Ескерту. Күші жойылды - Қызылорда облысы Қазалы ауданы әкімдігінің 2012.07.02 N 229 Қаулысымен.
Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңының 31 бабының 1 тармағының 14) тармақшасына, Қазақстан Республикасының 1995 жылғы 28 сәуірдегі "Ұлы Отан соғысының қатысушылары мен мүгедектеріне және соларға теңестірілген адамдарға берілетін жеңілдіктер мен оларды әлеуметтік қорғау туралы" Заңының 5, 7 баптарына, Қазақстан Республикасының 1999 жылғы 5 сәуірдегі "Қазақстан Республикасындағы арнаулы мемлекеттік жәрдемақы туралы" Заңының 4 бабына сәйкес біржолғы материалдық көмек көрсету мақсатында, Қазалы ауданының әкімдігі ҚАУЛЫ ЕТЕДІ:
1. Ұлы Отан соғысының қатысушылары мен мүгедектеріне, Ұлы Отан соғысында қаза тапқан (қайтыс болған, хабарсыз кеткен) жауынгерлердің екінші рет некеге тұрмаған жесірлеріне 67 000 (алпыс жеті мың) теңгеден материалдық көмек берілсін.
2. Ұлы Отан соғысы жылдарында тылдағы жанқиярлық еңбегі мен мінсіз әскери қызметі үшін бұрынғы КСР Одағының ордендерімен және медальдарымен марапатталған адамдарға 25 000 (жиырма бес мың) теңгеден материалдық көмек берілсін.
3. 1941 жылғы 22 маусым - 1945 жылғы 9 мамыр аралығында кемінде алты ай жұмыс істеген (әскери қызмет өткерген) және Ұлы Отан соғысы жылдарында тылдағы еңбегі мен мінсіз әскери қызметі үшін бұрынғы КСР одағының ордендерімен және медальдарымен марапатталмаған адамдарға 19 829 (он тоғыз мың сегіз жүз жиырма тоғыз) теңгеден материалдық көмек берілсін.
4. "Қазалы аудандық жұмыспен қамту және әлеуметтік бағдарламалар бөлімі" мемлекеттік мекемесі (бастығы Ж. Жалғасбай) осы қаулыдан туындайтын шараларды қабылдасын.
5. Осы қаулының орындалуына бақылау жасау аудан әкімінің орынбасары Б. Жолтаевқа жүктелсін.
6. Осы қаулы алғаш рет ресми жарияланған күннен бастап қолданысқа енгізіледі.
Аудан әкімінің
міндетін атқарушы Ф. Қожабергенов
