Ескерту. Күші жойылды – ҚР Ауыл шаруашылығы министрінің 21.08.2019 № 307 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
БҰЙЫРАМЫН:
1. Қоса берілген Ауыл шаруашылығы саласының басшылары және мамандары лауазымдарының үлгілік біліктілік сипаттамалары бекітілсін.
2. Стратегия және корпоративтік даму департаменті заңнамада белгіленген тәртіппен осы бұйрықтың Қазақстан Республикасының Әділет министрлігінде мемлекеттік тіркелуін және ресми жариялануын қамтамасыз етсін.
3. Осы бұйрық алғашқы ресми жарияланған күнінен бастап күнтізбелік он күн өткен соң қолданысқа енгізілді.
Министр | А. Мамытбеков |
"КЕЛІСІЛГЕН"
Қазақстан Республикасы
Еңбек және халықты әлеуметтік
қорғау министрі
_____________ Т. Дүйсенова
2013 жылғы 15 шілде
| Қазақстан Республикасы Ауыл шаруашылығы министрінің 2013 жылғы 01 шілдедегі № 17/308 бұйрығымен бекітілген |
Ауыл шаруашылығы саласының басшылары және мамандары
лауазымдарының үлгілік біліктілік сипаттамалары
1. Ұйым (филиал) басшысы
Лауазымдық міндеттері: Ауыл шаруашылығы саласында қызмет атқаратын ұйым (филиал) қызметіне басшылықты жүзеге асырады. Ұйым (филиал) мүлкінің сақталуын және пайдаланылуын қамтамасыз етеді. Ұйымның (филиалдың) құрылымдық бөлімшелерінің жұмысын және өзара іс-қимылын ұйымдастырады. Ұйымның банкті қоса алғанда, мемлекеттік бюджет, жинақтаушы зейнетақы және сақтандыру қорлары, жеткізушілер, тапсырыс берушілер және кредиторлар алдындағы міндеттемелерін орындауын, сондай-ақ, шаруашылық және еңбек шарттарын (келісімшарттарын), индикативтік жоспарлар мен бизнес-жоспарларды орындауын қамтамасыз етеді. Қазіргі заманғы техникалар мен озық технологияларды, еңбекті басқарудың және ұйымдастырудың прогрессивтік нысандарын пайдалану негізінде өндірістік-шаруашылық қызметті ұйымдастырады. Ұйымды (филиалды) білікті кадрлармен қамтамасыз ету, олардың кәсіби білімдері мен тәжірибесін ұтымды пайдалану және дамыту бойынша шаралар қабылдайды. Ұйымның (филиалдың) қаржылық-шаруашылық қызметіне қатысты мәселелерді шешеді. Ұйымның (филиалдың) штаттық кестесін, қаржылық жоспарын, жылдық есебін және жылдық бухгалтерлік теңгерімін бекітеді. Қызметкерлерге уақтылы және толық көлемде еңбекақы төлеуді қамтамасыз етеді. Ұйымның (филиалдың) ұйымдастыру-басқарушылық құрылымын, жұмысының нысандары мен әдістерін жетілдіреді. Ұйымның (филиалдың) қызметінде заңдылықтың сақталуын қамтамасыз етеді. Сотта, арбитражда, мемлекеттік органдарда ұйымның (филиалдың) мүліктік мүдделерін қорғайды. Ұйым (филиал) қызметкерлерінің қосымша кәсіби білім алуын (біліктілік арттыру, кәсіби қайта даярлау) ұйымдастырады және қамтамасыз етеді. Ұйым (филиал) қызметкерлерінің өз лауазымдық міндеттемелерін орындауын қамтамасыз ету бойынша шаралар қабылдайды. Ұйым (филиал) қызметкерлерінің ішкі еңбек тәртібі қағидаларын, еңбекті қорғау және өрт қауіпсіздігі қағидаларын орындауын қамтамасыз етеді. Конференцияларға, семинарларға, көрмелерге қатысады. Өндірістік жарақат алуды және кәсіптік ауруларды болдырмау бойынша алдын алу шараларын жүргізуді қамтамасыз етеді.
Мыналарды: Қазақстан Республикасының Конституциясын, Қазақстан Республикасының Экологиялық кодексін, "Сыбайлас жемқорлыққа қарсы күрес туралы", "Қазақстан Республикасындағы Тілдер туралы" Қазақстан Республикасының заңдарын, сондай-ақ, ұйымның (филиалдың) өндірістік-шаруашылық және қаржы-экономикалық қызметін регламенттейтін және экономика дамуының басым бағыттарын және экономикалық қызметтің тиісті түрін айқындайтын Қазақстан Республикасының өзге де заңнамалық және заңға тәуелді нормативтік құқықтық актілерін; агроөнеркәсіптік кешен және ауыл шаруашылығы саласында қызмет атқаратын ұйымның (филиалдың) өндірістік қызметі мәселелері бойынша басшылық, нормативтік, нұсқаулық және әдістемелік материалдарды; ұйым (филиал) құрылымының мамандануын және ерекшелігін; кірістер мен шығыстардың бюджеттік сметасын және ұйымның (филиалдың) табыс әкелетін қызметінен алынған қаражат бойынша кірістер мен шығыстар сметасын жасаудың және келісудің тәртібін, ұйымның (филиалдың) шаруашылығын жүргізу және басқару әдістерін, тиісті ауыл шаруашылығының саласының ғылыми жетістіктері мен озық тәжірибесін, еңбек, азаматтық, әкімшілік және қылмыстық заңнама негіздерін, экономика, еңбекті ұйымдастыру және басқару негіздерін; ішкі еңбек тәртібі қағидаларын; еңбекті қорғау және өрт қауіпсіздігі қағидаларын білуі тиіс.
Біліктілікке қойылатын талаптар. (Мемлекеттік және жергілікті басқару, құқықтану, экономика, менеджмент, агрономия, жеміс-көкөніс шаруашылығы, топырақтану және агрохимия, өсімдіктерді қорғау және карантин, биология, биотехнология, ветеринарлық медицина, ветеринарлық санитария, мал шаруашылығы өнімдерін өндіру технологиясы, жерді мелиорациялау, баптау және қорғау, аграрлық техника және технология, ауыл шаруашылығын энергиямен қамтамасыз ету) мамандығы бойынша жоғары (немесе жоғарыдан кейінгі) білім және басшылық лауазымдардағы еңбек өтілі 5 жылдан кем емес.
2. Ұйымның (филиалдың) құрылымдық бөлімшесінің басшысы
Лауазымдық міндеттері. Құрылымдық бөлімшенің қызметін басқаруды жүзеге асырады, оның жұмысын ұйымдастырады және үйлестіреді, бөлімшенің негізгі міндеттері мен функцияларына сәйкес мәселелер бойынша шешім қабылдайды. Ұйымның саясатын, бөлімше қызметінің мәні болып табылатын мәселелер бойынша даму стратегиясын айқындауға және іске асыруға қатысады. Іс-шаралар жоспарларын, нұсқаулық және әдістемелік құжаттарды әзірлеуге басшылық жасайды. Бөлімшенің өндірістік-шаруашылық қызметінің нәтижелеріне талдау жасайды. Бөлімшеге келіп түскен құжаттар мен материалдарды қарайды және олар бойынша шешім қабылдайды, олармен жұмыс істеу тәртібін айқындайды. Бөлімше қызметінің мәні болып табылатын мәселелерді келісу үшін бөлімшеге келіп түскен құжаттар жобалары бойынша қорытынды береді. Басқарушылық шешімдердің іске асырылу барысын, олардың әдістемелік қамтамасыз етілуін ұйымдастырады, жоғары тұрған басшылық қабылдаған өзге де құжаттарға талдау жасайды. Жоғары тұрған басқару органының қарауына бөлімшенің құзыретіне кіретін мәселелер бойынша баяндамалар, ұсыныстар, шешім жобаларын енгізеді. Бөлімше қызметінің мәселелері бойынша семинарлар, кеңестер, консультациялар ұйымдастыруға және өткізуге басшылық жасайды және тікелей қатысады. Бағынысты қызметкерлер арасында лауазымдық міндеттерді бөледі. Бағынысты қызметкерлерге өкімдер береді және олардың жұмысының нәтижесін талдайды. Бағынысты қызметкерлердің біліктілігін арттыру үшін жағдай жасайды. Уәкілетті мемлекеттік органдармен, бөгде ұйымдармен, ұйымның құрылымдық бөлімшелерімен бөлімшенің құзыретіне кіретін мәселелерді шешу бойынша өзара іс-қимыл жасайды. Бөлімшенің материалдық, қаржылық, және еңбек ресурстарын ұтымды пайдалануды қамтамасыз етеді. Мемлекеттік, коммерциялық және қызметтік құпия болып табылатын ақпаратты қорғау бойынша жұмыстар жүргізеді. Ұйым басшысына бөлімшенің жұмысын жетілдіру бойынша, бағынысты қызметкерлерді ынталандыру, жазаға тарту туралы ұсыныстар енгізеді. Бөлімше жұмысының нәтижелерін есепке алуды, белгіленген есептілікті жүргізуді және уақтылы ұсынуды қамтамасыз етеді. Бағынысты қызметкерлердің еңбекті қорғау және өрт қауіпсіздігі талаптарын, өндірістік және еңбек тәртібін, ішкі еңбек тәртібі қағидаларын сақтауын қамтамасыз етеді.
Мыналарды: Қазақстан Республикасының Конституциясын, Қазақстан Республикасының Экологиялық кодексін, "Сыбайлас жемқорлыққа қарсы күрес туралы", "Қазақстан Республикасындағы Тілдер туралы" Қазақстан Республикасының заңдарын, сондай-ақ, бөлімшенің (филиалдың) қызметін регламенттейтін Қазақстан Республикасының өзге де заңнамалық және заңға тәуелді нормативтік құқықтық актілерін, ұйымның міндеттері мен функцияларын және бөлімшенің қызмет аясын, сондай-ақ, негізгі қызметпен аралас қызмет аясын негізге ала отырып, тиісті білім саласындағы ғылыми және практикалық мәселелерді, бөлімшенің құзыретіне кіретін мәселелерді шешу бойынша отандық және шетелдік тәжірибені, еңбек, азаматтық, әкімшілік және қылмыстық заңнама негіздерін, экономиканы, еңбекті ұйымдастыруды және басқаруды, коммуникация және байланыстың қазіргі заманғы құралдарын, есептеуіш техниканы, оларды пайдалану ережелерін, ішкі еңбек тәртібі қағидаларын, еңбекті қорғау және өрт қауіпсіздігі бойынша талаптарды білуі тиіс.
Біліктілікке қойылатын талаптар. (Мемлекеттік және жергілікті басқару, құқықтану, экономика, менеджмент, агрономия, жеміс-көкөніс шаруашылығы, топырақтану және агрохимия, өсімдіктерді қорғау және карантин, биология, биотехнология, ветеринарлық медицина, ветеринарлық санитария, мал шаруашылығы өнімдерін өндіру технологиясы, жерді мелиорациялау, баптау және қорғау, аграрлық техника және технология, ауыл шаруашылығын энергиямен қамтамасыз ету) мамандығы бойынша жоғары (немесе жоғарыдан кейінгі) білім және кәсіби қызмет бағыты бойынша еңбек өтілі 3 жылдан кем емес.
3. Бас агроном
Лауазымдық міндеттері. Өсімдік шаруашылығы саласын ұйымдастырушылық-техникалық басқаруды жүзеге асырады. Егіншіліктің ғылыми-негізделген жүйелерін әзірлеуді және енгізуді, жерлерді, негізгі қорларды, еңбек және материалдық ресурстарды тиімді пайдалану, өнім өндірісін ұлғайту және сапасын арттыру, оның өзіндік құнын төмендету мақсатында ауыл шаруашылығы дақылдарын өсірудің қарқынды технологияларын енгізу және олардың тиімділігін арттыру жөніндегі іс-шараларды жүзеге асыруды ұйымдастырады. Топырақ құнарлылығын арттыруға, астық шаруашылығын нығайтуға, мал шаруашылығы үшін мықты жемшөп базасын құруға бағытталған агротехникалық және ұйымдастырушылық-экономикалық іс-шараларды әзірлеуді және енгізуді қамтамасыз етеді. Дәнді және басқа да ауыл шаруашылығы дақылдарын өсіру, барынша тиімді мерзімде және агротехниканың жоғары деңгейінде ауыл шаруашылығы жұмыстарын жүргізу технологияларын жетілдіру бойынша іс-шаралар ұйымдастырады. Ауыспалы егістің, топырақты эрозиядан қорғаудың, топырақты өңдеудің, тыңайтқыш қолданудың, егістерді зиянкестерден, аурулардан және арамшөптерден қорғаудың ғылыми негізделген жүйелерін әзірлейді және енгізеді. Шаруашылықішілік жерге орналастыру, жерлер мелиорациясы, дақыл-техникалық жұмыстар жобаларын, тұқым шаруашылығы, аудандастырылған, перспективалы және тапшы тұқымдарды жылдам көбейту, сорт ауыстыруды және сорт жаңартуды жеделдете жүргізу, шаруашылықты сапасы жоғары сорттық тұқыммен қамтамасыз ету және оларды дұрыс пайдалану жөніндегі жұмыстарды орындауды ұйымдастырады. Нарықтық экономика және шаруашылық бөлімшелер міндеттері жағдайында шаруашылықты дамытудың перспективалық және жылдық жоспарларын әзірлеуге қатысады. Өсімдік шаруашылығы бойынша технологиялық карталарды, өндірістік бағдарламаларды және жұмыс жоспарларын әзірлейді. Шаруашылық бөлімшелеріне өндірістік қызметке талдау жүргізуге, өсімдік шаруашылығы өндірісін ұлғайту және өнім сапасын арттыру жөніндегі іс-шараларды әзірлеуге, ауыл шаруашылығы дақылдарын өсіру және олардың перспективаға қажеттілігін айқындау үшін техникалық құралдармен жиынтықтауға көмек көрсетеді. Дайындаушы, қайта өңдеуші, қызмет көрсетуші және басқа кәсіпорындармен өсімдік шаруашылығы өнімдерін өткізу бойынша шарттар жасасуды ұйымдастырады және жасасады, олардың орындалуын қамтамасыз етеді. Өсімдік шаруашылығы салаларының агроөнеркәсіптік кешеннің қайта өңдеуші, қызмет көрсетуші және басқа кәсіпорындарымен (ұйымдарымен) ұтымды өндірістік-экономикалық байланысын орнату бойынша ұсыныстар әзірлейді. Алқаптар тарихының кітабын, жердің баулы кітабын және басқа да есептік құжаттарды жүргізу, есептерді уақтылы рәсімдеу және оларды мемлекеттік органдарға ұсыну бойынша жұмыстарды ұйымдастырады. Өсімдік шаруашылығы саласы бойынша бөлімшелердің, ауыл шаруашылығы учаскелерінің қызметін үйлестіреді, агрохимиялық қызметке басшылық жасайды. Өсімдік шаруашылығындағы өндірістік процестерді кешенді механикаландыру және автоматтандыру жөніндегі іс-шараларды енгізуге ықпал етеді. Жер қорын, машина-тракторлық паркті, жанар майды және химияландыру заттарын ұтымды пайдалануды қамтамасыз етеді. Өсімдік шаруашылығында пайдаланылатын машиналарды, жабдықтарды, қосалқы бөлшектерді, тыңайтқыштарды, химикаттарды, отынды, ыдысты және басқа да материалдық ресурстарды сатып алуға өтінім жасауға қатысады. Кәсіпорын ішіндегі басқа бөлімшелерге берілген өсімдік шаруашылығы өнімдерінің, сондай-ақ, дайындаушы ұйымдарға немесе қайта өңдеуші кәсіпорындарға өткізілген өнімнің мөлшері мен сапасына арнайы сараптама жүргізуді қамтамасыз етеді. Еңбекті ұйымдастыру мен еңбекақы төлеудің, кәсіпорын бөлімшелерінде жалдамалық, кооперативтік қатынастарды ұйымдастырудың, шаруа қожалықтарын құрудың прогрессивті нысандарын дамытуға және енгізуге ықпал етеді. Оларға өндіріс технологиясы мәселелері бойынша консультациялық көмек көрсетеді. Өсімдік шаруашылығы құрылыстарын салу жобаларын қарастыруға, оларды салу орындарын таңдауға, жаңадан салынған, күрделі және ағымдағы жөндеуден өткен объектілерді қабылдауға, сондай-ақ, мердігер ұйымдар орындаған жұмыстарды қабылдауға қатысады. Саладағы агротехникалық есепті дұрыс жүргізуді қамтамасыз етеді. Ауыл шаруашылығы жұмыстарын сапалы және уақытылы жүргізуді, техниканы тиісінше пайдалануды, саладағы еңбек және материалдық-ақша қаражатын ұтымды пайдалануды ұйымдастырады, өндірілген өнімнің сапасын қамтамасыз етеді. Қоршаған ортаны қорғау жөніндегі заңнама талаптарының орындалуын, еңбекті қорғау және өрт қауіпсіздігі қағидалары мен нормаларының сақталуын қамтамасыз етеді.
Мыналарды: Қазақстан Республикасының Конституциясын, "Сыбайлас жемқорлыққа қарсы күрес туралы", "Қазақстан Республикасындағы Тілдер туралы" Қазақстан Республикасының заңдарын, сондай-ақ Қазақстан Республикасының өзге де заңнамалық және заңға тәуелді нормативтік құқықтық актілерін, агроөнеркәсіптік кешен және ауыл шаруашылығы бірлестігінің (ұйымының) өндірістік қызметі мәселелері бойынша басшылық, нормативтік, нұсқаулық және әдістемелік материалдарды, ауыл шаруашылығы дақылдары өндірісінің технологиясын, мәдени өсімдіктер селекциясын және тұқым шаруашылығын, олардың биологиялық ерекшеліктерін және оларды өсіру агротехникасын, өсімдік шаруашылығы өнімдеріне арналған стандарттарды, өсімдік шаруашылығы саласындағы ғылымның жетістіктері мен отандық және шетелдік кәсіпорындар жұмысының озық тәжірибелерін, экономиканы, өндірісті, еңбекті ұйымдастыруды және басқаруды, еңбек және жер заңнамалары негіздерін, қоршаған ортаны қорғау және табиғат ресурстарын ұтымды пайдалану саласындағы заңнама негіздерін, еңбекті қорғау және өрт қауіпсіздігі қағидалары мен нормаларын білуі тиіс.
Біліктілікке қойылатын талаптар. (Агрономия, жеміс-көкөніс шаруашылығы) мамандығы бойынша жоғары (немесе жоғарыдан кейінгі) білім және кәсіби қызмет бағыты бойынша еңбек өтілі 5 жылдан кем емес.
4. Бас агрохимик
Лауазымдық міндеттері. Ауыл шаруашылығында тыңайтқыштарды және химияландыру заттарын тиімді пайдалану бойынша жұмыстарды ұйымдастырушылық-технологиялық басқаруды жүзеге асырады. Тыңайтқыштарға және топырақ жақсартушы заттарға талдау жүргізуді, тыңайтқыштармен егістік тәжірибелер жүргізуді ұйымдастырады және оларға қатысады. Топырақ құнарлылығының жай-күйі мен өзгеру серпінін бағалауды ұйымдастырады және жүргізеді. Химияландырудың перспективалы және жылдық жоспарларын жасауға, ұйымдармен шарттар жасасуға және өндірістік бағдарламаларды әзірлеуге қатысады, олардың орындалуын қамтамасыз етеді. Материалды-техникалық құралдарға, арнайы киімге және жеке қорғаныс құралдарына деген қажеттілікті айқындайды. Талдаулардың сапалы және уақтылы орындалуын қамтамасыз етеді. Белгіленген құжаттаманы, есеп және есептілікті жүргізеді. Минералды және органикалық тыңайтқыштарды тиімді қолдану, топырақтың химиялық мелиорациясы бойынша жобалық-сметалық құжаттаманы әзірлеуге қатысады. Ғылым жетістіктері мен озық тәжірибені насихаттауды және енгізуді қамтамасыз етеді. Қоршаған ортаны қорғау жөніндегі заңнама талаптарының орындалуын қамтамасыз етеді. Еңбекті қорғау және өрт қауіпсіздігі қағидалары мен нормаларының сақталуын қамтамасыз етеді.
Мыналарды: Қазақстан Республикасының Конституциясын, "Сыбайлас жемқорлыққа қарсы күрес туралы", "Қазақстан Республикасындағы Тілдер туралы" Қазақстан Республикасының заңдарын, сондай-ақ Қазақстан Республикасының өзге де заңнамалық және заңға тәуелді нормативтік құқықтық актілерін, агроөнеркәсіптік кешен, ұйымының өндірістік қызметі мәселелері бойынша басшылық, нормативтік, нұсқаулық және әдістемелік материалдарды, агрохимияны, тыңайтқыштарды тасымалдау, сақтау және енгізу технологиясын, тыңайтқыштарды талдау әдістерін, тыңайтқышқа арналған стандарттарды, экономика, ауыл шаруашылығындағы еңбекті ұйымдастыру, өндіріс және басқару негіздерін, еңбек және жер заңнамалары негіздерін, қоршаған ортаны қорғау және табиғат ресурстарын ұтымды пайдалану жөніндегі заңнаманы, еңбекті қорғау және өрт қауіпсіздігі қағидалары мен нормаларын білуі тиіс.
Біліктілікке қойылатын талаптар. (Агрономия, жеміс-көкөніс шаруашылығы, топырақтану және агрохимия) мамандығы бойынша жоғары (немесе жоғарыдан кейінгі) білім және кәсіби қызмет бағыты бойынша еңбек өтілі 5 жылдан кем емес.
5. Өсімдіктерді қорғау жөніндегі бас агроном
Лауазымдық міндеттері. Ауыл шаруашылығы өсімдіктерінің зиянкестерімен, ауруларымен және арамшөптермен күрес бойынша жұмысқа басшылық жасауды жүзеге асырады. Өсімдіктерді қорғау жөніндегі мемлекеттік мекемелер өкілдерімен бірлесіп ауыл шаруашылығы дақылдарының негізгі зиянкестері және ауруларының мөлшері мен даму серпінін анықтайды. Шаруашылықтармен өсімдіктерді қорғау бойынша іс-шараларды орындауға шарттар жасасу жөнінде ұсыныстар береді. Өсімдіктерді қорғау бойынша жылдық және күнтізбелік іс-шаралар жоспарын жасайды және олардың орындалуын қамтамасыз етеді. Өсімдіктерді қорғау құралдарын қолданатын авиацияға жерден қызмет көрсету бойынша жұмыстарды ұйымдастырады. Жоспарланған пестицидтерді дайындауды және олардың шаруашылықтарға уақытылы түсуін және тиісінше пайдаланылуын, агрегаттардың ұтымды жинақталуын қамтамасыз етеді, олардың ұтымды жұмыс режимін орнатады. Қызмет көрсетуші шаруашылықтармен ұтымды өндірістік-экономикалық байланыс орнатады. Өсімдіктерді қорғау бойынша орындалған жұмыстардың сапасын айқындау жөніндегі комиссияның жұмысына қатысады. Өсімдіктерді қорғау жөніндегі машиналардың стандарттардың белгіленген талаптарына және техникалық шарттарға сәйкес сақталуын ұйымдастырады. Өсімдіктерді зиянкестерден, аурулардан және арамшөптерден қорғау бойынша ғылым жетістіктерін және озық тәжірибені өндіріске енгізеді. Химиялық өсімдіктерді қорғау заттарымен жұмыс істеу кезінде еңбекті, қоршаған ортаны қорғау қағидалары мен нормаларының сақталуын қамтамасыз етеді.
Мыналарды: Қазақстан Республикасының Конституциясын, "Сыбайлас жемқорлыққа қарсы күрес туралы", "Қазақстан Республикасындағы Тілдер туралы", "Өсімдіктерді қорғау туралы", "Өсімдіктер карантині туралы" Қазақстан Республикасының заңдарын, сондай-ақ Қазақстан Республикасының өзге де заңнамалық және заңға тәуелді нормативтік құқықтық актілерін, агроөнеркәсіптік кешен, өсімдіктер қорғау және карантин мәселелері бойынша басшылық, нормативтік, нұсқаулық және әдістемелік материалдарды, ауыл шаруашылығы дақылдары мен тұқымдарын пестицидтермен өңдеу технологиясын, зиянкестермен және аурулармен күрестің әдістері мен құралдарын, экономика, ауыл шаруашылығындағы еңбекті ұйымдастыру, өндіріс және басқару негіздерін, өсімдіктер зиянкестерімен және ауруларымен күрес жөніндегі отандық және шетелдік ғылым мен техниканың жетістіктерін, қоршаған ортаны қорғау және табиғат ресурстарын ұтымды пайдалану жөніндегі заңнаманы, еңбек және жер заңнамаларын, еңбекті қорғау және өрт қауіпсіздігі қағидалары мен нормаларын білуі тиіс.
Біліктілікке қойылатын талаптар. (Агрономия, жеміс-көкөніс шаруашылығы, өсімдіктерді қорғау және карантин) мамандығы бойынша жоғары (немесе жоғарыдан кейінгі) білім және кәсіби қызмет бағыты бойынша еңбек өтілі 5 жылдан кем емес.
6. Бас бактериолог
Лауазымдық міндеттері. Карантиндік-фитосанитариялық және ветеринариялық-санитариялық сараптама жүргізуді ұйымдастырады. Ғылыми-өндірістік бағдарламалардың жекелеген тапсырмаларын орындайтын жұмысшылар тобын басқарады. Сараптамалар, тексерулер, зерттеулер жүргізу әдістерін әзірлейді. Жаңа зерттеулер мен әзірлемелердің бағыттарын және оларды орындау әдістерін негіздейді, ғылыми-өндірістік жұмыстардың жоспарларына қосуға ұсыныс енгізеді. Карантинге жатқызылған өнімнің халықаралық және отандық стандарттарға сәйкестігіне сынаулар, карантиндік талдау және карантиндік сараптама жүргізеді. Өлген малдарды байқап қарауды және союды жүргізеді. Жануарлар ауруларының қоздырғыштарын анықтауды және типке жатқызуды жүзеге асырады. Жануарлар аса қауіпті ауруларының жасырын нысандарын анықтайды. Зерттеуге келіп түскен материалды қабылдайды, зерттеу аяқталғанға дейін оның сақталуын қамтамасыз етеді, зерттеу және санитарлық өңдеу жүргізуге жұмсалған материалдар шығысы бойынша құжаттама ресімдейді. Бокстың зарарсыздандырылуын, жұмыс орнының өңделуін, құрал-саймандардың стерилдендірілуін, реактив ерітінділерінің, қоректік ортаның дайындығын, биологиялық материал қалдықтарының жойылуын, сондай-ақ санитария және өртке қарсы қорғаныс қағидаларының сақталуын қамтамасыз етеді. Талдаулар нәтижелерін ресімдейді және береді. Ағымдағы жұмыс нәтижелері бойынша құжаттама ресімдейді. Коллекциялық материалдың есебін жүргізеді, оның сақталуын қамтамасыз етеді. Зертханалық талдаулар мен сараптамалар жүргізудің жаңа әдістерін әзірлеуге және қолданыстағыларын жетілдіруге қатысады. Кадрлардың біліктілігін арттыру және даярлау бойынша жұмыстар жүргізеді. Ветеринариялық есепке алуды және есептілікті жүргізеді, Қазақстан Республикасының ветеринария саласындағы заңнамасында белгіленген тәртіпте есептілік ұсынады.
Мыналарды: Қазақстан Республикасының Конституциясын, "Сыбайлас жемқорлыққа қарсы күрес туралы", "Қазақстан Республикасындағы Тілдер туралы", "Өсімдіктерді қорғау туралы", "Өсімдіктер карантині туралы", "Ветеринария туралы" Қазақстан Республикасының заңдарын, сондай-ақ Қазақстан Республикасының өзге де заңнамалық және заңға тәуелді нормативтік құқықтық актілерін, зертханалық жабдықты пайдалану және микроорганизмдермен жұмыс қағидаларын, ветеринариялық микробиологияны, бактериологияны және фитопатологияны, өсімдіктер аурулары зияндылығының экономикалық шегін, жануарлар мен өсімдіктердің бактериалды аурулары қоздырғыштарын бірдейлендіру әдістерін, карантинге жатқызылған өнім үлгілерін сынау әдістемелерін, жануарлар ауруларымен күрес жөніндегі әдістемелерді және нұсқаулықтарды, ветеринариялық препараттарды қолдану жөніндегі нұсқауларды, жануарлардан алынатын өнімді және шикізатты сараптаудың ветеринариялық-санитариялық қағидаларын, материалдарды зертханалық зерттеудің әдістемелерін, жануарлардан алынатын өнімді өндіру және қайта өңдеу технологиясын, еңбек заңнамасының негіздерін, ішкі еңбек тәртібі қағидаларын, еңбекті қорғау және өрт қауіпсіздігі жөніндегі қағидаларды білуі тиіс.
Біліктілікке қойылатын талаптар. (Биология, биотехнология, ветеринарлық медицина, ветеринарлық санитария) мамандығы бойынша жоғары (немесе жоғарыдан кейінгі) білім және кәсіби қызмет бағыты бойынша еңбек өтілі 3 жылдан кем емес.
7. Бас ветеринар дәрігер
Лауазымдық міндеттері. Шаруашылықтың ветеринария қызметіне басшылықты жүзеге асырады. Мал шаруашылығы өнімдерінің өндірісін ұлғайтуды, оның сапасын арттыруды және өзіндік құнын төмендетуді қамтамасыз ететін бекітілген ғылыми негізделген ветеринариялық-санитариялық іс-шараларды енгізеді. Жоспарлар әзірлейді және зоотехникалық қызметпен және бөлімшелер басшыларымен бірлесіп мал шаруашылығында профилактикалық, ветеринариялық-санитариялық, эпизоотияға қарсы және емдік іс-шаралар жүргізуді жүзеге асырады. Басқа шаруашылықтармен, қайта өңдеуші және қызмет көрсетуші кәсіпорындармен өндірістік-экономикалық байланысты әзірлеуге қатысады. Шаруашылықтың (ұйымның) дәрі-дәрмектерге, биопрепараттарға, ветеринариялық жабдықтарға, құрал-саймандарға, дезинфекциялық заттарға деген қажеттілігін айқындайды және олармен қамтамасыз етуді ұйымдастырады. Фермалардың, сою және сүт пунктерінің, малдан алынатын өнімдер мен шикізаттарды сақтау қоймаларының, сондай-ақ малдарды, өнімдер мен шикізатты өткізу пунктерінің ветеринариялық-санитариялық қолайлылығын қамтамасыз етеді. Мал мен құсты ветеринариялық байқауды, ет пен ет өнімдерін ветеринариялық-санитариялық сараптауды жүргізуді ұйымдастырады. Ауыл шаруашылығы жануарларын қолдан ұрықтандыру бойынша іс-шаралар ұйымдастырады. Етті, ет өнімдерін және малдан алынатын шикізатты сақтау шарттарының сақталуын қамтамасыз етеді. Малдарды азықтандыру сапасын қадағалайды, жемшөп базасын нығайту, жемшөпті дұрыс дайындау, сақтау және пайдалану, жайылымдарды, суаттарды пайдалану жөніндегі іс-шараларды әзірлеуге және жүзеге асыруға қатысады. Малдардың әрбір басын ветеринариялық байқауды жүйелі түрде жүргізеді, сиырлардың буаздығын тексереді, қысыр қалудың алдын алу бойынша шаралар қабылдайды, аналық бастың қайта күйлеу себептерін зерделейді. Мал шаруашылығы фермаларында, өнімдер мен шикізаттар сақтауға арналған үй-жайларда дезинфекция, дезинсекция және дератизация ұйымдастырады. Малдарды және мал шаруашылығы өнімдерін жаппай залалданудан қорғау бойынша іс-шараларды әзірлеуге қатысады. Жануарлардың қырылу себептерін айқындайды. Ветеринариялық іс-шараларды жүргізу кезінде еңбекті, қоршаған ортаны қорғау және өрт қауіпсіздігі жөніндегі қағидалар мен нормалардың сақталуын қамтамасыз етеді. Ветеринариялық есепке алуды және есептілікті жүргізеді, Қазақстан Республикасының ветеринария саласындағы заңнамасында белгіленген тәртіпте есептілік ұсынады.
Мыналарды: Қазақстан Республикасының Конституциясын, "Сыбайлас жемқорлыққа қарсы күрес туралы", "Ветеринария туралы", Қазақстан Республикасының заңдарын, сондай-ақ Қазақстан Республикасының және Кеден одағының өзге де заңнамалық және заңға тәуелді нормативтік құқықтық актілерін, ветеринария, халықтың санитариялық-эпидемиологиялық саулығы, тамақ өнімдерінің қауіпсіздігі саласындағы басшылық, нормативтік, нұсқаулық және әдістемелік материалдарды, ветеринариялық-санитариялық қағидаларды, кәсіпорынның өндірістік қызметіне, мал шаруашылығы өнімдерін өндіру технологиясына, қолдан ұрықтандыруды жүргізу технологиясына қатысты нормаларды және нұсқаулықтарды, ережелерді және басқа да басшылық құжаттарды, өндіру, бақылау және өндірілген өнімнің сапасы жөніндегі стандарттарды және нұсқаулықтарды, ветеринариялық-санитариялық сараптаманы, микробиология мен эпизоотологияны, экономика, еңбекті ұйымдастыру, өндіріс және басқару негіздерін, жер және еңбек заңнамалары негіздерін, қоршаған ортаны қорғау және табиғат ресурстарын ұтымды пайдалану жөніндегі заңнаманы, еңбекті қорғау және өрт қауіпсіздігі қағидалары мен нормаларын білуі тиіс.
Біліктілікке қойылатын талаптар. (Ветеринарлық медицина) мамандығы бойынша жоғары (немесе жоғарыдан кейінгі) білім және кәсіби қызмет бағыты бойынша еңбек өтілі 5 жылдан кем емес.
8. Бас вирусолог
Лауазымдық міндеттері. Карантиндік-фитосанитариялық және ветеринариялық-санитариялық сараптама жүргізуді ұйымдастырады. Ғылыми-өндірістік бағдарламалардың тапсырмаларын орындайтын жұмысшылар тобын басқарады. Өсімдіктерді қорғаудың биологиялық құралдарын талдауды жүргізеді. Карантинге жатқызылған өнімнің халықаралық және отандық стандарттарға сәйкестігіне сынаулар, карантиндік талдау және карантиндік сараптама жүргізеді. Өлген малдарды байқап қарауды және союды жүргізеді. Жануарлар ауруларының қоздырғыштарын анықтауды және типке жатқызуды жүзеге асырады. Жануарлар аса қауіпті ауруларының жасырын нысандарын анықтайды. Жаңа зерттеулер мен әзірлемелердің бағыттарын және оларды орындау әдістерін негіздейді, ғылыми-өндірістік жұмыстардың жоспарларына қосуға ұсыныс енгізеді. Жабдықтар мен аспаптардың жаңа түрлерін сынауға, жануарлар мен өсімдіктердің вирустық ауруларын диагностикалаудың қазіргі заманғы әдістерін әзірлеуге қатысады. Зерттеуге келіп түскен материалды қабылдайды, зерттеу аяқталғанға дейін оның сақталуын қамтамасыз етеді, зерттеу және санитарлық өңдеу жүргізуге жұмсалған материалдар шығысы бойынша құжаттама ресімдейді. Бокстың зарарсыздандырылуын, жұмыс орнының өңделуін, құрал-саймандардың стерилдендірілуін, биологиялық материал қалдықтарының жойылуын, сондай-ақ санитария және өртке қарсы қорғаныс қағидаларының сақталуын қамтамасыз етеді. Зерттеулер нәтижелерін ресімдейді және сараптама актісін береді. Өз құзыреті шегінде барлық жұмыс түрлерін ұйымдастыруға әдістемелік және практикалық көмек көрсетеді. Коллекциялық материалдың есебін жүргізеді, оның сақталуын қамтамасыз етеді. Кадрлардың біліктілігін арттыру және даярлау бойынша жұмыстар жүргізеді. Ветеринариялық есепке алуды және есептілікті жүргізеді, Қазақстан Республикасының ветеринария саласындағы заңнамасында белгіленген тәртіпте есептілік ұсынады.
Мыналарды: Қазақстан Республикасының Конституциясын, "Сыбайлас жемқорлыққа қарсы күрес туралы", "Қазақстан Республикасындағы Тілдер туралы", "Өсімдіктерді қорғау туралы", "Өсімдіктер карантині туралы", "Ветеринария туралы" Қазақстан Республикасының заңдарын, сондай-ақ Қазақстан Республикасының өзге де заңнамалық және заңға тәуелді нормативтік құқықтық актілерін; зертханалық зерттеулер жөніндегі әдістемелер мен нұсқаулықтарды, қолданылатын аспаптар мен жабдықтардың жұмыс қағидатын және пайдалану қағидаларын, жануарлар мен өсімдіктердің вирустық аурулары қоздырғыштарын бірдейлендіру әдістерін, ветеринариялық-санитариялық талаптарды, ветеринариялық микробиологияны, бактериологияны және фитопатологияны, өсімдіктер аурулары зияндылығының экономикалық шегін, карантинге жатқызылған өнім үлгілерін іріктеу әдістемелерін; жануарлар ауруларымен күрес жөніндегі әдістемелерді және нұсқаулықтарды, ветеринариялық препараттарды қолдану жөніндегі нұсқауларды, жануарлардан алынатын өнімді және шикізатты сараптаудың ветеринариялық-санитариялық қағидаларын, жануарлардан алынатын өнімді өндіру және қайта өңдеу технологиясын, еңбек заңнамасының негіздерін, ішкі еңбек тәртібі қағидаларын, еңбекті қорғау және өрт қауіпсіздігі жөніндегі қағидаларды білуі тиіс.
Біліктілікке қойылатын талаптар. (Биология, биотехнология, ветеринарлық медицина, ветеринарлық санитария) мамандығы бойынша жоғары (немесе жоғарыдан кейінгі) білім және кәсіби қызмет бағыты бойынша еңбек өтілі 3 жылдан кем емес.
9. Бас герболог
Лауазымдық міндеттері. Карантинге жатқызылған өнімдерге зертханалық зерттеу жүргізуге, ауыл шаруашылығы дақылдарының ластануына фитосанитариялық мониторинг және бағалау жүргізуге басшылықты жүзеге асырады. Барынша күрделі проблемалар бойынша ғылыми-техникалық шешімдер, сараптамалар, зерттеулер, тексерулер жүргізу әдістерін әзірлейді, ол үшін қажетті құралды таңдайды. Жаңа зерттеулер мен әзірлемелердің бағыттарын негіздейді, ғылыми-өндірістік жұмыстардың жоспарларына қосуға ұсыныс енгізеді. Ауыл шаруашылығы дақылдарының ластануына фитосанитариялық мониторингті және бағалауды және ұйымдарға фитосанитариялық жай-күй туралы ақпарат ұсынуды жүзеге асырады, ауыл шаруашылығы дақылдарының карантиндік арамшөптерімен күрестің басталу, аяқталу мерзімдері және олардың болжамдары туралы хабардар етеді. Карантинге жатқызылған өнімнің халықаралық және отандық стандарттарға сәйкестігіне сынаулар, карантиндік талдау және карантиндік сараптама жүргізеді. Ағымдағы жұмыс нәтижелері бойынша құжаттама ресімдейді. Өз құзыреті шегінде барлық жұмыс түрлерін ұйымдастыруға әдістемелік және практикалық көмек көрсетеді. Коллекциялық материалдың есебін жүргізеді, оның сақталуын қамтамасыз етеді. Санитария және өртке қарсы қорғаныс қағидаларының сақталуын қамтамасыз етеді. Зертханалық талдаулар мен сараптамалар, мониторинг және ауыл шаруашылығы дақылдарының ластануына бақылау жүргізудің жаңа әдістерін әзірлеуге және қолданыстағыларын жетілдіруге қатысады Кадрлардың біліктілігін арттыру және даярлау бойынша жұмыстар жүргізеді.
Мыналарды: Қазақстан Республикасының Конституциясын, "Сыбайлас жемқорлыққа қарсы күрес туралы", "Қазақстан Республикасындағы Тілдер туралы", "Өсімдіктерді қорғау туралы", "Өсімдіктер карантині туралы" Қазақстан Республикасының заңдарын, сондай-ақ Қазақстан Республикасының өзге де заңнамалық және заңға тәуелді нормативтік құқықтық актілерін, өсімдіктерден алынатын өнімге карантиндік арамшөптермен ластану мәніне сараптама жүргізу әдістерін, карантинге жатқызылған өнім үлгілерін іріктеу әдістемелерін, аспаптар мен жабдықтарды пайдалану жөніндегі нұсқаулықтарды, қоршаған ортаны қорғау жөніндегі заңнама негіздерін, еңбек заңнамасы негіздерін, ішкі еңбек тәртібі қағидаларын, еңбекті қорғау және өрт қауіпсіздігі жөніндегі қағидаларды білуі тиіс.
Біліктілікке қойылатын талаптар. (Агрономия, жеміс-көкөніс шаруашылығы, өсімдіктерді қорғау және карантин, биология) мамандығы бойынша жоғары (немесе жоғарыдан кейінгі) білім және кәсіби қызмет бағыты бойынша еңбек өтілі 3 жылдан кем емес.
10. Бас зоотехник
Лауазымдық міндеттері. Мал шаруашылығы (құс шаруашылығы) саласын басқаруды жүзеге асырады. Сала өнімдерінің өндірісін ұлғайтуды, өзіндік құнын төмендетуді, оның сапасы мен тиімділігін арттыруды қамтамасыз ететін ғылыми негізделген мал шаруашылығы жүйелерін әзірлеуді және енгізуді жүзеге асырады. Мал шаруашылығын дамыту, табынның өсімін молайтуды жақсарту, малдардың өнімділігін арттыру, төлдің шығысын ұлғайту, малдарды ұстау, азықтандыру және күтіп-бағу, жайылымдарды және басқа жемшөптік алқаптарды ұтымды пайдалану бойынша іс-шараларды әзірлеуді және орындауды ұйымдастырады. Мықты жемшөп базасын және азықтардың сақтандыру қорын жоспарлауға және құруға қатысады. Ветеринария қызметімен бірлесіп ветеринариялық-профилактикалық іс-шаралар жоспарын жасауға қатысады. Мал шаруашылығы салаларының басқа шаруашылықтармен, дайындаушы, қайта өңдеуші және қызмет көрсетуші ұйымдармен және кәсіпорындармен өндірістік-экономикалық байланысы бойынша ұсыныстар әзірлейді. Дайындаушы, қайта өңдеуші, қызмет көрсетуші және басқа кәсіпорындармен және ұйымдармен мал шаруашылығы өнімдерін өткізу бойынша шарттар жасауды ұйымдастырады және жасасады, олардың орындалуын қамтамасыз етеді. Еңбекті ұйымдастыру мен еңбекақы төлеудің, кәсіпорын бөлімшелерінде жалдамалық, кооперативтік қатынастарды ұйымдастырудың, шаруа қожалықтарын құрудың прогрессивті нысандарын дамытуға және енгізуге ықпал етеді, мал шаруашылығы өнімдері өндірісінің технологиялары мәселелері бойынша оларға консультативтік көмек көрсетеді. Агрохимиялық қызметпен және бөлімшелер басшыларымен бірлесіп жемшөптік базаны нығайту, көпжылдық дақылдар жайылымдары мен пішендіктерді құру, жасыл конвейер ұйымдастыру, пішен, сүрлем, шөптік және витаминдік ұн өндірісі үшін жасыл масса дайындау бойынша іс-шаралар жоспарын әзірлейді және жүзеге асырады. Малды жаздық жайылымдық және қыстық қотандық маусымға ауыстыру, жемшөптерді пайдалану және сақтау, азықтандырудың толыққанды рациондарын жасау бойынша жұмыстарды ұйымдастырады. Өнімділігі жоғары малдарды өсіріп шығару, аналық бастың қысырлығын төмендету бойынша селекциялық-асылдандыру жұмыстарына басшылық жасайды. Сүттің майлылығын, тығыздығын, қышқылдығын және тазалығын айқындау бойынша талдаулар жүргізуді ұйымдастырады. Мал шаруашылығы үшін қажетті жабдықтарды, қосалқы бөлшектерді, жөндеу материалдарын және басқа да минералды заттарды сатып алуға өтінімдер жасауға қатысады және олардың орындалуын қамтамасыз етеді. Тиісті кезеңдегі өндірістік қызметті талдау және мал шаруашылығы өнімдерінің өндірісін ұлғайту және сапасын арттыру бойынша іс-шаралар әзірлеу кезінде бөлімшелерге көмек көрсетеді. Мал шаруашылығы үй-жайларын салу жобаларын қарастыруға, оларды салу орындарын таңдауға, жаңадан салынған, күрделі және ағымдағы жөндеуден өткен объектілерді қабылдауға қатысады. Зоотехниялық құжаттамаларды, мал шаруашылығы бойынша есепті және белгіленген есептілікті жүргізу бойынша жұмыстарды ұйымдастырады. Басқа бөлімшелерге берілген және дайындаушы және қайта өңдеуші кәсіпорындарға өткізілген мал шаруашылығы өнімдерінің мөлшері мен сапасын есепке алуды ұйымдастырады. Қауіпсіз және қолайлы еңбек жағдайын жасау, қоршаған ортаны өндіріс қалдықтарымен ластанудан қорғау бойынша іс-шаралар әзірлейді және енгізеді. Еңбекті қорғау және өрт қауіпсіздігі бойынша қағидалар мен нормалардың сақталуын қамтамасыз етеді.
Мыналарды: Қазақстан Республикасының Конституциясын, "Сыбайлас жемқорлыққа қарсы күрес туралы", "Қазақстан Республикасындағы Тілдер туралы", "Асыл тұқымды мал шаруашылығы туралы", "Ветеринария туралы" Қазақстан Республикасының заңдарын, сондай-ақ Қазақстан Республикасының өзге де заңнамалық және заңға тәуелді нормативтік құқықтық актілерін. агроөнеркәсіптік кешен және кәсіпорынның өндірістік қызметі мәселелері бойынша басшылық, нормативтік, нұсқаулық және әдістемелік материалдарды, өндіріс технологиясын, асылдандыру ісін, ауыл шаруашылығы жануарларының әр түрлі түрлерінің биологиялық ерекшеліктерін, оларды ұстау мен азықтандырудың ғылыми негіздерін, мал шаруашылығы саласындағы ғылыми жетістіктерді және отандық, шетелдік кәсіпорындардың озық жұмыс тәжірибесін, өнімді өткізуді ұйымдастыруды, мал шаруашылығы өнімдеріне арналған қолданыстағы стандарттарды, еңбек және жер заңнамаларын, экономика, өндірісті, еңбекті ұйымдастыру және басқару негіздерін, қоршаған ортаны қорғау және табиғат ресурстарын ұтымды пайдалану жөніндегі қолданыстағы заңнаманы, еңбекті қорғау және өрт қауіпсіздігі қағидалары мен нормаларын білуі тиіс.
Біліктілікке қойылатын талаптар. (Мал шаруашылығы өнімдерін өндіру технологиясы) мамандығы бойынша жоғары (немесе жоғарыдан кейінгі) білім және кәсіби қызмет бағыты бойынша еңбек өтілі 5 жылдан кем емес.
11. Бас мелиоратор
Лауазымдық міндеттері. Шаруашылықта мелиоративтік және дақыл-техникалық жұмыстардың орындалуына басшылықты жүзеге асырады. Мелиоративтік жерлерді тиімді пайдалану жөніндегі іс-шараларды, ауыл шаруашылығы дақылдарын суғару бойынша прогрессивті технологиялар мен озық тәжірибені әзірлейді және енгізеді. Шаруашылықтың су ресурстарын ұтымды пайдалануды ұйымдастырады. Су пайдалану жоспарларын, ауыл шаруашылығы дақылдарын суғару кестесін жасайды және олардың орындалуын қамтамасыз етеді. Мелиоративтік және дақыл-техникалық жұмыстарды жүргізу, мелиоративтік желілер мен гидротехникалық құрылыстарды пайдалану және жөндеу бойынша бөлімшелерге басшылық жасайды. Суғару кестелеріне сәйкес танаптарды суарудың қажетті режимін, ал құрғатылған жерлерде – топырақтың оңтайлы ылғалдылығын сақтай отырып, құрғатудың қажетті режимін қамтамасыз етеді. Бөлімшелердің мелиоративтік жерлерді пайдалану жөніндегі перспективалы және жылдық жоспарларын, технологиялық карталарын және шаруашылық есептік тапсырмаларын әзірлеуге қатысады. Суару, құрғату және суландыру жүйелерін салу және қайта жаңарту, құрғатуды қажет етпейтін жерлерде дақыл-техникалық жұмыстар жүргізу бойынша жоспарлар жасайды және олардың орындалуын қамтамасыз етеді. Шаруашылықішілік, суару, құрғату және суландыру желілерін жөндеуге жобалық-сметалық құжаттама әзірлеуді ұйымдастырады, оны әзірлеуге мамандандырылған жобалау ұйымдарын тартады және олар орындаған жұмыстарды қабылдап алуға қатысады. Мелиоративтік желілер мен гидротехникалық құрылыстардың сақталуын қамтамасыз етеді, мелиоративтік машиналар мен суғару техникаларының дұрыс сақталуын және пайдаланылуын ұйымдастырады. Шаруашылықішілік мелиоративтік желілерді үнемі техникалық ақаусыз ұстау мақсатында оларды уақтылы және сапалы жөндеу мен тазартуды қамтамасыз етеді. Мелиоративтік жерлерді пайдалануға қабылдауға, сондай-ақ, жерлерді түбірімен жақсарту, танаптарды күрделі жоспарлау және дақыл-техникасы бойынша жұмыстарды қабылдауға қатысады. Қоршаған ортаны қорғау жөніндегі заңнама талаптарының орындалуын қамтамасыз етеді. Ғылым жетістіктерін және озық тәжірибені насихаттайды және енгізеді, өнертабыстарды және ұтымды етуді дамытуға ықпал етеді. Агроөнеркәсіптік кешеннің мелиоративтік кәсіпорындарымен және ұйымдарымен өндірістік-экономикалық байланысты ұтымды ұйымдастыруды қамтамасыз етеді. Есеп пен есептіліктің жүргізілуін ұйымдастырады. Еңбекті қорғау және өрт қауіпсіздігі бойынша қағидалар мен нормалардың сақталуын қамтамасыз етеді.
Мыналарды: Қазақстан Республикасының Конституциясын, Қазақстан Республикасының Экологиялық кодексін, Қазақстан Республикасының Су кодексін, Қазақстан Республикасының Жер кодексін, "Сыбайлас жемқорлыққа қарсы күрес туралы", "Қазақстан Республикасындағы Тілдер туралы", Қазақстан Республикасының заңдарын, сондай-ақ Қазақстан Республикасының өзге де заңнамалық және заңға тәуелді нормативтік құқықтық актілерін, агроөнеркәсіптік кешен және жер мелиорациясы мәселелері бойынша басшылық, нормативтік, нұсқаулық және әдістемелік материалдарды, мелиоративтік және дақыл-техникалық жұмыстарды жүргізу технологиясын, қызметтің машиналары мен жабдықтарын, мелиоративтік және дақыл-техникалық жұмыстарды жүргізу және мелиорацияланған жерлерді пайдалану саласындағы ғылым жетістіктері мен озық тәжірибені, экономика, еңбекті ұйымдастыру және басқару негіздерін, еңбек заңнамасы негіздерін, еңбекті қорғау және өрт қауіпсіздігі қағидалары мен нормаларын білуі тиіс.
Біліктілікке қойылатын талаптар. (Жерді мелиорациялау, баптау және қорғау, су ресурстары және суды пайдалану) мамандығы бойынша жоғары (немесе жоғарыдан кейінгі) білім және кәсіби қызмет бағыты бойынша еңбек өтілі 5 жылдан кем емес.
12. Бас фитопатолог
Лауазымдық міндеттері. Карантинге жатқызылған өнімдерге зертханалық фитопатологиялық зерттеу, ауыл шаруашылығы дақылдарын зиянды ауруларға тұрақтылығына мемлекеттік сорттық сынау, ауыл шаруашылығы дақылдарының сорттарын және гибридтерін шаруашылық пайдалылығына сараптамалық бағалау, ауыл шаруашылығы өсімдіктері ауруларының дамуына және таралуына фитосанитариялық мониторинг жүргізуді басқаруды жүзеге асырады. Барынша күрделі проблемалар бойынша ғылыми-техникалық шешімдер, сараптамалар, зерттеулер, тексерулер жүргізу әдістерін әзірлейді, ол үшін қажетті құралды таңдайды Жаңа зерттеулер мен әзірлемелердің бағыттарын негіздейді, ғылыми-өндірістік жұмыстардың жоспарларына қосуға ұсыныс енгізеді. Ауыл шаруашылығы дақылдары егістеріне фитопатологиялық зерттеулер жүргізеді. Қазақстан Республикасында пайдалануға жіберілген селекциялық жетістіктердің мемлекеттік тізілімін, Қазақстан Республикасы өсімдіктердің қорғалатын сорттарының мемлекеттік тізілімін қалыптастыруға қатысады. Зиянды, аса қауіпті зиянды организмдердің, карантиндік объектілердің таралуының қысқа мерзімді және ұзақ мерзімді болжамдарын әзірлеуді қамтамасыз етеді. Карантинге жатқызылған өнімнің белгіленген талаптарға сәйкестігіне сынаулар, карантиндік талдау және карантиндік сараптама жүргізеді. Жұмыс процесінде халықаралық және отандық стандарттарды қолданады. Ағымдағы жұмыс нәтижелері бойынша қажетті құжаттаманы ресімдейді. Коллекциялық материалдың есебін жүргізеді, оның сақталуын қамтамасыз етеді. Зертханалық талдаулар мен сараптамалар жүргізудің жаңа әдістерін әзірлеуге және қолданыстағыларын жетілдіруге қатысады. Ауыл шаруашылығы дақылдарының ауруларын айқындаудың әдістерін, селекциялық жетістіктердің өсімдіктер ауруларына тұрақтылығын, ерекшелігін, біртектілігін және тұрақтылығын сынау әдістемесін, өсімдіктер ауруларының дамуына және таралуына мониторинг жүргізу әдістерін әзірлеуге, жаңаларын игеруге және қолданыстағыларын жетілдіруге қатысады. Істер номенклатурасы бойынша ғылыми және өзге де материалдардың мұрағатын жүргізеді және қолдайды. Кадрлардың біліктілігін арттыру және даярлау бойынша жұмыстар жүргізеді.
Мыналарды: Қазақстан Республикасының Конституциясын, "Сыбайлас жемқорлыққа қарсы күрес туралы", "Қазақстан Республикасындағы Тілдер туралы", "Тұқым шаруашылығы туралы", "Селекциялық жетістіктерді қорғау туралы", "Өсімдіктерді қорғау туралы", "Өсімдіктер карантині туралы" Қазақстан Республикасының заңдарын, сондай-ақ Қазақстан Республикасының өзге де заңнамалық және заңға тәуелді нормативтік құқықтық актілерін, агроөнеркәсіптік кешен, өсімдіктерді қорғау және карантин, мемлекеттік сорт сынау мәселелері бойынша басшылық, нормативтік, нұсқаулық және әдістемелік материалдарды, өсімдіктен алынатын өнімдерге фитопатологиялық сараптау жүргізу әдістерін, өсімдіктерін ауруларын бірдейлендіру әдістерін, ауыл шаруашылығы алқаптарына фитопатологиялық зерттеу жүргізу әдістемелерін, карантинге жатқызылған өнімдер үлгілерін іріктеу әдістемелерін, аспаптар мен жабдықтарды пайдалану жөніндегі нұсқаулықтарды, қоршаған ортаны қорғау жөніндегі заңнама негіздерін, еңбек заңнамасы негіздерін, ішкі еңбек тәртібі қағидаларын, еңбекті қорғау және өрт қауіпсіздігі жөніндегі қағидаларды білуі тиіс.
Біліктілікке қойылатын талаптар. (Агрономия, жеміс-көкөніс шаруашылығы, өсімдіктерді қорғау және карантин, биология) мамандығы бойынша жоғары (немесе жоғарыдан кейінгі) білім және кәсіби қызмет бағыты бойынша еңбек өтілі 3 жылдан кем емес.
13. Бас энтомолог
Лауазымдық міндеттері. Карантинге жатқызылған объектілерге карантинді-фитосанитариялық сараптау, селекциялық жетістіктерді өсімдіктер зиянкестеріне тұрақтылығына мемлекеттік сынау, ауыл шаруашылығы дақылдарының сорттарын және гибридтерін шаруашылық пайдалылығына сараптамалық бағалау, Қазақстан Республикасы аумағында ауыл шаруашылығы өсімдіктері зиянкестерінің дамуына және таралуына фитосанитариялық мониторинг жүргізуді басқаруды жүзеге асырады. Барынша күрделі проблемалар бойынша ғылыми-техникалық шешімдер, сараптамалар, зерттеулер, тексерулер жүргізу әдістерін әзірлейді, ол үшін қажетті құралды таңдайды Жаңа зерттеулер мен әзірлемелердің бағыттарын негіздейді, ғылыми-өндірістік жұмыстардың жоспарларына қосуға ұсыныс енгізеді. Ауыл шаруашылығы дақылдары егістеріне энтомологиялық зерттеулер жүргізеді. Қазақстан Республикасында пайдалануға жіберілген селекциялық жетістіктердің мемлекеттік тізілімін, Қазақстан Республикасы өсімдіктердің қорғалатын сорттарының мемлекеттік тізілімін қалыптастыруға қатысады. Зиянды, аса қауіпті зиянды организмдердің, карантиндік объектілердің таралуының қысқа мерзімді және ұзақ мерзімді болжамдарын әзірлеуді қамтамасыз етеді. Карантинге жатқызылған өнімнің белгіленген талаптарға сәйкестігіне сынаулар, карантиндік талдау және карантиндік сараптама жүргізеді. Жұмыс процесінде халықаралық және отандық стандарттарды қолданады. Ағымдағы жұмыс нәтижелері бойынша қажетті құжаттаманы ресімдейді. Коллекциялық материалдың есебін жүргізеді, оның сақталуын қамтамасыз етеді. Зертханалық талдаулар мен сараптамалар жүргізудің жаңа әдістерін әзірлеуге және қолданыстағыларын жетілдіруге қатысады. Ауыл шаруашылығы дақылдарының ауруларын айқындаудың әдістерін, селекциялық жетістіктердің өсімдіктер ауруларына тұрақтылығын, ерекшелігін, біртектілігін және тұрақтылығын сынау әдістемесін, өсімдіктер ауруларының дамуына және таралуына мониторинг жүргізу әдістерін әзірлеуге, жаңаларын игеруге және қолданыстағыларын жетілдіруге қатысады. Істер номенклатурасы бойынша ғылыми және өзге де материалдардың мұрағатын жүргізеді және қолдайды. Кадрлардың біліктілігін арттыру және даярлау бойынша жұмыстар жүргізеді.
Мыналарды: Қазақстан Республикасының Конституциясын, "Сыбайлас жемқорлыққа қарсы күрес туралы", "Қазақстан Республикасындағы Тілдер туралы", "Өсімдіктерді қорғау туралы", "Өсімдіктер карантині туралы", "Тұқым шаруашылығы туралы", "Селекциялық жетістіктерді қорғау туралы" Қазақстан Республикасының заңдарын, сондай-ақ Қазақстан Республикасының өзге де заңнамалық және заңға тәуелді нормативтік құқықтық актілерін, агроөнеркәсіптік кешен, өсімдіктерді қорғау және карантин, мемлекеттік сорт сынау мәселелері бойынша басшылық, нормативтік, нұсқаулық және әдістемелік материалдарды, өсімдіктен алынатын өнімдерге энтомологиялық сараптау жүргізу әдістерін, өсімдіктер ауруларын бірдейлендіру әдістерін, ауыл шаруашылығы алқаптарына энтомологиялық зерттеу жүргізу әдістемелерін, карантинге жатқызылған өнімдер үлгілерін іріктеу әдістемелерін, аспаптар мен жабдықтарды пайдалану жөніндегі нұсқаулықтарды, қоршаған ортаны қорғау жөніндегі заңнама негіздерін, еңбек заңнамасы негіздерін, ішкі еңбек тәртібі қағидаларын, еңбекті қорғау және өрт қауіпсіздігі жөніндегі қағидаларды білуі тиіс.
Біліктілікке қойылатын талаптар. (Агрономия, жеміс-көкөніс шаруашылығы, өсімдіктерді қорғау және карантин, биология) мамандығы бойынша жоғары (немесе жоғарыдан кейінгі) білім және кәсіби қызмет бағыты бойынша еңбек өтілі 3 жылдан кем емес.
14. Ветеринариялық дәріхана меңгерушісі
Лауазымдық міндеттері. Дәрі-дәрмектерді, биопрепараттарды, химикаттарды, дезинфекциялау заттарын, құрал-сайманды, мүкәммалды және ветеринариялық жабдықты қабылдау, беру және сақтау бойынша операцияларды орындайды. Ветеринариялық тауарларды сүйемелдеуші құжаттары бойынша қабылдайды және ресімдейді, олардың сапасын, мөлшерін және техникалық жай-күйін, ветеринариялық биологиялық препараттар мен дәрілердің жарамдылық мерзімін тексереді. Ветеринариялық құралдар қозғалысының тиісті есебін, кіріс-шығыс құжаттарының дұрыс рәсімделуін қамтамасыз етеді. Кәсіпорынды, шаруашылықты қажетті ветеринариялық тауарлармен және дәрі-дәрмектермен қамтамасыз етуді ұйымдастырады және олардың сақталуын қамтамасыз етеді. Ветеринариялық тауарларды, химикаттарды, витаминдерді, биопрепараттарды және дәрілерді қоймаға қою және сақтау қағидаларын ескере отырып, қоймалық үй-жайды ұтымды пайдалануды ұйымдастырады. Қоймалық үй-жайдың, жабдықтың және мүкәммалдың техникалық ақаусыздығын және олардың уақтылы жөнделуін, дәріхананы және қоймалық үй-жайды тазалықта және тәртіпте ұстауды, еңбекті қорғау және өрт қауіпсіздігі қағидалары мен нормаларының сақталуын қамтамасыз етеді. Шаруашылықтың дәрі-дәрмекке, биопрепараттарға, құрал-сайманға, аспаптарға, жабдыққа және ветеринариялық заттарға деген қажеттілігін айқындауға, дәріханалық материалдық құндылықтарға түгендеу жүргізуге қатысады. Дәріханада тауарлардың бары туралы жүйелі түрде картотека жүргізеді, ветеринар дәрігерлерді дәрілік заттардың бары, жаңа профилактикалық және емдік препараттардың, аспаптардың, құрал-сайманның келіп түскені туралы хабардар етеді және оларды қолдану жөніндегі нұсқаулықпен таныстырады. Дәрі-дәрмектердің, биопрепараттардың қозғалысы туралы ай сайын есептер жасайды және оларды бас ветеринар дәрігерге ұсынады. Стандарттар, нұсқаулықтар, ережелер талаптарына жауап бермейтін ветеринария заттарына наразылық жасайды және оларды жеткізушілерге ұсынады. Фермалардың ветеринар дәрігерлеріне жіберілетін препараттарды сақтау, қолдану және дозалау қағидалары бойынша ұсыным береді. Ветеринариялық есепке алуды және есептілікті жүргізеді, Қазақстан Республикасының ветеринария саласындағы заңнамасында белгіленген тәртіпте есептілік ұсынады.
Мыналарды: Қазақстан Республикасының Конституциясын, "Сыбайлас жемқорлыққа қарсы күрес туралы", "Қазақстан Республикасындағы Тілдер туралы", "Ветеринария туралы" Қазақстан Республикасының заңдарын, сондай-ақ Қазақстан Республикасының өзге де заңнамалық және заңға тәуелді нормативтік құқықтық актілерін; ветеринария, дәрілік заттарды сақтау, оларды жануарларды емдеу үшін қолдану, қойма шаруашылығын жүргізу мәселелері бойынша басшылық, нормативтік, нұсқаулық және әдістемелік материалдарды, фармакология және ветеринария негіздерін, жануарларды емдеу әдістерін, экономика және еңбекті ұйымдастыру негіздерін, еңбек заңнамасы негіздерін, еңбекті қорғау және өрт қауіпсіздігі жөніндегі қағидалар мен нормаларды білуі тиіс.
Біліктілікке қойылатын талаптар. Еңбек өтіліне талап қоймастан (ветеринарлық медицина, ветеринарлық санитария) мамандығы бойынша жоғары (немесе жоғарыдан кейінгі) білім немесе (ветеринария) мамандығы бойынша техникалық және кәсіптік (орта арнайы, орта кәсіптік) білім және кәсіби қызмет бағыты бойынша еңбек өтілі 2 жылдан кем емес.
15. Ветеринария пунктінің меңгерушісі
Лауазымдық міндеттері. Қызмет көрсететін аймақтағы ветеринар мамандардың жұмысына әдістемелік басшылықты жүзеге асырады. Бекітілген аумақтағы елді мекендерде жануарлар ауруларының алдын алу және жою бойынша ветеринариялық іс-шаралар ұйымдастырады және жүргізеді. Жануарларды диагностикалық зерттеуді, иммундауды, аса қауіпті жұқпалы аурулар ошағын жоюды, ауру жануарларды амбулаторлық және стационарлық емдеуді, жануарларды сою алдында байқап қарауды, сондай-ақ ауыл шаруашылығы жануарларын бірдейлендіру және қолдан ұрықтандыру бойынша іс-шараларды ұйымдастырады. Ақылы ветеринариялық қызмет көрсету кезінде есептілік бланкілерін ресімдейді және береді. Биопрепараттардың, дәрі-дәрмектердің, дезинфекциялаушы заттардың және ветеринариялық мүліктің түсу және жұмсалу есебін жүргізеді, олардың сақталуын қамтамасыз етеді. Жануардың өлу себептерін айқындайды және оның алдын алу бойынша іс-шаралар қабылдайды. Денсаулық сақтау мамандарымен бірге адамдар мен жануарларға ортақ аурулардан халықты қорғау бойынша іс-шаралар жүргізеді. Жұмыс есебін жүргізеді және ветеринария бойынша белгіленген есептілікті ұсынады.
Мыналарды: Қазақстан Республикасының Конституциясын, "Сыбайлас жемқорлыққа қарсы күрес туралы", "Қазақстан Республикасындағы Тілдер туралы", "Ветеринария туралы" Қазақстан Республикасының заңдарын, сондай-ақ Қазақстан Республикасының өзге де заңнамалық және заңға тәуелді нормативтік құқықтық актілерін, ветеринария мәселелері бойынша басшылық, нормативтік, нұсқаулық және әдістемелік материалдарды, жануарларға арналған дәрілік заттарды және дезинфекциялық заттарды қолдану қағидаларын, зертханалық зерттеулер әдістемелерін, қолдан ұрықтандыруды жүргізу технологиясын, ауыл шаруашылығы жануарларын бірдейлендіру тәртібін, экономика, еңбекті ұйымдастыру және басқару негіздерін, еңбек заңнамасы негіздерін, ішкі еңбек тәртібі қағидаларын, еңбекті қорғау және өрт қауіпсіздігі қағидаларын білуі тиіс.
Біліктілікке қойылатын талаптар. (Ветеринарлық медицина, ветеринарлық санитария) мамандығы бойынша жоғары (немесе жоғарыдан кейінгі) білім және кәсіби қызмет бағыты бойынша еңбек өтілі 2 жылдан кем емес.
16. Ветеринариялық зертхана меңгерушісі
Лауазымдық міндеттері. Ветеринариялық-санитариялық сараптама және диагностикалық зерттеулер жүргізуге басшылық жасайды, зертхана жұмысын жоспарлайды және ұйымдастырады. Әдістемелік басшылықты жүзеге асырады және бекітілген жаңа прогрессивті зерттеулер әдістерін енгізеді. Зертханалық мамандардың біліктілігін арттыру бойынша жұмысты ұйымдастырады және зертханалардың есептеріне талдау жүргізеді. Қиын жағдайларда диагноз қою үшін жергілікті жерлерге шығуды және ауруларды жою бойынша іс-шараларды әзірлеуді жүзеге асырады. Жаңа зерттеу әдістері бойынша ұсыныстарды қарайды, оларды байқаудан өткізуге қатысады және нұсқаулық құжаттарды бекітуге дайындайды. Ветеринариялық зертханалар жұмысын жақсарту бойынша ұсыныстар енгізеді. Мекемені материалдық жарақтауға жауап береді. Қызметкерлердің еңбек және өндірістік тәртіпті, жұмыс және еңбекті қорғау, қауіпсіздік техникасы, экологиялық қауіпсіздік, санитариялық режим және өртке қарсы қорғаныс қағидаларын сақтауына жауапты болады. Ветеринариялық есепке алуды және есептілікті жүргізеді, Қазақстан Республикасының ветеринария саласындағы заңнамасында белгіленген тәртіпте есептілік ұсынады.
Мыналарды: Қазақстан Республикасының Конституциясын, "Сыбайлас жемқорлыққа қарсы күрес туралы", "Қазақстан Республикасындағы Тілдер туралы", "Ветеринария туралы" Қазақстан Республикасының заңдарын, сондай-ақ Қазақстан Республикасының өзге де заңнамалық және заңға тәуелді нормативтік құқықтық актілерін, ветеринария саласындағы басшылық, нормативтік, нұсқаулық және әдістемелік материалдарды, жануарлар ауруларының алдын алу және жою бойынша іс-шараларды ұйымдастыру жүйесін, жұмыс бейіні бойынша диагностикалық зерттеулер әдістерін; ветеринария бойынша нұсқаулық құжаттарды, жануарлардан алынатын өнімдер мен шикізатты ветеринариялық-санитариялық сараптау қағидаларын, аспаптарды және жабдықтарды, зерттеулерді ұйымдастыру мәселелерін, ветеринариялық мекемелердегі жұмыс және еңбекті қорғау қағидаларын, техникалық қауіпсіздік, өндірістік санитария, санитариялық жұмыс режимін, өртке қарсы қорғаныс қағидаларын білуі тиіс.
Біліктілікке қойылатын талаптар. (Ветеринарлық медицина, ветеринарлық санитария) мамандығы бойынша жоғары (немесе жоғарыдан кейінгі) білім және кәсіби қызмет бағыты бойынша еңбек өтілі 5 жылдан кем емес.
17. Машиналық аула меңгерушісі
Лауазымдық міндеттері. Шаруашылықтағы машиналық аула жұмысын басқарады, тапсырмаларды орындаушыларға жеткізеді және олардың жұмыс орындары бойынша қойылуын жүзеге асырады. Машиналық аула қызметкерлері орындайтын жұмыстар көлемдері бойынша шарттық көрсеткіштерді, материалдық ресурстары мен ақша қаражатына деген қажеттілікті әзірлеуді жүзеге асырады. Стандарттар талаптарына сәйкес техниканы сақтауды және сақталуын қамтамасыз етеді, оны ұстаудың озық технологиясын енгізеді. Мыналарға: жаңа ауыл шаруашылығы машиналарын (оларды қабылдауды, қосымша жинақтауды және жаттықтыруды ұйымдастырады) сатып алуға, жабдыққа, қосалқы бөлшектерге және басқа материалдарға өтінім жасауға қатысады, қызметкерлердің олармен қамтамасыз етілуін ұйымдастырады. Ауыл шаруашылығы техникаларын егіс жұмыстары кезеңіне уақтылы дайындауды, машиналар мен тракторлық агрегаттарды жиынтықтауды, реттеуді және технологиялық баптауды қамтамасыз етеді. Ауыл шаруашылығы машиналарын күрделі емес жөндеуді ұйымдастырады. Есептен шығарылған машиналарды бөлшектеуді, олардың құрамдас бөліктерінің, құрауыш бірліктерінің және бөлшектерінің ақауларын анықтауды, жарамды бөлшектерді шаруашылықтың қоймасына немесе ауыстыру пунктіне, ал істен шыққандарын металға өткізуді ұйымдастырады. Техниканы сақтауға қою, ауыл шаруашылығы машиналарына жөндеу жүргізу, сақтаудан шығару кестелерін әзірлеуге қатысады. Ауыл шаруашылығы машиналарын ұстау және сақтау технологияларын жетілдіру бойынша жоспарлар мен іс-шаралар әзірлейді. Механизаторларға жиынтықталған машиналарды береді және олардан қабылдап алады және бөлшектеуге жол бермейді. Машиналық аулаға қабылданған және ауладан берілген ауыл шаруашылығы техникасының есебін; машиналық аулада орындалған жұмыстар, қаражат шығыстары туралы есептік құжаттаманы жүргізеді және бухгалтерияға есеп береді. Орындалған жұмыстарды талдауды, материалдық ресурстарды жұмсауды, еңбекақы төлеуді кезең-кезеңімен жүзеге асырады және орталық қызметті және басшылықты машиналардың техникалық жай-күйі туралы хабардар етеді. Машиналық ауланың жұмысшыларына және механизаторларға сынуларды анықтауда, оларды жоюда әдістемелік және практикалық көмек көрсетеді. Орындалған жұмыстардың сапасын қамтамасыз етеді және анықталған кемшіліктерді жою бойынша шаралар қабылдайды. Еңбекті қорғау және өрт қауіпсіздігі қағидалары мен нормаларын, техниканы коррозияға қарсы қорғау технологияларын және оны сақтау мен пайдалану кезеңінде техникалық қызмет көрсету, машиналарды технологиялық баптау және ретке келтіру, жөндеу технологияларын зерделеу бойынша машиналық аула жұмысшыларын оқытуды ұйымдастырады және жүргізеді. Машиналық аула жұмысшыларына және тартылған механизаторларға нұсқама жүргізеді, білімдерін және олардың машиналық аулада жұмыс жүргізу кезінде еңбекті қорғау және өрт қауіпсіздігі қағидалары мен нормаларын сақтауын тексереді.
Мыналарды: Қазақстан Республикасының Конституциясын, "Сыбайлас жемқорлыққа қарсы күрес туралы", "Қазақстан Республикасындағы Тілдер туралы" Қазақстан Республикасының заңдарын, сондай-ақ Қазақстан Республикасының өзге де заңнамалық және заңға тәуелді нормативтік құқықтық актілерін, техниканың сақталу және машиналар мен агрегаттарды коррозияға қарсы қорғау, сақтау, реттеу, технологиялық баптау, күрделі емес ауыл шаруашылығы техникаларын жөндеу мәселелері бойынша басшылық, нормативтік, нұсқаулық және әдістемелік материалдарды, агроөнеркәсіптік кешендегі мемлекеттік техникалық инспекция жүйесін, техникаға жөндеу жүргізудің және сақтаудың, жөндеу жұмыстарын жоспарлаудың негізгі технологиялық процестерін және машиналарды жөндеу және сақтауға арналған қаражат шығыстарын, экономика, еңбекті ұйымдастыру және басқару негіздерін, еңбек заңнамасы негіздерін, еңбекті қорғау және өрт қауіпсіздігі қағидалары мен нормаларын білуі тиіс.
Біліктілікке қойылатын талаптар. (Аграрлық техника және технология) мамандығы бойынша жоғары (немесе жоғарыдан кейінгі) білім және кәсіби қызмет бағыты бойынша еңбек өтілі 3 жылдан кем емес немесе (ауыл шаруашылығы механикаландыру, ауыл шаруашылығындағы техникалық қызмет көрсету және жөндеу) мамандығы бойынша техникалық және кәсіптік (орта арнайы, орта кәсіптік) білім және кәсіби қызмет бағыты бойынша еңбек өтілі 5 жылдан кем емес.
18. Жөндеу-механикалық шеберхана меңгерушісі
Лауазымдық міндеттері. Шаруашылықтағы тракторларды, ауыл шаруашылығы машиналарын және басқа да техника құралдарын жөндеу және оларға техникалық қызмет көрсету бойынша шеберхананың өндірістік-шаруашылық қызметіне басшылықты жүзеге асырады. Тракторларды, ауыл шаруашылығы машиналарын, технологиялық жабдықты жоспарлы-алдын ала жөндеу жүргізу кестелерін жасауды ұйымдастырады және олардың орындалуын қамтамасыз етеді. Техникалық қызмет көрсету қағидаларын сақтай отырып, жөндеу жұмыстарын және техникаға сынақ жүргізуді ұйымдастырады. Жабдықтар, қосалқы бөлшектер, жөндеу материалдарын, аспаптарды, құрал-саймандарды және басқа да материалды-техникалық құралдар сатып алуға есептеулер және өтінімдер жасайды. Ұтымды ету және өнертабыстық жұмыстарды, жабдықтар мен ауыл шаруашылығы техникаларын жөндеу, тозған бөлшектерді қалпына келтіру бойынша ғылым жетістіктері мен озық тәжірибені енгізуді ұйымдастырады. Жөндеу кәсіпорындарының шаруашылықтың техникалық құралдарын жөндеуін және оларға қызмет көрсетуін ұйымдастыруға қатысады. Жөндеу шеберханасының жұмысшыларын арнайы киіммен, қорғаныс айлабұйымдарымен, құрал-сайманмен, мүкәммалмен, материалдармен, қосалқы бөлшектермен қамтамасыз ету бойынша қажетті шаралар қабылдайды. Еңбек және өндірістік тәртіпті нығайту және жөндеу шеберханасындағы еңбек жағдайын жақсарту бойынша күн сайын жұмыстар жүргізеді. Техникалық негізделген өндіру (уақыт) нормаларын әзірлеуді және енгізуді, оларды белгіленген тәртіпті уақтылы қайта қарауды қамтамасыз етеді; жұмыс орындарының кезең-кезеңімен аттестатталуын ұйымдастырады. Еңбекті қорғау, өрт қауіпсіздігі және қоршаған ортаны қорғау бойынша еңбек заңнамасында көзделгендей уақтылы нұсқама жүргізуді қамтамасыз етеді. Жөндеу жұмыстарын, жөндеуге арналған нормалар мен шаруашылық есептеу лимиттерінде көзделген қосалқы бөлшектерді, құрал-саймандарды және ақша қаражаттарын жұмсауды бастапқы есепке алуды ұйымдастырады. Жөндеу шеберханасының жұмысы туралы ағымдағы және жылдық есептерді, жөндеу шеберханасының қарамағындағы жөндеу жабдығын және техниканы есептен шығару актісін жасайды. Жөндеуге жататын техниканы және пайдалануға берілмеген жөнделген техниканы дұрыс сақтауды қамтамасыз етеді. Механизатор кадрлардың біліктілігін арттыру бойынша жұмыстар жүргізеді.
Мыналарды: Қазақстан Республикасының Конституциясын, "Сыбайлас жемқорлыққа қарсы күрес туралы", "Қазақстан Республикасындағы Тілдер туралы" Қазақстан Республикасының заңдарын, сондай-ақ Қазақстан Республикасының өзге де заңнамалық және заңға тәуелді нормативтік құқықтық актілерін, жөндеу және техникалық қызмет көрсетуге қатысты басшылық, нормативтік, нұсқаулық және әдістемелік материалдарды; шаруашылықтағы машиналар мен жабдықтардың конструкторлық ерекшелігін, оларды жөндеуді және техникалық қызмет көрсетуді ұйымдастыруды және оның тәртібін, жөндеу және техникалық қызмет көрсету саласындағы жетістіктер мен озық тәжірибені, экономика, өндірісті, еңбекті ұйымдастыру және басқару негіздерін, еңбекті қорғау және өрт қауіпсіздігі қағидалары мен нормаларын білуі тиіс.
Біліктілікке қойылатын талаптар. (Аграрлық техника және технология) мамандығы бойынша жоғары (немесе жоғарыдан кейінгі) білім және кәсіби қызмет бағыты бойынша еңбек өтілі 1 жылдан кем емес немесе (ауыл шаруашылығы механикаландыру, ауыл шаруашылығындағы техникалық қызмет көрсету және жөндеу) мамандығы бойынша техникалық және кәсіптік (орта арнайы, орта кәсіптік) білім және кәсіби қызмет бағыты бойынша еңбек өтілі 3 жылдан кем емес.
19. Ұрық сақтау қоймасының меңгерушісі
Лауазымдық міндеттері. Ұрық сақтау қоймасының өндірістік-шаруашылық қызметіне басшылықты жүзеге асырады. Тұқымдық малдардың тереңнен мұздатылған ұрығын стандарттар, ветеринариялық заңнаманың нұсқаулары және сақтау қоймасының жұмыс технологиясы талаптарына сәйкес қабылдауды, сақтауды және жіберуді қамтамасыз етеді. Өндірісті жабдықпен, мүкәммалмен, құрал-сайманмен, көлікпен қамтамасыз етеді. Машиналар мен жабдықтарды тиімді пайдалануды, оларды жөндеуді қамтамасыз етеді және биоқоймалардың температуралық режимдерінің журналын жүргізеді, оларға дезинфекция жүргізеді. Келіп түскен азоттың сертификатын тексереді. Ұрықты сақтаудың дұрыстығын және оның сапасын, сақтау қоймасына жаңадан түскен ұрықтың өлшеп оралуын және салынуын қадағалайды, оның белсенділігін тексеруді қамтамасыз етеді. Шәуетті сақтауды ұйымдастырудың, оның технологиясының және онымен жұмыс істеудің ғылыми жетістіктерін және озық тәжірибесін өндіріске енгізуді ұйымдастырады. Есеп пен есептіліктің жүргізілуін қамтамасыз етеді. Кадрларды даярлауды және біліктілігін арттыруды ұйымдастыруға қатысады. Жұмысшылардың өндірістік және еңбек тәртібін, еңбекті қорғау және өрт қауіпсіздігі қағидалары мен нормаларын сақтауын қамтамасыз етеді. Қоршаған ортаны қорғау бойынша заңнаманың сақталуын қамтамасыз етеді.
Мыналарды: Қазақстан Республикасының Конституциясын, "Сыбайлас жемқорлыққа қарсы күрес туралы", "Қазақстан Республикасындағы Тілдер туралы", "Ветеринария туралы", "Асыл тұқымды мал шаруашылығы туралы" Қазақстан Республикасының заңдарын, сондай-ақ Қазақстан Республикасының өзге де заңнамалық және заңға тәуелді нормативтік құқықтық актілерін, ветеринария және асыл тұқымды мал шаруашылығы, ұрықты сақтау және пайдалану мәселелері бойынша басшылық, нормативтік, нұсқаулық және әдістемелік материалдарды, ұрықты қабылдау, сақтау және жіберу қағидаларын, шәуетті сақтауды ұйымдастырудың, оның технологиясының және онымен жұмыс істеудің ғылыми жетістіктерін және озық тәжірибесін, ұрыққа арналған қолданыстағы стандарттар мен бағаларды, қолданылатын материалдар мен жабдықты, қоршаған ортаны қорғау жөніндегі заңнама негіздерін, экономика, еңбекті ұйымдастыру және басқару негіздерін, еңбек заңнамасы негіздерін, еңбекті қорғау және өрт қауіпсіздігі қағидалары мен нормаларын білуі тиіс.
Біліктілікке қойылатын талаптар. (Ветеринарлық медицина) мамандығы бойынша жоғары (немесе жоғарыдан кейінгі) білім және кәсіби қызмет бағыты бойынша еңбек өтілі 3 жылдан кем емес.
20. Агроорманмелиораторы
Лауазымдық міндеттері. Мелиорациядан кейін қорғаныш орман екпелерін отырғызу және өсіру және оларда шаруашылық жүргізу бойынша жұмысты ұйымдастырады. Агроорман мелиоративтік жұмыстарының озық технологияларын әзірлеуді және енгізуді қамтамасыз етеді. Қорғаныш орман өсіру саласындағы озық тәжірибені енгізеді. Агроорман мелиоративтік жұмыстарын жүргізудің жоспарлы құжаттамасын әзірлейді және жоспарлардың орындалуын қамтамасыз етеді. Агроорман мелиоративтік жобалау бойынша жұмыстарды ұйымдастырады. Орындалған агроорман мелиоративтік жұмыстарын техникалық қабылдап алуды жүзеге асырады. Қорғаныш орман екпелеріне түгендеу жүргізуді және зерттеуді ұйымдастырады және олардың нәтижесі бойынша жоспарланған іс-шараларды жүзеге асырады. Орман дақылдары, орман шаруашылығы және орман кептіру жұмыстарын, қарапайым гидротехникалық құрылыстарды салуды ұйымдастырады. Қажетті оперативтік есепті және статистикалық есептілікті жүргізеді. Орман екпелерін және қоршаған ортаны қорғау мен күзету бойынша жұмыстарды ұйымдастырады. Еңбекті ұйымдастыруды жетілдіру бойынша іс-шараларды әзірлеуге және енгізуге қатысады. Еңбекті қорғау және өрт қауіпсіздігі қағидалары мен нормаларының сақталуын қамтамасыз етеді.
Мыналарды: Қазақстан Республикасының Конституциясын, "Сыбайлас жемқорлыққа қарсы күрес туралы", "Қазақстан Республикасындағы Тілдер туралы" Қазақстан Республикасының заңдарын, сондай-ақ Қазақстан Республикасының өзге де заңнамалық және заңға тәуелді нормативтік құқықтық актілерін, орман мелиоративтік жұмыстарды ұйымдастыруға қатысты басшылық, нормативтік, нұсқаулық және әдістемелік материалдарды, орман мелиоративтік жұмыстарды жүргізудің агротехникасын және технологиясын, орман жолақтарын орналастыруға және оның конструкциясына қойылатын талаптарды, қорғаныш орман өсіру саласындағы ғылым жетістіктерін және озық тәжірибені, экономика, еңбекті ұйымдастыру және басқару негіздерін, жер және еңбек заңнамасы негіздерін, қоршаған ортаны қорғау саласындағы заңнама негіздерін, еңбекті қорғау және өрт қауіпсіздігі қағидалары мен нормаларын білуі тиіс.
Біліктілікке қойылатын талаптар.
I санатты агроорманмелиораторы: (Орман ресурстары және орман шаруашылығы) мамандығы бойынша жоғары (немесе жоғарыдан кейінгі) білім және IІ санатты агроорманмелиораторы лауазымындағы еңбек өтілі
3 жылдан кем емес.
IІ санатты агроорманмелиораторы: (Орман ресурстары және орман шаруашылығы) мамандығы бойынша жоғары (немесе жоғарыдан кейінгі) білім және санаты жоқ агроорманмелиораторы лауазымындағы еңбек өтілі 3 жылдан кем емес.
Санаты жоқ агроорманмелиораторы: еңбек өтіліне талап қоймастан (орман ресурстары және орман шаруашылығы) мамандығы бойынша жоғары (немесе жоғарыдан кейінгі) білім.
21. Агроном
Лауазымдық міндеттері. Бекітілген учаскеде жұмыстарды жүзеге асырады. Өнім өндірісін ұлғайту және сапасын арттыру мақсатында егіншіліктің ғылыми-негізделген жүйелерін игеру және өсімдік шаруашылығын одан әрі әртараптандыру бойынша жұмыстарды жүргізеді. Ауыл шаруашылығы алқаптарының өнімділігін, топырақ құнарлылығын арттыру, жұмыс күшін, техниканы ұтымды пайдалану, органикалық және минералдық тыңайтқыштарды, пестицидтерді, өсім реттеуіштерін дұрыс қолдану бойынша іс-шаралардың орындалуын ұйымдастырады. Ауыл шаруашылығы дақылдарын өсіру мен жинаудың, азықтарды дайындау мен сақтаудың қарқынды технологияларын және озық тәжірибесін енгізеді. Ауыспалы егістің игерілуін және егіс алаңдарының ұтымды құрылымын қамтамасыз етеді. Тұқымдардың, отырғызу материалының, тыңайтқыштардың, химикаттардың және басқа да материалдардың дұрыс сақталуын ұйымдастырады. Бөлімше ішінде буындар, бригадалар қалыптастыруға қатысады және олардың оңтайлы мөлшерін айқындайды. Бөлімше үшін жұмыс жоспарларын, жұмыстарды орындау кестесін әзірлейді. Жаңа технологияларды, ауыл шаруашылығы дақылдарының жаңа сорттарын қолдану бойынша тәжірибелік жұмыстар жүргізеді. Жоспарлы тапсырмалардың орындалуын, ауыл шаруашылығы өнімдерін өсіру бойынша қабылданған іс-шаралардың тиімділігін талдайды. Егіске, тыңайтқыштарды, тұқымдарды есептен шығаруға арналған актілерді уақтылы жасайды. Алқаптар тарихының кітабын және басқа да агрономиялық құжаттаманы жүргізеді. Есеп пен белгіленген есептіліктің жүргізілуін ұйымдастырады. Қоршаған ортаны қорғау бойынша заңнаманың, еңбекті қорғау және өрт қауіпсіздігі қағидалары мен нормаларының сақталуын қамтамасыз етеді.
Мыналарды: Қазақстан Республикасының Конституциясын, "Сыбайлас жемқорлыққа қарсы күрес туралы", "Қазақстан Республикасындағы Тілдер туралы" Қазақстан Республикасының заңдарын, сондай-ақ Қазақстан Республикасының өзге де заңнамалық және заңға тәуелді нормативтік құқықтық актілерін, ауыл шаруашылығы кәсіпорнының қызметіне қатысты басшылық, нормативтік, нұсқаулық және әдістемелік материалдарды, өсірілетін ауыл шаруашылығы дақылының агротехникасын және тұқым шаруашылығын, өсімдік шаруашылығы өнімдеріне арналған қолданыстағы стандарттарды, өсімдік шаруашылығы саласындағы ғылым жетістіктері мен озық тәжірибені, экономика, еңбекті ұйымдастыру және басқару негіздерін, жер және еңбек заңнамасы негіздерін, қоршаған ортаны қорғау жөніндегі заңнама негіздерін, еңбекті қорғау және өрт қауіпсіздігі қағидалары мен нормаларын білуі тиіс.
Біліктілікке қойылатын талаптар.
І санатты агроном: (Агрономия, жеміс-көкөніс шаруашылығы) мамандығы бойынша жоғары (немесе жоғарыдан кейінгі) білім және IІ санатты агроном лауазымындағы еңбек өтілі 3 жылдан кем емес.
