"Мемлекеттік статистика туралы" Қазақстан Республикасының 2010 жылғы 19 наурыздағы Заңының 12-бабының 5) тармақшасына, сондай-ақ Қазақстан Республикасы Үкіметінің 2014 жылғы 24 қыркүйектегі № 1011 қаулысымен бекітілген Қазақстан Республикасы Ұлттық экономика министрлігі туралы ереженің 17-тармағының 258) тармақшасына сәйкес, БҰЙЫРАМЫН:
1.Қоса беріліп отырған Мәдениет статистикасы көрсеткіштерін қалыптастыру бойынша әдістеме бекітілсін.
2. Қазақстан Республикасы Ұлттық экономика министрлігі Статистика комитетінің Қызмет көрсету және энергетика статистикасы басқармасы Заң басқармасымен бірлесіп заңнамада белгіленген тәртіппен:
1) осы бұйрықтың Қазақстан Республикасы Әділет министрлігінде мемлекеттік тіркелуін;
2) осы бұйрық мемлекеттік тіркелген күннен бастап күнтізбелік он күн ішінде оның көшірмесін қазақ және орыс тілдерінде баспа және электрондық түрде ресми жариялану және Қазақстан Республикасы нормативтік құқықтық актілерінің эталондық бақылау банкіне енгізу үшін "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жіберілуін;
3) осы бұйрық мемлекеттік тіркелгеннен кейін күнтізбелік он күн ішінде оның көшірмесін мерзімді баспасөз басылымдарында ресми жариялануға жіберілуін;
4) осы бұйрықтың Қазақстан Республикасы Ұлттық экономика министрлігі Статистика комитетінің интернет-ресурсында орналастырылуын қамтамасыз етсін.
3. Қазақстан Республикасы Ұлттық экономика министрлігі Статистика комитетінің Қызмет көрсету және энергетика статистикасы басқармасы осы бұйрықты жұмыс бабында басшылыққа алу және пайдалану үшін Қазақстан Республикасы Ұлттық экономика министрлігі Статистика комитетінің құрылымдық бөлімшелеріне және аумақтық органдарына жеткізсін.
4. Осы бұйрықтың орындалуын бақылау жетекшілік ететін Қазақстан Республикасы Ұлттық экономика министрлігі Статистика комитеті төрағасының орынбасарына (Г.М. Керімханова) жүктелсін.
5. Осы бұйрық алғашқы ресми жарияланған күнінен кейін он күнтізбелік күн өткен соң қолданысқа енгізіледі.
|
Қазақстан Республикасының Ұлттық экономика министрлігі Статистика комитетінің Төрағасы |
Н. Айдапкелов |
"КЕЛІСІЛГЕН"
Қазақстан Республикасы
Мәдениет және спорт министрі
____________А. Мұхамедиұлы
2016 жыл 14 желтоқсан
| Қазақстан Республикасы Ұлттық экономика министрлігі Статистика комитеті төрағасының 2016 жылғы 5 желтоқсандағы № 301 бұйрығымен бекітілді |
Мәдениет статистикасы көрсеткіштерін қалыптастыру бойынша әдістеме 1-тарау. Жалпы ережелер
1. Мәдениет статистикасы көрсеткіштерін қалыптастыру бойынша әдістеме (бұдан әрі - Әдістеме) халықаралық стандарттарға сәйкес қалыптастырылатын және "Мемлекеттік статистика туралы" Қазақстан Республикасының 2010 жылғы 19 наурыздағы Заңына сәйкес бекітілетін статистикалық әдіснамаға жатады.
2. Осы Әдістеме жалпымемлекеттік статистикалық байқауларды өткізу кезінде мәдениет ұйымдарының қызметі туралы статистикалық ақпаратты алудың негізгі аспектілері мен әдістерін айқындайды.
3. Осы Әдістеменің мақсаты мәдениет саласындағы статистикалық көрсеткіштер жүйесін олардың халықаралық деңгейде салғастырымдылығын қамтамасыз ету үшін қалыптастыру болып табылады.
4. Осы Әдістеме Қазақстан Республикасы Ұлттық экономика министрлігі Статистика комитеті және оның аумақтық органдары қызметкерлерінің статистикалық қызметінде пайдалануға арналған.
