Ақмола облысының жасыл екпелерін күтіп-ұстау және қорғау, қалалары және елді мекендерінің аумақтарын абаттандыру қағидаларын бекіту туралы

Күшін жойған

Ақмола облыстық мәслихатының 2015 жылғы 30 қыркүйектегі № 5С-41-10 шешімі. Ақмола облысының Әділет департаментінде 2015 жылғы 14 қазанда № 5011 болып тіркелді. Күші жойылды - Ақмола облыстық мәслихатының 2017 жылғы 29 наурыздағы № 6С-9-12 шешімімен

      Ескерту. Күші жойылды - Ақмола облыстық мәслихатының 29.03.2017 № 6С-9-12 (ресми жарияланған күннен бастап қолданысқа енгізіледі) шешімімен.
      РҚАО-ның ескертпесі.
      Құжаттың мәтінінде түпнұсқаның пунктуациясы мен орфографиясы сақталған.
      "Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасының 2001 жылғы 23 қаңтардағы Заңына сәйкес Ақмола облыстық мәслихаты ШЕШІМ ЕТТІ:
      1. Ақмола облысының жасыл екпелерін күтіп-ұстау және қорғау, қалалары және елді мекендерінің аумақтарын абаттандыру қағидалары бекітілсін.
      2. Осы шешім Ақмола облысының Әділет департаментінде мемлекеттік тіркелген күннен бастап күшіне енеді және ресми жарияланған күннен бастап қолданысқа енгізіледі.
      Ақмола облыстық
мәслихаты сессиясының
төрағасы
Ж.Камелиденов
      Ақмола облыстық
мәслихатының
хатшысы
Д.Нұрмолдин

  Ақмола облыстық мәслихатының
2015 жылғы 30 қыркүйектегі № 5С-41-10
шешімімен бекітілді

Ақмола облысының жасыл екпелерді күтіп-ұстау және қорғау, қалалар және елді мекендердің аумақтарын абаттандыру қағидалары
1. Жалпы ережелер

      1. Осы Жасыл екпелерді күтіп-ұстау және қорғау, Ақмола облысының аумақтарын абаттандырудың қағидалары (бұдан әрі – Қағидалар) Қазақстан Республикасының 1999 жылғы 1 шілдедегі Азаматтық кодексіне, 2003 жылғы 20 маусымдағы Қазақстан Республикасының Жер кодексіне, 2007 жылғы 9 қаңтардағы Қазақстан Республикасының Экологиялық кодексіне, "Әкімшілік құқық бұзушылық туралы" 2014 жылғы 5 шілдедегі Қазақстан Республикасының Кодексіне, Қазақстан Республикасының 2001 жылғы 16 шілдедегі "Қазақстан Республикасындағы сәулет, қала құрылысы және құрылыс қызметі туралы", 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңдарына (бұдан әрі – Заңдары), Қазақстан Республикасы Ұлттық экономика министрінің 2015 жылғы 20 наурыздағы бұйрығымен бекітілген Қағидалары Жасыл екпелерді күтіп-ұстау және қорғау, қалалар және елді мекендердің аумақтарын аббаттандырудың үлгі Қағидалары бекіту туралы мен өзге де нормативтік құқықтық актілерге сәйкес әзірленді.
      2. Қағидалар жасыл екпелерді күтіп-ұстау және қорғау, Ақмола облысының қалалар және елді мекендердің аумақтарын абаттандыру саласындағы тәртіпті айқындайды және қатынастарды реттейді.
      3. Осы Қағидаларда келесі ұғымдар пайдаланылады:
      1) абаттандыру - сол немесе өзге аумақты құрылыс, мақсаты бойынша қалыпты пайдалану үшін жарамды жағдайға келтіру, халықтың дені сау, жайлы және мәдениеті өмір сүру жағдайын жасау мақсатында жүзеге асырылатын жұмыстардың және іс-шаралардың жиынтығы;
      2) жасарту - қаңқалы және жартылай қаңқалы бұтақтарды қатты қысқарту, өркендерді сирету және реттеу, бас жағы мен бұталардың құрғау салдарынан өзінің декоративтік сапасын жоғалтқан, сау діңді және сүңгекті жасарту үшін жарамды ересек ағаштардың кемінде 3,5 метр биіктіктегі діңдерін кесу;
      3) жасыл алқап - түрлік құрамына қарамастан кемінде 0,125 га аумақта кемінде 50 дана ағашы бар көгалдандырылған аумақ;
      4) жасыл екпелер - азаматтық заңнамаға сәйкес жылжымайтын мүлік болып табылатын және қаланың бірыңғай жасыл қорын құрайтын табиғи өскен және жасанды егілген ағаш бұтақты және шөпті өсімдіктер;
      5) жасыл екпелерді жою - жасыл екпелердің өсуінің тоқтауына әкелетін зақымдану;
      6) жасыл екпелерді күтіп-ұстау және қорғау - жасыл екпелерді, көгалдандырылған аумақтар мен жасыл алқаптарды құруға, сақтауға және өсіруге (оның ішінде жойылған немесе зақымдалған жасыл екпелерді өтемдік қалпына келтіруге) бағытталған құқықтық, әкімшілік, ұйымдық және экономикалық шаралар жүйесі;
      7) жасыл екпелерді сақтау - абаттандыру және құрылыс жұмыстарының нүктесіне түсетін, аса құнды екпелердің тұқымдарын сақтауға бағытталған іс-шаралар кешені;
      8) жалпы пайдалымдағы жерлер - алаңдар, көшелер, тротуарлар, өтпе жолдар, жолдар, жағалаулар, саябақтар, скверлер, қала ормандары, бульварлар, су айдындары, жағажайлар, зираттар және халықтың мұқтажын қанағаттандыруға арналған өзге де объектілер (жалпы пайдалымдағы инженерлік жүйелер) үшін алынған және арналған жерлер;
      9) көгалдандырылған аумақ - табиғи жолмен өніп шыққан өсімдіктер орналасқан, жасанды жолмен жасалған бау-саябақ кешендері және объектілер, бульварлар, скверлер, көгалдар, гүлдер орналасқан жер учаскесі;
      10) қатты тұрмыстық қалдықтар - қатты түрдегі коммуналдық қалдықтар;
      11) өтемдік көгалдандыру - жойылған немесе зақымданған жасыл екпелердің орнына жасыл екпелерді отырғызу;
      12) өтпе жол - тұрғын үйлер мен қоғамдық ғимараттарға, мекемелерге, кәсіпорындарға, шағын аудандар, орамдар, елді мекендер ішіндегі құрылыс объектілеріне көлік құралдарының кіруін қамтамасыз ететін жол элементі;
      13) тротуар - жаяу жүргіншілердің жүруіне арналған, жолдың жүру бөлігімен шектесетін немесе одан көгалмен немесе арық жүйесімен бөлінген жолдың элементі;
      14) өкілетті орган - тұрғын үй-коммуналдық шаруашылығы саласындағы қызметті жүзеге асыратын аудандардың, облыстық маңызы бар қалалардың жергілікті атқарушы орган.
      15) ұйым - жүргізілетін жұмысқа қажетті қызметті жүзеге асыратын, материалдық және білікті еңбек ресурстары бар жеке кәсіпкерлік субъектісі немесе дауыс беретін акцияларының (жарғылық капиталға қатысу үлестерінің) елу және одан астам пайызы мемлекетке тиесілі заңды тұлға және олармен үлестес заңды тұлғалар;
      16) шағын сәулеттік нысандар - декоративтік сипаттағы және іс жүзіндегі пайдаланылатын объектілер (мүсіндер, субұрқақтар, барельефтер, гүл құмыралары, павильондар, күркелер, отырғыштар, құтылар, балалар ойындары және ересектердің демалысына арналған жабдықтар мен конструкциялар);
      17) іргелес аумақ - ғимараттар, құрылыстар, қорғаушылар, құрылыс алаңшаларының, сауда, жарнама объектілеріне және заңды немесе жеке тұлғалардың балансындағы, меншігіндегі, иелігіндегі, жалға алуындағы басқа объектілер шекараларына тікелей (периметрі бойынша 5 метр шекарадағы) жанасып жатқан аумақ.

2. Жасыл екпелерді күтіп-ұстау және қорғау

      4. Республикалық және жергілікті маңызы бар ерекше қорғалатын табиғи аумақтарда, жеке тұрғын үй және жеке меншік қосалқы шаруашылық аумақтарында, саяжайлар учаскелерінде және коммуналдық қызметтердің қарауына жататын зираттардың учаскелерінде өсетін жасыл екпелерді қоспағанда барлық жасыл екпелер бірыңғай жасыл қор құрайды және қорғалуға жатады.
      5. Жасыл екпелердің тіршілік әрекетін қамтамасыз етумен үйлеспейтін көгалдандырылған аумақтарды және жасыл алқаптарды пайдалануға жол берілмейді. Көгалдандырылған аумақтарды дамыту елді мекенді көгалдандырудың ұзақ мерзімді кешенді схемасына сәйкес жүргізіледі.
      6. Көгалдандыру бойынша барлық жұмыстың түрлерін жұмыс сызбаларына сәйкес бекітілген жобалар бойынша орындаған жөн. Көгалдандыру және абаттандыру бойынша жұмыстарды жүргізу кезінде орындалатын жұмыстардың сапасына және бекітілген жобаға, жұмыс сызбаларына сәйкес келуіне Заңдарға сәйкес авторлық қадағалау жүргізіледі.
      7. Жасыл екпелерді күтіп-ұстау көгалдандыру бойынша жұмыстардың негізгі түрлерін қамтиды:
      1) жасыл екпелерді отырғызу;
      2) ағаштардың діңгек қуысын орнатумен қыртыстарды қопсыту, ағаштарды ақтау;
      3) гүлдерді, көгалдарды орналастыру, арамшөптерді отау, шөптерді шабу;
      4) барлық вегетациялық кезеңде жасыл екпелерді суару;
      5) жасыл екпелерді қырқу, қайта отырғызу, кесу (апаттық, құрғаған, жасамыс ағаштарды және бұтақтарды санитариялық кесу);
      6) тыңайтқыштарды салу;
      7) жасыл екпелердің зиянкестерімен және ауруларымен күресу.
      8. Жасыл екпелерді қайта отырғызу жыл ішінде арнайы қайта отырғызу технологиясы сақталған жағдайда жүзеге асырылады. Жапырақты және қылқан жапырақты ағаштардың тиімді ұласып өсуі мақсатында оларды күз түскен кезеңнен бастап көктемнің бас кезіне дейін отырғызу ұсынылады.
      9. Ағаштарды жасарту және қалың өскен ағаштарды сирету жұмыстары вегетация басталғанға дейін немесе күздің соңында жүргізіледі.
      10. Құрылыс-монтаждау жұмыстарын жүргізу кезінде осы учаскеде сақтауға жататын барлық екпелер олардың тиімді қорғалуын қамтамасыз ететін арнайы қорғаныш қоршаулармен механикалық және өзге де зақымданулардан қорғалады.
      11. Құрылыс салуға немесе басқа жұмыстар жүргізуге бөлінетін учаскелерде жасыл екпелерді сақтау мүмкін болмаған жағдайда, жасыл екпелерді кесу немесе қайта отырғызу жүргізіледі.
      12. Жасыл екпелерді кесу:
      1) бекітілген және келісілген қала құрылысы құжаттамасында көзделген құрылыстың объектілерін орналастыру үшін жағдай жасауды қамтамасыз ету;
      2) инженерлік абаттандыру объектілеріне, жер үсті коммуникацияларына қызмет көрсету;
      3) апаттық және төтенше жағдайларды жою, оның ішінде инженерлік абаттандыру объектілерінде жою;
      4) жасыл екпелердің сапалық және түрлік құрамын жақсарту қажеттілігі;
      5) адамның өмірі мен денсаулығы қауіпсіздігіне қауіп төндіретін, сондай-ақ жеке және заңды тұлғалардың мүлкіне залал келтіруі мүмкін ескі екпелерді санитариялық кесу жағдайларында жүзеге асырылуы мүмкін.
      13. Жасыл екпелерді сырып тастау, қайта отырғызу, бөрікбастарды қырқу өкілетті орган берген Қағиданың 1-қосымшасына сәйкес рұқсат етіледі.
      14. Жасыл екпелерді сырып тастауға, қайта отырғызуға, бөрікбастарды қырқуға рұқсат алу үшін жеке немесе заңды тұлға өкілетті органға келесі құжаттарды ұсынуы тиіс:
      осы қағиданың 2-қосымшасына сәйкес, мекенжайы, жұмыс түрі, ағаштардың саны және түрі, жасыл желектеріне жүргізілуі тиіс жұмыстарды орындаудың себептері көрсетілген жазбаша өтінішін;
      жерге құқық белгілейтін құжаттарын:
      көгалдандыру екпелері белгіленген топографиялық сурет немесе жасыл желектері бар жер учаскесінің суреттерін;
      Жобалау ұйымдары үшін:
      бекітілген жобаны;
      коммуналдық қызметтермен келісулерді;
      көгалдандыру екпелері белгіленген топографиялық суретті немесе жасыл желектері бар жер учаскесінің суреттерін ұсыну қажет.
      15. Өтініштерді қарау мерзімі – өкілетті органға тапсырған күнінен бастап 15 күнтізбелік күн.
      16. Келіп түскен өтініштерді (өтінімдерді) қарау кезінде өкілетті орган жас көшеттерге жұмыстарды жүргізудің мақсаттылығы мен мүмкіндігін тексереді, анықтайды, орынға шығумен жасыл желектерін тексеру актісін рәсімдейді және жасыл желектерін кесу (таңдап, жаппай), алып тастау, қайта отырғызу, пішіндеп кесу (жасарту), бұтақтарын кесу және жас көшеттерге басқа да жұмыстардың жүргізілу қажеттілігі туралы қорытынды береді.
      17. Өкілетті органның көгалдандыру екпелерін алып тастауға арналған қорытындысын алғаннан кейін заңды немесе жеке тұлға кейіннен жергілікті бюджетке ақшалай қаржыны (алынып тасталатын жас көшеттердің құны) аударумен жас көшеттерге бағалауды жүргізуге лицензиясы бар ұйыммен шарт жасайды. Немесе 1:2 қатынастан кем емес алып тасталынған жасыл желектерін немесе өкілетті органның кесіп тастауға арналған қорытындысында көрсетілген ағаштардың кесілетін биомассасынан кем емес мөлшерде сондай ағаш түрлерімен қалпына келтіреді.
      Кесуге жататын ағаштардың нарықтық құны туралы есепті және жергілікті бюджетке төлем жасау түбіртегін немесе кескеннен кейін көктемгі-күзгі кезеңде жасыл желектерін отырғызу және қайта отырғызылған немесе отырғызылған жас көшеттерге күтім жұмыстарын екі жыл бойы жүргізу туралы кепілдеме хатты ұсынғаннан кейін өтініш беруші өкілетті органнан кесуге рұқсат алады.
      18. Рұқсат қағазын алғаннан кейін заңды немесе жеке тұлға жасыл желектерін өз күшімен кеседі (қайта отырғызады) немесе жасыл желектерін кесу, қайта отырғызу, пішіндеп кесу (жасарту), бұтақтарын кесу және басқа да жұмыстарды жүргізу үшін жұмыстардың осы түрлерін орындайтын ұйымдарға жүгінеді.
      19. Жалпы пайдаланылатын жерлердегі және ғимараттар, құрылыстар, көп қабатты тұрғын үйлер аумақтарында желдің және табиғи сипаттағы өзге де оқиғалардың, жол-көлік апаттары нәтижесінде ағаштар апатты құлаған жағдайда құлаған ағаштарды жинау, құлаған жерлерді уақтылы санитариялық тазалау және ағаш қалдықтарын шығару жер пайдалану құқығы шекарасындағы, сол аумақ тиесілі ұйымға немесе қызмет көрсететін учаскелері бойынша ұйымдарға жүктеледі.
      20. Өскен немесе зақымдалған жасыл екпелер өздігінен құлаған жағдайда, кінәлі тұлғаларды анықтау мүмкін болмаған кезде жасыл екпелерді қалпына келтіру жергілікті бюджет қаражаты есебінен жүргізіледі.
      21. Қаланың және елді мекеннің аумақтарында өтемдік отырғызу жүргізу үшін уәкілетті орган арнайы учаскелерді айқындайды.
      22. Жалпыға ортақ және арнайы пайдаланылатын жерлерде өтемдік отырғызуларды жалпыға ортақ пайдаланылатын жерлерде көгалдандыруды, жасыл екпелерді күтіп-баптауды және күтіп-ұстауды жүзеге асыратын ұйымдар жүргізеді.

3. Қалалар және елді мекендердің аумақтарын абаттандыру
1-параграф. Тазалық пен тәртіпті қамтамасыз ету

      23. Жеке және заңды тұлғалар барлық аумақта, оның ішінде жеке үй иелері аумақтарында тазалықты сақтайды және тәртіпті қолдайды, абаттандыру элементтерінің (жолдар, тротуарлар, көгалдар, шағын сәулет нысандары, жарықтандыру, су бұрулар) зақымдануына және бұзылуына жол бермейді.
      24. Жергілікті жерлерді ағымдағы санитариялық күтіп-ұстауды осы саладағы қызметті жүзеге асыратын ұйымдар жүзеге асырады.
      25. Барлық ұйымдық-құқықтық нысандардың жеке және заңды тұлғалары, оның ішінде күрделі және уақытша объектілердің иелері мыналарды:
      1) дербес өз қаражаты есебінен немесе ұйымдармен шарттар жасасу жолымен бөлінген аумақты санитариялық күтіп-ұстауды және абаттандыруды қамтамасыз етеді;
      2) кез келген меншік объектілеріне ұқыпты қарайды, мемлекеттік меншік объектілеріне залал келтірген жағдайлар туралы тиісті органдарды хабардар етеді;
      3) көшелер және үй нөмірлері көрсетілген тақтайларды техникалық дұрыс жағдайда және тазалықта ұстайды;
      4) қоршауларды (шарбақтарды) және шағын сәулет нысандарын тиісті жағдайда (қоршаудың (шарбақтың) сыртқы жағын бояу, әктеу) күтіп-ұстайды.

2-параграф. Аумақтарды жинауды ұйымдастыру

      26. Жалпыға ортақ пайдаланылатын орындарды жинау және күтіп-ұстау мынадай жұмыс түрлерін қамтиды:
      1) ұсақ және тұрмыстық қоқыстар мен қалдықтарды жинау және шығару;
      2) ірі көлемді қоқыстар мен қалдықтарды жинау және шығару;
      3) сыпыру;
      4) қамысты, қурайды, шөптерді және басқа да жабайы өсімдіктерді шабу және шығару;
      5) қоршаулар мен шағын сәулет нысандарын жөндеу және сырлау.
      27. Жалпыға ортақ пайдаланылатын аумақтарда орналасқан парктерді, скверлерді, бульварларды, су айдындарын, жағажайларды, зираттарды, оның ішінде оларда орналасқан тротуарларды, жаяу жүргіншілер аймақтарын, саты баспалдақтарын жинауды заңды және жеке тұлғалар мен осы объектілерге қызмет көрсететін және пайдаланатын аумақтарды бекіту субъектілері жүргізеді.
      28. Объектілердің меншік иелері жапсарлас аумақтарда (автотұрақтар, боксты гараждар, ангарлар, қосалқы қойма құрылыстары, ғимараттар, сауда және қызмет көрсету объектілері) санитариялық тазалауды және жинауды коммуналдық шаруашылық ұйымдарымен қамтамасыз етеді немесе оны өз бетінше жүргізеді.
      29. Көшелер мен өтпе жолдардың бойында орналасқан тротуарларды, жолаушылар көлігінің аялдама алаңын жинауды, жүру бөліктерін жинауға және күтіп ұстауға жауапты ұйымдар жүргізеді.
      30. Аялдама кешендерін және қоғамдық жолаушылар көлігінің аялдама алаңында оларға іргелес аумақтарды, ақыла автотұрақтар, гараждардың аумақтарын, сондай-ақ кіреберіс жолдарды, іргелес аумақтарды жинауды және жууды олардың иелері жүзеге асырады.
      31. Жол жөндеу жұмыстарын жүргізген кезде құрылыс қоқыстарын осы жұмыстарды жүргізген ұйымдар шығарады.
      32. Су ағатын желілерде ластануды болдырмау үшін су ағатын коллекторларда, жауын суын қабылдайтын құдықтарда және арық жүйесінде қоқыстардың тасталуына жол берілмейді.
      33. Жерүсті инженерлік құрылыстарын пайдаланушы ұйымдар мен иелері инженерлік желілердің қорғалатын аймақтарының шекарасында іргелес аумақтардың санитариялық күтіп-ұсталуын қамтамасыз етеді.
      34. Көшелер мен өтпе жолдардан қарды шығару арнайы дайындалған алаңдарда жүзеге асырылады. Жергілікті атқарушы органдармен келісілмеген орындардан қар шығаруға жол берілмейді.
      35. Қарды уақытша жинау орындары қар ерігеннен кейін қоқыстардан тазартылып және абаттандырылуы тиіс.

3-параграф. Қалдықтарды жинау және шығару

      36. Жеке және заңды тұлғалар, олардың қызметі нәтижесінде пайда болған өндіріс және тұтыну қалдықтары пайда болған кезінен бастап қалдықтармен қауіпсіз жұмыс істеуді қамтамасыз етеді. Жеке және заңды тұлғалар қатты тұрмыстық қалдықтарға арналған контейнерлерде қатты тұрмыстық қалдықтарға арналған контейнерлерде қатты тұрмыстық қалдықтарды жинақтайды.
      37. Қатты тұрмыстық қалдықтарды шығаруды өкілетті органмен белгіленген кестеге сәйкес мерзімде ұйымдармен жүзеге асырылады. Кестелер қатты тұрмыстық қалдықтарды жинау алаңдарында ілінеді.
      38. Құрылыстарды және жылжымайтын объектілерді жөндеуді жүзеге асыратын жеке және заңды тұлғалар құрылыс қоқысын кәдеге жарату шарттарын жасасуы қажет, оны белгіленген орынға өз бетінше немесе қоқыс шығаруды жүзеге асыратын ұйымдармен шарт бойынша шығарады.
      39. Үй иелерінің аумағында мамандандырылған көлік үшін ыңғайлы кірме жолдармен контейнерлерді орналастыруға арналған арнайы алаңдар асфальтты жамылғысы және қоршауы болады. Қатты тұрмыстық қалдықтарды жинау үшін жапқыштары бар контейнерлерді қолданған жөн.
      40. Қатты тұрмыстық қалдықтарға арналған контейнерлерге және контейнерлік алаңдарда күл тастауға және жинауға жол берілмейді.
      41. Қатты тұрмыстық қалдықтар қоқыс шығаратын көліктермен, үй иелерінің кәрізденбеген сұйық қалдықтары ассенизациялы вакуумдық көліктермен шығарылады.
      42. Сұйық қалдықтар мамандандырылған автокөлікпен арнайы бөлінген орындарға шығарылады. Контейнерлер босатылғаннан кейін орындар дезинфекциялайтын ерітінділермен өңделеді немесе босатылған орындарда өңдеуде өткен тазаларына ауыстырылады. Контейнерлерді өңдеу орындары тазалауға, жууға және дезинфекциялауға арналған, ыстық және суық су өткізілген, судың ағып кетуі ұйымдастырылған құрылғылармен жабдықталуы тиіс.
      43. Сұйық тұрмыстық қалдықтар мен ірі көлемді қоқыстарды қоқыс шығару құбырына тастауға жатпайды.
      44. Қоқыс шығару құбырын пайдалануды иелігінде тұрғын үй орналасқан пайдаланушы ұйым жүзеге асырады.
      45. Жеке тұлғалар контейнер алаңдары аумағында орналасқан, құрамында сынап бар шамдар мен аспаптарды жинау үшін арнайы контейнерлерде істен шыққан құрамында сынап бар шамдар мен аспаптарды қауіпсіз жинауды қамтамасыз етеді.
      46. Контейнерлік алаңдарды және контейнерлерді пайдаланатын және оларға қызмет көрсететін ұйымдар:
      1) контейнерлік алаңдарды және оған іргелес аумақтарды тиісті санитариялық күтіп-ұстауды қамтамасыз етеді;
      2) оларға уақтылы жөндеу жүргізеді және одан әрі пайдалануға жарамсыз контейнерлерді ауыстырады;
      3) қоқыс қабылдайтын камералардың, алаңдардың, сондай-ақ қалдық жинағыштардың тұрақты жуылуын, дезинфекциялануын, шыбындарға, кеміргіштерге қарсы дезинсекциялануын, дератизацияланауын қамтамасыз ету бойынша шараларды қабылдайды.
      47. Контейнерлерден қоқыс шығаратын машинаға тиеу кезінде шашылып қалған қоқыстарды қатты тұрмыстық қалдықтарды шығаруды жүзеге асыратын ұйымдардың жұмысшылары шығарады.
      48. Вокзалдарда, базарларда, әуежайларда, саябақтарда, демалыс аймақтарында, алаңдарда, білім беру, денсаулық сақтау мекемелерінде, көшелерде, қоғамдық жолаушылар көлігі аялдамаларында, сауда объектілерінің кіреберістерінде қоқысқа арналған құтылар орнатылады. Халық көп келетін орындарда құтылар бір-бірінен кемінде 50 метр арақашықтықта; аулаларда, саябақтарда, алаңдарда 10-нан 100 метрге дейінгі арақашықтықта құтылар орнатылады. Жолаушылар көлігі аялдамаларында және сауда объектілерінің кіреберістерінде екі құты орнатылады.
      49. Құтыларды орнатуды, тазартуды және жууды аумақты пайдаланатын ұйымдар немесе аумаққа иелік ететін немесе пайдаланатын ұйымдар жүргізеді. Құтылар толу шамасына қарай, бірақ күніне бір реттен кем емес тазартылады. Құтылар ластану деңгейіне қарай, бірақ аптасына бір реттен кем емес.

4-параграф. Көшелерді, тұрғын үй орамдарын және шығатын аудандарды абаттандыру

      50. Шағын аудандар мен орамдардың тұрғын үй аймақтары қоқыс контейнерлерін қоятын, кір кептіретін, демалатын, балалар ойнайтын, спортпен айналысатын, үй жануарларын серуендетуге арналған алаңдармен, автотұрақтармен, жасыл аймақтармен жабдықталады.
      51. Алаңдардың саны, орналасуы мен жабдықталуы құрылыс және санитариялық нормаларға сәйкес болуы тиіс.

5-параграф. Ғимараттар мен құрылыстардың қасбеттерін күтіп-ұстау

      52. Қарамағында ғимараттар мен құрылыстар бар жеке және заңды тұлғалар, ғимараттар мен құрылыстардың меншік иелері көрсетілген объектілердің қасбеттерін және олардың жекелеген элементтерін (балкондар, лоджиялар, су ағатын құбырлар) қалпына келтіру, жөндеу және бояу бойынша жұмыстарды уақытылы жүргізуді қамтамасыз етеді, сондай-ақ қасбеттерде орналастырылған ақпараттық тақтайшаларды, ескерткіш тақтайларды таза және дұрыс жағдайда ұстайды. Дүкендер мен кеңселердің көшелерге қасбеттермен шығатын витриналары жарықпен безендіріледі.
      53. Өз еркімен ғимараттардың қасбеттерін және олардың конструктивтік элементтерін қайта жабдықтауға жол берілмейді.

6-параграф. Сыртқы жарықтандыруды және субұрқақтарды күтіп ұстау

      54. Көшелердің, жолдардың, алаңдардың, жағалаулардың және басқа жарықтандырылатын объектілердің сыртқы жарығын қосу жергілікті атқарушы орган бекіткен кесте бойынша табиғи жарық деңгейінің азаюы кезінде кешкі ымырт кезінде 20 люкске дейін, ал сөнуі - таңғы күңгіртте 10 люкске дейін артуы кезінде жүргізіледі.
      55. Сыртқы жарық құрылғылары мен байланыс желілерінің элементтері, металл бағаналары, кронштейндер тазалықта ұсталып, тот басу ошағы болмай, сырлануы қажет. Жанып кеткен шамдарды ауыстыруды тиісті ұйымдар жүзеге асырады.
      56. Істен шыққан құрамында сынып бар газ разрядты шамдар осы мақсаттарға арналған арнайы бөлінген үй-жайларда сақталады және олар кәдеге жарату үшін арнайы кәсіпорындарға шығарылады. Көрсетілген шамдардың түрлері полигонға шығарылмайды.
      57. Электрлендірілген көліктің жарық және байланыс желілерінің құлап қалған бағаналарын шығаруды негізгі магистральдарда бағана иелері тез жүзеге асырады; басқа аумақтарда, сондай-ақ бөлшектелген бағаналар тәулік ішінде шығарылады.
      58. Уәкілетті орган коммуналдық меншіктегі субұрқақтардың тиісті жағдайын және пайдалануын қамтамасыз етеді.
      59. Субұрқақтарды қосу мерзімін, олардың жұмыс істеу режимін, тостағандарын жуу және тазарту кестесін, технологиялық үзілістерін және жұмыс ітеуінің аяқталуын уәкілетті орган айқындайды.
      60. Субұрқақтар жұмыс істеп тұрған кезеңде судың беті күн сайын қоқыстан тазартылады. Пайдаланушы ұйымдар субұрқақтардың тазалығын жұмысы тоқтаған кезен де, оларды тазалықта ұстайды.