ІІ санатты агроном: (Агрономия, жеміс-көкөніс шаруашылығы) мамандығы бойынша жоғары (немесе жоғарыдан кейінгі) білім және санаты жоқ агроном лауазымындағы еңбек өтілі 3 жылдан кем емес немесе (агрономия) мамандығы бойынша техникалық және кәсіптік (орта арнайы, орта кәсіптік) білім және санаты жоқ агроном лауазымындағы еңбек өтілі 5 жылдан кем емес.
Санаты жоқ агроном: Еңбек өтіліне талап қоймастан (агрономия, жеміс-көкөніс шаруашылығы) мамандығы бойынша жоғары (немесе жоғарыдан кейінгі) немесе техникалық және кәсіптік (орта арнайы, орта кәсіптік) білім.
22. Өсімдіктерді қорғау жөніндегі агроном
Лауазымдық міндеттері. Ауыл шаруашылығы дақылдарының зиянкестерімен, ауруларымен және арамшөптермен күрес бойынша жұмыстарды ұйымдастырады. Шаруашылықтың аумағындағы ауыл шаруашылығы алқаптарына жүйелі тексерулер жүргізеді, олардың зиянкестермен және аураларымен қоныстану (залалдану) алаңын, дәрежесін және олармен күрестің нақты әдістерін айқындайды. Танаптардың ластану картасын жасайды. Ауыл шаруашылығы өсімдіктерін зиянкестерден, аурулардан және арамшөптерден агротехникалық, химиялық, биологиялық және басқа да заттармен қорғау бойынша профилактикалық тұтынушылық іс-шаралар кешенін жүргізуді қамтамасыз етеді. Ауыл шаруашылығы дақылдарының зиянкестерімен, ауруларымен және арамшөптермен күрес бойынша іс-шаралар жоспарларын және кестелерін әзірлейді және олардың орындалуын қамтамасыз етеді. Ауыспалы егіс схемаларын жасауға, ауыл шаруашылығы дақылдарын өсірудің қарқынды технологиясын, өсімдіктерді қорғау бойынша алдыңғы қатарлы технологияларды енгізуге қатысады. Пестицидтермен жұмыс істеу үшін химиялық және материалдық-техникалық құралдарға, арнайы киімге, жеке қорғаныс құралдарына деген қажеттілікті айқындайды. Пестицидтердің әкелінуін, дұрыс сақталуын және есепке алынуын ұйымдастырады, олардың ұтымды пайдаланылуын қамтамасыз етеді. Қырмандарды, қоймаларды және сақтау орындарын химиялық өңдеуді, тұқымдық материалды егу алдында химикатпен өңдеуді ұйымдастырады. Химиялық препараттар мен ерітінділерді қолдану дозасын қатаң бақылауды жүргізеді. Пестицидтермен жұмыс істеу кезінде жұмысшыларды санитариялық қағидаларға оқыту бойынша жұмыстар жүргізеді. Жұмысшылардың қоршаған ортаны қорғау жөніндегі заңнаманы, еңбекті қорғау және өрт қауіпсіздігі нормалары мен қағидаларын сақтауын қамтамасыз етеді.
Мыналарды: Қазақстан Республикасының Конституциясын, "Сыбайлас жемқорлыққа қарсы күрес туралы", "Қазақстан Республикасындағы Тілдер туралы", "Өсімдіктерді қорғау туралы", "Өсімдіктер карантині туралы" Қазақстан Республикасының заңдарын, сондай-ақ Қазақстан Республикасының өзге де заңнамалық және заңға тәуелді нормативтік құқықтық актілерін, ауыл шаруашылығы өсімдіктерін қорғау жөніндегі жұмыстарды ұйымдастыруға қатысты басшылық, нормативтік, нұсқаулық және әдістемелік материалдарды, агротехниканы, энтомологияны, фитопатологияны, ауыл шаруашылығы дақылдарының зиянкестерімен, ауруларымен және арамшөптермен күрестің әдістері мен құралдарын, ауыл шаруашылығы дақылдары мен тұқымдарын пестицидтермен өңдеу технологиясын, өсімдіктерді қорғау саласындағы ғылым жетістіктері мен озық тәжірибені, экономика, еңбек және басқару негіздерін, еңбек және жер заңнамаларын, қоршаған ортаны қорғау жөніндегі заңнаманы, еңбекті қорғау және өрт қауіпсіздігі қағидалары мен нормаларын білуі тиіс.
Біліктілікке қойылатын талаптар.
Өсімдіктерді қорғау жөніндегі І санатты агроном: (Агрономия, жеміс-көкөніс шаруашылығы, өсімдіктерді қорғау және карантин) мамандығы бойынша жоғары (немесе жоғарыдан кейінгі) білім және өсімдіктерді қорғау жөніндегі ІІ санатты агроном лауазымындағы еңбек өтілі 3 жылдан кем емес.
Өсімдіктерді қорғау жөніндегі ІІ санатты агроном: (Агрономия, жеміс-көкөніс шаруашылығы, өсімдіктерді қорғау және карантин) мамандығы бойынша жоғары (немесе жоғарыдан кейінгі) білім және өсімдіктерді қорғау жөніндегі санаты жоқ агроном лауазымындағы еңбек өтілі 3 жылдан кем емес немесе (агрономия) мамандығы бойынша техникалық және кәсіптік (орта арнайы, орта кәсіптік) білім және санаты жоқ агроном лауазымындағы еңбек өтілі 5 жылдан кем емес.
Өсімдіктерді қорғау жөніндегі санаты жоқ агроном: Еңбек өтіліне талап қоймастан (агрономия, жеміс-көкөніс шаруашылығы, өсімдіктерді қорғау және карантин) мамандығы бойынша жоғары (немесе жоғарыдан кейінгі) білім немесе (агрономия) мамандығы бойынша техникалық және кәсіптік (орта арнайы, орта кәсіптік) білім.
23. Тұқым шаруашылығы жөніндегі агроном
Лауазымдық міндеттері. Жоғары сапалы тұқым сорттарын және отырғызу материалын өсіру бойынша, сондай-ақ, шаруашылық үшін қажетті мөлшерде тұқым қорын құру, республикалық қорға сорттық және гибридтік тұқымдар жеткізудің шарттық міндеттемелерін орындау бойынша жұмыстарды ұйымдастырады. Тұқым шаруашылығы бойынша жоспарлы құжаттама жасайды. Тұқымдық учаскелер отырғызудың барынша оңтайлы мерзімдерін, жоғары сапалы тұқым алу мақсатында оларды күтіп-баптау бойынша агрономиялық іс-шаралар жүргізуді қамтамасыз етеді. Сорттық егістіктерді сынақтан өткізуді жүргізеді. Тұқым шаруашылығы егістіктерін уақтылы жинауды, тұқымды себуді, тұқымды жинаудан кейінгі өңдеуді, оларды жоғары егістік кемеліне дейін жеткізуді ұйымдастырады. Тұқымның дұрыс сақталуын және тұқымдық мақсаттарға пайдаланылуын ұйымдастырады. Жаңа сорттарды өндірістік сынауды ұйымдастырады. Сорт ауыстыру және сорт жаңарту бойынша жұмыстар жүргізеді, жаңа өнімділігі жоғары сорттар мен гибридтерді өндіріске жеделдете енгізуді қамтамасыз етеді. Қажетті сорттар мен гибридтердің тұқымын және отырғызу материалын сатып алуға өтінімдер жасайды, шарттар ресімдейді, оларды уақтылы алуды қамтамасыз етеді. Тұқым сапасын жақсарту, тапшы және перспективалы сорттар тұқымдарының өндірісін ұлғайту, дәнді дақылдар тұқым шаруашылығын өндірістік негізге көшіру бойынша іс-шаралар әзірлейді. Тұқым шаруашылығы бойынша есепті және белгіленген есептілікті жүргізеді. Тұқым зертханасына талдауға тұқым үлгілерін уақтылы жібереді. Қоршаған ортаны қорғау жөніндегі заңнаманың, еңбекті қорғау және өрт қауіпсіздігі нормалары мен қағидаларының сақталуын қамтамасыз етеді.
Мыналарды: Қазақстан Республикасының Конституциясын, "Сыбайлас жемқорлыққа қарсы күрес туралы", "Қазақстан Республикасындағы Тілдер туралы", "Тұқым шаруашылығы туралы" Қазақстан Республикасының заңдарын, сондай-ақ Қазақстан Республикасының өзге де заңнамалық және заңға тәуелді нормативтік құқықтық актілерін, тұқым шаруашылығы жөніндегі жұмыстарды ұйымдастыруға қатысты басшылық, нормативтік, нұсқаулық және әдістемелік материалдарды, агротехниканы, тұқымдарды байқаудан өткізу және егістік сапаларын бағалау әдістерін, тұқым сапасын жақсарту тәсілдері мен әдістерін, тұқым өндіру және өңдеу технологиясын, тұқым шаруашылығы саласындағы ғылым жетістіктері мен озық тәжірибені, экономика, еңбекті ұйымдастыру және басқару негіздерін, жер және еңбек заңнамасы негіздерін, қоршаған ортаны қорғау жөніндегі заңнама негіздерін, еңбекті қорғау және өрт қауіпсіздігі қағидалары мен нормаларын білуі тиіс.
Біліктілікке қойылатын талаптар.
Тұқым шаруашылығы жөніндегі І санатты агроном: (Агрономия, жеміс-көкөніс шаруашылығы) мамандығы бойынша жоғары (немесе жоғарыдан кейінгі) білім және тұқым шаруашылығы жөніндегі ІІ санатты агроном лауазымындағы еңбек өтілі 3 жылдан кем емес.
Тұқым шаруашылығы жөніндегі ІІ санатты агроном: (Агрономия, жеміс-көкөніс шаруашылығы) мамандығы бойынша жоғары (немесе жоғарыдан кейінгі) білім және тұқым шаруашылығы жөніндегі санаты жоқ агроном лауазымындағы еңбек өтілі 3 жылдан кем емес немесе (агрономия) мамандығы бойынша техникалық және кәсіптік (орта арнайы, орта кәсіптік) білім және санаты жоқ тұқым шаруашылығы жөніндегі агроном лауазымындағы еңбек өтілі 5 жылдан кем емес.
Тұқым шаруашылығы жөніндегі санаты жоқ агроном: Еңбек өтіліне талап қоймастан (агрономия, жеміс-көкөніс шаруашылығы) мамандығы бойынша жоғары (немесе жоғарыдан кейінгі) білім немесе (агрономия) мамандығы бойынша техникалық және кәсіптік (орта арнайы, орта кәсіптік) білім.
24. Агрохимик
Лауазымдық міндеттері. Топырақ құнарлылығын арттыруға және ауыл шаруашылығы дақылдарының өнімділігін ұлғайтуға бағытталған агрохимиялық іс-шараларды әзірлейді және енгізеді. Өсірілетін өсімдіктің биологиялық ерекшеліктерін, шаруашылықтың топырақтық-климаттық жағдайларын, органикалық және минералдық тыңайтқыштарды пайдаланудың тиімділігін, химиялық қорғаныс заттарын, оларды қолдану тәсілдерін жүйелі түрде зерделейді және тыңайтқыштар мен басқа да химиялық заттардың қандай учаскелерде, қандай мерзімдерде және қандай мөлшерде қолданылу қажеттігін айқындайды. Ауыспалы егістер, тыңайтқыштар мен химиялық заттарға деген қажеттілік және оларды пайдалану жоспарларын жасауға қатысады. Агрохимиялық картограммалар жасауды ұйымдастырады, жыл сайын жұмыс кезеңінде оларды жекелеген ауыл шаруашылығы алқаптары бойынша топырақ үлгілерін талдау негізінде түзетуді жүргізеді. Жекелеген шаруашылық бөлімшелерінде өнім өндірісі жоспарын әзірлеуге қатысады. Тыңайтқышты дайындауды және сақтауды, сондай-ақ, белгіленген нормаларға сәйкес топыраққа енгізуді ұйымдастырады. Тыңайтқыштар енгізу кезінде механикаландыруды және осындай жұмыстарды ұйымдастырудың озық тәжірибесін енгізуге қатысады. Топырақтың, жемшөптің, өсімдік шаруашылығы өнімдерінің, минералдық, органикалық тыңайтқыштардың және басқа материалдың сынамаларын дайындауды жүзеге асырады. Агрохимиялық зертхана қызметкерлерінің физикалық-химиялық зерттеулер, экспресс-талдаулар жүргізуін ұйымдастырады, химиялық талдаудың жаңа әдістерін байқаудан өткізуді, зертханалық қондырғыларды, аспаптарды және жабдықтарды жұмысқа дайындауды жүргізеді. Талдаулар деректерін есептеуді және математикалық-статистикалық өңдеуді орындайды. Тыңайтқыштармен және өсімдіктерді қорғаудың химиялық заттарымен тәжірибелік жұмыс жүргізеді, өсімдік шаруашылығы өніміне зиянды заттардың рұқсат етілгеннен жоғары деңгейде қосылғаны, өндірілген өнімнің сапасы үшін жауапты болады. Қоршаған ортаны қорғау жөніндегі заңнаманың, еңбекті қорғау және өрт қауіпсіздігі нормалары мен қағидаларының сақталуын қамтамасыз етеді.
Мыналарды: Қазақстан Республикасының Конституциясын, "Сыбайлас жемқорлыққа қарсы күрес туралы", "Қазақстан Республикасындағы Тілдер туралы" Қазақстан Республикасының заңдарын, сондай-ақ Қазақстан Республикасының өзге де заңнамалық және заңға тәуелді нормативтік құқықтық актілерін, агрохимия саласындағы басшылық, нормативтік, нұсқаулық және әдістемелік материалдарды; топырақтануды, агрохимияны, топырақты зертханалық зерттеу технологиясын, өсімдік сынамаларын, тыңайтқыштарды, химиялық материалдарды, ауыл шаруашылығында тыңайтқыштарды, улы химикаттарды, гербицидтерді қолдану саласындағы ғылым жетістіктерін және озық тәжірибені, экономика, еңбекті ұйымдастыру және басқару негіздерін, жер және еңбек заңнамасы негіздерін, қоршаған ортаны қорғау жөніндегі заңнама негіздерін, еңбекті қорғау және өрт қауіпсіздігі қағидалары мен нормаларын білуі тиіс.
Біліктілікке қойылатын талаптар.
І санатты агрохимик: (Агрономия, жеміс-көкөніс шаруашылығы, топырақтану және агрохимия) мамандығы бойынша жоғары (немесе жоғарыдан кейінгі) білім және ІІ санатты агрохимик немесе агроном лауазымындағы еңбек өтілі 3 жылдан кем емес.
ІІ санатты агрохимик: (Агрономия, жеміс-көкөніс шаруашылығы, топырақтану және агрохимия) мамандығы бойынша жоғары (немесе жоғарыдан кейінгі) білім және санаты жоқ агрохимик немесе агроном лауазымындағы еңбек өтілі 1 жылдан кем емес немесе (агрономия) мамандығы бойынша техникалық және кәсіптік (орта арнайы, орта кәсіптік) білім және санаты жоқ агрохимик немесе агроном лауазымындағы еңбек өтілі 3 жылдан кем емес.
Санаты жоқ агрохимик: Еңбек өтіліне талап қоймастан (агрономия, жеміс-көкөніс шаруашылығы, топырақтану және агрохимия) мамандығы бойынша жоғары (немесе жоғарыдан кейінгі) білім немесе (агрономия) мамандығы бойынша техникалық және кәсіптік (орта арнайы, орта кәсіптік) білім.
25. Бактериолог
Лауазымдық міндеттері. Карантиндік-фитосанитариялық және ветеринариялық-санитариялық сараптама жүргізеді. Өлген малдарды байқап қарауды және союды жүргізеді. Жануарлар ауруларының қоздырғыштарын анықтауды және типке жатқызуды жүзеге асырады. Жануарлардың аса қауіпті ауруларының жасырын нысандарын анықтайды. Зерттеуге келіп түскен материалды қабылдайды, зерттеу аяқталғанға дейін оның сақталуын қамтамасыз етеді. Карантинге жатқызылған өнімнің халықаралық және отандық стандарттар талаптарына сәйкестігіне сынаулар, карантиндік талдау және карантиндік сараптама жүргізеді. Зерттеу және санитарлық өңдеу жүргізуге жұмсалған материалдар шығысы бойынша құжаттаманы, сондай-ақ, зерттеулер нәтижелерін ресімдейді, олар бойынша сараптама актісін береді. Бокстың зарарсыздандыруды, жұмыс орнын өңдеуді, құрал-сайманды стерилдеуді жүргізеді, реактив ерітінділерді, қоректік ортаны дайындайды. Жүргізілген талдаулардың нәтижелерін ресімдейді және есептейді, биологиялық материал қалдықтарының жойылуын қамтамасыз етеді. Өз құзыреті шегінде ұйым жұмысшыларына әдістемелік және практикалық көмек көрсетеді. Бактериология саласында экспериментальдық зерттеулер жүргізеді. Жаңа жұмыс әдістерін әзірлеуге қатысады. Жүргізілген зертханалық-диагностикалық зерттеулерді талдауды және есебін жүргізуді жүзеге асырады. Коллекциялық материалдың есебін жүргізеді, оның сақталуын қамтамасыз етеді. Белгіленген есептілікті жүргізеді.
Мыналарды: Қазақстан Республикасының Конституциясын, "Сыбайлас жемқорлыққа қарсы күрес туралы", "Қазақстан Республикасындағы Тілдер туралы", "Өсімдіктерді қорғау туралы", "Өсімдіктер карантині туралы", "Ветеринария туралы" Қазақстан Республикасының заңдарын, сондай-ақ Қазақстан Республикасының өзге де заңнамалық және заңға тәуелді нормативтік құқықтық актілерін, агроөнеркәсіптік кешен мәселелері жөніндегі нормативтік және әдістемелік құжаттарды, зертханалық жабдықты пайдалану қағидаларын, ветеринариялық микробиологияны, бактериологияны және фитопатологияны, өсімдіктер аурулары зияндылығының экономикалық шегін, жануарлар мен өсімдіктердің бактериалды аурулары қоздырғыштарын бірдейлендіру әдістерін, жануарлар ауруларымен күрес жөніндегі әдістемелерді және нұсқаулықтарды, ветеринариялық препараттарды қолдану жөніндегі нұсқауларды, жануарлардан алынатын өнімді және шикізатты сараптаудың ветеринариялық-санитариялық қағидаларын, материалдарды зертханалық зерттеудің әдістемелерін, жануарлардан алынатын өнімді өндіру және қайта өңдеу технологиясын, еңбек заңнамасының негіздерін, ішкі еңбек тәртібі қағидаларын, еңбекті қорғау және өрт қауіпсіздігі жөніндегі қағидаларды білуі тиіс.
Біліктілікке қойылатын талаптар.
І санатты бактериолог: (Биология, биотехнология, ветеринарлық медицина, ветеринарлық санитария) мамандығы бойынша жоғары (немесе жоғарыдан кейінгі) білім және ІІ санатты бактериолог лауазымындағы еңбек өтілі 2 жылдан кем емес.
ІІ санатты бактериолог: (Биология, биотехнология, ветеринарлық медицина, ветеринарлық санитария) мамандығы бойынша жоғары (немесе жоғарыдан кейінгі) білім және санаты жоқ бактериолог лауазымындағы еңбек өтілі 2 жылдан кем емес.
Санаты жоқ бактериолог: Еңбек өтіліне талап қоймастан (биология, биотехнология, ветеринарлық медицина, ветеринарлық санитария) мамандығы бойынша жоғары (немесе жоғарыдан кейінгі) білім.
26. Ветеринар дәрігер
Лауазымдық міндеттері. Шаруашылықтың жануарлардың ауруы мен өлуінің алдын алу жөніндегі ветеринариялық-профилактикалық іс-шаралар жоспарын жасайды. Ауырған мал мен құсты емдеуді жүргізеді, жануарларды ұстау, азықтандыру және оларды күтіп-бағу кезінде зоогигиеналық және ветеринариялық қағидалардың орындалуын қадағалайды. Мал шаруашылығы фермаларында, мал базаларында, малдан алынатын өнімдер мен шикізатты өңдеу және сақтауға арналған аумақтарда және үй-жайларда дезинфекция, дезинсекция, дератизация және дезактивация жүргізуді ұйымдастырады. Ауыл шаруашылығы жануарларын қолдан ұрықтандыру бойынша іс-шараларды ұйымдастырады. Бекітілген жаңа ветеринария құралдарын, ветеринария саласындағы ғылым жетістіктері мен озық тәжірибені енгізеді. Ұйымда Қазақстан Республикасының және Кеден одағының ветеринария саласындағы заңнамалары, ветеринариялық-санитариялық қағидалары және халықты адам мен жануарларға ортақ аурулардан қорғау жөніндегі қағидалары талаптарының орындалуын қамтамасыз етеді. Ветеринария бойынша есептің жүргізілуін және белгіленген есептіліктің дайындалуын қамтамасыз етеді. Табынның өсімін молайту кезінде ветеринариялық-санитариялық қағидалардың орындалуын қадағалайды. Аналық бастың қысырлығын болдырмау және жою, сау төл өсіру бойынша ветеринариялық іс-шараларды жүзеге асырады. Қоршаған ортаны қорғау жөніндегі заңнаманың, еңбекті қорғау және өрт қауіпсіздігі нормалары мен қағидаларының сақталуын қамтамасыз етеді.
Мыналарды: Қазақстан Республикасының Конституциясын, "Сыбайлас жемқорлыққа қарсы күрес туралы", "Қазақстан Республикасындағы Тілдер туралы", "Ветеринария туралы" Қазақстан Республикасының заңдарын, сондай-ақ Қазақстан Республикасының өзге де заңнамалық және заңға тәуелді нормативтік құқықтық актілерін, ветеринария саласындағы басшылық, нормативтік, нұсқаулық және әдістемелік материалдарды, микробиологияны, эпизоотологияны, дәрілік және дезинфекциялық заттарды, оларды қолдану қағидаларын, мал шаруашылығы өнімдерін өндіру технологиясын, оның сапасына қойылатын талаптарды, жануарларды ұстаудың зоогигиеналық және ветеринариялық қағидаларын, жануарлардан алынатын өнімді және шикізатты ветеринариялық-санитариялық сараптау қағидаларын, қолдан ұрықтандыруды жүргізу технологиясын, ветеринария және ветеринариялық сараптама саласындағы ғылым жетістіктері мен озық тәжірибені, еңбек заңнамасы негіздерін, қоршаған ортаны қорғау жөніндегі заңнама негіздерін, еңбекті қорғау және өрт қауіпсіздігі қағидалары мен нормаларын білуі тиіс.
Біліктілікке қойылатын талаптар.
І санатты ветеринар дәрігер: (Ветеринарлық медицина) мамандығы бойынша жоғары (немесе жоғарыдан кейінгі) білім және ІІ санатты ветеринар дәрігер лауазымындағы еңбек өтілі 3 жылдан кем емес.
ІІ санатты ветеринар дәрігер: (Ветеринарлық медицина) мамандығы бойынша жоғары (немесе жоғарыдан кейінгі) білім және санаты жоқ ветеринар дәрігер лауазымындағы еңбек өтілі 3 жылдан кем емес.
Санаты жоқ ветеринар дәрігер: Еңбек өтіліне талап қоймастан (ветеринарлық медицина) мамандығы бойынша жоғары (немесе жоғарыдан кейінгі) білім.
27. Зертхананың ветеринар дәрігері
Лауазымдық міндеттері. Ауруларды диагностикалаудың алдыңғы қатарлы тәсілдері мен әдістерін пайдалана отырып, жануарлар мен адамдар ауруларының алдын алуға бағытталған зертханалық зерттеулер жүргізеді. Шаруашылықтардан, ұйымдардан, ветеринариялық мекемелерден және басқа заңды және жеке тұлғалардан түскен объектілерде патология-анатомиялық, микроскопиялық, бактериологиялық, биологиялық, серологиялық, гистологиялық, химиялық-токсикологиялық, биохимиялық, санитариялық-микологиялық, ихтиопатологиялық, капрологиялық, радиологиялық, ветеринариялық-санитариялық және басқа да зертханалық зерттеулер жүргізеді. Зерттеулердің дұрыстығына, толықтығы мен уақыттылығына жауап береді. Зерттеулер нәтижелері бойынша тиісті құжаттаманы ресімдейді. Жануарлардың жұқпалы аурулары қоздырғыштарының анықталғаны туралы мәліметтер береді. Зертханашыларды даярлауды жүргізеді. Қоршаған ортаны қорғау жөніндегі заңнаманың, еңбекті қорғау және өрт қауіпсіздігі нормалары мен қағидаларының сақталуын қамтамасыз етеді.
Мыналарды: Қазақстан Республикасының Конституциясын, "Сыбайлас жемқорлыққа қарсы күрес туралы", "Қазақстан Республикасындағы Тілдер туралы", "Ветеринария туралы" Қазақстан Республикасының заңдарын, сондай-ақ Қазақстан Республикасының өзге де заңнамалық және заңға тәуелді нормативтік құқықтық актілерін, ветеринария мәселелері бойынша басшылық, нормативтік, нұсқаулық және әдістемелік материалдарды, зертханалық зерттеулер жүргізу әдістерін, қызмет көрсетілетін аймақта жануарлардың ауруы бойынша ахуалды, зертханалық диагностика саласындағы ғылым жетістіктері мен озық тәжірибені, еңбек заңнамасы негіздерін, қоршаған ортаны қорғау жөніндегі заңнама негіздерін, еңбекті қорғау және өрт қауіпсіздігі қағидалары мен нормаларын білуі тиіс.
Біліктілікке қойылатын талаптар.
І санатты зертхананың ветеринар дәрігері: (Ветеринарлық медицина, ветеринарлық санитария) мамандығы бойынша жоғары (немесе жоғарыдан кейінгі) білім және ІІ санатты зертхананың ветеринар дәрігері лауазымындағы еңбек өтілі 2 жылдан кем емес.
ІІ санатты зертхананың ветеринар дәрігері: (Ветеринарлық медицина, ветеринарлық санитария) мамандығы бойынша жоғары (немесе жоғарыдан кейінгі) білім және санаты жоқ зертхананың ветеринар дәрігері лауазымындағы еңбек өтілі 2 жылдан кем емес.
Санаты жоқ зертхананың ветеринар дәрігері: Еңбек өтіліне талап қоймастан (ветеринарлық медицина, ветеринарлық санитария) мамандығы бойынша жоғары (немесе жоғарыдан кейінгі) білім.
28. Ветеринариялық фельдшер
Лауазымдық міндеттері. Жануарлар аурулары мен өлімінің алдын алу бойынша профилактикалық, ветеринариялық-санитариялық іс-шараларды, сондай-ақ, ауырған мал мен құсты емдеуді жүргізеді. Жемшөптің, жайылымдардың, жануарларды суару орындарының, үй-жайдың, жабдықтың және құрал-сайманның санитариялық жай-күйін қадағалайды, мал шаруашылығы үй-жайларына санитариялық өңдеу жүргізуді қамтамасыз етеді. Ветеринар дәрігердің басшылығымен мал өлекселерін патология-анатомиялық ашуды жүргізеді. Көңді биотермиялық залалсыздандыру, сондай-ақ, мал мен құсты тасымалдаудан кейін автомобилдерді және ыдысты жуу мен дезинфекциялау регламенттерінің сақталуын қамтамасыз етеді. Дәрі-дәрмектердің, дезинфекциялық заттардың және басқа материалдардың түсу және жұмсалу есебін жүргізеді, олардың сақталуын қамтамасыз етеді. Ветеринар дәрігердің нұсқауы бойынша ветеринария бойынша есепті жүргізеді және белгіленген есептілікті дайындайды. Қоршаған ортаны қорғау жөніндегі заңнаманың, еңбекті қорғау және өрт қауіпсіздігі нормалары мен қағидаларының сақталуын қамтамасыз етеді.
Мыналарды: Қазақстан Республикасының Конституциясын, "Сыбайлас жемқорлыққа қарсы күрес туралы", "Қазақстан Республикасындағы Тілдер туралы", "Ветеринария туралы" Қазақстан Республикасының заңдарын, сондай-ақ Қазақстан Республикасының өзге де заңнамалық және заңға тәуелді нормативтік құқықтық актілерін, ветеринария мәселелері бойынша басшылық, нормативтік, нұсқаулық және әдістемелік материалдарды, жануарларды ұстаудың зоогигиеналық және ветеринариялық қағидаларын, дәрілік және дезинфекциялық заттарды, оларды қолдану қағидаларын, дезинфекция, дезинсекция және дератизация жүргізу тәртібін, ветеринариялық құжаттарды рәсімдеу тәртібін, қоршаған ортаны қорғау жөніндегі заңнама негіздерін, еңбекті қорғау және өрт қауіпсіздігі қағидалары мен нормаларын білуі тиіс.
Біліктілікке қойылатын талаптар.
І санатты ветеринариялық фельдшер: (Ветеринария) мамандығы бойынша техникалық және кәсіптік (арнайы орта, орта кәсіптік) білім және ІІ санатты ветеринариялық фельдшер лауазымындағы еңбек өтілі
2 жылдан кем емес.
ІІ санатты ветеринариялық фельдшер: (Ветеринария) мамандығы бойынша техникалық және кәсіптік (арнайы орта, орта кәсіптік) білім және санаты жоқ ветеринариялық фельдшер лауазымындағы еңбек өтілі
2 жылдан кем емес.
Санаты жоқ ветеринариялық фельдшер: Еңбек өтіліне талап қоймастан (ветеринария) мамандығы бойынша техникалық және кәсіптік (арнайы орта, орта кәсіптік) білім.
29. Вирусолог
Лауазымдық міндеттері. Карантиндік-фитосанитариялық және ветеринариялық-санитариялық сараптама жүргізеді. Жануарлар ауруларының қоздырғыштарын анықтауды және типке жатқызуды жүзеге асырады. Жануарлар аса қауіпті ауруларының жасырын нысандарын анықтайды. Карантинге жатқызылған өнімнің белгіленген стандарттарға сәйкестігіне сынаулар, карантиндік талдау және карантиндік сараптама жүргізеді. Жұмыс процесінде халықаралық және отандық стандарттарды қолданады. Зерттеуге келіп түскен материалды қабылдайды, зерттеу аяқталғанға дейін оның сақталуын қамтамасыз етеді. Зерттеу және санитарлық өңдеу жүргізуге жұмсалған материалдар шығысы бойынша құжаттама ресімдейді. Бокстың зарарсыздандырылуын, жұмыс орнының өңделуін, құрал-саймандардың стерилдендірілуін жүргізеді, реактивтер ерітінділерін, қоректік ортаны дайындайды. Жүргізілген талдаулар нәтижелерін ресімдейді және есептейді, биологиялық материал қалдықтарының жойылуын қамтамасыз етеді. Өз құзыреті шегінде зертхана жұмысшыларына әдістемелік және практикалық көмек көрсетеді. Жабдықтар мен аспаптардың бекітілген жаңа түрлерін сынауға, жануарлар мен өсімдіктердің вирустық ауруларын диагностикалаудың қазіргі заманғы әдістерін әзірлеуге қатысады. Жүргізілген зертханалық-диагностикалық зерттеулерді талдауды және есебін жүргізуді жүзеге асырады. Картотека жүргізеді және коллекциялық материалдың сақталуын жүзеге асырады. Қоректік ортаның және диагностикалық препараттардың дұрыс сақталуын және жарамдылық мерзімін қадағалайды.
Мыналарды: Қазақстан Республикасының Конституциясын, "Сыбайлас жемқорлыққа қарсы күрес туралы", "Қазақстан Республикасындағы Тілдер туралы", "Өсімдіктерді қорғау туралы", "Өсімдіктер карантині туралы", "Ветеринария туралы" Қазақстан Республикасының заңдарын, сондай-ақ Қазақстан Республикасының өзге де заңнамалық және заңға тәуелді нормативтік құқықтық актілерін, зертханалық жабдықтар мен аспаптардың жұмыс қағидатын және пайдалану қағидаларын, вирусология мен фитопатологияны, өсімдіктер аурулары зияндылығының экономикалық шегін, жануарлар мен өсімдіктердің вирустық аурулары қоздырғыштарын бірдейлендіру әдістерін, карантинге жатқызылған өнім үлгілерін іріктеу әдістемелерін, жануарлар ауруларымен күрес жөніндегі әдістемелерді және нұсқаулықтарды, ветеринариялық препараттарды қолдану жөніндегі нұсқауларды, жануарлардан алынатын өнімді және шикізатты сараптаудың ветеринариялық-санитариялық қағидаларын, жануарлардан алынатын өнімді өндіру және қайта өңдеу технологиясын, материалдарды зертханалық зерттеу әдістемелерін, еңбек заңнамасының негіздерін, ішкі еңбек тәртібі қағидаларын, еңбекті қорғау және өрт қауіпсіздігі жөніндегі қағидаларды білуі тиіс.
Біліктілікке қойылатын талаптар.
І санатты вирусолог: (Биология, биотехнология, ветеринарлық медицина, ветеринарлық санитария) мамандығы бойынша жоғары (немесе жоғарыдан кейінгі) білім және ІІ санатты вирусолог лауазымындағы еңбек өтілі 2 жылдан кем емес.
ІІ санатты вирусолог: (Биология, биотехнология, ветеринарлық медицина, ветеринарлық санитария) мамандығы бойынша жоғары (немесе жоғарыдан кейінгі) білім және санаты жоқ вирусолог лауазымындағы еңбек өтілі 2 жылдан кем емес.
Санаты жоқ вирусолог: Еңбек өтіліне талап қоймастан (биология, биотехнология, ветеринарлық медицина, ветеринарлық санитария) мамандығы бойынша жоғары (немесе жоғарыдан кейінгі) білім.
30. Герболог
Лауазымдық міндеттері. Карантинге жатқызылған өнімдерге зертханалық зерттеу, ауыл шаруашылығы дақылдарының ластануына фитосанитариялық мониторинг және бағалау жүргізеді. Зерттеуге келіп түскен материалды қабылдайды, зерттеу аяқталғанға дейін оның сақталуын қамтамасыз етеді. Карантинге жатқызылған өнімнің белгіленген стандарттарға сәйкестігіне сынаулар, карантиндік талдау және карантиндік сараптама жүргізеді. Ауыл шаруашылығы дақылдарының ластануына фитосанитариялық мониторингті және бағалауды және ауыл шаруашылығы ұйымдарына фитосанитариялық жай-күй туралы ақпарат ұсынуды жүзеге асырады, ауыл шаруашылығы дақылдарының карантиндік арамшөптерімен күрестің басталу, аяқталу мерзімдері және олардың болжамдары туралы хабардар етеді. Талдаулар нәтижелерін ресімдейді және есептейді. Зерттеулер жүргізуге жұмсалған материалдар шығысы бойынша құжаттама ресімдейді. Зертханалық жабдықты жұмысқа дайындайды. Биологиялық материал қалдықтарының зарарсыздандырылуын және жойылуын қамтамасыз етеді. Облыстың және ауданның қызмет көрсетілетін аумағында ауыл шаруашылығы дақылдары карантиндік арамшөптерінің есебін және анықталуын жүргізеді. Коллекциялық материалдың есебін жүргізеді, оның сақталуын қамтамасыз етеді. Республикада, облыста, жекелеген ауданда арамшөптердің таралу және даму болжамдарын және үлгілерін жасауға қатысады. Зерттеудің жаңа тесттері мен әдістерін бағалауды жүргізеді. Жүргізілген зертханалық-диагностикалық зерттеулерді талдауды және есепке алуды жүргізеді. Белгіленген тәртіпте есептер ұсынады.
Мыналарды: Қазақстан Республикасының Конституциясын, "Сыбайлас жемқорлыққа қарсы күрес туралы", "Қазақстан Республикасындағы Тілдер туралы", "Өсімдіктерді қорғау туралы", "Өсімдіктер карантині туралы" Қазақстан Республикасының заңдарын, сондай-ақ Қазақстан Республикасының өзге де заңнамалық және заңға тәуелді нормативтік құқықтық актілерін, өсімдіктерден алынатын өнімге карантиндік арамшөптермен ластану мәніне сараптама жүргізу әдістерін, карантиндік арамшөптерді бірдейлендіру әдістерін, ауыл шаруашылығы алқаптарына арамшөптермен ластану мәніне қатысты зерттеу жүргізу әдістемесін, карантинге жатқызылған өнім үлгілерін іріктеу әдістемелерін, аспаптар мен жабдықтарды пайдалану жөніндегі нұсқаулықтарды, қоршаған ортаны қорғау жөніндегі заңнама негіздерін, еңбек заңнамасы негіздерін, ішкі еңбек тәртібі қағидаларын, еңбекті қорғау және өрт қауіпсіздігі жөніндегі қағидаларды білуі тиіс.
Біліктілікке қойылатын талаптар.
І санатты герболог: (Агрономия, жеміс-көкөніс шаруашылығы, өсімдіктерді қорғау және карантин, биология) мамандығы бойынша жоғары (немесе жоғарыдан кейінгі) білім және ІІ санатты герболог лауазымындағы еңбек өтілі 2 жылдан кем емес.
ІІ санатты герболог: (Агрономия, жеміс-көкөніс шаруашылығы, өсімдіктерді қорғау және карантин, биология) бойынша жоғары (немесе жоғарыдан кейінгі) білім және санаты жоқ герболог лауазымындағы еңбек өтілі 2 жылдан кем емес.
Санаты жоқ герболог: Еңбек өтіліне талап қоймастан (Агрономия, жеміс-көкөніс шаруашылығы, өсімдіктерді қорғау және карантин, биология) бойынша жоғары (немесе жоғарыдан кейінгі) білім.
31. Гельминтолог
Лауазымдық міндеттері. Карантинге жатқызылған өнімдерге зертханалық зерттеу, өсімдіктер ауруларымен, өсімдіктердің нематодтарымен (фитогельминттермен) залалданғанын анықтау үшін ауыл шаруашылығы дақылдарына тексеру жүргізеді. Зерттеуге келіп түскен материалды қабылдайды, зерттеу аяқталғанға дейін оның сақталуын қамтамасыз етеді. Карантинге жатқызылған өнімнің белгіленген стандарттарға сәйкестігіне сынаулар, карантиндік талдау және карантиндік сараптама жүргізеді.Зертханалық жабдықты жұмысқа дайындайды. Талдаулар нәтижелерін ресімдейді және есептейді. Биологиялық материал қалдықтарының зарарсыздандырылуын және жойылуын қамтамасыз етеді. Өсімдіктер ауруларының таралуы туралы материалдарды жинайды, олардың зияндылығын анықтайды және олармен күрестің тиімді шараларын әзірлеуді ұйымдастырады.Кәсіпорындарға, шаруашылықтарға аурулармен және паразиттік нематодтармен күрес бойынша іс-шараларды жүргізуге әдістемелік және практикалық көмек көрсетеді. Өсімдіктер аурулары мен фитогельминттерді анықтау, олардың зияндылығын айқындау және олармен күрес бойынша іс-шаралар жүргізу жөніндегі ғылым жетістіктерін және озық тәжірибені зерделейді. Зерттеудің жаңа тесттері мен әдістерін бағалауды жүргізеді. Жүргізілген зертханалық-диагностикалық зерттеулерді талдауды және есепке алуды жүргізеді. Белгіленген тәртіпте есептер ұсынады. Нематодтармен күрестің прогрессивті тәсілдері мен әдістерін енгізеді.
Мыналарды: Қазақстан Республикасының Конституциясын, "Сыбайлас жемқорлыққа қарсы күрес туралы", "Қазақстан Республикасындағы Тілдер туралы", "Өсімдіктерді қорғау туралы", "Өсімдіктер карантині туралы" Қазақстан Республикасының заңдарын, сондай-ақ Қазақстан Республикасының өзге де заңнамалық және заңға тәуелді нормативтік құқықтық актілерін, өсімдіктерді қорғау және карантин мәселелері бойынша басшылық, нормативтік, нұсқаулық және әдістемелік материалдарды, нематодтардың энтомологиясын, негізгі түрлерінің морфологиялық ерекшеліктерін, қызмет көрсетілетін аудандағы ауыспалы егістің құрылымын, негізгі ауыл шаруашылығы дақылдарын өсірудің ерекшеліктерін, өсімдіктер ауруларымен күрес шараларын, қоршаған ортаны қорғау жөніндегі заңнама негіздерін, экономика, еңбекті ұйымдастыру және басқару негіздерін, еңбек заңнамасы негіздерін, еңбекті қорғау және өрт қауіпсіздігі қағидалары мен нормаларын білуі тиіс.
Біліктілікке қойылатын талаптар.
І санатты гельминтолог: (Агрономия, жеміс-көкөніс шаруашылығы, өсімдіктерді қорғау және карантин, биология) мамандығы бойынша жоғары (немесе жоғарыдан кейінгі) білім және ІІ санатты гельминтолог лауазымындағы еңбек өтілі 2 жылдан кем емес.
ІІ санатты гельминтолог: (Агрономия, жеміс-көкөніс шаруашылығы, өсімдіктерді қорғау және карантин, биология) мамандығы бойынша жоғары (немесе жоғарыдан кейінгі) білім және санаты жоқ гельминтолог лауазымындағы еңбек өтілі 2 жылдан кем емес.
Санаты жоқ гельминтолог: Еңбек өтіліне талап қоймастан (Агрономия, жеміс-көкөніс шаруашылығы, өсімдіктерді қорғау және карантин, биология) мамандығы бойынша жоғары (немесе жоғарыдан кейінгі) білім.
32. Зоотехник
Лауазымдық міндеттері. Бөлімшенің (кешеннің, ауыл шаруашылығы учаскесінің, ферманың) мал шаруашылығына ұйымдастырушылық-технологиялық басшылық жасауды жүзеге асырады, бұл ретте мал шаруашылығы өнімдері өндірісінің өсімін, оның сапасы арттыруды мен өзіндік құнын төмендетуді қамтамасыз етеді. Мал шаруашылығын қарқынды ету, оны өнеркәсіптік негізге көшіру бойынша іс-шаралар әзірлеуге және жүргізуге қатысады. Жылдық және перспективалы жоспарлар жобаларын әзірлейді. Малдардың өнімділігін арттыру табынның өсімін молайтуды жақсарту және төлдің шығысын ұлғайту бойынша жұмыстарды жүргізеді, асыл тұқымдық жұмыс жоспарында көзделген іс-шараларды орындайды. Жемшөптерді, жайылымдарды және басқа жемшөптік алқаптарды ұтымды пайдалануды ұйымдастырады, фермаларда мал басын ұстаудың, азықтандырудың және күтіп-бағудың жаңа әдістерін енгізеді. Жабдықты, үй-жайды, механикаландыру құралдарын және басқа да қорларды тиімді пайдалануды қамтамасыз етеді. Зоотехниялық құжаттаманы жүргізеді және мал шаруашылығы бөлімшелерінде есепке алуды ұйымдастырады. Қоршаған ортаны қорғау жөніндегі заңнаманың, еңбекті қорғау және өрт қауіпсіздігі нормалары мен қағидаларының сақталуын қамтамасыз етеді.
Мыналарды: Қазақстан Республикасының Конституциясын, "Сыбайлас жемқорлыққа қарсы күрес туралы", "Қазақстан Республикасындағы Тілдер туралы" Қазақстан Республикасының заңдарын, сондай-ақ Қазақстан Республикасының өзге де заңнамалық және заңға тәуелді нормативтік құқықтық актілерін, мал шаруашылықтарының қызметіне қатысты басшылық, нормативтік, нұсқаулық және әдістемелік материалдарды, жануарлардың анатомиясын, физиологиясын және оларды азықтандыруды, асылдандыру ісін, мал шаруашылығы саласындағы ғылым жетістіктер мен озық тәжірибені, экономика, еңбекті ұйымдастыру және басқару негіздерін, еңбек заңнамасы негіздерін, қоршаған ортаны қорғау жөніндегі заңнама негіздерін, еңбекті қорғау және өрт қауіпсіздігі қағидалары мен нормаларын білуі тиіс.
Біліктілікке қойылатын талаптар.
І санатты зоотехник: (Мал шаруашылығы өнімдерін өндіру технологиясы) мамандығы бойынша жоғары (немесе жоғарыдан кейінгі) білім және ІІ санатты зоотехник лауазымындағы еңбек өтілі 3 жылдан кем емес.
ІІ санатты зоотехник: (Мал шаруашылығы өнімдерін өндіру технологиясы) мамандығы бойынша жоғары (немесе жоғарыдан кейінгі) білім және санаты жоқ зоотехник лауазымындағы еңбек өтілі 3 жылдан кем емес немесе (зоотехния) мамандығы бойынша техникалық және кәсіптік (арнайы орта, орта кәсіптік) білім және санаты жоқ зоотехник лауазымындағы еңбек өтілі 5 жылдан кем емес.
Санаты жоқ зоотехник: Еңбек өтіліне талап қоймастан (Мал шаруашылығы өнімдерін өндіру технологиясы) мамандығы бойынша жоғары (немесе жоғарыдан кейінгі) білім немесе (зоотехния) мамандығы бойынша техникалық және кәсіптік (арнайы орта, орта кәсіптік) білім.
33. Жанар-жағар май материалдары бойынша инженер
Лауазымдық міндеттері. Шаруашылықтың машина-тракторлық паркін мұнай өнімдерімен қамтамасыз етуді ұйымдастырушылық-техникалық басқаруды жүзеге асырады. Шаруашылықтың мұнай өнімдеріне деген жылдық қажеттілігін айқындайды, айлар және тоқсандар бойынша мұнай өнімдерінің жұмсалу, әкеліну және қорларының жинақталу жоспарын әзірлейді. Орталық мұнай қоймасында және шаруашылықтың бөлімшелерінде мұнай өнімдерін қабылдап алуды, сақтауды және босатуды ұйымдастырады. Мұнай базаларынан, коммерциялық құрылымдардан алынған, мұнай қоймасында және құю пункттерінде сақталған мұнай өнімдерінің түр-түрін және сапасын күнделікті есепке алуды жүргізеді. Түр-түрі және сапасы бойынша мұнай өнімдерін жеткізуге шарттар жасауға қатысады. Шаруашылықтағы мұнай жабдықтарының сақталуын, уақтылы техникалық қызмет көрсетілуін және жөнделуін қамтамасыз етеді. Метрологиялық қызметтермен бірлесіп белгіленген мерзімде цистерналарды және мұнай сыйымдылықтарын қораптауды жүргізеді. Бастапқы кіріс-шығыс құжаттарын ресімдеу және тапсыру қағидаларын сақтай отырып, мұнай өнімдерінің есебін жүргізеді. Мұнай өнімдеріне және мұнай жабдықтарына түгендеу жүргізуге қатысады. Мұнай қоймаларын, мүкәммалды уақтылы жөндейді, қажетті құралдар сатып алуға шарттар (өтінімдер) ресімдеуді ұйымдастырады. Мұнай қоймасы шаруашылығы жұмысының тиімділігін арттыру, мұнай өнімдерін үнемдеу, оларды жеткізу, сақтау және құю шығыстарын қысқарту бойынша іс-шараларды әзірлеуге және жүзеге асыруға қатысады. Мұнай шаруашылығы бойынша есепке алу және есептік құжаттаманың жүргізілуін ұйымдастырады. Қоршаған ортаны қорғау жөніндегі заңнаманың, еңбекті қорғау және өрт қауіпсіздігі, өндірістік санитария және өртке қарсы қорғаныс нормалары мен қағидаларының сақталуын қамтамасыз етеді.
Мыналарды: Қазақстан Республикасының Конституциясын, "Сыбайлас жемқорлыққа қарсы күрес туралы", "Қазақстан Республикасындағы Тілдер туралы", "Өрт қауіпсіздігі туралы" Қазақстан Республикасының заңдарын, сондай-ақ Қазақстан Республикасының өзге де заңнамалық және заңға тәуелді нормативтік құқықтық актілерін, мұнай шаруашылықтарындағы жұмысты ұйымдастыруға қатысты басшылық, нормативтік, нұсқаулық және әдістемелік материалдарды; мұнай жабдығының техникалық сипаттамаларын, конструктивтік ерекшеліктерін, мақсатын, жұмыс режимін және пайдалану қағидаларын, мұнай жабдығына қызмет көрсетуді және жөндеуді ұйымдастыруды, ауыл шаруашылығы өндірісінде қолданылатын мұнай өнімдерінің маркасы мен сапасын, мұнай өнімдерінің сапасын бақылау тәсілі мен құралдарын, экономика, еңбекті ұйымдастыру және басқару негіздерін, еңбек заңнамасы негіздерін, қоршаған ортаны қорғау жөніндегі заңнама негіздерін, еңбекті қорғау және өрт қауіпсіздігі қағидалары мен нормаларын білуі тиіс.
Біліктілікке қойылатын талаптар.
Жанар-жағар май материалдары бойынша І санатты инженер: (Аграрлық техника және технология, мұнай-газ ісі) мамандығы бойынша жоғары (немесе жоғарыдан кейінгі) білім және жанар-жағар май материалдары бойынша ІІ санатты инженер лауазымындағы еңбек өтілі 3 жылдан кем емес.
Жанар-жағар май материалдары бойынша ІІ санатты инженер: (Аграрлық техника және технология, мұнай-газ ісі) мамандығы бойынша жоғары (немесе жоғарыдан кейінгі) білім және жанар-жағар май материалдары бойынша санаты жоқ инженер лауазымындағы еңбек өтілі 3 жылдан кем емес.
Жанар-жағар май материалдары бойынша санаты жоқ инженер: Еңбек өтіліне талап қоймастан (аграрлық техника және технология, мұнай-газ ісі) мамандығы бойынша жоғары (немесе жоғарыдан кейінгі) білім немесе (ауыл шаруашылығын механикаландыру, мұнай-газ және жанар май құю станцияларының құрылыстары мен оларды пайдалану) мамандығы бойынша техникалық және кәсіптік (арнайы орта, орта кәсіптік) білім және мұнай шаруашылығындағы еңбек өтілі 3 жылдан кем емес.
34. Жерге орналастыру жөніндегі инженер
Лауазымдық міндеттері. Жерлерді тиімді пайдалану және оларды қорғау, егіншілік мәдениетін арттыру бойынша жұмысты ұйымдастырады. Жер заңнамасының сақталуын қамтамасыз етеді. Жаңа жерлерді суару, құрғату, игеру, ауыл шаруашылығы алқаптарын түбірлі жақсарту, топырақты жел және су эрозиясынан қорғау, шаруашылықішілік құрылыс объектілерін (мал шаруашылығы кешендерін, фермаларды, жолдарды), көп жылдық дақылдық жайылымдарды, бақшаларды, жидек бауларын, орман жолақтарын орналастыру бойынша іс-шараларды әзірлейді және жүзеге асырады. Бұзылған жерлерді қалпына келтіру, құрылыс жұмыстарын жүргізу кезінде топырақтың құнарлы қабатын аршу, сақтау және пайдалану талаптарын уақтылы және сапалы орындауды қамтамасыз етеді. Үй-жай маңындағы жер пайдалануда белгіленген тәртіпті сақтау, мал жаю, шөп шабу және бақша үшін жер учаскелерін бөлу бойынша жұмыстарды жүргізеді. Егіс алаңдарын орналастыруға қатысады. Жерге орналастыру жобаларына сәйкес шаруашылық күшімен жүзеге асырылатын жер пайдалануды жақсарту бойынша жұмыс жоспарларын әзірлейді. Танаптардың, жайылымдардың, әр түрлі шаруашылық учаскелерінің шекарасын айқындайды. Ауыл шаруашылығы алқаптарының есебін, шаруашылықтың жер-кадастрлық кітабын, жерлерді графикалық есепке алуды жүргізеді. Қазақстан Республикасының жер заңнамасымен белгіленген жерлердің жай-күйі және оларды пайдалану туралы мәліметтерді мемлекеттік органдарға ұсынады.
Мыналарды: Қазақстан Республикасының Конституциясын, "Сыбайлас жемқорлыққа қарсы күрес туралы", "Қазақстан Республикасындағы Тілдер туралы" Қазақстан Республикасының заңдарын, сондай-ақ Қазақстан Республикасының өзге де заңнамалық және заңға тәуелді нормативтік құқықтық актілерін; жерге орналастыру, жерді пайдалану және жер кадастры мәселелері бойынша басшылық, нормативтік, нұсқаулық және әдістемелік материалдарды, қоршаған ортаны қорғау саласындағы заңнама негіздерін, еңбек заңнамасы негіздерін, жерлерді ұтымды пайдалану талаптарын, жерге орналастыру жұмыстарын жүргізу технологиясын, жерге орналастыру бойынша ғылым жетістіктерін және озық тәжірибені, экономика, еңбекті ұйымдастыру және басқару негіздерін, еңбекті қорғау және өрт қауіпсіздігі қағидалары мен нормаларын білуі тиіс.
Біліктілікке қойылатын талаптар.
Жерге орналастыру жөніндегі І санатты инженер: (Жерге орналастыру, кадастр) мамандығы бойынша жоғары (немесе жоғарыдан кейінгі) білім және жерге орналастыру жөніндегі ІІ санатты инженер лауазымындағы еңбек өтілі 3 жылдан кем емес.
Жерге орналастыру жөніндегі ІІ санатты инженер: (Жерге орналастыру, кадастр) мамандығы бойынша жоғары (немесе жоғарыдан кейінгі) білім және жерге орналастыру жөніндегі санаты жоқ инженер лауазымындағы еңбек өтілі 3 жылдан кем емес.
Жерге орналастыру жөніндегі санаты жоқ инженер: Еңбек өтіліне талап қоймастан (жерге орналастыру, кадастр) мамандығы бойынша жоғары (немесе жоғарыдан кейінгі) білім.
35. Еңбекті көп қажетсінетін процестерді механикаландыру
жөніндегі инженер
Лауазымдық міндеттері. Фермаларға, кешендерге, құс фабрикаларына, жемшөп дайындау және құрама жем цехтарында механикаландыру және автоматтандыру құралдарын енгізу және оларға қызмет көрсету бойынша жұмысты ұйымдастырады. Механикаландыруға және автоматтандыруға жататын негізгі және көмекші жұмыстар мен операциялар учаскелерін анықтау мақсатында өндірістік процестерді зерделейді. Мал шаруашылығы фермаларын, кешендерін, жемшөп цехтарын механикаландыру және автоматтандыру және оларды қайта жаңарту, өндірістік процестерді, еңбекті көп қажетсінетін қол жұмыстарын, көліктік және басқа операцияларды механикаландыру және автоматтандыру бойынша іс-шаралар жоспарын әзірлеуге қатысады және олардың орындалуын қамтамасыз етеді. Механикаландыру және автоматтандыру құралдарын монтаждауды, ретке келтіруді және қолданысқа енгізуді ұйымдастырады. Жабдықты монтаждау, жөндеу немесе техникалық қызмет көрсетуден кейін оны мердігерден қабылдап алуға қатысады. Механикаландыру құралдарын монтаждау, жөндеу және оларға техникалық қызмет көрсету бойынша жұмыстардың сапалы орындалуын, жабдықты жөндеуге және пайдалануға арналған материалдық және ақша қаражатының ұтымды пайдаланылуын ұйымдастырады. Механикаландыру құралдарын пайдалану, техникалық баптау және жөндеу бойынша нұсқаулықтар әзірлейді, жұмысшыларды қауіпсіз жұмыс әдістеріне оқытады. Еңбекті көп қажетсінетін процестерді механикаландыруға арналған жаңа техниканы, жабдықты, қосалқы бөлшекті, жөндеу материалдарын және құрал-сайманды сатып алуды ұйымдастырады. Жинақталмаған немесе ақаулы механикаландыру құралдарын алған кезде жеткізушілерге шағым ресімдейді. Еңбекті көп қажетсінетін процестерді механикаландыруға арналған техниканың, жабдықтың сақталуын қамтамасыз етеді. Жарамсыздыққа жеткен механизмдер мен жабдықты есептен шығаруға арналған құжаттаманы ресімдейді, пайдаланылмайтын техниканы консервациялауды және сақтауды ұйымдастырады. Белгіленген тәртіпте техникалық құжаттама және есептілік жүргізуді, еңбекті көп қажетсінетін процестерді механикаландыру бойынша ғылым жетістіктері мен озық тәжірибені енгізуді қамтамасыз етеді. Ұтымды ету ұсыныстары мен өнертабыстарды енгізуге ықпал етеді. Шаруашылық жұмысшыларына жаңа машиналарды, жабдықтарды, механикаландыру және автоматтандыру құралдарын игеруге көмек көрсету бойынша жұмысты жүргізеді. Еңбекті қорғау және өрт қауіпсіздігі нормалары мен қағидаларының сақталуын қамтамасыз етеді.
Мыналарды: Қазақстан Республикасының Конституциясын, "Сыбайлас жемқорлыққа қарсы күрес туралы", "Қазақстан Республикасындағы Тілдер туралы" Қазақстан Республикасының заңдарын, сондай-ақ Қазақстан Республикасының өзге де заңнамалық және заңға тәуелді нормативтік құқықтық актілерін; өндірістік процестерді механикаландыру және автоматтандыру саласындағы басшылық, нормативтік, нұсқаулық және әдістемелік материалдарды, құрылғыны, механикаландыру және автоматтандыру құралдарын пайдалану және оларға қызмет көрсету қағидаларын, монтаждау және іске қосу-ретке келтіру жұмыстарын орындау тәртібін, еңбекті көп қажетсінетін процестерді механикаландыру және автоматтандыру саласындағы жетістіктер мен озық тәжірибені, экономика, еңбекті ұйымдастыру және басқару негіздерін, еңбек заңнамасы негіздерін, еңбекті қорғау және өрт қауіпсіздігі қағидалары мен нормаларын білуі тиіс.
Біліктілікке қойылатын талаптар.
Еңбекті көп қажетсінетін процестерді механикаландыру жөніндегі
І санатты инженер: (Аграрлық техника және технология, ауыл шаруашылығын энергиямен қамтамасыз ету) мамандығы бойынша жоғары (немесе жоғарыдан кейінгі) білім және еңбекті көп қажетсінетін процестерді механикаландыру жөніндегі ІІ санатты инженер лауазымындағы еңбек өтілі 3 жылдан кем емес.
Еңбекті көп қажетсінетін процестерді механикаландыру жөніндегі
ІІ санатты инженер: (Аграрлық техника және технология, ауыл шаруашылығын энергиямен қамтамасыз ету) мамандығы бойынша жоғары (немесе жоғарыдан кейінгі) білім және еңбекті көп қажетсінетін процестерді механикаландыру жөніндегі санаты жоқ инженер лауазымындағы еңбек өтілі 3 жылдан кем емес.
Еңбекті көп қажетсінетін процестерді механикаландыру жөніндегі
санаты жоқ инженер: Еңбек өтіліне талап қоймастан (аграрлық техника және технология, ауыл шаруашылығын энергиямен қамтамасыз ету) мамандығы бойынша жоғары (немесе жоғарыдан кейінгі) білім немесе (ауыл шаруашылығын механикаландыру) мамандығы бойынша техникалық және кәсіптік (арнайы орта, орта кәсіптік) білім және кәсіби қызмет бағыты бойынша еңбек өтілі 3 жылдан кем емес.
36. Ауыл шаруашылығы кәсіпорнын жылыту жөніндегі инженер
Лауазымдық міндеттері. Жылу-техникалық және газдық жабдықты техникалық пайдалануды және уақтылы жөндеуді, өндіріс тиімділігін арттыру мақсатында отынды, жылуды, буды және газды үнемді және ұтымды пайдалануды қамтамасыз етеді. Жылулық-қуаттық жабдық пен жылыту және газдандыру магистралдарын пайдалануды жақсарту бойынша іс-шаралар жоспарларын, бөлімшелер мен объектілердің жылу-энергетикалық ресурстарды тұтыну кестесін әзірлейді. Қажетті жылу және газ жабдығын, қосалқы бөлшектерді және оған арналған құрал-сайманды, қатты және сұйық отынды (машина-тракторлық паркке арналған жанар-жағар май материалдарынан басқа) сатып алуға өтінім жасайды. Монтаждау жұмыстарын жүргізгеннен кейін қазандық және газдық жабдықты пайдалануға қабылдауды ұйымдастырады. Жылулық, газдық құрылғылар мен жабдыққа техникалық қызмет көрсету, ағымдағы жөндеу жүргізу кестесін әзірлейді, олардың уақытылы орындалуын ұйымдастырады. Қолданыстағы нормалар мен қағидаларды сақтай отырып, отынды сақтауды, жылу-техникалық және газдық жабдықтың сақталуын ұйымдастырады. Жабдықты есептен шығаруға актілер жасайды және оларды белгіленген тәртіпте бекітуге ұсынады. Шаруашылық бөлімшелері мен шаруашылықтың энергетикалық құрылғыларды, қуаттылықтарды және магистралдарды жалпы пайдалану қорытындысын шығарады, кемшіліктерді анықтайды және жояды. Жылулық, газдық және отындық шаруашылық бойынша есеп жүргізеді және есептілік жасайды, техникалық құжаттаманың дұрыс ресімделуін қадағалайды. Қоршаған ортаны қорғау, еңбекті қорғау және өрт қауіпсіздігі нормалары мен қағидаларының сақталуын қамтамасыз етеді.
Мыналарды: Қазақстан Республикасының Конституциясын, "Сыбайлас жемқорлыққа қарсы күрес туралы", "Қазақстан Республикасындағы Тілдер туралы", "Электр энергетикасы туралы", "Қауіпті өндірістік объектілердегі өнеркәсіптік қауіпсіздік туралы" Қазақстан Республикасының заңдарын, сондай-ақ Қазақстан Республикасының өзге де заңнамалық және заңға тәуелді нормативтік құқықтық актілерін, шаруашылықтың өндірістік-шаруашылық қызметіне қатысты және ауыл шаруашылығы кәсіпорындарын жылыту және газдандыру саласындағы басшылық, нормативтік, нұсқаулық және әдістемелік материалдарды, құрылғыны, жылу-энергетикалық және газдық жабдықты пайдалану және оларға қызмет көрсету қағидаларын, қазандық және газдық жабдықты монтаждан кейін пайдалануға қабылдау тәртібін, отынды, жылуды, газды, буды ұтымды пайдалану әдістерін, ауыл шаруашылығы кәсіпорындарын жылыту және газдандыру саласындағы озық тәжірибені, экономика, еңбекті ұйымдастыру және басқару негіздерін, еңбек заңнамасы негіздерін, қоршаған ортаны, еңбекті қорғау және өрт қауіпсіздігі қағидалары мен нормаларын білуі тиіс.
Біліктілікке қойылатын талаптар.
Ауыл шаруашылығы кәсіпорнын жылыту жөніндегі І санатты инженер: (Жылу энергетикасы, ауыл шаруашылығын энергиямен қамтамасыз ету ) мамандығы бойынша жоғары (немесе жоғарыдан кейінгі) білім және ауыл шаруашылығы кәсіпорнын жылыту жөніндегі ІІ санатты инженер лауазымындағы еңбек өтілі 3 жылдан кем емес.
Ауыл шаруашылығы кәсіпорнын жылыту жөніндегі ІІ санатты инженер: (Жылу энергетикасы, ауыл шаруашылығын энергиямен қамтамасыз ету) мамандығы бойынша жоғары (немесе жоғарыдан кейінгі) білім және ауыл шаруашылығы кәсіпорнын жылыту жөніндегі санаты жоқ инженер лауазымындағы еңбек өтілі 3 жылдан кем емес.
Ауыл шаруашылығы кәсіпорнын жылыту жөніндегі санаты жоқ инженер: Еңбек өтіліне талап қоймастан (жылу энергетикасы, ауыл шаруашылығын энергиямен қамтамасыз ету) мамандығы бойынша жоғары (немесе жоғарыдан кейінгі) білім немесе (техникалық жылу жабдықтары және жылумен жабдықтау жүйелері) мамандығы бойынша техникалық және кәсіптік (арнайы орта, орта кәсіптік) білім және кәсіби қызмет бағыты бойынша еңбек өтілі 3 жылдан кем емес.
37. Машиналық-тракторлық паркті пайдалану жөніндегі инженер
Лауазымдық міндеттері. Машиналық-тракторлық паркті пайдалануды және оған техникалық қызмет көрсетуді ұйымдастырады. Техникалық күтіп-баптау, қызмет көрсету кестелерін және машиналарды пайдалануды жақсарту бойынша іс-шаралар жоспарын әзірлейді. Жаңа тракторлар, комбайндар, ауыл шаруашылығы машиналарын, қосалқы бөлшектер және құрал-саймандар сатып алуға шарттар жасасуға, жөндеудің және техникалық қызмет көрсетудің прогрессивті технологияларын әзірлеуге және енгізуге қатысады. Жанар-жағар май материалдарын үнемді жұмсау бойынша іс-шаралар енгізеді. Жаңа тракторларды, комбайндарды, ауыл шаруашылығы машиналарын қабылдап алуды, құрауды және жаттықтыруды және оларды пайдалануға беруді ұйымдастырады. Техниканы есептен шығару актілерін жасайды және оларды белгіленген тәртіпте бекітуге ұсынады. Техниканы сақтауға қоюды ұйымдастырады. Ұтымды ету ұсыныстары мен өнертабыстарды енгізуге ықпал етеді. Есеп, техникалық құжаттама жүргізеді және белгіленген тәртіпте есептілік ұсынады. Нұсқама жүргізеді және механизаторлардың еңбекті қорғау және өрт қауіпсіздігі қағидалары мен нормаларын сақтауын қамтамасыз етеді.
Мыналарды: Қазақстан Республикасының Конституциясын, "Сыбайлас жемқорлыққа қарсы күрес туралы", "Қазақстан Республикасындағы Тілдер туралы" Қазақстан Республикасының заңдарын, сондай-ақ Қазақстан Республикасының өзге де заңнамалық және заңға тәуелді нормативтік құқықтық актілерін, машиналық-тракторлық парктің жұмысына қатысты басшылық, нормативтік, нұсқаулық және әдістемелік материалдарды, егіс шаруашылығында және мал шаруашылығында механикаландырылған жұмыстарды ұйымдастыруды, құрылғыны, машинаны пайдалану және оларға қызмет көрсету қағидаларын, жөндеу жұмыстарын жүргізу технологиясын, әдістерін, еңбек заңнамасы негіздерін, еңбекті қорғау және өрт қауіпсіздігі қағидалары мен нормаларын білуі тиіс.
Біліктілікке қойылатын талаптар.
Машиналық-тракторлық паркті пайдалану жөніндегі І санатты инженер: (Аграрлық техника және технология) мамандығы бойынша жоғары (немесе жоғарыдан кейінгі) білім және машиналық-тракторлық паркті пайдалану жөніндегі ІІ санатты инженер лауазымындағы еңбек өтілі 3 жылдан кем емес.
Машиналық-тракторлық паркті пайдалану жөніндегі ІІ санатты инженер: (Аграрлық техника және технология) мамандығы бойынша жоғары (немесе жоғарыдан кейінгі) білім және машиналық-тракторлық паркті пайдалану жөніндегі санаты жоқ инженер лауазымындағы еңбек өтілі 3 жылдан кем емес.
Машиналық-тракторлық паркті пайдалану жөніндегі санаты жоқ инженер: Еңбек өтіліне талап қоймастан (Аграрлық техника және технология) мамандығы бойынша жоғары (немесе жоғарыдан кейінгі) білім немесе (ауыл шаруашылығын механикаландыру, ауыл шаруашылығындағы техникалық қызмет көрсету және жөндеу) мамандығы бойынша техникалық және кәсіптік (арнайы орта, орта кәсіптік) білім және кәсіби қызмет бағыты бойынша еңбек өтілі 3 жылдан кем емес.
38. Мелиорация жөніндегі инженер
Лауазымдық міндеттері. Мелиоративтік жерлерді пайдалану жөніндегі перспективалы және жылдық жоспарларды әзірлеуге қатысады. Суару, құрғату және суландыру жүйелерін салу және қайта жаңарту, құрғатуды қажет етпейтін жерлерде дақыл-техникалық жұмыстар жүргізу бойынша жоспарлар жасайды және олардың орындалуын қамтамасыз етеді. Шаруашылықішілік, суару, құрғату, суландыру желілерін жөндеуге жобалық-сметалық құжаттама әзірлеуді ұйымдастырады, оны әзірлеуге мамандандырылған жобалау ұйымдарын тартады. Шаруашылықішілік мелиоративтік желіні үнемі техникалық ақаусыз ұстау мақсатында жөндеуді және тазартуды қамтамасыз етеді. Мелиоративтік жерлерді пайдалануға қабылдауға, жерлерді жеделдетіп жақсарту бойынша жұмыстарды қабылдауға қатысады. Мелиоративтік желілер мен гидротехникалық құрылыстардың сақталуын қамтамасыз етеді. Мелиоративтік машиналар мен суғару техникаларының қолданыстағы нормалар мен қағидаларға сәйкес сақталуын және пайдаланылуын ұйымдастырады. Қоршаған ортаны қорғау жөніндегі заңнама талаптарының орындалуын қамтамасыз етеді.
Мыналарды: Қазақстан Республикасының Конституциясын, Қазақстан Республикасының Экологиялық кодексін, Қазақстан Республикасының Су кодексін, Қазақстан Республикасының Жер кодексін, "Сыбайлас жемқорлыққа қарсы күрес туралы", "Қазақстан Республикасындағы Тілдер туралы", Қазақстан Республикасының заңдарын, сондай-ақ Қазақстан Республикасының өзге де заңнамалық және заңға тәуелді нормативтік құқықтық актілерін, мелиорация мәселелері бойынша басшылық, нормативтік, нұсқаулық және әдістемелік материалдарды, мелиоративтік және дақыл-техникалық жұмыстарды жүргізу технологиясын, мелиоративтік және дақыл-техникалық жұмыстарды жүргізу және мелиорацияланған жерлерді пайдалану саласындағы ғылым жетістіктері мен озық тәжірибені, жер заңнамасы негіздерін, еңбек заңнамасы негіздерін, ішкі еңбек тәртібі қағидаларын, еңбекті қорғау және өрт қауіпсіздігі қағидаларын білуі тиіс.
Біліктілікке қойылатын талаптар.
І санатты мелиорация жөніндегі инженер: (Жерді мелиорациялау, баптау және қорғау, су ресурстары және суды пайдалану) мамандығы бойынша жоғары (немесе жоғарыдан кейінгі) білім және ІІ санатты мелиорация жөніндегі инженер лауазымындағы еңбек өтілі 3 жылдан кем емес.
ІІ санатты мелиорация жөніндегі инженер: (Жерді мелиорациялау, баптау және қорғау, су ресурстары және суды пайдалану) мамандығы бойынша жоғары (немесе жоғарыдан кейінгі) білім және санаты жоқ мелиорация жөніндегі инженер лауазымындағы еңбек өтілі 3 жылдан кем емес.
Санаты жоқ мелиорация жөніндегі инженер: Еңбек өтіліне талап қоймастан (жерді мелиорациялау, баптау және қорғау, су ресурстары және суды пайдалану) мамандығы бойынша жоғары (немесе жоғарыдан кейінгі) білім немесе (гидротехникалық құрылыс, экология және табиғатты қорғау қызметі) мамандығы бойынша техникалық және кәсіптік (арнайы орта, орта кәсіптік) білім және кәсіби қызмет бағыты бойынша еңбек өтілі 3 жылдан кем емес.
39. Топырақтанушы
Лауазымдық міндеттері. Аумақтардың топырағын зерттеу жөніндегі жұмыстарды орындайды. Топырақ пішіндерінің шекараларын, топырақтың негізгі сипаттамасы мен қасиетін айқындайды. Бейінді үлгілерді, қышқылығы мен тұздылығына үлгілерді іріктеуді орындайды. Жоспарлы-картографиялық материалдардың кешенін, топырақ очерктерін, талдамалық жоспарды жасайды. Жерді түбірлі жақсарту, топырақтың әлеуетті құнарлығына сәйкес және тыңайтқыштарды қолдану бойынша ауыл шаруашылығы дақылдарының өнімділігін арттыру жөніндегі ұсынымдарды әзірлейді. Технологиялық регламенттерді, қоршаған ортаны қорғау және табиғи ресурстарын ұтымды пайдалану жөніндегі заңнама талаптарын, еңбекті қорғау және өрт қауіпсіздігі жөніндегі қағидалар мен нормаларды сақтауды қамтамасыз етеді. Егістік топырақтық-мелиоративтік жұмысты дайындайды және жүргізуді ұйымдастырады. Учаскелік қызметке ұсынылатын егістік материалдарының сапалы орындалуын қамтамасыз етеді. Егістік топырақтық-мелиоративтік жұмысты жүргізуге қатысады. Ауданның бірлестіктерінде және шаруашылықтарында ұйымдастыру-технологиялық басшылықты жүзеге асырады. Шаруашылықтағы топырақтың құнарлығын ұстап тұру және арттыру бойынша іс-шараларды әзірлейді және олардың орындалуын қамтамасыз етеді. Қызмет көрсететін аймақтағы ауыл шаруашылығы алқаптарына агрохимиялық зерттеулерді жүргізуді, талдау үшін топырақтың үлгілерін іріктеуді ұйымдастырады және қатысады. Талдаулардың сапасын және уақытылы орындалуын қамтамасыз етеді. Ғылымның жетістіктерін, озық тәжірибелерді және топырақты талдаудың жаңа әдістерін зерделейді және өндіріске енгізеді. Еңбекті ғылыми ұйымдастыруды енгізуге, қолданыстағы еңбек ақыны төлеу туралы қағидаларды тиімді қолдануға ықпал жасайды. Белгіленген құжаттамаларды, есепті және есептілікті жүргізеді. Шаруашылықтармен шарттар жасасуға, өндірістік бағдарламаларды әзірлеуге, агрохимиялық картограммаларды жасауға қатысады. Қоршаған ортаны қорғау қағидаларының, еңбекті қорғау және өрт қауіпсіздігі жөніндегі қағидалар мен нормалардың сақталуын қамтамасыз етеді.
Мыналарды: Қазақстан Республикасының Конституциясын, "Сыбайлас жемқорлыққа қарсы күрес туралы", "Қазақстан Республикасындағы Тілдер туралы", "Ветеринария туралы", "Асыл тұқымды мал шаруашылығы туралы" Қазақстан Республикасының заңдарын, сондай-ақ Қазақстан Республикасының өзге де заңнамалық және заңға тәуелді нормативтік құқықтық актілерін, суармалы жер мониторингін және егістік зерттеулерді жүргізу әдістері бойынша басшылық, нормативтік, нұсқаулық және әдістемелік материалдарды, еңбекті қорғау қағидалары мен нормаларын, өндірістік санитарияны, техника қауіпсіздігі мен өртке қарсы қорғанысты білуі тиіс.
Біліктілікке қойылатын талаптар.
І санатты топырақтанушы: (Топырақтану және агрохимия) мамандығы бойынша жоғары (немесе жоғарыдан кейінгі) білім және
ІІ санатты топырақтанушы лауазымындағы еңбек өтілі 2 жылдан кем емес.
ІІ санатты топырақтанушы: (Топырақтану және агрохимия) мамандығы бойынша жоғары (немесе жоғарыдан кейінгі) білім және санаты жоқ топырақтанушы лауазымындағы еңбек өтілі 2 жылдан кем емес.
Санатты жоқ топырақтанушы: Еңбек өтіліне талап қоймастан (топырақтану және агрохимия) мамандығы бойынша жоғары (немесе жоғарыдан кейінгі) білімі.
40. Жануарларды қолдан ұрықтандыру жөніндегі техник
Лауазымдық міндеттері. Ауыл шаруашылығы жануарының күйлеуін айқындайды, ұрықтандыру алдында дайындық жұмыстарын жүргізеді, ауыл шаруашылығы жануарларын ұрықтандыруды жүргізеді. Биоматериалдармен қамтамасыз етуге, құрал-саймандар мен жабдықтарды сатып алуға өтінімдер жасайды. Қолдан ұрықтандырудан алынған төлді кiрiске алу актiсiн жасайды. Ректалдық зерттеу нәтижелерін есепке алады, қолдан ұрықтандыру бойынша есеп жасайды. Материалдарды, мүкәммалдарды, аспаптарды, дәрілік заттарды, ветеринариялық препараттарды және орындарды ұтымды пайдалану жөнінде шаралар қабылдайды.
Мыналарды: Қазақстан Республикасының Конституциясын, "Сыбайлас жемқорлыққа қарсы күрес туралы", "Қазақстан Республикасындағы Тілдер туралы", "Ветеринария туралы", "Асыл тұқымды мал шаруашылығы туралы" Қазақстан Республикасының заңдарын, сондай-ақ Қазақстан Республикасының өзге де заңнамалық және заңға тәуелді нормативтік құқықтық актілерін, асылдандыру жұмысын және қолдан ұрықтандыруды ұйымдастыру мәселелері жөніндегі әдістемелерді және нұсқаулық нұсқамаларды, қолдан ұрықтандырудың технологиясын, ауыл шаруашылығы жануарларын қолдан ұрықтандыру және өсімін молайту жөніндегі ғылым жетістіктерін және озық тәжірибені, орындарға, құрал-саймандарға, жабдықтарға, ауыл шаруашылығы жануарларының тұқымына арналған қолданыстағы стандарттарды, бағаларды, еңбекті қорғау және өрт қауіпсіздігі жөніндегі қағидалар мен нормаларды білуі тиіс.
Біліктілікке қойылатын талаптар.
І санатты жануарларды қолдан ұрықтандыру жөніндегі техник: (Зоотехния, ветеринария) мамандығы бойынша техникалық және кәсіби (арнайы орта, орта кәсіптік) білім және ІІ санатты жануарларды қолдан ұрықтандыру жөніндегі техник лауазымындағы еңбек өтілі 2 жылдан кем емес.
ІІ санатты жануарларды қолдан ұрықтандыру жөніндегі техник: (Зоотехния, ветеринария) мамандығы бойынша техникалық және кәсіби (арнайы орта, орта кәсіптік) білім және жануарларды қолдан ұрықтандыру жөніндегі санаты жоқ техник лауазымындағы еңбек өтілі 2 жылдан кем емес.
Жануарларды қолдан ұрықтандыру жөніндегі санатты жоқ техник: Еңбек өтіліне талап қоймастан (зоотехния, ветеринария) мамандығы бойынша техникалық және кәсіби (арнайы орта, орта кәсіптік) білім.
41. Асылдандыру ісі жөніндегі техник
Лауазымдық міндеттері. Мал шаруашылығында асыл тұқымды малдардың есебін жүргізеді. Шаруашылықта асылдандыру жұмыстарының жоспарларын әзірлеуге қатысады. Малдардың өнімділігін айқындау үшін өлшеулерді және саууды жүргізуге қатысады, талдаулар үшін сүттің сынамаларын іріктеуді жүргізеді, малдардың өнімділік деректерін асыл тұқымдық карточкаларына енгізеді. Жануарларды бағалауға қатысады. Асыл тұқымды жұмыс бойынша құжаттаманы қатаң түрде бекітілген нысандарға сәйкес жүргізеді. Жануарлардың ауруға шалдығуын зерттеуге қатысады, Мемлекеттік асыл тұқымдық кітабына жазу үшін жануарлардың карточкаларын дайындайды. Сату, көрмеде көрсету үшін асыл тұқымды жануарларды іріктеуге және дайындауға қатысады. Бригадирлердің өндірістік-зоотехникалық есептің бастапқы құжаттарын уақытылы ұсынуын қамтамасыз етеді. Еңбекті қорғау және өрт қауіпсіздігі жөніндегі қағидалар мен нормалардың сақталуын қамтамасыз етеді.
Мыналарды: Қазақстан Республикасының Конституциясын, "Сыбайлас жемқорлыққа қарсы күрес туралы", "Қазақстан Республикасындағы Тілдер туралы", "Асыл тұқымды мал шаруашылығы туралы" Қазақстан Республикасының заңдарын, сондай-ақ Қазақстан Республикасының өзге де заңнамалық және заңға тәуелді нормативтік құқықтық актілерін, мал шаруашылығында асыл тұқымдық есепті жүргізу жөніндегі әдістемелік және нұсқаулық нұсқамаларды; асыл тұқымды мал шаруашылығы технологиясының негіздерін, зоотехникалық және асыл тұқымдық есептің қолданыстағы нысандарын, малдарды бағалау жөніндегі нұсқаулықтарды, еңбек заңнамасының негіздерін, еңбекті қорғау және өрт қауіпсіздігі жөніндегі қағидалар мен нормаларды білуі тиіс.
Біліктілікке қойылатын талаптар.
І санатты асылдандыру ісі жөніндегі техник: (Зоотехния) мамандығы бойынша техникалық және кәсіби (арнайы орта, орта кәсіптік) білім және ІІ санатты асылдандыру ісі жөніндегі техник лауазымындағы еңбек өтілі 2 жылдан кем емес.
ІІ санатты асылдандыру ісі жөніндегі техник: (Зоотехния) мамандығы бойынша техникалық және кәсіби (арнайы орта, орта кәсіптік) білім және асылдандыру ісі жөніндегі санаты жоқ техник лауазымындағы еңбек өтілі 2 жылдан кем емес.
Асылдандыру ісі жөніндегі санаты жоқ техник: Еңбек өтіліне талап қоймастан (зоотехния) мамандығы бойынша техникалық және кәсіби (арнайы орта, орта кәсіптік) білім.
42. Фитопатолог
Лауазымдық міндеттері. Карантинге жатқызылған өнімдерге зертханалық зерттеу, ауыл шаруашылығы дақылдарын зиянды ауруларға тұрақтылығына мемлекеттік сорттық сынау, ауыл шаруашылығы дақылдарының сорттарын және гибридтерін шаруашылық пайдалылығына сараптамалық бағалау, ауыл шаруашылығы өсімдіктері ауруларының дамуына және таралуына фитосанитариялық мониторинг жүргізеді. Ауыл шаруашылығы дақылдары егістеріне фитопатологиялық зерттеулер жүргізеді. Зерттеуге келіп түскен материалды қабылдайды, зерттеу аяқталғанға дейін оның сақталуын қамтамасыз етеді. Зертханалық жабдықтарды жұмысқа дайындайды. Карантинге жатқызылған өнімнің белгіленген талаптарға сәйкестігіне сынаулар, карантиндік талдау және карантиндік сараптама жүргізеді. Жұмыс процесінде халықаралық және отандық стандарттарды қолданады. Ағымдағы жұмыс нәтижелері бойынша қажетті құжаттаманы ресімдейді. Жүргізілген сараптама, зерттеу, тексеру және сынау нәтижелеріне талдау жүргізеді. Биологиялық материалды зарарсыздандыруды және жоюды қамтамасыз етеді. Коллекциялық материалдың есебін жүргізеді, оның сақталуын қамтамасыз етеді. Жаңа зерттеулер мен әзірлемелердің бағыттарын негіздейді, ғылыми-өндірістік жұмыстардың жоспарларына қосуға ұсыныс енгізеді. Қазақстан Республикасында пайдалануға рұқсат етілген селекциялық жетістіктердің мемлекеттік тізілімін, Қазақстан Республикасы өсімдіктердің қорғалатын сорттарының мемлекеттік тізілімін қалыптастыруға қатысады. Зиянды, аса қауіпті зиянды организмдердің, карантиндік объектілердің таралуының қысқа мерзімді және ұзақ мерзімді болжамдарын әзірлейді. Ауыл шаруашылығы дақылдарының ауруларын айқындаудың бар әдістерін, селекциялық жетістіктердің өсімдіктер ауруларына тұрақтылығын, ерекшелігін, біртектілігін және тұрақтылығын сынау әдістемесін, өсімдіктер зиянкестерінің дамуына және таралуына мониторинг жүргізу әдістерін әзірлеуге, жаңаларын игеруге және қолданыстағыларын жетілдіруге қатысады.
Мыналарды: Қазақстан Республикасының Конституциясын, "Сыбайлас жемқорлыққа қарсы күрес туралы", "Қазақстан Республикасындағы Тілдер туралы", "Тұқым шаруашылығы туралы", "Селекциялық жетістіктерді қорғау туралы", "Өсімдіктерді қорғау туралы", "Өсімдіктер карантині туралы" Қазақстан Республикасының заңдарын, сондай-ақ Қазақстан Республикасының өзге де заңнамалық және заңға тәуелді нормативтік құқықтық актілерін, фитопатологияны; мемлекеттік сорт сынау әдістемесін, жаңа селекциялық жетістіктерге құжаттамаларды ресімдеу және куәліктерді, патенттерді беру тәртібін, селекциялық жетістіктерді қорғау қабілеттілігіне және шаруашылық пайдалылығына бағалау әдістемелерін, карантинге жатқызылған объектілерге карантиндік-фитосанитарлық сараптамалар жүргізу әдістемелерін, ауыл шаруашылығы өсімдіктер ауруларының дамуына және таралуына фитосанитариялық мониторинг жүргізу әдістемелерін, қоршаған ортаны қорғау жөніндегі заңнама негіздерін, еңбек заңнамасы негіздерін, ішкі еңбек тәртібі қағидаларын, еңбекті қорғау және өрт қауіпсіздігі жөніндегі қағидаларды білуі тиіс.
Біліктілікке қойылатын талаптар.
І санатты фитопатолог: (Агрономия, жеміс-көкөніс шаруашылығы, өсімдіктерді қорғау және карантин, биология) мамандығы бойынша жоғары (немесе жоғарыдан кейінгі) білім және ІІ санатты энтомолог лауазымындағы еңбек өтілі 2 жылдан кем емес.
ІІ санатты фитопатолог: (Агрономия, жеміс-көкөніс шаруашылығы, өсімдіктерді қорғау және карантин, биология) мамандығы бойынша жоғары (немесе жоғарыдан кейінгі) білім және санаты жоқ энтомолог лауазымындағы еңбек өтілі 2 жылдан кем емес.
Санаты жоқ фитопатолог: Еңбек өтіліне талап қоймастан (агрономия, жеміс-көкөніс шаруашылығы, өсімдіктерді қорғау және карантин, биология) мамандығы бойынша жоғары (немесе жоғарыдан кейінгі) білім.
43. Энтомолог
Лауазымдық міндеттері. Карантинге жатқызылған өнімдерге зертханалық зерттеулер, ауыл шаруашылығы дақылдарының өсімдіктер зиянкестеріне тұрақтылығына мемлекеттік сынау, ауыл шаруашылығы дақылдарының сорттарын және гибридтерін шаруашылық пайдалылығына сараптамалық бағалау, ауыл шаруашылығы өсімдіктері зиянкестерінің дамуына және таралуына фитосанитариялық мониторинг жүргізеді. Ауыл шаруашылығы дақылдары егістеріне энтомологиялық зерттеулер жүргізеді. Зерттеуге келіп түскен материалды қабылдайды, зерттеу аяқталғанға дейін оның сақталуын қамтамасыз етеді. Карантинге жатқызылған өнімнің белгіленген талаптарға сәйкестігіне сынаулар, карантиндік талдау және карантиндік сараптама жүргізеді. Жұмыс процесінде халықаралық және отандық стандарттарды қолданады. Ағымдағы жұмыс нәтижелері бойынша қажетті құжаттаманы ресімдейді. Жүргізілген сараптама, зерттеу, тексеру және сынау нәтижелеріне талдау жүргізеді. Биологиялық материалды зарарсыздандыруды және жоюды қамтамасыз етеді. Коллекциялық материалдың есебін жүргізеді, оның сақталуын қамтамасыз етеді. Жаңа зерттеулер мен әзірлемелердің бағыттарын негіздейді, ғылыми-өндірістік жұмыстардың жоспарларына қосуға ұсыныс енгізеді. Қазақстан Республикасында пайдалануға рұқсат етілген селекциялық жетістіктердің мемлекеттік тізілімін, Қазақстан Республикасы өсімдіктердің қорғалатын сорттарының мемлекеттік тізілімін қалыптастыруға қатысады. Зиянды, аса қауіпті зиянды организмдердің, карантиндік объектілердің таралуының қысқа мерзімді және ұзақ мерзімді болжамдарын әзірлейді. Өсімдіктер зиянкестерін бірдейлендірудің бар әдістерін, селекциялық жетістіктердің өсімдіктер зиянкестеріне тұрақтылығын, ерекшелігін, біртектілігін және тұрақтылығын сынау әдістемесін, өсімдіктер зиянкестерінің дамуына және таралуына мониторинг жүргізу әдістерін әзірлеуге, жаңаларын игеруге және қолданыстағыларын жетілдіруге қатысады.
Мыналарды: Қазақстан Республикасының Конституциясын, "Сыбайлас жемқорлыққа қарсы күрес туралы", "Қазақстан Республикасындағы Тілдер туралы", "Тұқым шаруашылығы туралы", "Селекциялық жетістіктерді қорғау туралы", "Өсімдіктерді қорғау туралы", "Өсімдіктер карантині туралы" Қазақстан Республикасының заңдарын, сондай-ақ Қазақстан Республикасының өзге де заңнамалық және заңға тәуелді нормативтік құқықтық актілерін, энтомологияны, мемлекеттік сорт сынау әдістемесін, жаңа селекциялық жетістіктерге құжаттамаларды ресімдеу және куәліктерді, патенттерді беру тәртібін, селекциялық жетістіктерді қорғау қабілеттілігіне және шаруашылық пайдалылығына бағалау әдістемелерін, карантинге жатқызылған объектілерге карантиндік-фитосанитариялық сараптамалар жүргізу әдістемелерін, ауыл шаруашылығы өсімдіктері зиянкестерінің дамуына және таралуына фитосанитариялық мониторинг жүргізу әдістемелерін, қоршаған ортаны қорғау жөніндегі заңнама негіздерін, еңбек заңнамасы негіздерін, ішкі еңбек тәртібі қағидаларын, еңбекті қорғау және өрт қауіпсіздігі жөніндегі қағидаларды білуі тиіс.
Біліктілікке қойылатын талаптар.
І санатты энтомолог: (Агрономия, жеміс-көкөніс шаруашылығы, өсімдіктерді қорғау және карантин, биология) мамандығы бойынша жоғары (немесе жоғарыдан кейінгі) білім және ІІ санатты энтомолог лауазымындағы еңбек өтілі 2 жылдан кем емес.
ІІ санатты энтомолог: (Агрономия, жеміс-көкөніс шаруашылығы, өсімдіктерді қорғау және карантин, биология) мамандығы бойынша жоғары (немесе жоғарыдан кейінгі) білім және санаты жоқ энтомолог лауазымындағы еңбек өтілі 2 жылдан кем емес.
Санаты жоқ энтомолог: Еңбек өтіліне талап қоймастан (агрономия, жеміс-көкөніс шаруашылығы, өсімдіктерді қорғау және карантин, биология) мамандығы бойынша жоғары (немесе жоғарыдан кейінгі) білім.