2-тарау. Мәдениет саласындағы статистикалық байқаулардың объектілері
5. Мәдениет саласындағы статистикалық көрсеткіштерді өлшеу үшін мәденит ұйымдарының сандық және (немесе) сапалық сипаттамалары пайдаланылады.
Мәдениет саласындағы статистикалық көрсеткіштер жылдық кезеңділікте қалыптасады.
6. Әкімшілік дереккөздер қалыптастыратын әкімшілік деректер және жалпымемлекеттік статистикалық байқаулардың деректері мәдениет саласындағы статистикалық ақпараттың дереккөздері болып табылады.
7. Мәдениет туралы кең ауқымды деректер алуға пайданылатын әкімшілік деректер мен жалпымемлекеттік статистикалық байқау деректері мәдениет саласындағы жұмыспен қамту сияқты мәдениетті тұтыну ретінде де мәдениеттің жалпы ішкі өнімге және үрдіске қатысы бойынша ұлттық экономикадағы мәдениет үлесін анықтауға мүмкіндік береді.
8. Кітапханалар бойынша статистикалық байқаулардың объектілері:
1) кітапханалар және олар орналасқан алаңы, пайдаланушылар, оқу залдарындағы орындар мен келушілер, жылжымалы пункттер, кітапханадағы ақпараттық-коммуникациялық технологиялар саны;
2) кітапхана қорларын қалыптастыру, сақтау, пайдалану, баспа және қолжазба құжаттарын, сондай-ақ графикалық, аудиовизуалдық материалдарды, электрондық жеткізгіштегі құжаттарды беру болып табылады.
Кітапханалар әмбебап, салалық, салааралық, жасөспірімдік, балалар кітапханалары, сондай-ақ көрмейтін және нашар көретін азаматтар үшін арнайы кітапханалар болып бөлінеді.
9. Театрлар бойынша статистикалық байқаудың объектілері: театрлар және олардың орналасқан алаңы, ғимараттар (үй-жайлар) мен көрермендер залындағы орындар, сахналық қойылымдар, көрермендер, театрлардағы ақпараттық-коммуникациялық технологиялардың саны болып табылады.
Әдебиет және өнер туындыларының сахналық көрсетілімдерін (драмалық, музыкалық-драмалық, музыкалық, хореографиялық, қуыршақ, пантомима, сатира және юмор, балалар мен жасөспірімдерге арналған, жастарға арналған, эксперименттік және өзгелері) жүзеге асыратын ойын-сауық ұйымдары театрлар болып табылады.
10. Мәдени-демалыс ұйымдары бойынша статистикалық байқаудың объектілері: ғимараттар (үй-жайлар) және олар орналасқан алаңы, көрермен залындағы орындар, ашық аспан астында орналасқан саябақтар, үй-жайда орналасқан саябақтар, өткізілген бұқаралық мәдени іс-шаралар және өткізілген іс-шаралардағы көрермендер, үйірмелерге, қолданбалы өнер мен қолданбалы білім курстарына, қызығушылықтары бойынша біріккен әуесқой бірлестіктері мен клубтарына қатысушылар саны болып табылады.
Мәдени-демалыс ұйымдарына күнделікті көпшіліктің араласу (клубтар, мәдениет және демалыс парктері, мәдениет үйлері мен сарайлары, халық шығармашылығы орталықтары (үйлері)), жеке адамды дамыту, көркемөнерпаз халық шығармашылығы орталықтары жатады.
11. Концерттік ұйымдар және олардың орналасқан алаңы, ғимараттар (үй-жайлар), іс-шаралар, концерттік ұйымдар өткізген іс-шаралар, іс-шаралардағы көрермендер, концерт залының сыйымдылық саны концерттік ұйымдар бойынша статистикалық байқаудың объектісі болып табылады.
Әдебиет және өнер туындыларын көпшілік алдында орындауға және көркемдік ұжымдар мен жекелеген орындаушыларды танымал етуге жағдайлар жасау үшін шаралар кешенін іске асыратын ойын-сауық ұйымдары концерттік ұйымдар болып табылады.
12. Цирктер және олардың орналасқан алаңы, ғимараттар (үй-жайлар) саны, іс-шаралар, көрермендер залындағы орындар, сахналық қойылымдар және көрермендер, цирктердегі ақпараттық-коммуникациялық технологиялардың саны цирктер бойынша статистикалық байқаудың объектісі болып табылады.