  Ақмола облысының жасыл
екпелерді күтіп-ұстау және
қорғау, қалалар және елді
мекендердің аумақтарын
абаттандыру қағидаларына
1-қосымша

      "__________________________________________________
      (қала, аудан)
      тұрғын үй-коммуналдық шаруашылық, жолаушылар көлігі
      және автомобиль жолдары бөлімі" мемлекеттік мекемесі
      № ____ РҰҚСАТ
      ___________________________________________________________________
      (жұмыстардың түрін көрсету (жасыл екпелерді сырып тастау, қайта отырғызу, бөрікбастарын кесу тағы басқа)
      Тапсырыс берушіге______________________________________________
      (заңды тұлғаның атауы, жеке тұлғаның тегі, аты, әкесінің аты)
      рұқсат беріледі______________________________________________________
      (орындалатын жұмыстардың сипаттамасы)
      мекенжай (нысан) бойынша: ___________________________________________
      рұқсатқа негіздеме:__________________________________________________
      жұмыстардың басталуы және аяқталуы 20__ жылғы "___" _______-дан 20__ жылғы "___" _______ дейін.
      Жұмыстар осы рұқсатта көрсетілген мерзімдерде басталуы және аяқталуы тиіс.
      Сонымен қатар, бірінші басшыға жасыл екпелерді қорғау, ұстау және сақтау жөніндегі толық кешенді іс-шараларды жүргізу жүктеледі.
      Мен, __________________________________________________________
      (заңды тұлғаның өкілінің, жеке тұлғаның тегі, аты, әкесінің аты)
      жоғарыдағы барлық талаптарды және жұмысты рұқсатта көрсетілген мерзімде орындауға міндеттенемін.
      ___________________________
      (елді мекен)
      Тұрғын үй-коммуналдық шаруашылық,
      жолаушылар көлігі және автомобиль
      жолдары бөлімі" мемлекеттік
      мекемесінің басшысы
      _____________ _____________________________
      (қолы) (тегі, аты, әкесінің аты)
      Мөр орны

  Ақмола облысының жасыл
екпелерді күтіп-ұстау және
қорғау, қалалар және елді
мекендердің аумақтарын
абаттандыру қағидаларына
2-қосымша

      "___________________________
      (қала, аудан)
      тұрғын үй-коммуналдық шаруашылық,
      жолаушылар көлігі және автомобиль
      жолдары бөлімі" мемлекеттік мекемесі
      ____________________________
      мекенжайы
      ____________________
      телефоны
      Өтініш
      ____________________________________________________ байланысты
      (жұмыстарды жүргізудің мақсаты мен себептері көрсетілсін)
      __________________________________________ мекенжайы (объект) бойынша
      _________ дана ___________________________ түрі ағаштарын (бұталарын)
      _________________________________________ рұқсат беруіңізді сұраймын.
      (жоспарланатын жұмыстардың түрі көрсетілсін)
      Қосымша:
      Жеке және заңды тұлғалар үшін:
      жерге құқық белгілейтін құжаттар;
      жасыл желектері белгіленген топографиялық сурет немесе жасыл желектері бар жер учаскесінің суреттері.
      Жобалау ұйымдары үшін:
      бекітілген жоба;
      коммуналдық қызметтермен жасалған келісім;
      жасыл желектері белгіленген топографиялық сурет немесе жасыл желектері бар жер учаскесінің суреттері;
      (сенімхатпен өтініш білдірген кезде – өтінішке сенімхаттың, жеке куәліктің көшірмелері қоса берілсін)
      _________________ ______________________
      (күні) (қолы)

Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады