Байланыс формасы

"Кемелерді жөндеу қағидасын бекіту туралы" Қазақстан Республикасы Көлік және коммуникация Министрінің 2011 жылғы 7 сәуірдегі № 201 бұйрығына өзгерістер енгізу туралы

Жаңа

Қазақстан Республикасы Инвестициялар және даму министрінің м.а. 2015 жылғы 31 желтоқсандағы № 1299 бұйрығы. Қазақстан Республикасының Әділет министрлігінде 2016 жылы 11 ақпанда № 13044 болып тіркелді

      «Нормативтік құқықтық актілер туралы» 1998 жылғы 24 наурыздағы Қазақстан Республикасы Заңының 43-1-бабының 1-тармағына сәйкес, БҰЙЫРАМЫН:
      1. «Кемелерді жөндеу қағидасын бекіту туралы» Қазақстан Республикасы Көлік және коммуникация Министрінің 2011 жылғы 7 сәуірдегі № 201 бұйрығына (Нормативтік құқықтық актілерді мемлекеттік тіркеу тізілімінде № 6938 болып тіркелген, 2011 жылғы 21 маусымда № 86 (2076) «Заң газеті» газетінде жарияланған) мынадай өзгерістер енгізілсін:
      атауы мынадай редакцияда жазылсын:
      «Кемелерді жөндеу қағидаларын бекіту туралы»;
      1-тармағы мынадай редакцияда жазылсын:
      «1. Қоса беріліп отырған Кемелерді жөндеу қағидалары бекітілсін.».
      көрсетілген бұйрықпен бекітілген Кемелерді жөндеу қағидасында:
      атауы мынадай редакцияда жазылсын:
      «Кемелерді жөндеу қағидалары»;
      1-тармағы мынадай редакцияда жазылсын:
      «1. Осы Қазақстан Республикасының Кемелерді жөндеу қағидалары (бұдан әрі – Қағидалар) Қазақстан Республикасы өзен флотының азаматтық кемелеріне техникалық қызмет көрсету мен жөндеудің жалпы талаптарын, ұйымдастыру мен жоспарлау принциптерін белгілейді.»;
      2-тармағы мынадай редакцияда жазылсын:
      «2. Қағидалардың қолданысы ішкі су жолдарында пайдалануға арналған азаматтық өзен кемелерінің олардың ведомстволық тиістілігіне, меншік нысанына қарамастан иелеріне қолданылады.»;
      6-тармақтың бірінші бөлігі мынадай редакцияда жазылсын:
      «6. Осы Қағидаларда мынадай терминдер мен анықтамалар пайдаланылады:»;
      30-тармағы мынадай редакцияда жазылсын:
      «30. Кеме иесі кемені жөндеуге қою алдында кеменi «Өрт қауiпсiздiгi қағидаларын бекіту туралы» Қазақстан Республикасы Үкіметінің 2014 жылғы 9 қазандағы № 1077 қаулысымен бекiтiлген Өрт қауiпсiздiгi қағидаларының (бұдан әрi – Өрт қауiпсiздiгi қағидалары) талаптарына сәйкес дәнекерлеу және басқада от қауiпi бар жұмыстарды жүргiзудiң қауiпсiздiгiн қамтамасыз ететiн жай-күйге келтiредi.»;
      54-тармағы мынадай редакцияда жазылсын:
      «54. Кемелерді қыстық жағдайға келтіргеннен кейін жөндеуді орындаушының өкілі осы Қағидаларға 2-қосымшаға сәйкес акті рәсімдеумен жөндеуге қабылдайды.»;
      67-тармағы мынадай редакцияда жазылсын:
      «67. Кемелерді техникалық және пайдалану дайындығына қабылдауды тапсыру және қабылдау комиссиялары жүргізеді, оларды кеме иесі тағайындайды және осы Қағидаларға 3 және 4-қосымшаларға сәйкес нысан бойынша акті ресімделеді.»;
      97-тармағы мынадай редакцияда жазылсын:
      «97. Жөндеуден кейін басты қозғалтқыштарды бекіту сынауларының ұзақтығы мен режимдері осы Қағидаларға 5-қосымшада көрсетілген талаптар бойынша жүргізіледі.»;
      101-тармағы мынадай редакцияда жазылсын:
      «101. Кемені жүрістік сынаулар кезінде баста қозғалтқыш жұмысының ұзақтығы мен режимі осы Қағидаларға 6-қосымшада көрсетілген талаптар бойынша жүргізіледі.»;
      107-тармағы мынадай редакцияда жазылсын:
      «107. Комиссия белгілеген ақауларды тексеру мен жою аяқталған соң қайталап тексеру мен сынаулар жүргізіледі және олардың қанағаттанарлық нәтижелері кезінде кемені жөндеуден түпкілікті қабылдау актісін орындалған жұмыстар сапасын бағалауды осы Қағидаларға 4-қосымшада көрсетілген нысан бойынша көрсете отырып жасалады.»;
