Байланыс формасы

Халықтың паллиативтік көмек және мейірбике күтімі көрсетілуі тиіс санаттарының тізбесін бекіту туралы

Жаңа

Қазақстан Республикасы Денсаулық сақтау және әлеуметтік даму министрінің 2015 жылғы 25 ақпандағы № 96 бұйрығы. Қазақстан Республикасының Әділет министрлігінде 2015 жылғы 30 наурызда № 10576 тіркелді

      «Халық денсаулығы және денсаулық сақтау жүйесі туралы» 2009 жылғы 18 қыркүйектегі Қазақстан Республикасы Кодексінің 34-бабының 2-тармағының 6) тармақшасына сәйкес БҰЙЫРАМЫН:
      1. Қоса беріліп отырған Халықтың паллиативтік көмек және мейірбике күтімі көрсетілуі тиіс санаттарының тізбесі бекітілсін.
      2. Қазақстан Республикасы Денсаулық сақтау және әлеуметтік даму министрлігінің Медициналық көмекті ұйымдастыру департаменті:
      1) осы бұйрықтың Қазақстан Республикасы Әділет министрлігінде мемлекеттік тіркелуін;
      2) осы бұйрықтың Қазақстан Республикасы Әділет министрлігінде мемлекеттік тіркелгеннен кейін күнтізбелік он күннің ішінде мерзімдік баспа басылымдарында және «Әділет» ақпараттық-құқықтық жүйесінде ресми жариялануға жолдануын;
      3) осы бұйрықтың Қазақстан Республикасы Денсаулық сақтау және әлеуметтік даму министрлігінің интернет-ресурсына орналастырылуын қамтамасыз етсін.
      3. Осы бұйрықтың орындалуын бақылау Қазақстан Республикасының Денсаулық сақтау және әлеуметтік даму вице-министрі А.В. Цойға жүктелсін.
      4. Осы бұйрық алғашқы ресми жарияланған күнінен бастап күнтізбелік он күн өткеннен кейін қолданысқа енгізіледі.

      Министр                                    Т. Дүйсенова

Қазақстан Республикасы  
Денсаулық сақтау және   
әлеуметтік даму министрінің
2015 жылғы 25 ақпандағы 
№ 96 бұйрығымен     
бекітілген       

Халықтың паллиативтік көмек және мейірбике күтімі көрсетілуі тиіс санаттарының тізбесі

      1. Паллиативтік көмек:
      1) мыналармен:
      диспансерлік бақылаудағы қатерлі ісіктің ауруының IV клиникалық сатысынан;
      жүргізілген мамандандырылған емнен кейін жағдайын дәрілік түзетуді қажет ететін, қатерлі ісік ауруынан;
      соңғы сатыдағы күшейген созылмалы аурулардан (жүрек, өкпе, бауыр, бүйрек функцияларының жетіспеушілігінің декомпенсация сатысы);
      диспансерлік есептың 1Г тобы бойынша диспансерлік бақылауда тұрған туберкулез ауруынан зардап шегетін адамдарға;
      жұқтырылған иммун тапшылығы синдромының 3-4 сатысынан;
      2) балаларға, жүргізілген айрықша терапия (химиотерапия, сәулелік терапия және хирургиялық ем) аясында, қатерлі ісіктердің күшеюі кезенде;
      3) Лейкоздан зардап шегетін балаларға жүргізілген химиотерапияның (химиорезистенттік) аясында ауру күшейген кезде көрсетіледі.
      2. Мейірбике күтімі:
      1) осы тізбенің 1-тармағында көрсетілген адамдарға;
      2) бастап өткерген аурудың салдарынан өмірлік маңызды әлеуметтік-тұрмыстық функцияларды қамтамасыз етуде өзіне өзі толық немесе ішінара қызмет көрсетуге қабілетсіз, тұрақты басқа адамның күтімін, көмегін немесе қарауын қажет ететін, басқа адамға үнемі тәуелді адамдарға көрсетіледі.

Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады