немесе қорғаншысының) басқа жерге көшуі;
4) қызмет көрсетілетін адамның отбасы мүшелерінің күтім жөніндегі әлеуметтік қызметкерді оның адамгершілік қасиетін кемсітетін, негізсіз қорлауы және айыптауы негіздеме болып табылады.
17. Үйде арнаулы әлеуметтік қызметті көрсету қызмет көрсетілетін адамдарға стационар және жартылай стационар жағдайында уақытша болудың арнаулы әлеуметтік қызмет көрсетілуі кезеңінде тоқтатыла тұрады.
5. Үйде арнаулы әлеуметтік қызметке жеке
қажеттіліктерін айқындау және жеке жоспарын әзірлеу
18. Халықты әлеуметтік қорғау саласында аудандық (қалалық) уәкілетті орган алғаш есепке алған қызмет көрсетілетін адамдардың қажеттілігі жергілікті атқарушы органның шешімімен әлеуметтік қызметкердің арнаулы әлеуметтік қызметке қажеттілікті бағалау және айқындау жөніндегі қорытындысының негізінде белгіленеді.
Халықты әлеуметтік қорғау саласындағы аудандық (қалалық) уәкілетті органдардың есебінде тұратын және үйде қызмет көрсетілетін қызмет көрсетілетін адамдарға арналған қызмет көрсетуді жалғастыру осы Үлгі ереженің 14-тармағында көрсетілген құжаттарды көрсетпей жергілікті атқарушы органның шешімі бойынша жүзеге асырылады.
19. Әлеуметтік қызметкердің арнаулы әлеуметтік қызметке қажеттілігін бағалауы және айқындауы бойынша қызмет көрсетілетін адамдардың белгіленген қажеттіліктерінің негізінде оңалтудың жеке бағдарламасына (бұдан әрі – ОЖБ) сәйкес әлеуметтік жұмыс жөніндегі консультант әрбір балаға бір жылдан аспайтын мерзімге жеке жұмыс жоспарын (бұдан әрі – жеке жоспар) әзірлейді.
20. Жеке жоспар қызмет көрсетілетін адамды үйде қызмет көрсету бойынша есепке қойған күннен бастап 14 күнтізбелік күн ішінде әлеуметтік жұмыс жөніндегі консультант (қажеттігіне қарай жеке жоспарды әзірлеу немесе оңалту іс-шараларының нәтижелілігін бағалау үшін денсаулық сақтау, білім беру саласындағы мамандар тартылады) оны тексергеннен кейін немесе алдыңғы жеке жоспардың қолданыс мерзімі аяқталғаннан кейін әзірленеді, 5 жұмыс күні ішінде толтырылады және үйде қызмет көрсететін субъектінің басшысы бекітеді.
21. Жеке жоспарда көрсетілген іс-шаралар кешені жеке жоспарда белгіленген мерзімде іске асырылады.
Қызмет көрсетілетін адамдардың қажеттілігі мен оларды тұрмыстық және еңбек қызметіне тарту деңгейі ұдайы (тоқсанына бір реттен кем емес) қарауға және құжаттамалық түрде көрсетілуге тиіс.
Жеке жоспардың орындалуының тоқсан сайынғы мониторингі мен қызмет көрсетілетін адамның жай-күйіндегі өзгерістердің қорытындыларын әлеуметтік жұмыс жөніндегі маман журналға/электронды картотекаға тіркейді.
22. Әлеуметтік жұмыс жөніндегі консультанттар қызмет көрсетілетін адамдардың әлеуметтік-тұрмыстық және әлеуметтік-еңбекпен оңалтудың аралық нәтижелерін бағалауды жүргізеді және оны журналға/электронды картотекаға енгізеді.
23. Әрбір маман үйде көрсетілетін қызметті лауазымдық нұсқаулығына және жеке жоспарға сәйкес көрсетеді.
24. Күтім жөніндегі әлеуметтік қызметкерлердің қызметтік міндеттерін орындау сапасын және әлеуметтік жұмыс жөніндегі консультанттардың жеке жоспарларды әзірлеу сапасын үйде қызмет көрсететін субъектінің басшылысы ұдайы бақылайды.
25. Бір күтім жөніндегі әлеуметтік қызметкерге 4-тен 6 қызмет көрсетілетін адам беріледі және дамуындағы, қозғалу белсенділігіндегі ауытқулардың дәрежесін, сондай-ақ қызмет көрсетілетін адамдардың тұратын жерлерінің арақашықтығын ескере отырып, үйде қызмет көрсететін субъектінің басшысы бекітеді.
6. Үй жағдайында көрсетілетін арнаулы әлеуметтік
қызмет көрсетудің түрлері
26. Әлеуметтік-тұрмыстық қызмет:
Қызмет көрсету қызмет көрсетуге қажеттілікті бағалау нәтижелері бойынша немесе қызмет көрсетілетін адамның заңды өкілі мен үйде қызмет көрсету субъектісінің арасында жасалған шарт негізінде жүзеге асырылады;
1) Қазақстан Республикасының заңнамасында көзделген әлеуметтік-тұрмыстық қамсыздандырудағы жеңілдіктер мен басымдықтарды алуға жәрдемдесу;
2) хат жазуға және оқуға көмек көрсету;
3) бақылау және төсек режиміндегі және денсаулығының жағдайы бойынша өзін-өзі күтудің қарапайым рәсімдерін, оның ішінде, төсектен тұру, төсекке жату, киіну және шешіну, жуыну, тамақ ішу, сусын ішу, дәретхананы немесе дәрет ыдысын пайдалану, тісін немесе жағын күту, ер кісілерге – сақал-мұртын алу сияқты күнделікті рәсімдерді орындай алмайтын қызмет көрсетілетін адамдарға жеке қызмет көрсету және гигиеналық сипаттағы әлеуметтік-тұрмыстық қызметті көрсету;
4) ас әзірлеуде жәрдемдесу;
5) стационарлық және жартылай стационарлық үлгідегі МӘҰ-ға рәсімдеу үшін құжаттарды жинауға көмек көрсету;
6) үйден тыс жерде, оның дәрігерге барарда ілесіп жүру;
27. Әлеуметтік-медициналық қызмет:
1) Қазақстан Республикасының заңнамасында көзделген әлеуметтік-медициналық қызметті алуға көмек көрсету;
2) дәрігерге дейін алғашқы көмек көрсету;
3) дәрігерлердің қорытындысы бойынша емдік заттармен және медициналық мақсаттағы бұйымдармен қамтамасыз етуге жәрдемдесу;
4) емдейтін дәрігердің тағайындауына сәйкес медициналық рәсімдерді жүргізу;
Медициналық рәсімдерді (компресс қою, қайта орау, ойылған жерлерді, жарақат бетін өңдеу, тазалау клизмалары) жүргізу және денсаулыққа байланысты басқа да рәсімдерді (дәрі қабылдау, дәрі тамызу, катетерді пайдалану және басқа да рәсімдер) орындауға көмек көрсету қызмет көрсетілетін адамдарға ешбір зиян келтірмей аса ұқыптылықпен және сақтықпен жүзеге асырылады.
5) денсаулығының жай-күйін қадағалау (дене температурасын, қан қысымын өлшеу).
6) емдеу-сауықтыру іс-шараларын ұйымдастыру;
7) мұқтаж қызмет көрсетілетін адамдарды денсаулық сақтау ұйымдарына шұғыл жатқызуға жәрдемдесу және ілесіп жүру;
8) медициналық-психологиялық көмек ұйымдастыру;
9) медициналық-әлеуметтік сараптама жүргізуге жәрдемдесу.
Медициналық-әлеуметтік сараптама жүргізуге жәрдемдесу куәландырылатын адамдардың оңалтудың жеке бағдарламаларын қоса алғанда, әлеуметтік қорғау шараларына қажеттіліктерін ағза функциясының тұрақты бұзылуы тудырған тұрмыс-тіршілігінің шектелуін бағалау негізінде, дұрыс айқындауда медициналық-әлеуметтік сараптамасының білікті көмек көрсетуін қамтамасыз етуге тиіс;
10) дене жаттығуларын орындауда көмек көрсету.
Дене жаттығуларын орындауда көмек көрсету қызмет көрсетілетін адамдардың денсаулығын нығайту үшін жүйелі орындау мақсатында оған қол жетімді және денсаулығына қауіпсіз дене жаттығуларының кешенін меңгеруін қамтамасыз етуге тиіс;
11) ОЖБ-ға сәйкес әлеуметтік-медициналық сипаттағы оңалту іс-шараларын жүргізу;
12) протездік-ортопедиялық және есту-протездері көмегін алуға жәрдемдесу;
13) қызмет көрсетілетін адамның денсаулығының жағдайын ескере отырып, күтімді, оның ішінде санитарлық-гигиеналық (ысқылау, жуындыру, гигиеналық бұлаулар, тырнақ алу, шаш тарау) қызмет көрсетуді қамтамасыз ету;
Қызмет көрсету қызмет көрсету қажеттілігін бағалау нәтижесі бойынша немесе қызмет көрсетілетін адамның заңды өкілі мен үйде қызмет көрсетудің субъектісі арасында жасалған шарттың негізінде жүзеге асырылады;
14) әлеуметтік-медициналық мәселелер (тамақтану және тұрғын үй гигиенасы, артық салмақтан, зиянды әдеттерден арылу, психосексуалдық даму және басқалары) бойынша консультация беру;
15) жасына байланысты өзгеру мәселелерін шешу үшін санитарлық-ағарту жұмысын жүргізу;
16) дәрігерге дейін шұғыл көмек көрсету, үйге дәрігер шақырту және қызмет көрсетілетін адамдарға денсаулық ұйымдарына барғанда ілесіп жүру;
17) оңалту іс-шараларын жүргізуге жәрдемдесу;
18) ОЖБ-ға сәйкес санаторлық-курорттық емдеуге жіберуге жәрдемдесу;
19) отбасы мүшелеріне үй жағдайында оңалту іс-шараларын жүргізу үшін медициналық-психологиялық және әлеуметтік-медициналық білім негіздерін үйрету;
28. Әлеуметтік-психологиялық қызмет:
1) әлеуметтік-психологиялық және психологиялық консультация беру.
Психологиялық консультация беру қызмет көрсетілетін адамдарға отбасылық жанжалдың алдын алу және жою үшін жеке қарым-қатынастарды жақсарту, бала мен ата-ана, ерлі-зайыптылар арасындағы мәселелер және басқа да маңызды қарым-қатынастар жөнінде білікті көмек көрсетуді қамтамасыз етуге тиіс.
Әлеуметтік-психологиялық консультация беру қызмет алушыдан алынған ақпарат және туындаған әлеуметтік-психологиялық проблемаларды онымен талқылау, оған ішкі ресурстарды ашуға, жұмылдыруға және осы проблемаларды шешуге көмектесу негізінде болуға тиіс;
2) психологиялық түзеу.
Белсенді психологиялық ықпал ретінде психологиялық түзеу қызмет көрсетілетін адамның жүріс-тұрысындағы, эмоционалдық жай-күйіндегі ауытқушылықтарды (жекелеген адамдардың эмоционалдық жауап қайтару және мінез стереотипінің қолайсыз формалары, жайсыз қарым-қатынастар мен мінез-құлқындағы басқа да ауытқулар) жеңу немесе бәсеңдетуді қамтамасыз етуге тиіс, бұл аталған көрсеткіштерді жас нормалары мен әлеуметтік орта талаптарына сәйкес келтіруге мүмкіндік береді;
3) психотерапевтік көмек.
Психотерапевтік көмек қызмет көрсетілетін адамдардың өмірлік қиындықтар мен жеке шиеленістерінің негізінде жатқан ауыр психологиялық жара салу немесе стресс жағдайларын жеңу, өмірі мен тұрмысының өзгермелі әлеуметтік-экономикалық жағдайына әлеуметтік бейімделу және басқа да проблемаларды тиімді шешуіне жәрдемдесуге тиіс;
4) психологиялық тренингтер.
Белсенді психологиялық ықпал ретінде психологиялық тренингтердің психологиялық жара салу жағдайларының, жүйкелік-психологиялық шиеленістердің салдарын жоюда, тұрмыс-тіршіліктің асоциалды нысанын жеңуші адамдарға әлеуметтік бағалы нормаларына дағдыландыруда, өзгермелі жағдайларға бейімделу үшін тұлғалық алғы шарттарды қалыптастырудағы тиімділігімен бағалануға тиіс;
5) психологиялық және медициналық-психологиялық көмек.
Психологиялық және медициналық-психологиялық көмек: қызмет көрсетілетін адамдарға дереу психологиялық консультация беруді, дағдарыс жағдайынан шығу үшін олардың физикалық, рухани, тұлғалық, зияткерлік ресурстарын жұмылдыруға, туындаған проблемаларды өздігінен шешу және қиындықтарды жеңу, өзіне деген сенімін нығайту үшін қолдануға болатын құралдардың диапазонын кеңейтуге жәрдемдесуді, сондай-ақ медициналық-психологиялық консультация беру және алдын ала диагнозын айқындауда, медициналық көмек келгенше дәрі-дәрмекті дұрыс таңдау және оны шақыртылған дәрігер келгенге дейін қабылдау тәртібін айқындауда көмек көрсетуді қамтамасыз етуге тиіс;
6) қызмет көрсетілетін адамдарға психологиялық көмек көрсету, оның ішінде әңгімелесу, қарым-қатынас жасау, тыңдау, дем беру, белсенділікке ынталандыру, өмірлік тонусын психологиялық қолдау.
Әңгімелесу, қарым-қатынас жасау, тыңдау, дем беру, белсенділікке ынталандыру, өмірлік тонусын психологиялық қолдау қызмет көрсетілетін адамдардың (отбасылардың) психикалық денсаулығын нығайтуға, олардың стреске төзімділігін арттыруға және психикалық қорғауды қамтамасыз етуге тиіс.
7) жасына қарай өзгеру мәселелерін шешу үшін санитарлық-ағарту жұмысын жүргізу;
8) өмірлік тонусын психологиялық қолдау;
9) әлеуметтік-психологиялық патронаж.
29. Әлеуметтік-педагогикалық қызмет:
1) өзіне өзі қызмет көрсету, жеке гигиена, әлеуметтік-тұрмыстық, әлеуметтік-еңбек дағдыларын қалыптастыру; тұрмыста және қоғамдық орындардағы мінез-құлық, өзін өзі ұстау, қарым-қатынас жасау дағдыларын және тұрмыс-тіршіліктің басқа да нысандарын қалыптастыру жөнінде консультация беру;
2) үйде қызмет көрсетілетін адамдар мен олардың отбасы мүшелерінің үйдегі еңбегін ұйымдастыруға жәрдемдесу;
3) қызмет көрсетілетін адамдардың туысқандарына үй жағдайында оларды оңалту негіздерін үйрету.
30. Әлеуметтік-экономикалық қызмет:
Қазақстан Республикасының заңнамасына сәйкес тиісті жеңілдіктерді, жәрдемақыларды, өтемақыларды, алименттерді және басқа да төлемдерді алуға, тұрғын үй жағдайларын жақсартуға жәрдемдесу;
мүмкіндігі шектеулі адамдары бар отбасыларға өзін өзі қамтамасыз ету, отбасылық кәсіпкерлікті дамыту, үй кәсіпшілігі мәселелері бойынша, материалдық жағдайын жақсартудың басқа да мәселелері бойынша консультация беру.
31. Әлеуметтік-құқықтық қызмет:
1) әлеуметтік қызметке құқығымен және өздерінің мүддесін қорғаумен байланысты мәселелер бойынша консультация беру;
2) арнаулы әлеуметтік қызметті ұсынушы немесе қызмет көрсетілетін адамдардың заңды құқығына қысым көрсетуші ұйымдардың әрекетіне немесе әрекетсіздігіне өтініш дайындауға және беруге көмек көрсету;
3) құжаттарды рәсімдеуге көмек көрсету;
4) заңнамада белгіленген жеңілдіктер мен басымдықтарды, әлеуметтік төлемдерді алуға заңгерлік көмек көрсету және жәрдемдесу;
5) сенімхат бойынша басқа да әлеуметтік төлемдерді алу;
6) жеке куәлікті, төлқұжатты, әлеуметтік төлемдерді және заңды маңызы бар басқа да құжаттарды алу үшін құжаттарды рәсімдеу;
7) құқығы мен мүддесін қорғау үшін сотта өкілдікті қамтамасыз ету;
8) Қазақстан Республикасының адвокаттық қызмет туралы заңнамасында белгіленген тәртіппен адвокаттың тегін көмегін алуға жәрдемдесу;
9) зейнетақыларды, жәрдемақылар мен басқа да әлеуметтік төлемдерді үйге әкеліп беру үшін құжаттарды рәсімдеуге жәрдемдесу.
7. Іс-қағаздарды жүргізу тәртібі
32. Үйде қызмет көрсетудің іс-қағаздарын жүргізу үйде қызмет көрсетуді бақылауды жүзеге асыруға мүмкіндік беретін құжаттарды қамтуға тиіс:
1) жылға, тоқсанға арналған жұмыс жоспары;
2) арнаулы әлеуметтік қызмет көрсетілетін адамдарды тіркеу журналы (осы Үлгі ережеге 4-қосымша);
3) қызмет көрсетілетін адамдарға бару кестесі (аптасына кемінде екі рет);
4) көрсетілген арнаулы әлеуметтік қызмет есебінің журналы (осы Үлгі ережеге 5-қосымша);
5) жеке жұмыс жоспары (осы Үлгі ережеге 6-қосымша);
6) журнал/электронды картотека (осы Үлгі ережеге 7-қосымша).
33. Іс-қағаздарын жүргізудің тәртібін уәкілетті орган, құрылтайшы бекітеді және ол үйде қызмет көрсететін субъектілердің, әлеуметтік қызметкерлердің және мамандардың назарына жеткізіледі.
8. Үйде қызмет көрсетін субъектіні басқару
34. Үйде қызмет көрсететін субъектінің басшысын – уәкілетті орган, құрылтайшы қызметке тағайындайды және босатады.
35. Үйде қызмет көрсететін субъектінің басшысы субъектінің жұмысын ұйымдастырады және орынжайдағы санитарлық-гигиеналық және техникалық жағдайына, әлеуметтік қызмет көрсету сапасына дербес жауапты болады.
36. Үйде қызмет көрсететін субъектінің штат санын үйде қызмет көрсететін субъектінің басшысы қызмет көрсетілетін адамның мұқтаждықтары мен қажеттіліктері есепке ала отырып, бір әлеуметтік қызметкердің (маманның) жүктемесін ескере отырып, дербес қалыптастырады және уәкілетті орган, не құрылтайшы бекітеді.
37. Үйде қызмет көрсететін субъектінің басшысы кадрларды іріктеуді және орналастыруды қамтамасыз етеді, қызмет көрсетілетін адамдарға арнаулы әлеуметтік қызметті сапалы көрсету бойынша басшылықты, персоналды бақылау және жүктеме бөлуді жүзеге асырады.
38. Жергілікті атқарушы орган, құрылтайшы еңбек заңнамасына сәйкес үйде қызмет көрсететін субъектінің басшысын жұмысқа қабылдайды және босатады, ынталандыру шараларын қабылдайды және үйде қызмет көрсететін субъектінің басшысына тәртіптік жаза қолданады.
39. Үйде қызмет көрсететін субъектілерде шағымдар мен ұсыныстар кітабы рәсімделеді, ол әкімшілікте сақталады.
Шағымдар мен ұсыныстар кітабы қызмет көрсетілетін адамдардың заңды өкілдерінің (ата-анасы немесе қорғаншының) және үйде қызмет көрсететін субъекті қызметкерлерінің бірінші талабы бойынша беріледі.
40. Шағымдар мен ұсыныстар кітабын үйде қызмет көрсететін субъектінің басшысы апта сайын, ал жергілікті атқарушы орган, құрылтайшы – ай сайын қарайды.
41. Үйде қызмет көрсететін субъектілердің әкімшілігі, құрылтайшы және жергілікті атқарушы органдар шағымдар мен ұсыныстарды «Жеке және заңды тұлғалардың өтiнiштерiн қарау тәртiбi туралы» Қазақстан Республикасының 2007 жылғы 12 қаңтардағы Заңында белгіленген мерзімде қарастырады және өз құзыретіне кіретін мәселелер жөнінде тиісті шаралар қабылдайды.
42. Үйде қызмет көрсететін субъектілердің бюджеттік заңнамада белгіленген тәртіпте ақылы қызметтердің қолма-қол ақшасын бақылау шоты, демеушілік, қайырымдылық және өзге де шоттары болуы мүмкін.
9. Қорытынды ережелер
43. Қызмет көрсетілетін адамдарға және олардың отбасыларына арнаулы әлеуметтік қызмет көрсетудің сапасын, толық көлемін, түрлерін және тиісті жағдай жасауды қамтамасыз етуді бақылауды құрылтайшы және уәкілетті орган жүзеге асырады.
Үйде әлеуметтік көмек көрсету
қызметтерінің әлеуметтік
қызмет көрсету үлгі ережесіне
1-қосымша
Үй жағдайында арнаулы әлеуметтік қызмет көрсету
№____ шарты
20__ жылғы «___»________
___________________________________________________________________
(үйде қызмет көрсететін субъектінің атауы)
______________________________________ атымен, (бұдан әрі – Бөлімше)
(басшының Т.А.Ә.)
бір тараптан және _________________________________________________,
(ата-анасының, қорғаншысының Т.А.Ә.)
(бұдан әрі – Заңды өкілі) екінші тараптан, бұдан әрі бірлесіп
Тараптар деп аталатындар төмендегі туралы осы шартты жасады:
1. Шарттың мәні
Қызмет алушы ___________________________ бөлімше Заңды өкілінің
өтініші бойынша арнаулы әлеуметтік қызмет көрсетеді.
2. Тараптардың міндеттері мен құқықтары
2.1. Бөлімше:
1) қызмет көрсетілетін адамның отбасын арнаулы әлеуметтік қызмет көрсету шарттарымен таныстыруға;
2) әзірленген жеке жұмыс жоспарына сәйкес арнаулы әлеуметтік қызмет көрсетуге;
3) белгіленген режимде және көлемде арнаулы әлеуметтік қызмет көрсетуге;
4) оң нәтижеге;
а) әлеуметтік-тұрмыстық, әлеуметтік-еңбек және коммуникациялық функцияларды дамытуға;
ә) жеке даму, әлеуметтену және жақындары мен қоғам ортасына кіріктіру деңгейін арттыруға бағытталған арнаулы әлеуметтік қызмет көрсету;
3) қызмет алушыға және оның отбасына құрметпен қарауға, өз міндеттемесіне дөрекілік, немқұрайлылық танытпауға тиіс.
2.2. Бөлімшенің:
1) заңды өкілдерінен қызмет көрсетілетін адамның тұлғалық даму деңгейі туралы қажетті мәліметтерді алуға;
2) қажет болған жағдайда тиісті мамандарды тартуға құқығы бар.
2.3. Заңды өкілдері:
1) қызмет алушыға күтім жасауға, оның әлеуметтік-тұрмыстық, әлеуметтік-еңбек дағдыларының қалыптасуына белсенді қатысуға;
2) қызмет алушыға қатысты және арнаулы әлеуметтік қызметті көрсетумен байланысты барлық өзгерістерді әлеуметтік қызметкерге және/немесе Бөлімше басшысына хабарлауға;
3) әлеуметтік қызметкерге құрметпен қарауға;
4) осы шарттың талаптарын сақтауға тиіс.
2.4. Заңды өкілдерінің:
1) қызмет көрсетілетін адамның тұлғалық даму барысы туралы сенімді ақпарат алуға;
2) үйде арнаулы әлеуметтік қызмет көрсету шартын тоқтатуға құқығы бар.
3. Шартты бұзу жағдайлары
3.1. Осы шарт мынадай негіздемелер бойынша тоқтатылады:
1) заңды өкілдерінің (ата-анасының біреуінің немесе қорғаншысының) өтініші;
2) қызмет алушыларда үйде арнаулы әлеуметтік қызмет көрсетуге медициналық қарсы айғақтамалардың болуы;
3) заңды өкілдерінің (ата-анасының біреуінің немесе қорғаншысының) басқа жерге көшуі;
3.2. Қызмет алушыға стационар немесе жартылай стационар, уақытша болу ұйымдары жағдайында арнаулы әлеуметтік қызмет көрсетілетін кезеңде үйде арнаулы әлеуметтік қызмет көрсету тоқтатылады.
4. Қорытынды ережелер
Шарт Тараптардың әрқайсысы үшін бір-бір данадан екі данада жасалды.
Үйде қызмет көрсету
субъектісінің басшысы ________________
(қолы)
Күтім жөніндегі
әлеуметтік қызметкер _________________
(қолы)
Заңды өкілі _______________
(қолы)
Ескертпе: аталған Шарт мысал ретінде көрсетілді.
Үйде әлеуметтік көмек көрсету
қызметтерінің әлеуметтік
қызмет көрсету үлгі ережесіне
2-қосымша
Нысан
_____________________________________________________________________
(үйде қызмет көрсететін субъектінің атауы)
Т.А.Ә._______________________________________________________________
Туған күні __________________________________________________________
Тұратын жері ________________________________________________________
СТН нөмірі __________________________________________________________
ӘЖК нөмірі __________________________________________________________
Телефон нөмірі (үйдің, ұялы)_________________________________________
Мүгедектік санаты (болса) ___________________________________________
Тұрғын үй жағдайы ___________________________________________________
Бірге тұратын отбасы мүшелері (Т.А.Ә., туыстығын көрсету керек)
_____________________________________________________________________
_____________________________________________________________________
_____________________________________________________________________
ӨТІНІШ
______________________________________________________________
(баланың Т.А.Ә.)
Үйде арнаулы әлеуметтік қызмет көрсету үшін есепке алуыңызды
сұраймын. Үйде арнаулы әлеуметтік қызмет көрсету тәртібі және
шарттарымен таныстым.
Мынадай құжаттарды қоса беріп отырмын:
_______________________________________________________________
_______________________________________________________________
_______________________________________________________________
_______________________________________________________________
Күні ________ Қолы _________________
Үйде арнаулы әлеуметтік қызмет көрсету туралы ұсынымдар
_______________________________________________________________
(үйде арнаулы әлеуметтік қызмет көрсету үшін есепке алынғаны/есепке
алынбағаны жөніндегі негіздемені көрсету)
Күні________ Қолы, лауазымы________________________
Үйде әлеуметтік көмек көрсету
қызметтерінің әлеуметтік
қызмет көрсету үлгі ережесіне
3-қосымша
Нысан
Тұрғын үй және басқа да материалдық-тұрмыстық
жағдайларды зерттеу
актісі № _____
1. Қызмет көрсетілетін адамның Т.А.Ә._______________________________
2. Туған жылы ______________________________________________________
3. Тұрғылықты мекенжайы ____________________________________________
4. Телефон нөмірі __________________________________________________
5. Жәрдемақы түрі және мөлшері _____________________________________
6. Заңды өкілдері (ата-анасы, қорғаншысы) туралы мәлімет ___________
____________________________________________________________________
____________________________________________________________________
____________________________________________________________________
____________________________________________________________________
(Т.А.Ә., білімі, жұмыс орны, телефон (жұмыс, ұялы) нөмірі)
7. Бірге тұратын отбасы мүшелері
____________________________________________________________________
____________________________________________________________________
(туыстық дәрежесін көрсету)
8. Тұрмыс жағдайы __________________________________________________
____________________________________________________________________
____________________________________________________________________
(меншікті немесе жалдап тұрған тұрғын үй, жатақханадағы бөлме)
9. Материалдық-тұрмыстық жағдайлардың денсаулығының жай-күйіне,
әлеуметтік-тұрмыстық, әлеуметтік-еңбек және коммуникациялық
функцияларды дамытуға әсері
____________________________________________________________________
Күні____________ Қолы, лауазымы ____________
Үйде әлеуметтік көмек көрсету
қызметтерінің әлеуметтік
қызмет көрсету үлгі ережесіне
4-қосымша
Нысан
Есепке тұру үшін келген арнаулы әлеуметтік қызмет
көрсетілетін адамдарды тіркеу журналы
№ |
Т.А.Ә. |
Туған жылы |
Диагнозы |
Мекенжайы |
Өтініш жасаған күні |
Есепке алу күні |
Есептен шығару күні және негіздемесі |
1 |
2 |
3 |
4 |
5 |
6 |
7 |
8 |
Ескертпе: Журнал нөмірленген, тігілген және мөрмен бекітілген болуы керек. Журнал күнтізбелік жылға толтырылады.
Үйде әлеуметтік көмек көрсету
қызметтерінің әлеуметтік
қызмет көрсету үлгі ережесіне
5-қосымша
Көрсетілген арнаулы әлеуметтік қызметке
есеп жүргізу журналы
20__ ж. ______
(ай)
Қызмет көрсетілетін адамның Т.А.Ә.____________________________
Әлеуметтік қызметкердің Т.А.Ә.________________________________
Қатынау кезеңділігі __________________________________________
Р/с № |
Күні |
Қандай арнаулы әлеуметтік қызмет көрсетілді (не істелді) |
Қызметтің сапасы (ескертпелер мен ұсыныстарды баланың заңды өкілдері (ата-анасы, қорғаншысы) толтырады |
Әлеуметтік қызметкердің қызметтің орындалуы туралы белгісі |
Ескертпе: Журнал әр күнтізбелік айға толтырылады. Арнаулы әлеуметтік қызметті көрсету кезеңінде журнал үйде болады, ай аяқталған кезде әлеуметтік қызметкерге тапсырылады.
Үйде әлеуметтік көмек көрсету
қызметтерінің әлеуметтік
қызмет көрсету үлгі ережесіне
6-қосымша
Бекітемін:
__________________________
(Үйде қызмет көрсететін
субъекті басшысының Т.А.Ә.
және қолы)
______ жыл ________ ______
Үйде қызмет көрсететін субъектінің атауы
______________________________________________________________
Жеке жұмыс жоспары
Қызмет көрсетілетін адамның Т.А.Ә. _______________________________
Туған күні және жылы _____________________________________________
Диагнозы _________________________________________________________
Түскен күні ______________________________________________________
Жеке жұмыс жоспарын әзірлеу күні _________________________________
_____________ бастап ____________________ аралық кезеңге
Қызмет көрсетілетін адамның жеке қажеттілігіне сәйкес
іс-шаралар тағайындау (көрсетілетін қызметтің түрлері мен көлемін
көрсету):
1) әлеуметтік-тұрмыстық қызмет:
__________________________________________________________________
__________________________________________________________________
__________________________________________________________________
2) әлеуметтік-медициналық қызмет:
__________________________________________________________________
__________________________________________________________________
__________________________________________________________________
3) әлеуметтік-психологиялық қызмет:
__________________________________________________________________
__________________________________________________________________
__________________________________________________________________
4) әлеуметтік-педагогикалық қызмет:
__________________________________________________________________
__________________________________________________________________
__________________________________________________________________
5) әлеуметтік-экономикалық қызмет:
__________________________________________________________________
__________________________________________________________________
__________________________________________________________________
6) әлеуметтік-құқықтық қызмет:
__________________________________________________________________
__________________________________________________________________
__________________________________________________________________
Жеке жұмыс жоспарын іске асыру қорытындысы _______________________
__________________________________________________________________
__________________________________________________________________
Жеке жұмыс жоспарын қайта қарау күні _____________________________
Әлеуметтік жұмыс жөніндегі консультант ___________________________
(Т.А.Ә. және қолы)
Таныстырылды:
__________________________________________________________________
Заңды өкілдерінің (ата-анасының біреуінің, қорғаншысының)
Т.А.Ә. және қолы
Үйде әлеуметтік көмек көрсету
қызметтерінің әлеуметтік
қызмет көрсету үлгі ережесіне
7-қосымша
Арнаулы әлеуметтік қызмет алушының жеке жұмыс жоспарын
орындау жөніндегі журналдың/электронды картотеканың нысаны
Арнаулы әлеуметтік қызмет алушының Т.А.Ә. |
Арнаулы әлеуметтік қызметтің атауы |
Арнаулы әлеуметтік қызмет көрсету тағайындалған мерзім (қызмет көрсету басталған және аяқталатын күн көрсетіледі) |
Арнаулы әлеуметтік қызмет көрсететін маманның Т.А.Ә. және лауазымы |
Арнаулы әлеуметтік қызмет алушының хал-жағдайы туралы белгілер |
Жеке жұмыс жоспарына түзетулер енгізу туралы шешім |
Мониторинг өткізілген күн, әлеуметтік жұмыс жөніндегі маманның Т.А.Ә., қолы |
|
оң өзгерістер бар* |
өзгеріс жоқ немесе хал-жағдайы нашарлаған (себебі көрсетіледі) |
||||||
1 |
2 |
3 |
4 |
5 |
6 |
7 |
8 |
әлеуметтік-тұрмыстық: |
|||||||
1) |
|||||||
2) |
|||||||
әлеуметтік-медициналық: |
|||||||
1) |
|||||||
2) |
|||||||
әлеуметтік-психологиялық: |
|||||||
1) |
|||||||
2) |
|||||||
әлеуметтік-педагогикалық: |
|||||||
1) |
|||||||
2) |
|||||||
әлеуметтік-еңбек: |
|||||||
1) |
|||||||
2) |
|||||||
әлеуметтік-мәдени: |
|||||||
1) |
|||||||
2) |
|||||||
әлеуметтік-экономикалық: |
|||||||
1) |
|||||||
2) |
|||||||
әлеуметтік-құқықтық: |
|||||||
1) |
|||||||
2) |
|||||||
Ескертпе: * Қызмет алушының:
- соматикалық, психикалық, эмоционалдық хал-жағдайдағы;
- қозғалыс, сенсорлық, танымдық, тіл дамыту, коммуникативтік салалардағы;
- өз-өзіне қызмет көрсету дағдыларындағы, әлеуметтік-тұрмыстық және еңбекпен бейімдеу және әлеуметтендіруді қалыптастырудағы оң өзгерістері белгіленеді.
Журнал нөмірленген, жiппен қайымдалған және мөрмен бекітілген болуға тиіс.