      1-қосымшаның оң жақ бұрышы мынадай редакцияда жазылсын:
                                 «Кемені жөндеу қағидаларына
                                          1-қосымша»;
      2-қосымшаның оң жақ бұрышы мынадай редакцияда жазылсын:
                                 «Кемені жөндеу қағидаларына
                                          2-қосымша»;
      3-қосымшаның оң жақ бұрышы мынадай редакцияда жазылсын:
                                 «Кемені жөндеу қағидаларына
                                          3-қосымша»;
      4-қосымшаның оң жақ бұрышы мынадай редакцияда жазылсын:
                                 «Кемені жөндеу қағидаларына
                                          4-қосымша»;
      4-қосымшаның 11-тармағы мынадай редакцияда жазылсын:
      «11. Тексеріп қарау, тексеру және сынау нәтижелері негізінде
кеме_______________________________________________________________
                      (кеменің типі мен атауы)
      20__ж. "____"_____________ пайдалануға толдық дайындалған. Осы
Актіге қол қою сәтінен бастап кеме капитанның (командирдің)
жауапкершілігіне өтеді.
____________________________________________________________________
                      (тегі және аты-жөні)
____________________________________________________________________
                 (жөндеуді орындаушының атауы)
      Кемелерді жөндеу қағидаларына сәйкес орындалған жұмыстың сапасына жауапты болады. Орташа және қалпына келтіріп жөндеуден өткен кемелер бойынша жөндеуді орындаушы-кәсіпорын олар алты толық навигациялық ай ішінде орындаған жұмыстың сапасына және техникалық мүмкін қысқа мерзімде өз қаражаты есебінен тиісті емес немесе сапасыз материалдарды, бұйымдарды және жабдықтарды қолданумен, жұмысты сапасыз орындаудан туындаған кемшіліктерді, зақымдалуларды және сынуларды түзетуге кепілдік береді.»;
      5-қосымшаның оң жақ бұрышы мынадай редакцияда жазылсын:
                                       «Кемені жөндеу қағидаларына
                                                5-қосымша»;
      6-қосымшаның оң жақ бұрышы мынадай редакцияда жазылсын:
                                       «Кемені жөндеу қағидаларына
                                                6-қосымша».
      2. Қазақстан Республикасы Инвестициялар және даму министрлігінің Көлік комитеті (Ә.А. Асавбаев):
      1) осы бұйрықтың Қазақстан Республикасы Әділет министрлігінде мемлекеттік тіркелуін;
      2) осы бұйрық Қазақстан Республикасы Әділет министрлігінде мемлекеттік тіркелгеннен кейін күнтізбелік он күн ішінде мерзімді баспа басылымдарында және «Әділет» ақпараттық-құқықтық жүйесінде, сондай-ақ Қазақстан Республикасы нормативтік құқықтық актілерінің эталондық бақылау банкіне енгізу үшін Республикалық құқықтық ақпарат орталығына ресми жариялауға оның көшірмелерін баспа және электрондық түрде жіберуді;
      3) осы бұйрықтың Қазақстан Республикасы Инвестициялар және даму министрлігінің интернет-ресурсында және мемлекеттік органдардың
интранет-порталында орналастырылуын;
      4) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде осы бұйрықтың
2-тармағының 1), 2) және 3) тармақшаларында көзделген іс-шаралардың орындалуы туралы мәліметтерді Қазақстан Республикасы Инвестициялар және даму министрлігінің Заң департаментіне ұсынуды қамтамасыз етсін.
      3. Осы бұйрықтың орындалуын бақылау жетекшілік ететін Қазақстан Республикасының Инвестициялар және даму вице-министріне жүктелсін.
      4. Осы бұйрық оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.

      Қазақстан Республикасының
      Инвестициялар және даму
      министрінің міндетін атқарушы              Ж. Қасымбек

Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады