Ескерту. Күші жойылды - Қызылорда облысы Жаңақорған ауданы әкімдігінің 14.05.2013 N 349 қаулысымен.
РҚАО ескертпесі:
Мәтінде авторлық орфография және пунктуация сақталған.
"Халықты жұмыспен қамту туралы" Қазақстан Республикасының 2001 жылғы 23 қаңтардағы N 149 Заңына, "Нормативтік құқықтық актілер туралы" Қазақстан Республикасының 1998 жылғы 24 наурыздағы N 213 Заңына сәйкес және аудан прокурорының 2012 жылғы 14 маусымдағы N 17-1-12, 18 маусымдағы N 2-1004-12-00591 ұсыныстарының негізінде Жаңақорған ауданының әкімдігі ҚАУЛЫ ЕТЕДІ:
1. Жаңақорған ауданы әкімдігінің "Жаңақорған ауданы бойынша әлеуметтік қорғауға мұқтаж азаматтарды жұмысқа қабылдау үшін жұмыс орындарына квота белгілеу туралы" 2011 жылғы 12 мамырдағы N 1100 қаулысына (нормативтік құқықтық актілерді мемлекеттік тіркеу тізілімінде 10-7-141 нөмірімен 2011 жылдың 30 мамырында тіркелген, 2011 жылғы 10 маусымда "Жаңақорған тынысы" газетінінің 48 нөмірінде жарияланған) мынадай өзгерістер енгізілсін:
1-тармақтың 2) тармақшасы мынадай редакцияда жазылсын:
"2) қылмыстық-атқару инспекциясы пробация қызметінің есебінде тұрған адамдар үшін, сондай-ақ бас бостандығынан айыру орындарынан босатылған адамдар үшін жұмыс орындарының жалпы санының 5 пайызы мөлшеріндегі квота белгіленсін."
2-тармақ мынадай редакцияда жазылсын:
"2. "Аудандық жұмыспен қамту және әлеуметтік бағдарламалар бөлімі" мемлекеттік мекемесі (М. Ауанов) жұмысқа орналасу үшін өтініш, берген мүгедектердің, қылмыстық-атқару инспекциясы пробация қызметінің есебінде тұрған адамдардың, сондай-ақ бас бостандығынан айыру орындарынан босатылған адамдардың осы белгіленген квотаға сәйкес жұмысқа жолдануын қамтамасыз етсін."
2. Осы қаулының орындалуына бақылау жасау аудан әкімінің
орынбасары Қ. Бүркітбаевқа жүктелсін.
3. Осы қаулы алғаш ресми жарияланған күннен бастап қолданысқа
енгізіледі.
Жаңақорған ауданының әкімі С. Тауипбаев
"КЕЛІСІЛДІ"
"Аудандық жұмыспен қамту және
әлеуметтік бағдарламалар бөлімі"
мемлекеттік мекемесінің бастығы
Ауанов Молдахмет Қожахметұлы
__________ "13" шілде 2012ж.