Эстрадалық-цирк жанрындағы туындылардың сахналық көрсетілімдерін жүзеге асыратын театр-ойын-сауық ұйымдары цирктер болып табылады.
13. Музейлер және олардың орналасқан алаңы, ғимараттар (үй-жайлар) музей қорындағы жәдігерлер, жыл ішінде жәдігерленген қалпына келтіруді талап ететін жәдігерлер, бір жылда келіп түскен, ғылыми-қосалқы қор жәдігерлер, музей-қорықтың тарихи және мәдениет ескерткіштер, келушілер, экскурсиялар, дәрістер, музейдегі ақпараттық-коммуникациялық технологиялардың саны музейлер бойынша статистикалық байқаудың объектісі болып табылады.
Музей заттары мен музей коллекцияларын сақтау, зерделеу және көпшілікке көрсету үшін құрылған, мәдени, білім беру, ғылыми-зерттеу функцияларын жүзеге асыруға және Қазақстан Республикасының тарихи-мәдени мұрасын кеңінен танытуды қамтамасыз етуге арналған мәдениет ұйымдары музейлер болып табылады.
14. Киноматографиялық ұйымдар бойынша статистикалық байқаулардың объектісі: кинотеатрлар саны, түрлері (көп залды, цифрлық) және олардың орналасқан алаңы , кинозалдар мен олардағы орындар, тұрақты және жылжымалы киноқондырғылар, көрсетілген фильмдер, өткізілген киносеанстар мен келушілер, өткізілген киносеанстар және көрермендер, жалға берілуге жіберілген фильмдер, өндірісінің түрі, типі мен тәсілі, түпнұсқасының тілі бойынша түсірілген фильмдер, көрсетілген қызметтерден түскен пайда болып табылады.
15. Хайуанаттар парктері мен океанариум бойынша статистикалық байқаулардың объектісі: олардың саны және олардың орналасқан алаңы, жануарларға арналған үй-жайлар, келушілер, өткізілген экскурсиялар, ұйымдастырылған көрмелер, жануарлар түрлері мен данасының саны болып табылады.
3-тарау. Мәдениет статистикасы бойынша жеке көрсеткіштерді есептеу әдістері
16. Қазақстан Республикасындағы мәдениетті дамыту деңгейін сипаттау үшін пайдаланылатын жеке көрсеткіштерді есептеу:
17. Он мың халыққа есептегенде қолжетімді кітапханалардың саны мына формула бойынша есептеледі:
мұнда:
Саны – он мың халыққа есептегенде қолжетімді кітапханалар саны;
Қол.кіт.сан. - қолжетімді кітапханалар саны - есепті кезеңге барлығы;
Хал.сан. - есеп кезеңіндегі халықтың орташа жылдық саны.
18. Бір қолжетімді кітапханаға оқырмандардың орташа саны мына формула бойынша есептеледі:
мұнда:
Оқыр.орт.сан. - бір қолжетімді кітапханаға оқырмандардың орташа саны;
Оқыр.сан. - қолжетімді кітапханаларда оқырмандар саны - есепті кезеңге барлығы;
Қол.кіт.сан. - қолжетімді кітапханалар саны - есепті кезеңге барлығы.
19. Берілген кітаптар мен журналдар саны орташа бір оқырманға есептегенде мына формула бойынша есептеледі:
мұнда:
Бер.кіт.орт. - бір оқырманға берілген кітаптар және журналдардың орташа саны;
Кітап.бер.кіт.- кітапханада берілген кітап және журнал саны - есепті кезеңге барлығы;
Оқыр.сан.- қолжетімді кітапханаларда оқырмандардың саны - есепті кезеңге барлығы.
20. Бір тұрғынға есептегенде киносеансқа келудің орташа саны мына формула бойынша:
мұнда:
Кино.келу.орт. - орташа бір тұрғынға есептегенде киносеансқа келу саны;
Кино.келу.сан - киносеансқа келушілер саны - есепті жылға барлығы;
Хал.сан. – орташа жылдық халық санының есепті кезеңі.
21. Мың халыққа есептегенде музейге келулер саны мына формула бойынша есептеледі:
мұнда:
Муз.келу.сан. мың хал. – мың халыққа есептегенде музейге келулер саны;
Муз.келу.сан. - музейге келушілер саны - есепті кезеңге барлығы;
Хсаны - есепті кезеңдегі халықтың орташа саны.
